ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • پاکستان سپر لیگ فائنل میچ: سیکیورٹی پلان کو حتمی شکل دے دی گئی

    پاکستان سپر لیگ فائنل میچ: سیکیورٹی پلان کو حتمی شکل دے دی گئی

    کراچی: پاکستان سپر لیگ کے فائنل میچ سے متعلق سیکیورٹی پلان کو حتمی شکل دے دی گئی۔ 8 ہزار سے زائد سیکیورٹی اہلکاروں کو تعینات کیا جائے گا۔

    تفصیلات کے مطابق صوبہ سندھ کے دارالحکومت کراچی میں پاکستان سپر لیگ کے فائنل میچ کے پیش نظر نیشنل اسٹیڈیم اور اطراف کے علاقوں میں سیکیورٹی کے سخت انتظامات کیے گئے ہیں۔

    پلان کے مطابق 8 ہزار سے زائد سیکیورٹی اہلکاروں کو تعینات کیا جائے گا۔ فائنل کے لیے ٹریفک پولیس کے انتظامات بھی مکمل کرلیے گئے ہیں۔ کرکٹ میچ دیکھنے کے لیے آنے والوں کے لیے 3 مقامات سے شٹل سروس چلائی جائے گی۔

    پارکنگ پوائنٹس سے گراؤنڈ منتقلی کے لیے اردو یونیورسٹی اور حکیم سعید گراؤنڈ سے شٹل سروس چلے گی، علاوہ ازیں بیت المکرم مسجد کے قریب واقع گراؤنڈ سے بھی شٹل سروس چلے گی۔

    فائنل کے لیے 16 سو اہلکار ٹریفک کا نظام سنبھالیں گے۔ فائنل والے دن کارساز سے عام ٹریفک کا داخلہ بند ہوگا جبکہ یونیورسٹی روڈ سے دائیں جانب اسٹیڈیم جانے والا ٹریک بھی بند ہوگا۔

    سیکیورٹی پلان کے تحت فائنل والے دن نیو ٹاؤن اور ڈالمیا روڈ بھی ٹریفک کے لیے بند ہوگا۔ شائقین کو صرف شٹل سروس کے ذریعے اسٹیڈیم جانے کی اجازت ہوگی۔

    پاکستان سپر لیگ کا فائنل میچ کل 25 مارچ کو پشاور زلمی اور اسلام آباد یونائیٹڈ کے درمیان منعقد ہوگا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • اسلام آباد یونائیٹڈ کی ٹیم فائنل کھیلنےکےلیےکراچی پہنچ گئی

    اسلام آباد یونائیٹڈ کی ٹیم فائنل کھیلنےکےلیےکراچی پہنچ گئی

    کراچی : اسلام آباد یونائیٹڈ کی ٹیم پاکستان سپرلیگ تھری کا فائنل کھیلنے کراچی پہنچ گئے، کھلاڑیوں کو سخت سیکورٹی میں ایئرپورٹ سے ہوٹل پہنچا دیا گیا۔

    تفصیلات کے مطابق اسلام آباد یونائیٹڈ کے کپتان مصباح الحق، فہیم اشرف اور وقاص لاہورسے کراچی پہنچے جبکہ غیرملکی کھلاڑیوں سمیت دیگر کھلاڑی دبئی سے کراچی پہنچے۔

    پاکستان سپرلیگ کا فائنل کھیلنے کے لیے کراچی پہنچنے والے کھلاڑیوں میں کپتان مصباح الحق، آل راؤنڈر فہیم اشرف، وقاص مقصود جبکہ غیرملکی کھلاڑیوں میں لیوک رونکی، جے پی ڈومینی، سمت پٹیل، سمیوئل بدری اور اسٹیون فن شامل ہیں۔

    اسلام آباد یونائیٹڈ کی ٹیم سخت سیکورٹی حصار میں ایئرپورٹ سے ہوٹل پہنچ گئی۔

    پی ایس ایل فائنل : پشاور زلمی کی ٹیم کراچی پہنچ گئی

    خیال رہے کہ گزشتہ روز پاکستان سپر لیگ کا فائنل کھیلنے کے لیے پشاور زلمی کی ٹیم کراچی پہنچی تھی، غیر ملکی کرکٹرز بھی ٹیم کے ہمراہ تھے۔

    یاد رہے کہ اسلام آباد یونائیٹڈ نے پی ایس ایل کا افتتاحی ایڈیشن جیتا تھا جبکہ دوسرا ایڈیشن پشاور زلمی کے نام رہا تھا۔

    واضح رہے کہ اسلام آباد یونائیٹڈ کا 25 مارچ کو کراچی کے نیشنل اسٹیڈیم میں پاکستان سپرلیگ کی دفاعی چیمپئن پشاور زلمی سے ٹاکرا ہوگا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل فائنل کی فاتح ٹیم کون ہوگی؟ منظور وسان کی اہم پیش گوئی

    پی ایس ایل فائنل کی فاتح ٹیم کون ہوگی؟ منظور وسان کی اہم پیش گوئی

    کراچی: پیپلزپارٹی کے سینئر رہنماء اور صوبائی وزیر برائے صنعت و تجارت منظور وسان نے پاکستان سپرلیگ کے فائنل کے حوالے سے بڑی پیش گوئی کرتے ہوئے کہا ہے کہ پشاور زلمی پی ایس ایل کے تیسرے ایڈیشن کی فاتح ٹیم ہوگی۔

    تفصیلات کے مطابق سیاسی حلقوں میں اپنے خوابوں اور پیش گوئیوں کی وجہ سے مشہور صوبائی وزیر نے اب کی بار کسی سیاسی جماعت کے مستقبل یا الیکشن کی پیش گوئی نہیں بلکہ انہوں نے  پاکستان سپرلیگ کے فائنل کی فاتح ٹیم کے بارے میں بتایا۔

    پی پی رہنماء کا کہنا تھا کہ پی ایس ایل میں شامل تمام ٹیمیں ہماری اپنی ہی ہیں تاہم اگر کراچی کنگز فائنل تک رسائی حاصل کرتی تو میچ دیکھنے کی بات اور ہوتی۔

    مزید پڑھیں: آئندہ سال پی ایس ایل 4 کے آدھے میچ پاکستان میں ہوں گے،نجم سیٹھی

    منظور وسان کا کہنا تھا کہ پی ایس ایل کا فائنل کی وجہ سے شہر میں ہرطرف کرکٹ کا جنون دیکھنے کو مل رہا ہے، میں نے خود میچ دیکھنے کےلیے 12 ہزار والی 7 ٹکٹیں خریدیں اور اہل خانہ کے ہمراہ میچ دیکھنے نیشنل اسٹیڈیم جاؤں گا۔

    صوبائی وزیر برائے صنعت و تجارت نے پی ایس ایل فائنل کے حوالے سے پیش گوئی کرتے ہوئے کہا کہ ’ یونائیٹڈ اور زلمی کے مابین ہونے والا فائنل پشاور کی ٹیم جیتے  گی اور شائقین کو اچھا کھیل دیکھنے کو ملے گا‘۔

    یہ بھی پڑھیں: پی ایس ایل فائنل : پشاور زلمی کی ٹیم کراچی پہنچ گئی

    واضح رہے کہ پاکستان سپر لیگ کا فائنل اسلام آباد یونائیٹڈ اور پشاور زلمی کے درمیان 25 مارچ کو کراچی کے نیشنل اسٹیڈیم میں کھیلا جائے گا، اس ضمن میں صوبائی حکومت اور سیکیورٹی اداروں کی جانب سے سخت حفاظتی انتظامات کیے گئے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • آئندہ سال پی ایس ایل 4 کے آدھے میچ پاکستان میں ہوں گے،نجم سیٹھی

    آئندہ سال پی ایس ایل 4 کے آدھے میچ پاکستان میں ہوں گے،نجم سیٹھی

    کراچی: چیئرمین پی سی بی نجم سیٹھی  نے   آئندہ سال پی ایس ایل کے آدھے میچ پاکستان میں کرانے کا اعلان کردیا۔

    تفصیلات کے مطابق پاکستان کرکٹ بورڈ کے چیئرمین نجم سیٹھی نے  25مارچ  کو ہونے والے پی ایس ایل 3 کے فائنل کی تیاریوں کا جائزہ لینے کے لئے نیشنل اسٹیڈیم کا دورہ کیا اور انتظامات پر اطمینان کا اظہار کیا۔

    اس موقع پرچیئرمین پی سی بی نجم سیٹھی کا کہنا تھا کہ ’ہم نے کراچی میں فائنل کروانے کا وعدہ کیا تھا جواس سال پورا کررہے ہیں، پاکستان سپر لیگ سیزن 3 کے فائنل کے انعقاد سے کراچی میں 9 سال بعد کرکٹ بحال ہوئی ہے۔

    ان کا کہنا تھا کہ کوشش ہے کہ آئندہ سال پی ایس ایل 4 کے آدھے میچ پاکستان میں ہی کھیلے جائیں،  یکم اپریل سے کراچی میں ویسٹ انڈیز سے ہونے والی سیریز بھی عالمی کرکٹ کی بحالی کے لیے خوش آئند ہے۔

    نجم سیٹھی کا کہنا تھا کہ تین چار غیر ملکی ٹیمیں پاکستان آنے کے لیے رابطے کررہی ہیں لیکن رواں سال کسی بھی غیر ملکی کرکٹ ٹیم کا پاکستان آنا ممکن نہیں ہے۔

    ان کا مزید کہنا تھا کہ قومی ٹیم کے جتنے بھی میچز ہوں گے وہ ملک سے باہر شیڈول ہیں، مکمل سیریز کھیلنے فی الحال کوئی ٹیم نہیں آسکتی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • نجم سیٹھی کا پی ایس ایل پلےآف کےلیےانتظامات پرپنجاب حکومت کا شکریہ

    نجم سیٹھی کا پی ایس ایل پلےآف کےلیےانتظامات پرپنجاب حکومت کا شکریہ

    لاہور: چیئرمین پاکستان کرکٹ بورڈ نجم سیٹھی کا کہنا ہے کہ پنجاب حکومت اورانتظامیہ نے پاکستان سپرلیگ پلے آف کے میچز کے لیے دن رات کام کیا۔

    تفصیلات کے مطابق پاکستان کرکٹ بورڈ کے سربراہ نجم سیٹھی نے پی ایس ایل پلے آف کے لیے انتظامات پرپنجاب حکومت کا شکریہ ادا کیا اور کہا کہ کراچی ہم آرہے ہیں۔

    چیئرمین پی سی بی نجم سیٹھی نے کہا یہ ٹیم ورک تھا، پی سی بی سمیت تمام اداروں کا شکریہ ادا کرتا ہوں۔ انہوں نے کہا کہ پی سی بی، فرنچائز، کھلاڑی اورسیکورٹی اداروں کا کردارمثبت رہا۔

    دوسری جانب وزیراعلیٰ پنجاب شہبازشریف نے پی ایس ایل فائنل میں رسائی پر پشاور زلمی کو مبارکباد دیتے ہوئے کہا کہ دونوں ٹیموں کے بہترین کھیل سے شائقین لطف اندوز ہوئے۔

    شہبازشریف نے کہا کہ ہار اورجیت سے قطع نظر آج پرامن پاکستان کی جیت ہوئی ہے جبکہ انٹرنیشنل کرکٹرز پاکستان سے اچھی یادیں لے کرجائیں گے۔

    وزیراعلیٰ پنجاب نے کہا کہ پی ایس ایل پلے آف میچز کامیاب کرانے پر کھلاڑیوں کے ساتھ قوم کا بھی شکر گزار ہوں۔

    پشاور زلمی نے کراچی کنگز کو شکست دے دی

    یاد رہے کہ گزشتہ روز پاکستان سپر لیگ کے دوسرے پلے آف میچ میں پشاور زلمی نے کراچی کنگز کو 13 رنز سے شکست دے کر فائنل کے لیے کوالیفائی کرلیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پشاور زلمی نے کراچی کنگز کو شکست دے کر فائنل تک رسائی حاصل کرلی

    پشاور زلمی نے کراچی کنگز کو شکست دے کر فائنل تک رسائی حاصل کرلی

    لاہور: پاکستان سپر لیگ کے دوسرے ایلی منیٹر میچ میں پشاور زلمی نے کراچی کنگز کو 13 رنز سے شکست دے کر فائنل تک رسائی حاصل کرلی۔

    تفصیلات کے مطابق پی ایس ایل کا تیسرا ایڈیشن شایانِ شان طریقے سے اپنے اختتام کی جانب رواں دواں ہے، اس ضمن میں لاہور کے قذافی اسٹیڈیم میں ایلی منیٹر میچ میں کراچی کنگز اور دفاعی چیمپئن پشاور زلمی کی ٹیمیں مد مقابل تھیں۔

    ابتداء میں بارش اور موسم کی خرابی کے باعث میچ تاخیر کا شکار ہوا، امپائرز نے معائنہ کرنے کے بعد ٹاس کو  پہلے 7:30  اور پھر 7:45 بجے  تک ملتوی کرنے کا اعلان کیا، وقت کی قلت کے باعث میچ کو 16 اوور تک مختصر کرنے کا فیصلہ کیا گیا۔

    کراچی کنگز کے کپتان کی دعوت پر پشاور زلمی نے بیٹنگ کا آغاز کیا تو کامران اکمل اور فلیچر میدان میں آئے، سیمی الیون کو اچھی اوپننگ ملی اور اُن کا پہلا کھلاڑی 107 کے مجموعی اسکور پر آؤٹ ہوا، بعد ازاں کامران اکمل 120 ، محمد حفیظ 137، ڈوسن 150، ڈیرن سیمی ، سعد نسیم  اور وہاب ریاض 169 کے مجموعی اسکور پر پویلین لوٹے۔

    پشاور زلمی نے مقررہ 16 اوورز میں 7 وکٹوں کے نقصان پر 170 رنز بنائے جن میں کامران اکمل کی 27 گیندوں پر 77 رنز کی دھواں دھار بیٹنگ بھی شامل ہے۔

    علاوہ ازیں آندرے فلیچر 34، ڈیرن سیمی 23 رنز کے ساتھ نمایاں بلے باز ہے، کراچی کنگز کے روی بوپارا نے 3اور  ٹائمل ملز  نے 2کھلاڑیوں کو آؤٹ کیا۔

    پشاور زلمی کے  ہدف 171 کے تعاقب میں کراچی کنگز نے بیٹنگ کا آغاز کیا تو 13 کے مجموعی اسکور پر مختار احمد آؤٹ ہوئے جبکہ دوسرے بلے باز بابر اعظم 130 کے مجموعی اسکور پر پویلین روانہ ہوئے۔

    کراچی کنگز کی ٹیم نے 171 رنز ہدف کے جواب میں 157 رنز بنائے، اوپنر جوئے ڈین لی 79 رنز ناٹ آؤٹ کے ساتھ نمایاں بلے باز رہے جبکہ بابر اعظم نے 63 رنز کی اننگز کھیلی جو ٹیم کے کام نہ آسکی۔

    پشاور زلمی نےکراچی کنگز کو شکست دے کر فائنل تک رسائی حاصل کی جس کے بعد اب پی ایس ایل کے فائنل میچ میں سیمی الیون اور اسلام آباد یونائیٹڈ کا مقابلہ 25 مارچ کو نیشنل اسٹیڈیم کراچی میں ہوگا۔

    کراچی کنگز اننگز

    سولہواں اوور (وہاب ریاض): اننگز کے آخری اوور میں کراچی کنگز کو جیت کے لیے 27 رنز درکار تھے مگر کراچی کنگز کی ٹیم صرف 13 رنز بنا سکی اور اس طرح عماد الیون کو 13 رنز سے شکست کا سامنا کرنا پڑا۔

    پندرہواں اوور (حسن علی): بابر اعظم 45 گیندوں پر 63 رنز کی اننگز کھیل کر کیچ آؤٹ ہوئے، اختتام پر ٹیم کا مجموعی اسکور 144/2 تک پہنچا۔

    چودہواں اوور (کرس جورڈن): 7 رنز اضافے کے بعد کراچی کنگز کا مجموعی اسکور 1 وکٹ کے نقصان پر 128 تک پہنچا۔

    تیرہواں اوور (حسن علی): دو چوکوں اور سنگلز کے بعد مجموعی اسکور 121/1 تک پہنچا۔

    بارہواں اوور (عمید آصف): 1 چھکے اور سنگلز کی مدد سے مجموعی اسکور 110/1 تک پہنچا۔

    گیارہواں اوور (وہاب ریاض): ایک چھکے اور دو چوکوں کی مددسے مجموعی اسکور 99/1 تک پہنچا۔

    دسواں اوور (عمید آصف): پانچ رنز اضافے کے بعد مجموعی اسکور 82/1 تک پہنچا۔

    نواں اوور (کرس جورڈن): 8 رنز اضافے کے بعد کراچی کنگز کا مجموعی اسکور 77/1 تک پہنچا، ٹیم کو جیت کے لیے 42 گیندوں پر 94 رنز درکار تھے۔

    آٹھواں اوور (عمید آصف): دو چوکوں کی مدد سے 12 رنز بنے جس کے بعد مجموعی اسکور 69/1 تک پہنچ گیا۔

    ساتواں اوور (وہاب ریاض): ایک چوکے اور دو سنگلز کے بعد اسکور 57/1 تک پہنچا۔

    چھٹا اوور (ثمین گل): ایک چھکے ، ایک چوکے کی مدد سے 14 رنز بنے جس کے بعد اختتام پر مجموعی اسکور 51/1 تک پہنچا۔

    پانچواں اوور (کرس جورڈن): ایک چھکے، 1 چوکے کی مدد سے 12 رنز حاصل ہوئے، پانچویں اوور کے اختتام پر مجموعی اسکور 37/1 تک پہنچا۔

    چوتھا اوور (ثمین گل): ایک چھکے  کی مدد سے 8 رنز بنے، اوور اختتام پر ٹیم کا مجموعی اسکور 25/1 تک پہنچا۔

    تیسرا اوور (حسن علی): 1 رن اضافے کے بعد مجموعی اسکور 17/1 تک پہنچا۔

    دوسرا اوور (ثمین گل): دوسری گیند پر مختار احمد 1 رن بنا کر آؤٹ ہوئے، تین رنز اضافے کے بعد مجموعی اسکور 16/1 تک پہنچا۔

    ہدف کے تعاقب میں کراچی کنگز کی جانب سے بیٹنگ کا آغاز مختار احمد اور ڈین لی

    نے کیا جبکہ پہلا اوور حسن علی نے کرایا، ایک سنگل اور تین چوکوں کے بعد مجموعی اسکور 13/0 تک پہنچا۔

    اننگز پشاور زلمی

    سولہواں اوور (ٹائمل ملز): پہلے بال پر چھکا اور دوسری پر چونکا پڑا،تاہم تیسری ہی گیند پر سیمی کیچ آؤٹ ہوکر روانہ ہوئے اگلی ہی گیند پر سعد نسیم اور پھر وہاب ریاض آؤٹ ہوئے، اوور اختتام پر زلمی کا اسکور 170/7 تک پہنچا۔

    پندرہواں اوور (محمد عامر): 6 رنز اضافے کے بعد مجموعی اسکور 159/4 تک پہنچا۔

    چودہواں اوور (عثمان شنواری): چوتھی گیند پر ڈوسن 13 کے انفرادی جبکہ 150 کے مجموعی اسکور پر پویلین لوٹے، 11 رنز اضافے کے بعد اسکور 153/4 تک پہنچا۔

    تیرہواں اوور (محمد عامر): 5 رنز اضافے کے بعد زلمی کا مجموعی اسکور 142/3 تک پہنچا۔

    بارہواں اوور (روی بوپارا): کراچی کنگز کے لیے یہ اوور بھی اچھا ثابت ہوا کیونکہ آخری گیند پر محمد حفیظ 12 کے انفرادی اسکور پر آؤٹ ہوئے، اختتام پر ٹیم کا مجموعی اسکور 137/3 تک پہنچا۔

    گیارہواں اوور (اسامہ میر): ایک چھکے اور چار سنگلز کے بعد مجموعی اسکور 130/2 تک پہنچا۔

    دسواں اوور (روی بوپارا): فلیچر 34 کے انفرادی اور 107 کے مجموعی اسکور پر پویلین روانہ ہوئے، آخری گیند پر کامران اکمل کی دھواں دھار اننگز کا اختتام ہوا اور وہ 27 گیندوں پر 8 چھکوں اور 5 چوکوں کی مدد سے 77 رنز کی اننگز کھیل کر آؤٹ ہوئے، اختتام پر ٹیم کا مجموعی اسکور 120/2 تک پہنچا۔

    نواں اوور (دانش عزیز): 2 چھکوں اور چار سلنگز کے بعد زلمی کا مجموعی اسکور 107/0 تک پہنچا۔

    آٹھواں اوور (ٹائمل ملز): 3 رنز اضافے کے بعد مجموعی اسکور 91/0 تک پہنچا۔

    ساتواں اوور (اسامہ میر): کامران اکمل نے 17 گیندوں پر پی ایس ایل کی تیزترین نصف سنچری 54 رنز بنائے، اوور میں 19 رنز آنے کے بعد مجموعی اسکور 88/0 تک پہنچا۔

    چھٹا اوور (روی بوپارا): ایک چھکے، 2 چوکوں اور ایک سنگل کے بعد مجموعی اسکور 69/0 تک پہنچا۔

    پانچواں اوور (عثمان شنواری): دو چھکوں اور یکے بعد دیگرے 3 چوکوں کی مدد سے مجموعی اسکور میں 25 رنز کا اضافہ ہوا اور اختتام پر اسکور 54/0 تک پہنچا۔

    چوتھا اوور (ٹائمل ملز): ایک چھکے اور ایک چوکے کے بعد مجموعی اسکور 29/0 تک پہنچا۔

    تیسرا اوور (محمد عامر): دو رنز اضافے کے بعد مجموعی اسکور 19/1 تک پہنچا۔

    دوسرا اوور (عثمان شنواری) : ایک چھکے اور ایک چوکے کی مدد سے 13 رنز بنے جس کے بعد مجموعی اسکور 15/0 تک پہنچا۔

    زلمی کی جانب سے اننگز کا آغاز کامران اکمل اور آندرے فلیچر نے کیا جبکہ محمد عامر نے پہلا اوور کرایا، اختتام پر ٹیم کا مجموعی اسکور 2/0 تک پہنچا۔

    اسکواڈ

    کراچی کنگز: مختار احمد، جوئے ڈٰن لے، بابر اعظم، کولن انگرا، روی بوپارا، دانش عزیز، محمد رضوان، اسامہ میر، محمد عامر (کپتان)، ٹائمل ملز، اور عثمان شنواری

    پشاور زلمی: کامران اکمل، آندرے فلیچر، محمد حفیظ، سعد نسیم، ڈیرن سیمی (کپتان)، لیام ڈوسن، عمید آصف، وہاب ریاض، حسن علی اور ثمین گل

    امپائر علیم ڈار کا کہنا تھا کہ گراؤنڈ کے 3 مقامات پر اب بھی پانی موجود ہے، اسٹاف بہترین انداز میں کام کررہا ہے مگر ابھی میچ شروع نہیں کیا جاسکتا، ٹاس کے بعد مقررہ اوورز کم کردیے جائیں گے۔

    بعد ازاں علیم ڈار میدان میں آئے اور انہوں نے اعلان کیا کہ میچ کے لیے ٹاس پونے آٹھ بجے کیا جائے گا اور مقررہ اوورز 20 سے کم کر کے 16 تک کردیے جائیں گے۔

    ٹاس کے بعد گفتگو کرتے ہوئے کراچی کنگز کے کپتان محمد عامر کا کہنا تھا کہ تین اہم کھلاڑی ٹیم میں کا حصہ نہیں ہیں، شاہد آفریدی کا ٹیم میں نہ بہت ہونا بڑا نقصان ہے تاہم کھلاڑی اچھی فارم میں ہیں اور ہم میچ میں فتح حاصل کرنے کی ہر ممکن کوشش کریں گے۔

    اُن کا کہنا تھا کہ گذشتہ رات سے بارش ہورہی ہے وکٹ سے باؤلرز کو بہت مدد ملے گی، ٹیم میں  تین تبدیلیاں کیں، دانش عزیر،روی بوپارا،مختاراحمد اور اسامہ میر ٹیم کاحصہ ہیں۔

    پشاور زلمی کے کپتان ڈیرن سیمی کا کہنا تھا کہ تمیم اقبال کو انجری کے باعث آرام کا موقع فراہم کر کے ٹیم میں جارڈن کو شامل کیا گیا ہے، فائنل میں پہنچنے کی کوشش کریں گے۔

    دوسرے ایلی منیٹر میچ میں کراچی کنگز کی قیادت آج فاسٹ باؤلر محمد عامر کے سپرد تھی کیونکہ شاہد آفریدی اور کپتان عماد وسیم انجری کے سبب ٹیم کا حصہ نہیں بن سکے۔ پشاور زلمی کے اوپنر تمیم اقبال بھی انجری کے باعث پلیئنگ الیون کا حصہ نہیں ہیں۔

    میچ دیکھنے کے لیے جہاں عام عوام کی بڑی تعداد میں پہنچے وہیں چیف جسٹس آف پاکستان جسٹس ثاقب نثار نے بھی قذافی اسٹیڈیم پہنچ کر میچ دیکھا۔

     

    یاد رہے کہ آج فتح حاصل کرنے والی ٹیم 25 مارچ کو  لیگ کا فائنل میچ میں اسلام آباد یونائیٹڈ کے مد مقابل کراچی میں کھیلے گی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
  • کراچی میں فائنل سے پاکستان کا مثبت چہرہ دنیا کے سامنے جائے گا، نجم سیٹھی

    کراچی میں فائنل سے پاکستان کا مثبت چہرہ دنیا کے سامنے جائے گا، نجم سیٹھی

    لاہور: پاکستان کرکٹ بورڈ کے چیئرمین نجم سیٹھی نے کہا ہے کہ پی ایس ایل کا فائنل کراچی میں ہوگا جس سے پر امن پاکستان کا چہرہ دنیا کے سامنے جائے گا، ہمیں تنقید کے بجائے غیر ملکی کھلاڑیوں کا خیر مقدم کرنا چاہیے۔

    اے آر وائی سے خصوصی گفتگو کرتے ہوئے نجم سیٹھی کا کہنا تھا کہ بارش کی وجہ سے پچ پر پانی موجود تھا جس کو خشک کرنے کے لیے ہیلی کاپٹر کی مدد درکار تھی، اس ضمن میں ہم نے پاک فوج سے درخواست کی تو انہوں نے فوری طور پر ہیلی کاپٹر فراہم کردیا، اب پچ کھیلنے کے قابل ہوچکی ہے اور اس معاملے میں ہم پاک فوج کے شکر گزار ہیں۔

    اُن کا کہنا تھا کہ اب بھی کچھ لوگ رونا دھونا کررہے ہیں کہ یہ کام ٹھیک نہیں ہوا یا وہ ادھورا رہ گیا، غیر ملکی کھلاڑیوں کی پاکستان آمد پر ہم سب کو خیر مقدم کرنا چاہیے، انشاء اللہ کراچی میں پی ایس ایل کا فائنل ہوگا اور دنیا پرامن پاکستان دیکھے گی۔

    مزید پڑھیں: امید ہے سنسنی خیز میچ ہواور کراچی کنگز جیتے، شاہد آفریدی

    نجم سیٹھی نے اپیل کی کہ ہم سب کو مل کر ہی پاکستان سپر لیگ کے ایونٹ کو کامیاب بنانا ہے، اس کی کامیابی کسی فرد واحد کی نہیں بلکہ پوری قوم کی کامیابی شمار کی جائے گی کیونکہ دنیا دیکھ رہی ہے کہ پاکستانی پر امن لوگ ہیں۔

    ہیلی کاپٹر پانی خشک کرنے گراؤنڈ پہنچے تو اسٹیڈیم میں شائقین نے پاک فوج کے حق میں فلک شگاف نعرے لگائے۔

    گذشتہ روز پشاور زلمی اور کوئٹہ گلیڈی ایٹرز کے میچ پر تبصرہ کرتے ہوئے نجم سیٹھی کا کہنا تھا کہ ’کل کا میچ بہت زبردست ہوا مگر افسوس ہے کہ سپر اوور میں نہیں گیا۔ امید ہے آج کا میچ بھی اچھا ہوگا اور اختتام پر فیصلہ ہوگا کہ کراچی میں کون کھیل جمائے گا۔

    یہ بھی پڑھیں: پی ایس ایل تھری کے پہلےایلی منیٹرمیں پشاورزلمی کامیاب

    یاد رہے کہ پاکستان سپر لیگ شایانِ شان طریقے سے اپنے اختتام کی جانب گامزن ہے، اس ضمن میں گذشتہ روز پشاور زلمی اور کوئٹہ گلیڈی ایٹرز کے مابین سنسنی خیز میچ کھیلا گیا جس میں سرفراز الیون کو صرف ایک رن سے شکست کا سامنا کرنا پڑا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کراچی کنگز کی کپتانی آج محمد عامر کریں گے

    کراچی کنگز کی کپتانی آج محمد عامر کریں گے

    لاہور: پاکستان سپر لیگ 2018 کے دوسرے ایلی منیٹر میچ میں کراچی کنگز کی قیادت آج فاسٹ باؤلر محمد عامر کریں گے۔ شاہد آفریدی اور کپتان عماد وسیم انجری کے سبب ٹیم کا حصہ نہیں۔

    تفصیلات کے مطابق کراچی کنگز کی ٹیم کے مالک سلمان اقبال نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ آج کے میچ میں شاہد آفریدی اور عماد وسیم انجری کے سبب ٹیم کا حصہ نہیں۔

    انہوں نے کہا کہ آج میچ میں محمد عامر کراچی کنگز کے کپتان ہوں گے۔

    سلمان اقبال کا کہنا تھا کہ شاہد آفریدی اور عماد وسیم کی جلد صحت یابی کے لیے دعاگو ہیں۔

    یاد رہے کہ لیگ کے دوسرے ایلی منیٹر میچ میں آج کراچی کنگز اور پشاور زلمی مدمقابل ہیں۔ میچ شام 7 بجے لاہور کے قذافی اسٹیڈیم میں کھیلا جائے گا۔

    جیتنے والی ٹیم 25 مارچ کو کراچی میں لیگ کے فائنل میچ میں اسلام آباد یونائیٹڈ کی ٹیم سے ٹکرائے گی۔ اسلام آباد یونائیٹڈ کی ٹیم پہلے ہی فائنل تک رسائی حاصل کرچکی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 2018: فائنل میں پہنچنے کے لیے آج کراچی کنگز اور پشاور زلمی مدمقابل

    پی ایس ایل 2018: فائنل میں پہنچنے کے لیے آج کراچی کنگز اور پشاور زلمی مدمقابل

    لاہور: پاکستان سپر لیگ کے تیسرے ایڈیشن میں فائنل تک پہنچنے کے لیے آج کراچی کنگز اور پشاور زلمی آپس میں ٹکرائیں گے۔ اسلام آباد یونائیٹڈ پہلے ہی فائنل تک رسائی حاصل کرچکا ہے۔

    تفصیلات کے مطابق فائنل کی جنگ تک پہنچنے کے لیے آج کراچی کنگز اور پشاور زلمی آپس میں مدمقابل ہوں گے۔ جیتنے والی ٹیم 25 مارچ کو کراچی میں لیگ کا فائنل کھیلے گی۔

    پشاور زلمی کل کوئٹہ گلیڈی ایٹرز کو ایک رن سے شکست دے چکی ہے۔ کراچی کنگز بھی بہترین کارکردگی کا مظاہرہ کرتی آرہی ہے۔

    اسلام آباد یونائیٹڈ کی ٹیم اس سے قبل کراچی کنگز کو شکست دے کر فائنل میں رسائی حاصل کرچکی ہے۔ آج کے میچ میں جیتنے والی ٹیم فائنل میں اسلام آباد سے ٹکرائے گی۔

    میچ کا آغاز شام 7 بجے قذافی اسٹیڈیم میں ہوگا۔ میچ کے لیے شہر بھر میں سخت سیکیورٹی انتظامات کیے گئے ہیں۔ قذافی اسٹیڈیم کے آس پاس کا پورا علاقہ سیل کیا جاچکا ہے جبکہ پولیس کی بھاری نفری ڈیوٹی پر تعینات ہے۔

    میچ کے دوران بارش کی بھی پیشن گوئی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل تھری کی فاتح ٹیم کے ساتھ جشن منائیں‌ گے: عمران خان

    پی ایس ایل تھری کی فاتح ٹیم کے ساتھ جشن منائیں‌ گے: عمران خان

    اسلام آباد: چیئرمین پی ٹی آئی عمران خان کا کہنا ہے کہ ان کی نیک تمنائیں پی ایس ایل میں‌ شامل تمام ٹیموں اور فرنچائز کے ساتھ ہیں.

    تفصیلات کے مطابق پی ٹی آئی چیئرمین نے پی ایس ایل کے لئے نیک تمناؤں کا اظہار کرتے ہوئے کہا ہے کہ انٹرنیشنل کرکٹ کی پاکستان واپسی قوم کی دیرینہ خواہش ہے، میری دعائیں پی ایس ایل ٹیموں اور کھلاڑیوں کے ساتھ ہیں.

    انھوں نے کہا کہ پاکستان میں کھیلوں خصوصاً کرکٹ کا فروغ ہماری اولین ترجیح ہے، اقتدار میں آئے تو کرکٹ کاڈھانچہ مضبوط کرتے ہوئے کھیل کے شعبے میں میں مزید نکھار لائیں گے.

    عمران خان کا کہنا تھا کہ جو ٹیم بہترین کارکردگی دکھائے گی اس کے ساتھ جیت کی خوشیاں منائیں گے، انٹرنیشنل کرکٹ کی پاکستان واپسی قوم کی دیرینہ خواہش ہے، ہمارے نیک نیک تمنائیں اس ٹورنامینٹ کے ساتھ ہیں.

    کراچی کنگزکےانٹرنیشنل کھلاڑیوں سمیت پورا اسکواڈ لاہور پہنچ گیا

    واضح رہے کہ اس وقت پاکستان سپر لیگ کا تیسرا ایڈیشن جاری ہے. لاہور میں‌ ناک آئوٹ مقابلے میں‌ پشاور زلمی اور کوئٹہ گلیڈی ایٹرز مدمقابل ہیں. مقابلے کی فاتح ٹیم کا کل زندہ دلوں کے شہر میں کراچی کنگز سے مقابلہ ہوگا. اس میگا ایونٹ کا فائنل کراچی میں کھیلا جائے گا، جس کے لیے بھرپور تیاری کی گئی ہیں.

    یاد رہے کہ ماضی کے برعکس اس سیزن میں چھ ٹیموں نے شرکت کی، ملتان سلطانز کا یہ پہلا سیزن تھا، جس کی قیادت شعیب ملک کر رہے تھے. البتہ سیزن کی مہنگی ترین ٹیم پلے آف مرحلے میں پہنچنے میں‌ ناکام رہی تھی.

    قذافی اسٹیڈیم میں ہونے والے میچ کے لیے انتظامات مکمل

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔