Tag: PSL

پاکستان سپر لیگ کے نویں سیزن میں پشاور زلمی کے کپتان بابر اعظم 569 رنز بنا کر ٹاپ اسکورر رہے لیکن وہ فخر زمان کا سب زیادہ رنز بنانے کا ریکارڈ نہ توڑ سکے۔

پاکستان سپر لیگ کا نواں سیزن آج فائنل کے ساتھ اختتام پذیر ہو جائے گا۔ دوسرے ایلمینیٹر میں اسلام آباد یونائیٹڈ کے ہاتھوں پشاور زلمی ہار کر فائنل میں تو نہ پہنچ سکی مگر اس کے کپتان بابر اعظم نے رواں سیزن میں 569 رنز بنا کر سب سے زیادہ رنز بنانے کا ریکارڈ اپنے نام کیا جس میں ایک شاندار سنچری اور پانچ نصف سنچریاں شامل ہیں۔

تاہم بابر اعظم اس کے باوجود لاہور قلندرز کے فخر زمان کا کسی ایک پی ایس ایل سیزن میں سب سے زیادہ رنز بنانے کا ریکارڈ نہ توڑ سکے۔

فخر زمان جو پی ایس ایل 9 میں تو بجھے بجھے سے رہے اور ان کا بیٹ سوائے ایک میچ کے کہیں نہ چل سکا جس کا خمیازہ لاہور قلندرز کو پے در پے شکستوں کی صورت بھی اٹھانا پڑا تاہم دو سال قبل پی ایس ایل 7 میں جارح مزاج اوپنر ایونٹ میں 588 رنز بنا کر بلے بازوں میں ٹاپ کیا تھا اور اپنی ٹیم لاہور قلندرز کو پہلی بار پی ایس ایل چیمپئن بنوانے میں اہم کردار ادا کیا تھا۔

دوسرے ایلیمنیٹر میں پشاور زلمی جب میدان میں اتری تو بابر اعظم کو فخر زمان کا ریکارڈ توڑنے کے لیے صرف 45 رنز درکار تھے مگر وہ 25 کے انفرادی اسکور پر نسیم شاہ کی گیند پر اسلام آباد یونائیٹڈ کے کپتان شاداب خان کے ہاتھوں کیچ آؤٹ ہونے اور ٹورنامنٹ سے باہر ہونے کے باعث یہ ریکارڈ صرف 19 رنز کی کمی سے اپنے نام نہ کر سکے۔

واضح رہے کہ رواں پی ایس ایل میں بابر اعظم کے بعد دوسرے نمبر پر ملتان سلطانز کے کپتان محمد رضوان ہیں جنہوں نے 381 رنز اسکور کر رکھے ہیں اور ملتان سلطانز کے ہی عثمان خان صرف سات میچوں میں دو سنچریوں کی مدد سے 124 کی شاندار ایوریج کے ساتھ تیسرے نمبر پر موجود ہیں۔

ویمنز پریمیئر لیگ، رائل چیلنجرز بنگلور کی کامیابی پر ایلیس پیری کو ملا انوکھا تحفہ

ریسی وان ڈیرڈوسن نے 7 اننگز میں 364 رنز نام درج کرائے ہیں، زلمی کے اوپنر صائم ایوب 11 اننگز میں 345 رنز بناکر ٹاپ فائیو کے شریک بنے ہوئے ہیں۔

ایچ بی ایل پی ایس ایل کا فائنل ملتان سلطانز اور اسلام آباد یونائیٹڈ کے درمیان کھیلا جائے گا اس بڑے مقابلے میں کئی نامور کھلاڑی مرکز نگاہ ہوں گے۔

ایچ بی ایل پی ایس ایل نائن کے فائنل میں آج دو بڑی ٹیمیں ملتان اور اسلام آباد ٹکرائیں گے، ٹرافی اٹھانے کی یہ جنگ صرف دو ٹیموں کے درمیان ہی نہیں ہوگی بلکہ دنیائے کرکٹ کے کئی نامور کھلاڑیوں کا بھی مقابلہ ہوگا اور کئی انٹرنیشنل کھلاڑی شائقین کرکٹ کی نگاہوں کا مرکز ہوں گے۔

اسلام آباد کے بیٹرز میں شامل جارح مزاج ایلکس ہیلز، منرو، آغا سلمان، حیدر علی اور اعظم خان میں سے کوئی ایک بھی چلا تو اسکور بورڈ تیزی سے چلے گا۔

دوسری جانب یونائیٹڈ کا پیس اٹیک عالمی شہرت یافتہ نسیم شاہ کے علاوہ حنین اور ملز پر مشتمل جب کہ شاداب اور عماد جہاں مخالف بلے بازوں کو اسپن جال میں پھنساتے ہیں تو بیٹنگ میں بھی کمال دکھاتے ہیں۔

تاہم رضوان کی سلطانز بھی کسی سے کم نہیں۔ یاسر اور رضوان کی اوپنگ جوڑی چل رہی ہے شاندار، تو اس کے بعد عثمان خان، افتخار احمد اور جانس چارلز کی صورت میں ان کا مڈل آرڈر مضبوط بھی ہے اور خطرناک بھی۔

بولرز میں تو سلطانز کا ہی راج ہے کہ پی ایس ایل 9 کے ٹاپ ٹو بولرز اسامہ میر اور محمد علی اسی ٹیم کے ہیں جب کہ ڈیو ولی اور عباس آفریدی بھی ٹاپ پرفارمز کی فہرست میں موجود ہیں۔

اسلام آباد نے اب تک بہادری دکھائی اور سلطانز نے بھی ہر میچ میں جان لڑائی، سیزن 9 میں دونوں ٹیمیں آخری بار کریں گی پنجہ آزمائی، کون سرخرو ہوگا یہ فیصلہ ہونے میں صرف چند گھنٹے باقی رہ گئے ہیں۔

پی ایس ایل 9 کا سفر کیسا رہا؟

پی ایس ایل کا فائنل آج شب 9 بجے نیشنل اسٹیڈیم میں کھیلا جائے گا جو پاکستان کے سب سے پہلے ایچ ڈی اسپورٹس چینل اے اسپورٹس سے براہ راست نشر کیا جائے گا۔

پاکستان سپر لیگ کا نواں ایڈیشن آج فائنل میچ کے ساتھ اختتام پذیر ہو جائے گا کسی ٹیم کے لیے یہ سفر شاندار تو کسی کے لیے بھیانک خواب ثابت ہوا۔

دنیا کی مقبول ترین لیگز میں سے ایک پاکستان سپر لیگ (پی ایس ایل) نواں ایڈیشن آج فائنل میچ کے ساتھ اختتام پذیر ہو جائے گا۔ فائنل میچ میں ملتان سلطانز اور اسلام آباد یونائیٹڈ کی ٹیمیں آپس میں ٹکرائیں گی۔ کسی ٹیم کے لیے پی ایس ایل 9 کا یہ سفر شاندار تو کسی کے لیے بھیانک خواب ثابت ہوا۔

ملتان سلطانز کا پی ایس ایل 9 میں سفر رہا شاندار۔ اس نے گروپ میچز میں 10 میں سے 7 میں فتوحات سمیٹ کر پوائنٹس ٹیبل پر ٹاپ ٹیم رہی اور پلے آف مرحلے کے کوالیفائر میں پشاور زلمی کو شکست دے کر فائنل میں جگہ بنائی۔

سلطانز نے ہوم گراونڈ پر ابتدائی پانچ میں سے 4 میچ جیت کر پوزیشن مستحکم کی اور ملتان سے باہر نکل کر بھی فتوحات کا سفر جاری رکھا۔

اسلام آباد یونائیٹڈز ٹیم رہی اتار چڑھاو کا شکار، یونائیٹڈ نے جیت کے ساتھ ایونٹ کا آغاز کیا لیکن پھر لگاتار تین مچیز ہارے جس کے بعد ٹیم بیدار ہوئی اور کراچی کنگز کے خلاف فتح سے انہیں پھر ایسا کھڑا کیا کہ وہ فائنل میں جگہ بنانے میں کامیاب رہے۔

اسلام آباد نے پلے آف کے پہلے ایلیمنیٹرز میں پہلے کوئٹہ گلیڈیئٹرز کو آؤٹ کلاس کیا پھر دوسرے ایلمینٹرز جیت کر پشاور زلمی کے دوسری بار چیمپئن بننے کی خواہش پر پانی پھیر دیا۔

پشاور زلمی نے گروپ اسٹیج کا اختتام 13 پوائنٹس کے ساتھ دوسری پوزیشن پر کیا تھا لیکن بدقسمتی کہ پلے آف کے کوالیفائر میں اسلام آباد کے ہاتھوں شکست کے بعد ایلیمنیٹر مرحلے سے گزرنا پڑا جہاں سنسنی خیز مقابلے کے بعد اسلام آباد یونائیٹڈ نے 5 وکٹوں سے فتح سمیٹی۔

کوئٹہ گلیڈیئٹرز نے کپتان اور منیجمنٹ کی تبدیلی کے بعد پی ایس ایل 9 میں بہتری کارکردگی کا مظاہرہ کیا اور چار سال بعد پلے آف میں جگہ بنائی لیکن پہلے ایلیمنیٹرز میں ان کے ہاتھ پاؤں ایسے پھولے کہ 175 رنز کے تعاقب میں پوری ٹیم 135 رنز پر ہی ڈھیر ہو گئی۔

کراچی کنگز نے گزشتہ دو سیزن کی نسبت بہتر کارکردگی کا مظاہرہ کیا لیکن فائنل فور میں جگہ بنانے میں کامیاب نہیں ہوسکی۔ اس نے ایونٹ کے 10 میں سے 4 میچز جیتے۔

لاہور قلندرز جو مسلسل دو بار کا پی ایس ایل چیمپئن تھا اور نویں ایڈیشن میں اپنے اعزاز کا دفاع کر رہا تھا تاہم اس بار یہ میگا ایونٹ اس کے لیے بھیانک خواب ثابت ہوا کہ 10 میں سے صرف ایک ہی میچ جیت سکے اور یوں لگا کہ قلندرز واپس اپنی پرانی ڈگر پر لوٹ گئے۔

بات کریں انفرادی کارکردگی کی کوئی غیر ملکی کھلاڑی ٹاپ تھری میں جگہ نہ پا سکا۔

بلے بازوں میں زلمی کے کپتان بابر اعظم 569 بنا کر ٹاپ پر رہے۔ ملتان سلطانز کے کپتان محمد رضوان 381 رنز کے ساتھ دوسرے جب کہ اسی ٹیم کے نوجوان کھلاڑی عثمان خان 373 رنز کے ساتھ تیسرے نمبر پر رہے۔

عثمان خان نے ایک ایونٹ میں دو سنچریاں بنانے کا اعزاز اپنے نام کیا۔

بولرز میں اسامہ میر 23 وکٹوں کے ساتھ ٹاپ پر ہیں۔ دوسرے نمبر پر 18 وکٹوں کے ساتھ محمد علی اور 16 وکٹوں کے ساتھ ابرار احمد تیسرے نمبر پر رہے۔

پی ایس ایل 9 کی ٹرافی کا منفرد فوٹو شوٹ

آج اگر اسامہ میر تین وکٹیں حاصل کرسکے تو پی ایس ایل کے کسی بھی ایک ایونٹ میں سب سے زیادہ وکٹیں لینے کا اعزاز بھی اپنے نام کر لیں گے۔

اس سے قبل یہ اعزاز حسن علی کے پاس ہے جنہوں نے 2019 کے پی ایس ایل میں 25 وکٹیں حاصل کر رکھی ہیں۔

کھیل کے ہر بڑے ٹورنامنٹ کے فائنل معرکے سے قبل کپتانوں کا ٹرافی کے ساتھ فوٹو شوٹ ہوتا ہے پی ایس ایل 9 کی ٹرافی کا منفرد فوٹو شوٹ ہوا۔

اے آر وائی نیوز کے مطابق دنیا کی مقبول ترین لیگز میں سے ایک پاکستان سپر لیگ کے نویں سیزن کا شاندار سفر آج فائنل میچ کے ساتھ اختتام پذیر ہو جائے گا۔

فائنل میچ میں ملتان سلطانز اور اسلام آباد یونائیٹڈ کے کپتان ٹرافی اٹھانے کی خواہش لیے میدان میں اتریں گے اس لیے دونوں ٹیموں کے درمیان کانٹے کا مقابلہ ہونے کی توقع ہے۔

فیصلہ کن میچ سے قبل دونوں ٹیموں کے کپتانوں محمد رضوان اور شاداب خان نے پی ایس ایل 9 کی چمچماتی ٹرافی کے ساتھ فوٹو شوٹ کرایا لیکن کچھ منفرد انداز میں۔

فائنل میچ کراچی میں ہو رہا ہے کہ کراچی کی ایک بڑی پہچان W-11  بس ہے جو شہریوں کو نصف دہائی سے زائد عرصے سے سفر کی سہولتیں فراہم کر رہی ہے۔ یہ بس اپنی خوبصورت سجاوٹ کی وجہ سے نہ صرف پاکستان بلکہ بیرون ملک بھی مشہور ہے۔

اس منفرد فوٹو شوٹ کے لیے انتخاب کیا گیا کراچی پورٹ ٹرسٹ کی خوبصورت عمارت کا جہاں مشہور W-11 بس کے ساتھ محمد رضوان اور شاداب خان نے پی ایس ایل کی چمچاتی ٹرافی ساتھ فوٹو شوٹ کرایا۔ دونوں کپتانوں نے بس کے باہر اور اندر بیٹھ کر تصاویر بنوائیں۔

پی ایس ایل 9 کی ٹرافی کا یہ منفرد فوٹو شوٹ وائرل ہوگیا اور سب کے من کو بھا گیا جس پر دلچسپ تبصرے بھی جاری ہیں۔

ملتان یا اسلام آباد، کون بنے گا پی ایس ایل 9 کا چیمپئن، فیصلہ آج ہوگا

پی ایس ایل فائنل میچ رات 9 بجے پاکستان کے پہلے ایچ ڈی اسپورٹس چینل اے اسپورٹس پر براہ راست نشر کیا جائے گا۔

ایچ بی ایل پاکستان سپر لیگ 9 کا سب سے بڑا مقابلہ فائنل میچ آج ملتان سلطانز اور اسلام آباد یونائیٹڈ کے درمیان کھیلا جائے گا۔

ایک ماہ سے زائد عرصے تک شائقین کرکٹ کو اپنے سحر میں جکڑے رکھنے کے بعد پی ایس ایل 9 آج فائنل میچ کے ساتھ اختتام پذیر ہو جائے گا۔ فائنل میچ رات 9 بجے نیشنل کرکٹ اسٹیڈیم کراچی میں کھیلا جائے گا جہاں ملتان سلطانز اور اسلام آباد یونائیٹڈ میدان میں ٹرافی جیتنے کا خواب لیے اتریں گی۔

پی ایس ایل 9 کی ٹرافی صرف ایک میچ دور ہے۔ فائنل میں کون کرے گا کس کو ڈھیر، مدمقابل آئیں گے رضوان کے سلطانز اور شاداب خان کے شیر۔

اسلام آباد یونائیٹڈ تیسری جب کہ ملتان سلطانز دوسری بار ٹرافی اٹھانے کے لیے پرجوش ہیں۔ فیصلہ کن میچ سے قبل دونوں ٹیموں کے کپتانوں محمد رضوان اور شاداب خان کا پی ایس ایل کی چمچاتی ٹرافی ساتھ فوٹو شوٹ ہوا۔

فائنل سے پہلے دونوں ٹیموں نے اپنی اپنی تیاریوں کو فائنل ٹچ دیا اور میچ سے ایک روز قبل جم کر پریکٹس کی۔

پلےآف میں سلطانز نے زلمی سے لیگ راؤنڈ کی شکست کا حساب چکایا اور مسلسل چوتھی بار فائنل میں جگہ بنائی تو اسلام آباد نے ناک آؤٹ مرحلے میں کمال کرتے پوئے پہلے کوئٹہ گلیڈیئٹرز اور پھر پشاور زلمی کو آؤٹ کلاس کر کے چار سال بعد فائنل کا ٹکٹ کٹایا۔

پی ایس ایل کے تمام ایڈیشنز میں باہمی مقابلوں میں ملتان سلطانز کا پلڑا بھاری ہے۔ دونوں ٹیموں نے مجموعی طور پر 15 میچز کھیلے ہیں، ان میں سے 8 ملتان جب کہ 7 اسلام آباد نے جیت رکھے ہیں۔

رواں ٹورنامنٹ میں دونوں ٹیموں نے باہمی دو میچز کھیلے اور ایک ایک میں کامیابی حاصل کی۔

ایونٹ میں ملتان کی ٹیم چھائی رہی، گروپ مرحلے میں 10 میں سے 7 میچ جیت کر ٹاپ کیا، ٹورنامنٹ میں اسلام آباد کی پُرفارمنس میں اتار چڑھاؤ رہا، شکستوں کے بعد شاندار کم بیک کر کے پلے آف میں جگہ بنائی اور ناک آؤٹ میچ میں پہلے گلیڈی ایٹرز پھر زلمی کا شکار کرکے اپنی دھاک بٹھائی۔

پی ایس ایل فائنل میچ رات 9 بجے پاکستان کے پہلے ایچ ڈی اسپورٹس چینل اے اسپورٹس پر براہ راست نشر کیا جائے گا۔

پی ایس ایل 9 کے دوسرے ایلمنیٹر نے اسلام آباد یونائیٹڈ نے پشاور زلمی کو 5 وکٹوں سے شکست دے کر فائنل کے لیے کوالیفائی کرلیا میچ کے ہیرو عماد وسیم رہے۔

اے آر وائی نیوز کے مطابق پی ایس ایل 9 کے دوسرے ایلمنیٹر میں اسلام آباد یونائیٹڈ نے پشاور زلمی کو 5 وکٹوں سے شکست دے کر تیسری بار فائنل کھیلنے کا اعزاز حاصل کر لیا۔ میچ کے ہیرو آل راؤنڈر عماد وسیم رہے جنہوں نے مشکل وقت میں بہترین اننگ کھیل کر اپنی ٹیم کو فائنل میں پہنچایا۔

اس حوالے سے اے اسپورٹس کے پروگرام دی پویلین میں گفتگو کرتے ہوئے لیجنڈری وسیم اکرم نے کہا کہ ایک وقت میں اسلام آباد یونائیٹڈ کے 21 رنز پر 3 کھلاڑی آؤٹ ہو چکے تھے عماد وسیم اس مشکل گھڑی میں کریز پر کھیلنے آئے۔

وسیم اکرم نے کہا کہ ایسی صورتحال میں جب ہدف بہت بڑا ہو اور 21 پر تین وکٹیں گر چکی ہوں تو ٹیم میں تھرتھلی مچ جاتی ہے۔ آنے والا بلے باز بھی ادھر ادھر مار دھاڑ کرتا ہے کہ عماد وسیم بڑے اطمینان سے کریز پر آئے اور سکون سے کھیلتے ہوئے پارٹنر شپ بنائی اور 40 گیندوں پر 59 رنز اسکور کیے جب کہ حیدر علی نے بھی نصف سنچری بنا کر ان کا بھرپور ساتھ دیا۔

View this post on Instagram

A post shared by ASports (@asportstv.pk)

سوئنگ کے سلطان نے کہا کہ اس ساری فتح کا کریڈٹ ٹیم بالخصوص عماد وسیم کو جاتا ہے جنہوں نے ایک نازک مرحلے میں بالکل صحیح وقت پر رنز کر کے اپنی ٹیم کو فائنل میں پہنچایا، یہ یقیناً ایک بہترین اننگ تھی۔

پی ایس ایل: 9 سیزن میں صرف ایک ٹائٹل جیتنا کافی نہیں، زلمی کے ہیڈ کوچ بھڑک اٹھے

ان کا یہ بھی کہنا ہے کہ پی ایس ایل کے شروع میں ہم جن دو ٹیموں کے اسکواڈ اچھے ہونے کی باتیں کر رہے تھے وہی دو ٹیمیں فائنل میں پہنچیں۔ یہ بدقسمتی کہ زلمی 185 رنز کرنے کے بعد بھی ہار گئی۔

پی ایس ایل 9 کے دوسرے ایلیمنیٹر میں اسلام آباد یونائیٹڈ سے شکست کے بعد ٹورنامنٹ سے باہر ہونے والی پشاور زلمی کے ہیڈ کوچ اس ہار پر بھڑک اٹھے۔

اے آر وائی نیوز کے مطابق پی ایس ایل 9 کے گزشتہ روز کھیلے گئے دوسرے ایلیمنیٹر میں اسلام آباد یونائیٹڈ نے پشاور زلمی کو 5 وکٹوں سے شکست دے کر فائنل کا ٹکٹ کٹا لیا۔

پشاور زلمی واحد ٹیم ہے جو پی ایس ایل کے تمام سیزنز (9) میں پلے آف مرحلے میں پہنچی مگر اب تک صرف ایک بار ہی چیمپئن بن سکی ہے۔

اس شکست نے پشاور زلمی کے ہیڈ کوچ ڈیرن سیمی کو بھی سخت مایوس کیا اور میچ کے بعد میڈیا سے گفتگو کرتے ہوئے انہوں نے کہا کہ ٹرافی نہیں جیتتے تو ہر سال پلے آف کھیلنے کی کوئی اہمیت نہیں رہ جاتی۔

ڈیرن سیمی نے کہا کہ پی ایس ایل کے نو سیزن ہوچکے ہیں ان میں صرف ایک ٹائٹل جیتنا کافی نہیں۔ دیگر ٹیمیں دو دو بار ٹرافی جیت چکی ہیں۔ مجھے پورا یقین ہے بابر بہترین لیڈر ہے اور وہ رنز کر سکتا ہے مگر بولرز کو اس کا دفاع کرنا ہوتا ہے۔

ان کا کہنا تھا کہ ہم 200 رنز بنانا چاہتے تھے لیکن 15 سے 20 رنز کم اسکور کیے۔ بلے بازوں نے 15 سے 20 اوور کے درمیان اچھی بیٹنگ نہیں کی اور پلاننگ کے مطابق بولنگ بھی نہین کر سکے، مطلب یہ کہ ہم اچھی کرکٹ نہیں کھیل سکے۔

زلمی ہیڈ کوچ نے اسلام آباد یونائیٹڈ کے عماد وسیم اور حیدر علی کی بیٹنگ کی تعریف کرتے ہوئے کہا کہ دونوں نے اچھی کرکٹ کھیلی جب کہ ہماری بیٹنگ  میں اسلام آباد کے بولرز نے پچ کا اچھا استعمال کیا۔

واضح رہے کہ پی ایس ایل 9 کا فائنل کل (پیر) نیشنل اسٹیڈیم  کراچی میں ملتان سلطانز اور اسلام آباد یونائیٹڈ کے درمیان کھیلا جائے گا۔ میچ پاکستانی وقت کے مطابق رات 9 بجے شروع ہوگا۔

ملتان سلطانز ایک بار جب کہ اسلام آباد یونائیٹڈ نے دو بار پی ایس ایل ٹائٹل جیت رکھا ہے۔

فائنل میچ پاکستان کے پہلے ایچ ڈی اسپورٹس چینل اے اسپورٹس پر براہ راست دکھایا جائے گا۔