Tag: PSL

PSL News in Urdu- پاکستان سپر لیگ یعنی پی ایس ایل سے متعلق تازہ ترین خبریں

کراچی کنگز، پشاور زلمی  ملتان سلطانز

لاہور قلندرز، اسلام آباد یونائیٹڈ کوئٹہ گلیڈی ایٹرز

PSL is a cricket league played in Pakistan with Islamabad, Karachi, Multan, Peshawar, Multan

کراچی کنگز

  • بابر اعظم نے ایک اور اعزاز اپنے نام کرلیا

    بابر اعظم نے ایک اور اعزاز اپنے نام کرلیا

    پی ایس ایل 9 میں پشاور زلمی کے کپتان بابر اعظم نے 500 رنز مکمل کرلیے۔

    کراچی کے نیشنل اسٹیڈیم میں کھیلے جارہے میچ میں پشاور زلمی نے مقررہ اوورز میں 7 وکٹوں کے نقصان پر 146 رنز بنائے اور ملتان سلطانز کو جیت کے لیے 147 رنز کا ہدف دیا۔

    کپتان بابر اعظم 46 رنز کے ساتھ نمایاں رہے، ٹام کوہلر کیڈ مور 24 رنز بنا کر اسامہ میر کا نشانہ بنے، محمد حارث 22 رنز بنا کر پویلین لوٹ گئے۔

    ملتان سلطانز کی جانب سے کرس جارڈن اور اسامہ میر نے دو، دو وکٹیں حاصل کیں، ڈیوڈ ولے، محمد علی اور عباس آفریدی ایک، ایک وکٹ حاصل کرسکے۔

     

    View this post on Instagram

     

    A post shared by Pakistan Super League (@thepsl)

    تاہم کوالیفائر میچ میں بابر اعظم نے 500 رنز کا سنگ میل عبور کرلیا۔

    بابر اعظم نے تیسری مرتبہ لیگ میں 500 رنز بنائے ہیں اس سے قبل انہوں نے پی ایس ایل 6 میں 554 اور سیزن 8 میں 522 رنز بنائے تھے۔

     

    View this post on Instagram

     

    A post shared by Pakistan Super League (@thepsl)

    بابر پی ایس ایل میں تین مرتبہ 500 رنز بنانے والے دوسرے کھلاڑی ہیں، ملتان سلطانز کے کپتان محمد رضوان بھی پی ایس ایل میں تین مرتبہ 500 رنز بناچکے ہیں۔

    علاوہ ازیں بابر اعظم رواں سال ٹی 20 میں 1000 رنز بنانے والے کھلاڑی بھی بن گئے ہیں

  • پی ایس ایل: اسامہ میر نے وہ کر دکھایا جو اس سے قبل کوئی اسپنر نہ کر سکا

    پی ایس ایل: اسامہ میر نے وہ کر دکھایا جو اس سے قبل کوئی اسپنر نہ کر سکا

    پی ایس ایل 9 میں ملتان سلطانز کے اسامہ میر نے وہ کر دکھایا جو اس سے قبل 8 ایڈیشنز میں کوئی اور اسپنر نہ کر سکا۔

    پی ایس ایل 9 میں ملتان سلطانز کے لیگ اسپنر اسامہ میر نے پاکستان سپر لیگ کا نیا ریکارڈ اپنے نام کر لیا۔ وہ پی ایس ایل کے کسی بھی ایونٹ میں سب سے زیادہ وکٹیں (21) لینے والے پہلے بولر بن گئے ہیں۔

    گزشتہ روز نیشنل اسٹیڈیم کراچی میں اسامہ میر نے جب کوئٹہ گلیڈیئٹر کے محمد وسیم کی جونیئر کی وکٹ حاصل کی تو یہ رواں ایڈیشن میں ان کی 21 ویں وکٹ تھی یوں وہ پی ایس ایل کی تاریخ میں سب سے زیادہ وکٹیں لینے والے لیگ اسپنر بن گئے ہیں۔

    اسامہ میر نے اسی سیزن میں لاہور قلندرز کے خلاف 6 وکٹیں حاصل کر کے پی ایس ایل کے کسی بھی میچ میں سب سے زیادہ وکٹیں لینے والے اسپن بولر کا اعزاز حاصل کیا تھا۔

    اس سے قبل لاہور قلندرز کے اسپنر راشد خان نے 20 وکٹیں حاصل کر رکھی تھیں۔

    پی ایس ایل 9 کا گروپ اسٹیج ہوا تمام، پلے آف میں شروع ہوگا ٹیموں کا کڑا امتحان

    واضح رہے کہ پی ایس ایل کی تاریخ میں کسی بھی بولر کی جانب سے سب سے زیادہ وکٹیں لینے کا اعزاز حسن علی کے پاس ہے۔ انہوں نے 2019 میں 25 وکٹیں حاصل کی تھیں۔

  • پی ایس ایل 9 کا گروپ اسٹیج ہوا تمام، پلے آف میں شروع ہوگا ٹیموں کا کڑا امتحان

    پی ایس ایل 9 کا گروپ اسٹیج ہوا تمام، پلے آف میں شروع ہوگا ٹیموں کا کڑا امتحان

    پی ایس ایل 9 کا گروپ اسٹیج اختتام پذیر ہو گیا اب فائنل تک رسائی کے لیے کل سے پلے آف کا مرحلہ شروع ہو رہا ہے جس میں چاروں ٹیموں کا ہوگا کڑا امتحان

    ایچ بی ایل پاکستان سپر لیگ 9 کا گروپ اسٹیج سنسنی خیز اور کئی یادگار میچوں کے ساتھ اختتام پذیر ہوگیا۔ آخری میچ میں ملتان سلطانز نے کوئٹہ گلیڈیئٹر کو با آسانی شکست دے کر پوائنٹس ٹیبل پر ٹاپ پوزیشن حاصل کر لی۔ پشاور زلمی 13 پوائنٹ کے ساتھ دوسرے نمبر پر ہے۔ اسلام آباد یونائیٹڈ اور کوئٹہ گلیڈیئٹر پلے آف تک پہنچنے والی دیگر دو ٹیمیں ہیں۔

    کل سے پلے آف کا مرحلہ شروع ہوگا جس میں پہنچنے والی چاروں ٹیمیں فائنل میں رسائی کے لیے ایڑی چوٹی کا زور لگائیں گی اور شائقین کرکٹ کو مزید دلچسپ اور سنسنی خیز میچز دیکھنے کو ملیں گے۔

    بات کی جائے گروپ اسٹیج میں کھلاڑیوں کی انفرادی کارکردگی کی تو بلے بازوں میں بابر اعظم بھرپور فارم میں نظر آئے اور انہوں نے اپنے بیٹ سے کمال کرتے ہوئے 9 میچز کھیل کر 498 رنز جڑ دیے۔ ان میں ایک سنچری اور پانچ نصف سنچریاں شامل ہیں

    کوئٹہ گلیڈیئٹر کے عثمان خان نے دی ایونٹ میں دھماکے دار انٹری اور مسلسل دو میچوں میں دو سنچریاں بنا ڈالیں۔ سب سے زیادہ 17 چھکے پشاور کے صائم ایوب نے لگائے۔

    ایونٹ میں اسامہ میر نے اپنی گھومتی گیندوں نے تمام بلے بازوں کو چکرا کر رکھ دیا اور ایونٹ میں 21 وکٹیں حاصل کر کے سب سے کامیاب بولر قرار پائے۔

    پی ایس ایل 9 کے دو سب سے بڑے ٹوٹل ایک ہی میچ میں بنے۔ ملتان سلطانز نے 228 رنز بنائے اور اسلام آباد نے ہدف کا کامیابی سے تعاقب کرتے ہوئے 232 رنز جڑ دیے۔

    پی ایس ایل کے پلے آف مرحلے میں نیشنل اسٹیڈیم میں کل (جمعرات) پہلے کوالیفائر میں ملتان سلطانز اور پشاور زلمی ٹکرائیں گے۔ فاتح ٹیم فائنل کا ٹکٹ کٹائے گی تاہم ہارنے والی ٹیم کو فائنل تک رسائی کے لیے ایک اور موقع ملے گا۔

    جمعے کو ایلیمنیٹر میں اسلام آباد یونائیٹڈ اور کوئٹہ گلیڈیئٹر آمنے سامنے ہوں گی اس میں ہارنے والی ٹیم خالی ہاتھ واپس جائے گی جب کہ فاتح ٹیم کو فائنل میں رسائی کے لیے دوسرے ایلیمنیٹر مقابلے میں پہلے کوالیفائر کی ناکام ٹیم کا مقابلہ کرنا پڑے گا جو ہفتے کو ہوگا۔

    ڈیوڈ ولی کو اردو بولنا کس نے سکھائی؟ آل راؤنڈر کا انکشاف

    میگا ایونٹ کا فائنل پیر 18 مارچ کو نیشنل اسٹیڈیم میں پہلے کوالیفائر کی فاتح اور دوسرے ایلیمنیٹر کی فاتح ٹیموں کے درمیان کھیلا جائے گا۔ تمام میچز رات 9 بجے شروع ہوں گے۔

  • پی ایس ایل: کوئٹہ کیلیے خوشخبری، عثمان طارق بولنگ کیلیے کلیئر قرار

    پی ایس ایل: کوئٹہ کیلیے خوشخبری، عثمان طارق بولنگ کیلیے کلیئر قرار

    پی ایس ایل میں کراچی کنگز کے خلاف میچ میں مشکوک ایکشن کے باعث بولنگ سے روکے جانے والے کوئٹہ کے اسپنر عثمان طارق کو بولنگ کی اجازت مل گئی ہے۔

    ایک کرکٹ ویب سائٹ کے مطابق عثمان طارق کے بولنگ ایکشن کا لاہور کی نیشنل کرکٹ اکیڈمی میں جائزہ لیا گیا جس کے بعد انہیں رواں پی ایس ایل میں اپنی بولنگ جاری رکھنے کی کلیئرنس  مل گئی ہے۔

    کوئٹہ گلیڈیئٹرز جو پی ایس ایل 9 کے پلے آف کے لیے بھی کوالیفائی کر چکی ہے آج ملتان سلطانز کے خلاف گروپ کا آخری میچ کھیلے گی اور اس اجازت کے بعد عثمان طارق آج نیشنل اسٹیڈیم کراچی میں ملتان سلطانز کے خلاف سلیکشن کے لیے اہل ہوں گے۔

    تاہم عثمان کو ان کے بولنگ ایکشن کے حوالے سے چوکنا رہنے کی ہدایت کی گئی ہے کہ کیونکہ امپائرز کی جانب سے دوبارہ ایکشن رپورٹ ہونے کے بعد ان پر بولنگ کرانے پر پابندی عائد کی جا سکتی ہے اور یہ پابندی اس وقت تک برقرار رہے گی جب تک وہ اس مسئلے کو درست کرنے کے ساتھ اس کے جائزہ ٹیسٹ میں کلیئر نہ قرار دے دیے جائیں۔

    واضح رہے کہ عثمان طارق کے ایکشن کو 6 مارچ کو کراچی کنگز کے خلاف میچ کے دوران فیلڈ امپائر رچرڈ ایلنگ ورتھ اور آصف یعقوب نے مشکوک قرار دیتے ہوئے رپورٹ کیا تھا۔

    عثمان طارق نے پی ایس ایل کے رواں سیزن میں تین میچ کھیل کر دو وکٹیں حاصل کر رکھی ہیں۔

  • پی ایس ایل: پشاور زلمی سے شکست پر شان مسعود نے کیا کہا؟

    پی ایس ایل: پشاور زلمی سے شکست پر شان مسعود نے کیا کہا؟

    کراچی کنگز کے کپتان شان مسعود نے کہا ہے کہ میں مانتا ہوں کہ اس بار پرفارمنس نہ دے سکا، دو میچز میں اگر غلطیاں نہ کرتے تو آج پلے آف میں ہوتے۔

    پی ایس ایل 9 میں گزشتہ روز پشاور زلمی سے سنسنی خیز مقابلے کے بعد صرف دو رنز سے شکست پانے والی کراچی کنگز کے کپتان شان مسعود نے میچ کے بعد میڈیا سے گفتگو کرتے ہوئے کہا ہے کہ میں مانتا ہوں اس مرتبہ میں پرفارمنس نہ دے سکا لیکن قسمت نے بھی ساتھ نہ دیا، اگر دو میچز میں غلطیاں نہ کرتے تو 6 میچز جیت چکے ہوتے اور آج پلے آف میں ہوتے۔

    ان کا کہنا تھا کہ پشاور زلمی کیخلاف میچ میں وکٹ مختلف ثابت ہوئی، ان کے خلاف ہم نے چھوٹی چھوٹی غلطیاں کیں جب کہ زلمی نے مناسب انداز سے بولنگ کی اور وہ کامیاب رہے۔

    شان مسعود نے مزید کہا کہ اس ٹورنامنٹ میں کراچی کنگز کی کارکردگی الگ ہو سکتی تھی لیکن بدقسمتی سے ایک میچ سے قبل ہمارے کھلاڑی بیمار ہو گئے تھے۔

    انہوں نے کہا کہ کراچی کنگز میں کافی تبدیلیاں ہوئی ہیں، ہماری فرنچائز میں 7 ایسے کھلاڑی تھے جو پہلے کبھی پی ایس ایل نہیں کھیلے تھے اور ہم نے انہیں تجربہ کار کھلاڑیوں کے ساتھ سیکھنے کا موقع فراہم کیا۔

    پی ایس ایل کے ہر سیزن میں ہمیں ٹیلنٹ ملا ہے، کپتان پشاور زلمی

    شان مسعود نے رواں سیزن میں کراچی کنگز کی کارکردگی کو اطمینان بخش قرار دیتے ہوئے کہا کہ ہماری بیٹنگ، بولنگ اور فیلڈنگ کا معیار اچھا ہوا ہے، اس سیزن میں ایمرجنگ کھلاڑیوں کی کارکردگی بھی متاثر کن رہی۔

    واضح رہے کہ گزشتہ روز کھیلے گئے میچ میں پشاور زلمی نے کراچی کنگز کو سنسنی خیز مقابلے کے بعد دو رنز سے شکست دے کر گروپ میں ٹاپ پوزیشن حاصل کر لی ہے۔

    پی ایس ایل 9 کے پلے آف کے لیے پشاور زلمی کے علاوہ ملتان سلطانز، کوئٹہ گلیڈیئٹر اور اسلام آباد یونائیٹڈ کوالیفائی کرچکی ہیں۔

  • پی ایس ایل کے ہر سیزن میں ہمیں ٹیلنٹ ملا ہے، کپتان پشاور زلمی

    پی ایس ایل کے ہر سیزن میں ہمیں ٹیلنٹ ملا ہے، کپتان پشاور زلمی

    پشاور زلمی کے کپتان بابر اعظم نے کہا ہے کہ پاکستان سپر لیگ کے ہر سیزن میں ہمیں ٹیلنٹ ملا ہے اور نوجوان کھلاڑی پاکستان کیلیے اچھا آپشن ثابت ہو رہے ہیں۔

    پشاور زلمی کے کپتان بابر اعظم نے کراچی کنگز سے آخری میچ میں فتح کے بعد میڈیا سے گفتگو کرتے ہوئے کہا کہ پی ایس ایل کے ہر سیزن میں ہمیں ٹیلنٹ ملا ہے اور یہ نوجوان کھلاڑی پاکستان کیلیے اچھا آپشن ثابت ہو رہے ہیں۔ ہوم کنڈیشنز پر لوکل بولرز نے عمدہ کارکردگی دکھائی۔

    بابر اعظم نے کہا کہ پی ایس ایل 9 میں پشاور زلمی کیلیے بہترین کھلاڑی منتخب کیے تھے، تاہم بدقسمتی سے کچھ کھلاڑی ہمیں جوائن نہ کر سکے تاہم پلیئنگ الیون میں جس کو بھی موقع دیا اس نے پرفارم کر کے دکھایا۔

    انہوں نے کہا کہ صائم ایوب اب آل راونڈر بن چکا ہے اور کراچی کنگز کیخلاف صائم نے کنڈیشنز کا بھرپور فائدہ اٹھایا۔

    سابق قومی کپتان نے خود پر تنقید کے حوالے سے کہا کہ ہر کسی کی اپنی سوچ اور رائے ہوتی ہے جس سے مجھےفرق نہیں پڑتا ہے اور میں تنقید کرنے والوں پر زیادہ توجہ نہیں دیتا ہوں۔ کرکٹ کو انجوائے کرنا اور پرفارمنس دینا ہی میرا اصل مقصد ہوتا ہے۔

    کپتان پشاور زلمی نے کہا کہ شائقین کی جانب سے میری حوصلہ افزائی فخر کی بات ہے، کوشش کرتا ہوں کہ اچھی پرفارمنس دے کر شائقین کو خوش کروں تاہم ہر کسی سے ملاقاات کرنا یا تصویر بنوانا آسان نہیں ہوتا جس پر بعض شائقین ناراض بھی ہو جاتے ہیں۔

    واضح رہے کہ گزشتہ روز کھیلے گئے میچ میں پشاور زلمی نے کراچی کنگز کو سنسنی خیز مقابلے کے بعد دو رنز سے شکست دے کر گروپ میں ٹاپ پوزیشن حاصل کر لی ہے۔

    پی ایس ایل 9 کے پلے آف کے لیے پشاور زلمی کے علاوہ ملتان سلطانز، کوئٹہ گلیڈیئٹر اور اسلام آباد یونائیٹڈ کوالیفائی کرچکی ہیں۔

  • ویڈیو: اعظم خان اور نسیم شاہ نے پلے آف میں پہنچنے کا جشن کیسے منایا؟

    ویڈیو: اعظم خان اور نسیم شاہ نے پلے آف میں پہنچنے کا جشن کیسے منایا؟

    پاکستان سپر لیگ  کی فرینچائز اسلام آباد یونائیٹڈ کے اعظم خان اور نسیم شاہ کی گانا گانے کی ویڈیو سوشل میڈیا پر وائرل ہورہی ہے۔

    پاکستان سپر لیگ (پی ایس ایل) 9 کے 27ویں اور اہم میچ میں اسلام آباد یونائیٹڈ نے ملتان سلطانز کو شکست دے کر پلے آف کے لیے کوالیفائی کیا تو اعظم خان اور نسیم شاہ نے منفرد انداز میں جشن منایا۔

    سوشل میڈیا پر وائرل ویڈیو میں اسلم آباد کے بیٹراعظم خان اور نسیم شاہ کو دوران پرواز  کیفی خلیل کا ’کہانی سنو‘گاتے ہوئے دیکھا جاسکتا ہے جبکہ دیگر کھلاڑی بھی اس جگل بندی میں شامل ہوجاتے ہیں۔

    خیال رہے کہ گزشتہ روز ہونے والے میچ میں اسلام آباد یونائیٹڈ نے ملتان سلطانز کو دلچسپ مقابلے کے بعد شکست دے دی، اس طرح وہ پلے آف مرحلے کے لیے کوالیفائی کرنے والی تیسری ٹیم بن گئی ہے۔

     پلے آف مرحلے کی چوتھی ٹیم کوئٹہ گلیڈی ایٹرز ہے جبکہ دفاعی چیمپئن لاہور قلندرز اور کراچی کنگز اگلے راؤنڈ میں جگہ بنانے میں ناکام رہی ہیں۔

  • پی ایس ایل: نسیم شاہ پر جرمانہ عائد

    پی ایس ایل: نسیم شاہ پر جرمانہ عائد

    راولپنڈی: پاکستان کرکٹ بورڈ نے پی ایس ایل کے ضابطہ اخلاق کی خلاف ورزی کرنے پر بولر نسیم شاہ پر میچ فیس کا 10 فیصد جرمانہ کردیا۔

    تفصیلات کے مطابق پاکستان کرکٹ بورڈ (پی سی بی) نے اتوار کو پنڈی کرکٹ اسٹیڈیم میں ملتان سلطانز کے خلاف میچ کے دوران پاکستان سپر لیگ (پی ایس ایل) کے ضابطہ اخلاق کی خلاف ورزی کرنے پر فاسٹ بولر نسیم شاہ پر میچ فیس کا 10 فیصد جرمانہ کردیا۔

    کرکٹر نسیم شاہ نے گزشتہ روز اسلام آباد یونائیٹڈ اور ملتان سلطانز کے مابین کھیلے جانے والے میچ کی آخری بال کے بعد غصے میں اسٹمپ کو لات ماری تھی۔

    پی سی بی کی جانب سے جاری کردہ ایک بیان میں کہا گیا کہ نسیم پر آرٹیکل 2.2 کی خلاف ورزی کا الزام عائد کیا گیا اس کے علاوہ نسیم شاہ نے بھی غلطی کا اعتراف کیا ہے۔

    دریں اثنا، اسی میچ میں ملتان سلطانز کو سلو اوور ریٹ برقرار رکھنے پر جرمانہ بھی کیا گیا، ملتان سلطانز پر سلو اوور ریٹ کی وجہ سے 10 فیصد جرمانہ عائد کیا،  ملتان سلطانز نے ایک اوور مقررہ وقت کے بعد کرایا تھا۔

  • سعود شکیل نے عاقب جاوید کے متنازع  بیان پر کیا کہا؟

    سعود شکیل نے عاقب جاوید کے متنازع  بیان پر کیا کہا؟

    کوئٹہ گلیڈیئٹر کے نائب کپتان سعود شکیل نے لاہور قلندرز کے ہیڈ کوچ عاقب جاوید کے اپنی جسمائی ہئیت سے متعلق متنازع بیان کا مدبرانہ جواب دے دیا۔

    پی ایس ایل 9 کے گزشتہ روز کھیلے گئے میچ میں کوئٹہ گلیڈیئٹر نے لاہور قلندرز کو شکست دے کر پلے آف کے لیے کوالیفائی کر لیا۔ میچ کے ہیرو نائب کپتان سعود شکیل رہے جنہوں نے 88 رنز کی نا قابل شکست اننگ کھیلی۔

    میچ کے بعد ایک صحافی نے ان کی لاہور کے خلاف دونوں میچوں میں پرفارمنسز کو عاقب جاوید کے بیان سے جوڑتے ہوئے سوال کیا تو سعود شکیل نے مسکراتے ہوئے کہا کہ ہماری کوشش ہوتی ہے کہ اس قسم کی چیزوں اور بیانات کو پرسنل نہ لیں۔

    ان کا کہنا تھا کہ ہر ایک کا اپنا اپنا نقطہ نظر ہوتا ہے، جس وقت انہوں نے یہ بیان دیا تو میں ورلڈ کپ میں نچلے نمبروں پر کھیل رہا تھا تو شاید ان کی یہ رائے ہو بہرحال یہ ان کی ذاتی رائے ہے لیکن مجھے خوشی اس بات کی ہے کہ ٹیم منیجمنٹ نے مجھے جو اوپنر کا کردار دیا اس پر میں پورا اترا اور اپنی ٹیم کو پلے آف کے لیے کوالیفائی کرا دیا۔

    ایک صحافی نے ان سے گزشتہ سال پی ایس ایل 8 میں زیادہ وقت بینچ پر بیٹھے رہنے سے متعلق ایک ٹوئٹ کے حوالے سے سوال کیا جس پر سعود نے کہا کہ ہر انسان کے مختلف مواقع پر جذبات ہوتے ہیں اچھا برا وقت آتا رہتا ہے اور برے وقت میں دماغ پر قابو رکھنا چاہیے جو میں اس وقت نہیں رکھ سکا، مجھے وہ ٹویٹ نہیں کرنی چاہیے تھی۔

     

    انہوں نے ٹیم کی کارکردگی میں تبدیلی سے متعلق کہا کہ یہ صرف کپتان یا کوچ کی تبدیلی سے نہیں بلکہ جب سب شعبوں میں بہتری ہو تو کارکردگی بھی بہتر ہوتی ہے اسی لیے ہم نے کوالیفائی کیا اور نائب کپتان کی ذمے داری بھی احسن طریقے سے ادا کی۔

    دفاعی چیمپئن لاہور قلندر کی ناقص پرفارمنس کے سوال پر سعود نے کہا کہ اس کا درست جواب تو قلندرز کے کپتان شاہین شاہ ہی زیادہ بہتر دے سکتے ہیں لیکن میرے خیال میں ورلڈ کلاس اسپنر راشد خان کے نہ ہونے سے ان کا ٹیم کمبینیشن خراب ہوا۔

  • ’سعود شکیل کے چھوٹے چھوٹے بازو ہیں‘ کیا عاقب جاوید اپنے بیان پر اب بھی قائم ہیں؟

    ’سعود شکیل کے چھوٹے چھوٹے بازو ہیں‘ کیا عاقب جاوید اپنے بیان پر اب بھی قائم ہیں؟

    سعود شکیل نے شاندار کارکردگی دکھاتے ہوئے لاہور قلندرز کو شکست دے کر اپنی ٹیم کوئٹہ گلیڈیئٹر کو پی ایس ایل 9 کے پلے آف میں پہنچا دیا۔

    گزشتہ روز کھیلے گئے میچ میں کوئٹہ گلیڈیئٹر نے نائب کپتان سعود شکیل کے برق رفتار اور ناقابل شکست 88 رنز کی بدولت لاہور قلندرز کو ہرا کر اپنی ٹیم کو پلے آف میں پہنچا دیا، جس کے بعد لاہور قلندرز کے ہیڈ کوچ عاقب جاوید کا سعود کے چھوٹے بازو سے متعلق بیان پر ایک بار پھر میڈیا میں بحث شروع ہو گئی۔

    عاقب جاوید نے اپنے ماضی کے اس بیان کے حوالے سے صحافی کے سوال کا جواب دیتے ہوئے کہا کہ سوشل میڈیا پر جو کلپ چلتا ہے وہ حقیقت نہیں ہوتا۔ سعود شکیل بہترین بلے باز ہے میں خود اس کا فین ہوں، جہاں تک بات ہو رہی ہے میرے اس بیان کی تو یہ میں نے اس وقت دیا تھا جب ورلڈ کپ کھیلا جا رہا تھا اور اسکور چار سو ، پونے چار سو تک جا رہا تھا اس وقت میں نے ٹیم کے اسٹائل آف پلے، اسپیڈ، رینج پاور پر بات کی تھی اور یہ میں نشاندہی کرتا رہتا ہوں تاکہ وقت پر اس کا تدارک کر لیا جائے کیونکہ یہی خامیاں ہماری ہاکی کو بہت نیچے لے گئیں۔

     

    عاقب جاوید نے کہا کہ ہماری کرکٹ جس طرف جا رہی ہے اس میں میں تمام کھلاڑیوں بالخصوص نوجوان کرکٹرز کو کہوں گا کہ آپ کو اپنی باڈیز پر کام کرنا ہوگا اگر ٹی ٹوئنٹی میں 200 پلس اسکور کرنا ہے تو یہ جسمانی طاقت سے ہی ممکن ہے جیسا کہ رواں پی ایس ایل میں پولارڈ اور پاول نے ثابت کیا ہے، اگر آپ نے دنیا کا بڑا کرکٹر بننا ہے تو بیٹر کے ساتھ فٹر (چُست) بھی بننا پڑے گا۔

    لاہور قلندرز کی کارکردگی کے حوالے سے ان کا کہنا تھا کہ ہماری ٹیم ابتدائی ایڈیشن میں بالکل نیچے جا رہی تھی پھر ہم نے ہیرے تلاش کیے اور ٹیم کامبی نیشن بنایا، دو بار لگاتار چیمپئن بنے، لیکن جب کسی ٹیم کے پلرز ہلتے ہیں تو ٹیم کی پرفارمنس بھی نیچے جاتی ہے ہمیں 10 دن میں چھ ایسے میچز دیے گئے کہ شکست در شکست کے بعد سنبھلنے کا موقع نہیں ملا، ویسے اس ٹورنامنٹ میں ہم سوائے ایک میچ کے جس میں بیٹنگ، فیلڈنگ اور بولنگ سب خراب رہی باقی تمام میچز بہت کلوز کھیلے جو بدقسمتی سے جیت نہ سکے۔