ARYNews.tv | Urdu – Har Lamha Bakhabar

Tag: PSL7

  • مین آف دی میچ حاصل کرنے کے بعد ‘پروفیسر’ کا معنی خیز پیغام

    مین آف دی میچ حاصل کرنے کے بعد ‘پروفیسر’ کا معنی خیز پیغام

    لاہور: قومی کرکٹ ٹیم میں ‘پروفیسر’ کے نام سے پکارے جانے والے محمد حفیظ نے پی ایس ایل کا فائنل جیتنے کے بعد معنی خیز پیغام دیا ہے۔

    تفصیلات کے مطابق گذشتہ روز لاہور قلندرز نے پی ایس ایل کی تاریخ میں پہلی بار ٹرافی تھامی، جس کا سہرا تجربہ کار آل راؤنڈر محمد حفیظ کو جاتا ہے، جنہوں نے انتہائی مشکل وقت میں لاہور قلندرز کے لئے 69 رنز کی شاندار اننگز کھیلی۔

    حفیظ کی شاندار نصف سینچری کی بدولت قلندرز نے فائنل جیتنے کے لئے ملتان سلطانز کو 181 رنز کا ہدف دیا تھا، بعد ازاں بولنگ میں پروفیسر نے سلطانز کے قائد محمد رضوان کی وکٹ لے کر قلندر کے لئے فتح کی بنیاد ڈالی۔

    یہ بھی پڑھیں: ’ریٹائرمنٹ سے آگاہ کرنا چاہتا تھا رمیز راجہ نے وقت نہ دیا‘

    محمد حفیظ کو فائنل میں 69 رنز کی شاندار اننگز اور 2 وکٹیں لینے پر مین آف دی میچ کا ایوارڈ دیا گیا۔

    مین آف دی میچ کا ایوارڈ وصول کرنے کے بعد محمد حفیظ نے سماجی رابطے کا سہارا لیا اور معنی خیز کیپشن لکھا کہ ‘ ٹائیگر ابھی زندہ ہے’۔

    واضح رہے کہ پاکستان کے لیے 55 ٹیسٹ 218 ون ڈے اور 119 ٹی 20 کھیلنے والے آل راؤنڈر محمد حفیظ نے گذشتہ ماہ بین الاقوامی کرکٹ سے باقاعدہ طور پر ریٹائرمنٹ کا اعلان کیا تھا، محمد حفیظ نے تینوں فارمیٹس میں قومی ٹیم کی قیادت کے فرائض انجام دے رکھے ہیں۔

    محمد حفیظ نے پاکستان کے لیے 392 بین الااقومی میچو ں میں 12789 رنز 21 سنچریوں 64 نصف سنچریوں کی مدد سے بنائے، ایک مستند فیلڈر مانے جانے والے محمد حفیظ نے 160 کیچ لینے کے ساتھ بطور آف بریک بولر 253 وکٹیں بھی حاصل کیں۔

  • کیا راشد خان پی ایس ایل سیون کا فائنل کھیلیں گے ؟

    کیا راشد خان پی ایس ایل سیون کا فائنل کھیلیں گے ؟

    لاہور: پاکستان سپر لیگ سیزن سیون کا فائنل کل دفاعی چیمپئن ملتان سلطانز اور لاہور قلندرز کے درمیان کھیلا جائے گا، کیا راشد خان فائنل میں لاہور قلندرز کا حصہ ہونگے؟ ۔

    تفصیلات کے مطابق لاہور قلندرز کے فائنل میں پہنچنے کے بعد سوشل میڈیا پر یہ خبر زیر گردش تھی کہ افغان اسپنر اور لاہور قلندرز کے اہم کھلاڑی راشد خان بھی فائنل کھیلنے لاہور پہنچ رہے ہیں۔

    سوشل میڈیا صارفین اس خبر کو لیکر طرح طرح کے تبصرے جاری رکھے ہوئے تھے کہ راشد خان خود میدان میں آئے اور اہم ترین بیان جاری کردیا۔

    ٹوئٹر پر جاری پیغام میں افغان اسپنر راشد خان نے لکھا کہ پی ایس ایل سیزن سیون میں لاہور قلندرز کا حصہ بننے اور ٹیم کے فائنل میں پہنچنے پر بے حد خوشی ہے، مگر میں نیشنل ڈیوٹی کی وجہ سے فائنل میں جگہ نہیں بنا سکوں گا جو کہ ہمیشہ میری پہلی ترجیح رہی ہے۔

    یہ بھی پڑھیں: اسلام آباد کو ہرا کر لاہور فائنل میں پہنچ گیا

    راشد خان نے لاہور قلندرز کے کپتان شاہین شاہ آفریدی اور ٹیم کے لئے نیک تمناؤں کا اظہار بھی کیا۔

    واضح رہے کہ افغان کرکٹ ٹیم ان دنوں دورہ بنگلا دیش پر موجود ہے، جہاں ایک روزہ سیریز کھیلی جارہی ہے۔

    یہ بات قابل ذکر ہے کہ پی ایس ایل سیزن سیون میں افغان اسپنر راشد خان نے 13 وکٹیں حاصل کرتے ہوئے اپنی ٹیم کی فتوحات میں اہم کردار ادا کیا تھا۔

  • کامران غلام نے تھپڑ کا جواب دے دیا

    کامران غلام نے تھپڑ کا جواب دے دیا

    لاہور: لاہور قلندرز کے کھلاڑی کامران غلام نے حارث رؤف کے تھپڑ کا جواب دے دیا ہے۔

    تفصیلات کے مطابق گذشتہ روز لاہور قلندرز اور اسلام آباد یونائیٹڈ کے درمیان دوسرا ایلمینیٹر میچ کھیلا گیا، جہاں لاہور قلندرز نے آخری لمحات میں یونائیٹڈ سے یقینی فتح چھین کر کرکٹ ماہرین کو حیرت میں ڈال دیا۔

    سنسنی خیز میچ میں لاہور قلندرز کے کھلاڑیوں نے نہایت عمدہ کھیل پیش کیا، تاہم گذشتہ میچ میں فاسٹ بولر حارث رؤف سے تھپڑ کھانے والے کامران غلام نے یونائیٹڈ کے جارح مزاج ایلکس ہیلز کا شاندار کیچ تھام کر اپنے ساتھی کو ‘ تھپڑ’ کا جواب دیا۔

    کامران غلام کے شاندار کیچ تھامنے پر حارث رؤف نے ساتھی کھلاڑی کو فرط جذبات سے گلے لگایا اور میچ میں فتح کے بعد حارث رؤف کندھے پر بٹھاکر کامران غلام کو میدان کا چکر لگوایا، جس کی ویڈیو سوشل میڈیا پر تیزی سے وائرل ہورہی ہے۔

    یہ بھی پڑھیں: اسلام آباد کو ہرا کر لاہور فائنل میں پہنچ گیا

    واضح رہے کہ پاکستان سپر لیگ سیون کے آخری لیگ میچ میں لاہور قلندرز کے حارث رؤف نےکیچ ڈراپ کرنے پر کامران غلام کو تھپڑ جڑ دیا تھا، بعد ازاں معاملہ رفع دفع ہوگیا تھا۔

    یاد رہے کہ پی ایس ایل سیزن سیون کا فائنل کل دفاعی چیمپئن ملتان سلطانز اور لاہور قلندرز کے درمیان کھیلا جائے گا، لاہور قلندرز پی ایس ایل تاریخ میں واحد ٹیم ہے جو ابھی تک ٹرافی اپنے نام کرنے سے قاصر رہی ہے۔

  • دوسرا ایلیمینیٹرمیچ : محکمہ موسمیات نے خبردار کردیا

    دوسرا ایلیمینیٹرمیچ : محکمہ موسمیات نے خبردار کردیا

    لاہور: پی ایس ایل سیزن سیون کے دوسرے ایلیمینیٹر میچ میں آج لاہور قلندرز اور اسلام آباد یونائیٹڈ آمنے سامنے ہونگے تاہم محکمہ موسمیات نے خبردار کردیا ہے۔

    لاہور کےقذافی اسٹیڈیم میں قلندرز اور اسلام آباد یونائیٹڈ کے درمیان میچ کی تیاریاں مکمل ہوچکی مگر محکمہ موسمیات نے لاہور میں آج سہہ پہر 3سے شام 6بجے تک بارش کی پیش گوئی کی ہے۔

    پی سی بی حکام کا کہنا ہے کہ اگر میچ مقررہ وقت پر شروع نہ ہوسکا تو اوورز کم کئے جائیں گے، میچ بے نتیجہ رہنےپرلاہور قلندرز زیادہ میچز جیتنےکی بنیاد پر فائنل میں جگہ بنالےگی۔

    یہ بھی پڑھیں: فائنل میں کون کرے گا ملتان سے مقابلہ؟ فیصلہ آج ہوگا

    پاکستان کرکٹ بورڈ کا کہنا ہے کہ میگا ایونٹ کے فائنل اگر بارش سے متاثر ہوا تو اس کے لئے اضافی دن رکھا گیا ہے۔

    واضح رہے کہ آج میچ جیتنے والی ٹیم 27 فروری کو فائنل میچ میں ملتان سلطانز کا سامنا کرے گی جبکہ ہارنے والی ٹیم ٹورنامنٹ سے باہر ہوجائے گی، ہفتے کے روز پی ایس ایل سیون میں چھٹی کا روز ہوگا۔فائنل میچ 27 فروری بروز اتوار کو کھیلا جائے گا۔

  • فائنل میں کون کرے گا ملتان سے مقابلہ؟ فیصلہ آج ہوگا

    فائنل میں کون کرے گا ملتان سے مقابلہ؟ فیصلہ آج ہوگا

    لاہور: پاکستان سپر لیگ (پی ایس ایل) سیون میں پلے آف مرحلے کا آخری میچ آج کھیلا جائے گا، فائنل میں جگہ بنانے کیلئے آج لاہور قلندرز اور اسلام آباد یونائیٹڈ کے درمیان گھمسان کا رن پڑے گا۔

    تفصیلات کے مطابق فائنل میں جگہ بنانے کیلئے آج لاہور قلندرز اور اسلام آباد یونائیٹڈ کی ٹیمیں ٹکرائیں گی، دوسرے ایلی منیٹر کی فاتح ٹیم فائنل میں ملتان سلطانز سے کپ جیتنے کی جنگ لڑے گی۔

    لاہور قلندرز اور اسلام آباد یونائیٹڈ کی ٹیموں کے درمیان سنسنی خیز میچ شام ساڑھے 7 بجے شروع ہوگا۔

    ہیڈٹو ہیڈ مقابلوں میں یونائیٹڈزکو واضح برتری حاصل ہے، اسلام آبادیونائیٹڈ نے لاہور کے خلاف 9 میچ جیت رکھے ہیں جبکہ 5 میں لاہور قلندرز کامیاب رہے، مگر رواں سیزن میں قلندرز نےدھاک بٹھائی اور دونوں مقابلے اپنےنام کیے۔

    یہ بھی پڑھیں: اسلام آباد یونائیٹڈ نے زلمی کو ہرا کر ایونٹ سے باہر کردیا

    یہ میچ جیتنے والی ٹیم 27 فروری کو فائنل میچ میں ملتان سلطانز کا سامنا کرے گی جبکہ ہارنے والی ٹیم ٹورنامنٹ سے باہر ہوجائے گی، ہفتے کے روز پی ایس ایل سیون میں چھٹی کا روز ہوگا۔فائنل میچ 27 فروری بروز اتوار کو کھیلا جائے گا۔

    گذشتہ روز کھیلے گئے پاکستان سپر لیگ (پی ایس ایل) سیون کے پہلے ایلیمنیٹر میچ میں اسلام آباد یونائیٹڈ نے پشاور زلمی کو 5 وکٹوں سے شکست دے کر ایونٹ سے آؤٹ کردیا تھا۔

  • ملتان سلطانز کے کیمپ سے کرونا ٹیسٹ رپورٹ، پی سی بی کا اہم اعلان

    ملتان سلطانز کے کیمپ سے کرونا ٹیسٹ رپورٹ، پی سی بی کا اہم اعلان

    لاہور: پی ایس ایل سیزن سیون کے پلے آف راؤنڈ سے قبل ملتان سلطانز کے کیمپ سے کرونا کیس رپورٹ ہوا ہے جس پر پی سی بی نے اہم ترین بیان جاری کردیا ہے۔

    پاکستان کرکٹ بورڈ ( پی سی بی) کی جانب سے جاری بیان کے مطابق ملتان سلطانز اور اسلام آباد یونائیٹڈ کا آج ہونے والے میچ شیڈول کےمطابق ہوگا۔

    پی سی بی کی جانب سے بتایا گیا کہ ملتان سلطانز کے سیکیورٹی کنسلٹنٹ کا کرونا ٹیسٹ مثبت آیا، جس پر ٹیم کے اسکواڈ اوردیگر ارکان کے کووڈ ٹیسٹ کئے گئے تمام ارکان کی رپورٹ منفی آئے۔

    یہ بھی پڑھیں: پی ایس ایل 7: پلے آف کی چوتھی ٹیم کون؟ فیصلہ آج ہوگا

    تاہم ملتان سلطانز کےسیکیورٹی کنسلٹنٹ میں کرونا کیسز مثبت ہونے کے باعث انہیں قرنطینہ میں بھیج دیا گیا ہے۔

    واضح رہے کہ ملتان سلطانز اور اسلام آباد یونائیٹڈ کے درمیان آج شام میں میچ کھیلا جائے گا، کوئٹہ گلیڈی ایٹرز اور اسلام آباد یونائیٹڈ کے لیے یہ میچ اہم ہیں،اگر اسلام آباد اپنا میچ جیت جاتی ہے تو وہ فائنل فوز کے لیے کوالیفائی کر جائے گی تاہم اگر اسلام آباد اپنا میچ ہار جاتی ہے اور کوئٹہ اپنا میچ جیت جاتی ہے تو تب فیصلہ رن ریٹ کی بنیاد پر ہوگا۔

  • پلے آف مرحلے سے قبل زلمی کو بڑا دھچکا

    پلے آف مرحلے سے قبل زلمی کو بڑا دھچکا

    لاہور: پلے گروپ تک رسائی حاصل کرنے والی پشاور زلمی کے لئے بُری خبر ہے کہ دو اہم غیر ملکی کھلاڑی پی ایس ایل سے باہر ہوگئے ہیں۔

    تفصیلات کے مطابق پی ایس ایل سیزن 7 میں پشاور زلمی کی نمائندگی کرنے والے انگلش کرکٹر ٹام کوہلر کیڈ مور اور ویسٹ انڈیز سے تعلق رکھنے والے شرفن ردرفورڈ دستبرار ہوگئے ہیں۔

    پشاور زلمی ایک ایسے موقع پر ان کھلاڑیوں کی خدمات سے محروم ہوئی جب پاکستان سپر لیگ (پی ایس ایل) کے ساتویں ایڈیشن کے کوالیفائر مرحلہ شروع ہونے میں صرف 4 روز باقی رہ گئے ہیں۔

    یہ بھی پڑھیں: جیمز فالکنر کے الزامات پر پی سی بی کا سخت ردعمل

    ذرائع کا کہنا ہے کہ انگلینڈ کے ٹام کوہلر کیڈمور انجری کی وجہ سے پی ایس ایل کے رواں سیزن سے باہر ہوئے جبکہ ویسٹ انڈیز کے شرفین ردرفورڈ ذاتی مصروفیات کے باعث لیگ دستبرار ہوئے، دونوں کھلاڑی اسکواڈ کو چھوڑ کر وطن روانہ ہوگئے ہیں۔

    انگلینڈ سے تعلق رکھنے والے بیٹنگ آل راؤنڈر بینی ہوول نے بطور متبادل کھلاڑی پشاور زلمی کو جوائن کرلیا ہے۔

    واضح رہے کہ پشاور زلمی کو اپنا آخری لیگ میچ 21 فروری کو لاہور قلندرز کے خلاف کھیلنا ہے جبکہ پشاور کی ٹیم کوالیفائر مرحلے میں پہلے ہی رسائی حاصل کر چکی ہے۔

  • پی ایس ایل ٹیموں سے متعلق محمد یوسف کا بیان

    پی ایس ایل ٹیموں سے متعلق محمد یوسف کا بیان

    لاہور: پاکستان کرکٹ ٹیم کے بیٹنگ کوچ محمد یوسف نے کہا ہے کہ پی ایس ایل 7 میں جس مینجمنٹ نے ٹیم اچھی بنائی ہے، وہی بہتر پرفارم کر رہی ہے۔

    اے آر وائی نیوز کے مطابق سابق مایہ ناز پاکستانی بیٹسمین محمد یوسف نے آج لاہور کے نجی اسپتال میں بچوں کو پولیو کے قطرے پلانے کی تقریب میں شرکت کی۔

    بچوں کو پولیو کے قطرے پلانے کی تقریب کے بعد میڈیا سے گفتگو میں محمد یوسف نے کہا کہ ڈاکٹرز کو حکومت کے ساتھ مل کر معاشرے کو پولیو سے پاک کرنے کے لیے کردار ادا کرنا چاہیے تاکہ بہترین پاکستان کی بنیاد رکھی جا سکے۔

    انھوں نے کہا سب کو مل کر انسداد پولیو مہم کو کامیاب بنانا چاہیے، کسی کو بھی اس کی مخالفت نہیں کرنی چاہیے، یہی بچے پاکستان کا مستقبل ہیں، انھی بچوں نے پاکستان کو سنبھالنا ہے۔

    محمد یوسف کا کہنا تھا جو لوگ پولیو مہم کے خلاف ہیں ان کو بھی بچوں کے بہتر مستقبل کے لیے کام کرنے کی ضرورت ہے۔

    پی ایس ایل سے متعلق سوال پر انھوں نے کہا کہ یہ کرکٹ ہے، جس مینجمنٹ نے ٹیم اچھی بنائی ہے وہ بہتر پرفارم کر رہی ہے، لاہور قلندر آخری 6 ایڈیشنز میں آخری نمبر پر آئی، اس بار انھوں نے اچھی ٹیم بنائی ہے۔

    محمد یوسف کا کہنا تھا کہ ملتان سلطان نے پہلے بھی اچھا کھیلا، اور اس بار بھی وہ پرفارم کر رہی ہے۔

  • پشاور سے ٹاکرا، کراچی کنگز فتح کے لئے پُرعزم

    پشاور سے ٹاکرا، کراچی کنگز فتح کے لئے پُرعزم

    لاہور: پاکستان سپر لیگ میں آج دو میچوں کو فیصلہ ہوگا، مسلسل پانچ میچوں میں شکست سے دوچار ہونے والی کراچی کنگز ٹیم پہلی جیت کی منتظر ہے۔

    اے آر وائی نیوز کے مطابق آج پہلا میچ پشاور زلمی اور کراچی کنگز کے درمیان ہوگا جبکہ دوسرے میچ میں لاہور قلندرز اور کوئٹہ گلیڈی ایٹرز مدمقابل ہوں گے، پہلا میچ ڈھائی بجے شروع ہوگا۔

    پشاور زلمی کے خلاف کراچی کنگز کا میچ میچ ڈو اور ڈائی ہے، کراچی کنگز کےپاس غلطی کی گنجائش نہیں، جیت ہی وہ واحد صورت ہے جو اسے ایونٹ میں رہنے کی آخری امید فراہم کرے گی۔

    یہ بھی پڑھیں: عمر اکمل آتے ہی چھا گئے، گلیڈی ایٹرز نے یونائیٹڈ‌ پچھاڑ دیا

    کراچی کنگز کے کیمپ سے اچھی خبر یہ ہے کہ جو کلارک انجری سےصحتیاب ہوگئے اور پشاور زلمی کے خلاف اہم ترین میچ کے لئے دستیاب ہونگے، محمد نبی بنگلا دیش کے خلاف افغان ٹیم کا حصہ نہیں، جس کے باعث وہ کراچی کنگز کے ساتھ پورے ٹورنامنٹ کا حصہ ہونگے۔

    دونوں ٹیموں کے درمیان ہیڈ ٹو ہیڈ میچوں میں پشاور کو برتری حاصل ہے، جہاں 11 میچوں میں زلمی نے میدان مارا جبکہ کراچی نے 6 میچز میں کامیابی حاصل کی۔

  • پی ایس ایل7: کھلاڑیوں کو بھرپور سیکیورٹی فراہم کرنے کا عزم

    پی ایس ایل7: کھلاڑیوں کو بھرپور سیکیورٹی فراہم کرنے کا عزم

    لاہور: پی ایس ایل کے دوسرے مرحلے کا آغاز آج لاہور میں ہونے جارہا ہے، ایونٹ کو کامیاب بنانے کے لئے صوبائی حکومت نے بھرپور اقدامات کئے ہیں۔

    اے آر وائی نیوز کی رپورٹ کے مطابق سی سی پی او فیاض احمد نے کھلاڑیوں،شائقین کو بھرپور سیکیورٹی فراہم کرنےکے عزم کا اظہار کیا ہے اور انہوں نے بتایا کہ ڈی آئی جی آپریشنز، سی ٹی او لاہور کی زیر نگرانی انتظامات مکمل کرلئے گئے ہیں۔

    سی سی پی او لاہور نے بتایا کہ میچز کی سیکیورٹی کے لئے پہلے سے زیادہ بہتر حکمت عملی اپنائی ہے، میچز کے لئے فول پروف سیکیورٹی انتظامات کے لئے تمام اداروں سےکوآرڈینیشن ہے، میچ کی سیکیورٹی پر 8ہزار سے زائدافسران،جوان، لیڈیز اہلکار تعینات کئے گئے ہیں۔

    سی سی پی او لاہور نے بتایا کہ ہوٹل، اسٹیڈیم اور روٹ پر102 ڈولفن،82پی آریو،73 ایلیٹ ٹیمیں اور اسنائپرز بھی مامور کئے گئے ہیں جبکہ اہم مقامات کی سی سی ٹی وی کیمروں سے مانیٹرنگ جاری ہے۔

    لاہور چیف ٹریفک آفیسر (سی ٹی او) منتظر مہدی نے بھی میڈیا کو بتایا کہ ٹیم موومنٹ کےدوران 6 سے 9منٹ ٹریفک کو بند رکھاجائےگا، موومنٹ گزرتے ہی ڈائیورشن کو ٹریفک کےلئےکھول دیا جائےگا، ٹیموں کے روٹس،متبادل راستوں پرساڑھے 7سوسےزائد وارڈنز تعینات کئے گئے ہیں جبکہ آج11ڈی ایس پیز،90 انسپکٹرز اپنے فرائض انجام دیں گے۔

    منتظرمہدی نے بتایا کہ غلط پارکنگ کےخاتمےکیلئے20 لفٹرز،5 بریک ڈاؤنز بھی تعینات کئے گئے ہیں، شائقین کی سہولت اور باآسانی اسٹیڈیم تک رسائی کیلئے5 پارکنگ اسٹینڈز مختص کردئیے گئے ہیں، پارکنگ اسٹینڈز سے شٹل سروس کے ذریعےشائقین اسٹیڈیم پہنچ سکیں گے۔