Tag: PSL4

دبئی: پی ایس ایل فور کے 20ویں میچ میں کراچی کنگز نے لاہور قلندرز کو 5 وکٹوں سے شکست دے دی، لیونگ اسٹون نے 38 رنز کی شاندار اننگز کھیلی۔

تفصیلات کے مطابق دبئی میں کھیلے جانے والے میچ میں کراچی کنگز نے لاہور قلندرز کی جانب سے دیا جانے والا 134 رنز کا ہدف 5 وکٹوں کے نقصان پر حاصل کرلیا، سندیپ لمی چانے نے دو وکٹیں حاصل کیں۔

کراچی کنگز کی پہلی وکٹ 21 رنز پر گری جب کولن منرو 15 رنز بنا کر پویلین لوٹ گئے، بابر اعظم کو 11 رنز پر سندیپ لمی چانے نے بولڈ کیا، کولن انگرام 12 رنز بنا کر آؤٹ ہوئے۔

لیونگ اسٹون نے 38 رنز کی شاندار اننگز کھیلی، وکٹ کیپر بلے باز محمد رضوان 2 رنز بنا کر پویلین لوٹ گئے۔

افتخار احمد نے 33 رنز کی ناقابل شکست اننگز کھیلی، کپتان عماد وسیم 19 رنز بنا کر ناٹ آؤٹ رہے۔

لاہور قلندرز کے سندیپ لمی چانے نے دو کھلاڑیوں کو پویلین کی راہ دکھائی، ڈیوڈ ویسا، یاسر شاہ اور حارث رؤف نے ایک، ایک وکٹ حاصل کی۔

Karachi has a new HERO! @Ifti221 wins it for @KarachiKingsARY with his all round performance.#HBLPSL #KhelDeewanoKa #KKvLQ pic.twitter.com/WCcfoe7dxy

— PakistanSuperLeague (@thePSLt20) February 28, 2019

قبل ازیں دبئی میں کھیلے جانے والے میچ میں لاہور قلندرز نے مقررہ اوورز میں 5 وکٹوں کے نقصان پر 133 رنز بنائے اور کراچی کنگز کو جیت کے لیے 134 رنز کا ہدف دے دیا، افتخار احمد نے 2 وکٹیں حاصل کیں۔

لاہور قلندرز کی پہلی وکٹ 5 رنز پر گری جب گوہر علی 4 رنز بنا کر پویلین لوٹ گئے، فخر زمان 18 رنز بنا کر افتخار احمد کی گیند پر بابر اعظم کے ہاتھوں کیچ آؤٹ ہوئے۔

حارث سہیل 20 رنز بنا کر آؤٹ ہوئے، اے بی ڈیولیرز 33 رنز بنا کر محمد عامر کا نشانہ بنے، کورے اینڈرسن 22 رنز پر عمر خان کی گیند پر اسٹمپڈ آؤٹ ہوئے۔

سہیل اختر نے 29 رنز کی ناقابل شکست اننگز کھیلی، ڈیوڈ ویسا نے 3 رنز بنائے۔

کراچی کنگز کے افتخار احمد نے 2 کھلاڑیوں کو پویلین کی راہ دکھائی، عمر خان، محمد عامر اور عماد وسیم نے ایک، ایک وکٹ حاصل کی۔

Great work in the field by @KarachiKingsARY bowlers and fielders. Can the bowlers of @lahoreqalandars defend the score?
LIVE: https://t.co/AvvNVO1kH6#HBLPSL #KhelDeewanoKa #KKvLQ pic.twitter.com/denCKbhSjl

— PakistanSuperLeague (@thePSLt20) February 28, 2019

قبل ازیں دبئی میں کھیلے جانے والے میچ میں کراچی کنگز کے کپتان عماد وسیم نے ٹاس جیت کر لاہور قلندرز کو پہلے بیٹنگ کی دعوت دی ہے۔

لاہور قلندرز کی ٹیم میں ایک تبدیلی کی گئی ہے شاہین شاہ آفریدی کی جگہ اعزاز چیمہ کو شامل کیا گیا ہے۔

کراچی کنگز اسکواڈ

عماد وسیم کپتان ہیں دیگر کھلاڑیوں میں کولن منرو، بابر اعظم، محمد رضوان، کولن انگرام، افتخار احمد، محمد عامر، سمرز، عامر یامین، لیام ڈوسن اور عمر خان شامل ہیں۔

لاہور قلندرز اسکواڈ

فخر زمان کپتان ہیں دیگر کھلاڑیوں میں سہیل اختر، حارث سہیل، اے بی ڈیویلیرز، کورے اینڈرسن، ڈیوڈ ویسا، گوہر، سندیپ لمی چانے، یاسر شاہ، حارث رؤف اور اعزاز چیمہ شامل ہیں۔

اب سے کچھ دیر قبل کھیلے جانے والے میچ میں پشاور زلمی نے کیرون پولارڈ اور عمر امین کی شاندار نصف سنچریوں کی بدولت ملتان سلطانز کو 7 وکٹوں سے شکست دی تھی۔

دبئی: چیئرمین پی سی بی احسان مانی نے کہا ہے کہ پاکستان میں پی ایس ایل سیزن فور کے میچز شیڈول کے مطابق ہوں گے۔

تفصیلات کے مطابق دبئی میں پریس کانفرنس کرتے ہوئے چیئرمین پی سی بی احسان مانی نے کہا ہے کہ پی ایس ایل سیزن فور کے میچز پاکستان میں شیڈول کے مطابق ہوں گے۔

[bs-quote quote=”فرنچائز مالکان کے شکر گزار ہیں کہ انہوں نے ہمارا ساتھ دیا” style=”style-8″ align=”left” author_name=”احسان مانی”][/bs-quote]

چیئرمین پی سی بی احسان مانی نے کہا کہ تمام ٹیمیں پاکستان میں میچز کھیلنے کی حمایت کررہی ہیں، پی ایس ایل کے تمام کھلاڑی پاکستان میں کھیلنے کو تیار ہیں۔

احسان مانی کا کہنا تھا کہ ہر کسی کا متفقہ فیصلہ ہے کہ لیگ پاکستان میں ہی ہو، فرنچائز مالکان کے شکر گزار ہیں کہ انہوں نے ہمارا ساتھ دیا۔

واضح رہے کہ پاک بھارت کشیدگی کے بعد پی سی بی حکام نے دبئی میں غیرملکی کرکٹرز کے ساتھ ملاقاتوں کا سلسلہ شروع کیا تھا اور پاکستان میں مکمل سیکیورٹی کی یقین دہانی کرائی تھی۔

یاد رہے کہ پی ایس ایل سیزن فور کے آخری 8 میچز پاکستان میں کھیلے جائیں گے جن میں 3 میچ لاہور 5 میچ کراچی میں ہوں گے۔

پی ایس ایل 4 کے لاہور میں تین میچز 9، 10 اور 12 مارچ کو کھیلے جائیں گے جبکہ کراچی میں پانچ میچز 7، 10، 13، 15 اور فائنل 17 مارچ کو نیشنل اسٹیڈیم میں کھیلا جائے گا۔

دبئی: پی ایس ایل سیزن فور کے 19 ویں میچ میں پشاور زلمی نے ملتان سلطانز کو 7 وکٹوں سے شکست دے دی، کیرون پولارڈ اور عمر امین نے ناقابل شکست نصف سنچریاں‌ اسکور کیں۔

تفصیلات کے مطابق دبئی میں کھیلے جانے والے میچ میں ملتان سلطانز کی جانب سے دیا جانے والا 173 رنز کا ہدف پشاور زلمی کی ٹیم نے آخری اوور میں 3 وکٹوں کے نقصان پر حاصل کرلیا، محمد عرفان نے ایک وکٹ حاصل کی۔

پشاور زلمی کی پہلی وکٹ 34 رنز پر گری جب فلیچر 24 رنز بنا کر پویلین لوٹ گئے، کامران اکمل بغیر کوئی رن بنائے محمد الیاس کی گیند پر کلین بولڈ ہوئے، امام الحق 39 رنز بنا کر آؤٹ ہوئے۔

کیرون پولارڈ نے ناقابل شکست 52 رنز کی اننگز کھیلی، عمر امین 54 رنز بنا کر ناٹ آؤٹ رہے۔

ملتان سلطانز کے محمد عرفان، شاہد خان آفریدی اور محمد الیاس نے ایک، ایک وکٹ حاصل کی۔

The big hitter @KieronPollard55 repeats his Sharjah carnage here in Dubai to win this one for Zalmi. @PeshawarZalmi beat @MultanSultans by 7 wickets.#HBLPSL #KhelDeewanoKa #MSvPZ pic.twitter.com/hhxBbX6e9r

— PakistanSuperLeague (@thePSLt20) February 28, 2019

قبل ازیں دبئی میں کھیلے جانے والے میچ میں پشاور زلمی نے ٹاس جیت کر پہلے فیلڈنگ کا فیصلہ کیا، ملتان سلطانز نے مقررہ اوورز میں 5 وکٹوں کے نقصان پر 172 رنز بنائے اور پشاور زلمی کو جیت کے لیے 173 رنز کا ہدف دیا۔

ملتان سلطانز کی پہلی وکٹ 38 رنز پر گری جب عمر صدیق 18 رنز بنا کر عمید آصف کی گیند پر آؤٹ ہوئے، جانسن چارلس 57 رنز کی شاندار اننگز کھیل کر ڈوسن کی گیند پر بولڈ ہوئے۔

جیمز ونس نے 38 گیندوں پر 41 رنز کی اننگز کھیلی انہیں امام الحق نے رن آؤٹ کیا، کپتان شعیب ملک 28 رنز بنا کر ناٹ آؤٹ رہے، ڈینئل کرسچن نے 18 رنز بناکر حسن علی کی گیند پر بولڈ ہوئے، شاہد خان آفریدی نے ایک رن بنا کر رن آؤٹ ہوئے۔

Sultans have managed to post a big total of 172 despite losing three wickets in the last five overs! Do the Zalmi have what it takes to chase that?#HBLPSL #KhelDeewanoKa #MSvPZ pic.twitter.com/prKl1BitWP

— PakistanSuperLeague (@thePSLt20) February 28, 2019

پشاور زلمی کے لیام ڈوسن، حسن علی اور عمید آصف نے ایک، ایک وکٹ حاصل کی۔

پشاور زلمی کے پوائنٹس ٹیبل پر 8 پوائنٹس ہیں جبکہ ملتان سلطانز نے 2 میچ جیت کر 4 پوائنٹس حاصل کررکھے ہیں۔

گزشتہ روز کھیلے جانے والے میچ میں لاہور قلندرز نے کوئٹہ گلیڈی ایٹرز کو شکست دی تھی جبکہ اسلام آباد یونائیٹڈ نے کراچی کنگز کو 5 وکٹوں سے ہرایا تھا۔

دبئی: پی ایس ایل سیزن فور کے 18ویں میچ میں اسلام آباد یونائیٹڈ نے کراچی کنگز کو 5 وکٹوں سے شکست دے دی، آصف علی نے 70 رنز کی شاندار اننگز کھیلی۔

تفصیلات کے مطابق دبئی میں کھیلے جانے والے میچ میں کراچی کنگز کی جانب سے دیا جانے والا 169 رنز کا ہدف اسلام آباد یونائیٹڈ نے آخری اوور میں 5 وکٹوں کے نقصان پر حاصل کرلیا، عمر خان نے دو وکٹیں حاصل کیں۔

اسلام آباد یونائیٹڈ کی پہلی وکٹ ایک رن پر گری جب ڈیلپورٹ صفر پر پویلین لوٹ گئے، لک رونکی 26 رنز بنا کر آؤٹ ہوئے، حسین طلعت کو ایک رن پر عمر خان نے اسٹمپڈ آؤٹ کیا۔

حسین طلعت اور فل سلت کے درمیان شاندار شراکت داری قائم ہوئی، آصف علی نے کیچ ڈراپ ہونے کے بعد 70 رنز کی اننگز کھیلی انہیں محمد عامر نے آؤٹ کیا، فل سلت 46 رنز بنا کر آؤٹ ہوئے۔

اسلام آباد یونائیٹڈ کے کپتان شاداب خان 11 رنز بنا کر ناٹ آؤٹ رہے، آل راؤنڈر فہیم اشرف نے 8 رنز بنائے۔

کراچی کنگز کے اسپنر عمر خان نے دو کھلاڑیوں کو پویلین کی راہ دکھائی، عماد وسیم، محمد عامر اور عثمان شنواری نے ایک، ایک وکٹ حاصل کی۔

Heroics of @AasifAli2018 help @IsbUnited best Kings by 5 wickets.#HBLPSL #KhelDeewanoKa #KKvIU pic.twitter.com/FNi7UCWSd9

— PakistanSuperLeague (@thePSLt20) February 27, 2019

قبل ازیں دبئی میں کھیلے جانے والے میچ میں کراچی کنگز نے مقررہ اوورز میں 8 وکٹوں کے نقصان پر 168 رنز بنائے اور اسلام آباد یونائیٹڈ کو جیت کے لیے 169 رنز کا ہدف دے دیا، رومان رئیس نے تین وکٹیں حاصل کیں۔

کراچی کنگز کی پہلی وکٹ 23 رنز پر گری جب کولن منرو 4 رنز بنا کر پویلین لوٹ گئے، لیونگ اسٹون 56 رنز بنا کر شاداب خان کا نشانہ بنے، کولن انگرم 13 رنز بنا کر آؤٹ ہوئے، بین ڈنک 12 رنز بنا کر رن آؤٹ ہوئے۔

بابر اعظم نے 68 رنز کی شاندار اننگز کھیلی انہیں فہیم اشرف نے آؤٹ کیا، عماد وسیم 2 رنز بنا کر پویلین لوٹ گئے، عامر یامین 3 رنزبنا کر آؤٹ ہوئے، محمد عامر 6 رنز بنا کر رن آؤٹ ہوئے۔

اسلام آباد یونائیٹڈ کے رومان رئیس نے تین وکٹیں حاصل کیں، لیگ اسپنر شاداب خان، عماد بٹ اور فہیم اشرف نے ایک، ایک وکٹ حاصل کی۔

A delightful knock from @babarazam258 and a remarkable comeback of @IsbUnited bowlers were the highlights of the innings.
Can @KarachiKingsARY defend 169 or will it be #SherKiDhaar aik aor bar?
LIVE: https://t.co/AvvNVO1kH6#HBLPSL #KhelDeewanoKa #KKvIU pic.twitter.com/zcnlCZn8JG

— PakistanSuperLeague (@thePSLt20) February 27, 2019

قبل ازیں دبئی میں کھیلے جانے والے میچ میں اسلام آباد یونائیٹڈ کے کپتان شاداب خان نے ٹاس جیت کراچی کنگز کو بیٹنگ کی دعوت دی ہے، کراچی کنگز کے کپتان عماد وسیم نے کہا کہ ہمیں پہلے بیٹنگ کرنے میں کوئی مسئلہ نہیں ہے، اچھا ہدف دینے کی کوشش کریں گے۔

کراچی کنگز اسکواڈ

عماد وسیم کپتان ہیں دیگر کھلاڑیوں میں کولن منرو، بین ڈنک، کولن انگرم، افتخار، بابر اعظم، محمد عامر، عثمان خان شنواری، عامر یامین، لیام ڈوسن، عمر خان شامل ہیں۔

اسلام آباد یونائیٹڈ اسکواڈ

شاداب خان کپتانی کے فرائض انجام دے رہے ہیں دیگر کھلاڑیوں میں لک رانکی، کیمرون ڈیلپورٹ، حسین طلعت، آصف علی، فہیم اشرف، فل سلت، سمیٹ پٹیل، رومان رئیس، محمد موسیٰ، عماد بٹ شامل ہیں۔

واضح رہے کہ اب سے کچھ دیر قبل کھیلے جانے والے میچ میں لاہور قلندرز نے کوئٹہ گلیڈی ایٹرز کو 8 وکٹوں سے شکست دی تھی، اسپنر سندیپ لمی چانے کو شاندار بولنگ پر میچ کا بہترین کھلاڑی قرار دیا گیا تھا۔

دبئی: پی ایس ایل سیزن فور کے 17ویں میچ میں لاہور قلندرز نے کوئٹہ گلیڈی ایٹرز کو 8 وکٹوں سے شکست دے دی، سندیپ لمی چانے کو شاندار کارکردگی پر میچ کا بہترین کھلاڑی قرار دیا گیا۔

تفصیلات کے مطابق دبئی میں کھیلے جانے والے میچ میں کوئٹہ گلیڈی ایٹرز کی جانب سے دیا جانے والا 107 رنز کا ہدف لاہور قلندرز نے 16.3 اوورز میں 2 وکٹوں کے نقصان پر حاصل کرلیا۔

لاہور قلندرز نے ہدف کے تعاقب میں اننگز کا آغاز کیا تو فخر زمان 4 رنز بنا کر محمد حسنین کی گیند پر احسن علی کو کیچ دے بیٹھے، گوہر علی 21 رنز بنا کر گرنی کی گیند پر آؤٹ ہوئے۔

لاہور کے کپتان اے بی ڈیویلیرز نے 47 رنز کی ناقابل شکست اننگز کھیلی، حارث سہیل 33 رنز بنا کر ناٹ آؤٹ رہے۔

کوئٹہ گلیڈی ایٹرز کے محمد حسنین اور گرنی نے ایک، ایک وکٹ حاصل کی۔

Qalandars beat table toppers by 8 wickets. What a #DamaDamMast day for @lahoreqalandars.#HBLPSL #KhelDeewanoKa #LQvQG pic.twitter.com/13ewq04K83

— PakistanSuperLeague (@thePSLt20) February 27, 2019

قبل ازیں دبئی میں کھیلے جانے والے میچ میں لاہور قلندرز نے ٹاس جیت کر سرفراز الیون کو پہلے بیٹنگ کی دعوت دی، کوئٹہ گلیڈی ایٹرز کی ٹیم 19.1 اوورز میں 106 رنز پر ڈھیر ہوگئی اور لاہور قلندرز کو جیت کے لیے 107 رنز کا ہدف دے دیا، سندیپ لمی چانے نے 4 وکٹیں حاصل کیں۔

کوئٹہ گلیڈی ایٹرز کی پہلی وکٹ 33 رنز پر گری جب شین واٹسن 7 رنز بنا کر آؤٹ ہوئے، روسو 8 رنز بنا کر پویلین لوٹ گئے، احسن علی 33 رنز بنا کر رن آؤٹ ہوئے۔

عمر اکمل 1 رن بنا سندیپ کی گیند پر بولڈ ہوئے، دانش عزیز بھی ایک رن بنا کر پویلین لوٹ گئے، کپتان سرفراز احمد نے 29 رنز کی اننگز کھیلی انہیں یاسر شاہ نے آؤٹ کیا۔

A Dama Dam Mast bowling performance by the owlers help @lahoreqalandars bowl out Gladiators for 106. Can @TeamQuetta defend this total?
LIVE: https://t.co/AvvNVO1kH6#HBLPSL #KhelDeewanoKa #LQvQG pic.twitter.com/De5zVSlnsq

— PakistanSuperLeague (@thePSLt20) February 27, 2019

محمد نواز 12 رنز بنا کر حارث رؤف کی گیند پر اے بی ڈیویلیرز کو کیچ دے بیٹھے، فواد احمد نے صفر پر حارث رؤف نے بولڈ کیا، محمد حسنین بغیر صفر پر رن آؤٹ ہوکر پویلین لوٹ گئے۔

لاہور قلندرز کے سندیپ لمی چانے نے 4 کھلاڑیوں کو پویلین کی راہ دکھائی، حارث رؤف نے 2 وکٹیں حاصل کیں جبکہ یاسر شاہ کے حصے میں ایک وکٹ آئی۔

دبئی: پی ایس ایل سیزن فور کے 16 ویں میچ میں ملتان سلطانز نے اسلام آباد یونائیٹڈ کو 6 وکٹوں سے شکست دے کر ایونٹ میں دوسری کامیابی حاصل کرلی، ڈینئل کرسچن کو آل راؤنڈ کارکردگی پر میچ کا بہترین کھلاڑی قرار دیا گیا۔

تفصیلات کے مطابق دبئی میں کھیلے جانے والے میچ میں اسلام آباد یونائیٹڈ کی جانب سے دیا جانے والا 122 رنز کا ہدف ملتان سلطانز کی ٹیم نے 18.1 اوورز میں 4 وکٹوں کے نقصان پر حاصل کرلیا، عمر صدیق نے شاندار 46 رنز کی اننگز کھیلی۔

ہدف کے تعاقب میں ملتان سلطانز کے اوپنرز نے 54 رنز کا عمدہ آغاز فراہم کیا، جیمز ونس 28 رنز بنا کر سمیٹ پٹیل کی گیند پر پارنیل کے ہاتھوں کیچ آؤٹ ہوئے، جانسن چارلس 4 رنز بنا کر شاداب خان کی گیند پر ایل بی ڈبلیو آؤٹ ہوئے۔

عمر صدیق نے 46 رنزکی شاندار اننگز کھیلی، ونس ایک رن بنا کر محمد موسیٰ کی گیند پر بولڈ ہوئے، شعیب ملک 23 رنز بنا کر ناٹ آؤٹ رہے، ڈینئل کرسچن نے ناقابل شکست 16 رنز کی اننگز کھیلی۔

ملتان سلطانز کی جانب سے کپتان شاداب خان رومان رئیس، محمد موسیٰ اور سمیٹ پٹیل نے ایک، ایک وکٹ حاصل کی۔

Second win of the season for @MultanSultans, they outnumbered United in all aspects this evening.#KhelDeewanoKa #HBLPSL #MSvIU pic.twitter.com/KiCjseOfI9

— PakistanSuperLeague (@thePSLt20) February 26, 2019

قبل ازیں دبئی میں کھیلے جانے والے میچ میں اسلام آباد یونائیٹڈ کی ٹیم 17.4 اوورز میں 121 رنز پر آل آؤٹ ہوگئی اور ملتان سلطانز کو جیت کے لیے 122 رنز کا ہدف دیا، شاہد آفریدی نے 2 وکٹیں حاصل کیں۔

اسلام آباد یونائیٹڈ کی پہلی وکٹ 5 رنز پر گری جب کیمرون ڈیلپورٹ 4 رنز بنا کر آؤٹ ہوئے، صاحبزادہ فرحان بھی 4 رنز بنا کر نعمان علی کی گیند پر اسٹمپڈ آؤٹ ہوئے۔

سمیٹ پٹیل 20 رنز بنا کر آفریدی کا نشانہ بنے، حسین طلعت کو 8 رنز پر شاہد آفریدی نے بولڈ کیا، وین پارنیل 5 رنز بنا کر پویلین لوٹ گئے، آصف علی 22 رنز بنا کر نمایاں رہے انہیں ڈینئل کرسچن نے آؤٹ کیا۔

کپتان شاداب خان 4 رنز بنا کر نعمان علی کی گیند پر بولڈ ہوئے، رومان رئیس بغیر کوئی رن بنائے پویلین لوٹ گئے، فہیم اشرف 16 رنز بنا کر ناٹ آؤٹ رہے۔

Sultans’ bowl out United for 121! It has been an impressive display of bowling by @MultanSultans, can they replicate the good performance in batting too?
LIVE: https://t.co/AvvNVO1kH6#HBLPSL #KhelDeewanoKa #MSvIU pic.twitter.com/BRtylOItlP

— PakistanSuperLeague (@thePSLt20) February 26, 2019

ملتان سلطانز کے ڈینئل کرسچن نے تین کھلاڑیوں کو پویلین کی راہ دکھائی، شاہد خان آفریدی، محمد الیاس، نعمان علی نے دو، دو وکٹیں حاصل کیں جبکہ محمد عرفان کے حصے میں ایک وکٹ آئی۔

قبل ازیں دبئی میں کھیلے جانے والے میچ میں شعیب ملک نے ٹاس جیت کر اسلام آباد یونائیٹڈ کو پہلے بیٹنگ کی دعوت دی ہے، ملتان سلطانز کی ٹیم میں دو تبدیلیاں کی گئی ہیں، حماد اعظم اور گرین کی جگہ نعمان اور ایونس کو ٹیم میں شامل کیا گیا ہے۔

اسلام آباد یونائیٹڈ کی ٹیم میں کوئی تبدیلی نہیں کی گئی ہے، شاداب خان اسلام آباد یونائیٹڈ کی ٹیم کی قیادت کررہے ہیں۔

اسلام آباد یونائیٹڈ اسکواڈ

شاداب خان کپتانی کے فرائض انجام دے رہے ہیں دیگر کھلاڑیوں میں لک رانکی، صاحبزادہ فرحان، کیمرون ڈیلپورٹ، حسین طلعت، آصف علی، فہیم اشرف، وین پارنیل، سمیٹ پٹیل، رومان رئیس اور محمد موسیٰ شامل ہیں۔

ملتان سلطانز اسکواڈ

ملتان سلطانز کی قیادت شعیب ملک کررہے ہیں دیگر کھلاڑیوں میں جیمز ونس، ایونس، عمر صدیق، ڈینئل کرسچن، جانسن چارلس، نعمان علی، جنید خان، محمد الیاس، محمد عرفان اور شاہد آفریدی شامل ہیں۔

واضح رہے کہ پوائنٹس ٹیبل پر ملتان سلطانز کے دو پوائنٹس ہیں جبکہ اسلام آباد یونائیٹڈ نے تین میچز جیت کر 6 پوائنٹس حاصل کررکھے ہیں۔