ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • کراچی کنگز کے غیر ملکی کھلاڑی پاکستان آنے کے لیے پرجوش

    کراچی کنگز کے غیر ملکی کھلاڑی پاکستان آنے کے لیے پرجوش

    دبئی: پاکستان سپر لیگ کے پاکستان میں ہونے والے میچز کے لیے کراچی کنگز کے 7 میں سے 6 کھلاڑی پاکستان آنے کے لیے تیار ہیں۔ انگلینڈ کے کپتان آئن مورگن دیگر مصروفیات کی وجہ سے واپس لوٹ جائیں گے۔

    تفصیلات کے مطابق کراچی کنگز کی ٹیم میں شامل غیر ملکی کھلاڑی جو ڈینلی، ٹائمل ملز، کولن انگرام، روی بوپارہ، لینڈے سمنز اور ڈیوڈ ویسی پاکستان آنے کے لیے مکمل طور پر تیار اور بے حد پرجوش ہیں۔

    ٹیم کو چند روز قبل جوائن کرنے والے انگلش ٹیم کے کپتان آئن مورگن دیگر مصروفیات کی وجہ سے پی ایس ایل کے بقیہ میچز نہیں کھیلیں گے اور دبئی سے ہی واپس لوٹ جائیں گے۔

    مورگن کا کہنا ہے کہ گزشتہ سال دسمبر سے ان کی مصروفیات جاری ہیں اور اب وہ گھر جانا چاہتے ہیں۔

    کراچی کنگز کے علاوہ دیگر ٹیموں کے غیر ملکی کھلاڑی بھی پاکستان آرہے ہیں جو پی ایس ایل کے بقیہ میچز میں شرکت کریں گے۔

    یاد رہے کہ پاکستان سپر لیگ اپنے اختتامی مراحل میں پہنچ چکا ہے۔ پلے آف مرحلے کے 2 میچز 20 اور 21 مارچ کو لاہور میں جبکہ فائنل میچ کراچی میں 25 مارچ کو کھیلا جائے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کراچی کنگز کی شاندار فتح، پلے آف کے لیے کوالیفائی کرلیا

    کراچی کنگز کی شاندار فتح، پلے آف کے لیے کوالیفائی کرلیا

    شارجہ: پاکستان سپرلیگ کے انتہائی اہم اور بڑے میچ میں کراچی کنگز نے دفاعی چیمپئن اسلام آباد یونائیٹڈ کو 7 وکٹوں سے شکست دے کر پلے آف کے لیے کوالیفائی کرلیا، پوائنٹس ٹیبل پر کراچی کنگز دوسرے نمبر پر آگئی۔

    تفصیلات کے مطابق پاکستان سپر لیگ کے اگلے مرحلے تک رسائی حاصل کرنے کے لیے کراچی کنگز اور اسلام آباد یونائیٹڈ کے مابین اہم ٹاکرا شارجہ اسٹیڈیم میں ہوا، کراچی کنگز کی قیادت مورگن جبکہ یونائیٹڈ کی کپتانی مصباح الحق نے کی۔

    کراچی کنگز کے کپتان کی دعوت پر مصباح الیون نے بیٹنگ کا آغاز کیا تو 5 پر ڈومینی، ایلکس ہیلز 17، مصباح الحق 52، حسین طلعت 61، والٹن 63، آصف علی 103، شاداب خان 105، فہیم اشرف 113، ظفر گوہر 123 اور اسٹیفن فن 124 کے مجموعی اسکور پر آؤٹ ہوئے۔

    اسلام آبادیونائیٹڈ کی ٹیم 19ویں اوور میں 124 پر ڈھیر ہوئی اور کراچی کنگزکوجیت کے لئے125رنزکا ہدف دیا، آصف علی 34 رنز بنا کر نمایاں بلے باز رہے جبکہ عثمان شنواری نے 17 رنز دے کر چار وکٹیں حاصل کیں علاوہ ازیں شاہد آفریدی اور عرفان جنویئر نے 2 ، 2 کھلاڑیوں کو پویلین کی راہ دکھائی۔

    ہدف کے تعاقب میں کراچی کنگز نے بیٹنگ کا آغاز کیا تو خرم منظور اور جوزف ڈین لے میدان میں آئے، ٹیم کو پہلی وکٹ کا نقصان 33 کے مجموعی اسکور پر ہوا کہ جب خرم منظور 15 کے انفرادی اسکور پر آؤٹ ہوئے بعد ازاں جوزف ڈین لے 69، مورگن 72 کے مجموعی اسکور پر آؤٹ ہوئے۔

    کراچی کنگز نے اہم میچ میں شاندار کارکردگی کا مظاہرہ کرتے ہوئے اسلام آباد یونائیٹڈ کو تین اوور قبل 7 وکٹ سےشکست دی، جو ڈین لی36، کولن انگرام 31، بابراعظم 29 رنز کےساتھ نمایاں بلے باز رہے۔

    عثمان خان شنواری نے17 رنزدے کر 4 وکٹیں حاصل کیں اور مین آف دی میچ ایوارڈ کے حق دار قرار پائے۔

    کراچی کنگز اننگز

    سترہواں اوور (ڈومینی): 9 رنز اضافے کے بعد کراچی کنگز نے 18 گیندوں قبل 7 وکٹوں سے فتح حاصل کی۔

    سولہواں اوور (عماد بٹ): ایک چھکے، ایک چوکے اور دو سنگلز کے بعد کراچی کنگز کا مجموعی اسکور 116/3 تک پہنچا۔

    پندرہواں اوور (اسٹیفن فن): ایک چھکے اور دو سنگلز کے بعد ٹیم کا مجموعی اسکور 104/3 تک پہنچا۔

    چودہواں اوور (ڈومینی): 6 رنز اضافے کے بعد مجموعی اسکور 96/3 تک پہنچا۔

    تیرہواں اوور (شاداب خان): تین رنز اضافے کے بعد ٹیم کا مجموعی اسکور 90/3 تک پہنچا۔

    بارہواں اوور (فہیم اشرف): ایک چوکے کے بعد ٹیم کا مجموعی اسکور 87/3 تک پہنچا۔

    گیارہواں اوور (شاداب خان): 7 رنز اضافے کے بعد مجموعی اسکور 83/3 تک پہنچا۔

    دسواں اوور (فہیم اشرف): چار رنز اضافے کے بعد ٹیم کا مجموعی اسکور 76/3 تک پہنچا۔

    نواں اوور (شاداب خان): کراچی کنگز کے کپتان مورگن 2 کے انفرادی جبکہ 72 کے مجموعی اسکور پر پویلین لوٹے، دو رنز اضافے کے بعد اختتام پر ٹیم کا مجموعی اسکور 72/3 تک پہنچا۔

    آٹھواں اوور (فہیم اشرف): ایک سنگل، یکے بعد دیگرے دو چوکوں کے بعد جوزف ڈین لے 36 کے انفرادی اسکور پر جبکہ 69 کے مجموعی اسکور پر پویلین لوٹے،

    ساتواں اوور (شاداب خان): ایک چوکے کی مدد سے 10 رنز بنے جس کے بعد اختتام پر مجموعی اسکور 60/1 تک پہنچا۔

    چھٹا اوور (اسٹیفن فن): 8 رنز اضافے کے بعد مجموعی اسکور 50/1 تک پہنچا۔

    پانچواں اوور (ظفر گوہر): دو چوکوں کے بعد ٹیم کا مجموعی اسکور 42/1 تک پہنچا۔

    چوتھا اوور (اسٹیفن فن): پانچ رنز اضافے کے بعد مجموعی اسکور 34/1 تک پہنچا۔

    چوتھا اوور (اسٹیفن فن): کراچی کنگز کے اوپنر خرم منظور 15 کے انفرادی اسکور پر آؤٹ ہوئے، 5 رنز اضافے کے بعد مجموعی اسکور 34/1 تک پہنچا۔

    تیسرا اوور (ظفر گوہر): 9 رنز اضافے کے بعد کراچی کنگز کا مجموعی اسکور 29/0 تک پہنچا۔

    دوسرا اوور (عماد بٹ): ایک چھکے، 2 چوکوں اور ایک سنگل کے بعد اختتام پر مجموعی اسکور 20/0 تک پہنچا۔

    ہدف کے تعاقب میں کراچی کنگز نے بیٹنگ کا آغاز کیا تو خرم منظور اور ڈین لے میدان میں آئے جبکہ پہلا اوور ظفر گوہر نے کیا، مجموعی اسکور 5/0 تک پہنچا۔

    اسلام آباد یونائیٹڈ اننگز

    انیسواں اوور (عثمان شنواری): تیسری گیند پر ظفر گوہر اور آخری بال پر اسٹیفن فن آؤٹ ہوئے، مقررہ اوورز میں مصباح الیون 124 رنز پر ڈھیر ہوگئی۔

    اٹھارواں اوور: ایک چوکے اور 3 سنلگز کے بعد ٹیم کا مجموعی اسکور 120/8 تک پہنچا۔

    ستریواں اوور (عثمان شنواری): تیسری گیند پر فہیم اشرف 4 کے انفرادی اور 113 کے مجموعی اسکور پر پویلین روانہ ہوئے، 2 رنز اضافے کے بعد اسکور 113/8 تک پہنچا۔

    سولہواں اوور (ٹائمل ملز): چار رنز اضافے کے بعد ٹیم کا مجموعی اسکور 111 تک پہنچا۔

    پندرہواں اوور (محمد عامر): دوسری گیند پر شاداب خان کیچ آؤٹ ہوئے، دو رن اضافے کے بعد مجموعی اسکور 107/7 تک پہنچا۔

    چودہواں اوور (ٹائمل ملز): دو چھکوں کے بعد آصف علی کلین بولڈ ہوکر 34 کے انفرادی جبکہ 103 کے مجموعی اسکور پر پویلین روانہ ہوئے، اختتام پر مجموعی اسکور 105/6 تک پہنچا۔

    تیرہواں اوور(شاہد آفریدی): 6 رنز اضافے کے بعد مجموعی اسکور 89/5 تک پہنچ گیا۔

    بارہواں اوور (عرفان جونیئر): کراچی کنگز کے کپتان مورگن نے شاداب خان کا کیچ ڈراپ کیا، آصف علی کے دو چھکوں کے بعد ٹیم کا مجموعی اسکور 83/5 تک پہنچا۔

    گیارہواں اوور (شاہد آفریدی): والٹن 21 کے انفرادی جبکہ 63 کے مجموعی اسکور پر کلین بولڈ ہوکر پویلین روانہ ہوئے، اختتام پر ٹیم کا مجموعی اسکور 68/5 تک پہنچا۔

    دسواں اوور (عرفان جونیئر): حسین طلعت 1 کے انفرادی جبکہ 61 کے مجموعی اسکور پر پویلین لوٹے یوں اختتام پر ٹیم کا مجموعی اسکور 62/3 تک پہنچا۔

    نواں اوور (شاہد آفریدی): اسلام آباد کے کپتان 19 کے انفرادی اور 52 کے مجموعی اسکور پر کلین بولڈ ہوکر پویلین روانہ ہوئے، اختتام پر اسکور 52/3 تک پہنچا۔

    آٹھواں اوور (عرفان جونیئر): 2 چوکوں اور 4 رنز کے بعد ٹیم کا مجموعی اسکور 50/2 تک پہنچا۔

    ساتواں اوور (شاہد آفریدی): 6 رنز اضافے کے بعد اسلام آباد یونائیٹڈ کا مجموعی اسکور 38/2 تک پہنچا۔

    چھٹا اوور (عثمان شنواری): دو چوکوں اور 2 رنز کے بعد ٹیم کا مجموعی اسکور 32/2 تک پہنچا۔

    پانچواں اوور (ٹائمل ملز): ایک رن اضافے کے بعد مجموعی اسکور 22/2 تک پہنچا۔

    چوتھا اوور (عرفان جونیئر): اسلام آباد یونائیٹڈ کو دوسری وکٹ کے نقصان کا سامنا کرنا پڑا جب ایلکس ہیلز کیچ آؤٹ ہوکر 11 کے انفرادی اور 17 کے مجموعی اسکور پر پویلین لوٹے، دو چوکوں کے بعد اختتام پر مجموعی اسکور 21/2 تک پہنچا۔

    تیسرا اوور (محمد عامر): ایک چوکے اور تین سنلگز کے بعد مجموعی اسکور 12/1 تک پہنچا۔

    دوسرا اوور (عثمان شنواری): اسلام آباد یونائیٹڈ کو پہلی وکٹ کے نقصان کا سامنا کرنا پڑا، جے پی ڈومینی 4 کے انفرادی اور 5 کے مجموعی اسکور پر پویلین روانہ ہوئے، اختتام پر مجموعی اسکور ایک رن اضافے کے بعد 5/1 تک پہنچا۔

    پہلا اوور (محمد عامر): اننگز کے پہلے اوور میں مجموعی اسکور 4/0 پہنچا۔

    اسلام آباد یونائیڈ، کوئٹہ گلیڈی ایٹرز، پشاور زلمی اور کراچی کنگز کی ٹیمیں پلے آف میں پہنچ چکی ہیں، کراچی کنگز کا میچ اتوار کے روز اسلام آباد یونائیٹڈ سے ہوگا۔

    خیال رہے کہ کراچی کنگز کے کپتان عماد وسیم لاہور قلندرز کے خلاف میچ کھیلتے ہوئے انجرڈ ہوگئے تھے جس کے بعد انہیں ڈاکٹرز نے مکمل آرام کا مشورہ دیا تو مینجمنٹ نے مورگن کو قیادت سونپی۔ پشاور زلمی کے خلاف کراچی کنگز مورگن کی قیادت میں گزشتہ روز میدان میں اتری تھیں مگر عماد الیون کو 44 رنز سے شکست کا سامنا کرنا پڑا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کامران اکمل کی شاندار سنچری، زلمی کے ہاتھوں قلندرز کو شکست

    کامران اکمل کی شاندار سنچری، زلمی کے ہاتھوں قلندرز کو شکست

    شارجہ: پاکستان سپر لیگ کے تیسرے ایڈیشن کے 29ویں میچ میں کامران اکمل کی شاندار سنچری کی بدولت پشاور زلمی نے لاہور قلندرز کو 7 وکٹوں سے شکست دے کر پلے آف مرحلے تک رسائی حاصل کرلی۔

    تفصیلات کے مطابق پاکستان سپرلیگ کے 28ویں میچ میں پشاور زلمی اور لاہور قلندرز کی ٹیمیں مدمقابل تھیں، زلمی کی قیادت ڈیرن سیمی جبکہ قلندرز کی کپتانی کے فرائض برینڈین میکلوم نے ادا کیے۔

    لاہور قلندرز نے بیٹنگ کا آغاز کیا تو فخر زمان اور آن ٹن ڈیوچچ نے کیا، میکولم الیون کی پہلی وکٹ 19 کے مجموعی اسکور پر گری، بعد ازاں 40 پر میکولم، 95 پر آغا سلمان اور 119 پر ڈیوچچ آؤٹ ہوئے۔

    میکولم الیون نے مقررہ 20 اوورز میں بیٹنگ کرتے ہوئے پشاورزلمی کو 173رنزکا ہدف دیا، ڈیوچچ 42 گیندوں پر 70 رنز بنا کر نمایاں بلے باز رہے جبکہ حسن علی 2 وکٹیں حاصل کر کے سرفہرست رہے۔

    ہدف کے تعاقب میں پشاور زلمی نے بیٹنگ کا آغاز کیا تو کامران اکمل اور رکی ویسلز میدان میں اترے اور 20 کے مجموعی اسکور پر گری، بعد ازاں 61 کے مجموعی اسکور پر ڈیوائن اسمتھ پویلین روانہ ہوئے۔

    محمد حفیظ اور کامران اکمل نے 87 رنز کی شاندار شراکت داری کر کے ٹیم کو فتح دلوانے میں اہم کردار ادا کیا جس کے بعد پشاورزلمی نےپلےآف مرحلے کے لیے کوالیفائی کرلیا

    کامران اکمل نے61 گیندوں پر 7چھکوں اور 11 چوکوں کی مدد سے 107رنزکی ناقابل شکست اننگزکھیلی اور پی ایس ایل کے تیسرے ایڈیشن کی پہلی سنچری اپنے نام کی، پاکستان سپر لیگ کے دوسرے ایڈیشن میں بھی اکمل نے ہی 100 رنز بنائے تھے۔

    پلے آف تک رسائی حاصل کرنے والی ٹیموں میں اسلام آبادیونائیٹڈ، کوئٹہ گلیڈی ایٹرز، پشاورزلمی کی ٹیمیں شامل ہیں چوتھی ٹیم کا فیصلہ کراچی کنگز اور ملتان سلطانز کے میچ کے بعد ہوگا۔

    پشاور زلمی اننگز

    محمد حفیظ سولہویں اوور کی آخری گیند پر یاسر شاہ کے ہاتھوں کلین بولڈ ہوئے انہوں نے 27 رنز کی شاندار اننگز کھیلی، اٹھارویں اوور میں پشاور زلمی نے 176 رنز کا ہدف حاصل کر کے پوائنٹس ٹیبل پر دوسری پوزیشن حاصل کی اور پلے آف تک رسائی حاصل کرلی۔

    پشاور زلمی کے اوپنر کامران اکمل اور محمد حفیظ نے شاندار بیٹنگ کا مظاہرہ کرتے ہوئے ٹیم کا مجموعی اسکور 135/2 تک پہنچایا۔

    ساتویں اوور کی تیسری گیند پر ڈیوائن اسمتھ 14 کے انفرادی اسکور پر یاسر شاہ کی گیند پر کلین بولڈ ہوئے، دسویں اوور کے اختتام پر زلمی کا مجموعی اسکور 87/2 تک پہنچا۔

    ہدف کے تعاقب میں زلمی کی جانب سے اوپننگ کا آغاز کامران اکمل اور رکی ویسلز نے کیا، سیمی الیون کی پہلی وکٹ 20 کے مجموعی اسکور پر گری، پانچ اوورز کے اختتام پر ٹیم کا مجموعی اسکور 51/1 تک پہنچا۔

    لاہور قلندرز اننگز

    قلندز کے نئے آنے والے بیٹسمینوں گلریز صدف اور سہیل اختر نے آخری پانچ اوورز میں ٹیم کے مجموعی اسکور میں 53 رنز کا اضافہ کیا، مقررہ اوورز میں میکولم الیون نے چاروکٹوں کے نقصان پر 172 رنز بنائے۔

    پندرہویں اوور میں قلندرز کے اوپنر ڈیوچچ 42 گیندوں پر 70 رنز بنا کر حسن علی کی گیند پر کیچ آؤٹ ہوئے، اوور اختتام پر ٹیم کا مجموعی اسکور 120/4 تک پہنچا۔

    ڈیوچ اور آغا سلمان نے شاندار بیٹنگ کرتے ہوئے 10 اوورز کے اختتام پر ٹیم کا مجموعی اسکور 80/2 تک پہنچا۔

    لاہور قلندرز کی جانب سے اننگز کا آغاز فخر زمان اور آن ٹن ڈیوچچ نے کیا جبکہ حسن علی نے پہلا اوور کرایا، تیسرے اوور میں زلمی کو پہلے نقصان کا سامنا کرنا پڑا، پانچویں اوور کے اختتام پر ٹیم کا مجموعی اسکور 40/2 تک پہنچا،  فخر زمان اور میکولم آؤٹ ہوکر پویلین لوٹے۔

     پشاور زلمی  کے لیےآج کا میچ انتہائی اہمیت کا حامل ہے کیونکہ فتح کی صورت میں ٹیم چوتھے جبکہ شکست کے بعد زلمی پوائنٹس ٹیبل پر پانچویں نمبر پر آسکتی ہے علاوہ ازیں سیمی الیون پشاور زلمی کی شکست کی صورت میں کراچی کنگز اور ملتان سلطانز پلے آف مرحلے میں پہنچ جائیں گے۔

    پوائنٹس ٹیبل پر پشاور 8 پوائنٹس کے ساتھ 5 ویں نمبر پر ار لاہور 6 پوائنٹس کے ساتھ آخری نمبر پر ہے۔

    لاہور قلندرز کے لیے ٹورنامنٹ میں اب بقیہ تمام میچز بے معنی ہوگئے ہیں۔ لاہور قلندرز کی ٹیم نے اب تک 9 میچز کھیلے جن میں سے انہیں صرف 3 میں فتح ملی اور 6 میں شکست کا سامنا کرنا پڑا۔

    پشاور زلمی

    پشاور زلمی کے کپتان ڈیرن سیمی ہیں جبکہ دیگر کھلاڑیوں میں رکی ویسلس، تمیم اقبال، محمد عارف، خوشدل شاہ، تیمور سلطان، ابتسام شیخ، محمد حفیظ، شکیب الحسن، حارث سہیل، ڈوائن براوو، حماد اعظم، سعد نسیم، خالد عثمان، کامران اکمل اور اینڈریو فلیچر شامل ہیں۔

    لاہور قلندرز

    لاہور قلندرز کی قیادت برینڈن مک کلم کر رہے ہیں۔ ان کے علاوہ ٹیم میں عمر اکمل، فخرزمان، نیوزی لینڈ کے اینٹن ڈیوسچ، بولر سہیل خان، یاسرشاہ، شاہین آفریدی، رضا حسن، سنیل نرائن، بلاول بھٹی، غلام مدثر، بلال آصف، عامر یامین اور کیمرون ڈلپورٹ شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل فائنل کے لیے سیکیورٹی انتظامات مکمل

    پی ایس ایل فائنل کے لیے سیکیورٹی انتظامات مکمل

    کراچی: پاکستان سپر لیگ کے فائنل کے لیے سیکیورٹی انتظامات مکمل کرلیے گئے۔ رینجرز، پولیس اور دیگر متعلقہ اداروں نے سیکیورٹی پلان تیار کرلیا۔

    ذرائع کے مطابق پاکستان سپر لیگ کے فائنل کے لیے سیکیورٹی انتظامات مکمل کرلیے گئے ہیں۔ پولیس اور رینجرز کے متعلقہ افسران 19 مارچ کو میڈیا بریفنگ دیں گے۔

    بریفنگ میں مکمل سیکیورٹی اور ٹریفک پلان سے آگاہ کیا جائے گا۔ 19 مارچ کو بریفنگ سندھ گورنمنٹ سے مشاورت کے بعد رکھی گئی۔ میڈیا بریفنگ کے ذریعےعوام تک آگاہی پہنچائی جائے گی۔

    ذرائع کا کہنا ہے کہ 25 مارچ کو گلشن ٹاؤن کا مخصوص حصہ ریڈ زون قرار دیا جائے گا۔ نیشنل اسٹیڈیم کے چاروں طرف سڑکیں مکمل بلاک کردی جائیں گی۔ الیکٹرانک اور پرنٹ میڈیا کے ذریعے ٹریفک روٹس کی تشہیر کی جائے گی۔

    فائنل کے دن 8 ہزار سے زائد اہلکار ڈیوٹی انجام دیں گے۔ اسٹیڈیم کے اندر اور باہر رینجرز، پولیس اور ایس ایس یو کمانڈوز ہوں گے۔ کار پارکنگ سے اسٹیڈیم داخلے تک 3 سے 4 مقامات پر اسکینرز ہوں گے۔ اسٹیڈیم کے اندر جانے کے لیے واک تھرو اور جامع تلاشی لی جائے گی۔

    ذرائع کا کہنا ہے کہ اسٹیڈیم کے اندر اور اطراف میں مخصوص پارکنگ لاٹ بھی بنائے جا رہے ہیں۔ مخصوص پارکنگ کے لیے اسٹیکرز اور پاسز کا اجرا کیا جائے گا۔ پارکنگ کی درجہ بندی اسٹیکرز کے کلر کے حساب سے کی جائے گی۔

    یاد رہے کہ پاکستان سپر لیگ سیزن 8 کا فائنل 25 مارچ کو کراچی کے نیشنل اسٹیڈیم میں کھیلا جائے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • بہتر ہوں مگر میچ نہیں کھیل سکتا: عماد وسیم

    بہتر ہوں مگر میچ نہیں کھیل سکتا: عماد وسیم

    شارجہ: کراچی کنگز کے آل راؤنڈر کپتان عماد وسیم نے کہا ہے کہ ہوٹل میں بیٹھ کر میچ دیکھنے کی عادت نہیں اسی لیے گراؤنڈ میں آکر میچ دیکھتا ہوں، انجری کے بعد پہلے سے بہت بہتر ہوں مگر بدقستمی سے میچ نہیں کھیل سکتا۔

    ان خیالات کا اظہار انہوں نے اے آر وائی سے خصوصی گفتگو کرتے ہوئے کیا، عماد وسیم کا کہنا تھا کہ لاہور قلندرز کے خلاف میچ میں اچھا کھیل کا مظاہرہ کیا تھا، کیچ پکڑنے پر خوشی ہوئی لیکن میچ ہار گئے اس کا افسوس ہوا۔

    کراچی کنگز:عماد وسیم تاحال ان فٹ، کپتانی اوئن مورگن کریں گے

    عماد وسیم کی ہیڈ انجری کے بعد کراچی کنگز کی قیادت کرنے والے اوئن مورگن سے متعلق ان کا کہنا تھا کہ وہ ایک ورلڈ کلاس کھلاڑی اور کپتان ہیں، ان کی کپتانی میں ٹیم کو کافی فائدہ ہوگا، امید ہے آگے بھی فتوحات سمیٹیں گے۔

    پوچھے گئے سوال پر ان کا کہنا تھا کہ میری انجری کی خبر سے گھر والے بہت پریشان ہوئے اور وہ دبئی آنا چاہتے تھے لیکن ڈاکٹرز کے مشوروں کے بعد میں نے گھر والوں کو فون کر کے اپنی صحت یابی کی خبر دی، اب بہت بہتر ہوں۔

    کراچی کنگز کے ہیرو محمدعامر کیلئے 2017کے بہترین بولر کا ایوارڈ

    عماد وسیم کا کہنا تھا کہ کراچی کنگز کا کپتان بننا میرے لیے اعزاز کی بات ہے، پی ایس ایل تھری کا سیزن بہت شاندار ہے، بحیثیت کپتان بہت کچھ سیکھا ہے امید ہے آگے بھی سیکھتا رہوں گا، دبئی کے لوگ بہت سپورٹ کرتے ہیں لیکن جو مزہ اپنے ملک میں کھیلنے کا ہے وہ کہیں نہیں۔

    خیال رہے کہ عماد وسیم لاہور قلندرز کے خلاف کیچ پکڑتے ہوئے ہیڈ انجری کا شکار ہوگئے تھے جس کے بعد ان کی جگہ انگلینڈ کی ٹیم کے مایہ ناز بیٹسمین اوئن مورگن کراچی کنگز کی قیادت کر رہے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اسلام آباد یونائیٹڈ کے ہاتھوں کوئٹہ گلیڈی ایٹرز کو 6 وکٹوں‌ سے شکست

    اسلام آباد یونائیٹڈ کے ہاتھوں کوئٹہ گلیڈی ایٹرز کو 6 وکٹوں‌ سے شکست

    شارجہ: پاکستان سپرلیگ کے ستائیسویں میچ میں اسلام آباد یونائیٹڈ نے کوئٹہ گلیڈی ایٹرز کو 6 وکٹوں سے شکست دے کر فتح اپنے نام کرلی، جے پی ڈومینی نے 54 رنز کی شاندار اننگز کھیلی۔

    تفصیلات کے مطابق  پاکستان سپر لیگ کے ستائیسویں میچ میں دفاعی چیمپئن اسلام آباد یونائیٹڈ اور کوئٹہ گلیڈی ایٹرز کی ٹیمیں مدمقابل تھیں، گلیڈی ایٹرز کی قیادت سرفراز احمد اور اسلام آباد کی کپتانی مصباح الحق نے کی۔

    ٹاس جیت کر سرفراز الیون نے پہلے بیٹنگ کا آغاز کیا تو 19 کے مجموعی اسکور پر شین واٹسن آؤٹ ہوکر پویلین لوٹے، بعد ازاں جیسن روئے 30، پیٹرسن 41 پر آؤٹ ہوئے، کپتان سرفراز احمد اور عمر امین 64 رنز کی عمدہ شراکت داری کرتے ہوئے ٹیم کو مستحکم پوزیشن فراہم کی۔

    کوئٹہ گلیڈی ایٹرزنے مقررہ اوورز میں 7 وکٹ پر147رنزبنائے، سرفراز احمد 43 اور عمر امین 28 کے ساتھ نمایاں بلے باز رہے جبکہ فہیم اشرف نے 3 اور عماد بٹ نے2 وکٹیں حاصل کیں۔

    ہدف کے تعاقب اسلام آباد یونائیٹڈ نے بیٹنگ کا آغاز کیا تو 13 کے مجموعی اسکور پر لک رونچی، 58 پر ایلکس ہیلز، 85 پر شاداب خان، 129 پر جے پی ڈومینی آؤٹ ہوئے، مصباح الیون نے148 رنزکا ہدف 19 ویں اوورمیں حاصل کیا صرف چار وکٹوں کے نقصان کے ساتھ پورا کیا اور مسلسل چھٹی جبکہ ایونٹ کی ساتویں فتح اپنے نام کی۔

    اسلام آباد کے اوپنر جے پی ڈومینی 54 رنز اور حسین طلعت 28 کے ساتھ نمایاں بلے باز رہے جبکہ راحت علی نے 2، میر حمزہ اور شین واٹسن نے ایک ایک وکٹ حاصل کی، گلیڈی ایٹرز کو شکست دینے کے بعد یونائیٹڈ کی ٹیم 14پوائنٹس کے ساتھ پوائںٹس ٹیبل پر سرفہرست ہے۔

    اسلام آباد یونائیٹڈ اننگز

    یونائیٹڈ کے اوپنر جے پی ڈومینی سترہویں اوور کی آخری گیند پر 54 رنز کی شاندار اننگز کھیلنے کے بعد آؤٹ ہوئے اور مصباح الیون نے اگلے ہی اوور میں ہدف حاصل کر کے فتح حاصل کی۔

    بارہویں اوور میں شاداب خان آؤٹ ہوئے اور پندرہویں اوور کے اختتام پر ٹیم کا مجموعی اسکور 110/3 تک پہنچا۔

    ساتویں اوور میں یونائیٹڈ میں ایلکس ہلیز 16 کے انفرادی اور 58 کے مجموعی اسکور پر پویلین لوٹے، دسویں اوور کے اختتام پر ٹیم کا 77/2 تک پہنچا۔

    ہدف کے تعاقب میں اسلام آباد یونائیٹڈ نے اننگز کا آغاز کیا تو جے پی ڈومینی اور لک رونچی میدان میں اترے، راحت علی نے دوسرے اوور میں مصباح الیون کے پہلے بیٹسمین کو پویلین کی راہ دکھائی، پانچویں اوور کے اختتام پر یونائیٹڈ کا مجموعی اسکور 45/1 تک پہنچا۔

    گلیڈی ایٹرز اننگز

    سولہویں اوور میں ایک جبکہ سترہویں اوور میں گلیڈی ایٹرز کے دو کھلاڑی آؤٹ ہوئے تاہم بیٹسمینوں نے جارحانہ کھیل پیش کرتے ہوئے ٹیم کا مجموعی اسکور مقررہ 20 اوورز میں 7 وکٹوں کے نقصان پر 147 تک پہنچایا۔

    گلیڈی ایٹرز کی ٹیم نے اگلے پانچ اوورز میں مزید ایک وکٹ کے نقصان کا سامنا کیا اور مجموعی اسکور کو 111/4 تک پہنچاہا۔

    چھٹے اور ساتویں اوورز میں گلیڈی ایٹرز کے جیس روئے اور پیٹرسن آؤٹ ہوئے، دسویں اوورز کے اختتام کا پر گلیڈی ایٹرز کا مجموعی اسکور 60/3 تک پہنچا۔

    گلیڈی ایٹرز کی جانب سے بیٹنگ کا آغاز شین واٹس اور جیسن روئے نے کیا جبکہ یونائیٹڈ کی جانب سے پہلا اوور سمیت پٹیل نے کرایا، پانچ اوورز کے اختتام پر ٹیم کا مجموعی اسکور 29/1 تک پہنچا۔

    اسکواڈ

    خیال رہے کہ اسلام آباد یونائیٹڈ پوائنٹس ٹیبل پر 12 پوائنٹس کے ساتھ سرفہرست ہے جبکہ گلیڈی ایٹرز 10 پوائنٹس کے ساتھ دوسرے نمبر پر ہے، دونوں ٹیمیں پلے آف تک رسائی حاصل کرچکی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پشاور زلمی نے کراچی کنگز کو شکست دے دی

    پشاور زلمی نے کراچی کنگز کو شکست دے دی

    شارجہ: پاکستان سپر لیگ میں کے 27ویں میچ میں پشاور زلمی نے کراچی کنگز کو 44 رنز سے شکست دے کر فتح اپنے نام کرلی، سیمی الیون کے پلے آف میں پہنچنے کے امکانات مزید روشن ہوگئے۔

    تفصیلات کے مطابق پاکستان سپر لیگ کے 27ویں میچ میں کراچی کنگز اور پشاور زلمی کی ٹیمیں مدمقابل تھیں، کنگز کی قیادت مورگن جبکہ زلمی کی کپتانی ڈیرن سیمی نے کی۔

    ٹاس جیت کر پشاور زلمی نے پہلے بیٹنگ کا آغاز کیا تو 3 کے مجموعی اسکور پر محمد حفیظ بغیر کھاتہ کھولے پویلین روانہ ہوئے، بعد ازاں 47 پر ڈیوائن اسمتھ، 81 پر رکی ویسلز، 118 پر کامران اکمل، 160 پر سعد نسیم، 181 لیام ڈاؤسن آؤٹ ہوئے۔

    پشاورزلمی نے مقررہ 20 اوورز میں 6 وکٹوں کے نقصان پر 181 رنز بنائے کراچی کنگزکو جیت کے لیے 182رنزکا ہدف دیا، کامران اکمل 75 ڈیرن سیمی 36 اور سعد نسیم 35 رنز کے ساتھ نمایاں بلے باز رہے جبکہ عثمان شنواری نے شاندار باؤلنگ کرتے ہوئے 4 اوورز میں صرف 11 رنز دیے اور تین وکٹیں حاصل کیں علاوہ ازیں محمد عامر، شاہد آفریدی اور روی بوپارا ایک ایک وکٹ لے سکے۔

    ہدف کے تعاقب میں کراچی کنگز نے بیٹنگ کا آغاز کیا تو 15 کے مجموعی اسکور پر ڈین لے آؤٹ ہوئے بعد ازاں دوسری وکٹ 27، تیسری 40، چوتھی 62، پانچویں 92، چھٹی 118 اور ساتویں 137 کے مجموعی اسکور پر گریں۔

    کراچی کنگز کے بابر اعظم 66 رنز بنا کر نمایاں بلے باز رہے اس کے صرف دو کھلاڑی ڈبل ہندسے میں داخل ہوئے، لیام ڈیواسن 3، وہاب ریاض، عمید آصف 2 ، 2 اور حسن علی ایک وکٹ لینے میں کامیاب رہے۔ کراچی کنگز کی ٹیم مقررہ 20 اوورز میں صرف 137 رنز بنا سکی۔

    کراچی کنگز اننگز

    بیسویں اوور میں کراچی کنگز کے دو کھلاڑی آؤٹ ہوئے، یوں مقررہ اوورز کے اختتام پر ٹیم 137 رنز ہی بناسکی۔

    انیسویں اوور میں مجموعی اسکور میں صرف 6 رنز کا اضافہ ہوسکا۔

    اٹھارویں اوور میں کراچی کنگز کی ٹیم مجموعی اسکور میں صرف چار رنز کا اضافہ کرسکی۔

    سترہویں اوور میں بابر اعظم  66 کے انفرادی اسکور پر پویلین روانہ ہوئے، اوور اختتام پر ٹیم کا مجموعی اسکور 122/6 تک پہنچا۔

    سولہویں اوور میں کراچی کنگز کا مجموعی اسکور 5 وکٹوں کے نقصان پر 60 تک پہنچا، بابر اعظم نے اپنی ففٹی مکمل کی۔

    پندرہویں اوور میں کراچی کنگز نے مجموعی اسکور کی ففٹی مکمل کی۔

    چودہواں اوور (لیام ڈاؤسن): شاہد آفریدی نے ایک چھکا اور مارا تاہم اگلی ہی گیند پر وہ 26 کے انفرادی اسکور پر آؤٹ ہوئے، اختتام پر مجموعی اسکور 96/5 تک پہنچا۔

    تیرہواں اوور (ثمین گل): شاہد آفریدی نے یکے بعد دیگرے 3 چھکے لگائے جس کے بعد ٹیم کا مجموعی اسکور 85/4 تک پہنچا۔

    بارہواں اوور کراچی کنگز کے لیے اچھا ثابت نہ ہوا کیونکہ روی بوپارا 7 کے انفرادی جبکہ 62 کے مجموعی اسکور پر پویلین روانہ ہوئے، اوور اختتام پر ٹیم کا مجموعی اسکور 64/4 تک پہنچا۔

    گیارہواں اوور (عمید آصف): پانچ رنز اضافے کے بعد ٹیم کا مجموعی اسکور 57/3 تک پہنچا۔

    دسواں اوور (لیام ڈاؤسن): چار رنز اضافے کے بعد مجموعی اسکور 52/3 تک پہنچا۔

    نواں اوور (عمید آصف): مجموعی اسکور 48/3 تک پہنچا

    آٹھواں اوور (لیام ڈاؤسن): کراچی کنگز کے کپتان مورگن 5 کے انفرادی اسکور پر آؤٹ ہوکے پویلین روانہ ہوئے، اختتام پر مجموعی اسکور 41/3 تک پہنچا۔

    ساتواں اوور (وہاب ریاض): 5 رنز اضافے کے بعد مجموعی اسکور 40/2 تک پہنچا۔

    چھٹا اوور (ثمین گل) ایک چوکے کی مدد سے ٹیم کا مجموعی اسکور 35/2 تک پہنچا۔

    پانچواں اوور (وہاب ریاض): کولن انگرام بغیر کھاتہ کھولے 27 کے مجموعی اسکور پر پویلین لوٹے، یوں اوور اختتام پر ٹیم کا مجموعی اسکور 27/2 تک پہنچا۔

    چوتھا اوور (ثمین گل): پانچ رنز اضافے کے بعد کراچی کنگز کا مجموعی اسکور 20/1 تک پہنچا۔

    تیسرا اوور (حسن علی): تیسری بال پر ڈین لے بغیر کھاتہ کھولے پویلین لوٹے یوں 15 کے مجموعی اسکور پر کراچی کنگز کو پہلے نقصان کا سامنا کرنا پڑا، اختتام پر ٹیم کا مجموعی اسکور ایک رن اضافے کے بعد 15/1 تک پہنچا۔

    دوسرا اوور (ثمین گل): ایک چھکے اور تین سنلگز کے بعد ٹیم کا مجموعی اسکور بغیر کسی نقصان کے 14 تک پہنچا۔

    ہدف کے تعاقب میں کراچی کنگز کی جانب سے اننگز کا آغاز بابر اعظم اور ڈین لے نے کیا جبکہ پہلا اوور حسن علی نے کرایا، اوور اختتام پر ٹیم کا مجموعی اسکور بغیر کسی نقصان پر 5 تک پہنچا۔

    پشاور زلمی اننگز

    بیسواں اوور: پشاور زلمی نے مقررہ اوورز میں 6 وکٹوں کے نقصان پر 181 رنز بنائے

    انیسواں اوور (عثمان شنواری): مجموعی اسکور 168/5

    اٹھارواں اوور (محمد عامر): مجموعی اسکور 160/4

    سترہواں اوور (محمد عرفان): 147/4

    سولہواں اوور (عثمان شنواری): کامران 75 رنز کی اننگز کھیلنے کے بعد کیچ آؤٹ ہوئے، دو رنز اضافے کے بعد ٹیم کا مجموعی اسکور 119/4 تک پہنچا۔

    پندرہواں اوور (روی بوپارا): پشاور زلمی کے بیٹسمینوں نے تیز کھیل پیش کرتے ہوئے اوور میں 17 رنز حاصل کیے، مجموعی اسکور 117/3 تک پہنچا۔

    چودہواں اوور (شاہد آفریدی): کامران اکمل اور سعد نسیم نے دو چھکوں اور ایک چوکے کے بعد ٹیم کا مجموعی اسکور 103/3 تک پہنچا۔

    تیرہواں اوور (روی بوپارا): رکی ویسلز 11 کے انفرادی اور 81 کے مجموعی اسکور پر آؤٹ ہوئے، اختتام پر ٹیم کا مجموعی اسکور 3 رنز اضافے کے بعد 82 تک پہنچا۔

    بارہواں اوور (شاہد آفریدی): پشاور زلمی کا تیزی سے بڑھتا رک گیا اور اختتام پر ٹیم کا مجموعی اسکور 79/2 تک پہنچا۔

    گیارہواں اوور (اسامہ میر): کامران اکمل نے چوکے کی مدد سے اپنی نصف سنچری مکمل کی، ایک چھکے کی مدد سے ٹیم کا مجموعی اسکور 72/2 تک پہنچا۔

    دسواں اوور (شاہد آفریدی): پانچ رنز اضافے کے بعد ٹیم کا مجموعی اسکور 58/2 تک پہنچا۔

    نواں اوور (اسامہ میر): کامران اکمل خوش قسمت رہے کہ اُن کا کیچ ڈراپ ہوا، اوور اختتام پر ٹیم کا مجموعی اسکور 53/1 تک پہنچا۔

    آٹھواں اوور ( شاہد آفریدی): ڈیوائن اسمتھ 15 رنز بناکر کیچ آؤٹ ہوئے، دو رنز اضافے کے بعد مجموعی اسکور 48/2 تک پہنچا۔

    ساتواں اوور (اسامہ میر): ایک چھکے کے بعد پشاور زلمی کے مجموعی اسکور میں 10 رنز کا اضافہ ہوا یوں اختتام پر اسکور 46/1 تک پہنچا۔

    چھٹا اوور (محمد عامر): کراچی کنگز کے کپتان نے حکمت عملی تبدیل کی جو بہتر ثابت ہوئی، یوں چھٹے اوور میں زلمی کی ٹیم صرف 6 رنز بنا سکی اور اختتام پر اسکور 31/1 تک پہنچا۔

    پانچواں اوور (محمد عرفان): یہ اوور کراچی کنگز کے لیے مہنگا ثابت ہوا، کامران اکمل نے اوور میں دو چھکے لگائے اور اختتام پر ٹیم کا مجموعی اسکور 25/1 تک پہنچا۔

    چوتھا اوور (عثمان شنواری): تین رنز اضافے کے بعد زلمی کا مجموعی اسکور 11/1 تک پہنچا، کامران اکمل اور ڈیوائن اسمتھ وکٹ پر موجود رہے۔

    تیسرا اوور (محمد عرفان): ایک چوکے اور ایک رن کے بعد زلمی کا مجموعی اسکور 8/1 تک پہنچا۔

    دوسرا اوور (عثمان شنواری): دوسرے اوور کی چوتھی گیند پر محمد حفیظ بغیر کوئی رن بنائے کلین بولڈ ہوئے، اوور اختتام پر ایک رن اضافے کے بعد مجموعی اسکور 3/1 تک پہنچا۔

    پہلا اوور (محمد عامر): اختتام پرٹیم کا مجموعی اسکور 2/0 تک پہنچا۔

    زلمی نے بیٹنگ کا آغاز کیا تو محمد حفیظ اور کامران اکمل اوپننگ کے لیے میدان میں اترے اور پہلا اوور محمد عامر نے کرایا۔

    کراچی کنگز کے کپتان عماد وسیم کی انجری کے باعث کراچی کی ٹیم ٹی 20 اسپیشلسٹ مورگن کی قیادت میں میدان میں اتری، دونوں ٹیموں کے لیے میچ جیتنا انتہائی ضروری ہے، کراچی کے شیر زلمی کو پہلے مرحلے میں شکست سے دو چار کر چکے ہیں۔

    پوائنٹس ٹیبل کی تازہ صورتحال

    اسکواڈ کراچی کنگز:

    جوئے ڈین لے، بابر اعظم، آئن مورگن (کپتان)، کولن انگرام، روی بوپارا، شاہد آفریدی، محمد رضوان، اسامہ میر، محمد عرفان (جونیئر)، محمد عامر، عثمان خان شنواری شامل ہیں۔

    اسکواڈ پشاور زلمی:

    کامران اکمل، ڈیوائن اسمتھ، محمد حفیظ، رکی ویسلز، سعد نسیم، لیام ڈاؤسن، ڈیرن سمی (کپتان)، عمید آصف، وہاب ریاض، حسن علی، ثمین گل شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جنگل کا شیر بھی کراچی کنگز کا دیوانہ نکلا

    جنگل کا شیر بھی کراچی کنگز کا دیوانہ نکلا

    کراچی: پاکستان سپر لیگ کا جادو ملک بھر میں سر چڑھ کر بول رہا ہے۔ ایسے میں جنگل کا شیر سمبا بھی پی ایس ایل کی فیورٹ ٹیم کراچی کنگز کا دیوانہ نکلا۔

    کراچی کے رہائشی حسن نے گھر میں شیر پالا ہوا ہے جس کا نام سمبا ہے۔ حسن کی طرح یہ شیر بھی کراچی کنگز کا دیوانہ ہے اور کراچی کنگز کی ٹی شرٹ اور کیپ پہن کر بہت لطف اندوز ہوتا ہے۔

    یاد رہے کہ کراچی کنگز اب تک کی پاکستان سپر لیگ کی فیورٹ ٹیم ہے جو 9 پوائنٹس کے ساتھ پوائنٹس ٹیبل پر پہلی 4 بہترین ٹیموں میں شامل ہے۔

    حسن کو امید ہے کہ کراچی کنگز کی ٹیم بہترین کارکردگی کا مظاہرہ کرتے ہوئے پی ایس ایل جیتے گی اور ٹرافی اپنے نام کرلے گی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل کا فائنل‘ ٹکٹوں کی فروخت کا آغاز

    پی ایس ایل کا فائنل‘ ٹکٹوں کی فروخت کا آغاز

    کراچی : پی ایس ایل کے فائنل کی ٹکٹس کی فروخت شروع ہوگئی ہے، دکانوں پر ٹکٹوں کی خریداری کے لیے شہریوں کی لمبی قطاریں لگ گئی ہیں۔

    تفصیلات کے مطابق نیشنل اسٹیڈیم کراچی میں 25 مارچ کو کھیلے جانے والے پاکستان سپرلیگ کے فائنل میچ کے ٹکٹس کی فروخت کا آغاز ہوگیا، فائنل کی ٹکٹس خریدنے کے لیے ٹی سی ایس کے سینٹرز کے باہر شائقین کرکٹ کی بڑی تعداد موجود ہے۔

    کراچی میں ٹی سی ایس کی مقرر کردہ 32 شاخوں پر پاکستان سپرلیگ کے ایک ہزار سے 12 ہزار روپے تک کے ٹکٹس دستیاب ہیں جبکہ شائقین کرکٹ ایک شناختی کارڈ پر5 ٹکٹ خرید سکتے ہیں۔

    شائقین کرکٹ نیشنل اسٹیڈیم کے 15 انکلوژرز کے لیے ٹکٹس خرید سکیں گے اور سب سے کم قیمت کا ٹکٹ جنرل انکلوژر کا ہے جو ایک ہزار روپے میں دستیاب ہوگا۔

    پی ایس ایل فائنل: وزیراعلیٰ سندھ نے شٹل سروس چلانے کا اعلان کردیا

    فرسٹ کلاس انکلوژر کے ٹکٹ کی قیمت 4 ہزار روپے، وی آئی پی انکلوژر کے ٹکٹ کی قیمت 8 ہزار روپے جبکہ وی وی آئی پی انکلوژر کے ٹکٹ کی قیمت 12 ہزار روپے ہے۔

    خیال رہے کہ گزشتہ ہفتے چیئرمین پاکستان کرکٹ بورڈ نجم سیٹھی کا کہنا تھا کہ مجھ سے کوئی بھی فری ٹکٹ کا مطالبہ نہ کرے، پی ایس ایل میچز کا مفت ٹکٹ نہیں ملے گا۔

    یاد رہے کہ پاکستان سپرلیگ کا فائنل 25 مارچ کو نیشنل اسٹیڈیم کراچی میں ہوگا، میچ کے موقع پر شاہراہ فیصل اور کارساز روڈ پرسیکیورٹی کے سخت انتظامات ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل : لاہورقلندرزنے کوئٹہ گلیڈی ایٹرزکو17رنزسے شکست دیدی

    پی ایس ایل : لاہورقلندرزنے کوئٹہ گلیڈی ایٹرزکو17رنزسے شکست دیدی

     شارجہ: پاکستان سپرلیگ کے چھبسویں میچ میں لاہور قلندرز کی ٹیم نے کوئٹہ گلیڈی ایٹرز کو 17 رنز سے ہرادیا، کوئٹہ گلیڈی ایٹرز مقررہ بیس اوورز میں 6 وکٹ پر 169رنز بنا سکی۔

    تفصیلات کے مطابق شارجہ میں پی ایس ایل کے 26ویں میچ میں لاہور قلندر نے پہلے بیٹنگ کرتے ہوئے کوئٹہ کو 187رنز کا ہدف دیا تھا، گلیڈی ایٹرز کی کپتانی سرفراز احمد اور قلندرز کی قیادت برینڈن میکولم نے کی۔

    گلیڈی ایٹرز کے کپتان کی دعوت پر لاہور قلندرز نے پہلے بیٹنگ کا آغاز کیا تو ڈیوچ اور فخر زمان اوپننگ کے لیے میدان میں آئے، میکولم الیون کو بہتر آغاز ملا اور اُن کا پہلا کھلاڑی 43 کے مجموعی اسکور پر پویلین لوٹا بعد ازاں آغا سلمان 53، برینڈن میکولم 73 اور فخر زمان 141 کے مجموعی اسکور پر پویلین لوٹے۔

    فخر زمان نے شاندار بیٹنگ کی اور صرف 6 رنز کے فرق سے وہ اپنی اور پی ایس ایل کے تیسرے ایڈیشن کی پہلی سنچری نہ کرسکے اور 50 گیندوں پر 94 کے انفرادی اسکور پر پویلین لوٹے، انہوں نے 6 چھکوں اور 9 چوکوں کی مدد سے ٹیم کے مجموعی اسکور پر 186 تک پہنچایا۔ کوئٹہ کی جانب سے انور علی، راحت علی، میر حمزہ اور حسن خان نے ایک ایک وکٹ حاصل کی۔

     ،جواب میں کوئٹہ گلیڈی ایٹرزمقررہ اوورز میں 6 وکٹ کے نقصان پر169رنزبناسکی، جیسن رائے 36، روسو نے 42 رنز بنائے۔ یاسر شاہ اور سنیل نرائن نے 2،2 وکٹیں حاصل کیں۔

    کوئٹہ گلیڈی ایٹرز اننگز

    بارہویں اوور میں انور علی اور چودہویں اوور میں کوئٹہ گلیڈی ایٹرز کے بلے باز روسو 42 کے انفرادی اسکور پر آؤٹ ہوئے، 15 اوورز میں اسکور 123/6 تک پہنچا۔

    چھٹے اوور کی دوسری اور ساتویں اوور کی آخری گیند پر گلیڈی ایٹرز کے دو کھلاڑی آؤٹ ہوئے، شین واٹسن 52 اور جیس روئے 56 کے مجموعی اسکور پر آؤٹ ہوئے، نئے آنے والے بیٹسمین کیوین پیٹرسن اور رمیز راجہ جونیئر بھی نویں اور دسویں اوور میں پویلین لوٹے، دس اوور کے اختتام پر ٹیم کا مجموعی اسکور چار وکٹوں کے نقصان پر 76 تک پہنچا۔

    ہدف کے تعاقب میں گلیڈی ایٹرز نے بیٹنگ کا آغاز کیا تو جیسن روئے اور شین واٹسن کریز پر آئے، چار چھکوں کی مدد سے پانچویں اوور کے اختتام پر ٹیم کا مجموعی اسکور 52 تک پہنچا۔

    لاہور قلندرز اننگز

    لاہور قلندرز کی ٹیم نے پہلے بیٹنگ کرتے ہوئے مقررہ 20 اوورز میں 186 رنز اسکور کیے اور گلیڈی ایٹرز کو جیت کے لیے 187 کا ہدف دیا، فخز زمان 94 رنز بنا کر نمایاں بلے باز رہے جبکہ گلریز صدف 42 گیندوں پر ناٹ آؤٹ رہے۔

    برینڈن میکولم گیارہویں اوور میں حسان خان کی گیند کو نہ سمجھ سکے اور اسٹمپ ہوکر پویلین روانہ ہوئے، پندرہ اوور اختتام پر ٹیم کا مجموعی اسکور تین وکٹوں کے نقصان پر 140 تک پہنچا، فخر زمان 49 گیندوں پر 94 رن بناکر کریز پر موجود ہیں۔

    چھٹے اوور کی دوسری اور ساتویں اوور کی چوتھی گیند پر قلندرز کے دو کھلاڑی ڈیوچ، آغاز سلمان آؤٹ ہوئے، دسویں اوور کے اختتام پر ٹیم کا مجموعی اسکور دو وکٹوں کے نقصان پر 73 تک پہنچا۔

    لاہور قلندرز کی جانب سے اننگز کا آغاز ڈیوچ اور فخر زمان نے کیا، دونوں اوپنرز نے اچھے کھیل کا مظاہرہ کرتے ہوئے ٹیم کا مجموعی اسکور پانچویں اوور کے اختتام پر 42 تک پہنچایا۔

    ٹاس کے بعد گفتگو کرتے ہوئے سرفراز احمد کا کہنا تھاکہ ہم پہلے لاہور قلندرز کو بیٹنگ کی دعوت دے رہے ہیں، جیت کے تسلسل کو آج کے میچ میں بھی جاری رکھنے کی کوشش کریں گے۔

    قلندرز کے کپتان کا کہنا تھا کہ گزشتہ میچ میں فتح کے بعد کھلاڑیوں کے حوصلے بلند ہیں، کوشش کریں گے کہ فتح حاصل کر کے ایونٹ کا اچھا اختتام کریں۔

    کوئٹہ گلیڈی ایٹرز نے ٹیم میں دو تبدیلیاں کی ہیں، اسد شفیق کی جگہ جیسن روئے اور نئے کھلاڑی امیر حمزہ کو پلیئنگ الیون کا حصہ بنایا گیا جبکہ قلندرز کی ٹیم میں کوئی تبدیلی نہیں ہوئی۔

    اسکواڈ

    واضح رہے کہ اسلام آباد یونائیٹڈ اور کوئٹہ گلیڈی ایٹرز کی ٹیمیں پی ایس ایل کے کوالیفائنگ راؤنڈ تک رسائی حاصل کرچکی ہیں اور لاہور قلندرز کی ٹیم ایونٹ سے باہر ہوچکی ہے۔

    خیال رہے کہ لاہور قلندرز کی ٹیم نے اب تک 8 میچز کھیلے جن میں سے صرف 2 میں فتح جبکہ بقیہ 6 میں انہیں شکست کا سامنا رہا، آج کے بعد میکولم الیون کو ایک میچ اور کھیلنا باقی ہے۔ پی ایس ایل کے تیسرے ایڈیشن میں تمام ٹیموں کو 10 ، 10 میچز کھیلنے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے  کے لیے سوشل میڈیا پر شیئر کریں۔