ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • پی ایس ایل 4: پہلا مرحلہ مکمل، گلیڈی ایٹرز سرفہرست، نئے باؤلرز کا جادو چل گیا

    پی ایس ایل 4: پہلا مرحلہ مکمل، گلیڈی ایٹرز سرفہرست، نئے باؤلرز کا جادو چل گیا

    دبئی: پاکستان سپرلیگ سیزن فور کا پہلا مرحلہ مکمل ہوگیا، پوائنٹس ٹیبل پر کوئٹہ گلیڈی ایٹرز سرفہرست ہے، دو روز آرام کے بعد اگلہ مرحلہ شارجہ میں شروع ہوگا۔

    تفصیلات کے مطابق پاکستان سپرلیگ کے چوتھے سیزن کا آغاز 14 فروری کو دبئی میں رنگا رنگ تقریب کے ساتھ ہوا جس کے بعد دفاعی چیمپئن اسلام آباد یونائیٹڈ اور لاہور قلندرز کے درمیان پہلا میچ کھیلا گیا۔

    افتتاحی میچ میں لاہور قلندرز کو شکست کا سامنا کرنا پڑا، بعد ازاں کراچی کنگز نے پہلے ہی میچ میں ملتان سلطانز کو سنسنی خیز مقابلے کے بعد 7 رنز سے شکست دے کر لیگ میں فاتحانہ آغاز کیا۔

    تیسرے میچ میں کوئٹہ گلیڈی ایئٹرز نے پشاور زلمی کو 6 وکٹوں سے باآسانی شکست دی، چوتھے میچ میں ملتان سلطانز نے اسلام آباد یونائیٹڈ کو 5 وکٹوں سے شکست دی، پانچویں میچ میں لاہور قلندرز نے کراچی کنگز جبکہ چھٹے میں کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے شکست دی۔ ساتویں میچ میں پشاور زلمی نے لاہور قلندرز کو 7 وکٹوں سے باآسانی زیر کیا۔

    مزید پڑھیں: کراچی کنگز کا فاتحانہ آغاز، ملتان سلطانز کو 7 رنز سے شکست

    پی ایس ایل کے پہلے مرحلے کے 7 میچز کھیلے گئے جس میں چھکے چوکوں کی برسات ہوئی جبکہ کراچی کنگز نے لیگ میں سب سے بڑی شراکت داری کا اعزاز اپنے نام کیا۔

    پہلے مرحلے میں کراچی کنگز کے اوپنرز لائم لیونگ اسٹون اور بابر اعظم نے پی ایس ایل تاریخ کی سب سے بڑی 157 رنز کی شراکت داری قائم کی جبکہ شین واٹس اور عمر اکمل نے بھی جارحانہ بیٹنگ کا مظاہرہ کیا جبکہ ایمرجنگ کیٹگری میں منتخب ہونے والے باؤلرز نے عمدہ کھیل کا مظاہر کیا۔

    یہ بھی پڑھیں: لاہور قلندرز کے کپتان محمد حفیظ پی ایس ایل سے باہر، قیادت اے بی ڈویلئر کریں گے

    کراچی کنگز کے کم عمر باؤلر عُمر خان اور لاہور قلندرز کے حارث رؤف نے عمدہ کارکردگی کا مظاہرہ کیا جبکہ راحت علی باؤلرز کی فہرست میں سرفہرست رہے۔

    لاہور قلندرز نے اپنی روایتی کارکردگی دکھاتے ہوئے پہلے مرحلے میں کم ترین اسکور پر آؤٹ ہونے کا ایک بار پھر ریکارڈ بنایا۔

    پوائنٹس ٹیبل

    کوئٹہ گلیڈی ایٹرز چار پوائنٹس کے ساتھ سرفہرست جبکہ دوسرے پر پشاور زلمی جس کے 2 پوائنٹس، ملتان سلطانز نے ایک میچ جیت کر دو پوائنٹس حاصل کیے اسی طرح اسلام آباد یونائیٹڈ نے تین میچز کھیلے جن میں سے صرف ایک میں فتح حاصل کی اور 2 پوائنٹس حاصل کیے جبکہ کراچی کنگز 2 پوائنٹس کے ساتھ پانچویں اور لاہور قلندرز 2 پوائنٹس کے ساتھ چھٹے نمبر پر ہے۔

    یاد رہے کہ پہلے مرحلے میں اسلام آباد یونائیٹڈ اور لاہور قلندرز نے تین تین میچز کھیلے جبکہ بقیہ تمام ٹیموں نے 2 ، 2 میچز کھیلے۔

  • کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے شکست دے دی

    کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے شکست دے دی

    دبئی: پی ایس سیزن فور کے چھٹے میچ میں کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے باآسانی شکست دے دی، شین واٹسن کو میچ کا بہترین کھلاڑی قرار دیا گیا۔

    تفصیلات کے مطابق اسلام آباد یونائیٹڈ کی جانب سے کوئٹہ گلیڈی ایٹرز کو جیت کے لیے 158 رنز کا ہدف دیا گیا تھا جسے کوئٹہ گلیڈی ایٹرز نے 3 وکٹوں کے نقصان پر باآسانی حاصل کرلیا، شین واٹسن نے شاندار نصف سنچری اسکور کی۔

    ہدف کے تعاقب میں کوئٹہ نے بیٹنگ کا آغاز کیا تو احمد شہزاد پہلے میچ کی طرح دوسرے میچ میں بھی کچھ نہ کرسکے اور صرف 2 رنز بنا کر پٹیل کی گیند پر کلین بولڈ ہوگئے۔

    شین واٹسن نے شاندار کارکردگی کا مظاہرہ کرتے ہوئے ناقابل شکست 81 رنز کی اننگز کھیلی، روسو صرف 10 رنز بنا کر رومن رئیس کی گیند پر محمد سمیع کو کیچ دے بیٹھے۔

    عمر اکمل نے جارحانہ انداز میں اپناتے ہوئے 28 گیندوں پر 44 رنز کی اننگز کھیلی، کپتان سرفراز احمد 15 رنز بنا کر ناٹ آؤٹ رہے۔

    اسلام آباد یونائیٹڈ کی جانب سے پٹیل، رومن رئیس اور ڈیلپورٹ نے ایک، ایک وکٹ حاصل کی۔

    قبل ازیں پی ایس ایل سیزن فور کے چھٹے میچ میں اسلام آباد یونائیٹڈ نے مقررہ اوورز میں 8 وکٹوں کے نقصان پر 157 رنز بنائے اور کوئٹہ گلیڈی ایٹرز کو جیت کے لیے 158 رنز کا ہدف دے دیا۔

    سرفراز احمد نے ٹاس جیت کر پہلے فیلڈنگ کا فیصلہ کیا جو درست ثابت ہوا، سہیل تنویر نے اپنے پہلے ہی اوور میں لک رونکی اورشاداب خان کو سہیل تنویر نے پویلین کی راہ دکھائی۔

    رونکی اور شاداب خان بغیر کوئی رن بنائے پویلین لوٹ گئے جبکہ رضوان حسین 5 رنز بنا کر محمد نواز کی گیند پر انہی کو کیچ دے بیٹھے، فواد احمد 19 رنز بنا کر ڈیلپورٹ کا نشانہ بنے۔

    حسین طلعت کو فواد احمد نے 30 رنز پر بولڈ کیا، آصف علی 36، فہیم اشرف 1 جبکہ پارنیل نے 41 رنز کی شاندار اننگز کھیلی۔

    کوئٹہ گلیڈی ایٹرز کی جانب سے سہیل تنویر نے شاندار بولنگ کا مظاہرہ کرتے ہوئے 4 وکٹیں حاصل کیں، فواد احمد نے تین اور محمد نواز کے حصے میں ایک وکٹ آئی۔

    پاکستان سپر لیگ کے چوتھے سیزن میں آج 2 میچز کھیلے جائیں گے۔ دبئی کے اسٹیڈیم میں پہلا میچ اسلام آباد یونائیٹڈ اور کوئٹہ گلیڈی ایٹرز کا ہوگا، میچ مقامی وقت کے مطابق ساڑھے 4 بجے شروع ہوگا۔

    ایونٹ کا دوسرا میچ پشاورزلمی اور لاہور قلندرز کے درمیان رات 9 بجے کھیلا جائے گا۔

    خیال رہے کہ گزشتہ روز پاکستان سپرلیگ کے پانچویں میچ میں لاہور قلندرز نے کراچی کنگز کو 22 رنز سے شکست دی تھی۔

    لاہور قلندرز نے پہلے کھیلتے ہوئے مقررہ اوورز میں 6 وکٹوں کے نقصان پر138 رنز بنائے، جواب میں کراچی کنگز کی ٹیم 19.5 اوورز میں 116 رنز بنا کر آؤٹ ہوگئی تھی۔

    لاہور قلندرز نے کراچی کنگز کو 22 رنز سے شکست دے دی

    واضح رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابوظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • ملتان سلطانز نے اسلام آباد یونائیٹڈ کو 5 وکٹوں سے شکست دے دی

    ملتان سلطانز نے اسلام آباد یونائیٹڈ کو 5 وکٹوں سے شکست دے دی

    دبئی: پی ایس ایل سیزن فور کے چوتھے میچ میں ملتان سلطانز نے اسلام آباد یونائیٹڈ کو شکست دے دی۔

    تفصیلات کے مطابق پی ایس ایل سیزن فور کے چوتھے میچ میں ملتان سلطانز نے سنسنی خیز مقابلے کے بعد اسلام آباد یونائیٹڈ کو شکست دے دی، اسلام آباد نے 125 رنز بنائے اور ملتان سلطانز کو 126 رنز کا ہدف دیا۔

    ہدف کے تعاقب میں ملتان سلطانز کی پہلی وکٹ 3 رنز پر گری جب چارلس بغیر کوئی رن بنائے وقاص مقصود کی گیند پر پویلین لوٹ گئے، دوسری وکٹ شادی مسعود کی گری جب وہ 26 رنز بنا کر رن آؤٹ ہوگئے۔

    تیسرے آؤٹ ہونے والے کھلاڑی ایونس تھے انہوں نے 15 رنز بنائے، حماد اعظم اور آندرے رسل بالترتیب 14 اور 16 رنز بنائے۔

    شاہد آفریدی اور شعیب ملک نے ناقابل شکست 16 اور 31 رنز کی اننگز کھیلی۔

    اسلام آباد یونائیٹڈ کے شاداب خان نے دو کھلاڑیوں کو پویلین کی راہ دکھائی جبکہ وقاص مقصود اور محمد سمیع کے حصے میں ایک ایک وکٹ آئی۔

    واضح رہے کہ ملتان سلطانز کی ایونٹ میں یہ دوسری شکست ہے جبکہ اسلام آباد یونائیٹڈ نے ایک میچ جیتا اور ایک ہارا ہے۔

    قبل ازیں ملتان سلطانز نے ٹاس جیت کر پہلے فیلڈنگ کا فیصلہ کیا جو درست ثابت ہوا اور اسلام آباد یونائیٹڈ کی پوری ٹیم مقررہ اوورز میں صرف 125 رنز بناسکی اور ملتان سلطانز کو جیت کے لیے 126 رنز کا ہدف دے دیا۔

    اسلام آباد یونائیٹڈ لک رونکی نے 51 رنز کی شاندار اننگز کھیلی اور سمیٹ پٹیل 20 رنز بنا کر نمایاں رہے، اسلام آباد یونائیٹڈ کے باقی کھلاڑی خاطر خواہ کارکردگی دکھانے میں ناکام رہے۔

    ملتان سلطانز کی جانب سے جنید خان، علی شفیق اور شاہد خان آفریدی نے دو، دو وکٹیں حاصل کیں جبکہ محمد عرفان کے حصے میں ایک وکٹ آئی۔

    دبئی کے اسٹیڈیم میں آج ملتان سلطانز اور اسلام آباد یونائیٹڈ مدمقابل ہیں۔ اسلام آباد یونائیٹڈ کے کپتان محمد سمیع کا کہنا ہے کہ ٹیم میں کوئی تبدیلی نہیں کی گئی۔

    2 سیزنز کی فاتح اسلام آباد یونائیٹڈ نے اس سیزن میں بھی فاتحانہ آغاز کیا اور پہلے میچ میں لاہور قلندرز کو 5 وکٹوں سے شکست دی۔

    دوسری جانب ملتان سلطان کا یہ دوسرا میچ ہے اور وہ پہلے میچ کی شکست کے بعد دوسرا میچ جیتنے کے لیے پرعزم ہیں۔

    ملتان سلطانز نے اپنے پہلے میچ میں کراچی کنگز سے 7 رنز سے شکست کھائی تھی۔

    ملتان سلطانز کی ٹیم میں کپتان شعیب ملک، علی شفیق، ڈی جے کرسٹین، حماد اعظم، جنید خان، محمد عباس، محمد الیاس، محد عرفان، شان مسعود، شاہد آفریدی، نعمان علی اور قیس احمد شامل ہیں۔

    اسلام آباد کی ٹیم میں محمد سمیع کپتان، رضوان حسین، لک رونچی، فل سالٹ، حسین طلعت، کیمرون ڈیلپورٹ، آصف علی، فہیم اشرف، شادان خان، سمیٹ پٹیل اور وقاص مقصود شامل ہیں۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • پی ایس ایل 4: کراچی کنگز اور لاہور قلندرز آج آمنے سامنے

    پی ایس ایل 4: کراچی کنگز اور لاہور قلندرز آج آمنے سامنے

    دبئی: پاکستان سپر لیگ کے چوتھے سیزن میں آج اسلام آباد یونائیٹڈ اور ملتان سلطانز، جبکہ کراچی کنگز اور لاہور قلندرز آپس میں مدمقابل ہوں گے۔

    پاکستان سپر لیگ کے چوتھے سیزن میں آج 2 میچز کھیلے جائیں گے۔ دبئی کے اسٹیڈیم میں پہلا میچ اسلام آباد یونائیٹڈ اور ملتان سلطانز کا ہوگا، میچ مقامی وقت کے مطابق 5 بجے کھیلا جائے گا۔

    دوسرا میچ کراچی کنگز اور لاہور قلندرز کے درمیان ساڑھے 9 بجے کھیلا جائے گا۔

    کراچی کنگز نے گزشتہ روز پی ایس ایل 4 میں شاندار فاتحانہ آغاز کیا اور ملتان سلطانز کو 7 رنز سے شکست دی۔

    کراچی کے مدمقابل لاہور قلندرز کی ٹیم پہلے روز افتتاحی میچ میں اسلام آباد یونائیٹڈ سے 5 وکٹوں سے شکست کھا چکی ہے۔

    کنگز کی ٹیم آج بھی جیت کا تسلسل رکھنے کے لیے برقرار ہے۔

    دوسری جانب ملتان سلطان کا یہ دوسرا میچ ہے اور وہ پہلے میچ کی شکست کے بعد دوسرا میچ جیتنے کے لیے پرعزم ہیں۔

    2 سیزنز کی فاتح اسلام آباد یونائیٹڈ نے اس سیزن میں بھی فاتحانہ آغاز کیا اور پہلے میچ میں لاہور قلندرز کو شکست دی۔

    چاروں ٹیمیں بھرپور تیاری کے ساتھ میدان میں اترنے اور مقابل کو پچھاڑنے کے لیے بے چین ہیں۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • وسیم اکرم کے تجربے کا فائدہ ہوا، سلمان اقبال

    وسیم اکرم کے تجربے کا فائدہ ہوا، سلمان اقبال

    دبئی: کراچی کنگز کے مالک نے پی ایس ایل کے سیزن فور میں فاتحانہ آغاز پر مسرت کا اظہار کرتے ہوئے کہا ہے کہ ٹیم نے بہتر پرفارمنس دی، وسیم اکرم کے تجربے کا بہت فائدہ ہوا۔

    تفصیلات کے مطابق میچ کے بعد دبئی اسٹیڈیم کے باہر نمائندہ اے آر وائی سے گفتگو کرتے ہوئے سلمان اقبال کا کہنا تھا کہ ’بابر اعظم نے شاندار بیٹنگ کی اور پی ایس ایل تاریخ کی سب سے بڑی 157 رنز کی شراکت داری قائم کی البتہ آخری میں گیم تھوڑا سا آہستہ بھی ہوا‘ْ

    کراچی کنگز کے مالک کا کہنا تھا کہ ’وسیم اکرم دنیائے کرکٹ کا اہم سرمایہ ہیں، وہ عالمی سطح پر ایک اچھے کرکٹر کے طور پر مانے جاتے ہیں، ہمارے لیے یہ فخر کی بات ہے کہ وسیم اکرم ہمارے ساتھ ہیں‘۔

    اے آر وائی ڈیجیٹل کے سی ای او کا کہنا تھا کہ ’ہم گزشتہ تین سال سے وسیم اکرم کو کراچی کنگز میں لانے کی کوشش کررہے تھے بلآخر وہ اب ہماری ٹیم کا حصہ ہیں‘۔

    پی ایس ایل تھری میں اسلام آباد کی فتح پر اپنی ماہرانہ رائے پیش کرتے ہوئے کراچی کنگز کے مالک کا کہنا تھا کہ ‘اسلام آباد یونائیٹڈ کے پاس پچھلے سیزن میں اچھے ڈومیسٹک کھیلنے والے کھلاڑی تھے، اُن کے پاس تین سال سے ایسے کھلاڑی تھے جو ہمیشہ سے بہت مضبوط رہے اور وہی ٹیم کو فائنل تک لے کر جاتے ہیں‘۔

    سلمان اقبال کا کہنا تھا کہ ’ہم نے وسیم اکرم، راشد لطیف سے مشاورت میں فیصلہ کیا کہ ہمارے پاس ڈومیسٹک پلیئرز ہونے چاہیں، عمر خان کو بطور ایمرجنگ پلیئر منتخب کیا اور آج اُس نے شاندار کھیل کا مظاہرہ کیا‘۔ اُن کا مزید کہنا تھا کہ امسال ملکی و غیر ملکی کھلاڑیوں کا اچھا جوڑ بنایا، ہمارے پاس اب اچھے ڈومیسٹک کھیلنے والے کھلاڑی ہیں۔

  • کراچی کنگز کا فاتحانہ آغاز، ملتان سلطانز کو 7 رنز سے شکست

    کراچی کنگز کا فاتحانہ آغاز، ملتان سلطانز کو 7 رنز سے شکست

    دبئی: پی ایس ایل فور کے دوسرے میچ میں کراچی کنگز نے فاتحانہ آغاز کرتے ہوئے ملتان سلطانز کو 7 رنز سے شکست دے دی، لیام لیونگ اسٹون کو میچ کا بہترین کھلاڑی قرار دیا گیا۔

    تفصیلات کے مطابق کراچی کنگز نے ملتان سلطانز کو جیت کے لیے 184 رنز کا ہدف دیا، شعیب ملک الیون مقررہ اوورز میں 176 رنز بناسکی، بابراعظم اور لیونگ اسٹون نے شاندار نصف سنچریاں اسکور کیں، محمد عامر نے چار وکٹیں حاصل کیں۔

    ملتان سلطان 184 رنز کے تعاقب میں اننگز کا آغاز کیا تو مورس صرف ایک رن بنا کر پویلین لوٹ گئے، دوسری وکٹ 52 رنز پر گری جب شان مسعود 20 رنز بنا کر پویلین لوٹ گئے۔

    شعیب ملک کی نصف سنچری بھی ملتان سلطانز کو شکست سے نہ بچاسکی، انہیں نے 52 رنز کی اننگز کھیلی، ملک کو عثمان شنواری نے پویلین کی راہ دکھائی۔

    آندرے رسل، شاہد خان آفریدی اور حماد اعظم کو محمد عامر نے پویلین بھیج دیا، تینوں نے بالترتیب 9، 14، اور 12 رنز بنائے۔

    کراچی کنگز کے محمد عامر نے چار وکٹیں حاصل کیں، سہیل خان کے حصے میں 2 وکٹیں آئیں، شنواری اور عمر خان نے ایک، ایک وکٹ حاصل کیں۔

    قبل ازیں کراچی کنگز نے مقررہ اوورز 6 وکٹوں کے نقصان پر 183 رنز بنائے اور ملتان سلطانز کو جیت کے لیے 184 رنز کا ہدف دے دیا، بابر اعظم نے 77 اور لیونگ اسٹون نے 82 رنز کی شاندار اننگز کھیلی۔

    قبل ازیں کراچی کنگز کے کپتان عماد وسیم نے ٹاس جیت کر پہلے بیٹنگ کا فیصلہ کیا جو درست ثابت ہوا اور بابر اعظم اور لیونگ اسٹون نے ملتان سلطانز کے بولر کی جم کر دھلائی کی۔

    کراچی کنگز کی پہلی وکٹ 157 رنز پر گری جب لیونگ اسٹون بلند و بالا شاٹ کھیلنے گئے تو گرین کی گیند پر رسل کو کیچ دے بیٹھے، کولن انگرام 1 رن بنا کر آندرے رسل کی گیند پر آؤٹ ہوئے، سکندر رضا ایک رن بنا کر جنید خان کی گیند پر رن آؤٹ ہوئے۔

    وکٹ کیپر بلے باز محمد رضوان ایک رن بنا کر جنید خان کی گیند پر پویلین لوٹ گئے۔

    ملتان سلطانز کی جانب سے کرس گرین نے تین وکٹیں حاصل کیں، جنید خان کے حصے میں ایک وکٹ آسکی، جبکہ محمد عرفان، آندرے رسل، اور شاہد آفریدی کوئی وکٹ حاصل نہیں کرسکے۔

    گزشتہ روز پاکستان سپر لیگ کے چوتھے سیزن کے شاندار افتتاح کے بعد آج 2 میچز کھیلے جا رہے ہیں۔

    دبئی کے اسٹیڈیم میں پہلا میچ کراچی کنگز اور ملتان سلطانز کا ہے جس کے لیے کراچی کنگز نے ٹاس جیت کر بیٹنگ کا فیصلہ کیا ہے۔

    دونوں ٹیمیں بھرپور تیاری کے ساتھ میدان میں اتر گئی ہیں اور مقابل کو پچھاڑنے کے لیے بے چین ہیں۔

    کراچی کنگز کے کپتان عماد وسیم کا کہنا تھا کہ بیٹنگ وکٹ کے لیے اچھی ہے، بڑا ہدف دینے کی کوشش کریں گے۔

    کراچی کنگز کی ٹیم میں سکندر رضا، روی بوپارہ، کولن انگرام، محمد عامر، لیونگ اسٹون، عامر یامین، ابرار احمد، علی عمران، اویس رضا، بابر اعظم، افتخار احمد، سہیل خان اور عثمان شنواری شامل ہیں۔

    دوسری جانب ملتان سلطانز کی ٹیم میں کپتان شعیب ملک، علی شفیق، ڈی جے کرسٹین، حماد اعظم، جنید خان، محمد عباس، محمد الیاس، محد عرفان، شان مسعود، شاہد آفریدی، نعمان علی اور قیس احمد شامل ہیں۔

    اس سے قبل گزشتہ روز افتتاحی میچ لاہور قلندرز اور اور اسلام آباد یونائیٹڈ کے درمیان کھیلا گیا تھا۔ اسلام آباد یونائیٹڈ نے لاہور قلندرز کو 5 وکٹ سے شکست دے دی تھی۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • پی ایس ایل 4: کراچی کنگز اور ملتان سلطانز ایک دوسرے سے ٹکرانے کو تیار

    پی ایس ایل 4: کراچی کنگز اور ملتان سلطانز ایک دوسرے سے ٹکرانے کو تیار

    دبئی: پاکستان سپر لیگ کے چوتھے سیزن میں آج کراچی کنگز اور ملتان سلطانز، جبکہ پشاور زلمی اور کوئٹہ گلیڈی ایٹرز آپس میں مدمقابل ہوں گے۔

    گزشتہ روز پاکستان سپر لیگ کے چوتھے سیزن کے شاندار افتتاح کے بعد آج 2 میچز کھیلے جائیں گے۔

    دبئی کے اسٹیڈیم میں پہلا میچ کراچی کنگز اور ملتان سلطانز کا ہوگا، میچ مقامی وقت کے مطابق 5 بجے کھیلا جائے گا۔

    دوسرا میچ پشاور زلمی اور کوئٹہ گلیڈی ایٹرز کے درمیان ساڑھے 9 بجے کھیلا جائے گا۔

    چاروں ٹیمیں بھرپور تیاری کے ساتھ میدان میں اترنے اور مقابل کو پچھاڑنے کے لیے بے چین ہیں۔

    اس سے قبل گزشتہ روز افتتاحی میچ لاہور قلندرز اور اور اسلام آباد یونائیٹڈ کے درمیان کھیلا گیا تھا۔ اسلام آباد یونائیٹڈ نے لاہور قلندرز کو 5 وکٹ سے شکست دے دی تھی۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • پی ایس ایل 4 کا آغاز، افتتاحی تقریب میں‌ شاندار میوزک اور زبردست آتشبازی

    پی ایس ایل 4 کا آغاز، افتتاحی تقریب میں‌ شاندار میوزک اور زبردست آتشبازی

    دبئی: پاکستان سپر لیگ کے چوتھے ایڈیشن کی رنگا رنگ افتتاحی تقریب کا آغاز  قومی ترانے کے ساتھ ہوا، پی سی بی کے چیئرمین احسان مانی  نے شیخ النہیان نے حمایت کا شکریہ ادا کیا۔

    تفصیلات کے مطابق پی ایس ایل کے چوتھے ایڈیشن کی رنگا رنگ افتتاحی تقریب کا باقاعدہ آغاز قومی ترانے کے ساتھ کیا گیا، اسٹیڈیم میں موجود ہزاروں شائقین ’پاک سرزمین شاد باد‘ سنتے ہی احترام میں اپنی نشستوں سے کھڑے ہوئے۔

    پی ایس ایل کی افتتاحی تقریب کا وقت جیسے جیسے قریب آرہا تھا شائقین کرکٹ کی دلوں کی دھڑکنیں تیز ہورہی تھیں کیونکہ اس لیگ کے لیے انہوں نے سارا سال انتظار کیا۔

    تقریب کا آغاز قومی ترانے سے ہوا جس کے بعد اسٹیج پر نامور کمنٹیٹر رمیز راجہ مائیک تھامے اسٹیج پر آئے اور انہوں نے سب سے پہلے حبیب بینک کے صدر کو مدعو کیا۔

    بعد ازاں احسان مانی نے خطاب کرتے ہوئے کہا کہ ’ پاکستان کرکٹ کے فروغ اور حمایت پر دبئی کے حکمران شیخ النہیان کا شکریہ ادا کرتا ہوں۔ انہوں نے تمام فرنچائزز مالکان کا شکریہ ادا کرتے ہوئے کہا کہ ’پی ایس ایل دنیا کی سب سے بڑی لیگ بن گئی، افتتاحی تقریب دیکھ کر بہت خوشی ہورہی ہے‘۔

    میوزیکل تقریب

    غیرملکی جرمن بینڈ نے سب سے پہلے پرفارمنس دی جس کے بعد آئمہ بیگ اور شجاع حیدر نے ایک ساتھ نامور پاکستانی گلوکارہ نازیہ حسن کا گانا ’ڈسکو دیوانے‘ پر پرفارم کیا اور حاضرین کا لہو گرمایا۔


    آئمہ بیگ اور شجاع حیدر کی پرفارمنس

    بعد ازاں جنون بینڈ نے پرفارمنس دی جس پر تماشائی جھوم اٹھے، فواد خان نے پی ایس ایل فور کا آفیشل گانا گا کر شائقین کا لہو گرمایا۔

    یاد رہے کہ پاکستان سپر لیگ کے تین ایڈیشنز کامیاب رہے تھے، چوتھی لیگ میں 6 ٹیمیں کراچی کنگز، کوئٹہ گلیڈی ایٹرز، پشاور زلمی، اسلام آباد یونائیٹڈ، لاہور قلندرز اور ملتان سلطانز شامل ہیں۔

    تصاویر دیکھیں

    پی ایس ایل 4 کا افتتاحی میچ دومرتبہ کی چیمپئین رہنے والی اسلام آباد یونائیٹیڈ اورلاہور قلندرز کے درمیان کھیلا جائے گا۔

    آتش بازی

    پی ایس ایل 4 کے لاہور میں تین میچز نو، دس اور بارہ مارچ کو ہوں گے جبکہ کراچی میں پانچ میچز سات، دس، تیرہ، پندرہ اور سترہ مارچ کو ہوں گے۔

  • پی ایس ایل سے کھلاڑیوں کے لیے مواقع بڑھ رہے ہیں: مکی آرتھر

    پی ایس ایل سے کھلاڑیوں کے لیے مواقع بڑھ رہے ہیں: مکی آرتھر

    دبئی: کراچی کنگزاور پاکستا ن کی قومی ٹیم کے کوچ مکی آرتھر کا کہنا ہے کہ پاکستان سپر لیگ کے سبب کھلاڑی بین الاقوامی کرکٹ میں جگہ بنا رہے ہیں۔

    تفصیلات کے مطابق پاکستان سپر لیگ سیزن فور کا آغاز کل سے دبئی میں ہورہا ہے اور مکی آرتھر اسی سلسلے میں وہاں موجود ہیں، انہوں نے اے آروائی نیوز سے خصوصی گفتگو میں کراچی کنگز کی فتح کے لیے اپنی نیک خواہشات کا بھی اظہار کیا۔

    اے آروائی نیوز سے گفتگو کرتے ہوئے مکی آرتھر کا کہنا تھا کہ پی ایس ایل میں اچھی پرفارمنس کا مظاہرہ کرنے والے کھلاڑیوں کو آسٹریلیا کے خلاف ایک روزہ سیریز میں کارکردگی دکھانے کا موقع دیا جائے گا۔

    کراچی کنگز کے مایہ ناز باؤلر محمد عامر کے حوالے سے گفتگو کرتےہوئے مکی آرتھر کا کہنا تھاکہ وہ پروفیشنل باؤلر ہیں اور مکی ان کے کھیل کے سبب انہیں سپورٹ کرتے ہیں۔ ان کا کہنا تھا کہ عامر ایک شاندار باؤلر ہیں اور مجھے پوری امید ہے کہ وہ پیس پکڑیں گے ۔ ان کا آگے بڑھنا ہم سب کے لیے بہتر ہے۔

    انہوں نے یہ بھی کہا کہ پی ایس ایل تمام کھلاڑیوں کے لیے فائدہ مند ثابت ہورہا ہے۔ جوئے ڈینلی اب انگلینڈ کے لیے اگر کھیل رہے ہیں تو پی ایس ایل میں اپنی پرفارمنس کی بنیاد پر کھیل رہے ہیں، ایسے ہی کولن انگرام کو آئی پی ایل میں بڑا کانٹریکٹ مل گیا۔ ان کا کہنا تھا کہ ہم مزید ایسے کھلاڑیوں کی تلاش کررہے ہیں جو پورے سیزن کے لیے دستیاب ہوں۔

    یاد رہے کہ پچا س سالہ مکی آرتھر نے مئی 2016 میں پاکستان کی قومی ٹیم کے کوچ کا عہدہ سنبھالا تھا، کوچ بننے کے بعد انہوں نے قومی ٹیم کی کامیابیوں میں بے پناہ کردار ادا کیا۔ پاکستان کو ٹیسٹ اور ٹی 20 میں نمبر ون ٹیم کی پوزیشن پر لائے، چیمپئنز ٹرافی جیتنے میں ان کی کوچنگ کا اہم کردار ہے۔

  • "میدان سجانا ہے کی” دھوم، فیصل جاویدکا سی ای اواے آر وائی سلمان اقبال کو خراج تحسین پیش

    "میدان سجانا ہے کی” دھوم، فیصل جاویدکا سی ای اواے آر وائی سلمان اقبال کو خراج تحسین پیش

    دبئی : سینیٹرفیصل جاوید اے آر وائی کی مہم’میدان سجاناہے‘ کے معترف ہوگئے اور کرکٹ فینز کو متحرک کرنے کیلئے شاندارمہم چلانے پر سی ای اواےآر وائی سلمان اقبال اور حاجی اقبال کو خراج تحسین پیش کیا۔

    تفصیلات کے مطابق سینیٹرفیصل جاوید اے آروائی کی مہم "میدان سجاناہے، پاکستان کی شان بڑھاناہے” کی تعریف کئے بغیر نہ رہ سکے اور سماجی رابطے کی ویب سائٹ ٹوئٹر  پر شاندارمہم چلانے پر سی ای اواے آر وائی سلمان اقبال کو خراج تحسین پیش کیا۔

    سینیٹرفیصل جاوید نے کہا کرکٹ فینز کو متحرک کرنے کے لیے اے آر وائی نے شاندار مہم چلائی، مہم میں زبردست تیزی نےپی ایس ایل کوچارچاندلگادیے ، یواےای میں سنسنی خیزمقابلوں کابےتابی سےانتظارکررہے ہیں۔

    فیصل جاوید کا مزید کہنا تھا کہ پی ایس ایل کے لیےحاجی اقبال کی کاوشیں بھی قابل تعریف ہیں،ویلڈن سلمان اقبال، ویلڈن اے آروائی، پاکستان کی شان بڑھانا ہے تومیدان سجاناہے۔

    خیال رہے پی ایس ایل کا چوتھا ایڈیشن 14 فروری سے شروع ہورہا ہے، جو 17 مارچ تک جاری رہے گا، پی ایس ایل فور کے 4 میچز ابو ظبی میں ہوں گے جبکہ شارجہ اور دبئی میں بھی میچز ہوں گے، آخری 8 میچز پاکستان میں ہوں گے، جن میں 3 میچ لاہور اور 5 میچ کراچی میں ہوں گے۔

    لاہور میں ہونے والے میچز 9، 10 اور 12 مارچ کو ہوں گے جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔