ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • شکستوں سے چور گلیڈی ایٹرز کو بڑا دھچکا

    شکستوں سے چور گلیڈی ایٹرز کو بڑا دھچکا

    لاہور: کوئٹہ گلیڈی ایٹرز کو ایونٹ میں مسلسل تیسری شکست کے بعد ایک اور بڑا دھچکا لگ گیا، فاسٹ بولر نسیم شاہ انجرڈ ہو گئے اور ان کا اپی ایس ایل سے باہر ہونے کا خدشہ ہے۔

    شکستوں سے چور کوئٹہ گلیڈی ایٹرز کو مشکلات نے گھیر لیا، عمر اکمل کے باہر ہونے کے بعد اب دفاعی چیمپئن کو نسیم شاہ سے بھی محروم ہونا پڑ سکتا ہے۔

    ابھرتے ہوئے نوجوان اسٹار بولر نسیم شاہ انجری سے چھٹکارا نہ پا سکے اور ایک بار پھر انجری کے سبب وہ ایک ہفتے کے لیے پی ایس ایل سے باہر ہو سکتے ہیں۔

    گزشتہ روز زلمی کے خلاف میچ کے دوران ٹخنے کی انجری کی وجہ سے وہ 2 اوورز کرانے کے بعد ہی میدان سے باہر چلے گئے تھے۔

    اس حوالے سے ترجمان کوئٹہ گلیڈی ایٹرز کا کہنا ہے کہ نسیم شاہ کی فٹنس میں بہتری آرہی ہے اور ضرورت پڑنے پر اسکین بھی کروایا جا سکتا ہے۔

    یہ بھی پڑھیں: نسیم شاہ کی فٹنس سوالیہ نشان بن گئی

    اس صورتحال میں فاسٹ بولر کے پی ایس یل میچز کھیلنے کے امکانات کم ہیں کیونکہ انہیں آرام کی ضرورت ہے، فاسٹ بولر کو مکمل فٹ ہونے کے لیے کم از کم ایک ہفتہ درکار ہوگا۔

    واضح رہے کہ فٹسن مسائل کے باعث کوئٹہ گلیڈی ایٹرز نے نسیم شاہ کو ابتدائی دو میچوں میں نہیں کھلایا تھا۔

  • پی ایس ایل کی مقبول ترین ٹیم کراچی کنگز کا مقابلہ آج ملتان سلطانز سے ہوگا

    پی ایس ایل کی مقبول ترین ٹیم کراچی کنگز کا مقابلہ آج ملتان سلطانز سے ہوگا

    لاہور: پاکستان سپر لیگ 5 کے سنسنی خیز میچز کا سلسلہ جاری ہے، آج لاہور کے قذافی اسٹیڈیم میں پی ایس ایل کی سب سے مقبول ٹیم کراچی کنگز کا مقابلہ ملتان سلطانز سے ہوگا۔

    اے آر وائی نیوز کے مطابق آج لاہور میں رات 8 بجے کراچی کنگز اور ملتان سلطانز دوسری بار ٹکرائیں گے، یہ پی ایس ایل فائیو کا 19 واں میچ ہے۔ دونوں ٹیموں کے درمیان 28 فروری کو ملتان میں کھیلا جانے والا پہلا میچ ملتان ٹیم نے 52 رنز سے جیتا تھا۔ یہ پی ایس ایل کا دسواں میچ بھی تھا۔

    میچ کے امپائرز ہیں مائیکل گف، شوزیب رضا اور ناصر حسین۔ جب کہ میچ ریفری ہوں گے عزیز الرحمان اور ٹی وی امپائر ہوں گے آصف یعقوب۔

    پی ایس ایل سیزن فائیو میں ملکی اور غیر ملکی اسٹارز کی سوپرڈوپر پرفارمنس جاری ہے، عماد وسیم کی قیادت میں کنگز آج قذافی اسٹیڈیم فتح کرنے کو پر عزم دکھائی دے رہے ہیں، کراچی کنگز کی اوپننگ جوڑی سب پر بھاری نظر آ رہی ہے، بابر اعظم اور شرجیل خان بولرز کی خوب دھلائی کرتے ہیں۔

    18 واں میچ: گلیڈی ایٹرز کی ایک اور شکست، زلمی کی فتح

    ایلکس ہیلز اور کیمرون ڈیلپورٹ بھی میچ پلٹنے کی صلاحیت رکھتے ہیں، جب کہ بولنگ میں محمد عامر، کرس جورڈن اور عمر خان سے امید ہے کہ اپنی ٹیم کو جتوانے میں اہم کردار ادا کریں گے۔ دوسری طرف سلطانز کے معین علی اور رائلی روسو کراچی کنگز کے لیے خطرہ بن سکتے ہیں، کے کے کو میچ جیتنے کے لیے ملتان ٹیم کے آل راؤنڈر سہیل تنویر اور بولر محمد الیاس کو سنبھل کے کھیلنا ہوگا۔

    اب تک ملتان سلطانز پوائنٹس ٹیبل پر 8 پوائنٹس کے ساتھ سرفہرست ہے، ملتان سلطانز نے 5 میچز میں 4 چار جیتے ایک ہارا۔ کراچی کنگز کی پوزیشن پوائنٹس ٹیبل پر 6 پوائنٹس کے ساتھ چوتھی ہے، 5 میچز میں سے 3 جیتے اور 2 ہارے۔ دیگر ٹیموں میں اسلام آباد یونائیٹڈ 7 پوائنٹس کے ساتھ دوسرے نمبر پر، پشاور زلمی 7 پوائنٹس کے ساتھ تیسرے نمبر پر، کوئٹہ گلیڈی ایٹرز 6 پوائنٹس کے ساتھ پانچویں نمبر پر اور لاہور قلندرز 2 پوائنٹس کے ساتھ چھٹے نمبر ہے۔

  • گلیڈی ایٹرز کی ایک اور شکست، زلمی کی فتح

    گلیڈی ایٹرز کی ایک اور شکست، زلمی کی فتح

    راولپنڈی: پی ایس ایل سیزن فائیو کے 18ویں میچ میں گلیڈی ایٹرز کو ایک اور شکست کا سامنا کرنا پڑا، پشاور زلمی نے میچ 30 رنز سے اپنے نام کرلیا۔

    تفصیلات کے مطابق راولپنڈی میں کھیلے جانے والے میچ میں پشاور زلمی کی جانب سے دئیے جانے والے 171 رنز کے تعاقب میں کوئٹہ گلیڈی ایٹرز کی 7 وکٹوں کے نقصان پر 140 رنز بناسکی۔

    جیسن رائے کی 45 رنز کی اننگز بھی کوئٹہ کو شکست سے نہ بچاسکی، شین واٹسن 19 رنز بناسکے، احمد شہزاد 10 رنز بنا کر وکٹ گنوا بیٹھے۔

    بین کٹنگ 17 ، محمد نواز 18 اور اعظم خان بغیر کوئی رن بنائے پویلین لوٹ گئے، کپتان سرفراز احمد 1 رن پر وہاب ریاض کی گیند پر بولڈ ہوئے۔

    پشاور زلمی کے وہاب ریاض نے تین کھلاڑیوں کو پویلین کی راہ دکھائی، راحت علی نے دو، حسن علی اور یاسر شاہ نے ایک، ایک وکٹ حاصل کی۔

    اس سے قبل پشاور زلمی نے مقررہ 15 اوورز میں 6 وکٹوں کے نقصان پر 170 رنز بنائے اور گلیڈی ایٹرز کو جیت کے لیے 171 رنز کا ہدف دے دیا، شعیب ملک نے شاندار نصف سنچری اسکور کی۔

    زلمی کی پہلی وکٹ 9 رنز پر گری جب امام الحق 7 رنز بنا کر سہیل خان کی گیند پر سرفراز احمد کو کیچ دے بیٹھے، 39 کے مجموعی اسکور پر کامران اکمل 23 ربز بنا کر پویلین لوٹ گئے۔

    حیدر علی نے 39 رنز کی ذمہ دارانہ اننگز کھیلی، لیونگ اسٹون 12 رنز بنا کر حسنین کا نشانہ بنے۔شعیب ملک 54 رنز بنا کر محمد حسنین کی گیند پر کلین بولڈ ہوئے۔

    کوئٹہ کی جانب سے محمد حسنین نے4 اور سہیل خان اور بین کٹنگ  نے ایک، ایک  وکٹ حاصل کی۔

    اس سے قبل سرفراز الیون نے ٹاس جیت کر زلمی کو پہلے بیٹنگ کی دعوت دی ہے، وہاب ریاض کا کہنا تھا کہ ٹیم میں دو تبدیلیاں کی گئی ہیں۔

    سرفراز احمد کا کہنا تھا کہ کوئی گھبراہٹ نہیں، بولنگ اچھی کرنی ہوگی، میں اپنی فارم اسے مطمئن ہوں، کوئی آپشن نہیں اچھی بیٹنگ بھی کرنی ہوگی۔

    وہاب ریاض کا کہنا تھا کہ ہم پر کوئی دباؤ نہیں ہے، یہ میچ ہمارے لیے بہت اہم ہے، کراچی کنگز نے ہمیں گزشتہ میچ میں آؤٹ کلاس کردیا تھا۔

    واضح رہے کہ بارش سے متاثرہ میچ 15 اوورز تک محدود کردیا گیا ہے۔

    فائنل الیون

  • بریو جم : کراچی کنگز کے مالک کا مکسڈ مارشل آرٹس کے کھلاڑیوں کے لیے شاندار تحفہ

    بریو جم : کراچی کنگز کے مالک کا مکسڈ مارشل آرٹس کے کھلاڑیوں کے لیے شاندار تحفہ

    لاہور: کراچی کنگز کے مالک اور اے آر وائی ڈیجیٹل کے صدر و چیف ایگزیکٹیو آفیسر سلمان اقبال نے مکسڈ مارشل آرٹس کے کھلاڑیوں کے لیے بنائے جانے والے جم کا افتتاح کردیا۔

    مکسڈ مارشل آرٹ کے کھلاڑیوں کی تربیت کے لئے  لاہور میں پاکستان کے پہلے قائم ہونے والے ’بریو جم‘ کا افتتاح کیا گیا۔ افتتاحی تقریب میں کراچی کنگز کے مالک سلمان اقبال، صدر وسیم اکرم اور کھلاڑیوں نے شرکت کی۔

    پاکستان مکسڈمارشل آرٹ فیڈریشن کے چیئرمین اور کراچی کنگز کے مالک سلمان اقبال نے افتتاح کے موقع پر کہا کہ ’بریو جم‘ سے ملک میں مکسڈ مارشل آرٹ کے کھیل کو فروغ ملے گا، دوسرا جم جلد کراچی میں کھولا جائے گا۔

    کراچی کنگز کے مالک کا کہنا تھا کہ ’میڈیاسےاسپورٹس تک کاسفربہت اچھا رہا، جم مکسڈ مارشل آرٹس کے لیے بنایا گیا ہے‘۔ اُن کا کہنا تھا کہ ہماری خواہش کے کہ نوجوان کھیلوں کی سرگرمیوں کو بڑھ چڑھ کر حصہ لیں۔

    اُن کا کہنا تھا کہ ’مکسڈ مارشل آرٹس جم پی سی بی کے فٹنس معیار کے مطابق بنایاگیا، یہاں تمام سہولیات مہیا کی گئیں ہیں، جو بھی کھلاڑی جم سے ٹریننگ حاصل کر کے فٹنس ٹیسٹ دے گا اُسے کبھی ناکامی کا سامنا نہیں ہوگا‘۔

    سلمان اقبال کا کہنا تھا کہ ’سناہے پنجاب میں بارشیں ہورہی ہیں، میں چاہتا ہوں کہ کراچی اور لاہور کی ٹیمیں ایک ساتھ پریکٹس کریں اور دعا ہے کہ لاہور کراچی کے میچ میں بارش نہ ہو‘۔

    کراچی کنگز کے صدر وسیم اکرم کا کہنا تھا کہ پاکستان میں مکسڈمارشل آرٹ کا بے پناہ ٹیلنٹ موجود ہے، بریو جم دوسرے جمز کی نسبت انتہائی مختلف ہے، کراچی میں اس کی برانچ کھلنے کے بعد میں خود اس جم میں داخلہ لوں گا۔

    سماجی رابطے کی ویب سائٹ ٹویٹر پر کراچی کنگز کے مالک نے خدا کا شکر بجا لاتے ہوئے کہا کہ ’اے آر وائی گروپ کی جانب سے ایک اور وینچر Brave Gym کا افتتاح کردیا گیا، ہم پاکستان میں کرکٹ کی واپسی کے لیے اسی طرح انتھک محنت کرتے رہیں گے اور انشاء اللہ اسی جدوجہد کے ساتھ پاکستان کے کھیلوں کو  فروغ دیتے رہیں گے‘۔

    کراچی کنگز کے کھلاڑیوں نے بریو جم میں مکسڈ مارشل آرٹ کے ہلکے پھلکے داؤ پیچ  لگانے کی بھی کوشش کی، جسے وہاں پر موجودحاضرین نے خوب سراہا۔

  • ڈیرن سیمی 2 سال کے لیے پشاور زلمی کے ہیڈ کوچ مقرر

    ڈیرن سیمی 2 سال کے لیے پشاور زلمی کے ہیڈ کوچ مقرر

    راولپنڈی: پی ایس ایل سیزن فائیو میں پشاور زلمی کے کپتان ڈیرن سیمی کو 2 سال کے لیے ٹیم کا ہیڈ کوچ بنادیا گیا۔

    تفصیلات کے مطابق پی ایس ایل سیزن فائیو میں پشاور زلمی کے کپتان ڈیرن سیمی اب کوچ کے فرائض سرانجام دیں گے، سیمی کو دو سال کے لیے پشاور زلمی کا ہیڈ کوچ بنایا گیا ہے۔

    ڈیرن سیمی کا کہنا تھا کہ آج میں شاید زلمی کے لیے آخری مرتبہ کھیلوں، گزشتہ 2 سیزن کے دوران مکمل فٹ نہیں رہا۔

    ڈیرن سیمی کا کہنا ہے کہ نوجوان کھلاڑیوں کو آگے آنا چاہئئے، اب ٹورنامنٹ میں نوجوان کھلاڑیوں کو آگے آتا دیکھنا چاہتا ہوں۔

    مزید پڑھیں: پشاور زلمی کے ڈیرن سیمی نے اپنے ٹویٹ کی وضاحت کردی

    واضح رہے کہ اس سے قبل کھیلے جانے والے میچ میں کپتان ڈیرن سیمی فائنل الیون کا حصہ نہیں تھے ان کی جگہ وہاب ریاض نے کپتانی کی تھی۔

    وہاب ریاض کا کہنا تھا کہ ڈیرن سیمی کو آرام کی غرض سے شامل نہیں کیا گیا ہے، سیمی کی جگہ کارلوس برتیھ ویٹ نے میچ کھیلا تھا۔

    واضح رہے کہ چند روز قبل ڈیرن سیمی نے کسی کا نام لیے بغیر ایک ٹویٹ کیا تھا جس میں ان کا کہنا تھا کہ ’آپ اس وقت تک اہم ہیں جب تک کام مکمل نہیں ہوجاتا۔

    اس ٹویٹ کے بعد خبریں گردش کررہی تھیں کہ ڈیرن سیمی شاید اختلافات کی بنیاد پر اس طرح کی بات کی لیکن دوسرے ہی دن انہوں ںے وضاحت کرتے ہوئے کہا تھا کہ خبریں بے بنیاد ہیں جاوید آفریدی میرے بھائیوں کی طرح ہے۔

  • پشاور زلمی اور کوئٹہ گلیڈی ایٹرز آج پنڈی اسٹیڈیم میں ٹکرائیں گے

    پشاور زلمی اور کوئٹہ گلیڈی ایٹرز آج پنڈی اسٹیڈیم میں ٹکرائیں گے

    راولپنڈی: آج پشاور زلمی اور کوئٹہ گلیڈی ایٹرز راولپنڈی کرکٹ اسٹیڈیم میں شام 7 بجے مد مقابل ہوں گے۔

    اے آر وائی نیوز کے مطابق آج 18 واں میچ پشاور اور کوئٹہ کے درمیان کھیلا جا رہا ہے، جس کے لیے تمام انتظامات اور حفاظتی اقدامات مکمل کر لیے گئے ہیں۔

    گزشتہ روز پی ایس ایل فائیو کے 17 ویں میچ میں لاہور قلندرز کی ٹیم 127 رنز پر ڈھیر ہو گئی تھی اور اسلام آباد یونائیٹڈ نے ایک اور فتح حاصل کر لی تھی، لاہور میں کھیلے جانے والے اس میچ میں قلندرز کی ٹیم 199 رنز کے تعاقب میں صرف 18.5 اوورز میں 127 رنز پر ڈھیر ہو گئی، ایونٹ میں لاہور قلندرز کی یہ چوتھی شکست تھی۔

    لاہور قلندرز کی ٹیم 127 رنز پر ڈھیر، یونائیٹڈ کی ایک اور فتح

    3 فروری کو لاہور کے قذافی اسٹیڈیم میں کھیلے جانے والے 16 ویں میچ میں قلندرز نے کوئٹہ گلیڈی ایٹرز کو 37 رنز سے شکست دے کر ایونٹ میں پہلی کامیابی حاصل کی تھی۔ میچ میں لاہور قلندرز نے 210 رنز کا بڑا ہدف دیا تھا، جس کے تعاقب میں کوئٹہ گلیڈی ایٹرز کے بلے بازوں کے ہاتھ پاؤں پھول گئے، اور پوری ٹیم 172 رنز پر پویلین لوٹ گئی۔ قلندرز کے بولرز نے ابتدا ہی سے بلے بازوں کو دباؤ میں رکھا جس کے باعث وقفے وقفے سے وکٹیں گرتی رہیں اور کٹنگ کے سوا کوئی بیٹسمین جم کر نہ کھیل سکا تھا۔

    کوئٹہ گلیڈی ایٹرز کو شکست، لاہور قلندرز کی پہلی فتح

    اب تک کھیلے گئے 17 میچوں میں کوئٹہ گلیڈی ایٹرز کی ٹیم نے 3، کراچی کنگز نے 3، ملتان سلطان 4، پشاور زلمی 2، اسلام آباد یونائیٹڈ نے 3 میچ جیتے، جب کہ لاہور قلندرز ایک میچ جیت چکی ہے۔

  • لاہور قلندرز کی ٹیم 127 رنز پر ڈھیر، یونائیٹڈ کی ایک اور فتح

    لاہور قلندرز کی ٹیم 127 رنز پر ڈھیر، یونائیٹڈ کی ایک اور فتح

    لاہور: پی ایس ایل فائیو کے 17ویں میچ میں لاہور قلندرز کی ٹیم 127 رنز پر ڈھیر ہوگئی، یونائیٹڈ کے دامن میں ایک اور فتح آگری۔

    تفصیلات کے مطابق لاہور میں کھیلے جانے والے میچ میں لاہور قلندرز کی ٹیم 199 رنز کے تعاقب میں صرف 18.5 اوورز میں صرف 127 رنز پر ڈھیر ہوگئی، ایونٹ میں لاہور قلندرز کی یہ چوتھی شکست ہے۔

    لاہور قلندرز کے صرف 4 کھلاڑی ڈبل فگر میں داخل ہوسکے، سلمان بٹ 21، محمد حفیظ 10 اور بین ڈنک 25 اور عثمان شنواری 30 رنز بنا کر نمایاں رہے۔

    لاہور قلندرز کے کپتان سہیل اختر 8 رنز بنا کر ظفر گوہر کی گیند پر ایل بی ڈبلیو آؤٹ ہوئے، سمت پٹیل 6 رنز بنا کر شاداب خان کا نشانہ بنے۔

    یونائیٹڈ کی جانب سے ظفر گوہر نے تین کھلاڑیوں کو پویلین کی راہ دکھائی، شاداب خان اور رومن رئیس نے دو، دو وکٹیں حاصل کیں، ڈیل اسٹین اور عاکف جاوید کے حصے میں ایک وکٹ آئی۔

    قبل ازیں اسلام آباد یونائیٹڈ نے پہلے بیٹنگ کرتے ہوئے مقررہ اوورز میں 3 وکٹوں کے نقصان پر 198 رنز بنائے اور لاہور قلندرز کو جیت کے لیے 199 رنز کا ہدف دیا، کولن منرو نے 87 رنز کی ناقابل شکست اننگز کھیلی۔

    اسلام آباد یونائیٹڈ نے اوپنرز کولن منرو اور لک رانکی نے عمدہ آغاز فراہم کرتے ہوئے 103 رنز کی شراکت قائم کی، لک رانکی 48 رنز بنا کر حفیظ کی گیند پر سمت پٹیل کو کیچ دے بیٹھے۔

    کپتان شاداب خان 7 رنز بنا کر کیچ آؤٹ ہوئے، کولن انگرام کو سلمان ارشاد نے 29 رنز پر آؤٹ کیا،

    لاہور قلندرز کی جانب سے سلمان ارشاد، محمد فیضان اور محمد حفیظ نے ایک، ایک وکٹ حاصل کی۔

    اس سے قبل سہیل اختر نے ٹاس جیت کر یونائیٹڈ کو پہلے بیٹنگ کی دعوت دی ہے، سہیل اختر کا کہنا تھا کہ کل کی کارکردگی کا تسلسل برقرار رکھنا چاہیں گے۔

    سہیل اختر کا کہنا تھا کہ ٹیم میں ایک تبدیلی کی گئی ہے آؤٹ آف فارم فخر زمان کی جگہ سلمان بٹ کو اسکواڈ میں شامل کیا گیا ہے۔

    شاداب خان کا کہنا تھا کہ کوشش کریں گے کہ لاہور قلندرز کو بڑا ہدف دیں۔

    فائنل الیون
    Image may contain: 4 people, text

  • پی ایس ایل میچز، سندھ حکومت کی بخار میں مبتلا شائقین کو اسٹیڈیم نہ آنے کی ہدایت

    پی ایس ایل میچز، سندھ حکومت کی بخار میں مبتلا شائقین کو اسٹیڈیم نہ آنے کی ہدایت

    کراچی: سندھ حکومت نے شائقین کو ہدایت کی ہے کہ جو لوگ بخار میں مبتلا ہیں یا پھر حال ہی میں ایران کا سفر کر کے آئے وہ پی ایس ایل 5 کا میچ دیکھنے اسٹیڈیم نہ آئیں۔

    اے آر وائی نیوز کی رپورٹ کے مطابق حکومت سندھ نے اپیل کی کہ جو شہری حال ہی میں ایران کا دورہ کر کے آئے وہ اپنے گھروں میں ہی قیام کریں، علاوہ ازیں جو شہری بخار یا نزلے میں مبتلا ہیں وہ بھی گھروں میں ہی قیام کریں۔

    یاد رہے کہ پی ایس ایل سیزن فائیو کے تیسرے سیشن میں کراچی میں 12 مارچ سے 17 مارچ تک میچز کھیلے جائیں گے۔

    حکومت سندھ نے کرونا وائرس کو پھیلنے سے روکنے کے لیے اُن تمام شہریوں سے اسٹیڈیم نہ آنے کی اپیل کی جو متاثرہ ممالک کا دورہ کر کے حال ہی میں وطن واپس لوٹے ہیں۔

    اطلاع کے مطابق سندھ حکومت نے کی جانب اسٹیڈیم کے داخلی دروازوں پر طبی عملہ تعینات کیا جائے گا جو گراؤنڈ میں داخل ہونے سے قبل شائقین کا ٹیسٹ کرے گا اور اگر کسی پر شک ہوا تو اُسے باہر ہی روک دیا جائے گا۔ علاوہ ازیں نیشنل اسٹیڈیم میں شائقین کے ہاتھ دھونے کے انتظامات بھی کیے جائیں گے۔

    دوسری جانب ماہرین نے یہ بھی واضح کیا ہے کہ اسٹیڈیم آنے والے شائقین کو سرجیکل ماسک لگانا ضروری نہیں ہے۔

  • وزیراعظم عمران خان نے پی ایس ایل کو کامیاب ایونٹ قرار دے دیا

    وزیراعظم عمران خان نے پی ایس ایل کو کامیاب ایونٹ قرار دے دیا

    اسلام آباد :  وزیراعظم عمران خان نے  ڈیرن سیمی اور ہاشم آملہ سے ملاقات میں  پی ایس ایل کو کامیاب ایونٹ قرار دے دیا اور پاکستان کی اعزازی شہریت ملنے پر ڈیرن سیمی کوگرمجوشی سےمبارکباد دی۔

    تفصیلات کے مطابق وزیر اعظم عمران خان سے ڈیرن سیمی اور ہاشم آملہ کی ملاقات ہوئی، ملاقات میں پی ایس ایل اور پاکستان میں کرکٹ پر تبادلہ خیال کیا گیا۔

    اس موقع پر وزیراعظم عمران خان نے پی ایس ایل کو کامیاب ایونٹ قرار دیتے ہوئے کہا پی ایس ایل نے پاکستان میں کرکٹ کی رونقیں بحال کر دیں، پہلے پی ایس ایل ایسا نہیں تھا جو اب ہے۔

    عمران خان کا کہنا تھا کہ دبئی میں میچز کی وہ شکل نہیں جو پاکستان میں ہے، کوشش ہےاور بھی ایونٹ کرائیں جسے سے عوام کو تفریح کےمواقع ملیں۔

    وزیراعظم نے پاکستان کی اعزازی شہریت ملنے پر ڈیرن سیمی کوگرمجوشی سےمبارکباد دیتے ہوئے کہا اب آپ ہمارے شہری بھی ہیں، پاکستان میں عالمی کرکٹ کی بحالی میں آپ کا کردار ہمیشہ یاد رکھا جائے گا۔

    مزید پڑھیں : وزیراعظم سے کراچی کنگز کےمالک سلمان اقبال اور ٹیم منیجمنٹ کی ملاقات

    وزیراعظم نے جنوبی افریقا کے بیٹسمین ہاشم آملہ کو بھی خوش آمدید کہتے ہوئے کہا خوشی ہے کہ پورا پی ایس ایل پاکستان میں ہورہا ہے، لوگ خوش ہیں ، تمام میچز میں اسٹیڈیم بھرے ہوئے ہیں ، یہ دنیا کو پاکستان کامثبت پیغام ہے

    یاد رہے گذشتہ روز وزیراعظم عمران خان سے پی ایس ایل کی سب سے بڑی فرنچائز کراچی کنگز کے مالک سلمان اقبال اور ٹیم مینجمنٹ کی ملاقات ہوئی تھی،
    وزیراعظم نے پی ایس ایل کیلئے کراچی کنگز کے مالک سلمان اقبال کی کوششوں کو سراہتے ہوئے کہا تھا کہ پی ایس ایل کا پاکستان میں ہونا خوش آئندہے، ایونٹ سے ملک میں کرکٹ کی رونقیں بحال ہوگئی ہیں۔

    اس موقع پر کراچی کنگز کے مالک نے پی ایس ایس 5 کے ملک میں انعقاد پر وزیراعظم کا شکریہ ادا کرتے ہوئے کہا تھا کہ پی ایس ایل پاکستان میں کرانے پر وزیراعظم کے مشکور ہیں۔

  • کوئٹہ گلیڈی ایٹرز کو شکست، لاہور قلندرز کی پہلی فتح

    کوئٹہ گلیڈی ایٹرز کو شکست، لاہور قلندرز کی پہلی فتح

    لاہور: پی ایس ایل فائیو کے 16 ویں میچ میں لاہور قلندرز نے کوئٹہ گلیڈی ایٹرز کو 37 رنز سے شکست دے کر ایونٹ میں پہلی کامیابی حاصل کر لی۔

    لاہور کے قذافی اسٹیڈیم میں کھیلے گئے میچ میں لاہور قلندرز نے 210 رنز کا بڑا ہدف دیا، کوئٹہ گلیڈی ایٹرز پہاڑ جیسے بڑے ہدف تلے دب گئی اور پوری ٹیم 172 رنز پر پویلین لوٹ گئی۔

    ہدف کے تعاقب میں گلیڈی ایٹرز کے بلے بازوں کے ہاتھ پاؤں پھول گئے، قلندرز کے بولرز نے ابتدا سے ہی بلے بازوں کو دباؤ میں رکھا جس کے باعث وقفے وقفے سے وکٹیں گرتی رہیں اور کٹنگ کے سوا کوئی بیٹسمین جم کر نہ کھیل سکا۔

    کٹنگ نے 27 گیندوں پر 5 چھکوں اور 3 چوکوں کی مدد سے 53 رنز بنائے جو بے سود ثابت ہوئے، جیسن روئے12، واٹسن 23 اور کپتان سرفراز احمد 9 رنز بنا کر پویلین لوٹے۔

    محمد نواز 24، اعظم خان 12، انور علی 4، فواد احمد 13،احسان علی 2 اور نسیم شاہ 11 رنز بنا کر چلتے بنے جب کہ محمد حسنین ایک اسکور کے ساتھ ناٹ آؤٹ رہے۔


    قلندرز کی جانب سے سلمان ارشد سب سے کامیاب بولر رہے جنہوں نے 4 کھلاڑیوں کو پویلین کی راہ دکھائی، پٹیل، دلبر حسین اور محمد فیضان نے 2،2 شکار کیے۔

    اس سے قبل سرفراز احمد نے ٹاس جیت کر لاہور قلندرز کو بیٹنگ کی دعوت دی تو مقررہ اوورز میں 5 وکٹوں کے نقصان پر 209 رنز بنائے اورکوئٹہ گلیڈی ایٹرز کو جیت کے لیے 210 رنز کا ہدف دیا، بین ڈنک اور سمتھ پٹیل نے شاندار نصف سنچریاں اسکور کیں۔

    ابتدائی تین وکٹیں جلد گرنے کے بعد بین ڈنک اور پٹیل کے درمیان 100 رنز سے زائد کی شراکت قائم ہوئی جس نے ٹیم کو سہارا دیا۔

    بین ڈنک نے 93 رنز کی شاندار اننگز کھیلی، ان کی اننگز میں‌ 10 بلند و بالا چھکے اور تین چوکے شامل تھے،   اور سمتھ پٹٰل 71 رنز بنا کر آؤٹ ہوئی۔

    فخر زمان 15 رنز بنا کر آؤٹ ہوئے، کرس لین 27 رنز بنا کر محمد حسنین کا نشانہ بنے، محمد حفیظ بغیر کوئی رن بنائے محمد نواز کی گیند پر شین واٹسن کو کیچ دے بیٹھے۔

    کوئٹہ کی جانب سے محمد حسنین، فواد احمد اور محمد نواز نے ایک، ایک وکٹ حاصل کی۔

    سرفراز احمد کا کہنا تھا کہ ٹیم میں ایک تبدیلی کی ہے، سہیل خان کی جگہ فواد احمد کو ٹیم میں شامل کیا گیا ہے۔

    لاہور قلندرز کے کپتان سہیل اختر کا کہنا ہے کہ اس وکٹ پر 180 رنز سے زائد اچھا ٹوٹل ہوگا، کوئٹہ گلیڈی ایٹرز کے خلاف تین تبدیلیاں کی گئی ہیں۔

    فائنل الیون