ARYNews.tv | Urdu – Har Lamha Bakhabar

Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • انتظار کی گھڑیاں‌ختم، پی ایس ایل کا آغاز

    انتظار کی گھڑیاں‌ختم، پی ایس ایل کا آغاز

    دبئی: انتظار کی گھڑیاں ختم ہونے کے ساتھ ہی پاکستان سپر لیگ کی افتتاحی تقریب کا آغاز قومی ترانے کے ساتھ کردیا گیا، اسٹیڈیم میں موجود ہزاروں لوگ افتتاحی تقریب کا حصہ بننے اور خوب لطف اندوز ہوئے۔

    تفصیلات کے مطابق پاکستان سپر لیگ کی افتتاحی تقریب دبئی اسٹیڈیم میں منعقد کی گئی، تقریب کا آغاز پاکستان کے قومی ترانے کے ساتھ کیا گیا، اسٹیڈیم میں موجود لوگوں ترانے کے احترام میں کھڑے ہوئے۔

     اس موقع پر پاکستان کی چاروں صوبوں کی  ثقافت کو روشناس کروانے اور اُن کی اہمیت اجاگر کرنے کے لیے خصوصی پرفارمنس پیش کی گئیں جبکہ مرحوم جنید جمشید کے نغمے دل دل پاکستان کے آتے ہی لوگ جذبات پر قابو نہ رکھ سکے۔

    چیئرمین پاکستان کرکٹ بورڈ شہریار خان نے خطاب کرتے ہوئے کہا کہ ’’افتتاحی تقریب میں لوگوں کی اتنی بڑی تعداد دیکھ کر بہت خوشی ہورہی ہے، پی ایس ایل کا فائنل لاہور میں ہوگا اور ہم دنیا کو یہ ثابت کریں گے کہ پاکستان دنیا کا محفوظ ترین ملک ہے۔

    چیئرمین پی ایس ایل نجم سیٹھی نے کہا کہ آج پاکستان کی آواز پوری دنیا میں دیکھی اور سنی جارہی ہے، شائقین کی حوصلہ افزائی پر اُن کے شکر گزار ہیں دبئی حکومت نے ہماری میزبانی کی اس پر اُن کے بھی شکر گزار ہیں۔

    3

     نجم سیٹھی نے کہا کہ اس بار پی ایس ایل میں پہلے سے زیادہ بڑے اسٹارز شامل ہیں اور ہم لاہور میں فائنل کا انعقاد کر کے دنیا کو یہ پیغام دیں گے کہ پاکستان پرامن ملک ہے اور یہاں کے لوگ کھلاڑیوں سے بہت پیار کرتے ہیں۔

    4

    پاکستانی گلوکار شہزاد رائے نے پی ایس ایل کا آفیشل گانا ’’بلے بلے پیش کر کے حاضرین سے خوب داد وصول کی، علی ظفر اور شیگی نے بھی اپنے فن کا مظاہرہ کر کے لوگوں کو خوب انجوائے کروایا۔

    psl-post-1

    افتتاحی تقریب میں شاندار آتش بازی کی گئی جس کے باعث آسمان پر روشنی بکھر گئی۔

    untitled-4

    واضح رہے کہ گزشتہ روز دبئی میں پریس کانفرنس کرتے ہوئے نجم سیٹھی نے کہا تھا کہ پی ایس ایل کا دوسرا ایڈیشن پہلے سے زیادہ شاندارہوگا، ایونٹ کی تقریب انتہائی شاندار ہوگی ،آتش بازی کے شاندار مظاہرے سمیت چاروں صوبوں کی ثقافت پیش کی جائے گی، پاکستانی کہیں بھی ہوں، پی ایس ایل ان کے لیے خوشی کا موقع ہے۔

    یاد رہے کہ پی ایس ایل دبئی اور شارجہ میں 25 دن تک جاری رہے گی جس میں 24 میچز کھیلے جائیں گے، ان میں دبئی 13 اور شارجہ 10 میچوں کی میزبانی کرے گا۔

    پی ایس ایل کے ایمبسڈر رمیز راجہ نے کہا تھا کہ پی ایس ایل میں سنسنی خیز مقابلے متوقع ہیں، غیرملکی پلیئرز کی لیگ میں شرکت باعث مسرت ہے، اس بار لیگ کی مقبولیت دیکھتے ہوئے نئی چیزیں متعارف کرائی گئی ہیں۔

    1

    2

    یاد رہے کہ پاکستان کرکٹ بورڈ نے اس بار فائنل لاہور میں کرانے کا اعلان کر رکھا ہے۔ فیڈریشن آف انٹرنیشنل کرکٹرز ایسوسی ایشن ( فیکا) نے بین الاقوامی کرکٹرز کو متنبہ کیا تھا کہ وہ فائنل کے لیے لاہور جانے سے گریز کریں تاہم پاکستان کرکٹ بورڈ نے یقین دلایا ہے کہ تمام کھلاڑیوں اورآفیشلز کی سکیورٹی کو یقینی بنانے کے لیے ہر ممکن اقدامات کیے گئے ہیں۔

  • دبئی : پی ایس ایل کا میلہ سجنے میں صرف ایک دن باقی

    دبئی : پی ایس ایل کا میلہ سجنے میں صرف ایک دن باقی

    دبئی : پاکستان سپرلیگ کا انتظار ختم ہونے کو ہے، پی ایس ایل کا رنگا رنگ میلہ صرف ایک دن کی دوری پر ہے۔ میگا ایونٹ کی افتتاحی تقریب 9 فروری کو دبئی میں ہو گی، پی ایس ایل ٹو کا پہلا میچ 9 فروری کو اسلام آباد یونائیٹڈ اور پشاورزلمی کے درمیان کھیلا جائے گا۔

    تفصیلات کے مطابق پاکستان سپرلیگ کا میلہ سجنے میں صرف ایک دن باقی رہ گیا یو اے ای کے صحرا میں چوکوں اور چھکوں کی بارش ہوگی۔ کرس گیل، کیرون پولارڈ سمیت دنیا کے بہترین کرکٹرز ایک جگہ ہوں گے۔

    پاکستان سپرلیگ کے ایڈیشن ٹو کی جوش، جنون اور ایکشن سے بھرپور رنگا رنگ افتتاحی تقریب نو فروری کو دبئی میں ہوگی۔ عالمی شہرت یافتہ ریپر شہگی اورعلی ظفر اپنی آواز کا جادو جگائیں گے۔ افتتاحی تقریب کے بعد پہلا میچ دفاعی چیمپیئن اسلام آباد یونائیٹڈ اور پشاور زلمی کےدرمیان کھیلاجائے گا۔

    یاد رہے کہ پی ایس ایل کی ٹرافی کی تقریب رونمائی کردی گئی، اس موقع پر بہترین بیٹسمین، بولر اور وکٹ کیپر کے لیے بھی ایوارڈز کا اعلان کیا گیا۔

    اعلامیہ کے مطابق ایونٹ میں زیادہ وکٹیں لینے والے بولر کو فضل محمود ٹرافی ملے گی، بہترین بیٹسمین کو حنیف محمد ٹرافی دی جائے گی جبکہ ٹورنامنٹ کے بہترین وکٹ کیپر کا ایوارڈ امتیاز احمد کے نام سے منسوب کر دیا گیا ہے۔

  • پی ایس ایل : کراچی کنگز کے کھلاڑی دبئی پہنچ گئے

    پی ایس ایل : کراچی کنگز کے کھلاڑی دبئی پہنچ گئے

    دبئی : پاکستان سپرلیگ کے دوسرے ایڈیشن میں حصہ لینے کراچی کنگز کے شیر دبئی پہنچ ہوگئے۔ کراچی ائیر پورٹ پر کھلاڑیوں کا شانداراستقبال کیا گیا۔

    تفصیلات کے مطابق کراچی کنگز کے شیروں نے دبئی کے صحراؤں میں انٹری دے دی۔ پی ایس ایل کے دوسرے ایڈیشن کیلئے کراچی کنگز کے شیر ایک ماہ تک یو اے ای میں قیام کریں گے۔ دبئی روانگی سے قبل کراچی ائیرپورٹ پر کراچی کنگز کے کھلاڑیوں کا شاندار استقبال کیاگیا۔

    karachi-kings-post-1

    اس موقع پر شائقین کرکٹ نے اپنے ہیروز کے ساتھ سیلفیاں بھی بنوائیں۔ کراچی کنگز کے مالک سلمان اقبال، ٹیم کے سی ای او طارق وصی اور وی پی آپریشن نوید رشید بھی ٹیم کےساتھ دبئی پہنچے ہیں۔

    karachi-kings-post-2

    روانگی سے قبل صحافیوں سے گفتگو کرتے ہوئے کراچی کنگز کےاسٹار بلے باز بابراعظم نے کہا کہ ہماری ٹیم مضبوط ہے، ٹائٹل جیتنے کی بھرپور کوشش کریں گے۔

    یاد رہے کہ کراچی کنگز کی قیادت کمار سنگا کارا کریں گے جبکہ کرس گیل، روی بوپارہ، بابر اعظم، محمد عامر سمیت کراچی کنگز کی پوری ٹیم نے پی ایس ایل ٹرافی جیتنے کا عزم کیا ہے۔

    پاکستان سپر لیگ کی رنگینیاں ایک ماہ تک جاری رہیں گی۔ کراچی کنگزایونٹ میں اپنا پہلا میچ دس فروری کو پشاور زلمی کے خلاف کھیلے گی۔

  • وزیرا علیٰ سندھ سید مرادعلی شاہ کی کراچی کنگز کی ٹیم سے ملاقات

    وزیرا علیٰ سندھ سید مرادعلی شاہ کی کراچی کنگز کی ٹیم سے ملاقات

    کراچی : وزیرا علیٰ سندھ سید مرادعلی شاہ نے کراچی کنگز کی ٹیم سے ملاقات کی ،اس موقع پر صدر اور سی ای او اے آروائی نیٹ ورک سلمان اقبال، حاجی اقبال بھی موجود تھے۔

    تفصیلات کے مطابق وزیراعلی ٰ سندھ سید مراد علی شاہ نیاناظم آباد کرکٹ گراونڈ پہنچے اور کراچی کنگز کی ٹیم سے ملاقات کی ، اس موقع پر صدر اور سی ای او اے آروائی نیٹ ورک سلمان اقبال، حاجی اقبال جبکہ شعیب ملک سمیت دیگر کھلاڑی بھی موجود تھے۔

    kk2

    kk5

    وزیراعلیٰ سندھ مرادعلی شاہ کا کہنا تھا کہ آج کا دن اسپورٹس اورکرکٹ کے لئے ہے، ہماری نیک تمنائیں کراچی کنگز کیساتھ ہیں، کوشش ہوگی آئندہ پی ایس ایل کافائنل کراچی میں ہو، اپنی ٹیم کو نیشنل اسٹیڈیم لاکر فتحیاب کرائیں گے‌‌‌‌‌‌۔

    kk3

    kk4

    جیت جس کی بھی ہو، کامیابی پاکستان کی ہی ہوگی، کراچی کنگز ہم سب کی ٹیم ہے، سلمان اقبال

    اس موقع پر صدر اور سی ای او اے آروائی نیٹ ورک اور کراچی کنگز کے مالک سلمان اقبال نے کہا کہ پی ایس ایل میگا ایونٹ ہوگا، کراچی کنگز پہلی ٹیم تھی، جو پورے پاکستان میں ابھر کر سامنے آئی، پی ایس ایل میں نوجوان کھلاڑیوں کو بھی شامل کیا گیا ہے، جیت جس کی بھی ہو، کامیابی پاکستان کی ہی ہوگی، کراچی کنگز ہم سب کی ٹیم ہے۔

    عارف حبیب گروپ کے چیئرمین عارف حبیب نے اس موقع پر ٹیم کو مخاطب کرتے ہوئے کہا کہ کرکٹ ایک سنسنی خیز کھیل ہے، جس سے پوری قوم محبت کرتی ہے اور اس سے لطف اندوز ہوتی ہے ہماری نیک تمنائیں اور دعائیں کراچی کنگز کے ساتھ ہیں اور ہمیں امید ہے کہ ٹیم بہتر اور مسابقتی کھیل پیش کرے گی۔

    آج کا ایونٹ کراچی کنگز کی ٹیم کے نام ہے،ہماری نیک خواہشات سلمان اقبال کی ٹیم کے ساتھ ہیں، عارف حبیب

    عارف حبیب نے کہا کہ کراچی کی بہتری کے لئے ہاتھ میں ہاتھ ڈال کر کام کیا جائے، آج کا ایونٹ کراچی کنگز کی ٹیم کے نام کیا ہے، سلمان اقبال نے کراچی کنگز کی بہترین ٹیم تشکیل دی ہے، کراچی کنگز کی ٹیم محنت کرے،اللہ کامیابی دے گا۔

    انھوں نے مزید کہا کہ پی ایس ایل کے انعقاد پرکرکٹ بورڈ کو بھی مبارکباد دیتا ہوں، پی ایس ایل نئے کھلاڑیوں کوانٹرنیشنل پلیئرز کیساتھ کھیلنے کا موقع فراہم کریگی، کراچی کنگز کے ساتھ میرا خصوصی تعلق ہے، ہماری نیک خواہشات سلمان اقبال کی ٹیم کے ساتھ ہیں۔

    kk1

    بعد ازان شہریوں کی جانب سے کراچی کنگز کی ٹیم کے ساتھ سیلفیاں بنوائی۔

  • .کراچی کنگز ٹوئٹر پرنمبرون ٹرینڈ بن گیا

    .کراچی کنگز ٹوئٹر پرنمبرون ٹرینڈ بن گیا

    کراچی: پاکستان سپر لیگ کا میدان سجنے سے قبل سوشل میڈیا پر سب کراچی کنگز کے گن گا رہے ہیں، ٹویٹر پر دلوں کے بادشاہ کا ٹرینڈ چھایا رہا جبکہ فیس بک پر چاہنے والوں نے اپنی ڈی پیز تبدیل کردیں۔

    تفصیلات کے مطابق سوشل میڈیا پر کراچی کے شیروں نے دھوم مچا دی ، گذشتہ رات کراچی کنگز کی افتتاحی تقریب کے بعد ٹوئٹر پر کراچی کنگز ٹاپ ٹرینڈ بن گیا، کرکٹ کا میدان ہی نہیں باہر بھی لوگوں نے بڑی تعداد میں کراچی کنگز کا حوصلہ بڑھایا۔

    کسی نے دلوں کے بادشاہ کے لئے بیسٹ آف لک کا ٹوئٹ کیا تو کسی نے اپنی ساری محبت اور حمایت کراچی کنگز کے نام کردی جبکہ فیس بک پر تو سب نیلا ہوگیا چاہنے والوں نے ٹیم سے محبت کا اظہار ڈی پیز تبدیل کرکے کیا ۔

  • پی ایس ایل کا اگلا فائنل کراچی میں کرائیں گے، نجم سیٹھی

    پی ایس ایل کا اگلا فائنل کراچی میں کرائیں گے، نجم سیٹھی

    کراچی : پاکستان سپرلیگ کے چیئرمین نجم سیٹھی نے وعدہ کیا ہے کہ اگلے سال فائنل کراچی میں کرانے کی کوشش کریں گے، گورنر سندھ کا کہنا ہے پی ایس ایل کراچی کا مثبت رخ ہے اورشہر کے اس رخ کو اجاگر کرنے کی ضرورت ہے،کراچی کنگز کےمالک سلمان اقبال نے کہا کہ اس سال فائنل لاہورمیں ہورہا ہے،ایک سیمی فائنل کراچی میں بھی کرایا جائے تو بہترہوگا۔

    ان خیالات کا اظہار انہوں نے اے آر وائی نیوز کے پروگرام الیونتھ آورمیں میزبان وسیم بادامی سے خصوصی گفتگو کرتے ہوئے کیا، پروگرام میں گفتگو کرتے ہوئے نجم سیٹھی نے کراچی کنگز کو پی ایس ایل کی فیورٹ ٹیم قرار دیا۔

    انہوں نے وعدہ کیا کہ اگلے سال فائنل کراچی میں کرانے کی کوشش کریں گے، آپ بھی دعا کریں آئندہ سال پی ایس ایل فائنل کراچی میں کھیلیں، انہوں نے کراچی کنگز کو پی ایس ایل کی فیورٹ ٹیم قرار دیتے ہوئے کہا کہ کراچی کنگز جب میدان میں اترے گی تو میدان جنگ کا منظر ہی کچھ اورہوگا سب کراچی والے کراچی کنگز ہیں۔

    نجم سیٹھی کا کہنا تھا کہ جب فرنچائز کو محنت کرتا دیکھتاہوں تو بہت خوشی ہوتی ہے، پی ایس ایل کا جوش وخروش پہلے سے کہیں زیادہ ہے۔ کسی کواحساس نہیں تھا کہ پی ایس ایل اتنا کامیاب ہوگا، ایک سوال کے جواب میں انہوں نے کہا کہ پی سی بی میں کرکٹ کےمعاملات چیئرمین دیکھ رہےہیں، عمران خان کرکٹ کے معاملات چلانا چاہتے ہیں تو ہم ان کا خیرمقدم کریں گے۔

    پروگرام میں اپنے خیالات کا اظہار کرتے ہوئے کراچی کنگز کے مالک اور اےآر وائی نیٹ ورک کے سی ای او سلمان اقبال نے کہا کہ شہر قائد کی رونقیں ختم نہیں ہوئیں، کراچی کے لوگ کل اسٹیڈیم ضرورآئیں گے، چاہتاہوں شائقین کرکٹ زیادہ سے زیادہ تعداد میں اسٹیڈیم کا رخ کریں۔

    انہوں نے کہا کہ جیت کیلیے اس سال بھی پوری کوشش کریں گے، ہماراکام ہے کہ بہترین سےبہترین ٹیم بنائیں، میدان میں کھیلنا کھلاڑیوں کا کام ہے، عوام میں بہت زیادہ جوش وخروش ہے، جنگ میدان میں ہے اور میدان سے باہر ہم سب پاکستانی ہیں، چاہتےہیں نجم سیٹھی نے جو کام شروع کیا حکومت اس کاحصہ بنے۔

    سلمان اقبال نے کہا کہ فائنل لاہور میں ہے اور ایک سیمی فائنل کراچی میں بھی کرالیں تو بہتر ہوگا، گورنر سندھ محمد زبیر نے کہا کہ کراچی کنگز کی لانچنگ اہم تقریب ہے، کراچی کاماحول تبدیل کرنے میں کھیل اہم کردارادا کرسکتاہے۔

  • پی ایس ایل : کراچی کنگز کی افتتاحی تقریب آج ہوگی

    پی ایس ایل : کراچی کنگز کی افتتاحی تقریب آج ہوگی

    کراچی : پاکستان سپر لیگ کی سب سے مضبوط ٹیم کراچی کنگزکی افتتتاحی تقریب آج نیشنل اسٹیڈیم کراچی میں ہورہی ہے، جس میں دلوں کے بادشاہ کی دھواں دار انٹری ہوگی اورنامور گلوکار بھی پرفارمنس پیش کریں گے۔

    تفصیلات کے مطابق پاکستان میں کرکٹ کی تاریخ کا سب سے بڑا میلہ ہونے جارہا ہے، پاکستان سپرلیگ کی سب سے مضبوط اور بہترین ٹیم کراچی کنگز کے ستارے جمعے کی شام نیشنل اسٹیڈیم کراچی میں جگمگائیں گے، کراچی والوں نے تمام پاسز ہاتھوں ہاتھ لے لیے۔

    کراچی کنگز کی شاندار لانچنگ تقریب میں علی عظمت ،فاخر، اور علی حیدر، سلیم جاوید ،حسن جہانگیر سمیت دیگر نامور گلوکار بھی پر فارم کریں گے فہد مصطفی اور وسیم بادامی تقریب کی میزبانی کریں گے۔

    دوسری جانب گورنرسندھ محمد زبیر، میئر کراچی وسیم اختر اور ٹیم کے مالک سلمان اقبال نے اپنے پیغامات میں کراچی کنگز کی ٹیم کو خوش آئند قراردیا ہے۔

    کراچی کنگز کے مالک سلمان اقبال نے اپنے پیغام میں کہا ہے کہ کراچی والوں یہ شہر ہمارا ہے، اس کو اجاگر کرنا ہے، کراچی والوں دنیا کو بتانا ہے کراچی کی رونقیں واپس آرہی ہیں اور ہر کراچی والا کپتان ہے۔

    کراچی کنگز کی ٹیم کیلئے دیگر رہنماؤں نے نیک خواہشات کا اظہار کرتے ہوئے کراچی کی ٹیم کی جیت کے یقین کا اظہار کیا ہے۔

  • پی ایس ایل کا ایک میچ کراچی میں ہونا چاہیئے، سلمان اقبال

    پی ایس ایل کا ایک میچ کراچی میں ہونا چاہیئے، سلمان اقبال

    کراچی : پاکستان سپر لیگ میں شامل اہم ٹیم کراچی کنگز کے مالک اور اے آر وائی نیٹ ورک کے سی ای او سلمان اقبال نے کہا ہے کہ پی ایس ایل کا فائنل لاہور میں ہونا چاہیئے، پی سی بی سے کہا ہے کہ تین پلے آف میں سے ایک پلے آف کراچی میں کرادیں، انہوں نے کہا کہ وزیراعلیٰ سندھ، کور کمانڈرز، ڈی جی رینجرز نے کراچی میں مکمل سیکورٹی دینے کی یقین دہانی کرائی ہے۔

    ان خیالات کا اظہارانہوں نے اے آر وائی نیوز کے پروگرام آف دی ریکارڈ میں خصوصی گفتگو کرتے ہوئے کیا، اس موقع پر لاہورقلندر کے مالک رانا فواد نے بھی لاہورمیں فائنل کرانے کی حمایت کی۔


    Chris Gayle, Sangakkara eager to visit Pakistan… by arynews

    سلمان اقبال نے کہا کہ غیرملکی کھلاڑی پی ایس ایل کیلیے آنے پر پچاس فیصد راضی ہیں باقی ان کے بورڈز پر منحصر ہے، عالمی کھلاڑی لاہور میں فائنل کھیلنے کیلئے تیارہیں، ان کے بورڈز نہیں۔

    سنگاکارا، مہیلا، رائن میک لارن سمیت کئی کھلاڑیوں سے پاکستان آنے کی بات کی، کرس گیل، سنگا کارا لاہور آنا چاہتے ہیں لیکن ان کے بورڈز نے انہیں اجازت نہیں دی، کرس گیل پاکستان آنے میں کوئی خطرہ محسوس نہیں کرتا، کرس گیل نے کہا ہے ان کابورڈ اجازت دے تووہ آجائیں گے۔


    Salman is right, PSL most popular T20 league… by arynews

    ایک سوال کے جواب میں سلمان اقبال کا کہنا تھا کہ پی ایس ایل کافی مقبول ہوچکا ہے اور اس سال پی ایس ایل کی مقبولیت بہت زیادہ ہے، لوگوں کو اس کا بے صبری سےانتظارہے، اس بار پی ایس ایل میں انٹرنیشنل کھلاڑی زیادہ ہیں، انگلینڈ، آسٹریلیا کے کھلاڑی بھی پی ایس ایل میں شامل ہیں۔

    انہوں نے بتایا کہ کراچی کنگز کے شائقین کو اسٹیڈیم تک پہنچانے کا خاص انتظام کیا گیا ہے، دو سے تین ٹورز بسیں شائقین کو اسٹیڈیم پہنچائیں گی۔


    Some international players are expected to… by arynews

    لاہور قلندرز کے مالک رانا فواد نے پروگرام میں گفتگو کرتے ہوئے کہا کہ سلمان اقبال نے صحیح کہا ہے کہ پی ایس ایل سب سے پاپولر لیگ ہے، اس کا فائنل لاہور میں ضرور ہونا چاہئیے، کھلاڑی پاکستان آنے میں پی ایس ایل فرنچائز کے ساتھ ہیں۔

    اس موقع پر معروف کرکٹر شعیب ملک نے کہا کہ بنگلادیش پریمئرلیگ میں عالمی کھلاڑیوں سے پاکستان آنے کیلئے کہا تھا، پوری ذمہ داری سے غیرملکی کھلاڑیوں کو پی ایس ایل میں لانےکی کوشش کی، کچھ غیرملکی کھلاڑیوں کے پاکستان آنےکی توقع ہے۔

  • پی ایس ایل کی تیاریاں جاری، کمنٹری کے لیے ناموں کا اعلان

    پی ایس ایل کی تیاریاں جاری، کمنٹری کے لیے ناموں کا اعلان

    دبئی: پاکستان سپر لیگ کے دوسرے ایڈیشن کی تیاریاں عروج پر پہنچ گئیں,انتظامیہ نے ایونٹ کی کمنٹری کے لیے ناموں کا اعلان کردیا، رمیز راجہ، بازید خان ،ای این بشپ، ڈینی موریسن، الین ویلکنز اور میل جونز کمنٹری کریں گے،پی ایس ایل کی افتتاحی تقریب 9 فروری کو دبئی میں منعقد ہوگی۔

    تفصیلات کے مطابق کرکٹ کے دل دادہ پاکستانیوں کے لیے پرجوش کرکٹ کا وقت قریب آتاجارہا ہے، پاکستان سپرلیگ کے دوسرے ایڈیشن کے آغاز میں اب صرف نو دن باقی رہ گئے ہیں، ایونٹ میں چھکے اور چوکوں کی برسات ہوگی، بڑے بڑے کرکٹ اسٹارز اپنے جارحانہ اندازسے شائقین کو خون کو گرمائیں گے۔

    کرس گیل ہوں یا برینڈن مککلم، شین واٹسن ہوں یا سنگاکارا سب ہی شائقین کی توجہ کا مرکز ہوں گے۔ انتظامیہ نے بھی پی ایس ایل کی گرینڈ اوپننگ کے انتظامات کر لیے ہیں، 9  فروری کو ہونے والی افتتاحی تقریب میں محمد علی شہکی اور علی ظفر آواز کا جادو جگائیں گے۔

    مزید پڑھیں: فہد مصطفیٰ پی ایس ایل کی افتتاحی تقریب کی میزبانی کے لیے پرجوش

    اس موقع پرآتش بازی کا بھی بھرپورمظاہرہ کیا جائے گا۔ پاکستان سپر لیگ ایونٹ کے دوران رمیز راجہ ، بازید خان ،ای این بشپ، ڈینی موریسن، الین ویلکنز اور میل جونز کمنٹری کے فرائض انجام دیں گے۔

  • پی ایس ایل کے بعد اپنے مستقبل کا فیصلہ کروں گا، مصباح الحق

    پی ایس ایل کے بعد اپنے مستقبل کا فیصلہ کروں گا، مصباح الحق

    لاہور: پاکستان ٹیسٹ کرکٹ ٹیم کے کپتان مصباح الحق نے کہا ہے کہ پاکستان سپر لیگ کے بعد انٹرنیشنل کرکٹ کھیلنے یا نہ کھیلنے کا فیصلہ کروں گا۔ سابق کرکٹرزکی تنقید پربہت غصہ آتا ہے۔

    ان خیالات کا اظہار انہوں نے میڈیا سے گفتگو کرتے ہوئے کیا، قومی ٹیسٹ ٹیم کے کپتان مصباح الحق کا کہنا تھا کہ زیادہ سمجھ بوجھ اورتجربے کے باوجود بھی میری بیٹنگ کو ٹارگٹ کیا جاتا ہے، میں ایک ماہ کے اندر اندر اپنے مستقبل کا فیصلہ کرلوں گا۔

    ان کا کہنا تھا کہ بعض لوگ اس طرح کے تبصرے کرتے ہیں کہ میری بیٹنگ کام کی نہیں۔ اگلےماہ کیرئیر کے بارے میں اہم فیصلہ کروں گا۔ انہوں نے کہا کہ پی ایس ایل میں کھیل کر پتہ چل جائےگا کہ مجھ میں کتنی کرکٹ باقی ہے۔

    ریٹائرمنٹ کا فیصلہ کرتے وقت صرف خود کو نہیں دیکھنا ہوتا،پوری ٹیم کو ساتھ لے کر چلنا ہوتا ہے۔ میں 2015 میں انگلینڈ کے خلاف سیریز کھیلنے کے بعد کرکٹ چھوڑ سکتا تھا۔

    یاد رہے کہ پانچ ماہ قبل مصباح الحق پاکستان کے سب سے بڑے کرکٹ ہیرو تھے، ٹیسٹ میں نمبر ون بنے۔ ویسٹ انڈیز، نیوزی لینڈ اورپھر آسٹریلیا سے شکست نے مصباح کا ریکارڈ خراب کردیا۔

    مصباح تاریخ رقم کرنے گئے تھے مگر بد قسمتی سے تاریک ماضی کا حصہ بن گئے، جس کے بعد سابق کرکٹرز کو بھی مصباح کی کپتانی خوفناک نظرآنے لگی، بیٹنگ فارم کےروٹھتے ہی چاہنے والے بھی مصباح الحق سے روٹھ گئے۔