Tag: PSP

  • پاک سرزمین پارٹی آج کراچی میں عوامی طاقت کا مظاہرہ کرے گی

    پاک سرزمین پارٹی آج کراچی میں عوامی طاقت کا مظاہرہ کرے گی

    کراچی: پاک سرزمین پارٹی آج کراچی میں سیاسی قوت کا مظاہرہ کرے گی، چیئرمین مصطفی کمال جلسے سے خطاب کریں گے۔

    تفصیلات کے مطابق پاک سرزمین پارٹی آج کراچی میں عوامی طاقت کا مظاہرہ کرے گی، پی ایس پی کے چیئرمین مصطفیٰ کمال سمیت دیگر پارٹی قائدین جلسے سے خطاب کریں گے۔

    پاک سززمین پارٹی کی جانب سے لیاقت آباد فلائی اوور پر جلسے کے لیے کرسیاں لگا دی گئی ہیں جبکہ فلائی اوور اور لیاقت آباد کی مختلف سڑکوں پرپی ایس پی کے بینرز اور پینافلیکس لگائے گئے ہیں۔

    لیاقت آباد فلائی اوور کے ایک حصے کو جلسے کے شرکا کے لیے مختص کیا گیا ہے جبکہ ٹریفک کو متبادل راستوں پرموڑنے کے انتظامات کیے گئے ہیں۔

    پاک سرزمین کے سیکرٹری جنرل رضا ہارون کا کہنا ہے کہ آج کا جلسہ پاکستان کی تاریخ کا سب سے بڑا جلسہ اور عوامی سیلاب ثابت ہوگا جو اپنے ساتھ تمام ظالموں کو بہا کر لے جائے گا۔

    رضا ہارون نے جلسہ گاہ کا بھی دورہ کیا اور انتظامات کا جائزہ لیا جبکہ انہوں نے مختلف علاقوں کا دورہ کرکے لوگوں کو جلسے کی دعوت بھی دی۔

    رضا ہارون نے جلسہ گاہ کا بھی دورہ کیا اور انتظامات کا جائزہ لیا جب کہ انہوں نے مختلف علاقوں کا دورہ کرکے لوگوں کو جلسے کی دعوت بھی دی۔

    یاد رہے کہ گزشتہ روز پاک سرزمین پارٹی کے چیئرمین مصطفیٰ کمال نے جلسہ گاہ کا دورہ کیا تھا اس موقع پران کا کہنا تھا کہ کراچی سے نکلنے والی روشنی پورے ملک میں پھیلے گی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایم کیو ایم پاکستان کے سربراہ علی رضا عابدی کو منانے پہنچ گئے

    ایم کیو ایم پاکستان کے سربراہ علی رضا عابدی کو منانے پہنچ گئے

    کراچی: ایم کیو ایم پاکستان کے سربراہ فاروق ستار رکن قومی اسمبلی علی رضا عابدی کے گھر پہنچ گئے۔

    تفصیلات کے مطابق ایم کیو ایم نے ناراض ارکان کو منانا شروع کر دیا ہے۔ اس سلسلے میں انھوں نے علی رضا عابدی سے ملاقات کی، اس موقع پر ایم کیو ایم کے ڈپٹی کنوینر کامران ٹسوری بھی موجود تھے۔ ڈاکٹر فاروق ستار کی علی رضا عابدی کے والد سے بھی بات ہوئی۔ اس موقع پر علی رضا عابدی نے اپنے تحفظات ڈاکٹر فاروق ستار کے سامنے رکھے۔

    اطلاعات کے مطابق علی رضا عابدی نے موقف اختیار کیا کہ جب تک ان کے تحفظات دور نہیں کیے جاتے ، وہ پارٹی میں واپس نہیں آئیں گے۔
    اُنھوں نے یہ مطالبہ بھی کیا کہ پارتی میں سازشیں کرنے والوں کے خلاف فوری کارروائی کی جائے اور پی ایس پی سے دوبارہ انضمام یا اتحاد نہ ہونے کو یقینی بنایا جائے ۔

    انھوں نے ملاقات میں یہ مطالبہ بھی کیا کہ ایم کیو ایم پاکستان سے الگ ہونے والے اراکن صوبائی و قومی اسمبلی سے متعلق واضح موقف اختیار کیا جائے، جو لوگ پارٹی چھوڑ کر چلے گئے ہیں ،ان کی تنخواہیں رکوانے اور استعفوں کے لیے فوری کارروائی کی جائے ۔

    کمال ستار اتحاد کےباغی علی رضا عابدی نےاستعفیٰ دیدیا*

    یاد رہے کہ ایم کیو ایم پاکستان اور پاک سر زمین پارٹی کے الحاق اور ایک ہی منشور، نشان اور پلیٹ فورم سے الیکشن لڑنے کے اعلان کے بعد پارٹی میں پھوٹ پڑ گئی تھی۔

    اس موقع پر رضا علی عابدی نے ا یم کیوایم سے علیحدگی اختیار کرتے ہوئے اپنی نشست سے استعفے کا اعلان کر دیا تھا اور سماجی رابطے کی ویب سائٹ ٹویٹر پر استعفے کی کاپی جاری کردی تھی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • سیاستدانوں کوسیاست کرنے دی جائے، پی ایس پی مصنوعی جماعت ہے، سعد رفیق

    سیاستدانوں کوسیاست کرنے دی جائے، پی ایس پی مصنوعی جماعت ہے، سعد رفیق

    اسلام آباد : وفاقی وزیر ریلوے خواجہ سعد رفیق نے کہا ہے کہ ہمیشہ وزیر اعظم ہی غلط کیوں؟ کیا کبھی چیف جسٹس یا آرمی چیف غلط نہیں ہوسکتے؟ پی ایس پی ایک مصنوعی جماعت ہے، سیاست کرنے والوں کو سیاست کرنے دیں۔

    ان خیالات کا اظہار انہوں نے اسلام آباد میں سینئر سیاستدان مخدوم جاوید ہاشمی کی کتاب ” زندہ تاریخ “کی تقریب رونمائی سے خطاب کرتے ہوئے کیا۔

    انہوں نے کہا کہ نوازشریف کو عدالت کی جانب سے نااہلی کے باوجود مسلم لیگ کا صدر بنایا ہمیں اس پر فخر ہے، ہماری صفوں میں اچھے برے لوگ ہونگے لیکن جمہوریت کو چلنے تو دیں۔

    پاکستان میں ابھی مکمل جمہوریت کی ضرورت ہے، نظریہ ضرورت کو پاکستان کے عوام قبول نہیں کریں گے، آئین کی سر بلندی کے لئے کوئی سمجھوتا نہیں ہو گا۔

    خواجہ سعد رفیق نے کہا کہ پنجاب میں کوئی شخص ایسا نہیں جو فوج سے پیارنہ کرتا ہو، سیاست کرنے والوں کو آزادی سے سیاست کرنے دیں، سیاسی جماعت کو لیڈ کون کرے گااس کا فیصلہ سیاسی جماعت ہی کرے گی۔

    ان کا کہنا تھا کہ پی ایس پی ایک مصنوعی جماعت ہے اس کا کچھ نہیں ہوسکتا، جومرضی کرلیں، بہتر ہوتا ایم کیوایم کے لوگوں کو خود فیصلہ کرنے دیا جاتا۔

    سعد رفیق نے مزید کہا کہ اگر محترمہ بے نظیر بھٹو کی شہادت نہ ہوتی تو آج کا پاکستان مختلف ہوتا، دو بڑے لیڈر سب سمجھ گئے تھے لیکن ان میں سے ایک نہیں رہا۔

    انہوں نے کہا کہ جاوید ہاشمی کی طرح میں بھی سازشوں کا شکار رہا، سیاست میں جاوید ہاشمی کی اہمیت سے کوئی انکار نہیں کرسکتا، ن لیگ ہو یا نہ ہو ہاشمی صاحب سے تعلق ٹوٹ نہیں سکتا۔

    عدلیہ بحالی تحریک میں دو بارجیل گیا، سب اس دن کیلئے نہیں کیا تھا، ایسے فیصلے کرنے کیلئے ماریں نہیں کھائی تھیں، جاوید ہاشمی اور ہم نے ایک ہی جماعت میں دہائیاں گزاریں، خوشیاں کم ملیں مگر دکھ بہت سے اکٹھے دیکھے۔

  • ایم کیوایم پاکستان اورپی ایس پی کی دسمبرمیں جلسوں کی تیاری

    ایم کیوایم پاکستان اورپی ایس پی کی دسمبرمیں جلسوں کی تیاری

    کراچی : ایم کیوایم پاکستان اور پی ایس پی نے سیاسی پاور شو کا اعلان کردیا۔ فاروق ستار کا کہنا ہے کہ کراچی، حیدرآباد سمیت سندھ کے بڑے شہروں میں جلسے کریں گے، جواب میں پی ایس پی نے بھی اسی مقام پر جلسہ کرنے کی ٹھان لی۔

    تفصیلات کے مطابق دسمبر کی سردیوں میں سندھ کے شہروں کا سیاسی ماحول گرم کرنے کے لئے سیاسی پاور شو میں ایم کیوایم پاکستان اور پاک سرزمین پارٹی نے بھرپور تیاریاں کرلیں۔

    ایم کیوایم پاکستان نے آٹھ دسمبر کو حیدرآباد کے اکبری گراؤنڈ میں جلسے کا اعلان کیا تو پاک سرزمین پارٹی نے  سیاسی طاقت کا مظاہرہ کرنے کی ٹھان لی۔

    آٹھ دسمبر کے جلسے کا اونٹ ایک کروٹ بیٹھنے کے بعد دونوں جماعتوں نے مزید جلسوں کا اعلان کردیا۔ ایم کیوایم پاکستان کی رابطہ کمیٹی نے فیصلہ کیا ہے کہ تین دسمبر کو میرپورخاص اور چار دسمبر کو نوابشاہ میں جلسے ہوں گے۔

    ڈاکٹر فاروق ستار نے کہا کہ ہم اپنا ووٹ بینک جلسوں میں دکھائیں گے۔ دوسری جانب پاک سرزمین پارٹی نے بھی پاورشو دکھانے کا فیصلہ کرتے ہوئے دسمبر میں کراچی میں جلسے کااعلان کردیا۔

    اس حوالے سے انیس قائم خانی کاکہنا ہے کہ دسمبر کے دوسرے ہفتےمیں بڑا پاور شو کریں گے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مشترکہ پریس کانفرنس ملاقات کا اعلامیہ تھا معاہدہ نہیں، خواجہ اظہار

    مشترکہ پریس کانفرنس ملاقات کا اعلامیہ تھا معاہدہ نہیں، خواجہ اظہار

    متحدہ قومی موومنٹ کے رہنما خواجہ اظہارالحسن نے کہا ہے کہ مشترکہ پریس کانفرنس ایم کیوایم، پی ایس پی ملاقات کا اعلامیہ تھا معاہدہ نہیں، اسٹیبلشمنٹ کاجس نے کہا اسی سے پوچھا جائے۔

    ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے خصوصی گفتگو کرتے ہوئے کیا۔

    خواجہ اظہارالحسن نے کہا کہ کراچی کی سیاسی مفاہمتی فضا سے فائدہ نہیں اٹھایا جاسکا، اسٹیبلشمنٹ کے بارے میں  جس نےکہا اسی سے پوچھا جائے۔

    کراچی کے امن کی خاطر پی ایس پی والوں سے مفاہمت کی، ان سے جب بھی ملے ہیں پارٹی وفد کے ساتھ ملے ہیں اور یہ کوئی انوکھی بات نہیں ایم کیوایم پاکستان دیگر سیاسی جماعتوں سے بھی ملتی ہے، متحدہ قومی موومنٹ کسی کے ساتھ بھی اتحاد کرسکتی ہے۔

    خواجہ اظہارالحسن نے کہا کہ ملاقات میں پی ایس پی اور ایم کیوایم پاکستان ختم کرنے کا کوئی فیصلہ نہیں کیا گیا تھا، ایم کیوایم پاکستان اپنے نام اور نشان کو نہیں ختم کرےگی، ہم سیاسی فضا کو برقرار رکھنے کی کوشش کریں گے۔

    ایک سوال کے جواب میں خواجہ اظہار نے کہا کہ مصطفیٰ کمال نے فاروق ستار کے ساتھ بیٹھ کراتنی بات کہہ دی کہ ایم کیوایم کو دفن کریں گے، مشترکہ پریس کانفرنس ایم کیوایم، پی ایس پی ملاقات کا اعلامیہ تھا معاہدہ نہیں، فاروق ستار نے پوری رابطہ کمیٹی کو پی ایس پی سے متعلق اعتماد میں لیاتھا۔

    انہوں نے بتایا کہ پی ایس پی رہنماؤں سے ملاقات کے وقت ایم کیوایم کا وفد موجود تھا، نسرین جلیل اس دوران نہیں تھیں، فاروق ستار نے پارٹی کے دیگر رہنماؤں کو بھی اعتماد میں لیا، معاہدہ یہ تھا کہ اجلاس میں مزید بات کرکے دونوں جماعتوں کا انضمام ہوگا۔

    پی ایس پی اور ایم کیوایم ملاقات میں کسی کا کردارنہیں، رضا ہارون

    دوسری جانب پروگرام میں گفتگو کرتے ہوئے پی ایس پی رہنما رضا ہارون نے کہا کہ پی ایس پی اورایم کیوایم کامعاہدہ بھی سب کے سامنےموجود ہے، معاہدہ یہی ہوا تھا کہ ایک نئے نشان،نام اور منشورکے ساتھ الیکشن لڑیں گے، پی ایس پی اور ایم کیوایم پاکستان کا انضمام ہونے کامعاہدہ ہوا تھا۔

    انہوں نے کہا کہ جو آواز پی ایس پی نے لگائی تھی وہ ہی اب ایم کیوایم کہہ رہی ہے، کراچی کےعوام کی خواہش تھی کہ دونوں جماعتیں ایک ہوجائیں۔

    ایک سوال کے جواب میں رضا ہارون کا کہنا تھا کہ پی ایس پی اورایم کیوایم ملاقات میں کسی کا کردارنہیں تھا، پی ایس پی اپنے فیصلےاور پالیسیاں بنانے میں آزاد ہے۔

    انہوں نے کہا کہ فاروق ستار بتائیں وہ کس انجینئرڈ سیاست کی بات کررہےتھے، بات یہ ہوئی تھی کہ ایک مدعے پر پہنچے بغیر دونوں جماعتیں قائم رہیں گی، ایم کیوایم پاکستان کسی سے بھی اتحاد کرےہمیں فرق نہیں پڑتا۔

    رضا ہارون نے مزید کہا کہ ایم کیوایم پاکستان کو24گھنٹے بعد غلطی کیوں یاد آئی؟ فاروق ستاراسی دن بات کرلیتے تو اچھا ہوتا۔

    کیا ایم کیوایم پاکستان لاڑکانہ کامینڈیٹ تقسیم ہونے سے بچارہی ہے؟ ہمارا مطالبہ ہے فاروق ستار کے اعلیٰ حکام کو لکھے گئے خط کو پبلک کردینا چاہیے۔

  • مخالفین کو ہم نے پریشان کردیا ہے، مصطفی کمال

    مخالفین کو ہم نے پریشان کردیا ہے، مصطفی کمال

    کراچی: پاک سرزمین پارٹی کے چیئرمین مصطفی کمال نے کہا ہے کہ مخالفین کو ہم نے پریشان کردیا ہے، سیاسی جماعتوں کو پی ایس پی کی مقبولیت سے مشکلات پیش آئیں۔

    کراچی میں ممبر سازی کیمپ کے دورے کے موقع پر گفتگو کرتے ہوئے مصطفی کمال نے کہا کہ پچاس ہزار سے زائد افراد نے ممبر شپ لی ہے، تمام مسالک کو ایک پلیٹ فارم پر لانا چاہتے ہیں، پی ایس پی ڈائیلاگ پر یقین رکھتی ہے۔

    انہوں نے کہا کہ پاک سرزمین ان کے لیے بھی کام کرنا چاہتی ہے جو اپنے نہیں، پاکستان کے مسائل کو حل کرنا چاہتے ہیں، ملک کے نوجوانوں کو روزگار فراہم کرنا چاہتے ہیں۔

    چیئرمین پاک سرزمین پارٹی نے کہا کہ انصاف نہیں مل رہا، جھوٹی ایف آئی آر درج کی جاتی ہیں، ہمیں لوگوں کے مسائل حل کرنے پر توجہ دینی ہے، پاکستان کے ڈھائی کروڑ بچوں کو اسکول بھیجنا چاہتے ہیں۔

    سابق سٹی ناظم کراچی مصطفی کمال نے کہا کہ ہمارے مخالفین کو ہم نے کنفیوژ کردیا ہے، آج جو لوگ کنفیوژ ہیں وہ کل ہمارے ساتھ ہوں گے۔

    انہوں نے کہا کہ فاروق ستار کی والدہ کو بھی اپنی والدہ سمجھتا ہوں، شہری اور دیہی علاقوں کے مسائل حل کرنا چاہتے ہیں۔

    پاک سرزمین پارٹی کے صدر انیس قائم خانی نے منظور وسان کے خواب دیکھنے کے حوالے سے کہا کہ منظور وسان سے کہیں آصف زرداری اور بلاول بھٹو کے لیے بھی خواب دیکھیں۔

    یہ پڑھیں: آج کراچی کا خوف ٹوٹ گیا، مصطفی کمال کا ریلی سے خطاب


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • میں بھی دونوں جماعتوں کے مل کر بیٹھنے کے حق میں تھا، رؤف صدیقی

    میں بھی دونوں جماعتوں کے مل کر بیٹھنے کے حق میں تھا، رؤف صدیقی

    کراچی : متحدہ قومی موومنٹ کے رہنما رؤف صدیقی نے کہا ہے کہ پی ایس پی اور ایم کیوایم کے درمیان میڈیا پرنشر ہونے والا معاہدہ حقیقی ہے، میں دونوں جماعتوں کے مل کربیٹھنے کےحق میں تھا، معاہدے میں صرف سیاسی اتحاد کی بات کی گئی تھی۔

    ان خیالات کا اظہار انہوں نے اے آر وائی نیوز کے پروگرام سوال یہ ہے میں میزبان ماریہ میمن سے خصوصی گفتگو کرتے ہوئے کیا، اس موقع پر پی ایس پی کے رہنما ڈاکٹر صغیر احمد بھی موجود تھے۔

    رؤف صدیقی نے کہا کہ 22اگست کو فاروق ستار سمیت قوم ایک طرف کھڑی ہوگئی تھی، ہماری خواہش تھی سندھ کے شہری علاقے کا مینڈیٹ کوئی دوسرا نہ لے جائے، کراچی پہلے ہی بہت جل چکا ہے،افہام وتفہیم سے معاملات حل کیے جائیں۔

    مصطفی کمال نے غیرمناسب باتیں کیں، رؤف صدیقی

    انہوں نے کہا کہ خرابیوں کی درستگی کیلئے تمام لوگوں کے ایک ہونے کی بات کی تھی، اس لیے یہ معاہدہ کیا گیا، میں بھی پی ایس پی اور ایم کیوایم پاکستان کے مل کربیٹھنے کےحق میں تھا، دو جماعتوں کے بیچ صلح کرانا مثبت بات ہے۔

    ایک سوال کے جواب میں رؤف صدیقی کا کہنا تھا کہ معاہدے میں واضح تھا کہ دونوں پارٹیاں اپنی شناخت برقرار رکھیں گی، معاہدے میں صرف سیاسی اتحاد کی بات کی گئی تھی، پریس کانفرنس میں مصطفی کمال نے غیرمناسب باتیں کیں،  ایم کیوایم ختم ہونے کی بات کا شدید ردعمل سامنے آیا۔

    رؤف صدیقی کا کہنا تھا کہ شہر کے امن کیلئے الزامات کی سیاست کو رد کرنا ہوگا، کراچی میں امن وامان کی صورتحال بہترہوئی ہے، بےنظیرکی شہادت کے بعد آصف زرداری نے بھی پاکستان کھپے کا نعرہ لگایا تھا۔،

    معاہدے نہیں کرنا تھا تو اپنے لوگوں کو سچ بتا دیتے، ڈاکٹر صغیر

    پروگرام میں گفتگو کرتے ہوئے پی ایس پی رہنما ڈاکٹر صغیر احمد کا کہنا تھا کہ کنور نوید نے کہا تھا کہ جوسیٹ ایم کیوایم کی ہے وہاں کوئی اتحاد نہیں ہوگا، ان کا یہ بیان پورے معاہدے کی نفی تھا، معاہدے نہیں کرنا تھا تو سچ بول کراپنے لوگوں کو بتا دیتے۔

    ان کا کہنا تھا کہ ایم کیوایم پاکستان میں دراڑیں بڑی واضح نظرآئیں، ایم کیوایم پاکستان کے قول وفعل میں تضاد نظر آرہاہے، ملاقاتوں میں شریک ایم کیوایم کے لوگ سچ نہیں بول رہے۔

    رؤف صدیقی ایم کیوایم کی جانب سے ملاقاتوں میں شریک نہیں تھے، یقین ہے رؤف صدیقی بھی کسی وقت سچ کاساتھ ہی دیں گے۔

    ڈاکٹر صغیراحمد نے کہا کہ آپشن تھا کہ دونوں جماعتیں آگے بڑھ کر نیا فورم بنائیں، کراچی میں بسنےوالی تمام قومیتوں کی بات کرتےہیں، پی ایس پی اپنے اصولی موقف سے پیچھےنہیں ہٹےگی۔

  • متحدہ اورپی ایس پی کے درمیان تحریری معاہدہ سامنے آگیا

    متحدہ اورپی ایس پی کے درمیان تحریری معاہدہ سامنے آگیا

    کراچی : متحدہ قومی موومنٹ اور پاک سر زمین پارٹی کے درمیان تحریری معاہدے کی کاپی سامنے آگئی، معاہدہ خواجہ اظہار نے تحریر کیا، جس میں مہاجرقومی موومنٹ اور مہاجر اتحاد کا کہیں ذکرنہیں ہے۔

    تفصیلات کے مطابق گزشتہ بدھ کو ڈاکٹر فاروق ستاراور مصطفیٰ کمال کی مشترکہ پریس کانفرنس کے اگلے ہی روز فاروق ستار کی جانب سے اختلاف کے بعد پی ایس پی سربراہ نے جوابی پریس کانفرنس کی۔

    چیئرمین پی ایس پی کا کہنا تھا کہ فاروق ستار نے آدھا جھوٹ بولا، آٹھ ماہ تک مذاکرات چلتے رہے، پھر ایک معاہدہ لکھا گیا، ایم کیو ایم کے رہنما خواجہ اظہار الحسن نے یہ معاہدہ اپنے ہاتھ سے لکھا تھا۔

    ایم کیوایم پاکستان اور پاک سر زمین پارٹی کے درمیان معاہدے کی کاپی اے آر وائی نیوز نےحاصل کرلی ہے، معاہدہ خواجہ اظہار نے تحریر کیا اور فاروق ستارنے توڑ دیا۔

    معاہدے میں مہاجر قومی موومنٹ اور مہاجر اتحاد کا کہیں ذکر نہیں ہے، معاہدے میں شہر کراچی کے وسیع ترمفاد میں مینڈیٹ کا ذکر کیا گیا ہے۔

    اس کے علاوہ معاہدے میں عدم تصادم اور عدم تشدد کی پالیسی پرمتحد ہونےکا فیصلہ کیا گیا، دونوں جماعتوں نے ایک نشان، ایک نام اور ایک منشور پر آئندہ انتخابات لڑنے کا عزم کیا۔

    معاہدے میں آئندہ کے لائحہ عمل باہمی مشاورت سے کرنے کا فیصلہ بھی کیا گیا لیکن اگلے ہی دن ڈاکٹر فاروق ستار نے بھری پریس کانفرنس میں یہ معاہدہ توڑ دیا۔

  • فاروق ستارکے الزامات: مصطفیٰ کمال آج جوابی پریس کانفرنس کریں گے

    فاروق ستارکے الزامات: مصطفیٰ کمال آج جوابی پریس کانفرنس کریں گے

    کراچی : پی ایس پی کے سربراہ مصطفیٰ کمال آج ایم کیو ایم کے سربراہ ڈاکٹر فاروق ستار کی جانب سے لگائے جانے والے الزامات کا جواب دینے کیلئے پریس کانفرنس سے خطاب کریں گے۔

    تفصیلات کے مطابق ایم کیو ایم کے سربراہ فاروق ستار کی گزشتہ روز ہونے والی پریس کانفرنس کا جواب دینے کے لیے پاک سرزمین پارٹی نے آج اہم پریس کانفرنس کا اعلان کردیا۔

    پی ایس پی ترجمان کے مطابق چیئرمین پی ایس پی مصطفیٰ کمال آج ساڑھے دن 12 بجے پریس کانفرنس سے خطاب  کریں گے، ان کے ہمراہ پی ایس پی کے صدر انیس قائم خانی بھی ہوں گے۔

    اس حوالے سے پارٹی ذرائع کا کہنا ہے کہ پریس کانفرنس میں ایم کیوایم پاکستان سے اتحاد اور دیگر اہم اعلانات کئے جائیں گے۔


    مزید پڑھیں: مصطفیٰ کمال کے پاس ایم کیو ایم میں جانے کے علاوہ کوئی آپشن نہیں، شرجیل میمن


    پارٹی ذرائع نے کہا ہے کہ پی ایس پی آج سے 13 نومبرتک رکنیت سازی مہم چلائے گی، جس کیلئے پمفلٹ بھی تیار کرلیا گیا ہے۔

    پمفلٹ میں پی ایس پی کے انتخابی منشور کے اہم نکات شامل کیے گئے ہیں، اس کے علاوہ ممبر سازی مہم پمفلٹ میں پی ایس پی کا انتخابی نشان ڈولفن بھی موجود ہے۔

    ساری نظریں کراچی پر لگی ہیں، سوالات اٹھ رہے ہیں کہ مصطفیٰ کمال کیا کہنے والے ہیں، فاروق ستار کے الزامات کا کیا جواب دیں گے؟ کیا پی ایس پی کے سربراہ اینٹ کا جواب پتھر سے دیں گے؟

    کیا وہ اپنی پراڈو اور خیابان سحر کے بنگلے کی وضاحت کریں گے؟ کمال اینڈ کمپنی کی کیا حکمت عملی ہوگی، آج سب سامنے آجائے گا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مصطفیٰ کمال کے پاس ایم کیو ایم میں جانے کے علاوہ کوئی آپشن نہیں، شرجیل میمن

    مصطفیٰ کمال کے پاس ایم کیو ایم میں جانے کے علاوہ کوئی آپشن نہیں، شرجیل میمن

    کراچی : پیپلز پارٹی کے رہنما شرجیل میمن کا کہنا ہےایم کیوایم اپنےآخری مؤقف پرڈٹی رہی تومصطفیٰ کمال کےپاس ایم کیو ایم میں جانے کے علاوہ کوئی آپشن نہیں رہے گا۔

    تفصیلات کے مطابق پیپلز پارٹی کے رہنما شرجیل میمن کا کہنا ہے ایم کیو ایم پاکستان کنفیوژن کا شکار ہے وہ ن لیگ کی ڈائرکشن پر کام کر رہی ہے۔

    شرجیل میمن نے کہا کہ ایم کیوایم اپنےآخری مؤقف پرڈٹی رہی تو مصطفیٰ کمال کے پاس ایم کیو ایم میں جانے کے علاوہ کوئی آپشن نہیں رہے گا، اس وقت ایم کیو ایم پاکستان مضبوط، مصطفیٰ کمال کمزور نظر آتے ہیں۔

    کل فاروق ستار نے متحدہ قومی موومنٹ کے پرانے قائد کی یادیں تازہ کیں، پارٹی چھوڑنا اور دوبارہ جوائن کرنا یہ ان کی روایت تھی، اللہ ایم کیو ایم کی مدد کرے۔

    شرجیل میمن نے دعویٰ کیا کہ عام انتخابات میں پیپلز پارٹی کراچی میں سرپرائز دے گی۔

    اس سے قبل فاروق کمال اتحاد پر شرجیل میمن کا کہنا تھا کہ ایم کیو ایم اور پی ایس پی کے درمیان ہونے والا اتحاد پیپلزپارٹی کا کچھ نہیں بگاڑ سکتا یہ عارضی اتحاد ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔