کراچی : نیا ناظم آباد کرکٹ ہوم گراؤنڈ اورکراچی کنگز کی پارٹنر شپ کیلئے معاہدے پر دستخط کردیئے گئے۔ عارف حبیب گروپ کے چیئرمین عارف حبیب نے امید ظاہر کی ہے کہ پی ایس ایل ایڈیشن ٹو کی فاتح کراچی کنگز ہی ہوگی۔
تفصیلات کے مطابق کراچی کنگز کو ایک اور اعزازمل گیا، کراچی کنگز کا نیا ناظم آباد کرکٹ ہوم گراؤنڈ کے ساتھ کرکٹ کی شان بڑھانے کیلئے معاہدہ ہوگیا۔
عارف حبیب سینٹر میں ہونے والی تقریب میں اے آر وائی نیٹ ورک کے سی ای او سلمان اقبال اور عارف حبیب گروپ آف کمپنیز کے چیئرمین عارف حبیب نے معاہدے پر دستخط کیے۔
اس موقع پرمیڈیا سے گفتگو کرتے ہوئے عارف حبیب کا کہنا تھا کہ پی ایس ایل ایڈیشن ٹو کراچی کنگز ہی جیتے گی۔ انہوں نے کہا کہ دلوں کے بادشاہ کراچی کنگز سے شائقین کرکٹ کی بڑی امیدیں وابستہ ہیں۔
پی ایس ایل شروع ہو تو کراچی سے خیبر تک ہر زبان ایک ہی نعرہ ہوتا ہے کہ کراچی جیتے گا۔
کراچی : پاکستان سپر لیگ کے دوسرے ایڈیشن میں مایہ ناز بیٹسمین خرم منظور کراچی کنگز کو منظور ہوگئے جبکہ کراچی کنگز نے نوابشاہ کے کاشف بھٹی کو ٹیم میں شامل کرلیا۔
تفصیلات کے مطابق پاکستان سپر لیگ کے دوسرے ایڈیشن میں مایہ ناز بیٹسمین خرم منظور کراچی کنگز کو منظور ہوگئے۔ جاندارشا ٹس اور بولرز کو پریشان کرنے والے مایہ ناز اوپنر خرم منظور پی ایس ایل کی سب سے مقبول اور مہنگی ٹیم کراچی کنگز کا حصہ بن گئے ہیں۔
انٹرنیشنل کرکٹ میں پاکستان کی نمائندگی کرنے والے خرم منظور ہر فارمیٹ میں اپنی صلاحیتوں کو منواچکے ہیں۔ ڈومیسٹک ہو یا کلب کرکٹ یا پھر انٹرنیشنل میچ خرم کو جب بھی چانس دیا گیا اس نے پرفارم کرکے دکھایا۔ خرم نے ہمیشہ اپنے بلے سے ناقدین کو بھرپورجواب دیا۔
کراچی بلوز کو نیشنل ٹی ٹوئنٹی کاچیمپئن بنانے میں بھی خرم منظور کا اہم کردار تھا۔ خرم منظور نے فائنل میں کراچی وائٹس کے خلاف بیالیس گیندوں پر ستر رنز کی دھواں دھار اننگز کھیلی تھی۔
قائد اعظم ٹرافی میں بھی خرم کو ڈھائی سو رنز کی اننگز کھیلنے کا اعزاز حاصل ہے۔ خرم منظور اب پی ایس ایل کے دوسرے ایڈیشن کیلئے کراچی کنگز کے شیر ہیں۔
علاوہ ازیں پی ایس ایل ایڈیشن ٹو کیلئے کراچی کنگز نے نوابشاہ کا ستارہ چن لیا، کاشف بھٹی کی کراچی کنگز میں شمولیت پر ان کے اہلخانہ بہت خوش ہیں، پی ایس ایل میں نوابشاہ کے آل راؤنڈر کاشف بھٹی کی کراچی کنگز میں شمولیت پر ان کے اہلخانہ خوشی سے نہال ہیں، مٹھائیاں تقسیم کی گئیں۔
کاشف بھٹی کے بھائیوں کا کہنا ہے کہ امید ہے وہ عمدہ کارکردگی کا مظاہرہ کرے گا۔ والدہ نے کہا کہ کاشف کو اس کی محنت کا صلہ مل گیا۔ پی ایس ایل میں کاشف بھٹی اب دنیا کے انٹرنیشنل اسٹارز کے ساتھ جگمگائیں گے اور پی ایس ایل میں اپنا جادو دکھائیں گے۔
دبئی : پی ایس ایل کے سیکنڈ ایڈیشن کے لیے کراچی کنگز کی ٹیم کا کپتان سری لنکن بلے باز کمار سنگارا کو مقرر کردیا گیا، سلمان اقبال کا کہنا ہے کہ کراچی کنگز بہت متوان ٹیم ہے، کرس گیل بھی کراچی کنگز کا شیر ہے، نجم سیٹھی کا کہنا ہے کہ کراچی کنگز کسی بھی انٹرنیشنل ٹیم کو ہرانے کی صلاحیت رکھتی ہے۔
نئے کپتان کا اعلان کراچی کنگز کی دبئی میں منعقدہ پریس بریفنگ میں کیا گیا جس میں پی ایس ایل کے چیرمین نجم سیٹھی، کراچی کنگز کے اونر سلمان اقبال، ٹیم مینجمنٹ کے راشد لطیف، سمیت کھلاڑیوں کرس گیل، شعیب ملک، روی بوپارہ، عماد وسیم اور دیگر نے شرکت کی۔
بریفنگ میں میزبانی کے فرائض وسیم بادامی نے ادا کیے، آغاز پر کراچی کنگز کا آفیشل سانگ اسکرین پر دکھایا گیا۔
اے آر وائی نیٹ ورک کے سی ای او اور کراچی کنگز کے مالک سلمان اقبال نے کہا کہ کراچی کنگز کی ٹیم بہت متوازن ہے، کرس گیل بھی کراچی کنگز کا شیر ہے،10 برس سے پی ایس ایل کی باتیں ہورہی تھیں اور اب یہ ایونٹ منعقد ہورہا ہے۔
سلمان اقبال نے کہا کہ نجم سیٹھی نے مجھے تجویز دی کہ پی ایس ایل کی ایک ٹیم حاصل کرلیں ساری زندگی یاد کریں گے۔
آنر کراچی کنگ نے کہا کہ یو اے ای ہمارا ہوم گرائونڈ ہے ، یو اے ای کاکرائوڈ ہمیں ہمیشہ سپورٹ کرتا ہے،ایک سے ڈیڑھ سال میں ڈیڑھ سو نئے لڑکے تیار کریں گے۔
چیئرمین پاکستان سپر لیگ نجم سیٹھی نے کہا کہ میرے دوست سلمان گولڈ کیٹگری میں شامل ہیں، میں اے آر وائی کے ساتھ بیٹھا ہوں ،یہاں میرے ملک کے ہیروز موجود ہیں۔
انہوں نے کہا کہ پی ایس ایل کامیاب بنانے کا سہرا اے آر وائی کے سر ہے،سلمان اقبال نے پی ایس ایل کو سپورٹ کیا تو دیگر میڈیاہائوسز بھی آئے،نئے کھلاڑی کرس گیل جیسے سینئر کھلاڑیوں سے سیکھیں۔
نئے کپتان کا اعلان کرتے ہوئے شعیب ملک نے کہا کہ میں کراچی کنگز کا حصہ نہیں بلکہ کراچی کنگز میری ٹیم ہے، ہمارے ٹیم کے نئے کپتان کمار سنگاکاراہوں گے، وہ ٹیم کے لیے بہت کچھ کرنے کی صلاحیت رکھتے ہیں۔
قومی کرکٹر عماد وسیم نے کہا کہ کوشش ہوگی کہ مداحوں کو مایوس نہیں کریں گے، لاہور میں فائنل کھیلنے کا اپنا ہی مزہ ہے۔
ٹیم مینجمنٹ میں شامل راشد لطیف نے کہا کہ پاکستان سپر لیگ ایک خواب تھا جسے پورا کرنے کا سہرا نجم سیٹھی کے سر جاتا ہے ،ڈومیسٹک اور انٹرنیشنل کرکٹ میں کافی فاصلہ آگیا ہے، 18سال سے کم عمر لڑکوں کا بھی انتخاب کیا گیا،سلمان اقبال، نجم سیٹھی اور میں کرکٹ کے فروغ کے لیے کام کررہے ہیں۔
انگلینڈ کے کرکٹر روی بوپارہ نے کہا کہ کرس گیل، کمار سنگاکارا اور بابر اعظم ٹیم میں بہترین اضافہ ہیں،لاہور میں فائنل کھیلنے کا مزہ آئے گا۔
ویسٹ انڈیز کے مایہ ناز بلے باز کرس گیل نے کہا کہ کراچی کنگز کا حصہ بن کر بہت خوش اور پرجوش ہوں، پی ایس ایل کے سیکنڈ ایڈیشن کے لیے فٹ اور تیار ہوں، ہم اسب ایک مقصد کے لیے اس ٹیم کا حصہ ہیں۔
قبل ازیں انہیں خطاب کی دعوت دی گئی تو انہوں نے میزبان کو وسیم باداما کہہ کر شکریہ اداکیا جس پر لوگ ہنس پڑے اور وسیم بادامی نے تصحیح کی کہ باداما نہیں بادامی جس پر گیل نے ایک قہقہہ بھی لگایا۔
بعدازاں اپنے خطاب کے دوران کرس گیل نے کسی بات پر انشا اللہ کہا جسے سن کر پریس بریفنگ میں بیھٹے افراد کو خوشگوار حیرت کا سامنا کرنا پڑا۔
اس موقع پر شعیب ملک نے ایک بار پھر 20 افراد پر مشتمل کراچی کنگز کے کھلاڑیوں کے ناموں کا اعلان کیا۔
بریفنگ کے اختتام پر سوالات کے سیشن کے دوران نجم سیٹھینے کہا کہ کراچی کنگزکی ٹیم اتنی اسٹار ٹیم ہے کہ وہ کسی بھی انٹرنیشنل ٹیم کو ہراسکتی ہے،چھٹی ٹیم آئے گی تو ایونٹ اور بھی بہتر ہوجائے گا۔
دبئی : شاہد آفریدی پاکستان سپرلیگ کے دوسرے ایڈیشن میں پشاور زلمی کی قیادت سے دستبردار ہوگئے، اب ڈیرن سیمی پشاور زلمی کے نئے کپتان ہوں گے۔
پی ایس ایل کے دوسرے ایڈیشن کی ڈرافٹنگ تقریب میں شاہد آفریدی کے بڑے فیصلے نے سب کو حیران کردیا، آفریدی پشاور زلمی کی قیادت سے دستبردار ہوئے اور ڈیرن سیمی کو کپتانی سونپ دی۔
کپتانی ملنے پر ڈیرن سیمی نے نرالے شاندار میں شکریہ ادا کیا اور کہا کہ کپتانی ملنا اعزاز کی بات ہے، کوشش کروں گا ٹیم اچھے نتائج دے۔
اس موقع پرآفریدی نے یونس خان کو پشاور زلمی کا منٹور مقرر کرنے کا اعلان بھی کیا۔
پشاور زلمی کے دیگر کھلاڑیوں میں ایون مورگن، وہاب ریاض، شکیب الحسن شامل ہیں۔
یاد رہے رواں سال جون میں غیرملکی ویب سائٹ کو انٹرویودیتے ہوئے آفریدی نے پاکستان سپرلیگ کی فرنچائز پشاورزلمی کو خیرباد کہنے کا اشارہ دیا تھا اور کہا تھا کہ کہ پروفیشنل کرکٹر ہوں، ایسا نہیں کہ صرف پشاورزلمی کی طرف سے کھیلتا رہوں، کسی بھی فرنچائز نےاچھی آفر کی تو ضرور سوچوں گا۔
انہوں نے کہا کہ پشاورزلمی کے ساتھ آگے بڑھنے سے پہلے اونر سے کچھ باتیں طے کرنا ہونگی۔ کچھ چیزیں ہیں جنہیں ٹھیک ہونے کی ضرورت ہے۔
واضح رہے کہ زلمی کے اونر جاوید آفریدی اور شاہد آفریدی میں اختلافات شدت اختیار کر گئے تھے۔
دبئی: پی ایس ایل کے دوسرے ایڈیشن کے لیے پانچوں ٹیموں نے کھلاڑیوں کا انتخاب مکمل کرلیا، کراچی کنگز نے کرس گیل، لاہور قلندر نے برینڈن میک کولم، پشاور زلمے نے شاہد آفریدی ،کوئٹہ گلیڈی ایٹرز نے کیون پیٹرسن کو منتخب کرلیا جب کہ اسلام آباد یونائیٹڈنے مصباح الحق کو برقرار رکھا۔
تفصیلات کے مطابق پاکستان سپر لیگ(پی ایس ایل2017ء )کا دوسرا ایڈیشن فروری میں دبئی میں منعقد ہوگا جس میں پانچ ٹیمیں ایک دوسرے کے مدمقابل ہیں، اس ایونٹ میں کھلاڑیوں کے چنائو (ڈرافٹنگ) کے لیے تقریب دبئی میں منعقد ہوئی جس میں کھلاڑیوں سمیت ٹیم کے مالکان، چیرمین پی سی بی نجم سیٹھی، کرکٹ کے آفیشلز اور دیگر متلقہ افراد نے شرکت کی۔
ڈرافٹنگ میں 414 کھلاڑیوں کو پانچ کیٹگریز میں تقسیم کیا گیا تھا ان میں پلاٹینیم، ڈائمنڈ، گولڈ، سلور اور ایمرجنگ شامل تھیں، پانچوں ٹیموں نے 16،16 کھلاڑیوں کا انتخاب کیا جس کے بعد منتخب کھلاڑیوں کی تعداد 70 بن گئی۔
ڈرافٹنگ کے ہرمرحلے میں کھلاڑی منتخب کرنے کی پہلی باری لاہور قلندر کی، دوسری باری کراچی کنگز، تیسری پشاور زلمے، چوتھی کوئٹہ گلیڈی ایٹر اور آخری باری اسلام آباد یونائیٹڈ کی تھی۔
پلاٹینیم کیٹگری میں کراچی کنگز نے ویسٹ انڈیز کے بلے باز کرس گیل، ویسٹ انڈیز کے ہی کرکٹر کیرون پولارڈ اور پاکستانی آل رائونڈ شعیب ملک کو منتخب کیا۔
ڈائمنڈ کیٹگری میں محمد عامر، روی بوپارہ اور کمار سنگاکارا کو جب کہ گولڈ کیٹگری میں قومی کرکٹ ٹیم کے کھلاڑیوں عماد وسیم، بابر اعظم اور سائوتھ افریقا کے کھلاڑی ریان میکلرن کومنتخب کرلیا۔
سلور کیٹگری میں کراچی کنگز نے سہیل خان، شاہ زیب خان، سیف اللہ بنگش، خرم منظور کو اور ایمرجنگ کیٹگری میں کاشف عباسی، ابراراحمد اور عبدالحمید کو منتخب کیا۔
سپلیمنٹری رائونڈ میں مہیلا جے وردھنے اور اسامہ میر کراچی کنگز کا حصہ بن گئے۔
لاہور قلندر نے برینڈن میک کولم، سنیل نارائن، عمر اکمل، سہیل تنویر، ڈیوین براوو، یاسر شاہ، اینٹون ڈیوچ، محمد رضوان، کیمرون ڈیل پورٹ، اظہر علی، عامر یامین، ظفر گوہر، فخر زمان، بلاول بھٹی، غلام مدثر اور عثمان قادر کو منتخب کیا۔
پشاور زلمے نے شاہد آفریدی، آیون مورگن، وہاب ریاض، شکیب الحسن، ڈیرن شامی، محمد حفیظ، کرس جورڈن، تمیم اقبال، کامران اکمل،صہیب مقصود، جنید خان، عمران خان جونئیر،افتخار احمد، حارث سہیل، حسن علی اور محمد اصغر کو شامل کیا ۔
کوئٹہ گلیڈی ایٹر میں کیون پیٹرسن، سرفراز احمد، احمد شہزاد، کارلوس بریتھ ویٹ، لیوک رائٹ، انور علی، تیمل ملز، عمر گل، ذوالفقار بابر، محمد نواز، محمد نبی، اسد شفیق، سعد نسیم، عمر امین، حسن خان اور نور علی کو منتخب کیا گیا۔
اسلام آباد یونائیٹڈ نے مصباح الحق، شین واٹسن، اینڈر رسل، شرجیل خان، محمد عرفان، سیموئل بدری، محمد سمیع، خالد لطیف، بریڈ ہیڈن، سیم بلنگس، سعید اجمل، آصف علی، رمان رئیس، عمران خالد، احمد بٹ اور حسن طلعت کو منتخب کیا۔
اے آر وائی نیٹ ورک کے صدر اور سی ای او سلمان اقبال نے کرس گیل کو ان کے نام کی ٹی شرٹ پیش کی جو انہوں نے پہن لی۔
سابقہ ایونٹ میں اچھی کارکرگی کا مظاہرہ نہیں کیا، کرس گیل
کرس گیل کا کہنا تھا کہ پی ایس ایل کے پہلے ایونٹ میں بہترین کارکردگی کا مظاہرہ نہیں کرسکا تھا تاہم اس بار مکمل فٹ اور تیار ہوں،میری کوشش ہوتی ہے کہ تیز رفتاری کے ساتھ رنز حاصل کروں،پاکستان میں میرا فین کلب مزید بڑھ جائے گا۔
I will try to entertain the crowd as much as…by arynews
کرس گیل نے مزید کہا کہ انہوں نے کہا کہ پہلی بار بھی اس ایونٹ کا حصہ بن کر مزا آیا، کراچی کنگز میرے لیے نئی ٹیم ہے اس ٹیم کا حصہ بننا اچھا لگ رہا ہے، شائقین کو زیادہ سے زیادہ انٹرٹین کرنے کی کوشش کروں گا۔
تقریب سے قبل اے آر وائی نیوز کے اینکر پرسن ویسم بادامی نے کراچی کنگز کے مالک سلمان اقبال اور کرس گیل کے درمیان خوشگوار ماحول میں ہونے والی ملاقات میں ان سے بات چیت کی ، کرس گیل کا کہنا تھا کہ کراچی کنگز کا حصہ بن کر خوشی محسوس کررہا ہوں۔
دبئی: پاکستان سپر لیگ کے چیئرمین نجم سیٹھی نے کہا ہے کہ ہم نے ملک میں انٹرنیشنل کرکٹ کو واپس لانے کا اعلان کیا تھا جس کے تحت پی ایس ایل 2017 کا فائنل لاہور میں کھیلا جائے گا۔
Final of #PSL2017 will be played in Lahore…by arynews
تفصیلات کے مطابق پی ایس ایل کے دوسرے ایڈیشن کے لیے ڈرافٹنگ کی تقریب سے سے خطاب کرتے ہوئے نجم سیٹھی نے خوشخبری سناتے ہوئے اعلان کیا کہ پاکستان سپرلیگ 2017 کا فائنل لاہور میں ہوگا اور عالمی کھلاڑی بھی اس میں حصہ لیں گے۔
انہوں نے کہا کہ پاکستان میں انٹرنیشنل کرکٹ کی واپسی کے لیے کرکٹ بورڈ سمیت تمام افراد سنجیدگی سے کام کررہے ہیں اور جلد ملک میں انٹرنیشنل کرکٹ ٹیمیں بھی آنا شروع کردیں گی۔
اُن کا کہنا تھا کہ ’’ہم اپنے وعدے کے مطابق کرکٹ کی بحالی کے لیے امور سرانجام دیے ، آج قومی کرکٹ ٹیم کی عالمی رینکنگ میں بھی کافی بہتری آگئی ہے جو اس بات کا واضح ثبوت ہے‘‘۔ نجم سیٹھی نے کہا کہ ’’دوسرے ایڈیشن کے بعد پی ایس ایل میں 6 ٹیمیں شامل ہوں گی ‘‘۔
کراچی: پاکستانی آل راؤنڈر اور ٹی ٹوئنٹی کے سابق کپتان شاہد خان آفریدی نے کہا ہے کہ مجھے خدا نے جو عزت دی اُسے کوئی ختم نہیں کرسکتا، اس احترام کے باعث مداحواں سے جو پیار ملا میرے لیے وہ بھی کافی ہے تاہم الوداعی میچ کے حوالے سے جلد اہم ملاقات کروں گا۔
ان خیالات کا اظہار انہوں نے کراچی میں پریس کانفرنس کرتے ہوئے کیا۔ شاہد آفریدی کا کہنا تھا کہ ملک میں بہت ٹیلنٹ موجود ہے اور پاکستان سپر لیگ جیسے ٹورنامنٹ کے انعقاد سے نئے چہرے سامنے لانے کے لیے بہت حد تک کارگر ثابت ہوں گے۔
انہوں نے کہا کہ قومی اسٹارز کو اس طرح سے الوداع نہیں کرنا چاہیے اس رویے سے نوجوانوں میں بہت مایوسی ہوتی ہے، آل راؤنڈر کا کہنا تھا کہ ’’الوداعی میچ کے حوالے سے جلد نجم سیٹھی سے ملاقات کر کے اپنے تحفظات سے آگاہ کروں گا، اس کے بعد کرکٹ بورڈ کے پلان کا پتہ چل جائے گا‘‘۔
پی ایس ایل میں حصہ لینے کے حوالے سے شاہد آفریدی نے کہا کہ ’’بی پی ایل سمیت تمام لیگز میں حصہ لیتا رہوں گا جس کے لیے کل سے باقاعدہ بولنگ اور بیٹنگ کی پریکٹس اسٹارٹ کررہا ہوں‘‘۔
سابق کھلاڑیوں پر تبصرہ کرتے ہوئے شاہد خان آفریدی نے کہا کہ ’’جاوید میاں داد کو ہمیشہ پیسوں کی فکر رہی ہے جس کے باعث اُن کی شخصیت متاثر ہوئی ، اس کے برعکس عمران خان نے کرکٹ سے کبھی پیسہ کمانے کی کوشش نہیں کی بس دونوں کھلاڑیوں کے درمیان یہی فرق ہے‘‘۔
یاد رہے شاہد آفریدی کے الوداعی میچ کے حوالے سے چیف سیلکٹر اور قومی کرکٹ ٹیم کے سابق کپتان انضمام الحق نے گزشتہ روز ایک سوال کے جواب میں کہا تھا کہ ’’شاہد آفریدی کو الوادعی میچ دینے کا اختیار بورڈ کے ہاتھ میں ہے تاہم میرے پاس صرف کھلاڑیوں کو منتخب کرنے کا اختیار ہے‘‘۔
کراچی: کراچی کنگز پاکستان کے سب سے بڑے ٹیلنٹ ہنٹ پروگرام ’کھلاڑی کی کھوج‘ کے ٹرائلز 3 اکتوبر سے کراچی کے نیشنل اسٹیڈیم میں شروع ہوں گے۔
پاکستان سپر لیگ کی سب سے مہنگی ٹیم کراچی کنگز لا رہا ہے پاکستان کا سب سے بڑا ٹیلنٹ ہنٹ پروگرام ’کھلاڑی کی کھوج‘، جس میں کراچی کنگز پاکستان بھر سے باصلاحیت نوجوانوں کو دعوت دیتا ہے، انڈر ٹوئنٹی تھری ٹرائلر تین اکتوبر سے نیشنل اسٹیڈیم کراچی میں شروع ہوں گے۔
پاکستان کے نامور کرکٹر سابق کپتان راشد لطیف اس ٹیلنٹ پروگرام کے ڈائریکٹر ہوں گے جبکہ سابق چیف سلیکٹر اقبال قاسم، سلیم یوسف اور جلال الدین کھلاڑیوں کا انتخاب کریں گے۔
سلیکٹرز بھی ٹیلنٹ ہنٹ پروگرام کیلئے بہت پر جوش ہیں، ٹرائل میں منتخب ہونے والے کھلاڑیوں کو اس سال ہونے والے ڈرافٹ میں شامل ہونے کے ساتھ ساتھ قومی کرکٹ ٹیم میں کھیلنے کا بھی موقع مل سکتا ہے ۔
کراچی کنگز کے ٹیلنٹ ہنٹ پروگرام میں اب صرف ایک روزباقی رہ گیا ہے تاہم کراچی کنگز کی ویب سائٹ پر رجسٹریشن کروانے والوں کا انبار لگ گیا۔
پاکستان سپر لیگ کی ٹیم کراچی کنگز کے مالک، اے آر وائی ڈیجیٹل گروپ کے صدر اورسی ای او سلمان اقبال کا کہنا ہے کہ یہ پاکستان کرکٹ میں نئے دور کا آغاز ہے ، پاکستان سپر لیگ ثابت کردے گا کہ یہ ایک صحیح سمت میں بڑا قدم ہے ۔
انہوں نے کہا کہ کراچی کنگز کے منتخب کردہ کھلاڑی قومی کرکٹ کے میدان میں ایک اور سنگ میل ثابت ہونگے ۔
کراچی کنگز کے اسٹارز بھی نوجوان کرکٹرز کو کیمپ میں آنے کی دعوت دے رہے ہیں۔
تین اکتوبر سے شروع ہونے والے کراچی کنگز کے ٹرائلز کے لئے گائڈ لائن بھی جاری کردی گئی ہے۔
ٹرائلز صبح نو سے شام چھ بجے تک جاری رہیں گے۔
ٹرائلز میں حصہ لینے والے نوجوان کرکٹرز کی عمر سولہ سال سے زائد اور تئیس سال سے کم ہونی چاہیے۔
کراچی: کراچی کنگز پاکستان کے سب سے بڑے ٹیلنٹ ہنٹ پروگرام ’کھلاڑی کی کھوج‘ کے ٹرائلز 3 اکتوبر سے کراچی کے نیشنل اسٹیڈیم میں شروع ہوں گے۔
پاکستان سپر لیگ کی سب سے مہنگی ٹیم کراچی کنگز لا رہا ہے پاکستان کا سب سے بڑا ٹیلنٹ ہنٹ پروگرام ’کھلاڑی کی کھوج‘، جس میں کراچی کنگز پاکستان بھر سے باصلاحیت نوجوانوں کو دعوت دیتا ہے، انڈر ٹوئنٹی تھری ٹرائلر تین اکتوبر سے نیشنل اسٹیڈیم کراچی میں شروع ہوں گے۔
پاکستان کے نامور کرکٹر سابق کپتان راشد لطیف اس ٹیلنٹ پروگرام کے ڈائریکٹر ہوں گے جبکہ سابق چیف سلیکٹر اقبال قاسم، سلیم یوسف اور جلال الدین کھلاڑیوں کا انتخاب کریں گے۔ ٹرائل میں منتخب ہونے والے کھلاڑیوں کو اس سال ہونے والے ڈرافٹ میں شامل ہونے کا موقع ملے گا، ٹرائلز کے لیے نوجوانوں کو وائٹ کٹ پہننی ہوگی۔
لندن : پاکستان کے سابق آل راونڈر اور ٹی ٹونٹی ٹیم کے کپتان شاہد آفریدی نے پاکستان سپرلیگ کی فرنچائز پشاورزلمی کو خیرباد کہنے کا اشارہ دے دیا۔
ان کا کہنا ہے کہ پشاور زلمی مستقل ٹیم نہیں ہے کسی بھی فرنچائز نےآفر کی تو دستیاب ہوں گا، صرف پشاور زلمی کی طرف سے کھیلنے کیلئے محدود نہیں۔
بوم بوم آفریدی نے پی ایس ایل کے دوسرے ایڈیشن میں پشاور زلمی کو گڈبائے کہنے کا عندیہ دےدیا۔ غیرملکی ویب سائٹ کو انٹرویودیتے ہوئے آفریدی نےکہا کہ پروفیشنل کرکٹرہوں، ایسا نہیں کہ صرف پشاورزلمی کی طرف سے کھیلتا رہوں، کسی بھی فرنچائز نےاچھی آفر کی تو ضرور سوچوں گا۔
انہوں نے کہا کہ پشاورزلمی کے ساتھ آگے بڑھنے سے پہلے اونرسے کچھ باتیں طے کرنا ہونگی۔ کچھ چیزیں ہیں جنہیں ٹھیک ہونے کی ضرورت ہے۔
شاہد آفریدی نے کہا کہ گذشتہ دو سے تین سال بگ بیش لیگ کی پیشکش ٹھکرا رہا ہوں۔ اس سال آفر آئی تو قبول کرلوں گا۔ آفریدی نے کہا کہ ابھی میری کرکٹ ختم نہیں ہوئی۔ مختصر فارمیٹ میں پاکستان سمیت دنیا بھرکی ٹی ٹوئنٹی لیگ کھیل سکتا ہوں۔
واضح رہے کہ زلمی کے اونر جاوید آفریدی اور شاہد آفریدی میں اختلافات شدت اختیار کر گئے تھے۔
