کراچی : پی ایس ایل فائیو کے ملتوی شدہ پہلے میچ میں ملتان سلطانز نے کراچی کنگز کو 142 رنز کا ہدف دیا ہے، ملتان سلطان نے 7وکٹ پر141رنزبنائے، کراچی کنگز نے ٹاس جیت کر پہلے بولنگ کا فیصلہ کیا تھا۔
پی ایس ایل فائیو کوالیفائر میچ میں ملتان سلطانزنے پہلے بیٹنگ کرتے ہوئے کراچی کنگز کو142رنزکا ہدف دیا ہے، ملتان سلطانز نے مقررہ اوورز میں7وکٹ پر141رنز بنائے۔
ملتان سلطان کے روی بوپارہ40،ذیشان اشرف21رنز بنا کر نمایاں رہے، وقاص مقصود اور ارشد اقبال نے 2،2،جبکہ عماد وسیم نے1وکٹ اپنے نام کی۔
پاکستان سپر لیگ (پی ایس ایل) کے پلے آف مرحلے کے کورونا کی وجہ سے ملتوی شدہ میچز کا آغاز آج سے کراچی میں ہوا، پلے آف کے پہلے میچ میں کراچی کنگز نے ٹاس جیت کر ملتان سلطانز کو پہلے بیٹنگ کی دعوت دی۔
INNINGS UPDATE: @MultanSultans make 141/7. @KarachiKingsARY require 142 runs to win #HBLPSLV #phirsetayyarhain #MSvKK pic.twitter.com/TUO8XfShRa
— PakistanSuperLeague (@thePSLt20) November 14, 2020
نیشنل اسٹیڈیم کراچی میں کھیلے جا نے والے میچ میں کراچی کنگز کے کپتان عماد وسیم نے ٹاس جیت کر ملتان سلطانز کو بیٹنگ کی دعوت دی۔
ملتان سلطان کی جانب سے ذیشان اشرف اور ایڈم لیتھ نے اننگز کا آغاز کیا تو تیسرے اوور کی تیسری گیند پر ایڈم لیتھ 9 رنز بنا کر وقاص مقصود کی گیند پر شیڈوک والٹن کے ہاتھوں آؤٹ ہوکر پویلین روانہ ہوگئے۔
REPLAY: Chadwick Walton TOOK OFF to catch that! 🛫@KarachiKingsARY #MSvKK #PhirSeTayyarHain pic.twitter.com/5tDLiob8Cf
— PakistanSuperLeague (@thePSLt20) November 14, 2020
ملتان سلطانز کی کراچی کنگز کیخلاف دوسری وکٹ 23 کے مجموعی اسکور پر گری جب شان مسعود صرف 3 رنز بنا کر محمد عامر کی ہٹنگ سے رن آؤٹ ہوئے۔
ملتان سلطان کی تیسری وکٹ مجموعی طور پر 36رنز پر گر گئی جب ریلی روسو بھی5 رنز بنا کر ارشد اقبال کی تھرو پر شیڈوک
والٹن کے ہاتھوں رن آﺅٹ ہوکر میدان سے واپس چلے گئے۔
اس کے بعد صرف 4 رنز کے اضافے کے بعد ذیشان اشرف بھی 21 رنز بنا کر عماد وسیم کی گیند پر آؤٹ ہوگئے ان کا کیچ ایلکس ہیلز نے پکڑا۔
حالیہ سیزن میں عمدہ کارکردگی دکھانے والے خوشدل شاہ نے بھی خاطر خواہ کارکردگی نہ دکھائی اور17رنز ہی بنا سکے وہ ارشد اقبال کی گیند پر شرفین ردرفورڈ کے ہاتھوں کیچ آؤٹ ہوئے۔
اس کے بعد کافی عرصے بعد ایکشن میں نظر آنے والے شاہد خان آفریدی بھی کوئی خاص کارکردگی دکھانے میں ناکام رہے انہوں نے ایک چھکا تو لگالیا مگر اگلی ہی گیند پر کیچ دے کر واپس پویلین لوٹ گئے، وہ 12 گیندوں پر صرف12 رنز ہی بناسکے۔
روی بوپارا نے ذمہ دارانہ بلے بازی کرتے ہوئے 40 رنز بنا کر ملتان سلطانز کی ڈوبتی کشتی کو سہارا دینے کی کوشش کی تاہم 111کے مجموعی اسکور پر وہ بھی وقاص محمود کی گیند پر افتخار احمد کے ہاتھوں کیچ ہو گئے۔
TOP PLAYER: @ravibopara #HBLPSLV #phirsetayyarhain #MSvKK pic.twitter.com/Y1GjXR3hpQ
— PakistanSuperLeague (@thePSLt20) November 14, 2020
سہیل تنویر نے اننگز کے آخری حصے میں خوب جلوے دکھائے اور 13 گیندوں پر 2 چھکوں اور 1 چوکے کی مدد سے 25 رنز جڑ کر ٹیم کا مجموعی اسکور 141 تک پہنچانے میں اہم کردار ادا کیا۔
واضح رہے کہ میچ کیلئے کراچی کنگز کی قیادت عماد وسیم کر رہے ہیں جبکہ دیگر کھلاڑیوں میں بابراعظم، شرجیل خان، ایلکس ہیلز، وین پارنیل، شیڈوک والٹن، محمد عامر، وقاص مقصود، شرفین ردرفورڈ، افتخار احمد اور ارشد اقبال شامل ہیں۔
ملتان سلطانز کی قیادت شان مسعود کر رہے ہیں جبکہ دیگر کھلاڑیوں میں ذیشان اشرف، ایڈم لیتھ، ریلی روسو، روی بوپارا، خوشدل شاہ، شاہد آفریدی، سہیل تنویر، محمد الیاس، عمران طاہر اور محمد عرفان شامل ہیں۔
کورونا وائرس کی وجہ سے پی ایس ایل کا آخری مرحلہ مارچ میں ملتوی کر دیا گیا تھا۔ ملتوی شدہ میچز اب بغیر تماشائیوں کے نیشنل اسٹیڈیم کراچی میں ہو رہے ہیں۔
پی ایس ایل 5 کا آخری میچ سات ماہ قبل 15 مارچ کو کراچی کنگز اور کوئٹہ گلیڈی ایٹرز کے درمیان کھیلا گیا تھا جس میں کوئٹہ نے 5 وکٹوں سے کامیابی حاصل کی۔
پلے آف مرحلے میں شریک غیرملکی کھلاڑیوں کو بائیو سیکیور ماحول میں رکھا گیا ہے اور انہیں کھلاڑیوں کے علاوہ کسی سے بھی ملنے کی اجازت نہیں ہے۔
