Tag: psp main shamil

  • اے پی ایم ایل کی آسیہ اسحاق 16ساتھیوں سمیت پی ایس پی میں شامل

    اے پی ایم ایل کی آسیہ اسحاق 16ساتھیوں سمیت پی ایس پی میں شامل

    کراچی : آل پاکستان مسلم لیگ کی آسیہ اسحاق نے ساتھیوں سمیت پاک سرزمین پارٹی میں شمولیت اختیار کرلی، مصطفیٰ کمال کا کہنا ہےکہ کراچی میں اپنا مرکزی دفتراسی ہفتےکھول لیں گے۔

    تفصیلات کے مطابق سابق صدر پرویز مشرف کی پارٹی آل پاکستان مسلم لیگ کی مرکزی سیکرٹری اطلاعات اور سابق صدر پرویز مشرف کی ترجمان آسیہ اسحاق اپنے سولہ ساتھیوں سمیت مصطفیٰ کمال کے کیمپ میں چلی گئیں۔

    اس بات کا اعلان انہوں نے کراچی میں ایک پریس کانفرنس کے دوران کیا، مصطفیٰ کمال نے پاک سرزمین پارٹی میں شامل ہونے پرآسیہ اسحاق اور ان کے ساتھیوں کو خوش آمدید کہتے ہوئے کراچی میں رواں ہفتے مرکزی دفتر کھولنے کا بھی اعلان کردیا۔


    APML's Asia Ishaq joins Pak Sarzameen Party by arynews

    پی ایس پی کے رہنما مصطفیٰ کمال کا کہنا تھا کہ اب ایسا بھی نہیں ہے کہ ان کی جماعت کے دروازے سب کے لیے کھلے ہیں کچھ لوگ ایسے بھی ہیں جنہیں وہ اپنی جماعت میں جگہ نہیں دے سکتے۔

    مصطفیٰ کمال کا کہنا تھا کہ ڈاکٹر فاروق ستار پہلے یہ بتائیں کہ وہ را کے ایجنٹ ہیں یا نہیں ۔ انہوں نے کہا  کہ وہ ایم کیو ایم کے بھٹکے ہوئے لوگوں کے لیے عام معافی کی بات کرتے ہیں اور ان کو بہکانے والوں کے خلاف کارروائی کا مطالبہ کرتے ہیں۔

    پی ایس پی میں شامل ہونے والی اے پی ایم ایل کی آسیہ اسحاق کا کہنا تھا کہ ہم ملک و قوم کی ترقی کیلئے مصطفیٰ کمال کےشانہ بشانہ کھڑےہیں۔

    انہوں نے بتایا کہ ان کی پی ایس پی میں شمولیت کے حوالے سے سابق صدر پرویز مشرف کو علم ہے۔ پاک سرزمین پارٹی میں شاملہونے والوں میں آل پاکستان مسلم لیگ کے پنجاب، خیبرپختونخوا، بلوچستان اورسندھ کے قائدین بھی شامل ہیں۔

     

  • ایم کیو ایم کے ایک اوررکن سندھ اسمبلی پاک سرزمین پارٹی میں شامل

    ایم کیو ایم کے ایک اوررکن سندھ اسمبلی پاک سرزمین پارٹی میں شامل

    کراچی : پی ایس پی کے سربراہ مصطفیٰ کمال نے متحدہ قومی موومنٹ کی ایک اور پتنگ کاٹ دی، ایم کیو ایم کے ایک اور رکن سندھ اسمبلی نے پاک سرزمین پارٹی میں شمولیت اختیار کرلی۔

    تفصیلات کے مطابق متحدہ قومی موومنٹ کے رکن سندھ اسمبلی دلاور احمد خان نے کمال ہاؤس میں ایک پریس کانفرنس کے دوران متحدہ قومی موومنٹ سے تیس سال کی رفاقت ختم کرنے کا اعلان کیا۔

    دلاور حسین صدر ٹاؤن کے ناظم بھی رہ چکے ہیں، اس موقع پر مصطفیٰ کمال نے ایم کیو ایم پر پھر الزامات کی بوچھاڑ کی اور متحدہ کے قائد کو بھی ہدف تنقید بنایا۔

    مصطفیٰ کمال نے کہا کہ ایم کیو ایم قائد سے کہتا ہوں مرنے مارنے کی سیاست چھوڑدیں۔ رکن صوبائی اسمبلی دلاور احمد خان نے کمال ہاؤس میں متحدہ قومی موومنٹ سے تیس سال کی رفاقت ختم کرنے کا اعلان کیا۔

    مصطفیٰ کمال نےکہا کہ انہیں معلوم ہے ایم کیوایم قائد ان کی باتیں سنتے ہیں ۔ان سےکہتا ہوں اب مرنے مارنے کی سیاست بند کردیں۔ کارکنوں کی جانیں بچائیں۔

    مصطفیٰ کمال نے کہا کہ کراچی کا زخم پورے ملک میں کینسر بن کر پھیل سکتا ہے۔ اس موقع پرمصطفیٰ کمال نے ایم کیو ایم کے کارکن آفتاب احمد کے انتقال پر اپنے گہرے دکھ اور افسوس کا اظہار بھی کیا۔

    انہوں نے کہا کہ متحدہ قائد کو کارکنوں کے لاپتہ ہونے اور مارے جانے سے پریشانی نہیں ہوتی۔ انہوں نے مزید کہا کہ ماورائے عدالت ہلاکتوں نے 1992ء میں بھی متحدہ قائد کو مزید مضبوط بنا دیا تھا۔

    لوگ انہیں درست سمجھنے لگے تھے، اب بھی ایسا نہیں ہونا چاہئے۔ واضح رہے کہ دلاور احمد خان سے پہلے ایم کیوایم کے چاررکن سندھ اسمبلی پاک سرزمین پارٹی میں شمولیت اختیار کرچکےہیں۔