ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • پی ایس ایل4 ایلیمنیٹر راؤنڈ: اسلام آباد یونائٹیڈ اورپشاورزلمی آج مدمقابل ہوں گے

    پی ایس ایل4 ایلیمنیٹر راؤنڈ: اسلام آباد یونائٹیڈ اورپشاورزلمی آج مدمقابل ہوں گے

    کراچی: پاکستان سپرلیگ 4 کے دوسرے الیمینیٹر میں آج اسلام آباد یونائیٹڈ اور پشاور زلمی کے درمیان ٹاکرا ہوگا جس کی فاتح ٹیم فائنل کے کوالیفائی کرے گی۔

    تفصیلات کے مطابق پی ایس ایل سیزن فور کے فائنل میں جگہ بنانے کے لیے دفاعی چیمپیئن اسلام آباد یونائٹیڈ اور پشاور زلمی آج مدمقابل ہوں گے۔

    نیشنل اسٹیڈیم کراچی میں اسلام آباد یونائیٹڈ اور پشاور زلمی کے درمیان میچ شام 7 بجے کھیلا جائے گا، دونوں ٹیموں میں جو بھی ٹیم آج کا میچ جیتے گی تو وہ فائنل میں کوئٹہ گلیڈی ایٹرز کی ٹیم سے ٹکرائے گی۔

    پشاور زلمی نے ایونٹ کے 7 میچز میں فاتح رہی ہے جبکہ اسلام آباد یونائیٹڈ نے 5 میچز اپنے نام کیے ہیں۔

    اسلام آباد یونائیٹڈ کےکپتان محمد سمیع کو لیوک رونکی، شاداب خان، فہیم اشرف، آصف علی اور کیمرون ڈیلپورٹ کی خدمات میسرہوں گی

    دوسری جانب پشاور زلمی کی جیت کے لیے ڈیرن سیمی ، کامران اکمل، کیرون پولارڈ، حسن علی اور وہاب ریاض کو کردار ادا کرنا ہوگا۔

    یاد رہے کہ گزشتہ روز پی ایس ایل فور کے ایلیمنیٹر میچ اسلام آباد یونائیٹڈ نے سنسنی خیز مقابلے کے بعد کراچی کنگز کو شکست دے کر ٹورنامنٹ سے باہر کردیا تھا۔

  • سلمان اقبال کی کراچی کنگز کے لیے نیک تمنائیں

    سلمان اقبال کی کراچی کنگز کے لیے نیک تمنائیں

    کراچی: کراچی کنگز کے مالک سلمان اقبال نے کراچی کنگز کے لیے نیک تمناؤں کا اظہار کرتے ہوئے کہا ہے کہ جو ٹیم اچھا کھیلے گی وہی جیتے گی۔

    تفصیلات کے مطابق کراچی کنگز کے مالک اور اے آر وائی نیٹ ورک کے سربراہ سلمان اقبال نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایلی منیٹر کا وقت آگیا ہے،کراچی کے عوام پرجوش ہیں۔

    انہوں نے کراچی کنگز کے لیے نیک تمناؤں کا اظہار کرتے ہوئے کہا کہ جو ٹیم اچھا کھیلے گی وہی جیتے گی۔

    خیال رہے کہ پاکستان سپر لیگ کے چوتھے سیزن میں آج پہلے ایلی منیٹر میں کراچی کنگز اور اسلام آباد یونائیٹڈ مدمقابل ہوں گے۔ میچ شام 7 بجے کراچی کے نیشنل اسٹیڈیم میں کھیلا جائے گا۔

    میچ کے شائقین کو اسٹیڈیم پہنچانے کے لیے شٹل سروس جاری ہے اور نیشنل اسٹیڈیم کے دروازے کھول دیے گئے ہیں۔

    آج کی فاتح ٹیم فائنل میں رسائی کے لیے کل بروز جمعہ پشاور زلمی سے پنجہ آزمائی کرے گی۔ کل ہونے والے میچ کی ٹیم فائنل میں پہنچے گی جہاں اس کا مقابلہ کوئٹہ گلیڈی ایٹرز سے ہوگا۔

    پی ایس ایل کے آخری مرحلے میں کراچی کنگز نے کوئٹہ گلیڈی ایٹرز کو 1 رن سے شکست دی تھی۔ 191 رنز کے جواب میں کوئٹہ کی ٹیم 7 وکٹوں کے نقصان پر 189 رنز بنا سکی تھی۔

    کراچی کنگز کا اگلا میچ پشاور زلمی کے ساتھ تھا جس میں زلمی نے کنگز کو 61 رنز سے شکست دے کر فتح اپنے نام کی۔

  • پی ایس ایل میں آج کراچی کنگز اور اسلام آباد یونائیٹڈ کا مقابلہ ہوگا

    پی ایس ایل میں آج کراچی کنگز اور اسلام آباد یونائیٹڈ کا مقابلہ ہوگا

    کراچی : پاکستان سپرلیگ کے چوتھے ایڈیشن میں آج کراچی کنگز اوراسلام آباد یونائیٹڈ کے درمیان ٹاکرا ہوگا۔

    تفصیلات کے مطابق کراچی کنگزاوراسلام آباد یونائیٹڈ پہلے ایلیمینیٹرمیں آج مدمقابل ہوں گے، فاتح ٹیم فائنل میں رسائی کے لیے جمعہ کو پشاور زلمی پنجہ آزمائی کرے گی۔

    کراچی کنگز اوراسلام آباد یونائیٹڈ کے درمیان میچ شام 7 بجے کھیلے جائے گا، دونوں ٹیمیں جیت کے لیے پُرعزم ہیں۔

    پاکستان سپرلیگ کے چوتھے ایڈیشن کے کوالیفائر میچ میں کوئٹہ گلیڈی ایٹرز نے پشاور زلمی کو 10 رنز سے شکست دے کر فائنل میں جگہ بنالی تھی۔

    پشاور زلمی 187 رنز کے ہدف کے تعاقب میں مقررہ اوورز میں 7 وکٹوں کے نقصان پر 176 رنز ہی بناسکی تھی۔

    پی ایس ایل 4 کوالیفائنگ میچ: سنسنی خیز مقابلے کے بعد گلیڈی ایٹرز کی فتح

    کوئٹہ گلیڈی ایٹرز کے شین واٹسن کو 71 رنز کی اننگز اور شاندار آخری اوور کرنے پر مین آف دی میچ کا ایوارڈ بھی دیا گیا۔

    واضح رہے کہ شین واٹسن پی ایس ایل 2019 میں سب سے زیادہ رنز کرنے والے کھلاری بھی بن گئے ہیں۔

  • عمران خان سے مقابلہ کرنا اتنا آسان نہیں وہ ایک فائٹر کرکٹر ہیں، سرویوین رچرڈز

    عمران خان سے مقابلہ کرنا اتنا آسان نہیں وہ ایک فائٹر کرکٹر ہیں، سرویوین رچرڈز

    کراچی : لیجنڈری ویسٹ انڈیز کرکٹر سرویوین رچرڈز کا کہنا ہے کہ میری نیک تمنائیں عمران خان کےساتھ ہیں، عمران خان سےمقابلہ کرنا اتنا آسان نہیں  ہوتا  تھا وہ ایک فائٹرکرکٹرتھے، یقین ہےجیسےٹیم کی کمان سنبھالتے تھے ایسے ملک کو  بھی لے کرچلیں گے۔

    تفصیلات کے مطابق لیجنڈری ویسٹ انڈیز کرکٹر سرویوین رچرڈز نے اپنے بیان میں کہا پی ایس ایل مقامی کھلاڑیوں کوہوم کراؤڈ کے سامنے کھیلنےکاموقع ہے، گزشتہ سال لاہورمیں میچ کھیلا، پھرکراچی گئےاور اب بھی یہاں ہیں۔

    سرویوین رچرڈز کا کہنا تھا کہ کراچی کاماحول اچھاہےلوگوں کی بڑی تعداداسٹیڈیم کارخ کرتی ہے، فائنل کاگیم پلان تیار ہے،فائنل سے پہلے اپناگیم پلان نہیں بتائیں گے،گزشتہ شکست بھول کرآگے بڑھیں گے، کراچی نےبہترین کھیل پیش کیا۔

    فائنل کاگیم پلان تیار ہے،فائنل سے پہلے اپناگیم پلان نہیں بتائیں گے

    ان کا کہنا تھا کہ ہماری ٹیم اب تک اچھی پوزیشن میں ہے،آگےبھی پرفارمنس دے گی، سلام پاکستان اچھاجملہ ہے،کراچی میں کرکٹ کے مداح بھی جوشیلے ہیں، میرایقین ہےاچھےکرکٹرہیں توکسی بھی فارمٹ میں پرفارم کرسکتے ہیں۔

    وزیراعظم عمران خان کے حوالے سے سرویوین رچرڈز نے کہا میری نیک تمنائیں عمران خان کےساتھ ہیں، عمران خان سےمقابلہ کرنااتناآسان نہیں ہوتاتھاوہ ایک فائٹرکرکٹرتھے، یقین ہے وہ جیسےٹیم کی کمان سنبھالتے تھے ایسےملک کوبھی لےکرچلیں گے۔

    یقین ہےعمران خان  جیسےٹیم کی کمان سنبھالتے تھے ایسےملک کوبھی لےکرچلیں گے

    یاد رہے پاکستان سپرلیگ سیزن فور کے 28ویں میچ میں کراچی کنگز نے کوئٹہ گلیڈی ایٹرز کو ایک رن سے شکست دی تھی ،191 رنز کے جواب میں کوئٹہ کی ٹیم سات وکٹوں کے نقصان پر 189رنز بنا سکی تھی۔

  • پی ایس ایل 4: ملتان سلطانز نے لاہور قلندرز کو 7 وکٹوں سے شکست دے دی

    پی ایس ایل 4: ملتان سلطانز نے لاہور قلندرز کو 7 وکٹوں سے شکست دے دی

    کراچی: پاکستان سپر لیگ سیزن 4 کے آخری مرحلے میں ملتان سلطانز نے لاہور قلندرز کے خلاف ٹاس جیت کر فیلڈنگ کا فیصلہ کیا، تاہم یہ میچ ملتان سلطانز نے سات وکٹوں سے جیت لیا۔

    تفصیلات کے مطابق پاکستان سپر لیگ 4 کی شکست خوردہ ٹیمیں لاہور قلندرز اور ملتان سلطانز آج آمنے سامنے آئیں، کراچی کے نیشنل اسٹیڈیم میں کھیلے جانے والے آج کے میچ میں ملتان سلطانز نے لاہور قلندرز کے خلاف ٹاس جیت کر فیلڈنگ کا فیصلہ کیا ہے۔

    خیال رہے کہ دونوں ٹیمیں اوسط درجے کی کارکردگی دکھا کر ایونٹ سے باہر ہوچکی ہیں۔

    پہلے بیٹنگ کرتے ہوئے لاہور قلندرز نے ملتان سلطانز کو 141 رنز کا ہدف دیا تھا جسے ملتان سلطانز نے بہ آسانی پورا کر کے لاہور قلندرز کو شکست دی۔

    ملتان سلطانز اسکواڈ

    آج کے میچ کے لیے ملتان سلطانز کے اسکواڈ میں شیعب ملک، شاہد آفریدی، عمر صدیق، ڈینیئل کرسچن، جانسن چارلس، شان مسعود، کرس گرین، محمد الیاس، جنید خان اور محمد عباس شامل ہیں۔

    لاہور قلندرز اسکواڈ

    لاہور قلندرز کی ٹیم میں آج فخر زمان، یاسر شاہ، راحت علی، شاہین آفریدی، آغا سلمان، سہیل اختر، حسن خان، حارث سہیل، محمد عمران اور عمیر مسعود کھیل رہے ہیں۔

    پی ایس ایل کے چوتھے سیزن میں دونوں ٹیموں نے 9، 9 میچز کھیلے جس میں سے ملتان کی ٹیم صرف 2 اور لاہور کی ٹیم 3 میچز جیت سکی۔

  • پی ایس ایل4: کراچی کنگز اور پشاور زلمی کا ٹاکرا آج ہوگا

    پی ایس ایل4: کراچی کنگز اور پشاور زلمی کا ٹاکرا آج ہوگا

    کراچی: پاکستان سپرلیگ کے سیزن فورمیں آج دو میچز کھیلے جائیں گے، لاہور قلندرز کا مقابلہ ملتان سلطانزجبکہ کراچی کنگز پشاور زلمی سے ٹکرائے گی۔

    تفصیلات کے مطابق پی ایس ایل 4 کے پہلے میچ میں لاہور قلندرز اورملتان سلطانز پنجہ آزمائی کریں گے، دوسرے میچ میں کراچی کنگز اور پشاور زلمی آمنے سامنے ہوں گے۔

    نیشنل اسٹیڈیم کراچی میں پہلا میچ دوپہر دو بجے ہوگا جبکہ دوسرا میچ شام 7 بجے کھیلا جائے گا۔

    پوائنٹس ٹیبل پر پشاور زلمی اس وقت 12 پوائنٹس کے ساتھ دوسرے اور کراچی کنگز 10 پوائنٹس کے ساتھ چوتھے نمبر پرموجود ہے۔

    کراچی کنگز اگر آج پشاور زلمی کے خلاف میچ جیت جاتی ہے تو دوسری پوزیشن کے لیے کراچی کنگز اور پشاور زلمی کا رن ریٹ دیکھا جائے گا۔

    دوسری جانب لاہور قلندرز اور ملتان سلطانز کی ٹیمیں پہلے ہی ایونٹ سے باہرہوچکی ہیں، اس لیے میچ کے نتیجے سے پوائنٹس ٹیبل پرکوالیفائرٹیموں کو کوئی فرق نہیں پڑے گا۔

    عثمان شنواری کی شاندار باؤلنگ، گلیڈی ایٹرزکو ایک رن سے شکست

    یاد رہے کہ گزشتہ روز پاکستان سپرلیگ سیزن فور کے 28ویں میچ میں کراچی کنگز نے کوئٹہ گلیڈی ایٹرز کو ایک رن سے شکست دی تھی ،191 رنز کے جواب میں کوئٹہ کی ٹیم سات وکٹوں کے نقصان پر189رنز بنا سکی تھی۔

  • پی ایس ایل 4 :‌ عثمان شنواری کی شاندار باؤلنگ، گلیڈی ایٹرزکو ایک رن سے شکست

    پی ایس ایل 4 :‌ عثمان شنواری کی شاندار باؤلنگ، گلیڈی ایٹرزکو ایک رن سے شکست

    کراچی: پاکستان سپرلیگ سیزن فور کے 28ویں میچ میں کراچی کنگز نے کوئٹہ گلیڈی ایٹرز کو  ایک رن سے شکست دے دی ،191 رنز کے جواب میں کوئٹہ کی ٹیم سات وکٹوں کے نقصان پر 189رنز بنا سکی۔

    تفصیلات کے مطابق کراچی کے نیشنل اسٹیڈیم میں پی ایس ایل فور کے پانچویں مرحلے کا دوسرا اور لیگ کا 29واں میچ کراچی کنگز اور کوئٹہ گلیڈی ایٹرز کی ٹیموں کے مابین کھیلا گیا۔

    ٹاس

    کوئٹہ گلیڈی ایٹرز کی ٹیم کے کپتان سرفراز احمد نے ٹاس جیت کر پہلے فیلڈنگ کا فیصلہ کیا اور کراچی کنگز کو بیٹنگ کی دعوت دی۔

    ٹاس کے بعد گفتگو کرتے ہوئے کراچی کنگز کے کپتان عماد وسیم کا کہنا تھا کہ کوئٹہ گلیڈی ایٹرز کی ٹیم بہت اچھی ہے، ہم اچھا کھیلنے کی بھرپور کوشش کریں گے، ہوم گراؤنڈ پرکھیل کراچھالگےگا۔

    کوئٹہ گلیڈی ایٹرز کے کپتان سرفراز احمد کا کہنا تھا کہ نیشنل اسٹیڈیم میں شائقین کی بڑی تعداد موجودہے، اپنے ہوم گراؤنڈ اور شائقین کے سامنے کھیل کر اچھا لگے گا۔

    رمیز راجہ کے دلچسپ سوال کا جواب دیتے ہوئے سرفراز احمد کا کہنا تھا کہ ’کراچی کے خلاف کھیل کر زیادتی نہیں کررہا کیونکہ مجھے وہ لیتے ہی نہیں ہیں‘۔

    دونوں ٹیموں نے اسکواڈ میں تبدیلی کی، کوئٹہ گلیڈی ایٹرز نے اعظم خان کی جگہ انور علی کو ٹیم میں شامل کیا جبکہ سہیل خان اور بین ڈنک کی کراچی کنگز میں واپسی ہوئی۔

    اسکواڈ

    کراچی کنگز

    کوئٹہ گلیڈی ایٹرز

    ڈی جی رینجرز میجر جنرل محمد سعید کوئٹہ گلیڈی ایٹرز اور کراچی کنگز کا مقابلہ دیکھنے نیشنل اسٹیڈیم پہنچے۔

    کراچی کنگز اننگز

    سرفراز احمدکی دعوت پر کراچی کنگز نے بیٹنگ کا آغاز کیا تو بابر اعظم اور کولن منرو نے محتاط انداز سے بیٹنگ کی اور اسکور کو آگے بڑھایا، عماد الیون کی پہلی وکٹ 69 پر اس وقت گری جب کولن منرو فواد احمد کی گیند پر وکٹ کے پیچھے کیچ دے کر آؤٹ ہوئے۔ بعد ازاں لیونگ اسٹون 84پر پویلین روانہ ہوئے، بابر اعظم اور کولن انگرام نے جارحانہ کھیل کا مظاہرہ کیا اور اسکور کو آگے بڑھایا، محمد حسنین کے تیسرے اور اننگز کے پانچویں اوور میں کراچی کنگز کے دونوں اہم کھلاڑی بالترتیب 118 اور 125 کے مجموعی اسکور پر پویلین لوٹے۔

    بین ڈنک 18رنز بنا کر آؤٹ ہوئے تو افتخار احمد نے جارحانہ بیٹنگ کرتے ہوئے 18 گیندوں پر پانچ چوکوں اور 2 چھکوں کی مدد سے 44 رنز ناٹ آؤٹ اننگز کھیلی اور ٹیم کی پوزیشن مستحکم کی۔

    کراچی کنگز کے بابر اعظم56، افتخاراحمد44،کولن منرو 30رنز بنا کر نمایاں رہے بلے باز رہے جبکہ کولن انگرام اور بین ڈنک نے 18 رنز کی اننگز کھیلی۔ گلیڈی ایٹرز کے محمد حسنین نے 2، محمدنواز ، سہیل تنویر اور فواداحمدنے ایک ایک وکٹ حاصل کی۔

    گلیڈی ایٹرز بیٹنگ

    ہدف کے تعاقب میں کوئٹہ گلیڈی ایٹرز کو اچھی اوپننگ ملی، احمد شہزاد اور شین واٹس نے وکٹ کے چاروں طرف شارٹ کھیلتے ہوئے گیند کو باؤنڈری کے پار پھینکا۔ اننگز کے ساتویں اور اپنے پہلے اوور میں نوجوان باؤلر عمر خان نے شین واٹسن کو پویلین کی راہ دکھائی۔

    اننگز کے نویں اور اپنے دوسرے اوور میں عمر خان نے ایک اور کامیابی حاصل کی اور روسو کو اسٹمپ آؤٹ کروایا، یوں گلیڈی ایٹرز کی 85 کے مجموعی اسکور پر دوسری وکٹ گری۔

    کراچی کنگز کیخلاف کوئٹہ گلیڈی ایٹرز کی تیسری وکٹ 131رنز پر جبکہ چوتھی وکٹ 177رنزپرگری اور پانچویں وکٹ 187رنز پر گری، کوئٹہ گلیڈی ایٹرز کے احمد شہزاد شاندار بیٹنگ کرتے ہوئے99رنز پر کیچ آؤٹ ہوگئے۔

    کراچی کنگز کیخلاف کوئٹہ گلیڈی ایٹرز کی ساتویں وکٹ کپتان سرفراز احمد کی گری جو کوئی رن بنائے بغیر پہلی بال پر ہی کلین بولڈ ہوگئے،کراچی کنگز کے عثمان شنواری نے مسلسل دو گیندوں پر دو وکٹیں حاصل کیں۔

    عثمان شنواری نے بیسویں اوور میں صرف3رنز دے کر تین کھلاڑیوں کو پویلین سے باہر بھیج کر میچ کی بازی ہی پلٹ دی اور ٹیم کو فتح سے ہمکنار کروا دیا، انہوں نے آخری اوور میں احمد شہزاد کو 99 رنز پر آؤٹ کرکے سنچری سے محروم کیا جس کے بعد انور علی اور کپتان سرفراز احمد کو آؤٹ کیا۔

    کراچی کنگز نے کوئٹہ گلیڈی ایٹرز کو سنسنی خیزمرحلے کے بعد ایک رن سے شکست دے کر پی ایس ایل فور کے پلے آف مرحلے کے لئے کوالیفائی کرلیا۔

    عمرخان نے نپی تلی بولنگ سے تین وکٹیں حاصل کیں، جبکہ عثمان شنواری نے شاندار بولنگ کے باعث آخری اوور میں 3وکٹیں حاصل کیں، عثمان شنواری کو مین آف دی میچ قرار دیا گیا۔

    دوسری جانب وزیربلدیات سندھ سعید غنی نے نیشنل اسٹیڈیم پہنچ کر میڈیا سے گفتگو کرتے ہوئے کہا کہ ’انشاء اللہ آنے والے میچز کے انتظامات اور بھی بہتر ہوں گے، کراچی میں میچز سے کھلاڑیوں کا اعتماد بحال ہوا، کھلاڑیوں کے ساتھ پاکستان کرکٹ بورڈ اور ہم سب کی حوصلہ افزائی ہوئی‘۔

    اُن کا کہنا تھا کہ کراچی کے عوام جشن منا رہے ہیں، میچز کے  ساتھ کراچی کے ترقیاتی کاموں کو بھی تیز کیا، سندھ حکومت کراچی والوں کو ترقیاتی منصوبوں کے مزید تحفے دے گی۔

  • کوئٹہ گلیڈی ایٹرز کےغیرملکی کھلاڑی کراچی پہنچ گئے

    کوئٹہ گلیڈی ایٹرز کےغیرملکی کھلاڑی کراچی پہنچ گئے

    کراچی: پی ایس ایل فور کے پلے آف مرحلے میں کوالیفائی کرنے والی ٹیمیں کوئٹہ گلیڈی ایٹرز اور پشاور زلمی کے غیرملکی کھلاڑی کراچی پہنچ گئے۔

    تفصیلات کے مطابق کوئٹہ گلیڈی ایٹرز کے غیرملکی کھلاڑی آج صبح جناح انٹرنیشنل ایئرپورٹ پر پہنچے جہاں ٹیم انتظامیہ نے بلوچی پگ پہنا کر کھلاڑیوں کا استقبال کیا۔

    کوئٹہ گلیڈی ایٹرز ٹیم کے غیرملکی کھلاڑیوں میں شین واٹسن، ڈی جے براوو، رائیلی روسو، ہیری گرنی، ڈیوین اسمتھ اور مینٹور ویوین رچرڈز بھی شامل ہیں۔


    دوسری جانب پشاور زلمی کے کھلاڑی بھی کپتان ڈیرن سیمی کی قیادت میں آج صبح کراچی پہنچے۔

    پی ایس ایل4: کراچی کنگز اورکوئٹہ گلیڈی ایٹرزکا ٹاکرا آج ہوگا

    واضح رہے کہ پاکستان سپرلیگ کے چوتھے ایڈیشن میں آج کراچی کنگز اورکوئٹہ گلیڈی ایٹرز کے درمیان ٹاکرا ہوگا۔

    کراچی کنگز اورکوئٹہ گلیڈی ایٹرز میں میچ شام 7 بجے ہوگا جبکہ شائقین کو وقت پر اسٹیڈیم پہنچنا ہوگا، نیشنل اسٹیڈیم کے دروازے دوپہر12 بجے کھول دیے جائیں گے اور شام 5 بجے بند کردیے جائیں گے۔

    ایونٹ کو کامیاب بنانے کے لیے سیکیورٹی کے انتہائی سخت انتظامات کیے گئے ہیں، 13 ہزار سیکیورٹی اہلکار نیشنل اسٹیڈیم اور اس کے اطراف فرائض انجام دے رہے ہیں۔

    انتطامیہ نے آج نیشنل اسٹیڈیم میں میچ دیکھنے کے لیے آنے والوں کے لیے کئی مقامات پرپارکنگ پوائنٹس بنائے ہیں، شائقین کو شٹل سروس کے ذریعے اسٹیڈیم تک پہنچایا جائے گا۔

    شائقین کو ٹکٹ اور اصل شناختی کارڈ ساتھ لانا ہوگا جبکہ کھانے پینے اور خواتین کے ہینڈ بیگ لانے پر پابندی عائد کی گئی ہے۔

  • پی ایس ایل4: کراچی کنگز اورکوئٹہ گلیڈی ایٹرزکا ٹاکرا آج ہوگا

    پی ایس ایل4: کراچی کنگز اورکوئٹہ گلیڈی ایٹرزکا ٹاکرا آج ہوگا

    کراچی : پاکستان سپرلیگ کے چوتھے ایڈیشن میں آج کراچی کنگز اورکوئٹہ گلیڈی ایٹرز کے درمیان ٹاکرا ہوگا۔

    تفصیلات کے مطابق پی ایس ایل کے چوتھے ایڈیشن میں آج کراچی کنگز اورکوئٹہ گلیڈی ایٹرز پنجہ آزمائی کریں گے۔

    کراچی کنگز اورکوئٹہ گلیڈی ایٹرز میں میچ شام 7 بجے ہوگا جبکہ شائقین کو وقت پر اسٹیڈیم پہنچنا ہوگا، نیشنل اسٹیڈیم کے دروازے دوپہر12 بجے کھول دیے جائیں گے اور شام 5 بجے بند کردیے جائیں گے۔

    ایونٹ کو کامیاب بنانے کے لیے سیکیورٹی کے انتہائی سخت انتظامات کیے گئے ہیں، 13 ہزار سیکیورٹی اہلکار نیشنل اسٹیڈیم اور اس کے اطراف فرائض انجام دے رہے ہیں۔

    انتطامیہ نے آج نیشنل اسٹیڈیم میں میچ دیکھنے کے لیے آنے والوں کے لیے کئی مقامات پرپارکنگ پوائنٹس بنائے ہیں، شائقین کو شٹل سروس کے ذریعے اسٹیڈیم تک پہنچایا جائے گا۔

    شائقین کو ٹکٹ اور اصل شناختی کارڈ ساتھ لانا ہوگا جبکہ کھانے پینے اور خواتین کے ہینڈ بیگ لانے پر پابندی عائد کی گئی ہے۔

    یاد رہے کہ گزشتہ سال پی ایس ایل کے ایلمنیٹر میں اسلام آباد یونائیٹڈ نے کراچی کنگز کو شکست دے کر ٹائٹل کی دوڑ سے باہر کردیا تھا۔

    کراچی کنگز کے کپتان عماد وسیم اپنے 8 پوائنٹس میں مزید 2 کا اضافہ کرکے پلے آف مرحلے میں رسائی حاصل کرسکتے ہیں اس کے لیے انہیں آج کوئٹہ گلیڈی ایٹرز کو شکست دینا ہوگی۔

  • پی ایس ایل4: اسلام آباد یونائیٹڈ اورلاہورقلندرز کا ٹاکرا آج ہوگا

    پی ایس ایل4: اسلام آباد یونائیٹڈ اورلاہورقلندرز کا ٹاکرا آج ہوگا

    کراچی: پی ایس ایل فور میں پلے آف مرحلے کی دوڑ میں شامل ہونے کے لیے اسلام آباد یونائیٹڈ اور لاہور قلندرز کے درمیان ٹاکرا ہوگا۔

    تفصیلات کے مطابق پاکستان سپرلیگ کے چوتھے ایڈیشن میں پلے آف مرحلے میں آج اسلام آباد یونائیٹڈ اور لاہور قلندرز پنجہ آزمائی کریں گے۔

    اسلام آباد یونائیٹڈ اور لاہور قلندرز میں میچ شام 7 بجے ہوگا جبکہ شائقین کو وقت پر اسٹیڈیم پہنچنا ہوگا، نیشنل اسٹیڈیم کے دروازے دوپہر12 بجے کھول دیے جائیں گے اور شام 5 بجے بند کردیے جائیں گے۔

    ایونٹ کو کامیاب بنانے کے لیے سیکیورٹی کے انتہائی سخت انتظامات کیے گئے ہیں، 13 ہزار سیکیورٹی اہلکار نیشنل اسٹیڈیم اور اس کے اطراف فرائض انجام دے رہے ہیں۔

    انتطامیہ نے آج نیشنل اسٹیڈیم میں میچ دیکھنے کے لیے آنے والوں کے لیے کئی مقامات پرپارکنگ پوائنٹس بنائے ہیں، شائقین کو شٹل سروس کے ذریعے اسٹیڈیم تک پہنچایا جائے گا۔

    شائقین کو ٹکٹ اور اصل شناختی کارڈ ساتھ لانا ہوگا جبکہ کھانے پینے اور خواتین کے ہینڈ بیگ لانے پر پابندی عائد کی گئی ہے۔

    پی ایس ایل 4: گلیڈی ایٹرز کی ایک اور فتح، پلے آف مرحلے تک رسائی

    یاد رہے کہ پی ایس ایل فور کے پہلے پلے آف مرحلے کے لیے کوئٹہ گلیڈی ایٹرز اور پشاور زلمی کوالیفائی کرچکی ہیں جبکہ دو ٹیموں کا انتخاب ہونا باقی ہے۔