ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • 2021 میں 6 مقامات پر پی ایس ایل میچز ہوں گے: چیئرمین پی سی بی

    2021 میں 6 مقامات پر پی ایس ایل میچز ہوں گے: چیئرمین پی سی بی

    لاہور: چیئرمین پاکستان کرکٹ بورڈ (پی سی بی) احسان مانی کا کہنا ہے کہ پاکستان میں انٹرنیشنل کرکٹ بحال ہوچکی ہے، ہماری سب سے بڑی کامیابی ٹیسٹ کی بحالی ہے۔

    تفصیلات کے مطابق اپنے ایک انٹرویو میں چیئرمین پی سی بی کاکہنا تھا کہ 2020 میں پورا پی ایس ایل ہوم گراؤنڈ پر ہوگا، 2021 میں 6 مقامات پر پی ایس ایل میچ ہوں گے، ہر ٹیم کا اپنا ہوم گراؤنڈ ہوگا۔

    ان کا مزید کہنا تھا کہ سری لنکا سیریز سے پیغام گیا کہ پاکستان محفوظ ملک ہے، عالمی معیار کی پچز کے لیے باہر سےکنسلٹنٹ بلائیں گے، کرکٹ کے فروغ کے لیے آئندہ سال اہم ہوگا جس طرح رواں سال کام کیا اس سے بہتر مستقبل ہوگا۔

    پی ایس ایل 5: شائقین کے لیے زبردست خوش خبری

    خیال رہے کہ قومی کرکٹ بورڈ نے پاکستان سپرلیگ کے پانچویں ایڈیشن کا شیڈول تیار کرلیا ہے، جس کا باقاعدہ اعلان یکم جنوری کو کیا جائے گا۔ پی ایس ایل فائیو کی افتتاحی تقریب اور پہلا میچ کراچی جبکہ فائنل لاہور میں کھیلا جائے گا، رواں سال ہونے والے ایڈیشن کے تمام میچز پاکستان کے چار بڑے شہروں میں کھیلے جائیں گے۔

    ذرائع کے مطابق پی ایس ایل کا آغاز 20 فروری سے ہوگا اور میچز 22 مارچ تک جاری رہیں گے، لاہور، کراچی، راولپنڈی اور ملتان میں ٹیمیں مد مقابل ہوں گی۔ پی ایس ایل فائیو کے زیادہ میچز کی میزبانی کا اعزاز قذافی اسٹیڈیم کے پاس جائے گا۔

  • پی ایس ایل 5: شائقین کے لیے زبردست خوش خبری

    پی ایس ایل 5: شائقین کے لیے زبردست خوش خبری

    لاہور: قومی کرکٹ بورڈ نے پاکستان سپرلیگ کے پانچویں ایڈیشن کا شیڈول تیار کرلیا جس کا باقاعدہ اعلان یکم جنوری کو کیا جائے گا۔

    ذرائع کے مطابق پی ایس ایل فائیو کی افتتاحی تقریب اور پہلا میچ کراچی جبکہ فائنل لاہور میں کھیلا جائے گا، رواں سال ہونے والے ایڈیشن کے تمام میچز پاکستان کے چار بڑے شہروں میں کھیلے جائیں گے۔

    ذرائع کے مطابق پی ایس ایل کا آغاز 20 فروری سے ہوگا اور میچز 22 مارچ تک جاری رہیں گے، لاہور، کراچی، راولپنڈی اور ملتان میں ٹیمیں مد مقابل ہوں گی۔ پی ایس ایل فائیو کے زیادہ میچز کی میزبانی کا اعزاز قذافی اسٹیڈیم کے پاس جائے گا۔

    یاد رہے کہ پی ایس ایل فائیو کے کھلاڑیوں کی ڈرافٹنگ کا عمل 6 دسمبر کو مکمل ہوا، لیگ میں حصہ لینے والی تمام فرنچائزز کے مالکان نے اپنے اپنے پسندیدہ کھلاڑیوں کا انتخاب کیا۔

    مزید پڑھیں: پی ایس ایل فائیو ڈرافٹنگ مکمل، کراچی کنگز نے باصلاحیت کھلاڑی چُن لیے

    یہ بھی یاد رہے کہ دنیائے کرکٹ کے نامور کھلاڑی رواں سیزن میں پاکستان آکر کھیلنے کو تیار ہیں، انگلینڈ کے 7، جنوبی افریقا کے 6، ویسٹ انڈیز کے 5، آسٹریلیا اور افغانستان کے تین تین، سری لنکا کے دو جبکہ نیپال اور نیوزی لینڈ کے ایک ایک کھلاڑی ایکشن میں‌ نظر آئیں گے۔

    دفاعی چیمپئن انگلینڈ کے  معین علی، ہیری گرنی، ایلکس ہیلز، کرس جارڈن، لیام پلنکٹ، عادل رشید اور جیسن رائے نے بھی پاکستان میں کھیلنے کی حامی بھر لی، اسی طرح نیپال کے سندیپ لمیچانے اورنیوزی لینڈ کے  کولن منرو  بھی پی ایس ایل میں ایکشن دکھائیں گے۔

    جنوبی افریقاکی ٹیم کے کھلاڑی ہاشم آملہ، جے پی ڈومنی، کولن انگرام، ریلے روسو، ڈیل اسٹین اور عمران طاہر بھی پاکستانی میدانوں میں ایکشن دکھائی گے جبکہ سری لنکا کے اینجلو میتھیوز اور تھیسارا پریرا بھی رواں سال پی ایس ایل کا حصہ بنیں گے۔ اسی طرح ویسٹ انڈیز کے کارلوس بریتھ ویٹ، ڈائن براوؤ، ایون لوئس، سنیل نارائن اور کیورن پولارڈ بھی پی ایس ایل سیزن فائیو میں ایکشن میں نظر آئیں گے۔

  • کوئٹہ کے عوام کو خوشی دینے میں کامیاب رہے: سرفراز احمد

    کوئٹہ کے عوام کو خوشی دینے میں کامیاب رہے: سرفراز احمد

    کراچی: قومی کرکٹ ٹیم کے کپتان سرفراز احمد کا کہنا ہے کہ خواہش تھی کوئٹہ کے عوام کو ٹرافی جیت کر خوشی دیں جس میں کامیاب رہے۔

    تفصیلات کے مطابق پی ایس ایل فورکی فاتح ٹیم کوئٹہ گلیڈی ایٹرز کے اعزاز میں کراچی پریس کلب میں تقریب کا اہتمام کیا گیا۔

    اس موقع پر کوئٹہ گلیڈی ایٹرز کی مینجمنٹ، کپتان سرفراز احمد اور دیگر کھلاڑیوں کی شرکت، تقریب کے دوران کپتان سرفراز احمد نے پی ایس ایل فور کی جیت کی خوشی میں ایک بار پھر کوئٹہ کے عوام کو مبارکباد دی۔

    ان کا کہنا تھا کہ تمام کھلاڑیوں نے اچھی کارکردگی کا مظاہرہ کیا جس کے ذریعے جیت حاصل ہوئی، ملک میں کرکٹ کے مزید فروغ پر کام کررہے ہیں۔

    قومی کرکٹ ٹیم کے کپتان سرفراز احمد نے دو روز قبل جامعہ کراچی کا دورہ کیا تھا، اس موقع پر انہوں نے ملک میں کرکٹ کے فروغ اور مضبوطی سمیت کئی پہلوؤں پر گفتگو کی تھی۔

    کرکٹ کو مزید مضبوط بنارہے ہیں: سرفراز احمد

    واضح رہے کہ پی ایس ایل سیزن فور میں کوئٹہ گلیڈی ایٹرز کی ٹیم نے پہلی بار ٹرافی اپنے نام کی تھی اور پشاور زلمی کو باآسانی شکست سے دوچار کیا تھا۔

  • پاکستانی عوام کرکٹ سے محبت کرتے ہیں: جرمن سفیر

    پاکستانی عوام کرکٹ سے محبت کرتے ہیں: جرمن سفیر

    لاہور: پاکستان سپرلیگ کی دھوم پاکستان سمیت دنیا بھر میں مچ گئی، پی ایس ایل نے ولایتیوں کو بھی اپنا گرویدہ بنا لیا۔

    تفصیلات کے مطابق جرمن سفیر مارٹن کوبلر نے سماجی رابطے کی ویب سائٹ ٹوئٹر پر لکھا کہ ’’واہ! پی ایس ایل فائنل، کیا گیم تھا۔‘‘

    مارٹن کوبلر نے جیت پر کوئٹہ گلیڈی ایٹرز، سرفراز، بلوچستان اور پاکستان کو مبارکباد پیش کی، انہوں نے یہ بھی کہا کہ پرجوش شائقین، بھرااسٹیڈیم دیکھ کر اندازہ ہوا کہ واقعی پاکستانی کرکٹ سے محبت کرتے ہیں۔

    ملک میں کامیاب ایونٹ کے انعقاد پر غیرملکی سفیر بھی کرکٹ کی سب سے بڑی لیگ کے گن گانے لگے، جرمن سفیر نے پی ایس ایل کو عوام اور ملک کے لیے ایک صحت مند سرگرمی قرار دیا۔

    خیال رہے کہ گذشتہ روز ہونے والے میگا ایونٹ میں صدر پاکستان، آرمی چیف، وزیر اعلیٰ سندھ اور ڈی جی آئی ایس پی آر سمیت کئی اہم حکومتی شخصیات نے شرکت کی، فائنل کا ٹائٹل کوئٹہ کے نام رہا، جس نے پشاور کو یک طرفہ مقابلے میں‌ شکست دی۔

    پی ایس ایل فور کا فائنل: بلاول بھٹو اور اسد عمر کی آمد پر شائقین کا حیران کن ردعمل

    پی ایس ایل 4 کے فائنل میں‌ جہاں‌ کئی معروف شخصیات نے شرکت کی، وہیں‌ پیپلزپارٹی کے چیئرمین بلاول بھٹو اور وزیر خزانہ اسد عمر بھی اسٹیڈیم میں‌ دکھائی دیے۔

  • پی ایس ایل فتح پاکستانی عوام اورخاص کربلوچستان کے نام ہے‘ سرفراز احمد

    پی ایس ایل فتح پاکستانی عوام اورخاص کربلوچستان کے نام ہے‘ سرفراز احمد

    کراچی: کوئٹہ گلیڈی ایٹرزکے کپتان سرفرازاحمد نے پی ایس ایل کے انعقاد پرسیکیورٹی فورسز، سندھ حکومت اوروفاق کا شکریہ ادا کیا۔

    تفصیلات کے مطابق کوئٹہ گلیڈی ایٹرزکے کپتان سرفرازاحمد نے سماجی رابطے کی ویب سائٹ ٹویٹر پر اپنے پیغام میں کہا کہ پی ایس ایل فتح پاکستانی عوام اورخاص کر بلوچستان کے نام ہے۔

    سرفراز احمد نے پی ایس ایل کے انعقاد پرسیکیورٹی فورسز، سندھ حکومت اوروفاق کا شکریہ ادا کیا۔


    کوئٹہ گلیڈی ایٹرزکے کپتان سرفراز احمد نے عالمی کھلاڑیوں، خصوصاً کراچی کے شائقین کا کامیاب پی ایس ایل پرشکریہ ادا کیا۔

    یاد رہے کہ گزشتہ روز کوئٹہ گلیڈی ایٹرز نے پی ایس ایل فائنل میں پشاور زلمی کو 8 وکٹوں سے شکست دے کر ٹائٹل اپنے نام کیا تھا۔

    کوئٹہ گلیڈی ایٹرز نے پہلی بار پی ایس ایل ٹائٹل جیت لیا

    پی ایس ایل فائنل میں پہلے بیٹنگ کرتے ہوئے پشاور زلمی نے 139 رنز کا ہدف دیا جسے کوئٹہ گلیڈی ایٹرز کی ٹیم نے 18 ویں اوور میں حاصل کرلیا تھا۔

    کوئٹہ گلیڈی ایٹرز کی جانب سے محمد حسنین نے 3، ڈیوین براوو نے 2، محمد نواز اور فواد احمد نے ایک ایک وکٹ حاصل کی تھی۔

  • پی ایس ایل میں شاندار کامیابی پر وزیراعظم عمران خان کی کوئٹہ گلیڈی ایٹرزکومبارکباد

    پی ایس ایل میں شاندار کامیابی پر وزیراعظم عمران خان کی کوئٹہ گلیڈی ایٹرزکومبارکباد

    اسلام آباد : وزیراعظم عمران خان نے پی سی بی منتظمین اور سیکیورٹی فورسز کو پی ایس ایل کے انعقاد اور شاندار کامیابی پر کوئٹہ گلیڈی ایٹرز کو مبارکباد دیتے ہوئے کہا انشاللہ اگلاپورااپی ایس ایل پاکستان میں ہوگا۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں پی سی بی منتظمین اور سیکیورٹی فورسز کو پاکستان میں پی ایس ایل کے انعقاد پر مبارکباد دی۔

    وزیراعظم نے کہا کوئٹہ گلیڈی ایٹرز ، ان کے منیجر اور میرے دوست ویوین رچرڈ کو شاندارجیت پر مبارکباد دیتا ہوں، انشاللہ اگلا پورا اپی ایس ایل پاکستان میں ہوگا۔

    یاد رہے آرمی چیف جنرل قمر جاوید باجوہ نے پی ایس ایل فائنل کے کامیاب انعقاد پر سیکیورٹی اداروں، ٹیموں اور کراچی کے عوام کو مبارک باد پیش کرتے ہوئے کہا ہے تھا کہ اللہ کے فضل و کرم سے یہ ممکن ہوا، اللہ پاکستان کو اپنی رحمتوں کے سائے میں رکھے اور اللہ ہمیشہ پاکستان پر اپنی نعمتیں نازل کرتا رہے، آمین

    مزید پڑھیں : پی ایس ایل کا کامیاب انعقاد، اللہ ہمیشہ پاکستان پر اپنی نعمتیں نازل کرتا رہے، آرمی چیف

    واضح رہے کہ پی ایس ایل فائنل میچ میں کوئٹہ گلیڈی ایٹرز کی ٹیم نے پشاور زلمی کو 8 وکٹوں سے شکست دے کر پی ایس ایل سیزن فور کا ٹائٹل اپنے نام کرلیا ہے۔

    خیال رہے کہ پاکستان سپر لیگ سیزن فور کے آٹھ میچز کراچی میں کھیلے گئے، غیرملکی کھلاڑیوں نے بھی پاکستان کو پر امن ملک قرار دیا اور کراچی میں کھیلے جانے والے میچز میں شرکت کی ، پی ایس ایل میچز کے دوران سیکیورٹی کے سخت انتظامات کیے گئے تھے۔

    اس سے قبل وزیراعظم پاکستان عمران خان نے اعلان کیا ہے کہ آئندہ سال پی ایس ایل کے تمام میچز پاکستان میں کھیلے جائیں گے۔

  • محفوظ پی ایس ایل کے انعقاد پرسب کا شکرگزار ہوں‘ آسٹریلوی کرکٹر

    محفوظ پی ایس ایل کے انعقاد پرسب کا شکرگزار ہوں‘ آسٹریلوی کرکٹر

    کراچی: آسٹریلوی کرکٹرفواد احمد کا کہنا ہے کہ پی ایس ایل ٹرافی جیت کر خوشی ہوئی، اس لیے سب کھیلتے ہیں۔

    تفصیلات کے مطابق پاکستان سپرلیگ کے چوتھے ایڈیشن میں کوئٹہ گلیڈی ایٹرز کی جانب سے کھیلنے والے آسٹریلوی کرکٹرفواد نے کہا کہ محفوظ پی ایس ایل کے انعقاد پر سب کا شکرگزار ہوں۔

    فواد احمد نے ٹویٹر پر اپنے پیغام میں کہا کہ حوصلہ بڑھانے پراہل خانہ، مداحوں اور دوستوں کا شکر گزار ہوں، پی ایس ایل ٹرافی جیت کر خوشی ہوئی، اس لیے سب کھیلتے ہیں۔

    یاد رہے کہ گزشتہ روز کوئٹہ گلیڈی ایٹرز نے پی ایس ایل فائنل میں پشاور زلمی کو 8 وکٹوں سے شکست دے کر ٹائٹل اپنے نام کیا تھا۔

    کوئٹہ گلیڈی ایٹرز نے پہلی بار پی ایس ایل ٹائٹل جیت لیا

    پی ایس ایل فائنل میں پہلے بیٹنگ کرتے ہوئے پشاور زلمی نے 139 رنز کا ہدف دیا جسے کوئٹہ گلیڈی ایٹرز کی ٹیم نے 18 ویں اوور میں حاصل کرلیا تھا۔

    کوئٹہ گلیڈی ایٹرز کی جانب سے محمد حسنین نے 3، ڈیوین براوو نے 2، محمد نواز اور فواد احمد نے ایک ایک وکٹ حاصل کی تھی۔

  • پی ایس ایل 4 فائنل : ٹرافی پرقبضے کی جنگ آج ہوگی

    پی ایس ایل 4 فائنل : ٹرافی پرقبضے کی جنگ آج ہوگی

    کراچی: پاکستان سپرلیگ کے چوتھے ایڈیشن کے فائنل میں آج پشاور زلمی اور کوئٹہ گلیڈی ایٹرز کے درمیان ٹاکرا ہوگا۔

    تفصیلات کے مطابق پی ایس ایل 4 کی چمچماتی ٹرافی کس کی ہوگی؟ فیصلہ آج ہو جائےگا۔ ہائی وولٹیج مقابلے میں پشاور زلمی اور کوئٹہ گلیڈی ایٹرز آمنے سامنے ہوں گے۔

    پی ایس ایل فائنل سے قبل میوزیکل کنسرٹ ہوگا جس کے لیے 68 فٹ لمبا اسٹیج تیار کیا گیا ہے، کنسرٹ میں معروف فنکار اپنے فن کا مظاہرہ کریں گے۔

    ابرارالحق، آئمہ بیگ، فواد خان، شجاع حیدر اور جنون گروپ اسٹیج پرجلوہ گرہوں گے۔ ہسپانوی کھلاڑی اور بارسلونا کے سابق کپتان کارلس پیول بھی تقریب کا حصہ بنیں گے۔

    یاد رہے کہ گزشتہ روز نیشنل اسٹیڈیم کراچی میں پی ایس ایل 4 ٹرافی کی رونمائی کی گئی جس میں کپتان سرفراز احمد اور ڈیرن سیمی کا ٹرافی تھامے فوٹو سیشن بھی ہوا۔

    پشاور زلمی کے کپتان ڈیرن سیمی کا سرفراز احمد سے کہنا تھا کہ آج ٹرافی تم اٹھاؤ کل ہم اٹھائیں گے، کوئٹہ گلیڈی ایٹرز کے کپتان نے جواب دیا کہ ہم آج بھی اٹھائیں گے اور کل بھی۔

    ڈیرن سیمی اور سرفرازاحمد پی ایس ایل کی ٹرافی جیتنے کے لیے پرعزم

    ڈیرن سیمی کا کہنا تھا کہ ٹاس جیت کر پہلے بیٹنگ کرنے والی ٹیم کو یہاں فائدہ ہوگا، کوشش کریں گے پہلے بیٹنگ کریں تو بڑا اسکور بنائیں۔

    پشاور زلمی کے کپتان کا کہنا تھا کہ کوئٹہ اچھی ٹیم ہے لیکن ہمارے پاس بھی اچھے کھلاڑی ہیں، شین واٹسن ہمارے لیے پریشانی کا باعث نہیں بن سکتے۔

    سرفراز احمد کا کہنا تھا کہ پورے ایونٹ میں ہماری ٹیم اچھی کھیلی ہے اب ہم تیسری مرتبہ فائنل کھیلنے جا رہے ہیں اور کامیابی کے لیے پرامید ہیں۔

    کوئٹہ گلیڈی ایٹرز کے کپتان کا کہنا تھا کہ ٹاس میچ کے نتیجے پراثرانداز ہوگا جبکہ 190 رنز اسکور کرنے والی ٹیم کو برتری حاصل ہوسکتی ہے۔

  • اسٹار فٹبالر کا کراچی میں پی ایس ایل فائنل دیکھنے کا اعلان

    اسٹار فٹبالر کا کراچی میں پی ایس ایل فائنل دیکھنے کا اعلان

    کراچی: اسٹار فٹبالر اور بارسلونا کے سابق کپتان کارلوس پیول نے کراچی میں پاکستان سپرلیگ کا فائنل دیکھنے کا اعلان کردیا۔

    تفصیلات کے مطابق عالمی شہرت یافتہ اسٹار فٹبالر کارلوس پیول کراچی میں پی ایس ایل کا فائنل دیکھیں گے، ملک میں انٹرنیشل کرکٹ کی بحالی پر نیک تنماؤں کا اظہار بھی کیا۔

    کارلوس پیول کا کہنا ہے کہ پاکستان میں انٹرنیشنل کرکٹ واپس آرہی ہے بہت جلد انٹرنیشنل فٹبال بھی پاکستان میں ہوگی۔

    اسٹار فٹبالر پی ایس ایل فائنل کے دوران ورلڈ ساکراسٹارز کی ٹکٹوں کی فروخت کا بھی آغاز کریں گے۔انہوں نے ملک میں انٹرنیشنل فٹبال کے لیے بھی روشن مستقبل کی نوید سنائی ہے۔

    دوسری جانب صدر پاکستان ڈاکٹر عارف علوی نے پاکستان سپر لیگ سیزن فور کا فائنل دیکھنے کی خواہش کا اظہار کردیا، کہتے ہیں کہ اگلا پی ایس ایل پاکستان میں ضرور ہوگا۔

    یہ بات انہوں نے گذشتہ روز نیشنل اسٹیڈیم کراچی میں میڈیا سے گفتگو کرتے ہوئے کہی، اس موقع پر پاکستان کرکٹ بورڈ کے چیئر مین احسان مانی بھی موجود تھے۔

    پی ایس ایل فور کا فائنل دیکھنے ضرور آؤں گا، صدرعارف علوی

    خیال رہے کہ پی ایس ایل سیزن فور کے دوسرے ایلیمینیٹر میں پشاور زلمی نے اسلام آباد یونائیٹڈ کو باآسانی 48 رنز سے شکست دے کر فائنل کے لیے کوالیفائی کرلیا، فائنل میں زلمی کا مقابلہ گلیڈی ایٹرز سے ہوگا۔

  • پی ایس ایل کی اختتامی تقریب، نازیہ حسن کو خراج تحسین پیش کیا جائے گا

    پی ایس ایل کی اختتامی تقریب، نازیہ حسن کو خراج تحسین پیش کیا جائے گا

    لاہور: پی ایس ایل سیزن فور کی اختتامی تقریب میں معروف گلوکارہ نازیہ حسن کو خراج تحسین پیش کیا جائے گا۔

    تفصیلات کے مطابق پاکستان سپر لیگ اختتام کی جانب گامزن ہے اور پی ایس ایل سیزن فور کی اختتامی تقریب 17 مارچ کو فائنل سے قبل ہوگی جس میں معروف گلوکارہ نازیہ حسن کو خراج تحسین پیش کیا جائے گا۔

    اطلاعات کے مطابق پاکستان کرکٹ بورڈ اور نازیہ حسن کے بھائی زوہیب حسن کے درمیان جاری تنازعہ حل ہوگیا اور دونوں فریقین کے درمیان معاملات طے پاگئے ہیں۔

    واضح رہے کہ پی ایس ایل کی افتتاحی تقریب میں گلوکارہ آئمہ بیگ نے نازیہ حسن کا گانا ’ڈسکو دیوانے‘ بغیر اجازت کے گایا تھا جس پر نازیہ حسن کے بھائی نے پی سی بی کے خلاف قانونی چارہ جوئی کا اعلان کیا تھا۔

    مزید پڑھیں: ڈسکو دیوانے کیوں گایا؟ زوہیب حسن کا پی ایس ایل انتظامیہ کے خلاف قانونی چارہ جوئی کا اعلان

    زوہیب حسن نے سماجی رابطے کی ویب سائٹ فیس بک پر پوسٹ شیئر کرتے ہوئے لکھا کہ ’میں حیران ہوں کہ ایک معتبر کرکٹ ایونٹ پی ایس ایل 4 میں مجھ سے پوچھے بغیر ’ڈسکو دیوانے‘ گانے کو پیش کردیا۔

    یاد رہے کہ ڈسکو دیوانے وہ مشہور گانا ہے جسے دنیا بھر میں بھرپور پذیرائی ملی تھی اور متعدد اداکار اس گانے پر پرفارم کرچکے ہیں، کرن جوہر کی فلم اسٹوڈنٹ آف دی ایئر میں بھی اس گانے کو پیش کیا جاچکا ہے جس میں عالیہ بھٹ، ورون دھون اور سدھارتھ ملہوترا نے پرفارم کیا تھا۔

    خیال رہے کہ پی ایس ایل سیزن فور کا فائنل 17 مارچ بروز اتوار کو نیشنل اسٹیڈیم کراچی میں کھیلا جائے گا، کوئٹہ گلیڈی ایٹرز کی ٹیم فائنل میں پہنچ چکی ہے جبکہ دوسری فائنلسٹ ٹیم کا فیصلہ آج ہوگا۔