Tag: psl9

پی ایس ایل میں لاہور قلندرز کے کپتان شاہین آفریدی کا کہنا ہے کہ ٹیم میں افغان اسپنر راشد خان کی کمی محسوس ہوگی، ہماری کامیابی میں ان کا اہم کردار تھا۔

لاہور قلندرز کے کپتان شاہین آفریدی نے میڈیا سے گفتگو کرتے ہوئے کہا کہ دو بار ایونٹ جیت چکے ہیں کوشش ہوگی اس بار بھی اچھی کارکردگی کا مظاہرہ کریں۔

شاہین آفریدی نے کہا کہ لاہور کے کراؤڈ نے کافی سپورٹ کیا خواہش تھی کہ فائنل لاہور میں ہی ہو۔

انہوں نے کہا کہ نسیم شاہ فٹ ہوگئے ہیں دعا ہے اچھا پرفارم کریں اور ان کی قومی ٹیم میں واپسی ہو۔

نیوزی لینڈ کے خلاف سیریز میں شکست پر شاہین آفریدی نے کہا کہ سیریز میں بہت محنت کی تھی لیکن نتیجہ اچھا نہیں آیا، ہماری ٹیم کافی اچھی ہے امید ہے لیگز کھیلنے کے بعد لڑکے تیار ہوں گے۔

کارکردگی اچھی نہ ہو تو تنقید برداشت کرنی پڑتی ہے، شاداب خان

دوسری جانب اسلام آباد یونائیٹڈ کے کپتان شاداب خان نے کہا کہ کارکردگی اچھی نہ ہو تو تنقید برداشت کرنی پڑتی ہے، گزشتہ دو سال ہماری بیسٹ الیون انجری کی وجہ سے نہیں کھیل سکی۔

انہوں نے کہا کہ ورلڈ کپ سے پہلے پرفارمنس اچھی جارہی تھی، ماضی کو بھول کر اچھا کھیلوں گا، ابرار احمد، وسیم جونیئر کو ٹیم سے باہر کرنا آسان نہیں تھا۔

واضح رہے کہ پی ایس ایل 9 کا پہلا میچ کل دفاعی چیمپئن لاہور قلندرز اور اسلام آباد یونائیٹڈ کے درمیان کھیلا جائے گا۔

قومی ٹیم کے جارح مزاج بیٹر آصف علی نے روزانہ 100 سے 150 چھکے مارنے کے اپنے ماضی کے بیان کی وضاحت کردی۔

پی ایس ایل 9 میں پشاور زلمی کی نمائندگی کرنے والے جارح مزاج بیٹر آصف علی نے کہا کہ میں پیٹرول نہیں پیتا کہ روزانہ 100 سے 150 چھکے ماروں، این سی اے میں کیمپ کے دوران چھکے لگانے کی پریکٹس کرتا رہا مگر اس بیان پر میری بھی غلطی تھی اور لگانے والے کی بھی تھی۔

پی ایس ایل سے متعلق آصف علی نے کہا کہ بابر اعظم اسی انداز سے کپتانی کررہے ہیں جیسے وہ پاکستانی ٹیم کی کرتے تھے۔

انہوں نے کہا کہ بابر اعظم فیلڈ میں تمام کھلاڑیوں کی رہنمائی کرنے کی کوشش کرتے ہیں، ان کا بڑا پن ہے کہ انہوں نے مجھ پر اعتماد کرکے ٹیم کا حصہ بنایا ہے۔

واضح رہے کہ اگست 2022 میں آصف علی نے ایشیا کپ کی تیاری کے حوالے سے بات کرتے ہوئے بتایا تھا کہ ‘اپنی روزانہ کی پریکٹس کے دوران 100 سے 150 چھکے لگانے کی کوشش کرتا ہوں تاکہ میچ کے دوران چھکے مار سکوں‘۔

جس کے بعد ایشیا کپ میں آصف علی کی ناقص کارکردگی کے بعد ان کے بیان پر انھیں خاصی تنقید کا سامنا کرنا پڑا تھا۔

یاد رہے کہ آصف علی کل سے شروع ہونے والے پی ایس ایل 9 میں  پشاور زلمی کی جانب سے پہلا سیزن کھیلیں گے۔

قومی ٹیم کے فاسٹ بولر نسیم شاہ کی پی ایس ایل میں بولنگ سے پہلے گلوکاری کرنے کی ویڈیو وائرل ہوگئی۔

سماجی رابطے کی ویب سائٹ ایکس (ٹوئٹر) پر اسلام آباد یونائیٹڈ کی جانب سے ویڈیو شیئر کی جس میں نسیم شاہ ہیڈ فون لگا کر مشہور گانا ’کالی کالی زلفوں کے پھندے نہ ڈالو‘ گنگنا رہے ہیں۔

جب نسیم شاہ نے ہیڈ فون ہٹا کر اپنی آواز سنی تو خود کہا کہ ’میں تو راحت فتح علی خان سے سیدھا چاہت فتح علی خان بن گیا۔‘

The wait is over! Turn up the volume

Kali Kali Zulfon Ke FT @iNaseemShah on his birthday #UnitedWeWin #RedHotSquad #HBLPSL9 @point_backward pic.twitter.com/nvjy5N7et7

— Islamabad United (@IsbUnited) February 15, 2024

واضح رہے کہ فاسٹ بولر نسیم شاہ کی سالگرہ کے موقع پر اسلام آباد یونائیٹڈ کی جانب سے ایک مختصر ویڈیو کلپ سوشل میڈیا پر شیئر کیا گیا ہے جس میں کھلاڑی کو سُر سے سُر ملاتے ہوئے دیکھا جاسکتا ہے۔

یہ مختصر کلپ سوشل میڈیا پر خوب وائرل ہو رہا ہے اور کھلاڑی کی گلوکاری کو بھی صارفین خوب پسند کررہے ہیں۔

یاد رہے کہ نسیم شاہ پی ایس ایل 9 میں اسلام آباد یونائیٹڈ کی نمائندگی کررہے ہیں۔

لاہور: چیئرمین پی سی بی محسن نقوی نے پی ایس ایل 9 کے لیے مفت کے ٹکٹس بند کردیے۔

اے آر وائی نیوز کے مطابق چیئرمین پی سی بی محسن نقوی نے پی ایس ایل میچز کے وی آئی پی باکسز کے ٹکٹ بھی مفت دینے سے روک دیا ہے۔

ذرائع کا کہنا ہے کہ پی سی بی نے رواں سیزن میں سکیورٹی اور انتظامی امور کی مد میں 25 کروڑ بچا لیے، گزشتہ سیزن میں اس حوالے سے پنجاب گورنمنٹ اور پی سی بی کے درمیان تنازعہ بھی پیدا ہوا تھا۔

چیئرمین آفس کی تزین و آرائش کے اخراجات چیئرمین محسن نقوی خود اٹھائیں گے، قذافی اسٹیڈیم میں چیئرمین آفس کی تزئین و آرائش کا کام بھی شروع کیا گیا ہے۔

واضح رہے کہ پی ایس ایل 9 کا آغاز 17 فروری سے ہوگا، میگا ایونٹ کی افتتاحی تقریب کے لیے قذافی اسٹیڈیم میں تیاریاں جاری ہیں۔

افتتاحی میچ لاہور قلندرز اور اسلام آباد یونائیٹڈ کے درمیان کھیلا جائے گا، کراچی کنگز اور ملتان سلطانز کی ٹیمیں اتوار کو ملتان میں ٹکرائیں گی۔

پی ایس ایل 9 میں کوئٹہ گلیڈی ایٹرز کی قیادت سے سرفراز احمد کو ہٹائے جانے پر سعود شکیل کا ردعمل آگیا۔

پی ایس ایل 9 میں کوئٹہ گلیڈی ایٹرز کے نائب کپتان سعود شکیل نے میڈیا سے گفتگو کرتے ہوئے کہا کہ کپتان کو ہٹانے یا بنانے کا فیصلہ فرنچائز مالکان کا ہوتا ہے۔

انہوں نے کہا کہ سرفراز احمد سینئر ہیں اور ہمارے بڑے بھائیوں کی طرح ہیں، ان کا ٹیم میں کردار پہلے جیسا ہی رہے گا۔

سعود شکیل نے کہا کہ کپتان رائلی روسو دنیا بھر میں لیگز کھیلتے ہیں انہیں اندازہ ہے کہ ٹیم کو کیسے ساتھ لے کر چلنا ہے، وہ اچھا کمبی نیشن بنائیں گے۔

کوئٹہ گلیڈی ایٹرز کے نائب کپتان نے کہا کہ محمد عامر ورلڈ کلاس بولر ہیں، ان کے آنے سے ٹیم کو فائدہ ہوگا، انہوں نے دنیا بھر کی لیگز میں اچھی کارکردگی کا مظاہرہ کیا ہے۔

سعود شکیل نے کہا کہ نائب کپتانی کا کوئی دباؤ نہیں ہے کوشش ہے رواں سیزن میں ٹیم کے لیے اچھا پرفارم کروں۔

واضح رہے کہ کوئٹہ گلیڈی ایٹرز کی جانب سے گزشتہ روز سرفراز احمد کو قیادت سے ہٹایا تھا، سرفراز کی قیادت میں کوئٹہ گلیڈی ایٹرز نے ایک بار پی ایس ایل کی ٹرافی جیتی تھی اور سرفراز نے آٹھ سال تک گلیڈی ایٹرز کی قیادت کے فرائض انجام دیے۔

لاہور: پی ایس ایل سیزن 9 کا گانا ’کھل کے کھیل پیارے‘ جاری کردیا گیا ہے۔

پاکستان کرکٹ بورڈ کی جانب سے پی ایس ایل سیزن 9 کے اینتھم کو جاری کردیا گیا ہے جس میں معروف گلوکار علی ظفر اور آئمہ بیگ نے اپنی آواز کا جادو جگایا ہے۔

اینتھم کی تھیم ’کھل کے کھیل‘ ہے جبکہ گانے کے بول ’کھل کے کھیل پیارے کب تو ڈرے گا‘ ہیں۔

تین منٹ 25 سیکنڈ کی ویڈیو میں ٹیموں کی کارکردگی دکھائی گئی ہے جبکہ علی ظفر اور آئمہ بیگ گانے پر رقص بھی کررہے ہیں۔

پی ایس ایل کے نئے گانے کو چند منٹوں میں ہی یوٹیوب پر ہزاروں کی تعداد میں صارفین دیکھ چکے ہیں اور علی ظفر اور آئمہ بیگ کی آواز میں گانے کی تعریف کی جارہی ہے۔

واضح رہے کہ اس سے قبل علی ظفر نے سوشل میڈیا پر گانے کے ٹیزر کی ویڈیو بھی شیئر کی تھی۔

Here it is ! Don’t forget to turn up the bass !

Khul Ke Khel | HBL PSL Official Anthem 2024 | #AliZafar #AimaBaig | #Khu… https://t.co/bWvMxBHJut #KhulKeKhel #anthem #bhaeehazirhai #HBLPSL9 #HBLPSL

— Ali Zafar (@AliZafarsays) February 14, 2024

یاد رہے کہ شیڈول کے مطابق پی ایس ایل 9 کا آغاز 17 فروری سے ہوگا اور 17 مارچ تک جاری رہنے والے ایونٹ میں 34 میچز کھیلے جائیں گے۔

پی ایس ایل شیڈول کے مطابق پہلے مرحلے میں میچ لاہور اور ملتان میں کھیلے جائیں گے جبکہ دوسرے مرحلے کے میچز کراچی اور راولپنڈی میں ہوں گے۔

افتتاحی میچ قذافی اسٹیڈیم میں لاہور قلندرز اور اسلام آباد یونائیٹڈ کے درمیان ہو گا جبکہ ایونٹ کا فائنل کراچی میں ہوگا۔

پی ایس ایل میں کوئٹہ گلیڈی ایٹرز کے کھلاڑی سرفراز احمد کو کپتانی سے ہٹانے سے پہلے اعتماد میں نہ لیے جانے کا انکشاف ہوا ہے۔

اے آر وائی نیوز کے مطابق کوئٹہ گلیڈی ایٹرز کے ہیڈ کوچ شین واٹسن نے آتے ہی سرفراز احمد کو قیادت سے ہٹا دیا، سرفراز نے مسلسل آٹھ سال تک گلیڈی ایٹرز کی قیادت کے فرائض انجام دیے۔

ذرائع کا کہنا ہے کہ میٹنگ میں فیصلہ صادر کرنے سے پہلے سرفراز احمد کو اعتماد میں بھی نہ لیا گیا۔

واضح رہے کہ گزشتہ روز کوئٹہ گلیڈی ایٹرز کی جانب سے رائیلی روسو کو کپتان اور سعود شکیل کو نائب کپتان مقرر کیا ہے۔

سرفراز احمد کو پی ایس ایل کے کامیاب ترین کپتان ہونے کا اعزاز حاصل ہے۔

یاد رہے کہ شیڈول کے مطابق پی ایس ایل 9 کا آغاز 17 فروری سے ہوگا اور 17 مارچ تک جاری رہنے والے ایونٹ میں 34 میچز کھیلے جائیں گے۔

پی ایس ایل شیڈول کے مطابق پہلے مرحلے میں میچ لاہور اور ملتان میں کھیلے جائیں گے جبکہ دوسرے مرحلے کے میچز کراچی اور راولپنڈی میں ہوں گے۔

افتتاحی میچ قذافی اسٹیڈیم میں لاہور قلندرز اور اسلام آباد یونائیٹڈ کے درمیان ہو گا جبکہ ایونٹ کا فائنل کراچی میں ہوگا۔