ARYNews.tv | Urdu – Har Lamha Bakhabar

Tag: psl8

  • اسلام آباد سے شکست پر عماد وسیم نے کیا کہا؟

    اسلام آباد سے شکست پر عماد وسیم نے کیا کہا؟

    پی ایس ایل 8 میں کراچی کنگز کے کپتان عماد وسیم نے یونائیٹڈ کے جارح مزاج بیٹر اعظم خان کی اننگز کی تعریف کردی۔

    راولپنڈی میں کھیلے گئے پی ایس ایل کے 19ویں میچ میں اسلام آباد یونائیٹڈ نے کراچی کنگز کی جانب سے دیا گیا 202رنز کا ہدف آخری اوورمیں حاصل کیا، اعظم خان کو 72 رنز کی ناقابل شکست اننگز کھیلنے پر میچ کا بہترین کھلاڑی قرار دیا گیا۔

    کراچی کنگز کے کپتان عماد وسیم کی 54 گیندوں پر 92 رنز کی اننگز بھی کراچی کنگز کے کام نہ آسکی۔

    یونائیٹڈ کی جانب سے اعظم خان نے 41 گیندوں پر 72 رنز کی ناقابل شکست اننگز کھیلی ان کی اننگ میں 8 چوکے اور 4 بلند و بالا چھکے شامل تھے۔ فہیم اشرف 41 رنز بنا کر آؤٹ ہوئے۔

    کراچی کنگز کے فاسٹ بولر محمد عامر ایک وکٹ حاصل کرسکے جبکہ عامر یامین اور تبریز شمسی نے بھی ایک، ایک وکٹ حاصل کی۔

    میچ کے بعد گفتگو کرتے ہوئے کراچی کنگز کے کپتان عماد وسیم نے کہا کہ 200 رنز بہت اچھا اسکور تھا لیکن اعظم خان نے شاندار اننگز کھیلی۔

    انہوں نے کہا کہ ہم نے آخری اوورز میں اچھی بولنگ نہیں کی، مسلسل ہارنا خاصہ مایوس کن ہے۔

    واضح رہے کہ پوائنٹس ٹیبل پر لاہور قلندرز کی ٹیم 10 پوائںٹس کے ساتھ پہلے نمبر پر موجود ہے، ملتان سلطانز 8 پوائنٹس کے ساتھ دوسرے، اسلام آباد یونائیٹڈ 8 پوائنٹس کے ساتھ تیسرے نمبر پر براجمان ہے۔

    پشاور زلمی چھ پوائنٹس کے ساتھ چوتھے جبکہ کراچی کنگز اور کوئٹہ گلیڈی ایٹرز بالترتیب 4 اور 2 پوائنٹس کے ساتھ پانچویں اور چھٹے نمبر پر موجود ہیں۔

    یاد رہے کہ کل لاہور کے قذافی اسٹیڈیم میں ملتان سلطانز اور لاہور قلندرز کی ٹیمیں مدمقابل آئیں گی۔

  • عماد وسیم نے اسلام آباد کے بولرز کو دھو ڈالا، ویڈیو دیکھیں

    عماد وسیم نے اسلام آباد کے بولرز کو دھو ڈالا، ویڈیو دیکھیں

    پی ایس ایل 8 کے 19ویں میچ میں اسلام آباد یونائیٹڈ کے کپتان عماد وسیم نے اسلام آباد یونائیٹڈ کے بولر کو دھو ڈالا۔

    راولپنڈی میں کھیلے جارہے میچ میں کراچی کنگز کے کپتان عماد وسیم نے ٹاس جیت کر بیٹنگ کا فیصلہ کیا اور اپنی شاندار 92 اننگز کی بدولت اپنے فیصلے کو درست بھی ثابت کردیا۔

    کراچی کنگز نے مقررہ اوورز میں 5 وکٹوں کے نقصان پر 201 رنز بنائے اور یونائیٹڈ کو جیت کے لیے 202 رنز کا ہدف دیا ہے۔

    کراچی کنگز کے 78 رنز پر چار کھلاڑی پویلین لوٹ گئے تھے پھر عماد وسیم اور عرفان خان نے شاندار پارٹنر شپ قائم کی اور کراچی کنگز کے اسکور کو بڑھایا۔

    عماد وسیم نے 54 گیندوں پر 92 رنز کی برق رفتار اننگز کھیلی ان کی اننگز میں گیارہ چوکے اور دو بلند و بالا چھکے شامل تھے۔

    واضح رہے کہ عماد وسیم نے پی ایس ایل میں کیریئر بیسٹ اننگز کھیلی ہے۔

    عرفان خان 30 رنز کے ساتھ نمایاں رہے جبکہ ایڈم روسنگٹن 20، شرجیل خان 8، شعیب ملک 12 رنز بناسکے، میتھیو ویڈ 13 رنز کے ساتھ ناٹ آؤٹ رہے۔

    اسلام آباد یونائیٹڈ کی جانب سے ٹام کرن نے دو کھلاڑیوں کو آؤٹ کیا جبکہ رومان رئیس، حسن علی اور فہیم اشرف ایک، ایک وکٹ حاصل کرسکے۔

  • کراچی کنگز پلے آف میں کیسے پہنچ سکتی ہے؟ میتھیو ویڈ نے بتادیا

    کراچی کنگز پلے آف میں کیسے پہنچ سکتی ہے؟ میتھیو ویڈ نے بتادیا

    راولپنڈی: پی ایس ایل 8 میں کراچی کنگز کے جارح مزاج بیٹر میتھیو ویڈ نے کنگز کے پلے آفس میں پہنچنے کا نسخہ بتادیا۔

    کراچی کنگز کے جارح مزاج بیٹر میتھیو ویڈ نے میڈیا سے گفتگو کرتے ہوئے کہا کہ کراچی کنگز کا نیٹ رن ریٹ ٹورنامنٹ میں بہتر ہے اگر اگلے تین میچز جیت لیے تو پلے آفس کے لیے کوالیفائی کرسکتے ہیں۔

    میتھیو ویڈ نے کہا کہ پشاور زلمی کے خلاف میچ میں ہمیں 11، 12 رنز فی اوورز درکار تھے جو آسان نہیں ہوتے، کل کا میچ ہارنے پر افسوس ہے۔

    آسٹریلوی بیٹر نے کہا کہ پشاور زلمی کے 7 رنز پر تین کھلاڑیوں کو پویلین بھیجنے کے بعد 197 رنز بن جانا اچھا نہیں رہا، رومن پاول نے شاندار بیٹنگ کی۔

    میتھیو ویڈ نے کہا کہ محمد عامر نے عمدہ بولنگ کی لیکن ان سے ایک اوور مزید کروانے کا فیصلہ آسان نہیں تھا کیونکہ وہ ہمارے اہم بولر ہیں ان کے اوور کی اہمیت اننگز کے اختتام پر بھی ہوتی ہے۔

    واضح رہے کہ زلمی کے خلاف میتھیو ویڈ نے 41 گیندوں پر 54 رنز کی اننگز کھیلی تھی اور وہ بارہویں اوور میں مجیب الرحمٰن کا نشانہ بنے تھے۔

    گزشتہ روز پشاور زلمی نے کراچی کنگز کو 24 رنز سے شکست دی تھی، رومن پاول کو 64 رنز کی شاندار اننگز کھیلنے پر میچ کا بہترین کھلاڑی قرار دیا گیا تھا۔

    راولپنڈی میں کھیلے گئے میچ میں پشاور زلمی نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 197 رنز بنائے تھے ہدف کے تعاقب میں کراچی کنگز کی ٹیم 8 وکٹوں کے نقصان پر 173 رنز بناسکی تھی۔

  • یونس خان نے بابر کو شاہین کی اِن سوئنگ کھیلنے کا طریقہ بتادیا

    یونس خان نے بابر کو شاہین کی اِن سوئنگ کھیلنے کا طریقہ بتادیا

    پی ایس ایل 8 کے 15ویں میچ میں لاہور قلندرز کے کپتان شاہین آفریدی نے پشاور زلمی کے کپتان بابر اعظم کو ان سوئنگ گیند پر کلین بولڈ کیا تھا۔

    لاہور قلندرز نے پہلے بیٹنگ کرتے ہوئے مقررہ اوورز میں 3 وکٹوں کے نقصان پر 241 رنز بنائے ہدف کے تعاقب میں پشاور زلمی 9 وکٹوں کے نقصان پر 201 رنز بناسکی تھی۔

    قلندرز کے فاسٹ بولر شاہین آفریدی نے بابر اعظم کو 7 رنز پر کلین بولڈ کیا تھا جس کی ویڈیو سوشل میڈیا پر وائرل ہوئی تھی۔

    تاہم اے آر وائی نیوز کے پروگرام ’ہر لمحہ پرجوش‘ میں سابق کپتان و لیجنڈری بیٹر یونس خان نے بابر اعظم کو شاہین آفریدی کی ان سوئنگ گیند کھیلنے سے متعلق مشورہ دیا ہے۔

    یونس خان نے بتایا کہ بابر اعظم اور محمد حارث کا مضبوط ایریا بوٹم ہینڈ ہے لیکن جب گیند جب آف اسٹمپ سے آتی ہے تو اس کے لیے ٹاپ ہینڈ کو استعمال کرنا پڑتا ہے۔

    سابق کپتان نے کہا کہ جب بابر اور حارث، شاہین کی ان سوئنگ کھیلنے گئے تو بیٹ بوٹم ہینڈ کی جانب گیا اس دوران گیپ آیا اور وہ بولڈ ہوگئے اگر کھلاڑی ان سوئنگ کو ٹاپ ہینڈ سے کھیلیں گے تو کوئی مشکل پیش نہیں آئے گی۔

    یونس خان نے کہا کہ بابر اعظم اگر ان سوئنگ کو اسٹریٹ کی جانب کھیلیں گے تو سیدھی گیند باؤنڈری لائن کی جانب جائے گی جس کے لیے وہ مشہور بھی ہیں۔

    انہوں نے کہا کہ لیکن بعض اوقات آپ فارم میں نہیں ہوتے ہیں تو اس طرح کی گیند مس کرجاتے ہیں۔

  • اسلام آباد یونائیٹڈ کو دھچکا لگ گیا

    اسلام آباد یونائیٹڈ کو دھچکا لگ گیا

    پاکستان سپر لیگ (پی ایس ایل) 8 میں اسلام آباد یونائیٹڈ کی ٹیم کو بڑا دھچکا لگ گیا۔

    تفصیلات کے مطابق اسلام آباد یونائیٹڈ کے فاسٹ بولر ٹائمل ملز انجری کے باعث پی ایس ایل میں شرکت نہیں کرسکیں گے جبکہ یونائیٹڈ کے اوپنر بیٹر الیکس ہیلز پاکستان پہنچ گئے ہیں۔

    ٹائمل ملز انگلینڈ میں ٹریننگ کے دوران انجری کی وجہ سے پی ایس ایل سے شرکت سے محروم ہوئے ہیں اور ان کی پرانی انجری دوباہ بگڑ گئی ہے۔

    واضح رہے کہ انگلش فاسٹ بولر کو آخری پانچ میچز کے لیے 27 فروری کو یونائیٹڈ کو جوائن کرنا تھا۔

    علاوہ ازیں یونائیٹڈ کے نوجوان فاسٹ بولر ذیشان ضمیر کو بھی انجری کے مسائل کا سامنا ہے تاہم ان کی شمولیت سے متعلق ٹیم انتظامیہ کی جانب سے کچھ واضح نہیں کیا گیا ہے۔

    یاد رہے کہ تین مارچ کو کراچی کنگز اور اسلام آباد یونائیٹڈ کی ٹیمیں راولپنڈی میں مدمقابل آئیں گی۔

    پوائنٹس ٹیبل پر اسلام آباد یونائیٹڈ کی ٹیم تیسرے نمبر پر موجود ہے، یونائیٹڈ نے پانچ میں تین میچز میں کامیابی حاصل کی ہے۔

  • محمد حارث نے آئندہ میچز کا پلان بتادیا

    محمد حارث نے آئندہ میچز کا پلان بتادیا

    پی ایس ایل 8 میں پشاور زلمی کے اوپنر بیٹر محمد حارث نے آئندہ میچز کا پلان بتا دیا۔

    اسلام آباد میں میڈیا سے گفتگو کرتے ہوئے پشاور زلمی کے اوپنر بیٹر محمد حارث نے کہا کہ پی ایس ایل میں ہم نے پانچ میں سے دو میچز جیتے ہیں، پشاور زلمی اپنی غلطیوں سے سیکھے گی اور ہم کارکردگی مزید بہتر کرنے کی کوشش کریں گے۔

    انہوں نے کہا کہ بیٹنگ اور وکٹ کیپنگ بہتر کرنے کے لیے اپنے سینئر کھلاڑیوں سے رائے لیتا رہتا ہوں۔

    محمد حارث نے کہا کہ ہماری ٹیم اپنی بولنگ پر توجہ دے رہی ہے اگلے میچز میں شائقین کرکٹ کو اچھی کارکردگی نظر آئے گی۔

    واضح رہے کہ پی ایس ایل میں پشاور زلمی پانچ میچز کھیلے ہیں جن میں سے انہیں دو میں کامیابی حاصل ہوئی جبکہ تین میچز میں شکست کا سامنا کرنا پڑا۔

    پشاور زلمی پوائنٹس ٹیبل پر پانچویں نمبر پر براجمان ہے۔

    یاد رہے کہ کل راولپنڈی میں پشاور زلمی اور کراچی کنگز کی ٹیمیں مدمقابل آئیں گی، کراچی کنگز نے بھی دو میچز میں کامیابی حاصل کی ہے۔

  • ڈیوڈ ویزے گیم چینجر، ویڈیو دیکھیں

    ڈیوڈ ویزے گیم چینجر، ویڈیو دیکھیں

    لاہور: پی ایس ایل 8 کے 16ویں میچ میں ڈیوڈ ویزے کی شاندار بولنگ کی بدولت لاہور قلندرز نے اسلام آباد یونائیٹڈ کو باآسانی 110 رنز سے شکست دی۔

    قذافی اسٹیڈیم میں کھیلے گئے میچ میں قلندرز نے 7 وکٹوں کے نقصان پر 200 رنز بنائے ہدف کے تعاقب میں شاداب خان کی ٹیم 13.5 اوورز میں 90 رنز پر ڈھیر ہوگئی، ڈیوڈ ویزے کو آل راؤنڈ کارکردگی پر میچ کا بہترین کھلاڑی قرار دیا۔

    یونائیٹڈ کے آٹھ کھلاڑی ڈبل فگر میں بھی داخل نہ ہوسکے، رحمان اللہ گرباز 23 رنز کے ساتھ نمایاں رہے۔

    آل راؤنڈر ڈیوڈ ویزے نے یونائیٹڈ کے کپتان شاداب خان، جارح مزاج بیٹر کولن منرو اور اعظم خان کو پویلین کی راہ دکھائی، تینوں کھلاڑی بالترتیب 4، 18 اور 4 رنز بناسکے۔

    ڈیوڈ ویزے نے 17 رنز دے کر تین وکٹیں حاصل کیں اور 6 گیندوں پر 12 رنز بھی بنائے۔ واضح رہے کہ شاہین شاہ آفریدی کی لاہور قلندرز نے ٹورنامنٹ میں مسلسل تیسری کامیابی حاصل کی ہے۔

    یاد رہے کہ یکم مارچ کو راولپنڈی میں کراچی کنگز اور پشاور زلمی کی ٹیمیں مدمقابل آئیں گی۔

  • لاہور اور پنڈی میں پی ایس ایل میچز سے متعلق اہم خبر آگئی

    لاہور اور پنڈی میں پی ایس ایل میچز سے متعلق اہم خبر آگئی

    لاہور: راولپنڈی اور لاہور میں پی ایس ایل 8 کے میچز سے متعلق چند گھنٹوں میں بڑے بریک تھرو کا امکان ہے۔

    اے آر وائی نیوز کے مطابق نگراں وزیر اعلیٰ پنجاب محسن نقوی کی زیر صدارت کابینہ کا اجلاس ہوا جس میں فیصلہ کیا گیا ہے کہ صوبائی حکومت میچز کے لیے 25 کروڑ روپے ادا کرے گی۔

    ذرائع کا بتانا ہے کہ نگراں پنجاب حکومت نے فیصلے سے پی سی بی حکام کو آگاہ کردیا ہے جبکہ نگراں پنجاب کابینہ نے فیصلہ کیا ہے کہ میچز کے باقی اخراجات پی سی بی ادا کرے گا۔

    ذرائع کا بتانا ہے کہ صوبائی حکومت کے فیصلے کے بعد پی سی بی حکام نے سر جوڑ لیے ہیں اور صوبائی حکومت کے فیصلے سے فرنچائز نمائندگان کو بھی آگاہ کردیا ہے۔

    یہ پڑھیں: لاہور میں پی ایس ایل میچز خطرے میں پڑ گئے

    واضح رہے کہ اس سے قبل صوبائی حکومت پی ایس ایل کے لیے 50 کروڑ روپے دینے سے معذرت کرلی تھی۔

    ذرائع کا بتانا تھا کہ حکومت پی سی بی کو اخراجات تب دے گی جب پی سی بی 25 کروڑ ادا کرے گا جبکہ پنجاب حکومت پی ایس ایل میچز پر 45 کروڑ روپے خرچ کرچکی ہے۔

    گزشتہ روز پنجاب کی نگراں حکومت نے سیکیورٹی کے لیے 45 کروڑ روپے کا مطالبہ کیا تو بورڈ اور فرنچائز نے پیسے دینے سے صاف انکار کردیا تھا۔

    مزید پڑھیں: پی ایس ایل کے بقیہ میچز کہاں ہوں گے؟ متبادل پلان تیار

    کرکٹ بورڈ نے مؤقف اختیار کیا تھا کہ پی ایس ایل کی مد میں پنجاب حکومت کو ستر کروڑ ٹیکس جائے گا بھاری ٹیکس دینے کے باوجود سزا دی جارہی ہے۔

    ذرائع کا بتانا تھا کہ پی سی بی نے متبادل پلان بھی تیار کرلیا ہے منگل سے پی ایس ایل میچ پنڈی اور لاہور سے کراچی منتقل کردیے جائیں گے۔

  • لاہور میں پی ایس ایل میچز خطرے میں پڑ گئے

    لاہور میں پاکستان سپر لیگ (پی ایس ایل) کے میچز کا انعقاد خطرے میں پڑ گیا ہے۔

    اے آر وائی نیوز کے مطابق نگراں وزیر اعلیٰ پنجاب محسن نقوی کی زیر صدارت پنجاب کابینہ کا اجلاس ہوا جس میں کابینہ نے پی ایس ایل کے لیے 50 کروڑ دینے سے معذرت کرلی۔

    ذرائع کا کہنا ہے کہ پنجاب کابینہ کی جانب سے حتمی فیصلے سے پاکستان کرکٹ بورڈ (پی سی بی) کو آگاہ کردیا گیا ہے۔

    ذرائع کے مطابق حکومت پی سی بی کو اخراجات تب دے گی جب پی سی بی 25 کروڑ ادا کرے گا جبکہ پنجاب حکومت پی ایس ایل میچز پر 45 کروڑ روپے خرچ کرچکی ہے۔

    مزید پڑھیں: پی ایس ایل کے بقیہ میچز کہاں ہوں گے؟ متبادل پلان تیار

    واضح رہے کہ پنجاب کی نگراں حکومت نے سیکیورٹی کے لیے 45 کروڑ روپے کا مطالبہ کیا تو بورڈ اور فرنچائز نے پیسے دینے سے صاف انکار کردیا تھا۔

    کرکٹ بورڈ نے مؤقف اختیار کیا کہ پی ایس ایل کی مد میں پنجاب حکومت کو ستر کروڑ ٹیکس جائے گا بھاری ٹیکس دینے کے باوجود سزا دی جارہی ہے۔

    ذرائع کا بتانا ہے کہ پی سی بی نے متبادل پلان بھی تیار کرلیا ہے منگل سے پی ایس ایل میچ پنڈی اور لاہور سے کراچی منتقل کردیے جائیں گے۔

  • ’سلمان بٹ کو کرکٹ پر بات نہیں کرنی چاہیے‘

    ’سلمان بٹ کو کرکٹ پر بات نہیں کرنی چاہیے‘

    پی ایس ایل 8 میں کمنٹری کے فرائض انجام دینے والے بازید خان کا کہنا ہے کہ سلمان بٹ کو کرکٹ پر بات نہیں کرنی چاہیے۔

    اے آر وائی ڈیجیٹل کے پروگرام ’دی فورتھ امپائر‘ میں کمنٹیٹر بازید خان نے شرکت کی اور میزبان فہد مصطفیٰ کی جانب سے پوچھے گئے سوالوں کے جواب دیے۔

    میزبان نے ان سے سوال کیا کہ ’ان میں سے کس کو اب کرکٹ پر بات نہیں کرنی چاہیے؟ ان سے یہ بھی کہا گیا کہ آپ سوال چھوڑ نہیں سکتے۔

    فہد مصطفیٰ نے بازید خان کو تین نام بتائے جن میں شعیب اختر، احمد شہزاد اور سلمان بٹ شامل تھے۔

    بازید خان نے جواب دیتے ہوئے سابق کپتان سلمان بٹ کا نام لیا۔

    ان سے دوسرا سول پوچھا گیا کہ کونسا کمنٹیٹر دوسروں کو بولنے کا موقع نہیں دیتا ہے؟ اس سوال میں بھی انہیں تین آپشن دیے گئے جن میں رمیز راجہ، وسیم اکرم اور وقار یونس شامل تھے۔

    بازید خان نے جواب دیتے ہوئے کہا کہ یہ تو بہت آسان ہے رمیز راجا دوسروں کو بولنے کا موقع نہیں دیتے ہیں۔