ARYNews.tv | Urdu – Har Lamha Bakhabar

Tag: PSL4

  • کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے شکست دے دی

    کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے شکست دے دی

    دبئی: پی ایس سیزن فور کے چھٹے میچ میں کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے باآسانی شکست دے دی، شین واٹسن کو میچ کا بہترین کھلاڑی قرار دیا گیا۔

    تفصیلات کے مطابق اسلام آباد یونائیٹڈ کی جانب سے کوئٹہ گلیڈی ایٹرز کو جیت کے لیے 158 رنز کا ہدف دیا گیا تھا جسے کوئٹہ گلیڈی ایٹرز نے 3 وکٹوں کے نقصان پر باآسانی حاصل کرلیا، شین واٹسن نے شاندار نصف سنچری اسکور کی۔

    ہدف کے تعاقب میں کوئٹہ نے بیٹنگ کا آغاز کیا تو احمد شہزاد پہلے میچ کی طرح دوسرے میچ میں بھی کچھ نہ کرسکے اور صرف 2 رنز بنا کر پٹیل کی گیند پر کلین بولڈ ہوگئے۔

    شین واٹسن نے شاندار کارکردگی کا مظاہرہ کرتے ہوئے ناقابل شکست 81 رنز کی اننگز کھیلی، روسو صرف 10 رنز بنا کر رومن رئیس کی گیند پر محمد سمیع کو کیچ دے بیٹھے۔

    عمر اکمل نے جارحانہ انداز میں اپناتے ہوئے 28 گیندوں پر 44 رنز کی اننگز کھیلی، کپتان سرفراز احمد 15 رنز بنا کر ناٹ آؤٹ رہے۔

    اسلام آباد یونائیٹڈ کی جانب سے پٹیل، رومن رئیس اور ڈیلپورٹ نے ایک، ایک وکٹ حاصل کی۔

    قبل ازیں پی ایس ایل سیزن فور کے چھٹے میچ میں اسلام آباد یونائیٹڈ نے مقررہ اوورز میں 8 وکٹوں کے نقصان پر 157 رنز بنائے اور کوئٹہ گلیڈی ایٹرز کو جیت کے لیے 158 رنز کا ہدف دے دیا۔

    سرفراز احمد نے ٹاس جیت کر پہلے فیلڈنگ کا فیصلہ کیا جو درست ثابت ہوا، سہیل تنویر نے اپنے پہلے ہی اوور میں لک رونکی اورشاداب خان کو سہیل تنویر نے پویلین کی راہ دکھائی۔

    رونکی اور شاداب خان بغیر کوئی رن بنائے پویلین لوٹ گئے جبکہ رضوان حسین 5 رنز بنا کر محمد نواز کی گیند پر انہی کو کیچ دے بیٹھے، فواد احمد 19 رنز بنا کر ڈیلپورٹ کا نشانہ بنے۔

    حسین طلعت کو فواد احمد نے 30 رنز پر بولڈ کیا، آصف علی 36، فہیم اشرف 1 جبکہ پارنیل نے 41 رنز کی شاندار اننگز کھیلی۔

    کوئٹہ گلیڈی ایٹرز کی جانب سے سہیل تنویر نے شاندار بولنگ کا مظاہرہ کرتے ہوئے 4 وکٹیں حاصل کیں، فواد احمد نے تین اور محمد نواز کے حصے میں ایک وکٹ آئی۔

    پاکستان سپر لیگ کے چوتھے سیزن میں آج 2 میچز کھیلے جائیں گے۔ دبئی کے اسٹیڈیم میں پہلا میچ اسلام آباد یونائیٹڈ اور کوئٹہ گلیڈی ایٹرز کا ہوگا، میچ مقامی وقت کے مطابق ساڑھے 4 بجے شروع ہوگا۔

    ایونٹ کا دوسرا میچ پشاورزلمی اور لاہور قلندرز کے درمیان رات 9 بجے کھیلا جائے گا۔

    خیال رہے کہ گزشتہ روز پاکستان سپرلیگ کے پانچویں میچ میں لاہور قلندرز نے کراچی کنگز کو 22 رنز سے شکست دی تھی۔

    لاہور قلندرز نے پہلے کھیلتے ہوئے مقررہ اوورز میں 6 وکٹوں کے نقصان پر138 رنز بنائے، جواب میں کراچی کنگز کی ٹیم 19.5 اوورز میں 116 رنز بنا کر آؤٹ ہوگئی تھی۔

    لاہور قلندرز نے کراچی کنگز کو 22 رنز سے شکست دے دی

    واضح رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابوظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • لاہور قلندرز نے کراچی کنگز کو 22 رنز سے شکست دے دی

    لاہور قلندرز نے کراچی کنگز کو 22 رنز سے شکست دے دی

    دبئی: لاہور قلندر نے کراچی کنگز کو 22 رنز سے شکست دے دی، شاہین شاہ آفریدی اور حارث رؤف نے 2، 2 کھلاڑیوں کو پویلین راہ دکھائی، نوجوان فاسٹ بولر حارث رؤف کو مین آف دی میچ کا ایوارڈ دیا گیا۔

    تفصیلات کے مطابق لاہور قلندر نے ایونٹ کی پہلی کامیابی حاصل کرلی، کراچی کنگز 139 رنز کے تعاقب میں 116 رنز بناسکی، لاہور قلندر کے حارث رؤف نے چار، شاہین شاہ آفریدی نے دو کھلاڑیوں کو پویلین کی راہ دکھائی، محمد رضوان 34 رنز بنا کر نمایاں رہے۔

    کراچی کنگز کی پہلی وکٹ 13 رنز پر گری، لیونگ اسٹون کو 11 رنز پر شاہین شاہ آفریدی نے کلین بولڈ کیا، بابراعظم 28 رنز بنا کر آؤٹ ہوئے۔

    کولن انگرام اور ری بوپارا بھی خاطر خواہ کارکردگی نہ دکھا سکے، دونوں نے بالترتیب 16 اور 1 رنز بنائے، کپتان عماد وسیم 17 رنز پر ہمت ہار گئے، سہیل خان بغیر کوئی رن بنائے پویلین لوٹ گئے۔

    لاہور قلندرز اسپیڈ اسٹار حارث رؤف نے چار کھلاڑیوں کو پویلین کی راہ دکھائی، شاہین شاہ آفریدی نے دو کھلاڑیوں کو آؤٹ کیا۔

    واضح رہے کہ کراچی کنگز نے اپنے پہلے میچ میں کراچی کنگز نے ملتان سلطانز کو 7 رنز سے شکست دی تھی جبکہ لاہور قلندرز کو اسلام آباد یونائیٹڈ کے ہاتھوں شکست کا سامنا کرنا پڑا تھا۔

    تفصیلات کے مطابق لاہور قلندر نے مقررہ اوورز 5 وکٹوں کے نقصان پر 138 رنز بنائے اور کراچی کنگز کو جیت کے لیے 139 رنز کا ہدف دے دیا، اوپنر سہیل اختر نے 39 رنز کی جارحانہ اننگز کھیلی۔

    عماد وسیم نے ٹاس جیت کر لاہور قلندرز کو پہلے بیٹنگ کی دعوت دی تھی اوپنر فخر زمان اور سہیل اختر نے عمدہ آغاز فراہم کیا، لاہور قلندرز کی پہلی وکٹ 64 رنز پر گری جب سہیل اختر 39 رنز بنا کر عمر خان کی گیند پر بابر اعظم کو کیچ دے بیٹھے۔

    فخر زمان 26 رنز بنا کر سکندر رضا کا نشانہ بنے، اے بی ڈیویلیرز صرف 3 رنز بنا کر عمر خان کی گیند پر آؤٹ ہوئے، محمد حفیظ کو 14 رنز پر سکندر رضا نے رن آؤٹ کیا۔

    ڈیوسچ نے 28 رنز بنا کر محمد عامر کا نشانہ بنے، برینڈر ٹیلر 13 رنز بناسکے انہیں کپتان عماد وسیم نے رن آؤٹ کیا۔

    کراچی کنگز کی جانب سے ابھرتے ہوئے اسپنر عمر خان نے 2 وکٹیں حاصل کیں جبکہ محمد عامر اور سکندر رضا کے حصے میں ایک وکٹ حاصل کیں۔

    تفصیلات کے مطابق پی ایس ایل سیزن فور کے چوتھے میچ میں کراچی کنگز کے کپتان عماد وسیم نے تاس جیت کر حفیظ الیون کو بیٹنگ کی دعوت دی ہے، کراچی کنگز کی ٹیم میں کوئی تبدیلی نہیں کی گئی ہے جبکہ لاہور قلندرز کی ٹیم میں ایک تبدیلی کی گئی ہے۔

    واضح رہے کہ دو روز قبل لاہور قلندرز کو اسلام آباد یونائیٹڈ کے ہاتھوں شکست کا سامنا کرنا پڑا تھا جبکہ کراچی کنگز نے ملتان سلطانز کو 7 رنز سے شکست دی تھی۔

  • ڈسکو دیوانے کیوں گایا؟ زوہیب حسن کا پی ایس ایل انتظامیہ کے خلاف قانونی چارہ جوئی کا اعلان

    ڈسکو دیوانے کیوں گایا؟ زوہیب حسن کا پی ایس ایل انتظامیہ کے خلاف قانونی چارہ جوئی کا اعلان

    کراچی: پاکستانی پاپ گلوکار زوہیب حسن نے پی ایس ایل 4 کی افتتاحی تقریب میں ان کی بغیر اجازت ’ڈسکو دیوانے‘ گیت گانے پر انتظامیہ کے خلاف قانونی چارہ جوئی کا اعلان کردیا۔

    پی ایس ایل 4 کی افتتاحی تقریب میں گلوکارہ آئمہ بیگ اور موسیقار شجاع حیدر نے ماضی کی مشہور گلوکارہ نازیہ حسن کا گیت ’ڈسکو دیوانے‘ گایا تھا جس پر زوہیب حسن نے قانونی کارروائی کا اعلان کیا۔

    زوہیب حسن نے سماجی رابطے کی ویب سائٹ فیس بک پر پوسٹ شیئر کرتے ہوئے لکھا کہ ’میں حیران ہوں کہ ایک معتبر کرکٹ ایونٹ پی ایس ایل 4 میں مجھ سے پوچھے بغیر ’ڈسکو دیوانے‘ گانے کو پیش کردیا۔

    یاد رہے کہ ڈسکو دیوانے وہ مشہور گانا ہے جسے دنیا بھر میں بھرپور پذیرائی ملی تھی اور متعدد اداکار اس گانے پر پرفارم کرچکے ہیں، کرن جوہر کی فلم اسٹوڈنٹ آف دی ایئر میں بھی اس گانے کو پیش کیا جاچکا ہے جس میں عالیہ بھٹ، ورون دھون اور سدھاتھ ملہوترا نے پرفارم کیا تھا۔

    دبئی میں 14 فروری کو پاکستان سپر لیگ سیزن فور کی افتتاحی تقریب میں کا انعقاد کیا گیا تھا جس میں آئمہ بیگ، شجاع حیدر، جنون گروپ اور فواد خان سمیت دیگر فن کاروں نے شرکت کی تھی۔

  • ملتان سلطانز نے اسلام آباد یونائیٹڈ کو 5 وکٹوں سے شکست دے دی

    ملتان سلطانز نے اسلام آباد یونائیٹڈ کو 5 وکٹوں سے شکست دے دی

    دبئی: پی ایس ایل سیزن فور کے چوتھے میچ میں ملتان سلطانز نے اسلام آباد یونائیٹڈ کو شکست دے دی۔

    تفصیلات کے مطابق پی ایس ایل سیزن فور کے چوتھے میچ میں ملتان سلطانز نے سنسنی خیز مقابلے کے بعد اسلام آباد یونائیٹڈ کو شکست دے دی، اسلام آباد نے 125 رنز بنائے اور ملتان سلطانز کو 126 رنز کا ہدف دیا۔

    ہدف کے تعاقب میں ملتان سلطانز کی پہلی وکٹ 3 رنز پر گری جب چارلس بغیر کوئی رن بنائے وقاص مقصود کی گیند پر پویلین لوٹ گئے، دوسری وکٹ شادی مسعود کی گری جب وہ 26 رنز بنا کر رن آؤٹ ہوگئے۔

    تیسرے آؤٹ ہونے والے کھلاڑی ایونس تھے انہوں نے 15 رنز بنائے، حماد اعظم اور آندرے رسل بالترتیب 14 اور 16 رنز بنائے۔

    شاہد آفریدی اور شعیب ملک نے ناقابل شکست 16 اور 31 رنز کی اننگز کھیلی۔

    اسلام آباد یونائیٹڈ کے شاداب خان نے دو کھلاڑیوں کو پویلین کی راہ دکھائی جبکہ وقاص مقصود اور محمد سمیع کے حصے میں ایک ایک وکٹ آئی۔

    واضح رہے کہ ملتان سلطانز کی ایونٹ میں یہ دوسری شکست ہے جبکہ اسلام آباد یونائیٹڈ نے ایک میچ جیتا اور ایک ہارا ہے۔

    قبل ازیں ملتان سلطانز نے ٹاس جیت کر پہلے فیلڈنگ کا فیصلہ کیا جو درست ثابت ہوا اور اسلام آباد یونائیٹڈ کی پوری ٹیم مقررہ اوورز میں صرف 125 رنز بناسکی اور ملتان سلطانز کو جیت کے لیے 126 رنز کا ہدف دے دیا۔

    اسلام آباد یونائیٹڈ لک رونکی نے 51 رنز کی شاندار اننگز کھیلی اور سمیٹ پٹیل 20 رنز بنا کر نمایاں رہے، اسلام آباد یونائیٹڈ کے باقی کھلاڑی خاطر خواہ کارکردگی دکھانے میں ناکام رہے۔

    ملتان سلطانز کی جانب سے جنید خان، علی شفیق اور شاہد خان آفریدی نے دو، دو وکٹیں حاصل کیں جبکہ محمد عرفان کے حصے میں ایک وکٹ آئی۔

    دبئی کے اسٹیڈیم میں آج ملتان سلطانز اور اسلام آباد یونائیٹڈ مدمقابل ہیں۔ اسلام آباد یونائیٹڈ کے کپتان محمد سمیع کا کہنا ہے کہ ٹیم میں کوئی تبدیلی نہیں کی گئی۔

    2 سیزنز کی فاتح اسلام آباد یونائیٹڈ نے اس سیزن میں بھی فاتحانہ آغاز کیا اور پہلے میچ میں لاہور قلندرز کو 5 وکٹوں سے شکست دی۔

    دوسری جانب ملتان سلطان کا یہ دوسرا میچ ہے اور وہ پہلے میچ کی شکست کے بعد دوسرا میچ جیتنے کے لیے پرعزم ہیں۔

    ملتان سلطانز نے اپنے پہلے میچ میں کراچی کنگز سے 7 رنز سے شکست کھائی تھی۔

    ملتان سلطانز کی ٹیم میں کپتان شعیب ملک، علی شفیق، ڈی جے کرسٹین، حماد اعظم، جنید خان، محمد عباس، محمد الیاس، محد عرفان، شان مسعود، شاہد آفریدی، نعمان علی اور قیس احمد شامل ہیں۔

    اسلام آباد کی ٹیم میں محمد سمیع کپتان، رضوان حسین، لک رونچی، فل سالٹ، حسین طلعت، کیمرون ڈیلپورٹ، آصف علی، فہیم اشرف، شادان خان، سمیٹ پٹیل اور وقاص مقصود شامل ہیں۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • پی ایس ایل 4: کراچی کنگز اور لاہور قلندرز آج آمنے سامنے

    پی ایس ایل 4: کراچی کنگز اور لاہور قلندرز آج آمنے سامنے

    دبئی: پاکستان سپر لیگ کے چوتھے سیزن میں آج اسلام آباد یونائیٹڈ اور ملتان سلطانز، جبکہ کراچی کنگز اور لاہور قلندرز آپس میں مدمقابل ہوں گے۔

    پاکستان سپر لیگ کے چوتھے سیزن میں آج 2 میچز کھیلے جائیں گے۔ دبئی کے اسٹیڈیم میں پہلا میچ اسلام آباد یونائیٹڈ اور ملتان سلطانز کا ہوگا، میچ مقامی وقت کے مطابق 5 بجے کھیلا جائے گا۔

    دوسرا میچ کراچی کنگز اور لاہور قلندرز کے درمیان ساڑھے 9 بجے کھیلا جائے گا۔

    کراچی کنگز نے گزشتہ روز پی ایس ایل 4 میں شاندار فاتحانہ آغاز کیا اور ملتان سلطانز کو 7 رنز سے شکست دی۔

    کراچی کے مدمقابل لاہور قلندرز کی ٹیم پہلے روز افتتاحی میچ میں اسلام آباد یونائیٹڈ سے 5 وکٹوں سے شکست کھا چکی ہے۔

    کنگز کی ٹیم آج بھی جیت کا تسلسل رکھنے کے لیے برقرار ہے۔

    دوسری جانب ملتان سلطان کا یہ دوسرا میچ ہے اور وہ پہلے میچ کی شکست کے بعد دوسرا میچ جیتنے کے لیے پرعزم ہیں۔

    2 سیزنز کی فاتح اسلام آباد یونائیٹڈ نے اس سیزن میں بھی فاتحانہ آغاز کیا اور پہلے میچ میں لاہور قلندرز کو شکست دی۔

    چاروں ٹیمیں بھرپور تیاری کے ساتھ میدان میں اترنے اور مقابل کو پچھاڑنے کے لیے بے چین ہیں۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • کوئٹہ گلیڈی ایٹرز نے پشاور زلمی کو 6 وکٹوں سے باآسانی شکست دے دی

    کوئٹہ گلیڈی ایٹرز نے پشاور زلمی کو 6 وکٹوں سے باآسانی شکست دے دی

    دبئی: پی ایس سیزن فور کے تیسرے میچ میں کوئٹہ گلیڈی ایٹرز نے پشاور زلمی کو باآسانی 6 وکٹوں سے شکست دے دی۔

    تفصیلات کے مطابق دبئی میں کھیلے جانے والے تیسرے میچ میں کوئٹہ گلیڈی ایٹرز نے پشاور زلمی کی جانب سے دیا جانے والا 156 رنز کا ہدف 6 وکٹوں کے نقصان پر باآسانی حاصل کرلیا، عمر اکمل نے شاندار نصف سنچری اسکور کی۔

    سرفراز احمد نے ٹاس جیت پہلے پشاور زلمی کو پہلے بیٹنگ کی دعوت دی تو زلمی کی ٹیم مقررہ اوورز میں صرف 156 رنز بناسکی، کامران اکمل اور مصباح الحق نے 49 رنز کی اننگز کھیلی۔

    کوئٹہ کی جیت میں عمر اکمل نے 75 رنز کی شاندار ناقابل شکست کھیلی اور کپتان سرفراز احمد 37 رنز بنا کر وہاب ریاض کی گیند پر سیمی کو کیچ دے بیٹھے۔

    پشاور زلمی کی جانب وہاب ریاض نے دو جبکہ  حسن علی اور عمید آصف نے ایک، ایک وکٹ حاصل کی۔

    قبل ازیں پی ایس ایل فور کے تیسرے میچ میں پشاور زلمی نے مقررہ اوورز میں 4 وکٹوں کے نقصان پر 155 رنز بنائے اور کوئٹہ گلیڈی ایٹرز کو جیت کے لیے 156 رنز کا ہدف دے دیا۔

    کوئٹہ گلیڈی ایٹرز کے کپتان سرفراز احمد نے ٹاس جیت کر پہلے فیلڈنگ کرنے کا فیصلہ کیا جو درست ثابت ہوا، 13 رنز کے مجموعی اسکور پر پشاور کی پہلی وکٹ گری جب فلیچر 1 رن بنا کر محمد عرفان جونیئر کا نشانہ بنے۔

    دوسرے آؤٹ ہونے والے کھلاڑی کامران اکمل تھے جو 49 رنز بنا کر محمد نواز کی گیند پر روسو کو کیچ دے بیٹھے، صہیب مقصود 26 رنز بناسکے۔

    مصباح الحق نے 49 رنز کی شاندار اننگز کھیلی لیام ڈوسن 21 رنز بنا کر نمایاں رہے۔

    کوئٹہ گلیڈی ایٹرز کے محمد نواز نے 2 وکٹیں حاصل کیں، محمد عرفان جونیئر اور غلام مدثر کے حصے میں ایک، ایک وکٹ آسکی۔

    قبل ازیں کوئتہ گلیڈی ایٹرز نے پشاور زلمی کے خلاف ٹاس جیت کر پہلے فیلڈنگ کا فیصلہ کیا ہے، سرفراز احمد نے کہا ہے کہ پشاور زلمی کے کھلاڑیوں کو کم اسکور پر آؤٹ کرنے کی کوشش کریں گے۔

    کوئٹہ گلیڈی ایٹرزاسکواڈ

    سرفراز احمد کپتان، احمد شہزاد، عمر اکمل، ڈیون اسمتھ، روسو، محمد نواز، شین واٹسن، غلام مدثر، سہیل تنویر، محمد عرفان جونیئر، فواد احمد شامل ہیں۔

    پشاور زلمی اسکواڈ

    ڈیرن سیمی کپتان، کامران اکمل، اینڈریو فلیچر، مقصود، مصباح الحق، کیرون پولارڈ، ڈاسن، وہاب ریاض، حسن علی، عمید آصف، ثمین گل شامل ہیں۔

    واضح رہے کہ پی ایس ایل سیزن فور کے دوسرے میچ میں کراچی کنگز نے محمد عامر کی شاندار بولنگ کی بدولت ملتان سلطانز کو 7 رنز سے شکست دی تھی۔

  • وسیم اکرم کے تجربے کا فائدہ ہوا، سلمان اقبال

    وسیم اکرم کے تجربے کا فائدہ ہوا، سلمان اقبال

    دبئی: کراچی کنگز کے مالک نے پی ایس ایل کے سیزن فور میں فاتحانہ آغاز پر مسرت کا اظہار کرتے ہوئے کہا ہے کہ ٹیم نے بہتر پرفارمنس دی، وسیم اکرم کے تجربے کا بہت فائدہ ہوا۔

    تفصیلات کے مطابق میچ کے بعد دبئی اسٹیڈیم کے باہر نمائندہ اے آر وائی سے گفتگو کرتے ہوئے سلمان اقبال کا کہنا تھا کہ ’بابر اعظم نے شاندار بیٹنگ کی اور پی ایس ایل تاریخ کی سب سے بڑی 157 رنز کی شراکت داری قائم کی البتہ آخری میں گیم تھوڑا سا آہستہ بھی ہوا‘ْ

    کراچی کنگز کے مالک کا کہنا تھا کہ ’وسیم اکرم دنیائے کرکٹ کا اہم سرمایہ ہیں، وہ عالمی سطح پر ایک اچھے کرکٹر کے طور پر مانے جاتے ہیں، ہمارے لیے یہ فخر کی بات ہے کہ وسیم اکرم ہمارے ساتھ ہیں‘۔

    اے آر وائی ڈیجیٹل کے سی ای او کا کہنا تھا کہ ’ہم گزشتہ تین سال سے وسیم اکرم کو کراچی کنگز میں لانے کی کوشش کررہے تھے بلآخر وہ اب ہماری ٹیم کا حصہ ہیں‘۔

    پی ایس ایل تھری میں اسلام آباد کی فتح پر اپنی ماہرانہ رائے پیش کرتے ہوئے کراچی کنگز کے مالک کا کہنا تھا کہ ‘اسلام آباد یونائیٹڈ کے پاس پچھلے سیزن میں اچھے ڈومیسٹک کھیلنے والے کھلاڑی تھے، اُن کے پاس تین سال سے ایسے کھلاڑی تھے جو ہمیشہ سے بہت مضبوط رہے اور وہی ٹیم کو فائنل تک لے کر جاتے ہیں‘۔

    سلمان اقبال کا کہنا تھا کہ ’ہم نے وسیم اکرم، راشد لطیف سے مشاورت میں فیصلہ کیا کہ ہمارے پاس ڈومیسٹک پلیئرز ہونے چاہیں، عمر خان کو بطور ایمرجنگ پلیئر منتخب کیا اور آج اُس نے شاندار کھیل کا مظاہرہ کیا‘۔ اُن کا مزید کہنا تھا کہ امسال ملکی و غیر ملکی کھلاڑیوں کا اچھا جوڑ بنایا، ہمارے پاس اب اچھے ڈومیسٹک کھیلنے والے کھلاڑی ہیں۔

  • پی ایس ایل 4 : کراچی کنگز کے مالک کی کینسر سے متاثرہ بچی سے ملاقات

    پی ایس ایل 4 : کراچی کنگز کے مالک کی کینسر سے متاثرہ بچی سے ملاقات

    دبئی: اے آر وائی ڈیجیٹل کے چیف ایگزیکٹیو آفیسر اور کراچی کنگز کے مالک سلمان اقبال نے میچ کے دوران کینسر سے متاثرہ ننھی بچی عائشہ نور سے ملاقات کی اور اُس کے بلند حوصلے کو سراہا۔

    تفصیلات کے مطابق پی ایس ایل کے چوتھے سیزن کا دوسرا میچ کراچی کنگز اور ملتان سلطانز کی ٹیموں کے درمیان کھیلا گیا جس میں عماد الیون نے شاندار کارکردگی کا مظاہرہ کرتے ہوئے مخالف ٹیم کو شکست دے کر لیگ میں فاتحانہ آغاز کیا۔ میچ کے دوران اسٹیڈیم میں ہزاروں شائقین موجود تھے جو سنسنی خیز مقابلے سے لطف اندوز بھی ہوئے۔

    کراچی کنگز کے مالک سلمان اقبال نے انڈس اسپتال میں زیر علاج کینسر سے متاثرہ ننھی بچی سے ملاقات کی جو اسٹیڈیم میں میچ دیکھنے کے لیے موجود تھی۔

    اے آر وائی ڈیجیٹل کے سی ای او نے بچی کے ساتھ تصویر بنوائی اور اُس کے بلند حوصلے کو سراہتے ہوئے اپنی تمام تر نیک خواہشات کا اظہار کیا۔

    علاوہ ازیں شوبز انڈسٹری کے نامور فنکار اور تحریک انصاف کے سینیٹر فیصل جاوید بھی کراچی کنگز کو سپورٹ کررہے تھے۔

    نامور اینکر اور اداکار فہد مصطفیٰ نے ہیلمٹ پہنا اور خوب ایکشن دکھائے جبکہ مزاحیہ اداکار احمد علی بٹ کی بھی ویڈیو بنوائی۔

    میچ کی تفصیل : کراچی کنگز کا فاتحانہ آغاز، ملتان سلطانز کو 7 رنز سے شکست

    دبئی میں موجود تحریک انصاف سینیٹر فیصل جاوید نے میچ سے قبل اہل کراچی اور کراچی کنگز کے لیے نیک خواہشات کا اظہار کیا۔ اُن کا کہنا تھا کہ ’کراچی میں جلسے کرنے میں بہت مزہ آیا، میری تمام تر نیک خواہشات کراچی کنگز کے ساتھ ہیں‘۔

  • کراچی کنگز کا فاتحانہ آغاز، ملتان سلطانز کو 7 رنز سے شکست

    کراچی کنگز کا فاتحانہ آغاز، ملتان سلطانز کو 7 رنز سے شکست

    دبئی: پی ایس ایل فور کے دوسرے میچ میں کراچی کنگز نے فاتحانہ آغاز کرتے ہوئے ملتان سلطانز کو 7 رنز سے شکست دے دی، لیام لیونگ اسٹون کو میچ کا بہترین کھلاڑی قرار دیا گیا۔

    تفصیلات کے مطابق کراچی کنگز نے ملتان سلطانز کو جیت کے لیے 184 رنز کا ہدف دیا، شعیب ملک الیون مقررہ اوورز میں 176 رنز بناسکی، بابراعظم اور لیونگ اسٹون نے شاندار نصف سنچریاں اسکور کیں، محمد عامر نے چار وکٹیں حاصل کیں۔

    ملتان سلطان 184 رنز کے تعاقب میں اننگز کا آغاز کیا تو مورس صرف ایک رن بنا کر پویلین لوٹ گئے، دوسری وکٹ 52 رنز پر گری جب شان مسعود 20 رنز بنا کر پویلین لوٹ گئے۔

    شعیب ملک کی نصف سنچری بھی ملتان سلطانز کو شکست سے نہ بچاسکی، انہیں نے 52 رنز کی اننگز کھیلی، ملک کو عثمان شنواری نے پویلین کی راہ دکھائی۔

    آندرے رسل، شاہد خان آفریدی اور حماد اعظم کو محمد عامر نے پویلین بھیج دیا، تینوں نے بالترتیب 9، 14، اور 12 رنز بنائے۔

    کراچی کنگز کے محمد عامر نے چار وکٹیں حاصل کیں، سہیل خان کے حصے میں 2 وکٹیں آئیں، شنواری اور عمر خان نے ایک، ایک وکٹ حاصل کیں۔

    قبل ازیں کراچی کنگز نے مقررہ اوورز 6 وکٹوں کے نقصان پر 183 رنز بنائے اور ملتان سلطانز کو جیت کے لیے 184 رنز کا ہدف دے دیا، بابر اعظم نے 77 اور لیونگ اسٹون نے 82 رنز کی شاندار اننگز کھیلی۔

    قبل ازیں کراچی کنگز کے کپتان عماد وسیم نے ٹاس جیت کر پہلے بیٹنگ کا فیصلہ کیا جو درست ثابت ہوا اور بابر اعظم اور لیونگ اسٹون نے ملتان سلطانز کے بولر کی جم کر دھلائی کی۔

    کراچی کنگز کی پہلی وکٹ 157 رنز پر گری جب لیونگ اسٹون بلند و بالا شاٹ کھیلنے گئے تو گرین کی گیند پر رسل کو کیچ دے بیٹھے، کولن انگرام 1 رن بنا کر آندرے رسل کی گیند پر آؤٹ ہوئے، سکندر رضا ایک رن بنا کر جنید خان کی گیند پر رن آؤٹ ہوئے۔

    وکٹ کیپر بلے باز محمد رضوان ایک رن بنا کر جنید خان کی گیند پر پویلین لوٹ گئے۔

    ملتان سلطانز کی جانب سے کرس گرین نے تین وکٹیں حاصل کیں، جنید خان کے حصے میں ایک وکٹ آسکی، جبکہ محمد عرفان، آندرے رسل، اور شاہد آفریدی کوئی وکٹ حاصل نہیں کرسکے۔

    گزشتہ روز پاکستان سپر لیگ کے چوتھے سیزن کے شاندار افتتاح کے بعد آج 2 میچز کھیلے جا رہے ہیں۔

    دبئی کے اسٹیڈیم میں پہلا میچ کراچی کنگز اور ملتان سلطانز کا ہے جس کے لیے کراچی کنگز نے ٹاس جیت کر بیٹنگ کا فیصلہ کیا ہے۔

    دونوں ٹیمیں بھرپور تیاری کے ساتھ میدان میں اتر گئی ہیں اور مقابل کو پچھاڑنے کے لیے بے چین ہیں۔

    کراچی کنگز کے کپتان عماد وسیم کا کہنا تھا کہ بیٹنگ وکٹ کے لیے اچھی ہے، بڑا ہدف دینے کی کوشش کریں گے۔

    کراچی کنگز کی ٹیم میں سکندر رضا، روی بوپارہ، کولن انگرام، محمد عامر، لیونگ اسٹون، عامر یامین، ابرار احمد، علی عمران، اویس رضا، بابر اعظم، افتخار احمد، سہیل خان اور عثمان شنواری شامل ہیں۔

    دوسری جانب ملتان سلطانز کی ٹیم میں کپتان شعیب ملک، علی شفیق، ڈی جے کرسٹین، حماد اعظم، جنید خان، محمد عباس، محمد الیاس، محد عرفان، شان مسعود، شاہد آفریدی، نعمان علی اور قیس احمد شامل ہیں۔

    اس سے قبل گزشتہ روز افتتاحی میچ لاہور قلندرز اور اور اسلام آباد یونائیٹڈ کے درمیان کھیلا گیا تھا۔ اسلام آباد یونائیٹڈ نے لاہور قلندرز کو 5 وکٹ سے شکست دے دی تھی۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • پی ایس ایل 4 کی کامیابی کے لیے شائقین اسٹیڈیم آئیں، وسیم اکرم

    پی ایس ایل 4 کی کامیابی کے لیے شائقین اسٹیڈیم آئیں، وسیم اکرم

    دبئی: کراچی کنگز کے صدر وسیم اکرم نے شائقین کرکٹ کے نام پیغام جاری کیا جس میں اُن کا کہنا تھا کہ پی ایس ایل سیزن فور کے لیے سب نے مل کر میدان سجایا، تمام میچز میں جوش و خروش سے اسٹیڈیم آئیں اور میچ دیکھیں۔

    وسیم اکرم کا کہنا تھاکہ پی ایس ایل ہماری، آپ کی اور ہر ایک پاکستان کی ٹیم ہے اس لیے ہمیں مل کر ہی اسے کامیاب بنانا ہوگا، لیگ کی کامیابی کے لیے شائقین افتتاحی میچ کی طرح تمام میچز اُسی جوش و خروش سے دیکھیں۔

    اُن کا کہنا تھاکہ پی ایس ایل کی6 ٹیموں کے مالکان پاکستانی ہیں اور یہ لیگ پاکستان کا برانڈ ہے اس لیے سب کو آگے بڑھنا ہوگا، امید ہےشائقین پاکستان میں ہونے والے میچز میں بھرپور تعداد میں اسٹیڈیم پہنچیں گے۔ وسیم اکرم نے اس امید کا اظہار کیا کہ ’امید ہے جلد پی ایس ایل کے تمام میچز پاکستان میں ہوں گے‘۔

    مزید پڑھیں: پی ایس ایل 4 کا آغاز، افتتاحی تقریب میں‌ شاندار میوزک اور زبردست آتشبازی

    یاد رہے کہ کل چودہ اکتوبر کو پی ایس ایل سیزن فور کی رنگارنگ افتتاحی تقریب ہوئی جس میں شائقین کرکٹ کی بڑی تعداد موجود تھی، تقریب کا آغاز قومی ترانے سے ہوا جسے سُن کر اسٹیڈیم میں موجود تمام ہی لوگ اپنی نشستوں پر احتراماً کھڑے ہوگئے۔ بعد ازاں غیر ملکی اور پاکستانی گلوکاروں نے اپنے فن کا شاندار مظاہرہ کیا جس سے شائقین بہت زیادہ لطف اندوز بھی ہوئے۔

    افتتاحی تقریب کے بعد اسلام آباد یونائیٹڈ اور لاہور قلندرز کے درمیان پہلا میچ کھیلا گیا، جس میں سابق دفاعی چیمپئن نے سنسنی خیز مقابلے کے بعد فتح حاصل کی۔

    یہ بھی یاد رہے کہ پاکستان سپرلیگ کے تین کامیاب ایڈیشن ہوچکے جس کے بعد چوتھے سیزن کا آغاز ہوا، پی ایس ایل فور میں 6 ٹیمیں حصہ لے رہی ہیں، لیگ کے 4 میچز ابو ظبی میں ہوں گے جبکہ شارجہ اور دبئی میں بھی میچز ہوں گے۔ آخری 8 میچز پاکستان میں ہوں گے جن میں 3 میچ لاہور اور 5 میچ کراچی میں ہوں گے۔

    یہ بھی پڑھیں: پی ایس ایل 4: کراچی کنگز کے آفیشل گانے کی ویڈیو ریلیز

    پی ایس ایل 4 کے لاہور میں تین میچز 9، 10 اور 12 مارچ کو کھیلے جائیں گے جبکہ کراچی میں پانچ میچز 7، 10، 13، 15 اور فائنل 17 مارچ کو نیشنل اسٹیڈیم میں کھیلا جائے گا۔