ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • کرکٹ میچ: گورنر سندھ نے نامور کھلاڑیوں کو شکست دے دی

    کرکٹ میچ: گورنر سندھ نے نامور کھلاڑیوں کو شکست دے دی

    کراچی: گورنر سندھ نے قومی ٹیسٹ کرکٹ ٹیم کے کپتان اور نیوزی لینڈ کی ٹیم کے سابق کھلاڑی کے ساتھ ہونے والے میچ میں‌ نامور کھلاڑیوں کو شکست دے دی۔

    گورنر سندھ عمران اسماعیل سے نامور اداکار و گلوکار فخر عالم ، اظہر علی اور گرینٹ ایلیٹ نے ملاقات کی، جس میں پی ایس ایل کی پاکستان واپسی پر مسرت کا اظہار کیا گیا۔

    سماجی رابطے کی ویب سائٹ ٹویٹر پر اظہر علی نے گورنر سندھ سے ملاقات کی تصاویر شیئر کیں اور عمران اسماعیل کا شکریہ بھی ادا کیا۔

    پاکستانی گلوکار و اداکار فخر عالم نے لکھا کہ آج ہم نے گورنر ہاؤس کا دورہ کیا، جہاں ہمارا پرتپاک استقبال کیا گیا اور میری سب سے پرانے دوست ، بھائی عمران اسماعیل سے ملاقات بھی ہوئی۔

    انہوں نے لکھا کہ ’کرکٹ کی واپسی پر ہم سب خوش ہیں اور پاکستان میں اس کا جشن بھی منارہے ہیں‘۔

    ملاقات کے بعد اظہر علی اور گرینٹ ایلیٹ نے گورنر سندھ کو چیلنج بھی دیا جس میں نیوزی لینڈ کے سابق کرکٹر نے باؤلنگ کی اور قومی ٹیسٹ کرکٹ ٹیم کے کپتان وکٹ کے پیچھے فیلڈنگ کے لیے کھڑے ہوئے۔

    فخر عالم کی شیئر کردہ ویڈیو میں انہوں نے بتایا کہ یہ آخری گیند ہے جس پر چار رنز درکار ہیں، عمران اسماعیل نے اُس بال کر چھکا مارا اور گیند کو باؤنڈری کے پار پھینکا۔

  • جارحانہ کرکٹ کھیلنے اور پلے آف میں جگہ بنانا ہدف ہے: کپتان کراچی کنگز

    جارحانہ کرکٹ کھیلنے اور پلے آف میں جگہ بنانا ہدف ہے: کپتان کراچی کنگز

    کراچی: پی ایس ایل 5 کی سپر ٹیم کراچی کنگز کے کپتان عماد وسیم نے کہا ہے کہ ہمارا ہدف جارحانہ کرکٹ کھیلنا اور پلے آف میں جگہ بنانا ہے۔

    ان خیالات کا اظہار کراچی کنگز کے کپتان عماد وسیم نے پریس کانفرنس میں کیا، انھوں نے آنے والے میچز میں شان دار کارکردگی دکھانے کا عزم ظاہر کرتے ہوئے کہا کہ ہمارا ہدف ہے جارحانہ کرکٹ کھیلیں اور پلے آف میں جگہ بنائیں۔

    عماد وسیم کا کہنا تھا کہ شرجیل خان اور بابر اعظم ٹیم کے اہم کھلاڑی ہیں، شرجیل خان اکیلے میچ جتوانے کی صلاحیت رکھتے ہیں، بابر اعظم اور شرجیل خان ٹورنامنٹ کے آخری میچ تک مین کھلاڑی رہیں گے، شرجیل خان پرفارم کرے یا نہ کرے وہ کھیلے گا، ٹاپ آرڈر میں ان دونوں سے اچھا کوئی کھلاڑی نہیں۔

    ملتان سلطانز نے پشاور زلمی کو 6 وکٹوں‌ سے شکست دے دی

    کراچی کنگز کے کپتان نے کہا کہ ہمارے لہے اعزاز کی بات ہے کہ ملتان کا لڑکا ہماری ٹیم میں ہے، عامر یامین بہترین کھلاڑی ہیں، وہ بہت محنت کرتے ہیں، وہ پاکستان کے بیسٹ فاسٹ بولنگ آل راؤنڈر ہیں۔ عماد وسیم نے مزید کہا کہ ہوسکتا ہے تیسرے میچ میں ٹیم میں تبدیلیاں ہوں، ایسا نہیں کہ ہم پریشرمیں ہیں، ہمارے کھلاڑی ورلڈ کلاس ہیں، ہماری ٹیم بھی بہت بڑی ہے۔

    ان کا کہنا تھا کہ پرفارمنس کی گارنٹی کسی کی نہیں ہوتی، جو بہتر کھیلے گا وہی میچ جیتے گا۔

    خیال رہے کہ پی ایس ایل کی سب سے مقبول ٹیم کراچی کنگز نے ملتان میں ڈیرے ڈال دیے ہیں، آج کراچی کنگز کا ملتان کرکٹ اسٹیڈیم میں پریکٹس سیشن شیڈول ہے۔ کراچی کنگز ایونٹ میں اپنا تیسرا میچ کل ملتان سلطانز کے خلاف کھیلے گی۔ اپنا پہلا میچ کے کے ٹیم نے پشاور زلمی سے جیتا تھا تاہم دوسرا میچ کوئٹہ گلیڈی ایٹرز سے ہار گئی تھی۔

  • پاکستان سپر لیگ کو بدنام کرنے کی سازش ناکام

    پاکستان سپر لیگ کو بدنام کرنے کی سازش ناکام

    کراچی: پی ایس ایل کو شفاف رکھنے کے لیے ایف آئی اے نے کارروائی کرتے ہوئے اسے بدنام کرنے کی سازش ناکام بنا دی۔

    اے آر وائی نیوز کے مطابق ایف آئی اے نے بھارتی بکیوں کے ساتھ رابطہ رکھنے والے بین الاقوامی گروہ کے 3 اہم کارندے گرفتار کر لیے، ملزمان میں مہیندر کمار، نریش کمار، نریش کمار عرف جانی شامل ہیں۔

    ایف آئی اے ذرایع کے مطابق ملزمان انٹرنیٹ کے ذریعے بیرون ملک گروپ سے رابطے میں تھے، بھارتی بکیوں سے تانے بانے ملتے ہیں، ملزمان سے لیپ ٹاپ اور موبائل فون برآمد ہوئے ہیں۔

    ایف آئی اے نے ملزمان کے خلاف مقدمہ درج کر لیا، ملزمان مختلف بینکوں میں بے نامی اکاؤنٹس چلا رہے تھے، حوالہ ہنڈیوں کے کام میں بھی ملوث تھے، گروپ میں بدنام زمانہ بکی بھی شامل ہیں۔

    پی ایس ایل میں بال ٹیمپرنگ کا الزام

    خیال رہے کہ پاکستان میں پی ایس ایل 5 کے سنسنی خیز میچز جاری ہیں، اب تک 8 میچز کھیلے جا چکے ہیں جن اسلام آباد یونائیٹڈ، کوئٹہ گلیڈی ایٹرز اور ملتان سلطانز نے دو دو میچز جیتے ہیں جب کہ کراچی کنگز اور پشاور زلمی ایک ایک میچ جیت چکے ہیں۔

    آج پی ایس ایل فائیو کا میلہ راولپنڈی میں سجے گا، اسلام آباد یونائیٹڈ کا ہوم گراؤنڈ پر کوئٹہ گلیڈی ایٹرز سے مقابلہ ہوگا۔

  • ملتان سلطانز نے پشاور زلمی کو 6 وکٹوں‌ سے شکست دے دی

    ملتان سلطانز نے پشاور زلمی کو 6 وکٹوں‌ سے شکست دے دی

    ملتان: پی ایس ایل فائیو کے آٹھویں میچ میں ملتان سلطانز نے پشاور زلمی کو باآسانی چھ وکٹوں سے شکست دے دی۔

    تفصیلات کے مطابق ملتان سلطانز نے پشاور زلمی کی جانب سے دیا جانے والا 124 رنز کا ہدف باآسانی 14.5 اوورز میں چار وکٹوں کے نقصان پر حاصل کرلیا۔

    ملتان سلطانز کی جانب سے روسو نے 49 اور خوشدل شاہ نے 43 رنز کی ناقابل شکست اننگز کھیلی۔

    زلمی کے وہاب ریاض نے دوکھلاڑیوں کو پویلین کی راہ دکھائی،، حسن علی اور راحت علی نے ایک، ایک وکٹ حاصل کی۔

    اس سے قبل سہیل تنویر اور الیاس کی شاندار بولنگ کی بدولت پشاور زلمی 18.3 اوورز میں صرف 123 رنز پر ڈھیر ہوگئی اور پشاور زلمی کو جیت کے لیے 124 رنز کا ہدف ملا۔

    پشاور زلمی کے صرف 3 کھلاڑی ڈبل فگر میں داخل ہوسکے، حیدر علی 47 رنز بنا کر نمایاں رہے، ڈوسن نے 22 اور کامران اکمل نے 15 رنز کی اننگز کھیلی۔

    پشاور زلمی کے کپتان ڈیرن سیمی 2 رنز بنا کر پویلین لوٹ گئے، ملتان سلطانز کی جانب سے سہیل تنویر نے چار کھلاڑیوں کو پویلین کی راہ دکھائی، محمد عرفان اور الیاس نے دو ، دو وکٹیں حاصل کیں،شاہد آفریدی اور عمران طاہر نے ایک وکٹ حاصل کی۔

    اس سے قبل ملتان سلطانز کے کپتان شان مسعود نے پشاور زلمی کے خلاف ٹاس جیت کر پہلے بولنگ کا فیصلہ کیا ہے، ملتان سلطانز پہلی بار ہوم گراؤنڈ پر میچ کھیل رہی ہے.

    میچ میں دونوں ٹیموں کی جانب سے کوئی تبدیلی نہیں کی گئی ہے اور پہلے دونوں میچز کی فائنل الیون کو کھلایا گیا ہے۔

    واضح رہے کہ ملتان سلطانز اور پشاور زلمی کی ٹیموں نے ایونٹ میں دو میچز کھیلے ہیں اور ایک ، ایک کامیابی حاصل کی ہے۔

    ملتان سلطانز اسکواڈ

    پشاور زلمی اسکواڈ

  • پاکستانی شہریت ملنے پر ڈیرن سیمی کا نیا نام رکھ دیا گیا

    پاکستانی شہریت ملنے پر ڈیرن سیمی کا نیا نام رکھ دیا گیا

    کراچی: پاکستان میں انٹرنیشنل کرکٹ کی بحالی میں کلیدی کردار ادا کرنے اور گراں قدر خدمات پر حکومت نے ڈیرن سیمی کو پاکستانی شہریت دینے کے ساتھ ساتھ اعلیٰ ترین سول ایوارڈ دینے کا اعلان کر رکھا ہے۔

    حکومتی اعلان کے بعد پاکستانی ہونے پر ڈیرن سیمی کا نیا نام بھی سامنے آگیا ہے، پشاور زلمی کے بیٹنگ مینٹور اور لیجنڈری بیٹسمین ہاشم آملہ نے بتایا کہ جب سے پاکستانی شہریت دینے کا فیصلہ ہوا ہے ہم ڈیرین کو "سیمیستان” کہہ کر پکارتے ہیں۔

    ایک انٹرویو میں ہاشم آملہ نے بتایا کہ ازراہ مذاق کپتان کو "ڈیرن سیمیستان” کہتے ہیں، ان کی پاکستان کے لیے بڑی خدمات ہیں انہوں نے انٹرنیشنل کرکٹ کی واپسی کے لیے کھلاڑیوں میں شعور اجاگر کیا۔

    ہاشم آملہ نے کہا کہ ڈیرن سیمی کی خدمات کا اعتراف اور سراہنا خوش آئند اقدام ہے، کھلاڑیوں کی حوصلہ افزائی ہونی چاہیے۔

    پاکستانی امپائر علیم ڈار کی تعریف کرتے ہوئے ہاشم آملہ نے کہا کہ علیم ڈار پاکستان کا فخر ہیں، میرا ان سے اچھا تعلق ہے، میں سب امپائرز کی عزت کرتا ہوں۔

    کراچی کنگز کے بیٹسمین اور قومی ٹیم کے کپتان بابر اعظم کی صلاحیتوں کا اعتراف کرتے ہوئے ہاشم آملہ نے کہا کہ بابر اعظم ایک شاندار کرکٹر کے طور پر ابھرے،ان کی کارکردگی بہتر سے بہتر ہو رہی ہے۔

    یاد رہے حکومت نے ویسٹ انڈیزکےکھلاڑی ڈیرن سیمی کو پاکستان کا اعلی سول ایوارڈ اور اعزازی شہریت دینےکافیصلہ کیا تھا ، ڈیرن سیمی کو23مارچ کواعزازی شہریت اوراعلیٰ سول ایوارڈسےنوازاجائے۔

    خیال رہے ڈیرن سیمی وہ واحد غیر ملکی کھلاڑی ہیں، جنہوں نے پاکستان میں کرکٹ کی بحالی میں بھر پور کردارادا کیا اور جب کوئی بھی غیر ملکی پاکستان میں آ کر کھیلنے کیلئے تیار نہیں تھا تو انھوں نے پاکستان آنے کی آمدگی ظاہرکی۔

    ڈیرن سیمی سوشل میڈیا پر پاکستانیوں سے محبت کا اظہار اردو میں پیغام جاری کرتے رہتے ہیں اور پچھلے پانچ سالوں سے پاکستان سپر لیگ کا حصہ ہیں۔

  • ہوم گراؤنڈ پر ملتان سلطانز کا آج پشاور زلمی سے آمنا سامنا

    ہوم گراؤنڈ پر ملتان سلطانز کا آج پشاور زلمی سے آمنا سامنا

    کراچی: انٹرٹینمنٹ سے بھرپور پی ایس ایل 5 نے ملتان کا رخ کر لیا، پی ایس ایل کا دوسرا مرحلہ آج ملتان میں شروع ہوگا۔

    اے آر وائی نیوز کے مطابق پشاور زلمی اور ملتان سلطانز کے درمیان میچ آج شام سات بجے شروع ہوگا، انٹرنیشنل ستاروں کی کہکشاں ملتان میں بھی جمگمائے گی، 12 سال بعد ملتان میں کرکٹ کی رونقین بحال ہو رہی ہیں، تاریخی میچ کے لیے ملتان کرکٹ اسٹیڈیم میں تیاریں مکمل کر لی گئیں۔

    بارہ سال بعد کرکٹ کی رونقیں بحال ہونے پر شایقین کرکٹ کا جوش و خروش بڑھ گیا ہے، شایقین کا کہنا تھا کہ انھیں اس وقت کا انتظار تھا، پشاور زلمی اور ملتان سلطانز کا میچ دیکھنے کے لیے بے تابی سے انتظار کر رہے ہیں، ہوم ٹیم کے فینز کا کہنا تھا کہ امید ہے ملتان ٹیم میچ جیت جائے گی۔

    جنوبی پنجاب کی شان ملتان سلطان کے کپتان شان مسعود کا کہنا ہے کہ ہماری ٹیم ہوم گراؤنڈ پر پشاور زلمی کو ٹف ٹائم دے گی، امید کرتا ہوں کہ تینوں دن گراؤنڈ ہاؤس فل ہوگا، ہوم کراؤڈ کو اچھا انٹرٹین کرنے کی کوشش ہوگی۔ پشاور زلمی نے بھی سلطانز کو ڈھیر کرنے کی حکمت عملی بنالی، زلمی کے نوجوان فاسٹ بولر عامر خان کہتے ہیں کہ پی ایس ایل بہترین فلیٹ فارم ہے، حسن علی اور وہاب ریاض سے بہت کچھ سیکھنے کو ملتا ہے۔ خیال رہے کہ دونوں ٹیمیں اب تک اپنا ایک ایک میچ جیت چکی ہیں۔

    پی ایس ایل فائیو، پوائنٹس ٹیبل پر اسلام آباد یونائیٹڈ سرفہرست

    دونوں ٹیموں کے چند کھلاڑی کسی بھی وقت اپنی ٹیم کے حق میں بازی پلٹ سکتے ہیں، ملتان سلطانز کے شان مسعود اگر کچھ کر دکھانے کو بے تاب ہیں تو معین علی، جیمز ونس اور رائلی روسو کی اسٹار پاور ملتان کو میچ جتوا سکتی ہے، لاکھوں دلوں کی جان شاہد خان آفریدی بھی ہیں ایکشن میں نظر آئیں گے۔ دوسری طرف زلمی کے کپتان ڈیرن سیمی اور کامرن اکمل بھی خوب چھکے لگاتے ہیں، زلمی کے پاس ٹام بینٹن اور لیونگسٹن جیسے خطرناک کھلاڑی بھی موجود ہیں، بولنگ میں زلمی کی امیدیں تیز رفتار وہاب ریاض اور حسن علی سے وابستہ ہیں۔

    خیال رہے کہ پی ایس ایل فائیو کے دوسرے مرحلے کے لیے ٹیمیں اسلام آباد اور ملتان پہنچنا شروع ہو گئی ہیں، دفاعی چیمپئن کوئٹہ گلیڈی ایٹرز اور لاہور قلندرز نے اسلام آباد میں ڈیرے ڈال لیے، دونوں ٹیمیں کل پنڈی کرکٹ اسٹیڈیم میں پریکٹس سیشن میں حصہ لیں گی۔

    ملتان میں پی ایس ایل فائیو کے میچز کی میزبانی کے لیے سیکورٹی پلان بھی جاری کیا جا چکا ہے، سیکورٹی کو فول پروف بنانے کے لیے سخت انتظامات کیے گئے ہیں، جس میں 3 ہزار سے زائد پولیس افسران ڈیوٹی سر انجام دیں گے۔ اسٹیڈیم آنے والے شائقین کو فور ٹیئر سیکورٹی پروسس سے گزارا جائے گا۔ ٹکٹ رکھنے والے افراد کو مکمل چیکنگ کے بعد اسٹیڈیم میں داخل ہونے کی اجازت دی جائے گی، کسی بھی قسم کے ناخوش گوار واقعے سے بچنے کے لیے 12 عدد واک تھرو گیٹس، 48 میٹل ڈیٹیکٹرز کے ساتھ تلاشی لی جائے گی۔

  • کراچی کنگز کا شنیرا اکرم کے لیے خصوصی تحفہ

    کراچی کنگز کا شنیرا اکرم کے لیے خصوصی تحفہ

    کراچی کنگز کی انتظامیہ نے ٹیم کے صدر وسیم اکرم کی اہلیہ شنیرا اکرم کو خصوصی شرٹ کا تحفہ دیا۔

    کراچی کنگز کی جانب سے وسیم اکرم کی اہلیہ کو جو شرٹ دی گئی اُس کی پشت پر 01 نمبر درج ہے جبکہ اُس پر ’بھابھی‘ نام لکھا گیا ہے۔

    کراچی کنگز کی جانب سے ملنے والی شرٹ ایک روز قبل شنیرا اکرم نے سماجی رابطے کی ویب سائٹ پر شیئر کی اور انتظامیہ کا شکریہ بھی ادا کیا۔

    شنیرا اکرم نے لکھا کہ ’یہ پہلا موقع ہے کہ مجھے ٹی شرٹ تحفے میں ملی، میرے لیے یہ بہت زیادہ فخر کی بات ہے‘۔ انہوں نے کراچی کنگز کا شکریہ ادا کرتے ہوئے جیت کی دعا بھی کی۔

    یاد رہے کہ پی ایس ایل سیزن فائیو میں وسیم اکرم کراچی کنگز کے صدر جبکہ ڈین جونز ہیڈ کوچ ہیں۔

    کراچی کنگز نے اب تک ٹورنامنٹ میں دو میچز کھیلے جن میں سے ایک میں فتح اور ایک میں شکست کا سامنا رہا۔ پوائنٹس ٹیبل پر اس وقت کراچی کنگز دو پوائنٹس کے ساتھ پانچویں نمبر پر ہے۔

    کراچی کنگز کا پہلا میچ پشاور زلمی کے ساتھ ہوا جس میں ٹیم کو فتح ملی تھی جبکہ دوسرا میچ کوئٹہ گلیڈی ایٹرز کے ساتھ کراچی کے نیشنل اسٹیڈیم میں ہی کھیلا گیا تھا۔

  • پی ایس ایل میں بال ٹیمپرنگ کا الزام

    پی ایس ایل میں بال ٹیمپرنگ کا الزام

    کراچی: پاکستان کرکٹ بورڈ نے تصدیق کرتے ہوئے کہا ہے کہ پی ایس ایل میں بال ٹیمپرنگ سے متعلق الزام کی باضابطہ شکایت میچ ریفری کو نہیں کی گئی۔

    پشاور زلمی اور کوئٹہ گلیڈی ایٹرز کے مابین 22 فروری کو کھیلے گئے میچ کے اختتام پر سرفراز احمد نے الزام عائد کیا تھا کہ بال کے ساتھ چھیڑ چھاڑ کی گئی۔

    پی سی بی نے الزام کو مسترد کرتے ہوئے واضح کیا ہے کہ فی الحال میچ ریفری روشن ماہنامہ کے پاس کوئی تحریری شکایت نہیں پہنچی، آرٹیکل 3.2کی شق 3.2.2 کے تحت ٹیم منیجر میچ کے اختتام کے 48 گھنٹوں میں شکایت درج کروانے کا مجاز ہوتا ہے۔

    چیف ایگزیکٹو پاکستان کرکٹ بورڈ وسیم خان کا کہنا ہے کہ ہم گیند کی حالت تبدیل کرنے سے متعلق بیان سے پوری طرح آگاہ ہیں تاہم الزام عائد کرنے سے قبل نہ تو کئی ٹھوس شواہد پیش کیے گئے اور نہ تحریری درخواست دی گئی۔

    وسیم خان نے کھلاڑیوں کو احتیاط برتنے کی ہدایت کرتے ہوئے کہا کہ پلیئرز ذمہ داری کا مظاہرہ کریں، غیر ذمہ دارانہ بیانات دینے سے گریز کریں کیونکہ اس سے ایونٹ کی ساکھ مجروح اور غیر ملکی کرکٹرز شکوک و شہبات میں مبتلا ہوسکتے ہیں۔

  • دورہ پاکستان میں وزیر اعظم عمران خان سے ملاقات کروں گا: گریگ چیپل

    دورہ پاکستان میں وزیر اعظم عمران خان سے ملاقات کروں گا: گریگ چیپل

    اسلام آباد: سابق آسٹریلوی کپتان گریگ چیپل نے ٹویٹر پر پیغام دیتے ہوئے کہا ہے کہ وہ پاکستان کا دورہ کر رہے ہیں، اور اس دوران وہ وزیر اعظم پاکستان عمران خان سے بھی ملاقات کریں گے۔

    اے آر وائی نیوز کے مطابق سابق آسٹریلوی کپتان گریگ چیپل نے ٹویٹر پر ویڈیو پیغام جاری کیا ہے، جس میں انھوں نے بتایا کہ میں پاکستان کا دورہ کر رہا ہوں، وزیر اعظم عمران خان سے بھی ملاقات کروں گا۔

    گریگ چیپل کا کہنا تھا کہ انھوں نے پاکستان میں تبدیلی کی اچھی باتیں سنی ہیں، یقین ہے کہ نئے وزیر اعظم زبردست کام کر رہے ہیں، میں یہ سن کر پرجوش ہوں کہ پاکستان میں کرکٹ واپس آ چکی ہے۔

    شین واٹسن نے وسیم اکرم سے معافی مانگ لی

    خیال رہے کہ پاکستان میں پی ایس ایل 5 کے سنسنی خیز مقابلے جاری ہیں، دو دن آرام کے بعد کل 26 فروری کو ملتان میں میدان سجے گا، جس میں میزبان ملتان سلطانز اور پشاور زلمی آمنے سامنے ہوں گے، دونوں ٹیمیں ملتان پہنچ چکی ہیں۔

    گزشتہ روز سابق آسٹریلوی آل راؤنڈر شین واٹسن نے قومی ٹیم کے سابق کپتان وسیم اکرم سے معافی مانگ لی تھی، انھوں نے آسٹریلیا میں کھیلے جانے والے چیریٹی میچ میں وسیم اکرم کو 2 شان دار چھکے لگائے تھے، جس پر شین واٹسن نے معافی مانگی، شین واٹسن نے ایک انٹرویو کے دوران کہا کہ مجھے ابھی بھی اس چھکے لگانے کے حوالے سے برا لگتا ہے، وسیم اکرم میرے بچپن کے ہیرو ہیں اور بہترین انسان ہیں۔

  • پی ایس ایل کے افق پر ابھرتا ہوا برائن لارا

    پی ایس ایل کے افق پر ابھرتا ہوا برائن لارا

    ملتان: پاکستان سپر لیگ کے افق سے ابھرتے ہوئے فیوچر اسٹارز میں سے ایک ملتان سلطانز کے نوجوان بیٹسمین ہیں جو اسلام آباد یونائیٹڈ کے خلاف شاندار نصف سنچری بنا کر مرکز نگاہ بن گئے ہیں۔

    اس نوجوان پلیئر کے بیٹنگ اسٹائل کو دیکھ کر لوگوں اور اہل خانہ کا کہنا ہے کہ انہیں لیجنڈری برائن لارا کی یاد تازہ ہوگئی ہے۔

    29گیندوں پر نصف سنچری اسکور کرنے والے نوجوان بیٹسمین شائقین اور اہل خانہ کے ساتھ ساتھ کرکٹ حلقوں کے دلوں میں بھی گھر کر گئے ہیں اور ذیشان اشرف کو پی ایس ایل کا برائن لارا قرار دیا جارہا ہے۔

    Zeeshan Ashraf revealed that he is competing with Kamran Akmal in the Pakistan Super League PSL Multan Sultans Peshawar Zalmi cricket

    ایک انٹرویو میں جب ذیشان اشرف کے والدین سے پوچھا گیا کہ ذیشان اشرف کا بیٹنگ کا انداز کس کی طرح لگتا ہے تو والد نے بتایا کہ گھر میں سب اسے برائن لارا کہتے ہیں، وہ برائن لارا کے نام سے مشہور ہیں۔

    والد نے کہا کہ چونکہ اب پی ایس ایل ہوم گراؤنڈ ملتان میں آ رہا ہے تو وہ بیٹے کی ٹیم کا میچ دیکھنے کے لیے خصوصی انتظامات کریں گے، بڑے اسکرین نصب کریں گے اور سب کو مل کر میچ دیکھنے کی دعوت دیں گے۔

    محمد اشرف کا کہنا تھا کہ اہل خانہ ذیشان اشرف کو ملتان سلطانز کی جانب سے کھیلتا دیکھ کر بے حد خوش ہیں، بیٹے کو سخت محنت کا پھل مل رہا ہے، ہم بیٹے کے مستقبل اور کامیابی کے لیے دعاگو ہیں۔

    دوسری جانب ذیشان اشرف کا کہنا ہے کہ وہ پی ایس ایل میں عمدہ کارکردگی کو برقرار رکھنے کے لیے پرعزم ہیں اور خواہش ہے کہ رواں سال ہونے والے ٹی ٹوئنٹی ورلڈکپ میں پاکستان کی نمائندگی کروں، اپنا مقصد حاصل کرنے کے لیے پرامید ہوں۔