ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • سپر اوور:‌ لاہور قلندرز کو پھر شکست، اسلام آباد یونائیٹڈ فاتح

    سپر اوور:‌ لاہور قلندرز کو پھر شکست، اسلام آباد یونائیٹڈ فاتح

    شارجہ: پاکستان سپرلیگ کے بارہویں میچ میں اسلام آباد یونائیٹڈ نے سپر اوور میں سنسی خیز مقابلے کے بعد لاہور قلندرز کو شکست دے کر فتح اپنے نام کرلی۔

    تفصیلات کے مطابق پاکستان سپرلیگ کے 12ویں میچ میں دفاعی چیمئن اسلام آباد یونائیٹڈ اور لاہور قلندرز کی ٹیمیں مدمقابل تھیں، یونائیٹڈ کی کپتانی مصباح الحق جبکہ قلندرز کی قیادت میکولم نے کی۔

    لاہور قلندرز کے کپتان نے ٹاس جیت کر اسلام آباد یونائیٹڈ کو پہلے بیٹنگ کی دعوت دی، مصباح الیون نے مقررہ 20 اوورز میں 9 وکٹوں کے نقصان پر 121 رنز اسکور کیے۔

    اسلام آباد یونائیٹڈ کی ٹیم نے بیٹنگ کا آغاز کیا تو کوئی بھی کھلاڑی زیادہ دیر تک وکٹ پر نہیں رک سکا، مصباح الیون کی طرف سے اوپننگ کے لیے آنے والے لک رونچی 0 کے مجموعی اسکور پر آؤٹ ہوئے بعد ازاں صاحبزادہ فرحان بھی 18 رنز پر پویلین چلتے بنے۔

    یونائیٹڈ کی وکٹیں بالترتیب 0، 18، 29، 44، 69، 70، 107، 109 اور 119 کے مجموعی اسکور پر گری، مصباح الیون کے ڈومینی 34 رنز اور حسین طلعت 33 کے ساتھ نمایاں بلے باز رہے، قلندرز کی جانب سے یاسر شاہ تین وکٹیں لے کر سرفہرست رہے جبکہ سہیل خان نے 2 اور فخر زمان، مستفیض الرحمان، سلمان راشد نے ایک ایک وکٹ حاصل کی۔

    ہدف کے تعاقب میں لاہور قلندز نے بیٹنگ کا آغاز کیا تو چار کے مجموعی اسکور پر پہلے نقصان کا سامنا کرنا پڑا، نئے آنے والے کھلاڑی فخر زمان بھی بغیر کھاتے کھولے گھر گئے، میکولم الیون کا کوئی بھی کھلاڑی زیادہ دیر تک وکٹ پر نہیں رک سکا تاہم ڈبیو کرنے والے آغا سلمان 48 رنز کی اننگز کھیل کر نمایاں بلے باز رہے۔

    لاہور قلندرز کی وکٹیں بالترتیب 4، 4، 77، 81، 95، 105،105، 114، 115، 121 کے مجموعی اسکور پر گریں،  یونائیٹڈ کے محمد سمیع اور سمت نے 3 ، 3 جبکہ شاداب، روسل اور فہیم اشرف نے ایک ایک وکٹ حاصل کی۔

    سپر اوور

    ہدف کے تعاقب میں یونائیٹڈ کی جانب سے آندرے رسل اور آصف علی نے بیٹنگ کا آغاز کیا اور اوور کی آخری گیند پر چھکا لگا کر ٹیم کو فتح دلوائی،  لاہور قلندرز نے سپراوور میں اسلام آباد یونائیٹڈ کو 16 رنزکا ہدف دیا تھا۔

    اسلام آباد کی جانب سے سپر اوور محمد سمیع نے کیا جبکہ برینڈن میکولم اور فخر زمان نے قلندرز کی طرف سے اوپننگ کی، میکولم نے پہلی ہی گیند پر باؤنڈری لگا کر 6 رنز حاصل کیے بعد ازاں وہ دوسری ہی گیند پر آؤٹ ہوئے، نئے آنے والے بیٹسمین کامران اکمل نے گیند کو ایک بار پھر باؤنڈری کے پار پھینک کر 6 رنز حاصل کیے۔

    قلندرز نے سپر اوور میں ایک وکٹ کے نقصان پر 15 رنز بنائے اور مصباح الیون کو جیت کے لیے 16 رنز کا ہدف دیا۔

    لاہور قلندرز اننگز خلاصہ

    سولہویں اوور کی آخری بال پر قلندرز کی ٹیم کا پانچویں نقصان ہوا، سترہویں اوور کی آخری بال پر سنیل نارائن آؤٹ ہوئے بعد ازاں اٹھارویں اوور کی تیسری بال پر بھی آغا علی نے شاندار کیچ پکڑ کر سہیل خان کو پویلین کی راہ دکھائی، بعد ازاں یاسر شاہ بھی 19ویں اوور میں آؤٹ ہوئے، سلمان ارشاد نے پہلی گیند پر چھکا مار کر اسکور برابر کیا مگر اگلی ہی بال پر وہ بھی 121 کے اسکور پر آؤٹ ہوئے یوں دونوں ٹیموں کا اسکور برابر ہوا۔

     OUT! 18.4 Samit Patel to Yasir Shah

    بارہویں اوور میں محمد سمیع کی دوسری گیند پر ڈبیو کرنے والے بلے باز آغا سلمان 2 چھکوں اور 6 چوکوں کی مدد سے 48 رنز بناکر کیچ آؤٹ ہوئے، یوں قلندرز کو تیسرے نقصان کا سامنا کرنا پڑا، چودہویں اوور کی پہلی بال پر محمد سمیع نے دنیس رام دین کو بھی آؤٹ کیا، 15 اوورز کے اختتام پر ٹیم کا مجموعی اسکور 4 وکٹوں کے نقصان پر 85 تک پہنچا۔

    چھٹے اوور سے لاہور قلندر نے کھل کر بیٹنگ کا مظاہرہ کیا اور آسان گیندوں پر چھکے چوکے لگا کر مجموعی اسکور 2 وکٹوں کے نقصان پر 68 تک پہنچایا۔

    ہدف کے تعاقب میں لاہور قلندرز کی جانب سے بیٹنگ کا آغاز عمر اکمل اور برینڈن میکولم نے کیا جبکہ پہلا اوور سمت پٹیل نے کروایا، پہلے ہی اوور میں دو بار ری ویو لینا پڑا مگر اُس کا کوئی فائدہ نہیں ہوا اور چار کے مجموعی اسکور پر اوپنر عمر اکمل کو پویلین جانا پڑا، نئے آنے والے بیٹسمین فخر زمان بھی پہلے اوور کی آخری بال پر ایل بی ڈبلیو ہوئے ڈریسنگ روم کی طرف روانہ ہوئے، 5 اوورز کے اختتام پر ٹیم کا مجموعی اسکور 2 وکٹوں کے نقصان پر 31 تک پہنچا۔

    اسلام آباد یونائیٹڈ اننگز خلاصہ

    اسلام آباد یونائیٹڈ کے بلے باز حسین طلعت نے شاندار بیٹنگ کا مظاہرہ کرتے ہوئے 33 رنز اسکور کیے اور ٹیم کو ہدف میں مدد فراہم کی، 20ویں اوور کے اختتام پر ٹیم کا مجموعی اسکور 9 وکٹوں کے نقصان پر 121 تک پہنچا۔

    سُمت پٹیل 9 کے انفرادی اسکور پر آؤٹ ہوئے، یاسر شاہ نے 14ویں اوور میں دو کھلاڑیوں آصف علی اور ڈومینی کو پولین کی راہ دکھائی، پندرہ اوورز کے اختتام پر یونائیٹڈ کی ٹیم نے 6 وکٹوں کے نقصان پر 76 رنز اسکور کیے۔

    یونائیٹڈ کے کپتان مصباح الحق زیادہ دیر وکٹ پر نہ ٹک سکے اور وہ قلندرز کے ڈبیو کرنے والے باؤلر سلمان راشد کی گیند پر 4 کے انفرادی اسکور پر آؤٹ ہوئے، دسویں اوور کے اختتام پر ٹیم کا مجموعی اسکور تین وکٹوں کے نقصان پر 40 تک پہنچا۔

    اسلام آباد یونائیٹڈ کی جانب سے بیٹنگ کا آغاز لک رونچی اور صاحبزادہ فرحان نے کیا جبکہ قلندرز کے فخر زمان نے پہلا کامیاب اوور کروایا جس میں بلے باز رونچی بغیر کوئی رن بنائے پویلین لوٹے، بعد ازاں چوتھے اوور میں صاحبزادہ فرحان 6 کے انفرادی اسکور پر آؤٹ ہوئے، پانچ اوورز کے اختتام پر یونائیٹڈ کا مجموعی اسکور 2 کھلاڑیوں کے نقصان پر 19 تک پہنچا۔

    واضح رہے کہ پاکستان سپر لیگ کے تیسرے ایڈیشن میں لاہور قلندرز کی ٹیم نے اب تک تین میچ کھیلے مگر اُن میں فتح حاصل نہیں کرسکی، دوسری جانب اسلام آباد یونائیٹڈ کی ٹیم نے اب تک تین میچز کھیلے جن میں سے انہیں دو میں شکست کا سامنا رہا۔

    پوائنٹس ٹیبل پر قلندرز کی ٹیم سب سے آخری جبکہ مصباح الیون پانچویں یعنی آخری سے پہلے نمبر پر موجود ہے، پوزیشن بہتر بنانے کے لیے دونوں ٹیموں کی کوشش ہے کہ وہ میچ میں فتح حاصل کر کے پوزیشن بہتر بنائیں۔

    مزید پڑھیں: کراچی کنگز بمقابلہ ملتان سلطانز، اہم میچ بارش کی نذر

    قبل ازیں کراچی کنگز اور ملتان سلطانز کے درمیان کھیلے جانے والا میچ بارش کے باعث نہ ہوسکا، ڈک ورتھ لوئس کے تحت دونوں ٹیموں کو ایک ایک پوائنٹ دے دیا گیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • گھٹنے کا ایم آرآئی، شاہد آفریدی کا مداحوں سے دعا کی اپیل

    گھٹنے کا ایم آرآئی، شاہد آفریدی کا مداحوں سے دعا کی اپیل

    کراچی : کراچی کنگز کے صدر اور معروف آل راؤنڈر شاہد آفریدی نے کہا کہ گھٹنے میں انجری ہے، ایم آر آئی ہو گئی ہے مکمل صحت یابی کے لیے دعا کریں۔

    شاہد آفریدی نے سماجی رابطے کی ویب سائٹ ٹویٹر پر اپنے ایک پیغام میں مداحوں سے دعائے صحت کی اپیل کرتے ہوئے بتایا ہے کہ گھنٹے کی انجری کے باعث تکلیف میں مبتلا تھا جس کی تشخیص کے لیے ایم آر وائی کروایا ہے، مکمل صحت کے لیے دعا کی درخواست کرتا ہوں۔

    شاہد آفریدی نے مزید کہا ہے کہ گھنٹے کی انجری کے باعث آج ملتان سلطانز کے میچ میں ٹیم کا حصہ نہیں تھا جس پر بہت افسوس ہے، اپنے مداحوں سے بھی معذرت خواہ ہوں جو میرا کھیل دیکھنے کے لیے بڑی تعداد میں اسٹیڈیم آئے تھے اور میری ٹیم میں میری غیر موجودگی سے انہیں شدید مایوسی ہوئی، آپ سب کی دعاؤں سے جلد واپسی ہوگی۔

     

     

    کراچی کنگز کی مینجمنٹ نے اس بات کی تصدیق کی ہے کہ ڈاکٹرز نے شاہد خان آفریدی کو 2 دن آرام کا مشورہ دیا جس کے باعث انہیں آج کے میچ سے ڈراپ کیا گیا۔

    واضح رہے آج پاکستان سپر لیگ کے تیسرے ایڈیشن میں کراچی کنگز اور ملتان سلطان کے درمیان میچ تھا جس کے لیے شاہد آفریدی کو گھٹنے میں انجری کے سبب ڈراپ کردیا گیا تھا تاہم بارش کے باعث یہ میچ منسوخ کرنا پرا اور دونوں ٹیموں کو ایک ایک نمبر دے دیا گیا.

     

    کراچی کنگز بمقابلہ ملتان سلطانز، اہم میچ بارش کی نذر

    قبل ازیں شارجہ میں کراچی کنگز اور ملتان سلطان کے درمیان میچ میں کراچی کنگز کے کپتان عماد وسیم نے ٹاس جیتنے کے بعد بیٹنگ کا فیصلہ کیا اور میچ میں شاہد آفریدی کی عدم دستیابی کا اعلان کر کے سب کو حیران کردیا تھا جس سے شائقین میں مایوسی پھیل گئی تھی، کوچ مکی آرتھر نے بتایا تھا کہ وارم اپ کے دوران آفریدی کو گھٹنے میں تکلیف محسوس ہوئی اور آج ان کا ایم آر آئی کیا جائے گا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کراچی کنگز بمقابلہ ملتان سلطانز، اہم میچ بارش کی نذر

    کراچی کنگز بمقابلہ ملتان سلطانز، اہم میچ بارش کی نذر

    شارجہ: پاکستان سپر لیگ کا گیارواں میچ بارش کے باعث نہ کھیلا جاسکا، ڈک ورتھ لوئس قانون کے تحت کراچی کنگز اور ملتان سلطانز کی ٹیموں کو 1 ، 1 پوائنٹ دے دیا گیا۔

    تفصیلات کے مطابق پی ایس ایل کا گیارواں میچ شارجہ اسٹیڈیم میں کراچی کنگز اور ملتان سلطانز کے درمیان کھیلا جانا تھا تاہم بارش کے باعث دونوں ٹیمیں گراؤنڈ میں ہی نہ آسکیں۔

    طویل انتظار کے بعد امپائرز نے میچ منسوخ کرنے کا اعلان کرتے ہوئے دونوں ٹیموں کو ایک ایک پوائنٹ دے دیا، علیم ڈار کا کہنا تھا کہ آؤٹ فیلڈ گیلی ہونے کے باعث دونوں ٹیموں کا مقابلہ ممکن نہیں ہے۔

    کراچی کنگز کے صدر اور اہم کھلاڑی شاہد آفریدی کو انجری کے باعث آرام کا موقع فراہم کیا گیا جبکہ اُن کی جگہ محمد عامر کو میدان میں اتارا گیا۔ عماد وسیم نے ٹاس جیت کر پہلے بیٹنگ کا فیصلہ کیا، سلطانز کی کپتانی شعیب ملک جبکہ کراچی کنگز کی قیادت عماد وسیم کررہے ہیں۔

    عماد وسیم نے ٹاس جیت کر بیٹنگ کا فیصلہ تو کیا تاہم مسلسل بارش نے دونوں ہی ٹیموں کے کھلاڑیوں کو میدان میں آنے کی اجازت نہیں دی، یوں یہ مقابلہ بارش کی نذر ہوا اور دونوں ٹیموں کو ڈک ورتھ لوئس قانون کے تحت ایک ایک پوائنٹ دے دیا گیا۔

     

    اسکواڈ

    کراچی کنگز: جوئی ڈین لے، خرم منظور، بابر اعظم، کولن انگرام، روی بوپارا، محمد رضوان، عماد وسیم، محمد عامر، عثمان شنواری اور ٹیمال ملز

    ملتان سلطانز: احمد شہزاد، کمار سنگاکارا، صہیب مقصود، شعیب ملک، کیورن پولارڈ، ڈیرن براوؤ، سہیل تنویر، محمد عرفان، عمران طاہر، جنید خان اور سیف بدر

    پوائٹس ٹیبل

    پوائنٹس ٹیبل پر کراچی کنگز 6 پوائنٹس کے ساتھ پہلے نمبر پر ہے،  کراچی کنگز نے اب تک لیگ کے 3 میچز کھیلے اور تینوں میں ہی شاندار کامیابی حاصل کی۔ دوسری جانب ملتان سلطانز 4 پوائنٹس کے ساتھ پوائنٹس ٹیبل پر تیسرے نمبر پر موجود ہے۔ ملتان سلطانز نے 3 میچز میں سے 2 میچوں میں فتح حاصل کی جبکہ ایک میچ میں اسے شکست کا سامنا کرنا پڑا۔

    پی ایس ایل تھری : کراچی کنگزنے لاہورقلندر کو 27 رنز سے شکست دے دی

    یاد رہے کہ گزشتہ ماہ 26 فروری کو پاکستان سپر لیگ سیزن تھری کے اہم میچ میں کراچی کنگز نے لاہور قلندر کو 27 رنز سے شکست دی تھی۔ شاہد آفریدی مین آف دی میچ قرار پائے تھے۔

     کراچی کنگز کے اب تک کھیلے جانے والے میچز

     کراچی کنگز نے پی ایس ایل کے تیسرے ایڈیشن میں اب تک تین میچز کھیلے اور تینوں میں ہی شاندار کارکردگی دکھا کر فتح اپنے نام کی کراچی کنگز کا پہلا میچ کوئٹہ گلیڈی ایٹرز سے ہوا تھا، اس ٹاکرے میں شاہد آفریدی نے سرفراز الیون کے سب سے زیادہ اسکور کرنے والے بلے باز عمر امین کا باؤنڈری پر ناقابل یقین کیچ پکڑا  اور یہی میچ کا ٹرننگ پوائنٹ ثابت ہوا، میچ میں کراچی کنگز نے 19 رنز سے فتح حاصل کی۔

    پی ایس ایل کی سب سے بڑی ٹیم کراچی کنگز کا دوسرا مقابلہ دفاعی چیمپئن پشاور زلمی سے ہوا تھا جس میں کنگز کے شیروں نے سیمی الیون کو سنسنی خیز مقابلے کے بعد 5 وکٹوں سے شکست دی تھی۔

    کراچی کنگز اور لاہور قلندرز کے مابین تیسرا میچ گزشتہ روز دبئی اسٹیڈیم میں کھیلا گیا، جس میں روی بوپارا کی شاندار ففٹی اور آفریدی کی تین وکٹوں لے کر ٹیم کو ناقابلِ یقین فتح دلوائی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل پربنگلادیشی بکی کا حملہ، پی سی بی اینٹی کرپشن یونٹ حرکت میں‌ آگیا

    پی ایس ایل پربنگلادیشی بکی کا حملہ، پی سی بی اینٹی کرپشن یونٹ حرکت میں‌ آگیا

    دبئی: بھارتی اور بنگلادیشی بکیز نے عالمی کرکٹ کے میگا ایونٹ پی سی ایل کے تیسرے ایڈیشن پر حملہ کر دیا، مگر پاکستان کرکٹ بورڈ کے اینٹی کرپشن یونٹ نے فوری کارروائی کرتے ہوئے حملہ ناکام بنا دیا۔

    اے آر وائی کے نمائندے شاہد ہاشمی کے مطابق پاکستان کرکٹ بورڈ کے اینٹی کرپشن یونٹ نے بنگلادیش سے تعلق رکھنے والے ایک بکی کو میدان سے حراست میں لے لیا، جس نے پاکستان سپر لیگ کے تیسرے ایڈیشن کو کرپشن سے گہنا کی کوشش کی تھی۔

    ذرایع کے مطابق بکی موبائل فون پر میچ سے متعلق معلومات کسی کو فراہم کر رہا تھا۔واضح رہے کہ موبائل فون کے ذریعے سٹیڈیم سے بکیز کو معلومات فراہم کرنے کو ’پچ سائیڈنگ‘ کہا جاتا ہے۔

    پی سی بی ذرایع کے مطابق عمر نامی بکی نے پی سی ایل کھیلنے والے پاکستانی اور غیرملکی کھلاڑیوں سے سوشل میڈیا پر رابطہ کرنے کی کوشش کی تھی، یہ وہ کھلاڑی تھے، جو گذشتہ برس نومبر دسمبر میں بنگلادیش پریمیر لیگ کھیل چکے تھے۔ یاد رہے کہ گذشتہ برس ڈھاکا اور چٹاگانگ سے سو سے زائد بھارتی بکیز پکڑے گئے تھے۔

    اسپاٹ‌ فکسنگ: خالد لطیف نے بکی سے 2 بار ملاقات کی، تفصیلی فیصلہ جاری

    واضح رہے کہ گذشتہ برس ہونے والی پاکستان سپر لیگ کے دوسرے سیزن کے حسن کو اسپاٹ فکسنگ نے داغ دار کرنے کی کوشش کی تھی، اسپاٹ فکسنگ اسکینڈل کی وجہ سے پانچ کرکٹرز کو سزا سمیت بھاری جرمانے کی سزائیں ہوئی تھیں۔

    تجزیہ کاروں‌ کے مطابق پاکستان کرکٹ بورڈ کو ابتدا ہی اسے اس قسم کی اطلاعات مل رہی تھیں، جس کی وجہ سے اینٹی کرپشن یونٹ بکیز کی سرگرمیوں پر نظر رکھے ہوئے تھا. پی سی بی اینٹی کرپشن یونٹ نے آئی سی سی کو بھی صورت حال سے آگاہ کردیا۔ پی ایس ایل سیزن ٹو میں اسپاٹ فکسنگ اسکینڈل کی وجہ سے پانچ کرکٹرز کو سزا سمیت بھاری جرمانے کی سزائیں ہوچکی ہیں۔

    اسپاٹ فکسنگ کیس: محمد عرفان نے بکیز سے رابطوں کا اعتراف کرلیا

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پشاور بمقابلہ کوئٹہ، زخمی سیمی نے اپنی ٹیم کو فتح‌ دلوا دی

    پشاور بمقابلہ کوئٹہ، زخمی سیمی نے اپنی ٹیم کو فتح‌ دلوا دی

    شارجہ: پاکستان سپر لیگ کے دسویں‌ میچ میں‌ پشاور زلمی نے سنسنی خیز مقابلے کے بعد کوئٹہ گلیڈی ایٹرز کو 5 وکٹوں سے شکست دے کر فتح اپنے نام کرلی۔

    تفصیلات کے مطابق پی ایس ایل سیزن تھری کے 10ویں میچ میں پشاور زلمی اور کوئٹہ گلیڈی ایٹرز کی ٹیمیں مدمقابل تھیں، زلمی کی کپتانی ڈیرن سیمی جبکہ گلیڈی ایٹرز کی قیادت سرفراز احمد نے کی۔

    پشاور زلمی کے کپتان نے ٹاس جیت کر پہلے باؤلنگ کا فیصلہ کیا اور سرفراز الیون کو بیٹنگ کی دعوت دی، کوئٹہ گلیڈی ایٹرز کی جانب سے بیٹنگ کا آغاز اسد شفیق اور شین واٹسن نے کیا جو اچھا ثابت نہ ہوا، سرفراز الیون کی پہلی وکٹ 11 جبکہ دوسری 60، تیسری 67، چوتھی 83، پانچویں 125، چھٹی 130، ساتویں 132 اور آٹھویں 135 کے مجموعی اسکور پر گری۔

    شین واٹسن 47 رنز کے ساتھ نمایاں بلے باز رہے جبکہ زلمی کے باؤلر عمید آصف، وہاب ریاض اور ڈیرن سیمی نے دو دو جبکہ ثمین گل اور خالد عثمان نے ایک ایک وکٹ حاصل کی، گلیڈی ایٹرز کی ٹیم نے پشاور زلمی کو مقررہ 20 اوورز میں جیت کے لیے 120 رنز کا ہدف دیا۔

    پشاور زلمی کی جانب سے بیٹنگ کا آغاز تمیم اقبال اور کامران اکمل نے کیا، سیمی الیون کا کوئی بھی کھلاڑی زیادہ دیر تک وکٹ پر ٹک نہیں سکا تاہم اوپنر تمیم اقبال 36 رنز کی اننگز کھیل کر نمایاں بلے باز رہے۔

    زلمی کے کپتان پہلی اننگز میں زخمی ہوگئے تھے تاہم انہوں نے پانچواں کھلاڑی آنے کے بعد کریز سنبھالی اور اپنی ٹیم کو ناقابلِ یقین فتح دلوائی، آخری اوور میں پشاور کی ٹیم کو 10 رنز درکار تھے جسے سیمی نے 2 گیندوں قبل ہی پورا کردیا۔

    پشاور زلمی اننگز

    سولہویں اوور میں محمد حفیظ کیچ آؤٹ ہوکر 29 کے انفرادی جبکہ 107 کے مجموعی اسکور پر پویلین روانہ ہوئے بعدازاں تمیم اقبال بھی رن آؤٹ ہوگئے، اٹھارویں اوور میں میچ سسنی خیز مرحلے میں داخل ہوا تو زلمی کے زخمی کپتان نے آکر کریز سنبھالی اور عمدہ بیٹنگ کا مظاہرہ کرتے ہوئے چار گیندوں پر 2 چھکوں اور ایک چوکے کی مدد سے 16 رنز بناکر ٹیم کو ناممکن فتح دلوائی۔

    پشاور زلمی کے بلے باز تمیم اقبال اور محمد حفیظ نے عمدہ کھیل پیش کرتے ہوئے پندرہویں اوور کے اختتام پر مجموعی اسکور 2 وکٹوں کے نقصان پر 107 تک پہنچایا۔

    سیمی الیون نے تیز کھیل پیش کیا اور اگلے پانچ اوورز میں 76 رنز بنائے، دسویں اوور کے اختتام پر زلمی کا مجموعی اسکور 2 وکٹوں کے نقصان پر 76 تک پہنچا۔

    پشاور زلمی کی جانب سے بیٹنگ کا آغاز تمیم اقبال اور کامران اکمل نے کیا، تیسرے اوور کی پہلی بال پر سیمی الیون کی پہلے بلے باز کامران اکمل 10 کے انفرادی جبکہ 23 کے مجموعی اسکور پر پویلین لوٹے، پانچ اوورز کے اختتام پر ٹیم کا مجموعی اسکور 1 وکٹ کے نقصان پر 29 تک پہنچا۔

    کوئٹہ گلیڈی ایٹرز اننگز

    آخری کے پانچ اوورز میں گلیڈی ایٹرز کی ٹیم نے مجموعی اسکور میں 41 رنز کا اضافہ کیا اور اس طرح بیسویں اوور کے اختتام پر سرفراز الیون کا اسکور 7 وکٹوں کے نقصان پر 141 تک پہنچا۔

    پندرہ اوورز کا کھیل مکمل ہونے پر گلیڈی ایٹرز کا مجموعی اسکور 110 رنز چار کھلاڑی آؤٹ تک پہنچا۔

    نئے آںے والے بیٹسمین عمر امین زیادہ دیر وکٹ پر ٹک نہیں سکے اور وہ وہاب ریاض کی گیند پر 11 کے انفرادی اسکور پر پویلین لوٹے، بعد ازاں دسویں اورر کی چوتھی بال پر خالد عثمان کی بال پر کلین بولڈ ہوئے، واٹسن نے 32 گیندوں پر پانچ چھکوں اور ایک چوکے کی مدد سے 47 رنز اسکور کیے، دسویں اوور کے اختتام پر گلیڈی ایٹرز کا مجموعی اسکور 3 کھلاڑیوں کے نقصان پر 69 تک پہنچا۔

    عمر امین ڈیرن سیمی کی گیند پر آؤٹ‌ ہوئے

    شین واٹسن تین رنز کم سے اپنی نصف سنچری مکمل نہ کرسکے

    سرفراز الیون کو اوپنگ کا آغاز اچھا نہ مل سکا، اسد شفیق تیسرے اوور کی دوسری بال پر 9 کے انفرادی اسکور پر آؤٹ ہوئے، 5 اوورز کے اختتام پر گلیڈی ایٹرز کا مجموعی اسکور 1 کھلاڑی کے نقصان پر 29 تک پہنچا۔

    گلیڈی ایٹرز کی جانب سے اننگز کا آغاز اسد شفیق اور شین واٹسن نے کیا جبکہ زلمی کے ڈبیو کرنے والے باؤلر ثمین گل نے پہلا اوور کروایا جس میں صرف ایک رن ہی بن سکا۔

    ڈیرن سیمی نے ٹاس جیت کر سرفراز احمد کو پہلے بیٹنگ کی دعوت دی، پشاور زلمی کی ٹیم نے تین تبدیلیاں‌ کی گئی ہیں‌ جبکہ کوئٹہ گلیڈیٹرز کی ٹیم میں‌ایک تبدیلی کی گئی۔

    ٹاس کے بعد گفتگو کرتے ہوئے سرفراز احمد کا کہنا تھا کہ اگر ہم ٹاس جیتے تب بھی پہلے بیٹنگ کا فیصلہ کرتے، گراؤنڈ چھوٹا ہے تو مخالف ٹیم کو جیت کے لیے بڑا ہدف دینے کی کوشش کریں گے۔

    پشاور زلمی نے اب تک تین میچ کھیلے جن میں سے انہیں صرف ایک میں فتح ملی، سیمی الیون کے لیے آج کا میچ انتہائی اہمیت کا حامل ہے جبکہ اسلام آباد یونائیٹڈ کو شکست دینے کے بعد گلیڈی ایٹرز کے حوصلے بھی بلند ہیں۔

  • بوم بوم 38 برس کے ہوگئے، کراچی کنگز کے ساتھ سالگرہ منائی

    بوم بوم 38 برس کے ہوگئے، کراچی کنگز کے ساتھ سالگرہ منائی

    کراچی: پاکستانی کرکٹ ٹیم کے اسٹار آل راؤنڈر شاہد خان آفریدی 38 برس کے ہو گئے۔ کراچی کنگز کے صدر نے اپنی سالگرہ کراچی کنگز کے شیروں کے ساتھ منائی۔

    تفصیلات کے مطابق 38 سالہ سپراسٹار بوم بوم آفریدی نے شارجہ میں ٹیم ارکان کے ساتھ سالگرہ منائی۔ ٹیم نے کیک کاٹا اور لالہ کا منہ میٹھا کیا۔ آفریدی نے اے آر وائی اور کراچی کنگز کا شکریہ ادا کیا۔ کراچی کنگز کے کپتان عماد وسیم نے کہا کہ شاہد آفریدی کی سالگرہ منانا ہمیشہ یاد رہے گا۔

    واضح رہے کہ ان دنوں شاہد آفریدی متحدہ عرب امارات کے میدانوں میں جاری پاکستان سپر لیگ سیزن تھری میں کراچی کنگز کے لیے کھیلتے ہوئے مداحوں کو اپنی کارکردگی سے لبھا رہے ہیں‘ حال ہی میں انہوں نے پی ایس ایل کا مشکل ترین  کیچ پکڑ کر شائقین کو ورطۂ حیرت میں ڈال دیا تھا۔

    شاہد خان آفریدی یکم مارچ 1980 کو خیبرایجنسی میں پیدا ہوئے، 1996 میں سری لنکا کے خلاف اپنے دوسرے انٹرنیشنل میچ میں 37 گیندوں پردنیا کی تیزترین سنچری بنا کرراتوں رات شہرت کی بلندیوں پرپہنچ گئے۔

    ان کا یہ ریکارڈ تقریباً 17سال تک قائم رہا جسے نیوزی لینڈ کے کوری اینڈرسن اورپھرجنوبی افریقہ کے اے بی ڈی ویلیئرز نے اپنے نام کر لیا۔

    1996ء میں کرکٹ کی دنیا میں قدم رکھنے والے آفریدی بوم بوم آفریدی کے نام سے بھی پہچانے جاتے ہیں۔ ان کو یہ نام بھارت کے معروف کرکٹر اور کمنٹیٹر راوی شاستری نے دیا۔

    آفریدی اپنی جارحانہ بلے بازی کی بدولت پوری دنیا میں پہچانے جاتے ہیں اوراسی بدولت کئی ریکارڈ مثلا سب سے زیادہ چھکوں کا ریکارڈ اورسب سے بہترین اسٹرائیک ریٹ کا ریکارڈ اپنے نام کرچکے ہیں۔

    حال ہی میں کئے گئے ایک سروے کے مطابق وہ پاکستان کے سب سے مشہور کھلاڑی ہیں۔ آج شاہد آفریدی کے مداح شہر شہر ان کی سالگرہ کا جشن منائیں گے اور کیک کاٹیں گے۔

    شاہد آفریدی کی شاندارکارکردگی کے ناقابلِ فراموش مناظر

    شاہد آفریدی ایشیا کپ میں بنگلہ دیشی باؤلرزکی دھلائی کرتے ہوئے

    شاہد آفریدی کا چارسوواں شاندارچھکا

    شاہد آفریدی کے پاکستان کے روایتی حریف بھارت کے خلاف نودھواں دھارچھکے

    انگلینڈ کی ایک کے بعد ایک وکٹ گرانا آفریدی کا ہی کمال ہے

    کرکٹ کی دنیا کا مشکل ترین کیچ جسے صرف شاہد آفریدی ہی پکڑسکتے تھے

  • پی ایس ایل 2018: آج کوئٹہ گلیڈی ایٹرز اور پشاور زلمی کا ٹاکرا

    پی ایس ایل 2018: آج کوئٹہ گلیڈی ایٹرز اور پشاور زلمی کا ٹاکرا

    شارجہ: پاکستان سپر لیگ کے تیسرے سیزن میں آج کوئٹہ گلیڈی ایٹرز اور پشاور زلمی آپس میں ٹکرائیں گے۔ پوائنٹس ٹیبل پر گلیڈی ایٹرز 4 جبکہ زلمی 2 پوائنٹس کے ساتھ موجود ہے۔

    تفصیلات کے مطابق پاکستان سپر لیگ کے تیسرے سیزن میں آج شب 9 بجے کوئٹہ گلیڈی ایٹرز اور پشاور زلمی کا ٹاکرا ہوگا۔

    پوائنٹس ٹیبل پر کوئٹہ گلیڈی ایٹرز 4 پوائنٹس کے ساتھ دوسرے نمبر پر موجود ہے۔ گلیڈی ایٹرز اب تک 3 میچز کھیل چکی ہے جن میں سے ایک میں شکست اور 2 میں فتح حاصل کر چکی ہے۔

    دوسری جانب پشاور زلمی 2 پوائنٹس کے ساتھ چوتھے نمبر پر موجود ہے۔ زلمی نے 3 میچز میں سے اب تک 1 میچ میں فتح جبکہ 2 میچز میں شکست کھائی ہے۔

    کوئٹہ گلیڈی ایٹرز

    سرفراز احمد کوئٹہ گلیڈی ایٹرز کے کپتان ہیں جبکہ دیگر کھلاڑیوں میں کیون پیٹرسن، ریلے روسو، اسد شفیق، محمد اللہ، انور علی، میر حمزہ، عمر امین، شین واٹسن، کارلوس بریتھوٹ، راحت علی، رمیز راجہ جونیئر، سعد علی، سعود شکیل، حسان خان، جیسن روئے، راشد خان، محمد اعظم خان اور فراز احمد شامل ہیں۔

    پشاور زلمی

    پشاور زلمی کے کپتان ڈیرن سیمی ہیں جبکہ دیگر کھلاڑیوں میں رکی ویسلس، تمیم اقبال، محمد عارف، خوشدل شاہ، تیمور سلطان، ابتسام شیخ، محمد حفیظ، شکیب الحسن، حارث سہیل، ڈوائن براوو، حماد اعظم، سعد نسیم، خالد عثمان، کامران اکمل اور اینڈریو فلیچر شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پیٹرسن کی شاندار بیٹنگ، گلیڈی ایٹرز کی فتح، اسلام آباد کو شکست

    پیٹرسن کی شاندار بیٹنگ، گلیڈی ایٹرز کی فتح، اسلام آباد کو شکست

    شارجہ: پاکستان سپرلیگ کے تیسرے ایڈیشن کے 9ویں میچ میں کوئٹہ گلیڈی ایٹرز نے کیوین پیٹرسن کی شاندار بیٹنگ کی بدولت اسلام آباد یونائیٹڈ کو 6 وکٹوں شکست دے کر فتح اپنے نام کرلی۔

    تفصیلات کے مطابق پی ایس ایل کے دوسرے مرحلے کے پہلے جبکہ ایونٹ کے نویں میچ میں اسلام آباد یونائیٹڈ اور کوئٹہ گلیڈی ایٹرز کی ٹیمیں مدمقابل تھیں، گلیڈی ایٹرز کی قیادت سرفراز جبکہ یونائیٹڈ کی کپتانی مصباح الحق نے کی۔

    سرفراز احمد نے ٹاس جیت کر پہلے باؤلنگ کا فیصلہ کرتے ہوئے مصباح الحق کی ٹیم کو پہلے بیٹنگ کی دعوت دی، گلیڈی ایٹرز کے کپتان کی حکمت عملی سود مند ثابت ہوئی۔

    اسلام آباد یونائیٹڈ کی جانب سے بیٹنگ کا آغاز لک رونچی اور چڈوک والٹن نے کیا اوپنگ جوڑی زیادہ دیر وکٹ پر نہیں ٹک سکی، مصباح الیون کا پہلا کھلاڑی 13 کے مجموعی اسکور پر پویلین روانہ ہوا، بعد ازاں 25 ، 66 ، 93 ، 99 ، 128 ، 134 کے مجموعی اسکور پر وکٹیں گریں۔

    لک رونچی 26 گیندوں پر 43 رنز بنا کر نمایاں بلے باز رہے جبکہ کپتان مصباح الحق 22 رنز کی اننگز کھیل کر دوسرے نمایاں بلے باز رہے، گلیڈی ایٹرز کی جانب سے انور علی، راحت علی، جون ہیشٹن، حسن خان اور شین واٹسن نے ایک ایک وکٹ حاصل کی۔

    مصباح الیون کی جان سے ملنے والے 135 رنز کے ہدف کے تعاقب میں کوئٹہ گلیڈی ایٹرز کی ٹیم نے شاندار بیٹنگ کی اور باآسانی 6 وکٹوں سے فتح حاصل کی۔

    فائنل اسکور کارڈ

    کوئٹہ گلیڈی ایٹرز اننگز

    پیٹرسن کی شاندار اننگز نے گلیڈی ایٹرز کی فتح کو پہلے ہی یقینی بنادیا تھا، نئےآنے والے بیٹسمین سرفراز احمد تھے انہوں نے محمد نواز کا ساتھ دیتے ہوئے 17.3 اوورز میں ہی 135 رنز کا ہدف باآسانی حاصل کیا۔

    جارحانہ انداز میں بیٹنگ کرنے والے کیون پیٹرسن 3 چھکوں اور 4 چوکوں کی مدد سے 34 گیندوں پر 48 رنز کی شاندار اننگز کھیل کر آؤٹ ہوئے، یوں 16ویں اوور میں گلیڈی ایٹرز کی ٹیم کو چوتھی وکٹ کے نقصان کا سامنا کرنا پڑا۔

    تیسری وکٹ گرنے کے بعد کیون پیٹرسن اور محمد نواز نے محتاط انداز میں بیٹنگ کرتے ہوئے 15 اوورز کے اختتام تک ٹیم کا مجموعی اسکور 3 وکٹوں کے نقصان پر 112 تک پہنچایا، 50 رنز کی پارٹنر شپ نے ٹیم کو مستحکم پوزیشن فراہم کی۔

    چھٹے اوور میں گلیڈی ایٹرز کے اوپنر اسد شفیق 16 گیندوں پر 22 رنز کی اننگز کھیل کر اسٹیفن فن کی بال پر کلین بولڈ ہوئے، 10 اوورز کے اختتام پر سرفراز الیون کا مجموعی اسکور تین وکٹوں کے نقصان پر 73 تک پہنچا۔

    گلیڈی ایٹرز کی جانب سے اننگز کا آغاز شین واٹسن اور اسد شفیق نے کیا جبکہ یونائیٹڈ کی جانب سے پہلا اوور رومان رئیس نے کرایا، سرفراز الیون کے پہلے بلے باز واٹسن 13 کے انفرادی جبکہ 31 کے مجموعی اسکور پر پویلین لوٹے علاوہ ازیں پانچویں اوور کی دوسری بال پر عمر امین 6 رن بنا کر آؤٹ ہوئے، پانچ اوور کے اختتام پر گلیڈی ایٹرز کی ٹیم نے 2 وکٹوں کے نقصان پر 42 رنز اسکور کیے۔

    اسلام آباد یونائیٹڈ اننگز

    شین واٹسن نے 16ویں اوور میں مصباح الحق کو ڈریسنگ روم کی راہ دکھائی، بعد ازاں فہیم اشرف نے جارحانہ بیٹنگ کا مظاہرہ کیا اور ایک ہی اوور میں یکے بعد دیگرے 2 چھکے مارے اور ٹیم کا مجموعی اسکور 135 تک پہنچانے میں مدد فراہم کی۔

    اسلام آباد یونائیٹڈ کے کپتان نے محتاط انداز میں بیٹنگ جاری رکھی تاہم چودہویں اوور کی پہلی گیند پر ڈومینی 26 گیندوں پر 14 رنز بنا کر پویلین لوٹے، پندرہویں اوور کے اختتام پر مصباح الیون کا مجموعی اسکور چار وکٹوں کے نقصان پر 97 تک پہنچا۔

    چھٹے اوور میں لک رونچی نے چھکا لگا کر مجموعی اسکور میں اضافہ کیا اور وہ دو اوور بعد ہی حسن خان کی گیند پر کلین بولڈ ہوکر پویلین لوٹے، رونچی نے 26 گیندوں پر 1 چھکے اور 7 چوکوں کی مدد سے 43 رنز اسکور کیے، یوں 66 کے مجموعی اسکور پر یونائیٹڈ کی ٹیم کو تیسرے نقصان کا سامنا کرنا پڑا، 10 اوورز کے اختتام پر ٹیم کا مجموعی اسکور 3 وکٹوں کے نقصان پر 70 تک پہنچا۔

    اسلام آباد یونائیٹڈ کی جانب سے بیٹنگ کا آغاز لک رونچی اور چڈوک والٹن نے کیا، دوسرے اوور کی پہلی بال پر مصباح الیون کا پہلا کھلاڑی 13 کے مجموعی اسکور پر پویلین لوٹا، جبکہ پانچویں اوور میں راحت علی نے آصف علی کو کلین بولڈ کر کے پویلین کا راستہ دکھایا۔

    اسلام آباد یونائیٹڈ کے کپتان مصباح الحق انجری دور ہونے کے بعد میدان میں اترے جبکہ میچ میں آندرے رسل کی جگہ جین پال ڈومینی کو موقع دیا گیا ہے، گلیڈی ایٹرز نے بھی اسکواڈ میں دو تبدیلیاں کیں، روسو اور جوفرا آرچر کی جگہ جان ہیسٹنگز اور محمد محمود اللہ کو میدان میں اتارا ہے۔

    اسکواڈ

    واضح رہے کہ دونوں ٹیموں نے پہلے مرحلے میں ایک ایک میچ میں فتح حاصل کی جبکہ دونوں کو ہی ایک ایک میں شکست کا سامنا کرنا پڑا، اسلام آباد یونائیٹڈ کو پشاور زلمی کے خلاف کھیلے جانے والے میچ میں شکست کا سامنا کرنا پڑا تھا جبکہ مصباح الیون نے سلطانز کو شکست دے کر فتح حاصل کی تھی۔

    اسی طرح گلیڈی ایٹرز کو کراچی کنگز کے خلاف میچ میں شکست کا سامنا کرنا پڑا تھا جبکہ سرفراز الیون نے لاہور قلندرز کو شکست دے کر ایک مقابلے میں فتح حاصل کی تھی۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • شاہد آفریدی میں اب بھی بچوں والا جذبہ ہے: مکی آرتھر

    شاہد آفریدی میں اب بھی بچوں والا جذبہ ہے: مکی آرتھر

    کراچی: کراچی کنگز کے ہیڈ کوچ مکی آرتھر نے کہا ہے کہ شاہد آفریدی باصلاحیت کھلاڑی ہیں جن کا جوش و جذبہ ڈریسنگ روم میں اب بھی بچوں والا ہے۔

    ان خیالات کا اظہار انہوں نے اے آر وائی سے خصوصی گفتگو کرتے ہوئے کیا، مکی آرتھر کا کہنا تھا کہ شاہد آفریدی جیسے تجربہ کار کھلاڑی کا کراچی کنگز میں ہونا خوش آئند ہے، پی ایس ایل میں ٹیم بہترین کارکردگی کا مظاہرہ کررہی ہیں جس سے آنے والے میچوں میں فائدہ ہوگا۔

    اس بار پی ایس ایل کا ٹائٹل کراچی کنگز اپنے نام کرے گی: کوچ مکی آرتھر

    انہوں نے کہا کہ پہلے میچ میں شاندار کیچ پکڑنے پر وہ بہت خوش تھے جس کے بعد ڈریسنگ روم میں آکر شاہد آفریدی نے مجھے مخاطب کرتے ہوئے کہا کہ ’’کوچ، میں اچھی فیلڈنگ کر رہا ہوں، قومی ٹیم کے لیے دوبارہ کھیل سکتا ہوں‘‘

    ہیڈ کوچ نے کہا کہ کراچی کنگز میں بہترین بلے باز اور باولرز موجود ہیں جو مکمل فٹ اور اگلے میچ کے لیے تیار ہیں۔ اب تک ہم نے شاندار کارکردگی کا مظاہرہ کیا جس کی بدولت لیگ کے تینوں میچز جیت گئے۔

    عماد وسیم کو کراچی کنگز کی قیادت ملنا اچھی بات ہے، مکی آرتھر

    قومی کرکٹ ٹیم کے حوالے سے گفتگو کرتے ہوئے مکی آرتھر کا کہنا تھا کہ اگر ٹیم کی بات کی جائے تو ہماری باولنگ لائن مضبوط ہے لیکن بیٹنگ لائن میں توجہ دینےکی ضرورت ہے۔

    خیال رہے پی ایس ایل تھری میں کراچی کنگز کی کامیابیوں کا سلسلہ جاری ہیں جس کے تحت کھیلے گئے تینوں میچز میں جیت کے بعد کراچی کنگز چھ پوائنٹس کے ساتھ فہرست میں ٹاپ پر آگئی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل 2018: پہلا مرحلہ مکمل، کراچی کنگز سرفہرست

    پی ایس ایل 2018: پہلا مرحلہ مکمل، کراچی کنگز سرفہرست

    دبئی: پاکستان سپر لیگ کا دوسرا مرحلہ کل سے شارجہ میں شروع ہوگا، پہلے مرحلے میں کراچی کنگز کے شیروں نے عمدہ کھیل کی بدولت پہلی پوزیشن حاصل کی۔

    تفصیلات کے مطابق پاکستان سپر لیگ کا آغاز 22 فروری کو رنگارنگ افتتاحی تقریب کے ساتھ ہوا، شائقین کرکٹ سارا سال اپنی پسندیدہ ٹیم اور کھلاڑی کو ایکشن میں دیکھنے کے لیے بے تاب رہے۔

    پی ایس ایل کی پرنور افتتاحی تقریب میں صوفی کلام پڑھنے والی گلوکارہ عابدہ پروین نے شاندار پرفارمنس سے ایسا سماں باندھا کہ پاکستانی اور غیر ملکی بھی اُن کے سروں پر جھومتے نظر آئے جبکہ علی ظفر کی فضاء میں ہونے والی پرفارمنس بھی شاندار تھی۔

    پانچ روز قبل دبئی میں سجائی جانے والی تقریب کے بعد میچز کا مرحلہ شروع ہوا اور پہلا ٹاکر دفاعی چیمئن پشاور زلمی اور نئی فرنچائز ملتان سلطانز کے مابین ہوا، بعد ازاں پہلے مرحلے میں 6 ٹیموں کے مابین 8 مقابلے ہوئے۔

    مزید پڑھیں: کراچی کنگز پہلے معرکے کی فاتح، کوئٹہ گلیڈی ایٹرز کو شکست

    پہلے مرحلے میں کراچی کنگز کے تمام شیروں نے عمدہ کارکردگی کا مظاہرہ کیا اور تینوں میچز میں فتح حاصل کی جس کے بعد پی ایس ایل کی سب سے بڑی ٹیم پوائنٹس ٹیبل پر 6 پوائنٹس کے ساتھ سرفہرست رہی جبکہ ملتان سلطانز 4 پوائنٹس کے ساتھ دوسرے نمبر پر آئی۔

    علاوہ ازیں کوئٹہ گلیڈی ایٹرز تیسرے، دفاعی چیمپئن پشاور زلمی چوتھے، اسلام آباد یونائیٹڈ پانچویں اور لاہور قلندرز کی ٹیم مسلسل تین میچز میں شکست کے بعد بغیر کسی پوائنٹ کے سب سے آخری نمبر پر آئی۔

    پوائنٹس ٹیبل

    ایک روز وقفے کے بعد پی ایس ایل کا دوسرا مرحلہ کل سے شارجہ میں شروع ہوگا، فائنل تک رسائی حاصل کرنے کے لیے تمام ہی ٹیموں کے کھلاڑی بھرپور توانائی کے ساتھ میدان میں اتریں گے۔

    یہ بھی پڑھیں: پی ایس ایل تھری : کراچی کنگز نے پشاورزلمی کو5 وکٹوں سے شکست دے دی

     کراچی کنگز کے اب تک کھیلے جانے والے میچز

    واضح رہے کہ کراچی کنگز نے پی ایس ایل کے تیسرے ایڈیشن میں اب تک تین میچز کھیلے اور تینوں میں ہی شاندار کارکردگی دکھا کر فتح اپنے نام کی کراچی کنگز کا پہلا میچ کوئٹہ گلیڈی ایٹرز سے ہوا تھا، اس ٹاکرے میں شاہد آفریدی نے سرفراز الیون کے سب سے زیادہ اسکور کرنے والے بلے باز عمر امین کا باؤنڈری پر ناقابل یقین کیچ پکڑا  اور یہی میچ کا ٹرننگ پوائنٹ ثابت ہوا، میچ میں کراچی کنگز نے 19 رنز سے فتح حاصل کی۔

    پی ایس ایل کی سب سے بڑی ٹیم کراچی کنگز کا دوسرا مقابلہ دفاعی چیمپئن پشاور زلمی سے ہوا تھا جس میں کنگز کے شیروں نے سیمی الیون کو سنسنی خیز مقابلے کے بعد 5 وکٹوں سے شکست دی تھی۔

    ویڈیو دیکھیں: شاہد آفریدی کا ناقابلِ یقین کیچ

    کراچی کنگز اور لاہور قلندرز کے مابین تیسرا میچ گزشتہ روز دبئی اسٹیڈیم میں کھیلا گیا، جس میں روی بوپارا کی شاندار ففٹی اور آفریدی کی تین وکٹوں لے کر ٹیم کو ناقابلِ یقین فتح دلوائی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔