ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • ملتان سلطانز نے اسلام آباد یونائیٹڈ کو شکست دیدی

    ملتان سلطانز نے اسلام آباد یونائیٹڈ کو شکست دیدی

    راولپنڈی: پاکستان سپر لیگ سیزن 5 میں ملتان سلطانز نے اسلام آباد یونائیٹڈ کو 9 وکٹوں سے شکست دیدی۔

    ملتان سلطانز نے اسلام آباد یونائیٹڈ کے خلاف ٹاس جیت کر فیلڈنگ کا فیصلہ کیا جو درست ثابت ہوا، بارش کے باعث میچ 9، 9 اوورز تک محدود کیا گیا۔

    اسلام آباد یونائیٹڈ نے پہلے بیٹنگ کرتے ہوئے 91 رنز بنائے جس کے جواب میں ملتان سلطانز کے بلے بازوں نے جارحانہ بیٹنگ کرتے ہوئے صرف ایک وکٹ کے نقصان پر مطلوبہ ہدف حاصل کر لیا۔

    ملتان سلطانز کےجیمز ونس61رنزبنا کر نمایاں رہے، معین علی نے 14 اور ذیشان اشرف نے 16 رنز کی باری کھیلی۔اسلام آباد یوناٹیٹڈ کی جانب سے واحد وکٹ کپتان شاداب خان نے حاصل کی۔

    قبل ازیں بارش کے باعث ٹاس تاخیر کا شکار ہوا۔ میچ سے قبل گراؤنڈ کو خشک کیا گیا، امپائرز نے پچ کا معائنہ کیا جس کے بعد ٹاس ہوا، میچ کو 9، 9 اوورز تک محدود کر دیا گیا۔

    سلطانز کے کپتان شان مسعود کا کہنا ہے کہ ٹیم میں 2 تبدیلیاں کی گئی ہیں، میچ ہمارے لیے اہم ہے۔ یونائیٹڈ کے کپتان شاداب خان کا کہنا ہے کہ کوشش ہوگی غلطیاں نہ دہرائیں، 9 اوورز کا میچ ہے، وکٹ زیادہ تبدیل نہیں ہوگی۔

    ان کا کہنا تھا کہ یونائیٹڈ کی ٹیم میں بھی 2 تبدیلیاں کی گئی ہیں۔

    اسلام آباد یونائیٹڈ نے گزشتہ روز پشاور زلمی کے ہاتھوں ڈک ورتھ لوئس میتھڈ کے تحت 7 رنز سے شکست کھائی تھی۔

    اسلام آباد یونائیٹڈ نے اب تک 8 میچز کھیلے ہیں جس میں سے 3 میں فتح اور 4 میچز میں شکست کھائی، پوائنٹس ٹیبل پر یونائیٹڈ 7 پوائنٹس کے ساتھ تیسرے نمبر پر ہے۔

    ملتان سلطانز نے اب تک 6 میچز کھیل کر 4 میں فتح اور 1 میں شکست کھائی، پوائنٹس ٹیبل پر سلطانز 8 پوائنٹس کے ساتھ سرفہرست ہیں۔

    ملتان سلطانز اسکواڈ

    شان مسعود (کپتان)، جیمز وینس، ذیشان اشرف، رلی روسو، خوشدل شاہ، بلاول بھٹی، عمران طاہر، محمد الیاس، محمد عرفان اور سہیل تنویر شامل ہیں۔

    اسلام آباد یونائیٹڈ اسکواڈ

    شاداب خان (کپتان)، لیوک رونچی، کولن منرو، رضوان حسین، کولن انگرام، آصف علی، فہیم اشرف، ڈیل اسٹین، رومن رئیس، ظفر گوہر اور عاکف جاوید شامل ہیں۔

  • کراچی کنگز سے آج لاہور قلندرز پہلی بار ٹکرائیں گے

    کراچی کنگز سے آج لاہور قلندرز پہلی بار ٹکرائیں گے

    لاہور: قذافی اسٹیڈیم میں پہلی بار آج لاہور قلندرز کا ٹاکرا کراچی کنگز سے ہوگا، میچ شام 7 بجے شروع ہوگا۔

    اے آر وائی نیوز کے مطابق پی ایس ایل 5 میں آج ایک اور اہم ترین میچ کھیلا جا رہا ہے، یہ میچ ہے پاکستان سپر لیگ کی سب سے بڑی ٹیم کراچی کنگز اور سیریز کی سب سے پیچھے رہ جانے والی ٹیم لاہور قلندرز کے درمیان۔

    پی ایس ایل فائیو کے اس 23 ویں میچ میں پہلی بار دونوں ٹیمیں آمنا سامنا کر رہی ہیں، اب تک کراچی کنگز اور لاہور قلندرز 6،6 میچز کھیل چکی ہیں۔ کنگز نے 3 میچز جیتے 2 ہارے اور 1 ڈرا ہوا۔ قلندرز نے 2 میچز جیتے اور 4 ہارے، کراچی کنگز پوائنٹس ٹیبل پر 7 پوائنٹس کے ساتھ چوتھے جب کہ لاہور قلندرز 4 پوائنٹس کے ساتھ چھٹے نمبر پر ہے۔

    قلندرز کی دوسری کامیابی، گلیڈی ایٹرز کو 8 وکٹوں سے ہرادیا

    کراچی کنگز کے بابر اعظم اور محمد عامر کارکردگی دکھانے کے لیے پرجوش ہیں، لاہور قلندرز کے محمد حفیظ اور شاہین آفریدی بھی میچ کا پھانسا پلٹنے کے لیے بے تاب ہیں۔

    خیال رہے کہ آج راولپنڈی اسٹیڈیم میں ملتان سلطانز اور اسلام آباد یونائیٹڈ کا بھی میچ شیڈول ہے، جو تاخیر کا شکار ہے۔ پچ اور آؤٹ فیلڈ گیلی ہونے کے باعث میچ تاخیر کا شکار ہوا ہے۔ آج بارش کے بعد پچ پر کورز ڈال دیے گئے تھے جنھیں بارش تھمنے کے بعد ہٹا دیا گیا ہے۔

    راولپنڈی کرکٹ اسٹیڈیم میں پی ایس ایل کے 8 میچز رکھے گئے تھے جن میں 3 میچز بارش سے متاثر ہوئے۔

  • گلیڈی ایٹرز کے خلاف کامیابی کے بعد حفیظ کی ویڈیو وائرل

    گلیڈی ایٹرز کے خلاف کامیابی کے بعد حفیظ کی ویڈیو وائرل

    لاہور: پی ایس ایل فائیو کے 21ویں میچ میں گلیڈی ایٹرز کے خلاف کامیابی کے فوری بعد ہی حفیظ کی ویڈیو سوشل میڈیا پر وائرل ہوگئی۔

    تفصیلات کے مطابق لاہور میں کھیلے جانے والے میچ میں گلیڈی ایٹرز کے خلاف لاہور قلندرز نے دوسری کامیابی اپنے نام کی، محمد حفیظ کی میچ میں کامیابی کے بعد لاہور قلندرز کے مداح بچے کو گلے لگانے کی ویڈیو وائرل ہوگئی۔

    ویڈیو میں دیکھا جاسکتا ہے کہ محمد حفیظ بچے کو گلے لگا رہے ہیں اور کمسن بچہ کہہ رہا ہے کہ ’لاہور قلندرز چیمپئن۔‘ سوشل میڈیا پر ویڈیو کو اب تک 16 ہزار سے زائد افراد پسند کرچکے ہیں۔

    واضح رہے کہ میچ میں محمد حفیظ نے ناقابل شکست 39 رنز کی اننگز کھیلی اور اپنی ٹیم کی جیت میں اہم کردار ادا کیا، حفیظ کی اننگز میں ایک چھکا اور چار چوکے شامل تھے۔

    یاد رہے کہ لاہور قلندرز کی شکستوں کے بعد مذکورہ بچے کی رونے کی ویڈیو سوشل میڈیا پر وائرل ہوئی تھی جس کے بعد لاہور قلندرز کی انتظامیہ کی جانب سے بچے کو میچ دیکھنے کے لیے اسٹیڈیم میں مدعو کیا گیا تھا۔

    مزید پڑھیں: قلندرز کی دوسری کامیابی، گلیڈی ایٹرز کو 8 وکٹوں سے ہرادیا

    اس سے قبل بھی جب بچہ میچ دیکھنے کے لیے اسٹیڈیم پہنچا تھا تو لاہور قلندرز نے کوئٹہ گلیڈی ایٹرز کو شکست دی تھی آج پھر بچے کی آمد پر قلندرز کامیاب ہوئی، پاکستان سپر لیگ کے ٹویٹر پر بچے کو ’خوش قسمت‘ کہا جارہا ہے۔

    خیال رہے کہ کوئٹہ کی ٹیم میچ میں صرف 98 رنز بناسکی تھی اور قلندرز کو جیت کے لیے 99 رنز کا ہدف دیا تھا جو قلندرز نے 2 وکٹوں کے نقصان پر حاصل کیا۔

  • قلندرز کی دوسری کامیابی، گلیڈی ایٹرز کو 8 وکٹوں سے ہرادیا

    قلندرز کی دوسری کامیابی، گلیڈی ایٹرز کو 8 وکٹوں سے ہرادیا

    لاہور: پی ایس ایل فائیو کے 21ویں میچ میں قلندرز نے دوسری کامیابی حاصل کرتے ہوئے گلیڈی ایٹرز کو 8 وکٹوں سے شکست دے دی۔

    تفصیلات کے مطابق لاہور میں کھیلے جانے والے میچ میں لاہور قلندرز نے کوئٹہ کی جانب سے دیا جانے والا 99 رنز کا ہدف باآسانی 12 اوورز میں 2 وکٹوں کے نقصان پر حاصل کرلیا، سمیت پٹیل کو میچ کا بہترین کھلاڑی قرار دیا گیا۔

    لاہور قلندرز کی ابتدائی دو وکٹیں 32 رنز پر گرنے کے بعد محمد حفیظ اور بین ڈنک نے ذمہ دارانہ بیٹنگ کرتے ہوئے ہدف باآسانی حاصل کرلیا۔

    آل راؤنڈر محمد حفیظ نے ناقابل شکست 39 رنز کی اننگز کھیلی، بین ڈنک 30 رنز بنا کر ناٹ آؤٹ رہے۔

    گلیڈی ایٹرز کی جانب سے دونوں وکٹیں محمد نواز نے حاصل کیں۔


    اس سے قبللاہور قلندرز کے آگے کوئٹہ کی بیٹنگ بری طرح ناکام ہوگئی، مقررہ اوورز میں کوئٹہ کی ٹیم 9 وکٹوں کے نقصان پر صرف 98 رنز بناسکی اور قلندرز کو جیت کے لیے 99 رنز کا معمولی ہدف دے دیا۔

    کوئٹہ گلیڈی ایٹرز کے 8 کھلاڑی ڈبل فگر میں داخل نہ ہوسکے، شین واٹسن 0، جیسن رائے 6، احمد شہزاد 9، کپتان سرفراز احمد 1 اور اعظم خان بغیر کوئی رن بنائے پویلین لوٹ گئے۔

    بین کٹنگ بھی بغیر کوئی رن بنائے پویلین لوٹ گئے، فواد احمد کو چار رنز پر راجا فرزان نے پویلین بھیجا، محمد نواز 10 رنز بنا کر راجا فرزان کا شکار بنے۔

    فاسٹ بولر سہیل خان نے 32 رنز کی ذمہ دارانہ اننگز کھیلی، ان کی اننگز میں 2 چھکے اور 2 چوکے شامل تھے۔

    لاہور قلندرز کی جانب سے سمیت پٹیل نے چار اوورز میں 5 رنز دے کر 4 کھلاڑیوں کو پویلین کی راہ دکھائی، شاہین شاہ آفریدی اور راجا فرزان نے دو، دو وکٹیں حاصل کیں۔

     

    اس سے قبل سہیل اختر نے ٹاس جیت کر گلیڈی ایٹرز کو پہلے بیٹنگ کی دعوت دی ہے، اس سے قبل لاہور نے ایونٹ میں صرف کوئٹہ گلیڈی ایٹرز کو ہی شکست دی ہے۔

    سہیل اختر کا کہنا تھا کہ پچ پر نمی ہے اسی وجہ سے بولنگ کا فیصلہ کیا ہے کوششش ہوگی کہ گلیڈی ایٹرز کو کم سے کم اسکور میں آؤٹ کرسکیں۔

    سرفراز احمد کا کہنا تھا کہ ہمارے لیے یہ میچ بہت اہم ہے کوشش کریں گے کہ قلندرز کے خلاف بڑا اسکور کریں۔ سرفراز کا کہنا تھا کہ گلیڈی ایٹرز کی ٹیم میں دو تبدیلیاں کی گئی ہیں۔

    فائنل الیون

  • پی ایس ایل فائنل جیتنے پر سلمان اقبال کا شوکت خانم اسپتال کے لیے ایک لاکھ ڈالر عطیہ کرنے کا اعلان

    پی ایس ایل فائنل جیتنے پر سلمان اقبال کا شوکت خانم اسپتال کے لیے ایک لاکھ ڈالر عطیہ کرنے کا اعلان

    لاہور: کراچی کنگز کے مالک سلمان اقبال نے کہا ہے کہ پی ایس ایل کا فائنل جیت گئے تو شوکت خانم اسپتال کے لیے ایک لاکھ ڈالر عطیہ کریں گے۔

    تفصیلات کے مطابق کراچی کنگز کی ٹیم اور آفیشلز نے شوکت خانم کینسر اسپتال کا دورہ کیا اور کینسر جیسے موذی مرض میں مبتلا بچوں سے ملاقات کرکے ان کے چہروں پر مسکراہٹ بکھیر دی۔

    مالک کراچی کنگز سلمان اقبال

    کراچی کنگز کے مالک سلمان اقبال کا کہنا تھا کہ اندازہ نہیں تھا اتنے بڑے فنکشن میں آؤں گا، میرا وعدہ ہے ان بچوں کے لیے ٹیم اور اچھا کھیلے گی۔

    انہوں نے کہا کہ پی ایس ایل کا فائنل جیت گئے تو ایک لاکھ ڈالر شوکت خانم اسپتال کے لیے دوں گا، انشا اللہ فائنل میچ ہم لاہور میں کھیلیں گے۔

    صدر کراچی کنگز وسیم اکرم

    کراچی کنگز کے صدر وسیم اکرم کا کہنا تھا کہ شوکت خانم اسپتال میں میرٹ پر علاج ہوتا ہے، شوکت خانم میں کوئی سفارش نہیں چلتی، دنیا میں کوئی اسپتال ایسا نہیں جہاں کینسر کا مفت علاج ہوتا ہو۔

    وسیم اکرم کا کہنا تھا کہ مالک کراچی کنگز سلمان اقبال کا دل بہت بڑا ہے، سلمان اقبال، کراچی کنگز، سب کی سپورٹ آپ کے ساتھ ہے۔

    سابق فاسٹ بولر کا کہنا تھا کہ عمران خان نے 1992 ورلڈ کپ سے پہلے اسپتال بنانے کا ارادہ کیا تھا، ورلڈ کپ میں جانے سے پہلے انہوں نے مجھ سے کہا کینسر اسپتال بنانا ہے۔

    کپتان کراچی کنگز عمادوسیم

    کراچی کنگز کے کپتان عماد وسیم کا کہنا تھا کہ یہاں بلانے پر شوکت خانم اسپتال کا شکریہ ادا کرتا ہوں، شوکت خانم میں علاج کے لیے سب کو لائن میں لگنا پڑتا ہے، میں ایم آر آئی کروانے آیا تو لائن میں لگنا پڑا تھا۔

    عماد کا کہنا تھا کہ مالک کراچی کنگز تو ایک لاکھ ڈالر دیں گے لیکن کراچی کنگز کے دیگر کھلاڑی بھی اپنے طور پر حصہ ڈالیں گے۔

  • بریسٹ کینسر سے آگاہی، کھلاڑی پنک کیپ پہن کر میدان میں اترے

    بریسٹ کینسر سے آگاہی، کھلاڑی پنک کیپ پہن کر میدان میں اترے

    لاہور: پی ایس ایل فائیو میں آج کے میچز میں چاروں ٹیموں کے کھلاڑی بریسٹ کینسر سے آگاہی کے لیے پنک کیپ پہن کر میدان میں اترے۔

    تفصیلات کے مطابق پی سی بی کی جانب سے گزشتہ روز اعلان کیا گیا تھا کہ 7 مارچ کو بریسٹ کینسر سے آگاہی کا دن منایا جائے گا جس کے تحت کھلاڑی پنک کیپ پہن کر میدان میں اتریں گے۔

    چاروں ٹیموں کے کھلاڑی میچز سے قبل بچوں کے ہمراہ گراؤنڈ میں داخل ہوئے، پنک کیپ پہنے میدان میں اترنے والی بچیوں نے مختلف فیلڈنگ پوزیشنز پر موجود کھلاڑیوں کو پنک کیپ فراہم کی۔

    پنڈی کرکٹ اسٹیڈیم اور قذافی اسٹیڈڈیم گلابی رنگ میں رنگا گیا، بریسٹ کینسر سے آگاہ کے لیے کھلاڑی، میچ آفیششلز اور کمنٹیٹرز بھی پنک ربن پہن کر اس مہم کا حصہ بنے۔

    پی سی بی چیف آپریٹنگ آفیسر سلمان نصیر کا کہنا تھا کہ بدقسمتی سے پاکستان کا شمار چھاتی کے سرطان کے شکار ممالک میں ہوتا ہے، بطور ایک ذمہ دار ادارہ، سرطان سے آگاہی فراہم کرنے میں اپنا کردار ادا کرنا پاکستان کرکٹ بورڈ کی ذمہ داری ہے۔

    سلمان نصیر نے شائقین سے اپیل کی تھی کہ گلابی رنگ کی شرٹ پہن کر اسٹیڈیم کا رخ کیا جائے۔

  • پشاور زلمی کو بڑا دھچکا، کیرون پولارڈ ایونٹ سے باہر

    پشاور زلمی کو بڑا دھچکا، کیرون پولارڈ ایونٹ سے باہر

    راولپنڈی: پی ایس ایل فائیو میں پشاور زلمی کی ٹیم کو ایک اور دھچکا لگا ہے، زلمی کے اہم کھلاڑی ایونٹ سے باہر ہوگئے۔

    تفصیلات کے مطابق پی ایس ایل فائیو کی مضبوط ٹیم پشاور زلمی کے اہم کھلاڑی کیرون پولارڈ پی ایس ایل سے باہر ہوگئے، پولارڈ نے سیمی کے لیے نیک تمناؤں کا اظہار کیا۔

    کیرون پولارڈ کا کہنا ہے کہ میں معذرت خواہ ہوں کے رواں سال پی ایس ایل نہیں کھیل سکوں گا تاہم ٹیم میں بہت سے اچھے کھلاڑی موجود ہیں جو میچ جتوانے کی صلاحیت رکھتے ہیں۔

    ویسٹ انڈین آل راؤنڈر کا مزید کہنا تھا کہ مجھے امید ہے کہ ڈیرن سیمی ہیڈ کوچ کی حیثیت سے پہلے ٹرافی اپنے نام کریں گے۔

    واضح رہے کہ چند روز قبل ہی پشاور زلمی نے ڈیرن سیمی کو ہیڈ کوچ بنایا تھا، زلمی کی ٹیم میں ویسٹ انڈیز کے بریتھ ویٹ بھی موجود ہیں۔

    یاد رہے کہ پشاور زلمی اور اسلام آباد یونائیٹڈ کے درمیان راولپنڈی میں جاری میچ بارش کے باعث روک دیا گیا ہے اگر میچ مقررہ وقت پر شروع نہ ہوسکا تو زلمی کی ٹیم ڈک ورتھ لوئس میتھڈ کے تحت کامیابی حاصل کرلے گی۔

    بارش سے قبل پشاور زلمی نے 196 رنز کے تعاقب میں دو کٹوں کے نقصان پر 9 اوورز میں 85 رنز بنالیے ہیں، کامران اکمل 37 اور امام الحق 7 رنز بنا کر پویلین لوٹ گئے۔

  • بارش نے کراچی کنگز کی محنت پر پانی پھیر دیا، سلطانز یقینی شکست سے بچ گئے

    بارش نے کراچی کنگز کی محنت پر پانی پھیر دیا، سلطانز یقینی شکست سے بچ گئے

    لاہور: کراچی کنگز اور ملتان سلطانز کا میچ بارش کی نذر ہوگیا، دونوں ٹیموں کا ایک، ایک پوائنٹ دے دیا گیا۔

     لاہور: پی ایس ایل فائیو کا 19واں میچ بارش کے باعث منسوخ کردیا گیا، ملتان سلطانز نے 6 وکٹوں کے نقصان پر 16.5 اوورز میں 102 رنز بنائے تھے، شاہدخان آفریدی 35 اور سہیل تنویر 10 رنز کے ساتھ کریز پر موجود تھے۔

    کراچی کنگز اور ملتان سلطانز کی ٹیموں کو ایک، ایک پوائنٹ دے دیا گیا۔ذیشان اشرف2، شان مسعود9، معین علی 29، روسو بغیر کوئی رن بنائے پویلین لوٹ گئے۔

    کراچی کنگز کی جانب سے عماد وسیم اور عامر یامین نے دو، دو وکٹیں حاصل کیں جبکہ عمر خان اور محمد عامر کے حصے میں ایک، ایک وکٹ آئی۔

    اس سے قبل کراچی کنگز نے ٹاس جیت کر ملتان سلطانز کو پہلے بیٹنگ کی دعوت دے دی، کراچی کنگز میں ایک تبدیلی کی گئی ہے۔

    عماد وسیم کا کہنا ہے کہ کیمرون ڈیلپورٹ کی جگہ مچل میکلینیگن ہے، ملتان سلطانز سے شکست کا بدلہ لینے کے لیے تیار ہیں۔واضح رہے کہ اس سے قبل گروپ میچ ہی ملتان سلطانز نے کراچی کنگز کو ہوم گراؤنڈ پر شکست دی تھی۔

    فائنل الیون

     

  • وقار یونس نے پی سی بی سے بڑا مطالبہ کردیا

    وقار یونس نے پی سی بی سے بڑا مطالبہ کردیا

    لاہور: قومی ٹیم کے بولنگ کوچ وقار یونس نے پی سی بی سے گراؤنڈ اسٹاف کو بونس دینے کا مطالبہ کردیا۔

    تفصیلات کے مطابق قومی کرکٹ ٹیم کے بولنگ کوچ وقار یونس گراؤنڈ اسٹاف کے لیے میدان میں آگئے، وقار یونس کا کہنا ہے کہ پی سی بی گراؤنڈ اسٹاف کو فوری بونس دینے کا اعلان کرے۔

    وقار یونس نے کہا کہ بارش کے بعد اسٹاف نے گراؤنڈ کو کھیل کے قابل بنانے کے لیے انتھک محنت کی ہے، راولپنڈی اور لاہور کا گراؤنڈ اسٹاف اصل میں ہیرو ہے۔

    واضح رہے کہ کراچی کنگز اور ملتان سلطانز کی ٹیمیں قذافی اسٹیڈیم پہنچ گئی ہیں، دونوں ٹیموں کے درمیان میچ رات 8 بجے شروع ہوگا، میچ مقررہ وقت پر شروع ہونے کا قوی امکان ہے۔

    پی سی بی گراؤنڈ اسٹاف نے بارش کے بعد دن بھر کی محنت سے گراؤنڈ کو کھیل کے قابل بنایا ہے، پی سی بی کے چیف آپریٹنگ آفیسر سلمان نصیر نے گراؤنڈ اسٹاف کو شاباشی دی۔

    واضح رہے کہ لاہور اور راولپنڈی میں موسلا دھار بارشوں کا سلسلہ جاری ہے جس کی وجہ سے پی ایس ایل کے میچز متاثر ہونے کا خدشہ ہے، اس سے قبل اسلام آباد یونائیٹڈ اور پشاور زلمی کا میچ بارش کے سبب منسوخ کردیا تھا، دونوں ٹیموں کو ایک، ایک پوائنٹ دیا گیا تھا۔

    یاد رہے کہ آج لاہور میں کراچی کنگز اور ملتان سلطانز کے درمیان میچ کھیلا جائے گا، ملتان سلطانز کی ٹیم پوائنٹس ٹیبل پر سرفہرست ہے اور کراچی کنگز کی چوتھی پوزیشن ہے۔

  • معروف کرکٹر کا لاہور قلندرز کو نام بدلنے کا مشورہ

    معروف کرکٹر کا لاہور قلندرز کو نام بدلنے کا مشورہ

    کراچی: سابق کرکٹر باسط علی نے لاہور قلندرز کو شکستوں کے بھنور سے نکلنے کے لیے نام بدلنے کا مشورہ دے دیا۔

    تفصیلات کے مطابق سابق کرکٹر باسط علی نے یو ٹیوب ویڈیو میں کہا کہ لاہور قلندرز کو شکستوں سے جان چھڑانے کے لیے ٹیم کا نام بدل لینا چاہئے۔

    انہوں نے لاہور کی ٹیم میں ’قلندرز‘ کا نام ہٹا کر ’بادشاہ‘ رکھنے کی تجویز بھی دے، باسط علی نے کہا کہ دنیا کی کوئی فرنچائز تبدیلی کرتی ہے اور نیا سیٹ اپ رکھتی ہے، افسوس ہوتا ہے اتنا بڑا شہر ہے لیکن پرفارمنس اچھی نہیں ہے جس کی بدولت قلندرز کے مداح مایوس ہیں۔

    باسط علی نے کہا کہ شاہین شاہ آفریدی ان فٹ ہوگئے لیکن یہ کسی کے ہاتھ میں نہیں ہے کوئی بھی پریکٹس کرتے ہوئے ان فٹ ہوسکتا ہے، سلمان بٹ ٹیسٹ میچ کا پلیئر ہے اس کو فخر زمان کی جگہ کھلادیا گیا، ایک نیا میڈیم پیسر کھلانے سے بھی لاہور قلندرز کو نقصان ہوا۔

    انہوں نے کہا کہ بڑی ٹیم کو شکست دینے کے بعد ٹیم میں اچانک تین تبدیلیاں کردینا سمجھ سے بالاتر ہے، اب لاہور قلندرز کی ٹیم کی ایونٹ میں واپسی مشکل دکھائی دے رہی ہے۔

    باسط علی نے کہا کہ عاقب جاوید اور فواد رانا کو چاہئے ایسے لوگوں کو رکھیں جنہیں تجربہ ہو اور جسے سب جانتے ہوں کہ کس پلیئر سے کیا کام لینا ہے، کرس لین اور سمیت پٹیل کو سمجھانے والا کوئی نہیں ہے۔

    سابق کرکٹر کا کہنا ہے کہ ان کو بتانا چاہئے کہ کون سے پلیئر ہمیں لینے ہیں اور کون سے نہیں لینے اسی طرح شین واٹسن کے لیے مجھے لگتا ہے کہ وہ مینجمنٹ میں ہوں گے ورنہ پی ایس ایل میں یہ سال ان کا آخری ہوگا۔

    واضح رہے کہ اس سے قبل اسلام آباد یونائیٹڈ نے لاہور قلندرز کو پی ایس ایل کی سب سے بڑی شکست دی تھی، قلندرز کی ٹیم 71 رنز کے بھاری مارجن سے ہار گئی تھی۔