ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • پاکستان میں کرکٹ کی بحالی، ڈیرن سیمی کو صلہ مل گیا

    پاکستان میں کرکٹ کی بحالی، ڈیرن سیمی کو صلہ مل گیا

    پاکستان میں کرکٹ کی بحالی میں اہم کردار ادا کرنے والے ویسٹ انڈیز کے سابق کپتان ڈیرن سیمی کو ان کی خدمات کا صلہ مل گیا۔

    تفصیلات کے مطابق سماجی رابطے کی سائٹ ٹوئٹر پر ڈیرن سیمی نے ستارہ پاکستان کا ایوارڈ ملنے کی تصویر شیئر کی ہے، ان تصاویر کو شیئر کرتے ہوئے سیمی نے لکھا کہ ’جی ہاں یہ میں ہوں جسے ستارہ پاکستان سے نوازا جارہا ہے جو کہ میرے لیے فخر کی بات ہے‘۔

    ویسٹ انڈیز کے سابق کپتان نے اپنی انسٹا گرام اسٹوری پر لکھا کہ ” کرکٹ نے مجھے پوری دنیا گھمائی، جس کی مدد سے میں نے دنیا کی حیرت انگیز جہگوں کو دیکھا اور لطف اندوز ہوا، پاکستان یقیناً ان جگہوں میں سے ایک ہے۔

    ڈیرن سیمی نے کہا کہ "ایک ایسی جگہ جو ہمیشہ مجھے اپنا گھر محسوس ہوتی ہے”، حکومت پاکستان اور عوام کی جانب سے ستارہ پاکستان کا حاصل کرنا میرے لئے اعزاز کی بات ہے۔

    واضح رہے کہ ویسٹ انڈیز کے سابق کپتان ڈیرن سیمی نے پاکستان میں بین الاقوامی کرکٹ کی بحالی کے لیے اہم کردار ادا کیا، انہوں نے پاکستان کی مقبول ترین پاکستان سپر لیگ (پی ایس ایل) میں پشاور زلمی کی نمائندگی کی۔

    ستارہ پاکستان کے اعزاز سے نوازنے پر شائقین کرکٹ کی جانب سے اس اقدام کو خوب سراہا جارہا ہے جبکہ انہیں مبارک باد بھی پیش کی جارہی ہیں۔

     

    View this post on Instagram

     

    A post shared by Daren (@darensammy88)

     

  • پی ایس ایل 7: کراچی کنگز اور دفاعی چیمپئن ملتان سلطانز آج آمنے سامنے

    پی ایس ایل 7: کراچی کنگز اور دفاعی چیمپئن ملتان سلطانز آج آمنے سامنے

    لاہور: پی ایس ایل سیون کی پہلی جیت کی تلاش میں مصروف کراچی کنگز کا آج دفاعی چیمپئن ملتان سلطانز سے مقابلہ ہوگا۔

    تفصیلات کے مطابق لاہور کے قذافی اسٹیڈیم میں پی ایس ایل سیون کا میلہ جاری ہے، ایونٹ کا 23 واں میچ آج دفاعی
    چیمپئن ملتان سلطانز اور کراچی کنگز کے درمیان شیڈول ہے، میچ شام ساڑھے سات بجے کھیلا جائے گا۔

    ملتان سلطانز پہلے ہی 6 میچز جیت کر پلے آف مرحلے میں کوالیفائی کرچکی ہے جبکہ اسے ایونٹ میں صرف 1 میچ میں شکست کا سامنا کرنا پڑا ہے۔

    یہ بھی پڑھیں: یونائیٹڈ‌ نے کراچی کنگز کو سنسنی خیز مقابلے کے بعد شکست دے دی

    کراچی کنگز پلے آف کی دوڑ سے پہلے ہی باہر ہوچکی، کراچی میں کھیلے جانے والے پہلے مرحلے میں ملتان سلطانز ہی فاتح رہے تھے۔

    ایونٹ میں مسلسل سات مرتبہ ہار کا سامنا کرنے والی ٹیم کراچی پہلی جیت کی منتظر ہے، دونوں ٹیموں کے مابین اب تک ہونے والےسات مقابلوں میں کنگز کو برتری حاصل ہے، سلطانز کو 5 مرتبہ شکست کا سامنا کرنا پڑا۔

  • پی ایس ایل7: لاہور قلندرز اور دفاعی چیمپئن ملتان سلطانز مد مقابل

    پی ایس ایل7: لاہور قلندرز اور دفاعی چیمپئن ملتان سلطانز مد مقابل

    لاہور: پی ایس ایل سیون دوسرے مرحلے میں آج ایک میچ کھیلا جائے گا، لاہور قلندرز اور دفاعی چیمپئن ملتان سلطانز آمنے سامنے ہوں گے۔

    تفصیلات کے مطابق کراچی کے بعد لاہور میں پی ایس ایل مقابلوں کا آغاز ہوچکا ہے، گذشتہ روز کھیلے گئے دوسرے مرحلے کے پہلے میچ میں دفاعی چیمپئن ملتان سلطانز نے ایونٹ میں مسلسل چھٹی فتح سمیٹی۔

     قذافی اسٹیڈیم میں کھیلے گئے میچ میں سلطانز کی جانب دیے گئے 183 رنز کے تعاقب میں زلمی 140 رنز پر ڈھیر ہوگئی تھی، شان مسعود کو شاندار نصف سنچری پر میچ کا بہترین کھلاڑی قرار دیا گیا۔

    یہ بھی پڑھیں: زلمی کو پچھاڑ‌کر سلطانز پلے آف میں‌ پہنچنے والی پہلی ٹیم بن گئی

    آج قذافی اسٹیڈیم میں لاہور قلندرز اور دفاعی چیمپئن ملتان سلطانز مد مقابل ہونگی، میچ شام 7.30 بجے شروع ہوگا۔

    آخری پانچ مقابلوں میں قلندرز کو سلطانز پر برتری حاصل ہے تاہم سیزن سیون کے پہلے راؤنڈ میں لاہور کے خلاف جیت کے بعد ملتان کا مورال ہائی ہے، کرکٹ دیوانوں کو شاہین اور رضوان میں ایک اور تگڑے مقابلے کا بے صبری سے انتظار ہے۔

    ملتان سلطانز 6 میچز جیت کر پلے آف مرحلے میں داخل ہونے والی پہلی ٹیم بن چکی ہے۔

    ادھر لاہور قلندرز نے 5 میچز کھیل کر 6 پوائنٹس حاصل کررکھے ہیں، اور وہ پوائنٹس ٹیبل پر تیسرے نمبر پر ہے آج ملتان سلطانز کے خلاف کامیابی کی صورت میں وہ دوسری پوزیشن پر پہنچ جائے گی۔

  • پی ایس ایل کےحوالے سے این سی اوسی کا بڑا فیصلہ

    پی ایس ایل کےحوالے سے این سی اوسی کا بڑا فیصلہ

    اسلام آباد: نیشنل کمانڈ اینڈ آپریشنز سینٹر (این سی او سی ) نے شائقین کرکٹ کو بڑی خوشخبری سنادی ہے۔

    تفصیلات کے مطابق وفاقی وزیر اسد عمر کی زیر صدارت این سی او سی کا اہم اجلاس ہوا، اجلاس میں ملک میں کرونا صورتحال، ویکسینیشن مہم پر غور کیا گیا۔

    اجلاس میں این سی اوسی نے پی ایس ایل کےحوالے سے اہم ترین فیصلہ کیا کہ میگا ایونٹ کے لاہور میں ہونے والے میچز میں 50فیصد شائقین کو اسٹیڈیم داخلےکی اجازت ہوگی۔

    این سی او سی کے فیصلے میں کہا گیا کہ 15فروری تک ویکسینیٹڈ 50فیصد شائقین پی ایس ایل میچز اسٹیڈیم میں دیکھ سکیں گے جبکہ 16فروری سے 100فیصد شائقین کو میدان میں آنے کی اجازت ہوگی۔

    این سی او سی کے اجلاس فیصلہ کیا گیا کہ 12سال سےکم عمر بچے بھی اسٹیڈیم میں میچ دیکھ سکیں گے۔

    یہ بھی پڑھیں: پی ایس ایل 7: آج سرفراز اور شاہین آمنے سامنے ہوں گے

    اس سے قبل نیشنل کمانڈ اینڈ آپریشنز سینٹر (این سی او سی ) نے پاکستان سپر لیگ (پی ایس ایل) کے ساتویں ایڈیشن کے پہلے مرحلے میں 25 فیصد تماشائیوں کی شرکت کی منظوری دی تھی۔

    این سی او سی کے فیصلوں میں کہا گیا تھا کہ اسٹیڈیم کے داخلی دروازوں پر اپنا درست ویکسینیشن سرٹیفکیٹ دکھانا لازمی ہوگا۔PSL crowd capacity | PSL 7 | NCOCاسٹیڈیم میں چہرے کو ماسک سے مسلسل ڈھانپے رکھنا لازم ہوگا۔

    ہدایات کی خلاف ورزی کرنے والے شخص کو سٹیڈیم سے باہر نکال دیا جائے گا۔

    یاد رہے کہ ایونٹ کا دوسرا مرحلہ 10 فروری سے قذافی اسٹیڈیم لاہور میں کھیلا جائے گا۔

    دوسری جانب این سی او سی نے 8فروری سےبیرون ملک سےآئے مسافروں کیلئےریپڈٹیسٹ کی شرط ختم کرنےکا بھی فیصلہ کیا ہے۔

  • پی ایس ایل 7: اسلام آباد کا ٹاس جیت پر پہلے فیلڈنگ کا فیصلہ

    پی ایس ایل 7: اسلام آباد کا ٹاس جیت پر پہلے فیلڈنگ کا فیصلہ

    کراچی کے نیشنل اسٹیڈیم میں کھیلے جانے والے پی ایس ایل سیزن 7 کے پانچویں اسلام آباد یونائیٹڈ نے پشاور زلمی کے خلاف ٹاس جیت کر پہلی فیلڈنگ کا فیصلہ کرلیا۔

    پاکستان سپر لیگ (پی ایس ایل) کے ساتویں سیزن کے پانچویں میچ میں کچھ دیر بعد پشاور زلمی اور اسلام آباد یونائیٹڈ نیشنل اسٹیڈیم میں ایکشن میں نظر آئیں گی۔

    سابق چیمپئن اسلام آباد یونائیٹڈ آج ٹورنامنٹ میں اپنا پہلا میچ کھیل رہی ہے، جس نے ٹاس جیت پر پشاور زلمی کو پہلے بیٹنگ کی دعوت دی ہے۔

    کپتان وہاب ریاض کورنا سے صحتیاب ہوکر پشاور زلمی کے سفر میں دوبارہ شامل ہوگئے ہیں جن کی قیادت میں ٹام کوہلر کیڈمور(وکٹ کیپر)، یاسر خان، حیدر علی، حسنین طلعت، شعیب ملک، شیرفین روتھرفورڈ، بین کٹنگ، شہیل خان، عثمان خان اور پیٹ براؤن میدان میں اُتریں گے۔

    دوسری جانب اسلام آباد یونائیٹڈ کی کپتانی کے فرائض نوجوان اسپنر شاداب خان انجام دے رہے ہیں جب کہ ٹیم میں ایلکس ہیلز، پاؤل اسٹرلنگ، رحمان اللہ گُرباز(وکٹ کیپر)، مبشر خان، اعظم خان، آصف علی، فہیم اشرف، محمد وسیم، حسن علی اور مرچنٹ ڈی لانگے شامل ہیں۔

    اس سے قبل پشاور زلمی نے کوئٹہ گلیڈی ایٹرز کے خلاف اپنے پہلے ہی میچ میں سنسنی خیز کامیابی حاصل کی تھی۔

    کراچی کے نیشنل اسٹیڈیم میں آج دوسرا میچ لاہور قلندرز اور کراچی کنگز کی ٹیموں کے درمیان کھیلا جائے گا اور یہ میچ شام ساڑھے 7 بجے شروع ہوگا۔

  • رضوان اور شان کا لاٹھی چارج، لاہور قلندرز کو شکست

    رضوان اور شان کا لاٹھی چارج، لاہور قلندرز کو شکست

    پی ایس ایل 7 کے تیسرے میچ میں ملتان سلطانز نے لاہور قلندرز کو سنسنی خیز مقابلے کے بعد 5 وکٹوں سے شکست دے دی۔

    تفصیلات کے مطابق کراچی کے نیشنل اسٹیڈیم میں کھیلے جانے والے میچ میں ملتان سلطانز نے لاہور قلندرز کی جانب سے دیا جانے والا 207 رنز کا ہدف آخری اوور میں 5 وکٹوں کے نقصان پر حاصل کرلیا۔

    کپتان محمد رضوان اور شان مسعود نے 150 رنز کا شاندار آغاز فراہم کیا، شان مسعود نے 83 اور محمد رضوان نے 69 رنز کی جارحانہ اننگز کھیلی۔

    خوشدل شاہ نے 4 گیندوں پر 18 رنز کی ناقابل شکست اننگز کھیلی، صہیب مقصود 20 رنز بنا کر آؤٹ ہوئے، ری روسو 5 رنز بنا کر حارث رؤف کو وکٹ دے بیٹھے۔

    لاہور قلندرز کی جانب سے شاہین شاہ آفریدی نے تین وکٹیں حاصل کیں، حارث رؤف نے اپنے آخری اوور میں 16 رنز دیے جو قلندرز کی شکست کا سبب بنے۔

    حارث رؤف نے 3.4 اوورز میں 46 رنز دے کر ایک وکٹ حاصل کی۔

    اس سے قبل لاہور قلندرز نے جیت کےلیے ملتان سلطانز کو 207 رنز بڑا ہدف دیا تھا۔

    فخر زمان نے 35 گیندوں شاندار کھیل پیش کرتے ہوئے 11 چوکوں اور 2 چھکوں کی مدد سے قلندرز کے اسکور میں 76 رنز شامل کیے، اور احسان اللہ کی گیند پر عمران خان کو کیچ دے بیٹھے جب کہ عبداللہ شفیق نے مجموعی اسکور میں 24 رنز کا اضافہ کیا۔

    تیسرے نمبر پر کامران غلام پچ آئے اور 31 گیندوں پر 43 رنز بناکر ڈیوڈ ولی کی گیند پر پویلین لوٹ گئے۔

    محمد حفیظ ٹیم کے مجموعی اسکور میں 16 اور بین ڈنک صرف 9 رنز کا اضافہ کرسکے جب کہ ڈیوڈ وایزی 13 اور راشد خان 17 رنز بناکر ناٹ آؤٹ رہے۔

    پہلی اننگز میں شاہنواز دھانی، خوشدل شاہ، عمران طاہر اور ڈیوڈ ولی نے لاہور قلندرز کے ایک ایک کھلاڑی کو پویلین کی راہ دکھائی۔

    پاکستان سپر لیگ (پی ایس ایل 7) سیز سیون کا پہلا ڈبل ہیڈر آج ہونے جارہا ہے جس میں دوسرے میچ میں کراچی کنگز اور کوئٹہ گلیڈی ایٹرز اِن ایکشن ہوں گی، دونوں ٹیموں کے درمیان کھیلے جانے والا میچ ساڑھے سات بجے شروع ہوگا۔

    May be an image of text

  • ملتان سلطانز کے خلاف فخر زمان کی شاندار نصف سنچری

    ملتان سلطانز کے خلاف فخر زمان کی شاندار نصف سنچری

    پاکستان سپر لیگ (پی ایس ایل) کے 7 ویں ایڈیشن کے تیسرے میچ میں لاہور قلندرز کے بلے باز فخر زمان نے ملتان سلطان کے خلاف شاندار نصف سنچری بنالی۔

    کراچی کے نیشنل اسٹیڈیم میں کھیلے جارہے پی ایس ایل سیزن سیون کے تیسرے میچ میں ملتان سلطانز کے کپتان محمد رضوان ٹاس جیت کر لاہور قلندرز کو پہلے بیٹنگ کی دعوت دی۔

    ملتان سلطانز کی قیادت وکٹ کیپر بیٹر محمد رضوان کررہے ہیں جب کہ لاہور قلندرز پہلی بار شاہین آفریدی کی کپتانی میں میدان میں اترے۔

    لاہور قلندرز کی جانب سے فخر زمان اور عبداللہ شفیق اوپننگ کےلیے میدان آئے اور ملتان سلطانز کے خلاف بڑے کےلیے ہدف کی بنیاد رکھی۔

    اوپنر فخر زمان نے 35 گیندوں پر 11 چوکوں اور 2 چھکوں کی مدد سے ناقابل شکست 76 رنز اسکور کیے جب کہ عبداللہ شفیق 3 چوکوں کی مدد سے 22 گیندوں پر 24 رنز بناسکے اور پویلین لوٹ گئے۔

    اوپننگ بلے بازوں کے پویلین لوٹنے کے بعد کامران غلام کی بیٹنگ جاری ہے جب کہ محمد حفیظ 16 رنز بناکر خوشدل شاہ کا شکار ہوگئے۔

    لاہور قلندرز نے 17 ویں اوور اختتام پر 163 رنز مکمل کرلیے ہیں جب کہ تین اوور مزید باقی ہیں۔

  • شاہدآفریدی کا کرونا ٹیسٹ مثبت آگیا

    شاہدآفریدی کا کرونا ٹیسٹ مثبت آگیا

    کراچی: کوئٹہ گلیڈی ایٹرز کے کھلاڑی اور اسٹار آل راؤنڈر شاہد خان آفریدی کرونا وائرس کا شکار ہوگئے ہیں۔

    اے آر وائی نیوز کے مطابق کوئٹہ گلیڈی ایٹرز کے آل راؤنڈر شاہد آفریدی کا کورونا ٹیسٹ مثبت آگیا ہے، کرونا ٹیسٹ مثبت آنے کے بعد انہوں نے خود کو گھر میں قرنطینہ کرلیا ہے، جہاں وہ پاکستان کرکٹ بورڈ (پی سی بی)کی جانب سے وضع کردہ ایس او پیز کے تحت اپنا قرنطینہ مکمل کرینگے۔

    آئسولیشن مکمل ہونے پر شاہد آفریدی کا دوبارہ ٹیسٹ ہوگا، ٹیسٹ منفی آنے پر آفریدی دوبارہ ٹیم جوائن کرسکیں گے۔

    گذشتہ روز یہ خبر سامنے آئی تھی کہ شاہد آفریدی کمر کی تکلیف کے باعث کوئٹہ گلیڈی ایٹرز کی جانب سے ابتدائی دو میچز نہیں کھیل سکیں گے ساتھ ہی اہلیہ کی بہن (سالی ) کے انتقال کے باعث وہ بائیو سیکیور ببل سے نکل کر گھر منتقل ہوئے تھے۔

    یہ بھی پڑھیں: شاہد آفریدی کے مداحوں کیلیے اچھی خبر

    شام کو یہ خبریں سامنے آئیں تھی کہ ڈاکٹرز کی جانب سے مکمل معائنے کے بعد شاہد آفریدی کو مکمل فٹ قرار دے دیا گیا ہے تاہم بائیو سیکیور ببل سے باہر نکلنے کے بعد وہ 3 دن کا آئسولیشن پریڈ گزارنے کے بعد ٹیم کو جوائن کرنے کے اہل ہونگے۔

    یاد رہے کہ شاہد آفریدی کی جانب سے اعلان کیا جاچکا ہے کہ پی ایس ایل کا رواں سیزن ان کے کیریئر کا آخری ٹورنامنٹ ہوگا، بوم بوم آفریدی اس بار کوئٹہ گلیڈی ایٹرز کی نمائندگی کررہے تھے۔

  • پی ایس ایل 7: کراچی کنگز اور ملتان سلطانز افتتاحی میچ میں مدمقابل

    پی ایس ایل 7: کراچی کنگز اور ملتان سلطانز افتتاحی میچ میں مدمقابل

    کراچی: تمام رکاوٹیں دور، پی ایس ایل سیزن 7 کا آغاز آج کراچی میں ہونے جارہا ہے، افتتاحی میچ کراچی کنگز اور دفاعی چیمپئن ملتان سلطانز کے درمیان کھیلا جائے گا۔

    تفصیلات کے مطابق پی ایس ایل سیون کا افتتاحی میچ آج کراچی کنگز اور دفاعی چیمپئن ملتان سلطانز کے درمیان ہوگا، دونوں ٹیمیں شام 7 بجے مدمقابل ہوں گی۔

    بحیثیت کپتان کیلنڈر ایئر میں سب سے زیادہ، 20، ٹی ٹونٹی انٹرنیشنل فتوحات سمیٹنے والے بابر اعظم ایونٹ میں کراچی کنگز کی نمائندگی کریں گے، ٹورنامنٹ کے افتتاحی میچ میں ان کے مدمقابل قومی کرکٹ ٹیم میں ان کے ساتھی اوپنر اور کیلنڈر ایئر میں سب سے زیادہ ٹی ٹونٹی رنز بنانے والے محمد رضوان ہوں گے، جو ملتان سلطانز کی قیادت کرتے ہوئے اپنے ٹائٹل کا دفاع کریں گے۔

    بابراعظم، کپتان کراچی کنگز

    کراچی کنگز کے کپتان بابر اعظم نے کہا کہ انہیں پہلی مرتبہ فرنچائز کرکٹ میں کپتانی کا موقع مل رہا ہے، یہ ایک اہم ذمہ داری ہے اور وہ اسے بھرپور انداز میں ادا کرنے کی کوشش کریں گے۔

    بابراعظم نے کہا کہ ملتان سلطانزایونٹ کی دفاعی چیمپئن اور ایک سخت حریف ہے۔ انہوں نے کہا کہ ٹورنامنٹ کے افتتاحی میچ میں فینز کی دلچسپی دیدنی ہوتی ہے، امید ہے دونوں ٹیموں کے درمیان میچ سنسنی خیز ہوگا۔

    محمد رضوان، کپتان ملتان سلطانز

    ملتان سلطانز کے کپتان محمد رضوان کا کہنا ہے کہ ان کی ٹیم ایچ بی ایل پی ایس ایل میں اعزاز کاک امیابی سے دفاع کرنے کی مکمل صلاحیت رکھتی ہے اور سلطانز کا اسکواڈ اسی سوچ کے ساتھ لیگ کے افتتاحی میچ سے میدان میں اترے گا۔

    محمد رضوان نے کہا کہ بلاشبہ ملتان سلطانز نے ایڈیشن 2021 میں ایچ بی ایل پی ایس ایل کا ٹائٹل جیتا مگر وہ اب ماضی ہوچکا ہے اور یہ ایک نیا سال ہے، یہاں نیا میدان ہے اور نئے کھلاڑی، انہوں نے ایونٹ کے کامیاب دفاع کے لیے ایک نئی اور مختلف سوچ کے ساتھ میدان میں اترنا ہوگا۔

    محمد رضوان نے کہا کہ بابراعظم دنیا کے بہترین بیٹر اور کپتان ہیں۔ ان کی قیادت میں کراچی کنگزکی ٹیم بہترین کارکردگی کا مظاہرہ کرنے کی مکمل اہلیت رکھتی ہے۔ امیدہے کہ دونوں ٹیموں کے مابین بہترین کرکٹ میچ سے لیگ کا آغاز ہوگا۔

  • رنگ ونور کی برسات میں پی ایس ایل 7 کی افتتاحی تقریب آج ہوگی

    رنگ ونور کی برسات میں پی ایس ایل 7 کی افتتاحی تقریب آج ہوگی

    کراچی: انتظار کی گھڑیاں ختم، چوکوں چھکوں کی برسات کے ساتھ پی ایس ایل سیزن 7 کا شاندار آغاز آج ہونے جارہا ہے۔

    تفصیلات کے مطابق پی ایس ایل 7 کا میلہ سجنے میں چند گھنٹے باقی ہے، میگا ایونٹ کی افتتاحی تقریب کے تمام انتظامات مکمل کئے جاچکے، پی ایس ایل کے آغاز سے قبل نیشنل اسٹیڈیم کو دلہن کی طرح سجادیا گیا ہے،میدان بھی رنگ برنگی لائٹس سےجگمگا اٹھا، اسٹیڈیم کی مرکزی عمارت، مرکزی راستے اوردرختوں کو چھوٹی چھوٹی لائٹس لگا کرروشن کیا گیا ہے۔

    گراؤنڈ کے فرنٹ پر دلکش اسٹیج بنایا گیا ہے، ستاروں کی جھرمٹ میں ایونٹ کا شاندار افتتاح ہوگا،  افتتاحی تقریب تقریباً شام ساڑھے 6بجے نیشنل اسٹیڈیم میں شروع ہوگی ، تقریب میں نامور گلوکار عاطف اسلم اور آئمہ بیگ آواز کا جادو جگائیں گے۔

    یہ بھی پڑھیں: پی ایس ایل 7 کے بارے میں اہم معلومات

    افتتاحی تقریب کی خاص بات پیراگلائیڈرز کا 10 ہزار فٹ کی بلندی سے نیشنل اسٹیڈیم میں اترنا ہے، پیراگلائیڈرز کی حیران کردینے والی پرفارمنس ٹیلی ویژن اسکرین پر ریکارڈ نشر کی جائے گی۔

    پاکستان کے دورے پر موجود معروف انگلش فٹبالر مائیکل اوون بھی تقریب میں خصوصی شرکت کریں گے جبکہ افتتاحی تقریب کےدوران وزیراعظم کا خصوصی پیغام بھی چلایا جائے گا۔

    اسے بھی پڑھیں: کراچی :پی ایس ایل میچز کیلئے سیکیورٹی پلان مرتب

    ایونٹ کا پہلا مرحلہ نیشنل اسٹیڈیم کراچی میں منعقد ہوگا، جہاں کُل 15 میچز کھیلے جائیں گے،دوسرے مرحلے میں شامل 19 میچز قذافی اسٹیڈیم لاہور میں کھیلے جائیں گے۔Imageپاکستان میں بسنے والے کرکٹ فینز پی ٹی وی اسپورٹس اور اے اسپورٹس پر ایچ بی ایل پی ایس ایل 7 کے میچز براہ راست ملاحظہ فرماسکتے ہیں۔ اسی طرح مشرق وسطی اور شمالی افریقہ میں موجود فینز اتصالات، کیریبین سرزمین میں فلو اسپورٹس ، نیوزی لینڈ میں اسکائی این زیڈ ، برطانیہ میں اسکائی اسپورٹس ،آسٹریلیا میں فوکس اسپورٹس، پاکستان کے علاوہ پورے جنوبی ایشیا ء میں سونی ، سب صحارا افریقہ میں سپر اسپورٹس اور شمالی امریکہ میں ولو ٹی وی پر ایچ بی ایل پی ایس ایل 7 کی نشریات براہ راست دیکھ سکیں گے۔Imageپاکستان میں لائیواسٹریم کے حقوق دراز ایپ نے خرید رکھے ہیں۔ دوسری جانب پی سی بی نےاو ٹی ٹی صارفین کے لیے آئی سی سی ٹی وی اور ٹیمپاڈ ٹی وی سے بھی معاہدہ کرلیا ہے۔ ان دونوں پلیٹ فارمز کو مندرجہ ذیل علاقوں میں ایچ بی ایل پی ایس ایل 7 کی لائیو اسٹریمنگ کی اجازت ہوگی۔