ARYNews.tv | Urdu – Har Lamha Bakhabar

Tag: PSL7

  • ملتان سلطانز کے خلاف فخر زمان کی شاندار نصف سنچری

    ملتان سلطانز کے خلاف فخر زمان کی شاندار نصف سنچری

    پاکستان سپر لیگ (پی ایس ایل) کے 7 ویں ایڈیشن کے تیسرے میچ میں لاہور قلندرز کے بلے باز فخر زمان نے ملتان سلطان کے خلاف شاندار نصف سنچری بنالی۔

    کراچی کے نیشنل اسٹیڈیم میں کھیلے جارہے پی ایس ایل سیزن سیون کے تیسرے میچ میں ملتان سلطانز کے کپتان محمد رضوان ٹاس جیت کر لاہور قلندرز کو پہلے بیٹنگ کی دعوت دی۔

    ملتان سلطانز کی قیادت وکٹ کیپر بیٹر محمد رضوان کررہے ہیں جب کہ لاہور قلندرز پہلی بار شاہین آفریدی کی کپتانی میں میدان میں اترے۔

    لاہور قلندرز کی جانب سے فخر زمان اور عبداللہ شفیق اوپننگ کےلیے میدان آئے اور ملتان سلطانز کے خلاف بڑے کےلیے ہدف کی بنیاد رکھی۔

    اوپنر فخر زمان نے 35 گیندوں پر 11 چوکوں اور 2 چھکوں کی مدد سے ناقابل شکست 76 رنز اسکور کیے جب کہ عبداللہ شفیق 3 چوکوں کی مدد سے 22 گیندوں پر 24 رنز بناسکے اور پویلین لوٹ گئے۔

    اوپننگ بلے بازوں کے پویلین لوٹنے کے بعد کامران غلام کی بیٹنگ جاری ہے جب کہ محمد حفیظ 16 رنز بناکر خوشدل شاہ کا شکار ہوگئے۔

    لاہور قلندرز نے 17 ویں اوور اختتام پر 163 رنز مکمل کرلیے ہیں جب کہ تین اوور مزید باقی ہیں۔

  • ملتان سلطانز کا فاتحانہ آغاز، کراچی کنگز کو شکست

    ملتان سلطانز کا فاتحانہ آغاز، کراچی کنگز کو شکست

    کراچی: پی ایس ایل 7 کے پہلے میچ میں ملتان سلطانز نے کراچی کنگز کو باآسانی 7 وکٹوں سے شکست دے دی۔

    تفصیلات کے مطابق کراچی کے نیشنل اسٹیڈیم میں کھیلے گئے افتتاحی میچ میں ملتان سلطانز نے کراچی کنگز کی جانب سے دیا جانے والا 125 رنز کا ہدف 18ویں اوور میں 3 وکٹوں کے نقصان پر حاصل کرلیا۔

    اوپنر شان مسعود 26 رنز بنا کر آؤٹ ہوئے، صہیب مقصود نے 30 رنز کی اننگز کھیلی، رلی روسو دو رنز بنا کر محمد نبی کا نشانہ بنے۔

    محمد رضوان 52 رنز کی ناقابل شکست اننگز کھیلی، ان کی اننگز میں 5 چوکے اور ایک چھکا شامل تھا۔

    کراچی کنگز کی جانب سے محمد نبی نے دو وکٹیں حاصل کیں جبکہ محمد الیاس ایک وکٹ حاصل کرسکے۔

    اس سے قبل کراچی کنگز نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 124 رنز بنائے تھے اور سلطانز کو جیت کے لیے 125 رنز کا ہدف دیا تھا۔

    اوپنر شرجیل خان 43 رنز بنا کر پویلین لوٹ گئے، کپتان بابر اعظم 23 رنز بنا کر خوشدل شاہ کو وکٹ دے بیٹھے، جو کلارک 26 رنز بنا کر شاہنواز دہانی کا نشانہ بنے۔

    محمد نبی 10 نز بنا کر آؤٹ ہوئے، ٹام لیمونبے ایک رن بن اکر عمران طاہر کے ہاتھوں آؤٹ ہوئے، لیوس گریگری 14 رنز کے ساتھ ناٹ آؤٹ رہے۔

    سلطانز کی جانب سے عمران طاہر نے تین کھلاڑیوں کو پویلین کی راہ دکھائی، شاہنواز دہانی اور خوشدل شاہ نے ایک، ایک وکٹ حاصل کی۔

    اس سے قبل ملتان سلطانز کے کپتان محمد رضوان نے ٹاس جیت کر بابر اعظم الیون کو پہلے بیٹنگ کی دعوت دی تھی۔

    بابر اعظم کا کہنا تھا کہ ٹاس جیتتے تو پہلے فیلڈنگ ہی کرتے لیکن ملتان سلطانز کو بڑا ہدف دینے کی کوشش کریں گے۔

    بابر اعظم نے کہا کہ بھرپور پلاننگ سے آئے ہیں، اچھی کارکردگی دکھانے کی کوشش کریں گے، ٹیم میں ٹام لیمن، لوئس گریگری، جو کلارک اور محمد نبی شامل ہیں۔

    ملتان سلطانز کے کپتان محمد رضوان نے کہا کہ پہلے فیلڈنگ کرکے کنڈیشن کو دیکھنا چاہتے ہیں، بولرز سے بہت امیدیں وابستہ ہیں، رائلی روسو، ٹم ڈیوڈ، عمران طاہر شامل ہیں۔

    واضح رہے کہ پی ایس ایل مقابلوں میں سلطانز کے خلاف کنگز کا پلڑا بھاری ہے، دونوں ٹیموں کے درمیان 9 میچز کھیلے گئے کراچی کنگز نے 5 میں کامیابی حاصل کی جبکہ سلطانز دو میچ جیت سکے، دو میچ بے نتیجہ رہے تھے۔

  • شاہین آفریدی لاہور قلندرز کے کپتان، نائب کپتان کون؟

    شاہین آفریدی لاہور قلندرز کے کپتان، نائب کپتان کون؟

    پی ایس ایل 7 میں لاہور قلندرز کی قیادت شاہین آفریدی کررہے ہیں، فاسٹ بولر کپتان کے ساتھ ساتھ ٹیم کے نائب کپتان بھی ہیں۔

    تفصیلات کے مطابق لاہور قلندرز کے سی ای او عاطف رانا کا کہنا ہے کہ ہمارا کپتان شاہین شاہ آفریدی ہی نائب کپتان ہے، نائب کپتان ہونا صرف روایت کی بات ہے۔

    عاطف رانا نے کہا کہ چیئرمین پی سی بی رمیز راجا سے غیررسمی ملاقات ہوئی جس میں ایونٹ سے متعلق گفتگو ہوئی۔

    انہوں نے کہا کہ امید ہے رمیز راجا کی قیادت میں یہ نمبر ون لیگ بن جائے گی، ہم نے چار پانچ سال میں ٹیم کو بہت سے ہیرو دیے ہیں۔

    مزید پڑھیں: شاہین شاہ آفریدی کو لاہور قلندرز کا کپتان مقرر کردیا گیا

    عاطف رانا نے کہا کہ کوشش کررہے ہیں کہ یارکشائر اور میلبرن اسٹارز کے ساتھ سیریز کرائیں۔

    یاد رہے کہ پی ایس ایل 6 میں قلندرز کی قیادت سہیل اختر نے کی تھی، لاہور قلندرز کی ٹیم اب تک ٹائٹل حاصل نہیں کرسکی ہے۔

    خیال رہے کہ پی ایس ایل سیون میں پہلا ٹاکرا آج بابر اعظم کی کراچی کنگز اور دفاعی چیمپئن محمد رضوان کی ملتان سلطانز کے درمیان ہوگا، دونوں ٹیمیں رات 8 بجے مدمقابل ہوں گی۔

  • شاہدآفریدی کا کرونا ٹیسٹ مثبت آگیا

    شاہدآفریدی کا کرونا ٹیسٹ مثبت آگیا

    کراچی: کوئٹہ گلیڈی ایٹرز کے کھلاڑی اور اسٹار آل راؤنڈر شاہد خان آفریدی کرونا وائرس کا شکار ہوگئے ہیں۔

    اے آر وائی نیوز کے مطابق کوئٹہ گلیڈی ایٹرز کے آل راؤنڈر شاہد آفریدی کا کورونا ٹیسٹ مثبت آگیا ہے، کرونا ٹیسٹ مثبت آنے کے بعد انہوں نے خود کو گھر میں قرنطینہ کرلیا ہے، جہاں وہ پاکستان کرکٹ بورڈ (پی سی بی)کی جانب سے وضع کردہ ایس او پیز کے تحت اپنا قرنطینہ مکمل کرینگے۔

    آئسولیشن مکمل ہونے پر شاہد آفریدی کا دوبارہ ٹیسٹ ہوگا، ٹیسٹ منفی آنے پر آفریدی دوبارہ ٹیم جوائن کرسکیں گے۔

    گذشتہ روز یہ خبر سامنے آئی تھی کہ شاہد آفریدی کمر کی تکلیف کے باعث کوئٹہ گلیڈی ایٹرز کی جانب سے ابتدائی دو میچز نہیں کھیل سکیں گے ساتھ ہی اہلیہ کی بہن (سالی ) کے انتقال کے باعث وہ بائیو سیکیور ببل سے نکل کر گھر منتقل ہوئے تھے۔

    یہ بھی پڑھیں: شاہد آفریدی کے مداحوں کیلیے اچھی خبر

    شام کو یہ خبریں سامنے آئیں تھی کہ ڈاکٹرز کی جانب سے مکمل معائنے کے بعد شاہد آفریدی کو مکمل فٹ قرار دے دیا گیا ہے تاہم بائیو سیکیور ببل سے باہر نکلنے کے بعد وہ 3 دن کا آئسولیشن پریڈ گزارنے کے بعد ٹیم کو جوائن کرنے کے اہل ہونگے۔

    یاد رہے کہ شاہد آفریدی کی جانب سے اعلان کیا جاچکا ہے کہ پی ایس ایل کا رواں سیزن ان کے کیریئر کا آخری ٹورنامنٹ ہوگا، بوم بوم آفریدی اس بار کوئٹہ گلیڈی ایٹرز کی نمائندگی کررہے تھے۔

  • پی ایس ایل 7: کراچی کنگز اور ملتان سلطانز افتتاحی میچ میں مدمقابل

    پی ایس ایل 7: کراچی کنگز اور ملتان سلطانز افتتاحی میچ میں مدمقابل

    کراچی: تمام رکاوٹیں دور، پی ایس ایل سیزن 7 کا آغاز آج کراچی میں ہونے جارہا ہے، افتتاحی میچ کراچی کنگز اور دفاعی چیمپئن ملتان سلطانز کے درمیان کھیلا جائے گا۔

    تفصیلات کے مطابق پی ایس ایل سیون کا افتتاحی میچ آج کراچی کنگز اور دفاعی چیمپئن ملتان سلطانز کے درمیان ہوگا، دونوں ٹیمیں شام 7 بجے مدمقابل ہوں گی۔

    بحیثیت کپتان کیلنڈر ایئر میں سب سے زیادہ، 20، ٹی ٹونٹی انٹرنیشنل فتوحات سمیٹنے والے بابر اعظم ایونٹ میں کراچی کنگز کی نمائندگی کریں گے، ٹورنامنٹ کے افتتاحی میچ میں ان کے مدمقابل قومی کرکٹ ٹیم میں ان کے ساتھی اوپنر اور کیلنڈر ایئر میں سب سے زیادہ ٹی ٹونٹی رنز بنانے والے محمد رضوان ہوں گے، جو ملتان سلطانز کی قیادت کرتے ہوئے اپنے ٹائٹل کا دفاع کریں گے۔

    بابراعظم، کپتان کراچی کنگز

    کراچی کنگز کے کپتان بابر اعظم نے کہا کہ انہیں پہلی مرتبہ فرنچائز کرکٹ میں کپتانی کا موقع مل رہا ہے، یہ ایک اہم ذمہ داری ہے اور وہ اسے بھرپور انداز میں ادا کرنے کی کوشش کریں گے۔

    بابراعظم نے کہا کہ ملتان سلطانزایونٹ کی دفاعی چیمپئن اور ایک سخت حریف ہے۔ انہوں نے کہا کہ ٹورنامنٹ کے افتتاحی میچ میں فینز کی دلچسپی دیدنی ہوتی ہے، امید ہے دونوں ٹیموں کے درمیان میچ سنسنی خیز ہوگا۔

    محمد رضوان، کپتان ملتان سلطانز

    ملتان سلطانز کے کپتان محمد رضوان کا کہنا ہے کہ ان کی ٹیم ایچ بی ایل پی ایس ایل میں اعزاز کاک امیابی سے دفاع کرنے کی مکمل صلاحیت رکھتی ہے اور سلطانز کا اسکواڈ اسی سوچ کے ساتھ لیگ کے افتتاحی میچ سے میدان میں اترے گا۔

    محمد رضوان نے کہا کہ بلاشبہ ملتان سلطانز نے ایڈیشن 2021 میں ایچ بی ایل پی ایس ایل کا ٹائٹل جیتا مگر وہ اب ماضی ہوچکا ہے اور یہ ایک نیا سال ہے، یہاں نیا میدان ہے اور نئے کھلاڑی، انہوں نے ایونٹ کے کامیاب دفاع کے لیے ایک نئی اور مختلف سوچ کے ساتھ میدان میں اترنا ہوگا۔

    محمد رضوان نے کہا کہ بابراعظم دنیا کے بہترین بیٹر اور کپتان ہیں۔ ان کی قیادت میں کراچی کنگزکی ٹیم بہترین کارکردگی کا مظاہرہ کرنے کی مکمل اہلیت رکھتی ہے۔ امیدہے کہ دونوں ٹیموں کے مابین بہترین کرکٹ میچ سے لیگ کا آغاز ہوگا۔

  • رنگ ونور کی برسات میں پی ایس ایل 7 کی افتتاحی تقریب آج ہوگی

    رنگ ونور کی برسات میں پی ایس ایل 7 کی افتتاحی تقریب آج ہوگی

    کراچی: انتظار کی گھڑیاں ختم، چوکوں چھکوں کی برسات کے ساتھ پی ایس ایل سیزن 7 کا شاندار آغاز آج ہونے جارہا ہے۔

    تفصیلات کے مطابق پی ایس ایل 7 کا میلہ سجنے میں چند گھنٹے باقی ہے، میگا ایونٹ کی افتتاحی تقریب کے تمام انتظامات مکمل کئے جاچکے، پی ایس ایل کے آغاز سے قبل نیشنل اسٹیڈیم کو دلہن کی طرح سجادیا گیا ہے،میدان بھی رنگ برنگی لائٹس سےجگمگا اٹھا، اسٹیڈیم کی مرکزی عمارت، مرکزی راستے اوردرختوں کو چھوٹی چھوٹی لائٹس لگا کرروشن کیا گیا ہے۔

    گراؤنڈ کے فرنٹ پر دلکش اسٹیج بنایا گیا ہے، ستاروں کی جھرمٹ میں ایونٹ کا شاندار افتتاح ہوگا،  افتتاحی تقریب تقریباً شام ساڑھے 6بجے نیشنل اسٹیڈیم میں شروع ہوگی ، تقریب میں نامور گلوکار عاطف اسلم اور آئمہ بیگ آواز کا جادو جگائیں گے۔

    یہ بھی پڑھیں: پی ایس ایل 7 کے بارے میں اہم معلومات

    افتتاحی تقریب کی خاص بات پیراگلائیڈرز کا 10 ہزار فٹ کی بلندی سے نیشنل اسٹیڈیم میں اترنا ہے، پیراگلائیڈرز کی حیران کردینے والی پرفارمنس ٹیلی ویژن اسکرین پر ریکارڈ نشر کی جائے گی۔

    پاکستان کے دورے پر موجود معروف انگلش فٹبالر مائیکل اوون بھی تقریب میں خصوصی شرکت کریں گے جبکہ افتتاحی تقریب کےدوران وزیراعظم کا خصوصی پیغام بھی چلایا جائے گا۔

    اسے بھی پڑھیں: کراچی :پی ایس ایل میچز کیلئے سیکیورٹی پلان مرتب

    ایونٹ کا پہلا مرحلہ نیشنل اسٹیڈیم کراچی میں منعقد ہوگا، جہاں کُل 15 میچز کھیلے جائیں گے،دوسرے مرحلے میں شامل 19 میچز قذافی اسٹیڈیم لاہور میں کھیلے جائیں گے۔Imageپاکستان میں بسنے والے کرکٹ فینز پی ٹی وی اسپورٹس اور اے اسپورٹس پر ایچ بی ایل پی ایس ایل 7 کے میچز براہ راست ملاحظہ فرماسکتے ہیں۔ اسی طرح مشرق وسطی اور شمالی افریقہ میں موجود فینز اتصالات، کیریبین سرزمین میں فلو اسپورٹس ، نیوزی لینڈ میں اسکائی این زیڈ ، برطانیہ میں اسکائی اسپورٹس ،آسٹریلیا میں فوکس اسپورٹس، پاکستان کے علاوہ پورے جنوبی ایشیا ء میں سونی ، سب صحارا افریقہ میں سپر اسپورٹس اور شمالی امریکہ میں ولو ٹی وی پر ایچ بی ایل پی ایس ایل 7 کی نشریات براہ راست دیکھ سکیں گے۔Imageپاکستان میں لائیواسٹریم کے حقوق دراز ایپ نے خرید رکھے ہیں۔ دوسری جانب پی سی بی نےاو ٹی ٹی صارفین کے لیے آئی سی سی ٹی وی اور ٹیمپاڈ ٹی وی سے بھی معاہدہ کرلیا ہے۔ ان دونوں پلیٹ فارمز کو مندرجہ ذیل علاقوں میں ایچ بی ایل پی ایس ایل 7 کی لائیو اسٹریمنگ کی اجازت ہوگی۔

  • پی ایس ایل 7: دو اہم کھلاڑی کرونا کا شکار، نام سامنے آ گئے

    پی ایس ایل 7: دو اہم کھلاڑی کرونا کا شکار، نام سامنے آ گئے

    کراچی: کامران اکمل اور ارشد اقبال کا کرونا ٹیسٹ مثبت آ گیا ہے۔

    تفصیلات کے مطابق پی ایس ایل سیزن 7 کی ٹیم پشاور زلمی کے کھلاڑیوں کامران اکمل اور ارشد اقبال کرونا وائرس کا شکار ہو گئے ہیں۔

    ریزرو کھلاڑیوں میں سے امام الحق اور عماد بٹ کو جزوی متبادل کے طور پر زلمی ٹیم میں شامل ہونے کی اجازت دے دی گئی۔

    واضح رہے کہ پاکستان سپر لیگ (پی ایس ایل) کے ساتویں ایڈیشن کے آغاز میں صرف 2 روز باقی ہیں لیکن کرونا وائرس کا خوف اس کے سر پر منڈلا رہا ہے۔

    یہی وجہ ہے کہ پی ایس ایل کی پلیئنگ کنڈیشنز میں بھی تبدیلی کا فیصلہ کیا گیا ہے، پی سی بی ذرائع کا کہنا ہے کہ 13 کھلاڑیوں کے کرونا ٹیسٹ منفی آنے پر میچ کھیلا جائے گا۔ غیر ملکی کھلاڑی دستیاب نہ ہوں تو بھی ٹیم قومی کھلاڑیوں پر مشتمل ہوگی، اور 8 ملکی اور 3 غیر ملکی کھلاڑیوں کے ساتھ بھی ٹیمیں میدان میں اتر سکتی ہیں۔

    پی ایس ایل2022کی پلیئنگ کنڈیشنز میں ترامیم کردی گئی

    کسی کھلاڑی کا کرونا ٹیسٹ مثبت آ نے کی صورت میں مذکورہ ٹیم ٹیکنکل کمیٹی کی اجازت سے ریزرو پول میں موجود کسی بھی کھلاڑی کو متبادل کھلاڑی کی حیثیت سے اپنے اسکواڈ میں شامل کر سکتی ہے۔

    یاد رہے کہ پی ایس ایل کا ساتواں ایڈیشن 27 جنوری سے کراچی میں شروع ہو رہا ہے۔

  • پی ایس ایل 7 کے آفیشل ترانے کا ٹریلر ریلیز کردیا گیا

    پی ایس ایل 7 کے آفیشل ترانے کا ٹریلر ریلیز کردیا گیا

    لاہور: پاکستان سپر لیگ سیزن 7 کے اینتھم کا ٹریلر ریلیز کردیا گیا ہے، ملک کے معروف گلوکار عاطف اسلم اور گلوکارہ آئمہ بیگ نے آٖفیشل ترانے میں اپنی آواز کا جادو جگایا ہے۔

    تفصیلات کے مطابق پاکستان سپر لیگ سیزن7 کے آفیشل ترانے کا ٹریلر ریلیز کردیا گیا ہے، یہ ترانہ پی ایس ایل 7 کے انعقاد پر شائقین کرکٹ کے جوش و جذبہ کی عکاسی کرتا ہے جو پاکستان سمیت دنیا بھر کو درپیش کووڈ 19 کی اس غیر معمولی صورتحال کے دوران شائقینِ کرکٹ کے لیے تفریح کا باعث بنے گا۔

    عبداللہ صدیقی نے اس ترانے کو کمپوز کیا ہے جبکہ عاطف اسلم اور آئمہ بیگ نے آٖفیشل ترانے میں اپنی آوازوں کاجادوجگایا ہے، پورا گانا جلد ریلیز کیا جائے گا۔

    https://twitter.com/MahamOfficial_2/status/1485175915168604160?s=20

    واضح رہے کہ پاکستان کرکٹ بورڈ کے چیف آپریٹنگ آفیسر سلمان نصیر کا کہنا ہے کہ پی ایس ایل کے معیاری ترانوں کو نہ صرف پاکستان بلکہ دنیا بھر میں خوب پذیرائی ملتی ہے۔

    ادھر مختصر دورانیے کی ویڈیوز بنانے اور شیئر کرنے والا عالمی پلیٹ فارم، ٹک ٹاک پاکستان سپر لیگ کے ساتویں ایڈیشن کے آفیشل ترانے کو اسپانسر کررہا ہے۔

    پاکستان کرکٹ بورڈ کے چیف آپریٹنگ آفیسر سلمان نصیر کا کہنا تھا کہ ٹک ٹاک کے ساتھ شراکت داری کا دو سالہ معاہدہ کیا تھا جس سے یہ تعلق مزید مضبوط ہوگا۔

  • این سی او سی کا پی ایس ایل 7 کے میچز میں شائقین کی شرکت سے متعلق بڑا فیصلہ

    این سی او سی کا پی ایس ایل 7 کے میچز میں شائقین کی شرکت سے متعلق بڑا فیصلہ

    اسلام آباد: نیشنل کمانڈ اینڈ آپریشن سینٹر (این سی او سی) نے پاکستان سپر لیگ (پی ایس ایل) 7 کے حوالے سے بڑا فیصلہ کر لیا ہے، ذرائع کا کہنا ہے کہ پی ایس ایل کے کراچی میچز 25 فی صد شائقین اسٹیڈیم میں دیکھ سکیں گے۔

    اے آر وائی نیوز کے مطابق کرکٹ اسٹیڈیم میں میچز دیکھنے کے لیے مکمل ویکسینیشن لازمی ہوگی، جب کہ پی ایس ایل لاہور کے میچز سے متعلق فیصلہ فروری کے پہلے ہفتے میں ہوگا، این سی او سی نے وفاق، صوبوں اور پی سی بی کو مراسلہ ارسال کر دیا۔

    ذرائع کا کہنا ہے کہ مکمل ویکسینیٹڈ افراد ہی کو اسٹیڈیم میں میچ دیکھنے کی اجازت ہوگی، تاہم عمر کی کوئی قید نہیں ہوگی اور تمام عمر کے افراد اسٹیڈیم میں پی ایس ایل میچز دیکھ سکیں گے۔

    مراسلے میں وضاحت کی گئی ہے کہ اسٹیڈیم میں آنے کے لیے 12 سال سے زائد عمر والوں کی ویکسینیشن لازم ہوگی، پی سی بی ویکسینیٹڈ افراد کو ٹکٹ کے اجرا کے لیے ایک میکنزم تیار کرے گا، اور پی سی بی سیکیورٹی انتظامات کی ذمہ دار ہوگی۔

    پی ایس ایل 7: شائقین کرکٹ کے لیے بڑی خوش خبری

    کرکٹ گراؤنڈ میں ایس او پیز پر عمل درآمد کی ذمہ داری بھی پی سی بی کی ہوگی، کرکٹ اسٹیڈیم میں تماشائیوں کے لیے ماسک، سماجی فاصلہ رکھنا لازم ہوگا۔

    واضح رہے کہ تازہ مراسلے کے مطابق اسٹیڈیم میں پی ایس ایل میچز دیکھنے کے خواہش مند شائقین کی تعداد کم کی گئی ہے، این سی او سی نے 29 دسمبر کو 100 فی صد شائقین کو اسٹیڈیم میں پی ایس ایل میچز دیکھنے کی اجازت دی تھی۔

  • پی ایس ایل 7: این سی او سی کا اہم فیصلہ متوقع

    پی ایس ایل 7: این سی او سی کا اہم فیصلہ متوقع

    لاہور: پاکستان سپر لیگ سیزن 7 کو کرونا سے بچاؤ کے لئے پاکستان کرکٹ بورڈ اور این سی او سی حکام کے درمیان بڑی بیٹھک ہونے جارہی ہے۔

    اے آر وائی نیوز کے مطابق پی سی بی اور این سی او سی کا اجلاس 17جنوری کو ہوگا، اجلاس میں کوویڈ کی حالیہ لہر کے باعث بڑھتے کیسز کے پیش نظر میدان میں شائقین کرکٹ کی تعداد سے متعلق حتمی فیصلہ ہوگا۔

    این سی او سی کیجانب سےپہلے ہی 100 فیصد شائقین کرکٹ کو اسٹیڈیم میں آنے کی اجازت مل چکی ہے تاہم کرونا کی نئی لہر کے باعث اس فیصلے پر نظرثانی کئے جانے کا امکان ہے۔

    دوسری جانب پی سی بی حکام پی ایس ایل سیزن 7 کے لئے 100 فیصد شائقین کی اجازت کے لئے پُرامید ہیں۔

    ادھر ترجمان پی سی بی کے مطابق کورونا کیسز میں اضافے کےباوجود پہلا مرحلہ کراچی میں شروع ہوگا، دس فروری سےلیگ کےمیچز لاہور منتقل ہوجائیں گے۔

    یہ بھی پڑھیں: کورونا کیسز: پی ایس ایل سے متعلق مختلف آپشنز زیرِغور

    واضح رہے کہ پی ایس ایل کا ساتواں ایڈیشن 27 جنوری سے کراچی میں شروع ہوگا۔ ذرائع کا کہنا ہے کہ کھلاڑیوں ‏کو کرونا سے محفوظ رکھنے کے لئے کراچی اور لاہور کے درمیان چارٹرڈ فلائٹس میں ایک وقت میں 2ٹیمیں ‏سفرکریں گی۔

    ذرائع کا کہنا ہے کہ 20 رکنی اسکواڈ میں سے میچ کےلیے12 فٹ کھلاڑیوں کی ضرورت ہوگی، اگر کسی اسکواڈ ‏میں 8 کے کووڈ ٹیسٹ مثبت آنے پر بھی میچ ہوسکے گا تاہم 9 کھلاڑی مثبت ہونے پر میچ کو منسوخ کردیا جائے ‏گا۔

    ذرائع کا یہ بھی کہنا ہے کہ اگر کوئی کھلاڑی کرونا کا شکار ہوا تو اسے 10 دن کیلئے آئسولیٹ کردیا جائے گا، ‏کورونا مثبت کھلاڑی کا متبادل سیکیورببل میں موجود کھلاڑیوں سےلیا جائےگا، اسی تناظر میں ہوٹل کے سیکیور ‏ببل میں 25 سے 30 اضافی کھلاڑی رکھنے کی تجویز سامنے آئی ہے۔