ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • نوجوان بلے باز کی عمدہ بیٹنگ، اسلام آباد کے ہاتھوں سلطانز کو شکست

    نوجوان بلے باز کی عمدہ بیٹنگ، اسلام آباد کے ہاتھوں سلطانز کو شکست

    دبئی: پاکستان سپرلیگ کے چھٹے میچ میں اسلام آباد یونائیٹڈ نے نوجوان بلے باز حسین طلعت کی عمدہ بیٹنگ کی بدولت ملتان سلطانز کو پانچ وکٹوں سے شکست دے کر فتح اپنے نام کرلی۔

    تفصیلات کے مطابق پاکستان سپرلیگ کے تیسرے ایڈیشن کے چھٹے میچ میں ملتان سلطانز اور اسلام آباد کی ٹیمیں مد مقابل تھیں، مصباح الحق انجری کے باعث میچ سے باہر ہیں اس لیے یونائیٹڈ کی سربراہی رومان رئیس نے کی جبکہ سلطانز کی قیادت شعیب ملک نے کی۔

    سلطانز نے ہدف دینے کے لیے بیٹنگ کا آغاز کیا تو کمارسنگاکارا اور احمد شہزاد اوپننگ کے لیے آئے مگر صرف 8 رنز کے مجموعی اسکور پر سنگاکارا پویلین لوٹ گئے، اسی طرح نئے آنے والے بیٹسمین 15 ، 19، 31 کے مجموعی اسکور پر آؤٹ ہوئے، پولارڈ اور کپتان شعیب ملک نے ذمہ دارانہ بیٹنگ کی جس کے باعث ٹیم 113 رنز کا ہدف دینے میں کامیاب ہوئی۔

    دبئی میں بارش کے باعث اسلام آباد یونائیٹڈ اورملتان سلطانز کا میچ تاخیر سے شروع ہوا، بارش اسلام آباد یونائیٹڈ کے لیے رحمت ثابت ہوئی کیونکہ سلطانز کے کپتان اور پولارڈ کے علاوہ کوئی بھی کھلاڑی 20 رنز سے زیادہ ہدف نہ بنا سکا۔

    فائنل اسکور کارڈ

    سلطانز کی جانب سے شعیب ملک 35، پولارڈ 28 کے ساتھ نمایاں بلے باز رہے جبکہ رومان رئیس تین کھلاڑیوں کو آؤٹ کر کے باؤلرز کی فہرست میں نمبر ون رہے علاوہ ازیں محمد سمیع اور اینڈری رسل نے 2 ، 2 کھلاڑی جبکہ اسٹیفن فن نے 1 کھلاڑی کو پویلین کی راہ دکھائی۔

    ملتان سلطانز نے اسلام آباد یونائیٹڈ کی دعوت پر پہلے بیٹنگ کرتے ہوئے مخالف ٹیم کو جیت کے لیے 114 رنز کا ہدف دیا، بارش کے باعث ملک الیون کا کوئی کھلاڑی خاطر خواہ کارکردگی نہیں دکھا سکا، ہدف کے تعاقب میں یونائیٹڈ کی بیٹنگ لائن کو مشکلات کا سامنا رہا تاہم نوجوان بلے باز کے حسین طلعت کے 45 رنز ٹیم کی فتح کی وجہ بنے۔

    اسلام آباد یونائیٹڈ اننگز کا مختصر خلاصہ

    ساتویں نمبر پر آنے والے بیٹسمین حسین طلعت نے ذمہ دارانہ بیٹنگ کا مظاہرہ کرتے ہوئے 34 گیندوں پر 3 چھکوں اور ایک چوکے کی مدد سے 38 رنز اسکور کیے اور ٹیم کو فتح دلوانے میں اہم کردار ادا کیا۔

    حسین طلعت کی شاندار بیٹنگ

    سلطانز کے لیگ اسپینر عمران طاہر نے گیارہویں اوور میڈن کروایا میں یکے بعد دیگرے دو کھلاڑیوں کو آؤٹ کر کے پویلین روانہ کیا، یونائیٹڈ کی ٹیم اوور میں کوئی رن نہ بنا سکی، پندرہویں اوور کے اختتام پر مصباح الیون نے 5 وکٹوں کے نقصان پر 86 رنز بنائے۔

    ساتویں اوور کی تیسری بال پر والٹن جنید خان کی گیند پر شارٹ کھیلنے کےچکر میں احمد شہزاد کے ہاتھوں کیچ آوٹ ہوئے یوں اسلام آباد یونائیٹڈ کو تیسرے نقصان کا سامنا کرنا پڑا، دسویں اوور کے اختتام پر اسلام آباد یونائیٹڈ کا مجموعی اسکور 3 وکٹوں کے نقصان پر 63 تک پہنچا۔

    ہدف کے تعاقب میں اسلام آباد یونائیٹڈ نے بیٹنگ کا آغاز کیا تو ایل رونچی اور ڈبیو کرنے والے شہزادہ فرحان اوپننگ کے لیے آئے، رونچی بغیر کھاتہ کھولے محمد عرفان کی تیسری ہی گیندر پر پویلین روانہ ہوئے، عمران طاہر نے شہزادہ فرحان کو چوتھے اوور کی دوسری بال پر کلین بولڈ کیا، پانچ اوور کے اختتام پر یونائیٹڈ کی ٹیم نے 2 وکٹوں کے نقصان پر 38 رنز بنائے۔

    ملتان سلطانز اننگز کا مختصر خلاصہ

    سولہویں اوور میں شعیب ملک 35 کے انفرادی جبکہ 95 کے مجموعی اسکور پر پویلین لوٹے، نئے آنے والے کھلاڑی سیف بدر 105، سہیل تنویر 108، عمران طاہر 109 محمد عرفان 113 کے مجموعی اسکور پر پویلین لوٹے، آخری کے پانچ کھلاڑیوں نے مجموعی اسکور میں صرف 18 رنز کا اضافہ کیا۔

    اسلام آباد کے قائد شعیب ملک نے اور کیون پولارڈ نے ذمہ دارانہ بیٹنگ کی، 14ویں اوور کی دوسری بال پر پولارڈ 28 کے انفرادی جبکہ 85 کے مجموعی اسکور پر پویلین روانہ ہوئے یوں پندرہویں اوور کے اختتام پر ملک الیون نے 5 وکٹوں کے نقصان پر 88 رنز اسکور کیے۔

    پولارڈ نے 19 گیندوں پر 1 چھکے اور تین چوکوں کی مدد سے 28 رنز بنائے اور اینڈری روسیل کی گیند پر ایل بی ڈبلیو ہوئے

    یونائیٹڈ کی ٹیم نے چھٹے اوور سے محتاط انداز میں بیٹنگ کی اور کپتان شعیب ملک نے آکر کریز سنبھالی، آٹھویں اوور کی دوسری بال پر اوپنر احمد شہزاد 11 کے انفرادی اسکور پر پویلین لوٹے، دس اوور کے اختتام پر یونائیٹڈ کی ٹیم نے چار وکٹوں کے نقصان پر 45 رنز بنائے۔

    بارش کے بعد میچ کا آغاز ہوا تو پہلے ہی اوور میں کمار سنگاکارا کا کیچ ڈراپ ہوا تاہم اگلے ہی اوور میں سنگاکارا سلپ میں کیچ دے کر 6 کے انفرادی اسکور پر پویلین لوٹے، جبکہ دوسرے اوور میں براوو بھی 6 رنز پر آؤٹ ہوئے اور 19 کے مجموعی اسکور پر صہیب مقصود بھی پویلین لوٹے.

    5 اوورز کے اختتام پر سلطانز کا مجموعی اسکور 19 تک پہنچا، یونائیٹڈ کے باؤلر محمد سمیع نے دو جبکہ رومان رئیس نے ایک کھلاڑی کو پویلین کی راہ دکھائی۔

    اسکواڈ

    واضح رہے کہ ملتان سلطانز کی ٹیم نے اب تک لیگ کے دو میچز کھیلے اور دونوں میں ہی فتح حاصل کی جبکہ یونائیٹڈ کی ٹیم نے اب تک ایک ہی میچ کھیلا جس میں اُسے پشاور زلمی کے ہاتھوں شکست کا سامنا کرنا پڑا تھا۔

    مزید پڑھیں: جنید خان کی ہیٹ ٹرک، سنگاکارا کی ففٹی، قلندرز کی فتح شکست میں‌ تبدیل

    یہ بھی پڑھیں: زلمی کے نوجوان باؤلر کی تباہ کن باؤلنگ، اسلام آباد کو 34 رنز سے شکست

    گزشتہ روز کھیلے جانے والے میچ میں کمار سنگاکارا کی عمدہ بیٹنگ اور جنید خان کی ہیٹ ٹرک کی بدولت سلطانز کی ٹیم نے مسلسل دوسری فتح اپنے نام کی تھی جبکہ اس سے قبل شعیب ملک الیون کا ٹاکرا پشاور زلمی سے ہوا جس میں سلطانز نے 7 وکٹوں سے فتح حاصل کی تھی۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 2018: کراچی کنگز کا پشاور زلمی سے ٹاکرا

    پی ایس ایل 2018: کراچی کنگز کا پشاور زلمی سے ٹاکرا

    دبئی: پاکستان سپر لیگ کے تیسرے ایڈیشن میں کراچی کنگز کا دوسرا مقابلہ آج پشاور زلمی سے ہوگا۔

    تفصیلات کے مطابق دبئی میں پاکستان سپر لیگ کے سنسنی خیز مقابلے جاری ہیں جہاں کراچی کنگز اپنے پہلے میچ میں کوئٹہ گلیڈی ایٹرز کو شکست دینے کے بعد آج پشاوہ زلمی سے ٹکرائے گی، میچ پاکستانی وقت کے مطابق رات 9 بجے شروع ہوگا۔

    بڑے ایونٹ کے بڑے مقابلے میں کراچی کنگز دفاعی چیمپئن پشاور زلمی سے مقابلے کے لیے تیار ہے جہاں اسے شاہد آفریدی جیسے تجربہ کار اور عماد وسیم جیسے باصلاحیت قیادت کی خدمات حاصل ہے۔

    کراچی کنگز پہلے معرکے کی فاتح، کوئٹہ گلیڈی ایٹرز کو شکست

    خیال رہے کہ پی ایس ایل کے تیسرے سیزن کے اہم میچ میں کراچی کنگز نے شاندار بالنگ، فیلڈنگ، بیٹنگ کے باعث کوئٹہ گلیڈی ایٹرز کو پہلے میچ میں 19 رنز سے شکست دی تھی، کپتان عماد وسیم نے پہلے ٹاس جیت کر بیٹنگ کا فیصلہ کیا اور مقررہ اوور میں مخالف ٹیم کو 150 رنز کا ہدف دیا تھا۔

    ہدف کے تعاقب میں کوئٹہ کی ٹیم کا کوئی بھی کھلاڑی کراچی کے باؤلرز کے آگے زیادہ دیر تک ٹک نہیں پایا، شاہد آفریدی نے سرفراز الیون کے سب سے نمایاں اسکورر عمر امین کا باؤنڈری پر ناقابل یقین کیچ پکڑ کر سب کو حیران کر دیا تھا۔

    کراچی کا لالا، سب سے نرالہ، شاندار کیچ کے بعد لاجواب انٹرویو

    یاد رہے کہ پی ایس ایل تھری میں‌ چھ ٹیمیں‌ مدمقابل ہیں، ٹرافی کے لیے کراچی کنگز، لاہور قلندرز، اسلام آباد یونائیٹڈز، ملتان سلطانز، کوئٹہ گلیڈی ایٹرز اور پشاور زلمی ٹکرائیں‌ گے. یہ ٹورنامنٹ 24دنوں پر محیط ہے، جس کے دوران 34 سنسنی خیز مقابلے ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شین واٹسن کی شاندار بیٹنگ، گلیڈی ایٹرز کے ہاتھوں لاہور قلندرز کو شکست

    شین واٹسن کی شاندار بیٹنگ، گلیڈی ایٹرز کے ہاتھوں لاہور قلندرز کو شکست

    دبئی: پاکستان سپرلیگ کے پانچویں میچ میں کوئٹہ گلیڈی ایٹرز کی ٹیم نے شین واٹسن کی عمدہ اننگز کی بدولت لاہور قلندرز کو 9 وکٹوں سے شکست دے کر پہلا میچ جیت لیا۔

    تفصیلات کے مطابق دبئی اسٹیڈیم میں کوئٹہ گلیڈی ایٹرز اور لاہور قلندرز کی ٹیمیں مد مقابل تھیں، گلیڈی ایٹرز کی قیادت سرفراز احمد جبکہ قلندرز کی کپتانی برینڈن میکولم نے کی۔

    کوئٹہ گلیڈی ایٹرز کے کپتان سرفراز احمد نے ٹاس جیت کر مخالف ٹیم لاہور قلندرز کو پہلے بیٹنگ کی دعوت دی، قلندرز کی ابتدا میں بیٹنگ اچھی رہی تاہم گلیڈی ایٹرز نے دفاعی حکمت عملی اختیار کرتے ہوئے میکولم الیون کو محدود کردیا۔

    قلندرز کی جانب سے اننگز کا جارحانہ آغاز کیا گیا، اوپننگ کے لیے آنے والی جوڑی نے شروع سے ہی تیز کھیل کھیلا تاہم 46 کے مجموعی اسکور پر نارائن آؤٹ ہوکر پویلین لوٹے اور پھر فخر زمان 60 کے مجموعی اسکور پر پویلین روانہ ہوئے، بعد ازاں پانچویں اوور میں کپتان میکولم بھی 30 رنز بنا کر آؤٹ ہوئے اور نمایاں بلے باز بھی رہے۔

    میکولم کے بعد کوئی بھی کھلاڑی زیادہ دیر تک وکٹ پر ٹک نہیں سکا اور وکٹیں گرنے کا سلسلہ جاری رہا، 79 کے مجموعی اسکور پر کیمرون، 81 پر عمر اکمل، 89 پر رضا حسن، 101 پر گلریز، 105 پر یاسر شاہ اور 106 پر شاہین آفریدی آؤٹ ہوئے۔

    گلیڈی ایٹرز کے باؤلر محمد نواز نے اپنے کامیاب چار اوور کیے جن میں سے ایک میڈن، جبکہ تین میں صرف چار رنز دیے اور دو کھلاڑیوں کو پویلین کی راہ دکھائی، ارچر تین کھلاڑیوں کو آؤٹ کر کے نمایاں باؤلر رہے جبکہ راحت علی، واٹسن اور حسن خان نے ایک ایک کھلاڑی کو پویلین بھیجا۔ قلندرز کی ٹیم نے مقررہ 20 اوورز میں 119 رنز بناکر گلیڈی ایٹرز کو جیت کے لیے 120 رنز کا ہدف دیا۔

    ہدف کے تعاقب میں گلیڈی ایٹرز نے بیٹنگ کا آغاز کیا تو اسد شفیق اور شین واٹسن اوپننگ کے لیے آئے، دونوں بلے بازوں نے محتاط انداز میں بیٹنگ کرتے ہوئے ٹیم کی پوزیشن مستحکم کی اور 92 پر اسد شفیق کی واحد وکٹ گری۔

    گلیڈی ایٹرز کی ٹیم نے 120 رنز کا ہدف ایک وکٹ کے نقصان پر 14 اوورز میں حاصل کر کے فتح اپنے نام کی، واضح رہے کہ سپر لیگ میں لاہور قلندرز کی مسلسل دوسری شکست ہے، شین واٹسن 66 اور اسد شفیق 38 رنز بنا کر نمایاں بلے باز رہے۔

    فائنل اسکور کارڈ

    کوئٹہ گلیڈی ایٹرز

    گیارہویں اوور کی چوتھی بال پر شین واٹسن سنیل نارائن کے ہاتھوں کلین بولڈ ہوکر پویلین لوٹے انہوں نے 42 گیندوں پر 5 چھکوں اور 5 چوکوں کی مدد سے 66 رنز اسکور کیے اور 14ویں اوور میں گلیڈی ایٹرز نے 120 رنزکا ہدف حاصل کر کے پہلی فتح اپنے نام کی۔

    شین واٹس نے محتاط انداز میں جارحانہ بیٹنگ کرتے ہوئے 33 گیندوں پر 4 چھکوں اور پانچ چوکوں کی مدد سے 56 رنز اسکور کیے، دسویں اوور کی آخری بال پر شین واٹسن نے ایک بار پھر گیند کو باؤنڈری کے باہر پھینک کر 6 رنز حاصل کیے اور اس طرح ٹیم کا مجموعی اسکور بغیر کسی نقصان کے 85 تک پہنچا، آخری 30 گیندوں پر 50 رنز بنے۔

    کوئٹہ گلیڈی ایٹرز کی جانب سے اننگز کا آغاز اسد شفیق اور شین واٹسن نے کیا جبکہ قلندرز کی جانب سے پہلا اوور رضا حسن نے کروایا، اوپنرز نے محتاط انداز میں بیٹنگ کرتے ہوئے ابتدائی پانچ اوورز میں بغیر کسی نقصان کے 35 رنز اسکور کیے۔

    لاہور قلندرز

    آخری کے پانچ اوورز میں قلندرز کے تین بیٹسمین گلریز صدف 13 ، یاسر شاہ 2 اور شاہین آفریدی بغیر رن بنائے پویلین لوٹے، سہیل اختر اور مستفیض الرحمان نے محتاط انداز میں بیٹنگ کرتے ہوئے مقررہ 20 اوورز میں ٹیم کا مجموعی اسکور 119 تک پہنچایا۔

    لاہور قلندرز کی ٹیم نے محتاط انداز میں بیٹنگ کی اور اگلے پانچ اوورز میں ایک وکٹ کہو کر مجموعی اسکور میں صرف 17 رنز کا اضافہ کیا، 15ویں اوور کے اختتام پر میکولم الیون کا مجموعی اسکور 6 وکٹوں کے نقصان پر 101 تک پہنچا۔

    گلیڈی ایٹرز کے باؤلروں نے قلندرز کی جارحانہ اننگز کے خلاف دفاعی حکمت عملی اختیار کی اور یکے بعد دیگرے دو کھلاڑیوں کو پویلین کی راہ دکھائی، دس اوور کے اختتام پر قلندز کا مجموعی اسکور 5 وکٹوں کے نقصان پر 84 تک پہنچا۔

    لاہور قلندرز کی جانب سے اننگز کا آغاز برینڈن میکولم اور سنیل نارائن نے کیا جبکہ گلیڈی ایٹرز کے باؤلر جوفا ارچی نے پہلا اوور کروایا، قلندرز کے قائد نے ابتداء سے ہی جارحانہ بیٹنگ کی اور دو اوورز میں 21 رنز اسکور کیے۔

    تیسرے اوور کی تیسری بال پر اوپنر سنیل نارائن راحت علی کی بال پر انور علی کے ہاتھوں 28 کے انفرادی اسکور پر آؤٹ ہوکر پویلین لوٹے جبکہ پانچویں اوور کی آخری بال پر نئے آنے والے بیٹسمین فخر زمان بھی صرف ایک رن بنا کر ارچی کی بال پر انہی کے ہاتھوں کیچ آؤٹ ہوکر پویلین لوٹے، پانچویں اوور کے اختتام پر قلندرز کی ٹیم نے 2 وکٹوں کے نقصان پر 60 رنز اسکور کیے۔

    سرفراز احمد نے ٹاس جیت پر مخالف ٹیم کو پہلے بیٹنگ کی دعوت دی اور اس امید کا اظہار کیا کہ پچ باؤلرز کے لیے مددگار ہے کوشش رہے گی کہ مخالف ٹیم کو کم سے کم ہدف تک محدود رکھا جائے۔

    برینڈن میکولم نے کہا ٹاس جیتنے کی صورت میں ہم نے پہلے بیٹنگ کا فیصلہ کیا تھا کیونکہ دوسری اننگز میں اوس کے باعث پچ میں سؤنگ آجاتا ہے جس کے باعث ہدف کا تعاقب کرنا مشکل ہوجاتا ہے۔

    اسکواڈ

    واضح رہے کہ کوئٹہ گلیڈی ایٹرز اور لاہور قلندرز کی ٹیموں کو ایک ایک میچ میں شکست کا سامنا رہا ہے۔

  • زلمی کے نوجوان باؤلر کی تباہ کن باؤلنگ، اسلام آباد کو 34 رنز سے شکست

    زلمی کے نوجوان باؤلر کی تباہ کن باؤلنگ، اسلام آباد کو 34 رنز سے شکست

    دبئی: پاکستان سپر لیگ تیسرے ایڈیشن کے چوتھے میچ میں پشاور زلمی نے کامران اکمل کی شاندار نصف سنچری کی بدولت اسلام آباد یونائیٹڈ کو 34 رنز سے شکست دے کر فتح اپنے نام کرلی۔

    تفصیلات کے مطابق پی ایس ایل سپر لیگ کے تیسرے ایڈیشن کے چوتھے میچ میں پشاور زلمی اور دفاعی چیمپئن اسلام آباد یونائیٹڈ کی ٹیمیں مد مقابل تھیں، زلمی کی کپتانی ڈیرن سیمی جبکہ یونائیٹڈ کے کپتان انجری کے باعث میچ سے باہر تھے تو اُن کی جگہ قیادت رومان رئیس کے سپرد کی۔

    پشاور زلمی کو اچھی اوپننگ پارٹنر شپ ملی اور اُن کی پہلی وکٹ 69 کے مجموعی اسکور پر اُس وقت گری جب کامران اکمل 32 گیندوں پر 53 رنز بنا کر پویلین لوٹے جبکہ اُن کے ساتھ اوپننگ کے لیے آنے والے بلے باز تمیم اقبال 121 کے مجموعی اور 39 کے انفرادی اسکور پر پویلین لوٹے۔

    زلمی کی جانب سے کامران اکمل 53 اور تمیم اقبال 39 رنز بناکر نمایاں بلے باز رہے جبکہ اسمتھ اور محمد حفیظ نے بھی 30 ، 30 رنز کی ذمہ دارانہ بیٹنگ کی اور ٹیم کو 176 رنز تک پہنچانے میں مدد فراہم کی۔

    فائنل اسکور کارڈ

    اسلام آباد یونائیٹڈ نے ہدف 178 کے تعاقب میں بیٹنگ شروع کی تو اچھی اوپننگ نہ مل سکی اور 15 کے مجموعی اسکور پر پہلی وکٹ گری، ایک رن اضافے کے بعد دوسری جبکہ 22 ، 25، 46، 50، 63، 73، 111 کے مجموعی اسکور پر وکٹیں گریں، یونائیٹڈ کے آل راؤنڈ فہیم اشرف 30 گیندوں پر 54 رنز اسکور ناٹ آؤٹ کے ساتھ نمایاں بلے باز رہے علاوہ ازیں سمیت پٹیل نے 23 رنز بنائے اور باقی کوئی بھی کھلاڑی 20 کا ہندسہ پار نہ کرسکا۔

    پشاور زلمی کے نوجوان باؤلر ابتسام شیخ نے چار اوورز میں 20 رنز دے کر تین وکٹیں لیں جبکہ عمید آصف نے چار اوور میں 23 رنز دے کر 4 وکٹیں حاصل کیں، جورڈن اور وہاب ریاض نے ایک ایک کھلاڑی کو پویلین کی راہ دکھائی۔

    اسلام آباد یونائیٹڈ خلاصہ

    اسلام آباد یونائیٹڈ نے مقررہ 20 اوورز میں 9 وکٹوں کے نقصان پر 142 رنز اسکور کیے اس طرح زلمی نے 34 رنز سے فتح اپنے نام کی۔

    پشاور زلمی کے نوجوان باؤلر عمید آصف کے بعد ابتسام شیخ نے عمدہ باؤلنگ کا مظاہرہ کرتے ہوئے تین کھلاڑیوں کو پویلین کی راہ دکھائی اور ٹیم کو فتح کے قریب لے کر آئے، یونائیٹڈ کی ٹیم 15ویں اوور کے اختتام پر 8 وکٹوں کے نقصان پر 94 رنز بنانے میں کامیاب ہوئی، ابتسام شیخ نے چار اوورز میں 20 رنز دے کر 3 کھلاڑیوں کو آؤٹ کیا۔

    یونائیٹڈ کے بلے باز زلمی کے باؤلروں کے آگے بے بس نظر آئے، عمید آصف کے اسپیل کے بعد آنے والے کرس جورڈ ن نے ایک اور ابتسام شیخ نے ایک کھلاڑی کو پویلین کی راہ دکھائی، دسویں اوور کے اختتام پر اسلام آباد کی ٹیم کا مجموعی اسکور 6 وکٹوں کے نقصان پر 61 تک پہنچا۔

    اسلام آباد یونائیٹڈ نے ہدف کے تعاقب میں بیٹنگ کا آغاز کیا تو رونچی اور والٹن میدان میں اترے، زلمی کے باؤلر عمید آصف نے 15 کے مجموعی اسکور پر اوپنر والٹن کو پویلین کی راہ دکھائی جبکہ اسی اوور میں رونچی بھی پویلین لوٹے، پانچ اوورز کے اختتام پر یونائیٹڈ کا مجموعی اسکور 4 وکٹوں کے نقصان پر 30 تک پہنچا، چاروں وکٹیں عمید آصف نے حاصل کیں۔

    پشاور زلمی اننگز خلاصہ

    اننگز کے آخری پانچ اوورز زلمی کے بلے بازوں نے جارحانہ بیٹنگ کا مظاہرہ کرتے ہوئے 6 وکٹوں کے نقصان پر 176 رنز بنائے، کامران اکمل 53 رنز بنا کر نمایاں بلے باز رہے جبکہ تمیم اقبال نے 30 رنز اسکور کیے۔

    پشاور زلمی نے اگلے 5 اوورز میں تین وکٹیں گرنے کے بعد محتاط انداز میں بیٹنگ کی اور مجموعی اسکور 132 تک پہنچایا۔

    کامران اکمل نے جارحانہ بیٹنگ کا سلسلہ جاری رکھتے ہوئے 30 گیندوں پر 3 چھکوں اور 7 چوکوں کی مدد سے اپنی پہلی نصف سنچری مکمل کی جبکہ اگلے ہی اوور میں وہ کیچ آؤٹ ہوکر پویلین روانہ ہوئے، دس اوور کے اختتام پر زلمی کی ٹیم کا مجموعی اسکور ایک وکٹ کے نقصان پر 100 تک پہنچا۔

    کامران اکمل نصف سنچری بنا کر سمت پٹیل کی گیند پر کیچ آؤٹ ہوئے

    زلمی کی جانب  اننگزکا آغاز تمیم اقبال اور کامران اکمل نے کیا، دونوں بلے بازوں نے ابتدائی پانچ اوورز میں جارحانہ کھیل کا مظاہرہ کرتے ہوئے 2 چھکوں اور 7 چوکوں کی مدد سے مجموعی اسکور بغیر کسی نقصان کے 43 تک پہنچایا، یونائیٹڈ کی جانب سے اٹیک کے لیے سمیع کو منتخب کیا گیا مگر باؤلر بے سود رہے، محمد سمیع نے 2 اوورز میں 13 ، رومان رئیس نے 2 میں 9 جبکہ اینڈری روسل نے ایک اوور میں 21 رنز دیے۔

    واضح رہے کہ پشاور زلمی کو سیزن تھری کے پہلے میچ میں ملتان سلطانز کے ہاتھوں شکست ہوچکی ہے، ملک الیون نے گزشتہ روز کھیلے جانے والے میچ میں سیمی الیون کو 7 وکٹوں سے شکست دی تھی۔

    اسلام آباد یونائیٹڈ

    مصباح الحق اسلام آباد یونائیٹڈ کی قیادت کررہے ہیں جبکہ دیگر کھلاڑیوں میں آندرے رسل، سیموئل بدری، محمد سمیع، رومان رئیس، شاداب خان، افتخار احمد، عماد بٹ، آصف علی، جے پی ڈومنی، لیوک رانچی، فہیم اشرم، سیم بلنگز، ظفر گوہر، صاحبزادہ فرحان، حسین طلعت، ایلکس ہیلز، ڈیوڈ ولی، محمد حسن اور محمد حسنین شامل ہیں۔

    پشاور زلمی

    ڈیرن سمی پشاور زلمی کی قیادت کررہے ہیں، ان کے علاوہ ٹیم میں محمد حفیظ، وہاب ریاض، کامران اکمل، شکیب الحسن، حسن علی، حارث سہیل، کرس جارڈن، محمد اصغر، ڈوئن براوو، تمیم اقبال، حماد اعظم، سعد نسیم، تیمور سلطان، ثمین گل، ابتسام شیخ، آندرے فلیچر، ایون لوئس، خالد عثمان اور محمد عارف شامل ہیں۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • جنید خان کی ہیٹ ٹرک، سنگاکارا کی ففٹی، قلندرز کی فتح شکست میں‌ تبدیل

    جنید خان کی ہیٹ ٹرک، سنگاکارا کی ففٹی، قلندرز کی فتح شکست میں‌ تبدیل

    دبئی: پاکستان سپرلیگ کے تیسرے میچ میں کمار سنگاکارا کی شاندار بیٹنگ اور جنید خان کی ہیٹ ٹرک کی بدولت ملتان سلطانز کی ٹیم نے لاہور قلندرز کو 43 رنز سے شکست دے کر مسلسل دوسری فتح اپنے نام کرلی۔

    تفصیلات کے مطابق پاکستان سپر لیگ کا تیسرا میچ لاہور قلندرز اور ملتان سلطانز کی ٹیموں کے مابین کھیلا گیا، قلندرز کی کپتانی کے فرائض میکولم اور سلطانز کی سربراہی شعیب ملک نے کی۔

    لاہور قلندرز نے ٹاس جیت کر ملتان سلطانز کو پہلے بیٹنگ کی دعوت دی، سلطانز کو اوپننگ کا آغاز  مثبت ملا کیونکہ پہلی وکٹ 88 کے مجموعی اسکور پر گری، کمار سنگاکارا نے ایک بار پھر عمدہ کارکردگی کا مظاہرہ کرتے ہوئے 44 گیندوں پر 3 چھکوں اور 5 چوکوں کی مدد سے 63 رنز کی عمدہ اننگز کھیلی جبکہ شعیب ملک نے بھی 48 رنز کی ذمہ دارانہ اننگز کھیل کر ٹیم کی پوزیشن کو مستحکم کیا۔

    قلندرز کے باؤلر مستفیض الرحمان دو کھلاڑیوں کو پویلین بھیج کر نمایاں باؤلر رہے جبکہ یاسر شاہ نے بھی ایک کھلاڑی کو پویلین کی راہ دکھائی۔

    اسکور کارڈ

    میکولم الیون نے 180 ہدف کے تعاقب میں بیٹنگ کا آغاز کیا تو انہیں اچھی اوپننگ پارٹنر شپ نہ مل سکی مگر بیٹسمینوں کے جارحانہ کھیل کے باعث ایک وقت میں میچ لاہور قلندرز کے ہاتھ میں تھا تاہم عمران طاہر نے سولہویں اوور میں یکے بعد دیگرے جمے ہوئے کھلاڑیوں کو پویلین کی راہ دکھائی اور بعد میں جنید خان نے تین لگاتار تین کھلاڑیوں کو آؤٹ کر کے ناممکن فتح کو سلطانز کے نام کیا۔

    لاہور قلندرز کی جانب سے فخر زمان 49 رنز بنا کر نمایاں بلے باز رہے جبکہ جنید خان اور عمران طاہر تین تین وکٹیں لے کر سلطانز کے نمایاں باؤلر رہے۔

    لاہور قلندرز بیٹنگ خلاصہ

    سترہویں اوور میں جنید خان نے یکے بعد دیگرے تین کھلاڑیوں کو پویلین کی راہ دکھا کر پی ایس ایل سیزن 3 کی پہلی ہیٹ ٹرک مکمل کی، بعد ازاں عمران طاہر نے شاہین آفریدی کو بھی پویلین کی راہ دکھائی۔

    سولہواں اوور لاہور کی ٹیم کے لیے اچھا ثابت نہ ہوا، لیگ اسپینر عمران طاہر نے سہیل اختر کو پہلی بال پر کلین بولڈ کیا جبکہ اگلی ہی بال پر عامر یامین بھی آؤٹ ہوکر پویلین روانہ ہوئے۔

    لاہور کی ٹیم نے گیارویں اوور کی پہلی بال پر مجموعی اسکور کی سنچری مکمل کی، جبکہ ایک اوور بعد ہی پولارڈ کی گیند کو باؤنڈری کے باہر پھینکنے کے چکر میں عمر اکمل 31 کے انفرادی جبکہ 105 کے مجموعی اسکور پر پویلین روانہ ہوئے، 15 اوورز کے اختتام پر قلندرز کی ٹیم کا مجموعی اسکور 4 وکٹ کے نقصان پر 132 تک پہنچا۔

    فخر زمان ایک رن کے فرق سے اپنی ففٹی مکمل نہ کرسکے اور آؤٹ‌ ہوکر پویلین لوٹے

    قلندرز کے اوپنز فخر زمان اور عمر اکمل نے جارحانہ بیٹنگ کا مظاہرہ کرتے ہوئے 10 اوورز کے اختتام پر ٹیم کا مجموعی اسکور 91 تک پہنچایا جبکہ کپتان میکولم بغیر کھاتہ کھولے پویلین لوٹے۔

    ہدف کے تعاقب میں لاہور قلندرز کی جانب سے بیٹنگ کا آغاز فخر زمان اور سنیل نارائن نے کیا، میکولم کی ٹیم کو اچھا آغاز نہ مل سکا اور نارائن تیسرے اوور میں 32 کے مجموعی جبکہ 26 کے انفرادی اسکور پر آؤٹ ہوکر پویلین لوٹے۔

    ملتان سلطانز بیٹنگ خلاصہ

    ملتان سلطان کی ٹیم نے آخری پانچ اوورز میں جارحانہ کھیل کا مظاہرہ کرتے ہوئے 5 وکٹوں کے نقصان پر 179 رنز اسکور کیے، کمار سنگاکارا 44 گیندوں پر 63 رنز بنا کر نمایاں بلے باز رہے۔

    کمار سنگاکارا کامیاب اننگز کھیل کر آؤٹ ہوئے

    گیارہویں اوور کی پہلی بال پر اوپنر احمد شہزاد 33 گیندوں پر 38 رنز کی اننگز کھیل کر پویلین لوٹے یوں سلطانز کی ٹیم کو 88 کے مجموعی اسکور پر پہلے نقصان کا سامنا کرنا پڑا، نئے آنے والے بیٹسمین صہیب مقصود زیادہ دیر وکٹ پر ٹک نہ سکے انہوں نے صرف 4 رنز بنائے اور پویلین لوٹ گئے، پندرہویں اوور کے اختتام پر سلطانز کی ٹیم نے دو وکٹوں کے نقصان پر 127 رنز بنائے۔

    کمار سنگاکارا نے دوسرے میچ میں دوسری نصف سنچری اسکور کی، انہوں نے 36 گیندوں کا سامنا کرتے ہوئے اپنی دوسری ففٹی بنائی۔

    سلطانز کی ٹیم نے محتاط اور جارحانہ انداز میں بیٹنگ کی اور دسویں اوور کے اختتام پر بغیر کیس نقصان کے 88 رنز بنائے، سنگاکارا 39 اور احمد شہزاد 38 کے ساتھ ناٹ آؤٹ رہے۔

    پانچ اوور کے اختتام پر سلطانز کی ٹیم نے بغیر کسی نقصان نے 46 رنز بنائے، کمار سنگاکارا 19 اور احمد شہزاد 21 رنز کے ساتھ ناٹ آؤٹ رہے۔

    ملتان سلطانز کی پہلی نصف سنچری

    سلطانز کی جانب سے اننگز کا آغاز کمار سنگاکارا اور احمد شہزاد نے کیا جبکہ رضا حسن نے پہلا اوور کیا، پہلے اوور میں شعیب الیون نے بغیر کسی نقصان کے 4 رنز بنائے۔

    اسکواڈ

    اس سے قبل کھیلے جانے والے میچ میں کراچی کنگز کی ٹیم نے تینوں فارمیٹ (باؤلنگ، بیٹنگ اور فیلڈنگ) میں شاندار کارکردگی کا مظاہرہ کرتے ہوئے دفاعی چیمئن کوئٹہ گلیڈی ایٹرز کو 19 رنز سے شکست دی۔

    واضح رہے کہ گزشتہ روز ملتان سلطانز کی ٹیم نے پی ایس ایل کے پہلے میچ میں دفاعی چیمئن پشاور زلمی کو پہلے ہی میچ میں 7 وکٹوں سے شکست دے کر ایونٹ میں اچھا آغاز کیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کراچی کا لالا، سب سے نرالہ، شاندار کیچ کے بعد لاجواب انٹرویو

    کراچی کا لالا، سب سے نرالہ، شاندار کیچ کے بعد لاجواب انٹرویو

    دبئی: کراچی کنگز کے صدر شاہد خان آفریدی نے کوئٹہ گلیڈی ایٹرز کے خلاف کھیلے جانے والے میچ میں باؤنڈری لائن کے بالکل قریب شاندار کیچ پکڑ ا جو میچ کا ٹرننگ پوائنٹ ثابت ہوا، لالا کا شاندار کیچ دیکھ کر اُن کے مداح حیران رہ گئے۔

    تفصیلات کے مطابق دبئی اسٹیڈیم میں پی ایس ایل کے تیسرے سیزن کی رنگینیاں عروج پر ہیں، دیارِ غیر میں بسنے والے پاکستانیوں نے اسٹیڈیم کا رخ کیا تو ان کے پسندیدہ کھلاڑی شاہد آفریدی کے باؤنڈری لائن پر ناقابل یقین کیچ پکڑ کر مداحوں کے ٹکٹ کا مزہ دوبالا کردیا۔

    واضح رہے کہ کراچی کنگز کی ٹیم نے اپنے پہلے میچ میں کوئٹہ گلیڈی ایٹرز کو 19 رنز سے شکست دے کر معرکہ اپنے نام کیا، باؤلنگ، فیلڈنگ یا پھر بیٹنگ نوجوان کپتان عماد وسیم کی قیادت میں اترنے والی ٹیم ہر فارمیٹ پر کھری اترتی نظر آئی۔

    شاہد خان آفریدی نے گلیڈی ایٹرز کے نمایاں اسکور کرنے والے بلے باز عمر یامین کا باؤنڈری پر کیچ اُس وقت لیا جب میچ دوطرفہ چل رہا تھا، لالا کی اس کاوش نے مقابلے کا پانسا ہی پلٹ دیا۔

    عمر یامین 31 رنز بنانے والے کوئٹہ گلیڈی ایٹر کے واحد نمایاں بلے باز تھے کہ انہوں نے محمد عرفان کی بال کو باؤنڈری کے باہر پھینکنے کی کوشش کی، جاندار شارٹ دیکھ کر شائقین کا اندازہ تھا کہ بال سیدھی باؤنڈری لائن کے باہر جائے گی اور گلیڈی ایٹرز کو 6 رنز مل جائیں گے مگر اسی دوران شاہین کی طرح آفریدی بال پر جھنپٹے اور انہوں نے شاندار کیچ پکڑ کر سب کو ورطہ حیرت میں ڈال دیا۔

    انٹرنیشنل کرکٹ سے ریٹائرمنٹ کے باوجود آفریدی کو اس قدر فٹ اور متحرک دیکھ کر نہ صرف مداح حیران ہوئے بلکہ کمنٹری باکس میں بیٹھے مایہ ناز کرکٹر اور دنیا بھر میں پی ایس ایل دیکھنے والے لوگ بھی داد دیے بغیر نہ رہ سکے۔

    شاندار کیچ پکڑے کے بعد آفریدی نے اسٹیڈیم میں گفتگو کرتے ہوئے کہا کہ اچھا کیچ پکڑنے کی خواہش تھی اس لیے باؤنڈری لائن کے قریب آکر کھڑا ہوا، گیند ہوا میں تھی تو نظریں اُسی پر ٹکائے رکھیں اور کامیابی سے گیند کا جا لیا۔

    اُن کا کہنا تھا کہ فٹنس کے بغیر اچھی فیلڈنگ ممکن نہیں ہے، امید کرتا ہوں یہ سیزن اچھا رہے گا کیونکہ کراچی کنگز کی ٹیم میں تمام خصوصیات موجود ہیں۔

    پاکستان سپر لیگ کے آفیشل ٹویٹر اکاؤنٹ نے آفریدی کے کیچ کو سیزن کا اب تک کا بہترین کیچ قرار دیا ہے، دوسری جانب لالا کہ مداحوں نے بھی اپنے پسندیدہ کھلاڑی کی شاندار فیلڈنگ پر خوب تعریف کی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی کنگز پہلے معرکے کی فاتح، کوئٹہ گلیڈی ایٹرز کو شکست

    کراچی کنگز پہلے معرکے کی فاتح، کوئٹہ گلیڈی ایٹرز کو شکست

    دبئی: پاکستان سپر لیگ کے تیسرے سیزن کے اہم میچ میں کراچی کنگز نے شاندار بیٹنگ ، باؤلنگ اور فیلڈنگ کے باعث گلیڈی ایٹرز کو پہلے میچ میں 19 رنز سے شکست دے دی۔

    تفصیلات کے مطابق پاکستان سپر لیگ کے تیسرے ایڈیشن کے دوسرے میچ میں کراچی کنگز اور کوئٹہ گلیڈی ایٹرز کی ٹیمیں مد مقابل تھیں، کراچی کنگز کی کپتانی عماد وسیم جبکہ سرفراز احمد نے کوئٹہ گلیڈی ایٹرز کی قیادت کی۔

    عماد وسیم نے پہلے ٹاس جیت کر بیٹنگ کا فیصلہ کیا، کراچی کنگز نے کولن انگرام اور خرم منظور کی شاندار اننگز کی بدولت پہلے بیٹنگ کرتے ہوئے کوئٹہ گلیڈی ایٹرز کو جیت کے لیے 150 رنز کا ہدف دیا۔

    ہدف کے تعاقب میں کوئٹہ کی ٹیم کا کوئی بھی کھلاڑی کراچی کے باؤلرز کے آگے زیادہ دیر تک ٹک نہیں پایا، شاہد آفریدی نے سرفراز الیون کے سب سے نمایاں اسکورر عمر امین کا باؤنڈری پر ناقابل یقین کیچ پکڑا۔

    گلیڈی ایٹرز کی جانب سے عمر امین 31 ، محمد نواز 30 جبکہ روسو 18 رنز بناکر نمایاں بلے باز رہے جبکہ کراچی کنگز کے عماد وسیم، ٹی ملز اور محمد عرفان نے 2 ، 2 کھلاڑیوں کو پویلین کی راہ دکھائی۔

    اسکور کارڈ

    کوئٹہ گلیڈی ایٹرز اننگز خلاصہ

    بیسویں اوور میں گلیڈی ایٹرز کی ٹیم نے 8 رنز ضرور حاصل کیے مگر وہ کسی کام نہ آسکے، دو گیندوں قبل سرفراز الیون کے 9ویں کھلاڑی بھی پویلین لوٹے جس کے بعد کراچی کنگز نے 19 رنز سے فتح اپنے نام کی۔

    انیسویں اوور میں کراچی کنگز کو ایک اور وکٹ ملی جس کے بعد جیت کی راہ مزید ہموار ہوئی، اوور اختتام پر گلیڈی ایٹرز نے 8 وکٹوں کے نقصان پر 122 رنز بنائے۔

    اٹھارواں اوور کی دوسری بال پر گلیڈی ایٹرز کے بیٹسمین محمد نواز کیچ آؤٹ ہوکر پویلین لوٹے، اس طرح سرفراز الیون کو ساتویں کھلاڑی کے نقصان کا سامنا کرنا پڑا، اوور اختتام پر ٹیم کا اسکور 118 تک پہنچا۔

    سولہویں اوور میں سرفراز الیون کے مجموعی اسکور میں 10 رنز کا اضافہ ہوا جس کے بعد مجموعی اسکور 6 وکٹوں کے نقصان پر 107 تک پہنچا جبکہ 17ویں اوور میں صرف 6 رنز کا اضافہ ہوا۔

    پندرہویں اوور میں گلیڈی ایٹرز نے مجموعی اسکور 6 وکٹوں کے نقصان پر 97 تک پہنچایا۔

    تیرہویں اوور کی تیسری بال پر شاہد آفریدی نے بالکل باؤنڈری لائن کے قریب عمر امین کا شاندار کیچ لے کر انہیں پویلین کی راہ دکھائی، عمر امین نے 31 گیندوں کا سامنا کرتے ہوئے 31 رنز بنائے، اوور اختتام پر سرفراز الیون کا مجموعی اسکور 6 وکٹوں کے نقصان پر 74 تک پہنچا۔

    شاہد آفریدی کی شاندار فیلڈنگ

    بارہواں اوور کراچی کنگز کے لیے مثبت ثابت ہوا کیونکہ گلیڈی ایٹرز کے کپتان سرفراز احمد آفریدی کی گیند کو نہ سمجھ سکے اور ایل بی ڈبلیو ہوکر 7 رنز کے بعد پویلین روانہ ہوئے، اوور اختتام پر سرفراز الیون کا اسکور 5 وکٹوں کے نقصان پر 67 تک پہنچا۔

    گیارہویں اوور میں ٹیم کا مجموعی اسکور 58 تک پہنچا۔

    دسویں اوور میں صرف پانچ رنز کا اضافہ ہوا۔

    سرفراز احمد اور عمر امین نے شاہد آفریدی کے نویں اوور کو محتاط انداز میں کھیلا اور 7 رنز حاصل کیے، اوور اختتام پر گلیڈی ایٹرز کا مجموعی اسکور چار وکٹوں کے نقصان پر 53 تک پہنچا۔

    عماد وسیم نے اننگزکا نواں اوور کروایا جس میں روسو گیند کو باؤنڈری کے باہر پھینکنے کے چکر میں کیچ آؤٹ ہوکر پویلین لوٹے، روسو نے ایک چھکے اور ایک چوکے کی مدد سے 19 گیندوں پر 18 رنز بنائے، اوور اختتام پر گلیڈی ایٹرز کا مجموعی اسکور چار وکٹوں کے نقصان پر 46 تک پہنچا۔

    شاہد آفریدی نے اپنا پہلا اور اننگز کا آٹھواں اوور کروایا جس میں گلیڈی ایٹرز کی ٹیم صرف ایک رن ہی لے سکی، اوور اختتام پر سرفراز الیون کا مجموعی اسکور تین وکٹوں کے نقصان پر 41 تک پہنچا۔

    ساتویں اوور میں گلیڈی ایٹرز کے بلے باز روسو کے چھکے اور عمر امین کے چوکے کی بدولت ٹیم کا مجموعی اسکور 40 تک پہنچا۔

    چھٹے اوور میں ایک چوکے کی مدد سے گلیڈی ایٹرز نے مجموعی اسکور تین وکٹوں کے نقصان پر 26 تک پہنچایا۔

    پانچویں اوور کی پہلی ہی بال پر پیٹریسن بغیر کھاتہ کھولے پہلی ہی بال پر ملز کا نشانہ بنے اور کیچ دے کر پویلین لوٹے، اوور اختتام پر گلیڈی ایٹرز کا مجموعی اسکور تین وکٹوں کے نقصان پر 22 تک پہنچا۔

    چوتھے اوور میں چار رن اضافے کے بعد مجموعی اسکور 15 تک پہنچا۔

    تیسرا اوور عماد وسیم نے کروایا جس کی پہلی ہی گیند کو باؤنڈری سے باہر پھینکنے کی کوشش میں اسد شفیق ہاتھوں میں کیچ دے کر پویلین روانہ ہوئے، اوپنر بلے باز نے 6 گیندوں پر 2 رنز بنائے، اوور اختتام پر سرفراز الیون کا مجموعی اسکور 2 کھلاڑیوں کے نقصان پر 11 تک پہنچا۔

    کراچی کنگز کے لیے محمد عامر کا پہلا اور اننگز کا دوسرا اوور مؤثر ثابت ہوا کیونکہ چوتھی گیند پر شین واٹسن رن لینے کی ناکام کوشش میں محمد رضوان کے ہاتھوں رن آؤٹ ہوکر پویلین روانہ ہوئے، واٹسن نے 6 گیندوں کا سامنا کرتے ہوئے صرف ایک رن بنایا۔

    سرفراز الیون کی جانب سے اننگز کا آغاز اسد شفیق اور شین واٹسن نے کیا جبکہ کراچی کنگز کے کپتان عماد وسیم نے پہلا اوور کروایا، اوور اختتام پر مجموعی اسکور بغیر کسی نقصان کے 3 رنز تک پہنچا۔

    کراچی کنگز اننگز خلاصہ

    اننگز خلاصہ

    کراچی کنگز نے مقررہ 20 اوورز میں پہلے بیٹنگ کرتے ہوئے کوئٹہ گلیڈی ایٹرز کو جیت کیلئے150 رنزکاہدف دیا، کولن انگرام 41 ، خرم منظور 35 اور روی بوپارا 24 رنز بنا کر نمایاں بلے باز رہے۔

    اننگز کا آخری اور بیسواں اوور کراچی کنگز کے لیے مؤثر ثابت نہ ہوا، شاہد خان آفریدی شین واٹس کی بال پر کلین بولڈ ہوئے جبکہ اگلی ہی بال پر محمد عرفان بھی آؤٹ ہوکر پویلین لوٹے اور پھر محمد رضوان بھی آؤٹ ہوئے، اوور اختتام پر 9 وکٹوں کے نقصان پر کراچی کنگ نے 149 رنز بنائے۔

    انسویں اوور کی چوتھی بال پر عماد وسیم 2 رنز بناکر پویلین روانہ ہوئے، یوں کراچی کنگز کا اوور اختتام پر مجموعی اسکور 6 وکٹوں کے نقصان پر 140 تک پہنچا۔

    اٹھارویں اوور کی تیسری بال پر روی بھوپارا 19 گیندوں پر 25 رنز بناکر پویلین لوٹے، اوور میں صرف چار رنز کا اضافہ ہوا جس کے بعد مجموعی اسکور 5 وکٹوں کے نقصان پر 135 تک پہنچا۔

    سترہویں اوور کی چوتھی بال پر انگرام کیچ آؤٹ ہوکر پویلین لوٹے، اوور اختتام پر ٹیم کا مجموعی اسکور چار وکٹوں کے نقصان پر 131 تک پہنچا۔

    سولہویں اوور میں دو چوکوں کی مدد سے ٹیم کا مجموعی اسکور تین کھلاڑیوں کے نقصان پر 122 رنز تک پہنچا۔

    پندرہویں اوور میں ایک چھکے اور دو چوکوں کی مدد سے مجموعی اسکور 111 تک پہنچا، روی بھوپارا اور کولن انگرام نے جارحانہ بیٹنگ کی۔

    چودہویں اوور میں صرف تین رنز بن سکے، مجموعی اسکور تین وکٹوں کے نقصان پر 93 تک پہنچا۔

    تیرہویں اوور کی دوسری بال پر خرم منظور 39 گیندوں پر 35 رنز بنا کر پویلین لوٹے، اوور اختتام پر مجموعی اسکور تین وکٹوں کے نقصان پر 90 تک پہنچا۔

    بارہویں اوور میں ٹیم کا مجموعی اسکور 2 وکٹوں کے نقصان پر 81 تک پہنچا۔

    گیارہوں اوور میں ایک چھکے اور ایک چوکے کی مدد سے ٹیم کا مجموعی اسکور تک پہنچا۔

    دسویں اوور میں کراچی کنگز کے بلے باز خرم منظور اور کولن انگرام کریز پر موجود رہے، اوور اختتام پر ٹیم کا مجموعی اسکور 2 کھلاڑیوں کے نقصان پر 60 تک پہنچا۔

    نویں اوور میں راحت علی کی بال پر بابر اعظم 12 گیندوں پر 10 رنز بناکر آؤٹ ہوئے۔

    پانچواں اوور: شین واٹسن

    0-4-w-0-0-1

    شین واٹسن نے ڈینلی کو رن آؤٹ کیا، انہوں نے 14 گیندوں کا سامنا کرتے ہوئے 1 چوکے کی مدد سے 14 ہی رن بنائے۔

    چوتھا اوور: محمد نواز

    1,1,0,1,1,1

    تیسرا اوور: شین واسٹن

    1.1.0.2.1.1

    دوسرا اوور: جوفرا

    1LB,1,4,2,1,4,

    پہلا اوور: انور علی

    1,4B,0,0,0,1,0

    کوئٹہ گلیڈی ایٹرز سے کراچی کنگز پاکستان سپر لیگ کا اپنا پہلا میچ کھیلے گی۔ ٹیم کراچی کنگز فاتحانہ آغاز کے لیے پرعزم ہے۔ پی ایس ایل سیزن تھری کی فیورٹ دلوں کے بادشاہ کراچی کنگز کی یہ پہلی آزمائش ہے۔

    مزید پڑھیں: پی ایس ایل کی افتتاحی تقریب

    کراچی کنگز کوئٹہ گلیڈی ایٹرز سے صف آرا ہونے کے لیے مکمل تیار ہیں۔ بیٹنگ، بولنگ اور فیلڈنگ کا شعبہ مضبوط ہوگیا اس حوالے سے ٹیم ڈائریکٹر راشد لطیف کا کہنا ہے کہ کراچی کنگز کا کامبینیشن مضبوط ہے۔

    یاد رہے کہ سرفراز احمد کی کپتانی میں کوئٹہ گلیڈی ایٹرز مسلسل دو بار ایونٹ کی رنراپ ٹیم رہ چکی ہے۔ کوئٹہ گلیڈی ایٹرز آسان حریف نہیں ہیں، دونوں ٹیموں کے درمیان دبئی کرکٹ اسٹیڈیم میں گھمسان کا رن پڑنے جارہا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 3: ملتان سلطانز نے پشاور زلمی کو 7 وکٹوں سے ہرا دیا

    پی ایس ایل 3: ملتان سلطانز نے پشاور زلمی کو 7 وکٹوں سے ہرا دیا

    دبئی: پاکستان سپر لیگ کے پہلے میچ میں ملتان سلطانز نے دفاعی چیمپین پشاور زلمی کو سات وکٹوں سے شکست دے دی، پشاور زلمی نے جیت کے لیے 152 رنز کا ہدف دیا تھا جسے ملتان سلطانز نے 3 وکٹوں کے نقصان پر19.1 اوورمیں باآسانی حاصل کرلیا۔

    تفصیلات کے مطابق دبئی اسٹیڈیم میں کھیلے جانے والے پہلے میچ میں ملتان سلطانز اور پشاور زلمی کی ٹیموں کے مابین مقابلہ ہوا، ملتان سلطانز کی قیادت شعیب ملک جبکہ پشاور زلمی کی کپتانی ڈیرن سیمی کررہے تھے۔ ملک الیون نےٹاس جیت کر پہلے فیلڈنگ کروانے کا فیصلہ کیا۔

    ملتان سلطانز کو جیت کے لیے 152 رنز کا ہدف ملا تھا، جسے ملتان سلطانز نے 19.1 اوور میں تین وکٹوں پر پورا کرلیا، کمار سنگا کارا  57 رنزبنا کر اور شعیب ملک 42رنز بنا کرنمایاں رہے، جس میں دونوں کے دو دو شاندار چھکے بھی شامل ہیں۔

    مین آف دی میچ کا اعزاز ملتان سلطانز کے اوپنر کمار سنگا کارا کے نام رہا۔

    ملتان سلطانز خلاصہ

    کھیل کے بیسویں اوور کی پہلی بال پرشعیب ملک نے شاندار چھکا لگا کرہدف حاصل کرلیا، ملتان سلطانز نے یہ میچ تین وکٹوں کے نقصان پرسات وکٹوں سے جیت لیا۔

    پندرہویں اوور کی پانچویں بال پر وہاب ریاض نے ملتان سلطان کے اوپنر کمار سنگا کارا کو 57رنز پر آؤٹ کردیا۔ نئے آنے والے کھلاڑی پولارڈ ہیں۔

    9 اوورز کا کھیل مکمل ہونے پر ملتان سلطانز نے 2 وکٹوں کے نقصان پر 57 رنز اسکور کیے، اوور اختتام پر کمار سنگاکارا 28 اور شعیب ملک 1 رن کے ساتھ ناٹ آؤٹ رہے۔

    ملک الیون کی اوپننگ دوسرے ہی اوور میں لڑکھڑا گئی اور احمد شہزاد بغیر کھاتہ کھولے وہاب ریاض کی گیند پر کیچ آؤٹ ہوئے۔

    ملتان سلطانز نے ہدف کے تعاقب میں بیٹنگ کا آغاز کیا تو کمار سنگاکارا اور احمد شہزاد وکٹ پر آئے جبکہ پہلا زلمی کے باؤلر کرس جورڈن نے پہلا اوور کروایا جس میں بغیر کسی وکٹ کے نقصان کے 6 رنز بنے۔

    اننگز خلاصہ پشاور زلمی

    پشاور زلمی کے بلے باز محمد حفیظ 59 اور ڈیرن سیمی 29 رنز بنا کر نمایاں بلے باز رہے جبکہ سلطانز کے باؤلر محمد عرفان 2 کھلاڑیوں کو آؤٹ کر کے نمایاں باؤلر رہے جبکہ جنید خان، سہیل تنویر، عمران طاہر اور ہارڈوس نے ایک ایک وکٹ حاصل کی۔

    16 ویں اوور میں حارث سہیل 14 رنز بنا کر آؤٹ ہوئے جبکہ محمد حفیظ نے 17 ویں اوور میں 52 گیندوں پر نصف سنچری مکمل کی اور وہ اگلے ہی اوور میں 59 کے انفرادی اسکور پر پویلین لوٹے، آخری کے دو اوورز میں پشاور زلمی کے کپتان ڈیرن سیمی نے جارحانہ بیٹنگ کا مظاہرہ کیا اور اسکور 152 تک پہنچایا۔

    ڈیرن سیمی 20 اوور کی پانچویں بال پر سہیل تنویر کی گیند پر کیچ آؤٹ ہوئے انہوں نے 11 گیندوں پر 3 چھکوں اور 2 چوکوں کی مدد سے 29 رنز بنائے، حماد اعظم 3 اور کرس جورڈن 1 رن کے ساتھ ناٹ آؤٹ رہے۔

    نئے آنے والے کھلاڑی محمد حفیظ اور حارث سہیل نے محتاط انداز میں بیٹنگ کرتے ہوئے 15 اوورز کے اختتام پر مجموعی اسکور تین وکٹوں کے نقصان 100 رنز تک پہنچایا۔

    دس اوورز کے اختتام پر پشاور زلمی نے 3 وکٹوں کے نقصان پر 57 رنز اسکور کیے، تیسرے آؤٹ ہونے والے کھلاڑی اسمتھ تھے جو عمران طاہر کی گیند پر باؤنڈری کے قریب 24 کے انفرادی اسکور پر کیچ آؤٹ ہوئے، 10 اوورز کے اختتام پر زلمی کا مجموعی اسکور 57 تک پہنچا۔

    پانچ اوور کے اختتام پر پشاور زلمی نے 2 وکٹوں کے نقصان پر 26 رنز اسکور کیے، پہلے آؤٹ ہونے والے کھلاڑی کامران اکمل تھے جو بغیر کھاتہ کھولے محمد عرفان کا شکار بنے جبکہ تمیم اقبال بھی عرفان کی بال سمجھنے سے قاصر رہے اور 11 کے انفرادی اسکور پر پویلین لوٹے۔

    پشاور زلمی کی جانب سے بیٹنگ کا آغاز تمیم اقبال اور کامران اکمل نے کیا جبکہ سہیل تنویر نے سلطانز کی طرف سے پہلا اوور کروایا، ملک الیون کے اوپنر زیادہ دیر تک وکٹ پر ٹک نہ سکے۔

    اسکواڈ پشاور زلمی

    اسکواڈ ملتان سلطانز

    ٹاس کے بعد گفتگو کرتے ہوئے اُن کا کہنا تھا کہ لیگ میں ہماری فرنچائز نئی ضرور ہے مگر ہمارے پاس سارے تجربے کار کھلاڑی موجود ہیں اس لیے جلد ساری ٹیم ایکشن میں نظر آئے گی۔

    شعیب ملک نے بتایا کہ ملتان سلطانز میں چار غیر ملکی کھلاڑی عمران طاہر، کمار سنگارا، پولارڈ اور ہرڈس ولجوئن شامل ہیں۔

    پشاور زلمی کے کپتان ڈیرن سیمی نے کہا کہ ہم ٹاس جیت کر پہلے باؤلنگ کرتے تاہم اب جو صورتحال سامنے آئی اُس کے لیے بھی مکمل طور پر تیار ہیں، ابتدائی 6 اوورز ہمارے لیے اہم ہیں۔

  • پی ایس ایل کی افتتاحی تقریب، سروں کے رنگ، شاندار آتشبازی کے سنگ

    پی ایس ایل کی افتتاحی تقریب، سروں کے رنگ، شاندار آتشبازی کے سنگ

    دبئی: پاکستان سپر لیگ کے تیسرے ایڈیشن کی رنگا رنگ افتتاحی تقریب کا آغاز قومی ترانے کے ساتھ ہوا، ہزاروں پاکستانی و مقامی شائقینِ کرکٹ نے شرکت کی، پی سی بی چیئرمین نے کہا کہ انشاء اللہ فائنل کراچی میں ہوگا، پی ایس ایل پوری قوم کا اثاثہ ہے، مستقبل قریب میں لیگ کے تمام میچز پاکستان کے مختلف شہروں میں ہوں گے۔

    تفصیلات کے مطابق پی ایس ایل کے تیسرے ایڈیشن کی رنگا رنگ افتتاحی تقریب کا باقاعدہ آغاز قومی ترانے کے ساتھ کیا گیا، اسٹیڈیم میں موجود ہزاروں شائقین ’پاک سرزمین شاد باد‘ سنتے ہی احترام میں اپنی نشستوں سے کھڑے ہوئے۔

    سچل اورکیسٹرا بینڈ نے عمدہ طریقے سے پاکستان کا ملی نغمہ پرفارم کیا، بعد ازاں علی ظفر نے فضاء میں اڑتے ہوئے شاندار پرفارمنس پیش کی جبکہ بلال اشرف اور حریم فاروق نے ہوسٹنگ کے فرائض انجام دیے۔


    بعد ازاں رمیز راجہ نے مائیک سنبھالا اور پی ایس ایل کی تمام ٹیموں کو مدعو کیا اور تمام کپتانوں نے مختصر گفتگو بھی کی۔

    بین القوامی شہرت یافتہ صوفی گلوکارہ عابدہ پروین نے اپنی پرفارمنس کے ذریعے سماں باندھا، پاکستانی اور غیر ملکی سب ہی اُن کے سروں پر جھومتے نظر آئے۔

    پاکستان کرکٹ بورڈ کے چیئرمین نجم سیٹھی نے اپنے خیالات کا اظہار کرتے ہوئے کہا کہ پی ایس ایل سیزن 3 دبئی میں پیش کررہے ہیں جس کی بہت خوشی ہے، انشاء اللہ فائنل کراچی میں ہوگا۔

    اُن کا کہنا تھا کہ خوشخبری یہ ہے کہ آج تمام 10 ہزار ٹکٹ فروخت ہوگئے مگر ٹریفک کی وجہ سے لوگ اسٹیڈیم نہیں پہنچ سکے تاہم جیسے جیسے وقت گزرے گا اسٹیڈیم میں رش نظر آئے گا۔

    نجم سیٹھی کا کہنا تھا کہ پی ایس ایل ساری قوم کا اثاثہ ہے لہذا اسے سیاست دے دور رکھا جائے، وہ وقت دور نہیں جب پاکستان سپر لیگ کے میچز پاکستان کے مختلف شہروں میں منعقد کیے جائیں گے۔

    علی ظفر ، شہزاد رائے اور جیسن ڈرولو نے شاندار پرفارمنس دی بعد ازاں شاندار آتش بازی کا مظاہرہ کیا گیا جس کے باعث آسمان رنگ برنگی روشنیوں سے بھرا نظر آیا۔

    عابدہ پروین کی پرفارمنس

    پی ایس ایل کی افتتاحی تقریب کا وقت جیسے جیسے قریب آرہا تھا شائقین کرکٹ کی دلوں کی دھڑکنیں تیز ہورہی تھیں کیونکہ اس لیگ کے لیے انہوں نے سارا سال انتظار کیا، افتتاحی تقریب میں معروف بھارتی کامیڈین اور اینکر کپل شرما بھی شریک ہوئے۔

    افتتاحی تقریب کے بعد پہلا میچ پشاور زلمی اور ملتان سلطانز کے مابین دبئی اسٹیڈیم میں کھیلا جائے گا۔

    مزید پڑھیں: پی ایس ایل بھی صوفیوں ہی کی طرح محبت بانٹے گا: عابدہ پروین

    گزشتہ روز فنکاروں کے ہمراہ پریس کانفرنس کرتے ہوئے پاکستان کرکٹ بورڈ کے چیئرمین نجم سیٹھی کا کہنا تھا کہ پی ایس ایل کی افتتاحی تقریب میں عابدہ پروین اپنی آواز کا جادو جگائیں گی جنہیں سُن کر نہ صرف پاکستانی بلکہ غیر ملکی بھی جھوم اٹھتے ہیں۔

    پی سی بی کے چیئرمین کا کہنا تھا کہ پی ایس ایل کے تیسرے سیزن کی افتتاحی تقریب کو شائقین کرکٹ مدتوں یاد رکھیں گے کیونکہ اس بار بہت کچھ منفرد ہونے جارہا ہے۔

    دلوں کے بادشاہ کراچی کنگز کی آمد

    یاد رہے کہ پی ایس ایل تھری میں‌ چھ ٹیمیں‌ مدمقابل ہوں گی، ٹرافی حاصل کرنے کے لیے کراچی کنگز، لاہور قلندرز، اسلام آباد یونائیٹڈز، ملتان سلطانز، کوئٹہ گلیڈی ایٹرز اور پشاور زلمی کی ٹیمیں ٹکرائیں‌ گی. یہ ٹورنامنٹ 24دنوں پر محیط ہے، جس میں 34 سنسنی خیز مقابلے ہوں گے۔

    یہ بھی پڑھیں: انشاء اللہ!! کراچی کنگز پی ایس ایل کی ٹرافی جیتے گی، سلمان اقبال

    خیال رہے کہ پی ایس ایل میں کراچی کنگز، لاہور قلندرز، کوئٹہ گلیڈی ایٹرز، اسلام آباد یونائیٹڈ اور پشاور زلمی کی ٹیمیں تھیں تاہم تیسرے سیزن میں ایک ملتان سلطان کی چھٹی ٹیم کو بھی شامل کیا گیا ہے۔

    دریں اثناء پہلے دو سیزن میں ٹوٹل 24 میچز منعقد کیے گئے تھے تاہم تیسرے سیزن میں مقابلوں کی تعداد بڑھا کر 34 کردی گئی ہے، ابتدائی دو سیزن کے میچ دبئی میں منعقد کیے گئے تھے جبکہ فائنل لاہور کے قذافی اسٹیڈیم میں کھیلا گیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل بھی صوفیوں ہی کی طرح محبت بانٹے گا: عابدہ پروین

    پی ایس ایل بھی صوفیوں ہی کی طرح محبت بانٹے گا: عابدہ پروین

    دبئی: بین الاقوامی شہرت یافتہ صوفی سنگر عابدہ پروین نے کہا ہے کہ صوفیوں‌ کا پیغام محبت بانٹنا ہے، کرکٹ اور پی ایس ایل بھی محبت بانٹنے کا ذریعہ ہے.

    تفصیلات کے مطابق ممتاز گلوکارہ عابدہ پروین نے اے آر وائی سے خصوصی گفتگو کرتے ہوئے کہا کہ کھیلوں اور جشن کا مقصد محبت پھیلانا ہے.

    ان کا کہنا تھا کہ معاشرے میں ایسی نسبت اور تعلق ضروری ہے، جو فاصلوں اور دراڑوں کو ختم کرے. سب سے بڑا کام لوگوں‌کے دلوں میں‌ جگہ بنانا ہے اور پی ایس ایل کا یہ سیزن یہ کام بڑے اہتمام کے ساتھ کرے گا.

    صوفی سنگر کا کہنا تھا کہ اللہ تعالیٰ نے خود کو یاد رکھنے کا جو طریقہ وضع کیا ہے، وہ لوگوں کو قریب لاتا ہے، ایک دوسرے کی مدد کی تحریک دیتا ہے، یہ طریقہ ایک طرح کا جشن ہے.

    عابدہ پروین نے کہا کہ اے آر وائی نے لوگوں کو قریب لانے کا بڑا کام کیا ہے. کراچی کنگز کے مالک سلمان اقبال میں لوگوں کو قریب لانے، ان کے دلوں میں گھر کرنے کا جذبہ ہے، جس پر میں مبارک باد دیتی ہوں۔ اس سے غم زدہ لوگوں کو خوشیاں ملیں گی۔

    یاد رہے کہ پاکستان سپر لیگ کے تیسرے ایڈیشن کا آغاز آج شام دبئی انٹرنیشنل کرکٹ اسٹیڈیم میں ہونے جارہا ہے، یہ اسٹیڈیم متحدہ عرب امارات میں موجود تین میدانوں میں سے ایک ہے.

    انتظار کی گھڑیاں‌ ختم، پی ایس ایل کا میگا ایونٹ آج شروع ہوگا، دبئی میں‌ میلہ سج گی

    یاد رہے کہ پی ایس ایل تھری میں‌ چھ ٹیمیں‌ مدمقابل ہوں گی، ٹرافی کے لیے کراچی کنگز، لاہور قلندرز، اسلام آباد یونائیٹڈز، ملتان سلطانز، کوئٹہ گلیڈی ایٹرز اور پشاور زلمی ٹکرائیں‌گے. یہ ٹورنامنٹ 24دنوں پر محیط ہے، جس کے دوران 34 سنسنی خیز مقابلے ہوں گے۔

    پی ایس ایل کی افتتاحی تقریب شائقین مدتوں یاد رکھیں گے:نجم سیٹھی

    افتتاحی تقریب میں عابدہ پروین، علی ظفر اور شہراز رائے سمیت مختلف فن کار پرفارم کریں گے۔  چیئرمین نجم سیٹھی نے کہا ہے کہ پی ایس ایل کی افتتاحی تقریب میں فنکاروں کی پرفارمنس کو شائقین کرکٹ مدتوں یاد رکھیں گے.

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔