ARYNews.tv | Urdu – Har Lamha Bakhabar

Tag: PSP chairman

  • ایم کیوایم بانی کی تھی اور رہے گی، مصطفیٰ کمال

    ایم کیوایم بانی کی تھی اور رہے گی، مصطفیٰ کمال

    کوئٹہ : پاک سرزمین پارٹی کے سربراہ مصطفی کمال نے کہا ہے کہ حکمران کل کے دہشتگرد آج پیدا کررہے ہیں عوام پینے کے صاف پانی سمیت صحت اور تعلیم کی سہولیات سے محروم ہیں شہری اپنے حق کے لئے آواز بلند کریں، ایم کیوایم بانی کی تھی اور رہے گی۔

    تفصیلات کے مطابق کوئٹہ میں پریس کانفرنس سے خطاب کرتے ہوئے انہوں نے کہا کہ سندھ اور بلوچستان میں حالات یکساں ہیں جہاں ڈیولپمنٹ نام کی کوئی چیز نہیں ہے کراچی گندگی کے ڈھیرے میں تبدیل ہورہا ہے ، ظلم پر خاموش رہنا بڑا جرم ہے۔

    مصطفی کمال کا کہنا تھا کہ کل کا دن جمہوریت کی تاریخ میں سیاہ دن ہوگا سپریم کورٹ نے جس شخص کو نااہل قرار دیا وہی پارٹی کا سربراہ بن سکتا ہے جو ظلم کے مترادف ہے۔

    انہوں نے کہا کہ مجھے لسانی بیادوں پر سیاست نہیں کرنا ہے جس سے زیادہ نقصان میرے ہی لوگوں کو ہوگا میں لوگوں کو جوڑنا چاہتا ہوں اورمحبتوں کو فروغ دینے کے حق میں ہوں تاکہ ملک میں نفرتوں کا خاتمہ ہوسکے مہاجر ، بلوچ پشتون ، سندھی ، پنجابی اور دیگر اقوام آپس میں بھائیوں کی طرح رہے لسانی بنیادوں پر ووٹ نہیں لینا چاہتا، سیاسی جماعتوں سے میرا کوئی اختلافات نہیں اور نہ ہی رکھنا چاہتا ہوں۔

    مزید پڑھیں : مہاجروں نے بات مان لی لیکن شیطان ابھی زندہ ہے، مصطفیٰ کمال

    چیئرمین پی ایس پی کا کہنا تھا کہ کرپشن عروج پرہے، آپریشن کامیاب نہیں ہورہا، کرپشن ملک کےلئےبہت خطرناک ہے۔

    انہوں نے کہا کہ 35 سال مہاجرسیاست کرنےوالوں نے کیا حاصل کرلیا، 35 سال تک25ہزارنوجوانوں کی لاشیں لی ہیں، ایم کیوایم پاکستان کےساتھ سیاسی اتحاد نہیں انضمام تھا، ایک نام اورایک نشان پراتفاق تھا جو ایم کیوایم نہیں تھا۔

    مصطفی کمال نے الزام عائد کیا کہ میرے چار ساتھی بانی ایم کیو ایم کے کہنے پر مارے گئے ہیں ایم کیوایم بانی کی تھی اوررہےگی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مہاجروں کوبانی ایم کیوایم سےچھٹکارا دلانے آئے تھے،مقصد پورا ہوگیا، مصطفی کمال

    مہاجروں کوبانی ایم کیوایم سےچھٹکارا دلانے آئے تھے،مقصد پورا ہوگیا، مصطفی کمال

    کراچی : سربراہ پی ایس پی مصطفیٰ کمال کا کہنا ہے اردوبولنے والوں نے کراچی میں جشن آزادی منانے کی تاریخ رقم کی، مہاجروں کوبانی ایم کیوایم سےچھٹکارا دلانے آئے تھے، مقصد پورا ہوگیا۔

    تفصیلات کے مطابق پاک سرزمین پارٹی کے چیئرمین مصطفیٰ کمال نے پریس کانفرنس کرتے ہوئے کہا کہ 70سال میں ایسا جشن نہیں منایا گیا جو اس بار کراچی میں منایا گیا، ہم نے 13اگست کی شام کو جشن آزادی ریلی نکالی تھی۔

    مصطفیٰ کمال کا کہنا تھا کہ بانی ایم کیوایم نے خود کو اب بابائے قوم سمجھ لیا ہے، بانی ایم کیوایم نے 14اگست کو سیاہ دن قرار دیا ، بانی ایم کیوایم نے اب تمام حدیں پار کردی ہیں، انھوں نے لوگوں کو کہا آزادی پر یوم سیاہ مناؤ، بانی ایم کیوایم نے پاکستانی جھنڈا جلوا کر بھارتی میڈیاکو ویڈیوبھجوائی ،بھارتی میڈیا نے ان ویڈیوز پر واویلہ کیا۔

    سربراہ پی ایس پی نے کہا کہ بانی ایم کیوایم یہ سب اردو بولنے والوں کے نام پر کررہےہیں ، بانی ایم کیوایم 14اور15اگست کی تقریرمیں مودی سے مخاطب ہوئے اور مودی سے مہاجروں کیلئے الگ صوبے کا مطالبہ کیا، اردو بولنے والوں نے بانی ایم کیوایم کی بات پر ذرا بھی عمل نہیں کیا، اردوبولنے والوں نے کراچی میں جشن آزادی منانے کی تاریخ رقم کی۔

    انکا کہنا تھا کہ بانی ایم کیوایم کا اصل چہرہ سامنے آنے پر عوام حقیقت جان چکے ہیں، مہاجروں نے 30سال بعد ان کو خود سے الگ کرناشروع کردیاہے، ہماری بات ماننے پر مہاجروں کا شکریہ ادا کرتا ہوں، 3مارچ2016 کو جو بھی کہا تھا ،بانی ایم کیوایم نے خود ثابت کر دیا جبکہ 22 اگست 2016 کو بانی ایم کیوایم کی حقیقت سامنے آئی۔

    پاک سرزمین پارٹی کے چیئرمین نے کہا کہ بانی ایم کیوایم نے اب تمام حدیں پار کردی ہیں، بانی ایم کیوایم کیا کررہا ہے، کل بھی سچ کہا آج بھی کہہ رہےہیں، انیس قائمخانی اور میں جس مقصد کیلئے آئے تھے وہ آج پورا ہوگیا، ہمارامقصد مہاجروں کو بانی ایم کیوایم سے چھٹکارا دلانا تھا، بانی ایم کیوایم کو پاگل خانے میں جمع کرایا جائے۔

    مصطفی کمال کا کہنا تھا کہ نوجوانوں سے کہتا ہوں بانی ایم کیوایم بھارت کا ایجنٹ ہے اسے چھوڑ دو ، سندھ حکومت کا کراچی والوں سے سلوک ملک دشمنی ہے، بیڈ گورننس سے را کے ایجنٹس کو تقویت مل رہی ہے، مہاجر نوجوان کو معافی دیں،یہ کہیں نہیں جائیں گے۔

    سربراہ پی ایس پی نے مزید کہا کہ ایم کیو ایم برائے فروخت ہے ،بانی ایم کیوایم کہنے والوں نے پیسے لیکر ن لیگ کی حمایت کی، پیپلز پارٹی سے سودے بازی کر کے سینٹ کا امیدوار بٹھایا گیا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک وال پرشیئر کریں۔

  • مصطفی کمال کا آرمی چیف سے کرپٹ حکمرانوں کیخلاف کارروائی کا مطالبہ

    مصطفی کمال کا آرمی چیف سے کرپٹ حکمرانوں کیخلاف کارروائی کا مطالبہ

    کراچی : پاک سرزمن پارٹی کے چیئرمین سید مصطفی کمال نے آرمی چیف سے کرپٹ حکمرانوں کیخلاف کارروائی کامطالبہ کردیا اور کہا کہ حکمران دہشتگرد بنانے والی فیکٹریاں ہیں۔

    تفصیلات کے مطابق کراچی پاکستان ہاؤس میں پریس کانفرنس سے خطاب کرتے ہوئے مصطفی کمال کا کہنا تھا کہ آرمی چیف ردالفساد کے بجائے بدعنوان کرپٹ حکمرانوں کیخلاف آپریشن کریں، اصل دہشت گرد بنانے والے اس ملک کے حکمران ہیں، یہ حکمران اپنی نااہلی کی وجہ سے لوگوں کودہشت گرد بنارہے ہیں، ہمارےجوان شہید ہو رہے ہیں اور حکمران مزید دہشت گرد پیدا کررہے ہیں۔

    مصطفیٰ کمال نے کہا کہ ہمارے جوان شہید ہو رہے ہیں اور حکمران مزید دہشت گرد پیدا کررہے ہیں، حکمرانوں کو ٹھیک نہیں کرسکتے تو دہشت گرد کیسےٹھیک ہوں گے، کیاکرپٹ حکمران لاپتہ لوگوں میں شامل نہیں ہوسکتے۔

    انکا کہنا تھا کہ عجیب مذاق ہے، بارش ہوتی ہے تو تاریں ٹوٹ جاتی ہیں اور لوگ مر جاتےہیں، کیا کے الیکٹرک کا سی ای اودہشت گرد نہیں ہے، وزیراعلیٰ اوردیگرحکمران گولی چلائے بغیر ہزاروں لوگوں کو مار رہے ہیں، کرپٹ حکمرانوں کی لاشیں ملیں گی تو امن آئیگا۔

    چیئرمین پی ایس پی کا کہنا تھا کہ لوگوں کومسائل ہیں کیاکسی کونظرنہیں آرہا، لوگوں سے پوچھوں گا حکمرانوں نے ٹھیک نہیں ہونا آپ نے کیا کرنا ہے، حکمرانوں سے کوئی شکایت نہیں کیونکہ انہوں نے ٹھیک نہیں ہونا، اب عوام نے فیصلہ کرنا ہے کہ انہوں نے کیا کرنا ہے۔

    انکا مزید کہنا تھا کہ بیڈگورننس، ناانصافیاں، آوازاٹھانے والوں کو کچلنا اب معمول بن گیا ہے، آپریشن ردالفساد کا ایسے حکمرانوں کی موجودگی میں کوئی فائدہ نہیں، حکمرانوں نے اپنے عمل سے عوام کو دہشت گرد بنانے کا فیصلہ کرلیا ہے، حکمرانوں کے رویے سے عوام مایوس ہوکر انتہا پسندی کی طرف جارہےہیں۔

    مصطفیٰ کمال نے کہا کہ 22اگست کو متحدہ قائد کی سیاست ختم ہوگئی تھی، لیکن فاروق ستار نے ایم کیو ایم اور قائد کوزندہ رکھا،آج ایم کیو ایم کا قائد جو کررہا ہے، اس کا کریڈٹ فاروق ستار کو جاتا ہے۔

    پاک سرزمین پارٹی کے سربراہ نے کہا کہ آفرین ہے اس وقت کی اسٹیبلشمنٹ کوجنہوں نے یہ تجربہ کیا، فاروق ستار ندیم نصرت اور واسع جلیل کو تو برا بھلا کہتا ہے مگر ایم کیو ایم قائد کو را کا ایجنٹ نہیں کہتا، فروغ نسیم نے لندن جاکر ایم کیو ایم کے قائد کا کیس لڑا، فروغ نسیم میں ابھی زندہ ہوں آپ میرے سامنے آئیں اور بتائیں کہ قائد را کے ایجنٹ ہیں یا نہیں۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

  • بھارتی خفیہ ایجنسی را 12سال سے ایم کیو ایم کو فنڈنگ کر رہی ہے،مصطفٰی کمال

    بھارتی خفیہ ایجنسی را 12سال سے ایم کیو ایم کو فنڈنگ کر رہی ہے،مصطفٰی کمال

    لاہور : پاک سرزمین پارٹی کے چیئرمین مصطفٰی کمال نے کہا ہے کہ نیب کرپشن ختم نہیں کر سکتا، احتساب کا اختیار عوام کو دیا جائے، بھارتی خفیہ ایجنسی را بارہ سال سے ایم کیو ایم کو فنڈنگ کر رہی ہے۔

    لاہور ہائیکورٹ بار میں وکلاء سے خطاب کرتے ہوئے پاک سرزمین پارٹی کے چیئرمین مصطفٰی کمال کا کہنا تھا کہ وزراء کے گھروں میں پانی کی ٹینکیوں سے کروڑوں روپے مل رہے ہیں، پاکستان غذائیت میں خود کفیل ہے مگر لوگ بھوک سے مر رہے ہیں۔

    مصطفٰی کمال نے کہا کہ کرپشن ختم نہیں کر سکتا، عوام کو اختیار دیا جائے کہ وہ احتساب کریں، انہیں لیڈر نہیں، پسے ہوئے مظلوموں کی آواز بننا ہے۔

    انھوں نے کہا کہ جمہوریت صرف ایوانوں میں نہیں بلکہ ہر گلی اور ہر گوٹھ میں چاہیئے، وزیراعلیٰ یا اراکین پارلیمنٹ کا کام سڑکیں اور پل بنانا نہیں، یہ کیسی جمہوریت ہے جس میں وزراء اعلی نالیاں اور گلیاں بنا رہے ہیں۔

    مزید پڑھیں : عوام کو حقوق نہ دینا قوم پر حملے کے مترادف ہے، مصطفیٰ کمال

    پاک سرزمین پارٹی کے چیئرمین کا کہنا تھا کہ کراچی کبھی دنیا کے بہترین شہروں میں تھا، اب ناقابل رہائش شہروں میں شامل ہے۔

    انہوں نے مزید کہا کہ وہ ذاتی جنگ نہیں لڑ رہے، کراچی اور پاکستان کے لیے جدوجہد کر رہے ہیں، ایک شخص کی وجہ سے پوری مہاجر قوم بدنام ہوئی، وقت کا فرعون مجھے مروا سکتا تھا، عمران فاروق قتل کے بعد سب چیزیں سامنے آگئیں، بارہ سال سے را ایم کیو ایم کو فنڈنگ کر رہی ہے۔

    یاد رہے اس سے پاک سرزمین پارٹی کے سربراہ سید مصطفیٰ کمال کا کہنا تھا کہ سب سیاست کر رہے ہیں عوام کے مسائل پر کوئی بات نہیں کررہا ہے نہ نظام کو بہتر بنانے کے لیے ٹھوس قدم اُٹھائے جا رہے ہیں۔

    مصطفی کمال کا کہنا تھا کہ پاکستان میں دو کروڑ سے زائد بچے صاف پانی اور غذائی قلت کی وجہ ذہنی اور جسمانی امراض میں مبتلا ہو چکے ہمارا مستقبل تباہ ہو رہا ہے ہیں جس کے لیے کسی کو ہم پر جنگ مسلط کرنے کی ضرورت نہیں ہمارے مسائل ہی ہمیں تباہ کرنے کو کافی ہیں۔