ARYNews.tv | Urdu – Har Lamha Bakhabar

Tag: PSL4

  • پی ایس ایل : کراچی کنگز کے مالک سلمان اقبال نے مداحوں سے معافی مانگ لی

    پی ایس ایل : کراچی کنگز کے مالک سلمان اقبال نے مداحوں سے معافی مانگ لی

    کراچی : پی ایس ایل کی ٹیم کراچی کنگز کے مالک سلمان اقبال نے سیزن فور کے فائنل میں نہ پہچنے پر مداحوں سے معافی مانگ لی، ان کا کہنا ہے کہ آئندہ سال نئے عزم کے ساتھ میدان میں اتریں گے۔

    تفصیلات کے مطابقکراچی کنگز کے مالک سلمان اقبال نے ٹیم کے فائنل میں نہ پہنچنے پر اپنے پیغام میں کہا ہے کہ شکست ہر کراچی کنگز کے پرستاروں کو مایوسی ہوئی اس پر معذرت چاہتا ہوں۔

    یہ بات انہوں نے سماجی رابطے کی ویب سائٹ ٹوئٹر پر اسلام آباد یونائیٹڈ کے ہاتھوں کراچی کنگز کی شکست کے بعد اپنے پیغام میں کہی۔

    سلمان اقبال کا مزید کہنا تھا کہ اسلام آباد یونائیٹڈ نے بہتر کھیل کا مظاہرہ کیا، کراچی کنگز کی ٹیم پی ایس ایل سے باہر ہوگئی لیکن مجھے پورا یقین ہے کہ جیت پاکستان کی ہوئی، پی ایس ایل کے اگلے سیزن میں نئے عزم کے ساتھ میدان میں اتریں گے۔

    واضح رہے کہ پی ایس ایل سیزن فور کے ایلیمینیٹر میچ میں کراچی کنگز کو سخت مقابلے کے بعد اسلام آباد یونائیٹڈ کے ہاتھوں چار وکٹوں سے شکست کا سامنا کرنا پڑا۔

    کراچی کنگز نے پہلے بیٹنگ کرتے ہوئے مقررہ 20 اوورز میں نو وکٹوں کے نقصان پر161رنز بنائے تھے ۔اسلام آباد یونائیٹڈ نے 162 رنز کا ہدف تین گیندیں پہلے ہی 6 وکٹوں کے نقصان پر حاصل کیا۔

  • پی ایس ایل 4 ایلیمنیٹر راؤنڈ : اسلام آباد یونائیٹڈ کی اگلے مرحلے تک رسائی

    پی ایس ایل 4 ایلیمنیٹر راؤنڈ : اسلام آباد یونائیٹڈ کی اگلے مرحلے تک رسائی

    کراچی: پاکستان سپرلیگ سیزن فور کے 32ویں میچ میں اسلام آباد یونائیٹڈ نے فتح حاصل کر کے اگلے مرحلے تک رسائی حاصل کرلی۔

    تفصیلات کے پاکستان سپرلیگ سیزن فور کامیابی سے اپنے اختتام کی جانب گامزن ہے، ایلیمنیٹر راؤنڈ کے پہلے اور اہم میچ میں کراچی کنگز اور اسلام آباد یونائیٹڈ کی ٹیمیں مدمقابل تھیں۔

    کراچی کنگز کے کپتان عماد وسیم نے ٹاس جیت کر پہلے بیٹنگ کا فیصلہ کیا۔

    کراچی کنگز اننگز

    کراچی کنگز نے بیٹنگ کا آغاز جارحانہ انداز سے کرتے ہوئے پی ایس ایل کی تیز ترین نصف سنچری بنائی، بابر اعظم اور کولن منرو نے 19 گیندوں پر 52 رنز اسکور  کیے، بعد ازاں منرو 11 گیندوں پر ایک چھکے اور 6 چوکوں کی مدد سے 32 رنز بناکر آؤٹ ہوئے۔

    کراچی کنگز نے ابتدائی 10 اوورز میں ایک وکٹ کے نقصان پر 100 رنز مکمل کیے، گیارہویں اوور میں لیام لیونگ اسٹون 30 رنز کے انفرادی جبکہ 102 کے مجموعی اسکور پر آؤٹ ہوئے، اننگز کے بارہویں اوورز میں بابر اعظم انوکھے طریقے سے آؤٹ ہوئے  کیونکہ یونائیٹڈ کے وکٹ کپیر کو بھی گیند پر بلا لگنے کا اندازہ نہیں تھا۔ یوں 108 کے مجموعی اسکور پر کراچی کنگز کے تین کھلاڑی آؤٹ ہوئے۔

    محمد موسی نے اننگز کے سولہویں اور اپنے چوتھے اوور میں یکے بعد دیگرے دو اہم کھلاڑیوں کولن انگرام اور افتخار احمد کو آؤٹ کر کے کراچی کنگز کو بڑا دھچکا دیا، اگلے ہی اوور میں بین ڈنک بھی آؤٹ ہوئے۔ یوں 162 کے مجموعی اسکور پر کراچی کنگز کی 6 وکٹیں گریں۔

    ابتدائی اوورز کی جارحانہ بیٹنگ کو دیکھتے ہوئے یہ محسوس ہورہا تھا کہ کراچی کنگز اسکور بورڈ پر بڑا مجموعہ دینے میں کامیاب رہے گی مگر کولن انگرام کے آؤٹ ہونے کے بعد کوئی بھی کھلاڑی تیز کھیل پیش نہ کرسکا۔ مقررہ 20 اوورز  کراچی کنگز نے 9 وکٹوں کے نقصان پر 161 رنز اسکور کیے۔

    کراچی کنگز کے بابراعظم نے42،منرو 32اورلیونگ اسٹون نے 30رنز بنائے جبکہ یونائیٹڈ کے محمد موسیٰ نے 3 اور فہیم اشرف نے دو وکٹیں حاصل کیں۔

    اسلام آباد یونائیٹڈ اننگز

    ہدف 162 رنز کے تعاقب میں اسلام آباد یونائیٹڈ کو اوپننگ کا آغاز اچھا نہ مل سکا کیونکہ لک رونکی 19 کے مجموعی اسکور پر پویلین روانہ ہوئے، عامر یامین نے کراچی کنگز کو بڑا بریک تھرو دلایا۔

    عمر خان نے اننگز کے 9ویں اوور میں دو اہم کھلاڑیوں ڈلپورٹ اور والٹن کو آؤٹ کر کے پویلین واپس بھیجا۔

    ہیلز اور والٹن نے شراکت داری قائم کرتے ہوئے اسکور کو آگے بڑھایا مگر عامر یامین نے ایلکس ہلیز کو واپسی پویلین کی راہ دکھائی، یوں 114 پر اسلام آباد یونائیٹڈ کا چوتھا کھلاڑی آؤٹ ہوا، بعد ازاں 129 کے مجموعی اسکور پر حسین طلعت بھی 32 رنز بنا کر واپس لوٹے۔

    اننگز کے آخری اوور میں اسلام آباد یونائیٹڈ کو فتح کے لیے 6 رنز درکار تھے، فہیم اشرف نے پہلے گیند پر چوکا لگا کر جیت کو یقینی بنایا اور پھر وہ آؤٹ ہوکر پویلین روانہ ہوئے، اوور کی تیسری گیند پر ایک اور چوکا لگا، یوں اسلام آباد یونائیٹڈ نے سنسنی خیز مقابلے کے بعد چار وکٹوں سے فتح اپنے نام کی۔

    دونوں ٹیموں نے پلیئنگ الیون میں ایک ایک تبدیلی کی۔ کراچی کنگز میں سہیل خان کی جگہ عامریامین جبکہ اسلام آباد یونائیٹڈ میں فل سالٹ کی جگہ ایلکس ہیلز کو شامل کیا گیا۔

    اسکواڈ

    کراچی کنگز : عماد وسیم (کپتان)، کولن منرو، بین ڈنک، کولن انگرام، افتخار احمد، بابر اعظم، عامر یامین، شاہین شنواری، محمد عامر، لیام لیونگ اسٹون، عمر خان

    اسلام آباد یونائیٹڈ : لک رونکی، ایلکس ہلز، شاداب خان، ڈلپورٹ، آصف علی، محمد سمیع (کپتان)، حسین طلعت، رومان رئیس، چڈوک والٹن، فہیم اشرف، محمد موسی

    آج کی فاتح ٹیم اگلے میچ میں پشاور زلمی سے مقابلہ کرے گی اور پھر دوسرے ایلیمنٹر کی فاتح ٹیم فائنل میں کوئٹہ گلیڈی ایٹرز کے مدمقابل ہوگی۔

    ٹاس کے بعد گفتگو کرتے ہوئے عماد وسیم کا کہنا تھا کہ اسلام آباد یونائیٹڈ کو بڑا ہدف دے کر فتح حاصل کرنے کی بھرپور کوشش کریں گے۔ یونائیٹڈ کے کپتان محمد سمیع کا کہنا تھا کہ میچ میں غلطی کی کوئی گنجائش نہیں، بھرپور انجوائے کر کے کھیلیں گے۔

    شائقین کی بڑی تعداد کرکٹ اور اپنی اپنی پسندیدہ ٹیموں کو سپورٹ کرنے اسٹیڈیم پہنچی، شہری بڑی تعداد میں کراچی کنگز کی شرٹس پہن کر اسٹیڈیم پہنچے اور اُن کی خواہش ہے کہ فائنل کوئٹہ گلیڈی ایٹرز اور میزبان ٹیم کے درمیان ہو۔

  • قوم کی فوج سے محبت سر آنکھوں پر، کھیل سیاست سے پاک ہونے چاہئیں، میجر جنرل آصف غفور

    قوم کی فوج سے محبت سر آنکھوں پر، کھیل سیاست سے پاک ہونے چاہئیں، میجر جنرل آصف غفور

    راولپنڈی : ڈی جی آئی ایس پی آر میجر جنرل آصف غفور نے کہا ہے کہ ہمیں قوم کی محبتوں کا بخوبی اندازہ ہے، ان کی محبت سر آنکھوں پر، کھیل سیاست سے پاک ہونے چاہئیں۔

    یہ بات انہوں نے سماجی رابطے کی ویب سائٹ ٹوئٹر پر پاکستانیون کی جانب سے پی ایس ایل کے فائنل میچ میں کھلاڑیوں کو فوجی کیپ اور شرٹس پہننے کی خواہش کے اظہار کے جواب میں اپنے تازہ پیغام میں کہی۔

    ڈی جی آئی ایس پی آر نے اپنے ٹوئٹ میں پاکستان زندہ باد کے ہیش ٹیگ سے جاری پیغام میں کہا کہ پیارے پاکستانی پی ایس ایل فائنل میں فوجی کیپس، شرٹس پہننے کی خواہش رکھتے ہیں، پاک مسلح افواج کو قوم کی محبت اور حمایت کا بخوبی اندازہ ہے۔

    انہوں نے کہا کہ پاکستانی قوم کی مسلح افواج سے محبت سر آنکھوں پر، مسلح افواج سے قوم کی محبت ایسے اقدامات کی محتاج نہیں، ہمیں یقین ہے آپ اور ہمارا تعلق ان چیزوں سے بالاتر ہے، کھیل سیاست سے پاک ہونے چاہئیں۔

    میجر جنرل آصف غفور نے کہا کہ روشنیوں کے شہر کو کھیل سے بھرپور لطف اندوز ہونا چاہئیے، پیارے پاکستانیو کرکٹ سے بھرپور لطف اندوز ہوں، کھیل کو کھیل کے طور پر انجوائے کریں۔

    واضح رہے کہ سوشل میڈیا پر پاکستانی عوام کی بڑی تعداد نے ملٹری کیپ پہن کر میچ دیکھنے کی خواہش کا اظہار کیا تھا، سوشل میڈیا پر یہ مہم بھارتی کرکٹ ٹیم کے آسٹریلیا کے خلاف میچ میں فوجی ٹوپیاں پہن کر شریک ہونے کے جواب میں شروع کی گئی تھی.

    اس سے قبل بھارتی کرکٹ ٹیم نے آسٹریلیا کیخلاف ون ڈے سیریز کے میچ میں بورڈ سے اجازت لے کرفوجی کیپس پہنی تھیں۔

    فوجی کیپس پہننے کے باوجود بھارتی کرکٹ ٹیم کی آسٹریلیا کےہاتھوں خوب دھنائی ہوئی، جس میں اہم کردار پاکستانی نژاد کھلاڑی عثمان خواجہ نے سنچری اسکور کرکے ادا کیا۔

  • سلمان اقبال کی کراچی کنگز کے لیے نیک تمنائیں

    سلمان اقبال کی کراچی کنگز کے لیے نیک تمنائیں

    کراچی: کراچی کنگز کے مالک سلمان اقبال نے کراچی کنگز کے لیے نیک تمناؤں کا اظہار کرتے ہوئے کہا ہے کہ جو ٹیم اچھا کھیلے گی وہی جیتے گی۔

    تفصیلات کے مطابق کراچی کنگز کے مالک اور اے آر وائی نیٹ ورک کے سربراہ سلمان اقبال نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایلی منیٹر کا وقت آگیا ہے،کراچی کے عوام پرجوش ہیں۔

    انہوں نے کراچی کنگز کے لیے نیک تمناؤں کا اظہار کرتے ہوئے کہا کہ جو ٹیم اچھا کھیلے گی وہی جیتے گی۔

    خیال رہے کہ پاکستان سپر لیگ کے چوتھے سیزن میں آج پہلے ایلی منیٹر میں کراچی کنگز اور اسلام آباد یونائیٹڈ مدمقابل ہوں گے۔ میچ شام 7 بجے کراچی کے نیشنل اسٹیڈیم میں کھیلا جائے گا۔

    میچ کے شائقین کو اسٹیڈیم پہنچانے کے لیے شٹل سروس جاری ہے اور نیشنل اسٹیڈیم کے دروازے کھول دیے گئے ہیں۔

    آج کی فاتح ٹیم فائنل میں رسائی کے لیے کل بروز جمعہ پشاور زلمی سے پنجہ آزمائی کرے گی۔ کل ہونے والے میچ کی ٹیم فائنل میں پہنچے گی جہاں اس کا مقابلہ کوئٹہ گلیڈی ایٹرز سے ہوگا۔

    پی ایس ایل کے آخری مرحلے میں کراچی کنگز نے کوئٹہ گلیڈی ایٹرز کو 1 رن سے شکست دی تھی۔ 191 رنز کے جواب میں کوئٹہ کی ٹیم 7 وکٹوں کے نقصان پر 189 رنز بنا سکی تھی۔

    کراچی کنگز کا اگلا میچ پشاور زلمی کے ساتھ تھا جس میں زلمی نے کنگز کو 61 رنز سے شکست دے کر فتح اپنے نام کی۔

  • پی ایس ایل میں آج کراچی کنگز اور اسلام آباد یونائیٹڈ کا مقابلہ ہوگا

    پی ایس ایل میں آج کراچی کنگز اور اسلام آباد یونائیٹڈ کا مقابلہ ہوگا

    کراچی : پاکستان سپرلیگ کے چوتھے ایڈیشن میں آج کراچی کنگز اوراسلام آباد یونائیٹڈ کے درمیان ٹاکرا ہوگا۔

    تفصیلات کے مطابق کراچی کنگزاوراسلام آباد یونائیٹڈ پہلے ایلیمینیٹرمیں آج مدمقابل ہوں گے، فاتح ٹیم فائنل میں رسائی کے لیے جمعہ کو پشاور زلمی پنجہ آزمائی کرے گی۔

    کراچی کنگز اوراسلام آباد یونائیٹڈ کے درمیان میچ شام 7 بجے کھیلے جائے گا، دونوں ٹیمیں جیت کے لیے پُرعزم ہیں۔

    پاکستان سپرلیگ کے چوتھے ایڈیشن کے کوالیفائر میچ میں کوئٹہ گلیڈی ایٹرز نے پشاور زلمی کو 10 رنز سے شکست دے کر فائنل میں جگہ بنالی تھی۔

    پشاور زلمی 187 رنز کے ہدف کے تعاقب میں مقررہ اوورز میں 7 وکٹوں کے نقصان پر 176 رنز ہی بناسکی تھی۔

    پی ایس ایل 4 کوالیفائنگ میچ: سنسنی خیز مقابلے کے بعد گلیڈی ایٹرز کی فتح

    کوئٹہ گلیڈی ایٹرز کے شین واٹسن کو 71 رنز کی اننگز اور شاندار آخری اوور کرنے پر مین آف دی میچ کا ایوارڈ بھی دیا گیا۔

    واضح رہے کہ شین واٹسن پی ایس ایل 2019 میں سب سے زیادہ رنز کرنے والے کھلاری بھی بن گئے ہیں۔

  • آخری اوور دینا سرفراز کا فیصلہ تھا، پاکستان کا دورہ بہت یادگار رہا، شین واٹسن

    آخری اوور دینا سرفراز کا فیصلہ تھا، پاکستان کا دورہ بہت یادگار رہا، شین واٹسن

    آسٹریلیا سے تعلق رکھنے والے کوئٹہ گلیڈی ایٹرز کے کھلاڑی شین واٹسن نے کہا ہے کہ آخری اوور دینا سرفراز کا فیصلہ تھا، کراچی میں کرکٹ کا بہت جنون ہے، پاکستان کا دورہ بہت یادگار رہا۔

    یہ بات انہوں نے کراچی میں میچ کے بعد میڈیا سے گفتگو کرتے ہوئے کیا، شین واٹسن کا کہنا تھا کہ خوشی ہے کوئٹہ گلیڈی ایٹرز تیسری بار فائنل میں پہنچی.

    اس بار کوئٹہ گلیڈی ایٹرز فائنل میں پہنچنے والی پہلی ٹیم بن گئی، میچ کا آخری اوور دینا سرفراز کا فیصلہ تھا، پچھلے تین ماہ سے بالنگ نہیں کررہا.

    پی ایس ایل کے حوالے سے انہوں نے کہا کہ کراچی میں کرکٹ کا بہت جنون ہے، ماحول بھی بہت زبردست ہے، کراچی میں شائقین کا جوش ع خروش دیکھ کر حیرت ہوتی ہے، کراچی کی وکٹیں بیٹنگ کیلئے سازگار ہیں، بیٹنگ میں بہت مزا آتا ہے،14سال بعد پاکستان کا دورہ بہت یادگار رہا ہے.

    شین واٹسن کا مزید کہنا تھا کہ عمر اکمل میچ ونر اور ٹی 20کا بہترین کھلاڑی ہے، وہاب ریاض نے2015ورلڈ کپ میں کئی باؤنسرز کئے اور شاندار بالنگ کی تھی لیکن وہاب ریاض نے آج ایک ہی باؤنسر کیا۔

  • پی ایس ایل 4 کوالیفائنگ میچ: سنسنی خیز مقابلے کے بعد گلیڈی ایٹرز کی فتح، فائنل تک رسائی

    پی ایس ایل 4 کوالیفائنگ میچ: سنسنی خیز مقابلے کے بعد گلیڈی ایٹرز کی فتح، فائنل تک رسائی

    کراچی: پاکستان سپرلیگ کے کوالیفائنگ راؤنڈ کے میچ میں کوئٹہ گلیڈی ایٹرز نے پشاور زلمی کو شکست دے کر فائنل میں جگہ بنالی۔

    تفصیلات کے مطابق پاکستان سپرلیگ کا چوتھا ایڈیشن کامیابی سے اپنے اختتام کی جانب گامزن ہے، اس ضمن میں آج کے اہم میچ میں کوئٹہ گلیڈی ایٹرز اور پشاور زلمی کی ٹیمیں مد مقابل تھیں۔

    پشاور زلمی کے کپتان ڈیرن سیمی نے ٹاس جیت کر سرفراز احمد کو پہلے بیٹنگ کی دعوت دی۔

    کوئٹہ گلیڈی ایٹرز اننگز

    کوئٹہ گلیڈی ایٹرز کی جانب سے شین واٹسن اور احمد شہزاد نے بیٹنگ کا آغاز کیا تو سرفراز الیون کی پہلی وکٹ تین کے مجموعی اسکور پر گری، بعد ازاں واٹسن نے دھواں دھار بیٹنگ کرتے ہوئے 4 چھکوں اور پانچ چوکوں کی مدد سے 30 گیندوں پر نصف سنچری اسکور کی، وکٹ کے دوسرے جانب کھڑے کھلاڑی احسن علی نے بھی بھرپور انداز سے ساتھ دیا۔

    کوئٹہ گلیڈی ایٹرز کے بلے بازوں کی اننگز دیکھ کر ایسا معلوم ہورہا تھا کہ زلمی کو جیت کے لیے بڑا ہدف دے گی مگر وہاب ریاض نے واٹسن کو 71 کے انفرادی جبکہ 114 کے مجموعی اسکور پر کلین بولڈ کیا تو اُس کے بعد لائن لگ گئی، بعد ازاں احسن علی 46 اور روسو گیارہ کے انفرادی اسکور پر پویلین روانہ ہوئے۔

    کامران اکمل بھی زیادہ دیر وکٹ پر نہ ٹک سکے اور 165 کے مجموعی اسکور پر پویلین روانہ ہوئے، بعد ازاں کپتان سرفراز احمد بھی 173 کے مجموعی اسکور پر پویلین روانہ ہوئے۔ کوئٹہ گلیڈی ایٹرز کی جانب سے واٹسن 71 اور احسن علی 46 رنز بنا کر نمایاں بلے باز رہے جبکہ پشاور زلمی کے وہاب ریاض دو وکٹیں لے کر اپنی ٹیم کے کامیاب باؤلر رہے۔

     ہدف (187 رنز) کے تعاقب میں پشاور زلمی نے بیٹنگ کا آغاز کیا تو  پہلے کھلاڑی کامران اکمل 41 کے مجموعی اسکور پر پویلین روانہ ہوئے، بعد ازاں صہیب مقصود 55 پر آؤٹ ہونے والے دوسرے کھلاڑی تھے، امام الحق 61 کے مجموعی اسکور پر پویلین روانہ ہوئے۔

    پشاور زلمی کے چوتھے کھلاڑی 69 اور پھر مصباح الحق 90 کے مجموعی اسکور پر پویلین روانہ ہوئے، بعد ازاں کیورن پولارڈ اور ڈیرن سیمی نے جارحانہ بیٹنگ کرتے ہوئے ٹیم کا اسکور آگے بڑھایا تاہم دونوں اننگز کے آخری اوور میں آؤٹ ہوئے یوں کوئٹہ گلیڈی ایٹرز نے 10 رنز سے فتح اپنے نام کی۔

    ڈیرن سیمی نے 21 گیندوں پر 5 چھکوں اور دو چوکوں کی مدد سے 46 اور کیورن پولارڈ نے 22 گیندوں پر 1 چھکے 6 چوکوں کی مدد سے 44 رنز کی اننگز کھیلی۔ گلیڈی ایٹرز نے محمد حسنین 2 وکٹیں لے کر نمایاں بلے باز رہے جبکہ شین واٹسن نے آخری اوور میں اہم کھلاڑی کو آؤٹ کیا۔

    پشاور زلمی کی ٹیم کو ایلیمنٹر میچ میں ایک اور موقع ملے گا۔ ایلیمنیٹر راؤنڈ کا پہلا میچ 14 مارچ کو کراچی کنگز اور اسلام آباد یونائیٹڈ کی ٹیموں کے درمیان کھیلا جائے گا جس میں فتح حاصل کرنے والی ٹیم دوسرا میچ کھیلے گی۔

    اسکواڈ

    پلے آف مرحلہ مکمل ہونے کے بعد فائنل کھیلنے والی ٹیموں کا اعلان کیا جائے گا۔

    دوسری جانب کراچی میں کرکٹ کا جنون عروج پر ہے، شائقین کرکٹ نیشنل اسٹیڈیم میں ہونے والے پی ایس ایل کے تمام میچز میں شرکت کر کے ملکی و غیر ملکی کھلاڑیوں کے حوصلے بڑھا رہے ہیں۔

    عالمی شہرت یافتہ کرکٹرز کو دیکھ کر کرکٹ کے دیوانے خوشی سے پھولے نہیں سما رہے، انہوں نے بڑی تعداد میں اسٹیڈیم پہنچ کر دنیا کو یہ پیغام بھی دے دیا کہ پاکستان اور بالخصوص کراچی محفوظ ملک ہے۔

  • پاکستان سپرلیگ سیزن فور: پلے آف مرحلہ آج سے شروع ہوگا

    پاکستان سپرلیگ سیزن فور: پلے آف مرحلہ آج سے شروع ہوگا

    کراچی : پاکستان سپرلیگ سیزن فور کا پلے آف مرحلہ آج سے شروع ہوگا، پشاور زلمی کوئٹہ گلیڈی ایٹرز سے ٹکرائیں گے، کراچی کنگز کا مقابلہ اسلام آباد یونائیٹڈ سے ہوگا۔

    تفصیلات کے مطابق پی ایس ایل اپنے آخری مراحل میں داخل ہوگیا، ٹاپ فور ٹیمیں اب پنجہ آزمائی کریں گی۔ فائنل میں جانے کے لئے چاروں ٹیمیں پورا زور لگائیں گی.

    پہلے کوالیفائر میں پشاور زلمی اور کوئٹہ گلیڈی ایٹرز کا مقابلہ ہوگا، جیتنے والی ٹیم کو فائنل کا ٹکٹ ملے گا اوردوسری ٹیم کے پاس ایک اور موقع ہوگا، پہلےالیمنیٹر میں کراچی اوراسلام آباد کی ٹیمیں آمنے سامنے ہوں گی۔

    ہارنے والی ٹیم ایونٹ سے آؤٹ ہوجائے گی، دوسرے الیمنیٹرمیں کوالیفائرمیں شکست کھانے والی اور پہلے الیمنیٹر کی فاتح ٹیم مدمقابل ہوں گی، پلے آف مرحلہ کے دلچسپ مقابلے تیرہ مارچ سے نیشنل اسٹیٹیم میں کھیلیں جائیں گے۔

  • پی ایس ایل 4 : وزیراعلیٰ سندھ کا کھلاڑیوں‌ کے اعزاز میں عشائیہ

    پی ایس ایل 4 : وزیراعلیٰ سندھ کا کھلاڑیوں‌ کے اعزاز میں عشائیہ

    کراچی: وزیر اعلیٰ سندھ مراد علی شاہ نے پاکستان سپرلیگ سیزن فور کی ٹیموں کے اعزاز میں عشائیے کا اہتمام کیا اور تمام کھلاڑیوں کو ثقافتی تحائف دیے۔

    تفصیلات کے مطابق پاکستان سپرلیگ کامیابی سے اپنے اختتامی سفر کی جانب گامزن ہے، پی ایس ایل فور کا آخری راؤنڈ کل سے نیشنل اسٹیڈیم میں شروع ہوگا۔

    وزیراعلیٰ سندھ نے پی ایس ایل کھیلنے والی ٹیموں کراچی کنگز، اسلام آباد یونائیٹڈ، کوئٹہ گلیڈی ایٹرز اور پشاور زلمی کے اعزاز میں عشائیے کا اہتمام کیا جس میں  پاکستان کرکٹ بورڈ کے چیئرمین احسان مانی، اراکین ، کورکمانڈر کراچی، سفارت کاروں سمیت وزرا نے شرکت کی۔

    مراد علی شاہ نے مہمانوں کا خود استقبال کیا، اس موقع پر موہتا پیلس میں ثقافتی میوزیکل پروگرام کا انعقاد بھی کیا گیا تھا جس میں لوک فنکاروں نے اپنے فن کا مظاہرہ کیا۔

    تقریب کے اختتام پر وزیر اعلیٰ سندھ نے تمام کھلاڑیوں کو اجرک اور سندھی ٹوپی پہنائی اور ثقافتی تحائف بھی دیے۔

    یاد رہے کہ پاکستان سپرلیگ کے سیزن فور کا گروپ مرحلہ کل مکمل ہوا، کوالیفائر راؤنڈ کا میچ تیرہ مارچ کو کوئٹہ گلیڈی ایٹرز اور پشاور زلمی کے درمیان کھیلا جائے گا اور فتح حاصل کرنے والی ٹیم فائنل تک رسائی حاصل کرے گی۔

    دوسری جانب چودہ مارچ کو کراچی کنگز اور اسلام آباد یونائیٹڈ کی ٹیمیں ایلیمینیٹر راؤنڈ میں ایک دوسرے کے مدمقابل ہوں گے، فاتح ٹیم دوسرا الیمینیٹر کھیلے گی، بعد ازاں فائنل کھیلنے والی ٹیموں کا اعلان کیا جائے گا۔

    کراچی میں عالمی شہرت یافتہ کرکٹرز کو دیکھ کر کرکٹ کے دیوانے خوشی سے پھولے نہیں سما رہے، ان کے مطابق تمام میچز اب ملک میں ہونے چاہیئیں۔

  • پاکستان سپرلیگ سیزن فور کا گروپ مرحلہ مکمل ہوگیا

    پاکستان سپرلیگ سیزن فور کا گروپ مرحلہ مکمل ہوگیا

    کراچی: پاکستان سپرلیگ کے سیزن فور کا گروپ مرحلہ مکمل ہوگیا، تیرہ مارچ کو کوئٹہ گلیڈی ایٹرز اور پشاور زلمی کوالیفائر میں ٹکرائیں گے۔

    تفصیلات کے مطابق 13 مارچ کو کوئٹہ گلیڈی ایٹرز اور پشاورزلمی مدمقابل ہوں گے، فاتح ٹیم براہ راست فائنل کھیلے گی، کھلاڑیوں نے جیت کے عزم کا اظہار کیا ہے۔

    چودہ مارچ کو کراچی کنگز اور اسلام آباد یونائیٹڈ ایلیمینیٹر کھیلیں گی، فاتح ٹیم دوسرا الیمینیٹر کھیلے گی، بعد ازاں فائنل کھیلنے والی ٹیموں کا اعلان کیا جائے گا۔

    دوسری جانب ملک میں کرکٹ کا جنون عروج پر ہے، ہر طرف شائقین کرکٹ پی ایس ایل پر تبصرہ کررہے ہیں، بچے بڑے ہر کوئی کرکٹ کے بخار میں مبتلا ہے۔

    کراچی میں عالمی شہرت یافتہ کرکٹرز کو دیکھ کر کرکٹ کے دیوانے خوشی سے پھولے نہیں سما رہے، ان کے مطابق تمام میچز اب ملک میں ہونے چاہیئیں۔

    خیال رہے کہ گذشتہ روز پاکستان سپرلیگ کے تیسویں میچ میں پشاور زلمی نے کراچی کنگز کو شکست دے دی۔

    پی ایس ایل 4: پشاور زلمی نے کراچی کنگز کے خلاف میچ جیت لیا

    یاد رہے کہ دو روز قبل کھیلے جانے والے میچ میں کراچی کنگز نے سنسنی خیز مقابلے کے بعد کوئٹہ گلیڈی ایٹرز کو ایک رن سے شکست دی تھی، عماد اور سیمی الیون جیت کے تسلسل کو برقرار رکھنے کی خواہش مند تھیں۔