ARYNews.tv | Urdu – Har Lamha Bakhabar

Tag: Pta

  • چوری اور گمشدہ فون بلاک کرنے کیلئے نیا نظام نافذ

    چوری اور گمشدہ فون بلاک کرنے کیلئے نیا نظام نافذ

    اسلام آباد: پاکستان ٹیلی کمیونیکیشن اتھارٹی (پی ٹی اے) نے چوری اورگمشدہ فون بلاک کرنے کے لئے نیا نظام نافذ کر دیا، صارف کی شکایت کے بعد 24 گھنٹے میں فون بلاک کیا جائے گا۔

    تفصیلات کے مطابق پاکستان ٹیلی کمیونیکیشن اتھارٹی (پی ٹی اے) کی جانب سے چوری اور گمشدہ فون بلاک کرنے کے لئے نیا نظام نافذ کر دیا گیا۔

    پی ٹی اے کا کہنا ہے کہ موبائل بلاک کرنے کیلئےنئے خود کار نظام ایل ایس ڈی ایس کا آغاز کیا گیا ہے ، جس کے زریعے صارفین موبائل کا ممکنہ غلط استعمال روکنے کیلئے درخواست دے سکتے ہیں۔

    پی ٹی اے نے کہا کہ ایل ایس ڈی ایس خود کار نظام ہے، جو پی ٹی اے سسٹم کیساتھ مربوط ہے، چوری شدہ موبائل کی شکایت کے بعد 24 گھنٹے میں بلاک کیا جائے گا۔

    پاکستان ٹیلی کمیونیکیشن اتھارٹی کے مطابق صارفین پی ڈی اےکی ویب سائٹ پر بھی بلاکنگ کیلئےدرخواست دے سکتے ہیں، بلاکنگ درخواست کے کامیاب اندراج کے بعد حوالہ نمبر فراہم کیا جائے گا اور گمشدہ فون ملنے پر صارفین موبائل ان بلاک بھی کرا سکیں گے۔

  • موبائل کمپنیوں کی غیر معیاری سروس، پی ٹی اے کا اہم قدم

    موبائل کمپنیوں کی غیر معیاری سروس، پی ٹی اے کا اہم قدم

    اسلام آباد: پاکستان ٹیلی کمیوکیشن اتھارٹی (پی ٹی اے) نے موبائل کمپنیوں کی غیر معیاری سروس کا نوٹس لے لیا۔

    اے آر وائی نیوز کے مطابق پی ٹی اے نے غیر معیاری سروسز کا نوٹس لیتے ہوئے موبائل کمپنیوں کو اپنا معیار بہتر بنانے کی ہدایت جاری کر دی ہے۔

    پی ٹی اے نے کہا ہے کہ موبائل فون آپریٹرز سروس کے معیار کو بہتر بنائیں، اور کوالٹی آف سروس برقرار رکھی جائے۔

    پی ٹی اے کا کہنا ہے کہ مواصلاتی سروسز کے سلسلے میں عوامی شکایات اور سروے کے نتائج میں ناقص معیار سامنے آیا، ناقص معیار کی وجوہ میں نیٹ ورک میں توسیع نہ ہونا اور کوالٹی میں مسائل شامل ہیں۔

    پی ٹی اے کے مطابق ٹیلی کام آپریٹرز سے کہا گیا ہے کہ اپنی سروس میں بہتری کے لیے اقدامات اٹھائے جائیں اور آپریٹرزگنجان آباد علاقوں میں مناسب کوریج کو یقینی بنائیں۔

    سستے موبائل فونز ، پاکستانی عوام کیلئے بڑی خوشخبری

    یاد رہے کہ دو ہفتے قبل وفاقی وزیر انفارمیشن ٹیکنالوجی امین الحق نے خوش خبری سنائی تھی کہ پاکستان میں موبائل فون کی مینو فیکچرنگ شروع کر دی گئی ہے، جس کی وجہ سے ملک میں اب سستا فون دستیاب ہوگا۔

    امین الحق کا کہنا تھا کہ پچھلے ایک سال میں موبائل فون کی تعداد 16 کروڑ سے بڑھ کر 17 کروڑ ہوگئی ہے، ہمارا وژن ہے کہ پاکستان کی 22 کروڑ عوام کے پاس اسمارٹ موبائل فون ہو۔

  • لیدر کی صنعت: وزیر اعظم نے ہر ممکن تعاون کی یقین دہانی کرا دی

    لیدر کی صنعت: وزیر اعظم نے ہر ممکن تعاون کی یقین دہانی کرا دی

    اسلام آباد: لیدر کی صنعت کے فروغ کے لیے وزیر اعظم نے ہر ممکن تعاون کی یقین دہانی کرا دی، ان کا کہنا تھا کہ لیدر کی صنعت کو پوری صلاحیت پر چلانے کے لیے حکومت ہر ممکن تعاون کرے گی۔

    اے آر وائی نیوز کے مطابق آج وزیرِ اعظم عمران خان سے پاکستان ٹینرز ایسوسی ایشن کے وفد نے ملاقات کی، جس میں وزیرِ اعظم کو پاکستانی لیدر کی دنیا میں بڑھتی طلب سے آگاہ کیا گیا۔

    ملاقات میں وفاقی وزیر حماد اظہر، مشیرِ تجارت عبدالرزاق داؤد اور دیگر نے شرکت کی، وزیر اعظم کو بریفنگ میں کہا گیا کہ پاکستانی لیدر اعلیٰ معیار ہونے اور کم لاگت کی بدولت دنیا بھر میں مقبول ہے، پاکستانی لیدر مقبول برانڈز کو برآمد کر کے اربوں ڈالرز زر مبادلہ کمایا جا سکتا ہے۔

    بریفنگ میں بتایا گیا کہ پاکستان میں بھیڑ، بکری، گائے اور بھینس کا چمڑا اعلی معیار اور وافر مقدار میں تیار ہوتا ہے، تاہم کرونا وبا اور دیگر وجوہ پر صنعت کو اپنے اہداف پورے کرنے میں مشکلات درپیش ہیں۔

    وزیر اعظم نے وفد سے کہا کہ ایسی صنعتیں جو ویلیو ایڈڈ برآمدات کا ذریعہ ہیں، ان کو فروغ دیا جائے گا، لیدر کی صنعت کو پوری صلاحیت پر چلانے کے لیے حکومت ہر ممکن تعاون کرے گی، صنعتوں کے فروغ کے لیے حکومت ترجیحی بنیاد پر اقدامات کر رہی ہے۔

  • ٹک ٹاک کی بحالی ، پاکستانی صارفین کیلئے بڑی خبر آگئی

    ٹک ٹاک کی بحالی ، پاکستانی صارفین کیلئے بڑی خبر آگئی

    اسلام آباد : پاکستان ٹیلی کمیونیکیشن اتھارٹی (پی ٹی اے ) نے ٹک ٹاک پر سے عائد پابندی ختم کرنے کا اعلان کرتے ہوئے کہا ٹک ٹاک بحالی کا نوٹیفکیشن جاری کررہے ہیں، شرائط پوری نہ کی گئیں توٹک ٹاک کو مستقل بلاک کرنے پر مجبور ہوں گے۔

    تفصیلات کے مطابق پاکستان میں ویڈیو شیئرنگ ایپ ٹک ٹاک بحال کرنے کا فیصلہ کرلیا گیا، پاکستان ٹیلی کمیونیکیشن اتھارٹی (پی ٹی اے ) کے ترجمان نے کہا کہ ٹک ٹاک انتظامیہ نےپاکستانی قوانین کی پاسداری کی یقین دہانی کرادی ہے کہ غیر اخلاقی مواد اپ لوڈ کرنیوالے اکاؤنٹ بلاک کرے گا، جس کے بعد ٹک ٹاک بحالی کانوٹیفکیشن جاری کررہے ہیں۔

    پی ٹی اے کا کہنا تھا کہ مشروط طورپرٹِک ٹاک کی سروسز کوبحال کیا ہے، غیر اخلاقی موادکا پھیلاؤ روکنےکیلئےٹِک ٹِک پرزور دیتے رہے، غیرقانونی مواد روکنے کا اطمینان بخش نظام نہ ہونے پر سروس بند کی گئی، تاہم ٹِک ٹاک نے اعتدال پسند مواد کو یقینی بنانے کی یقین دہانی کرائی اور غیر قانونی مواد اپ لوڈ کرنے میں ملوث صارفین کو بلاک کر دیا۔

    پاکستان ٹیلی کمیونیکیشن اتھارٹی نے مزید کہا کہ صحت مند ڈیجیٹل سہولتکار کی حیثیت سےپابندی ختم کرنےکا فیصلہ کیا، بحالی پلیٹ فارم کےبےحیائی کے پھیلاؤ کیلئے استعمال نہ ہونے سے مشروط ہے، شرائط پوری نہ کی گئیں توٹک ٹاک کو مستقل بلاک کرنے پر مجبور ہوں گے۔

    یاد رہے پاکستان ٹیلی کمیونیکیشن اتھارٹی نے چین کی مشہورویڈیوشیئرنگ ایپ ٹک ٹاک پر پابندی عائد کردی تھی اور کہا تھا کہ غیراخلاقی مواد روکنے کا موثر میکنزم نہ بنانے پر ٹک ٹاک موبائل ایپلی کیشن کو تمام نیٹ ورک پر بند کرنے کا فیصلہ کیا گیا، موبائل فون کمپنیوں کو بھی ہدایت جاری کر دی گئی۔

    بعد ازاں وفاقی وزیر برائے انفارمیشن ٹیکنالوجی و کمیونیکیشن امین الحق کا کہنا تھا کہ ٹک ٹاک نے اگر حکومتی پالیسی پر عمل کیا اور ہماری درخواست پر بروقت کارروائی کی تو پاکستان میں ایک بار پھر انہیں کام کرنے کی اجازت دی جاسکتی ہے۔

    خیال رہے معروف ویڈیو شیئرنگ ایپ ٹک ٹاک کی انتظامیہ کا کہنا تھا کہ پاکستان ٹیلی کمیونیکیشن اتھارٹی (پی ٹی اے) کے حکام سے ایپ کی بحالی کے لیے مذاکرات جاری ہیں، امید کرتے ہیں کہ پاکستان کے پرجوش صارفین جلد ٹک ٹاک دوبارہ استعمال کرسکیں گے۔

  • ٹک ٹاک پر پابندی، پی ٹی اے کو نوٹس جاری ، سینئر افسر ذاتی حیثیت میں طلب

    ٹک ٹاک پر پابندی، پی ٹی اے کو نوٹس جاری ، سینئر افسر ذاتی حیثیت میں طلب

    (more…)

  • ملکی سطح پر اسمارٹ فونز کی تیاری کے سلسلے میں بڑی پیش رفت

    ملکی سطح پر اسمارٹ فونز کی تیاری کے سلسلے میں بڑی پیش رفت

    اسلام آباد: ملکی سطح پر اسمارٹ فونز کی تیاری کے سلسلے میں بڑی پیش رفت سامنے آئی ہے، موبائل ڈیوائس کی مینوفیکچرنگ سے متعلق ریگولیشنز اور تصدیق کا ڈرافٹ تیار کر لیا گیا۔

    تفصیلات کے مطابق پاکستان ٹیلی کمیونی کیشن اتھارٹی نے پاکستان میں مقامی سطح پر موبائل فونز کی تیاری سے متعلق قواعد و ضوابط اور موبائل فونز کی تصدیق کے سلسلے میں ایک ڈرافٹ تیار کر لیا ہے، اس ڈرافٹ کا مقصد موبائل فونز کی مقامی سطح پر تیاری کو فروغ دینا ہے۔

    پی ٹی اے کا اس سلسلے میں کہنا ہے کہ اس ڈرافٹ سے موبائل فونز کی اسمگلنگ کی حوصلہ شکنی ہوگی، یہ ڈرافٹ موبائل ڈیوائس مینوفیکچرنگ پالیسی کی روشنی میں تیار کیا گیا ہے، موبائل فونز کی تیاری میں سرمایہ کاری کی حوصلہ افزائی کی جائے گی۔

    پی ٹی اے کے مطابق ڈرافٹ کی تیاری میں ٹیلی کام صارفین اور اسٹیک ہولڈرز سے تاثرات بھی لیے گئے ہیں، عوام بھی اپنے تاثرات 5 اکتوبر 2020 تک جمع کرا سکتے ہیں۔ پی ٹی اے کے ترجمان کا کہنا ہے کہ ادارہ اسمارٹ فونز کی ملکی سطح پر تیاری کے لیے کوشاں ہے۔

    بیرون ملک سے موبائل فون لانے والوں کے لیے خوش خبری، آرڈیننس جاری

    یاد رہے چند دن قبل سینیٹ کی قائمہ کمیٹی برائے آئی ٹی کے اجلاس میں اراکین کمیٹی نے مطالبہ کیا تھا کہ پی ٹی اے موبائل کمپنیوں کو عوام کو قسطوں پر فون دینے کا پابند کرے، جس پر پی ٹی اے جواب دیا تھا کہ ہم لائسنس دے دیں گے، کمپنیاں خود فور جی سپورٹ فون تیار کریں گی۔ کمیٹی کا مؤقف تھا کہ ڈیجیٹل پاکستان کے لیے اسمارٹ فونز تک آسان رسائی ضروری ہے۔ پی ٹی اے نے کہا تھا کہ مقامی سطح پر موبائل تیاری کے لائسنس کا جلد اجرا کیا جائے گا۔

  • پی ٹی اے نے ڈیٹنگ اور لائیو اسٹریمنگ ایپلی کیشنز کو بلاک کردیا

    پی ٹی اے نے ڈیٹنگ اور لائیو اسٹریمنگ ایپلی کیشنز کو بلاک کردیا

    اسلام آباد: پاکستان ٹیلی کمیونی کیشن اتھارٹی (پی ٹی اے) نے 5 ڈیٹنگ اور لائیو اسٹریمنگ ایپلی کیشنز کو بلاک کردیا۔

    اے آر وائی نیوز کی رپورٹ کے مطابق پی ٹی اے حکام کا کہنا ہے کہ بند کی گئی ایپلی کیشنز میں ٹنڈر، ٹیگڈ، اسکاؤٹ، گرائنڈر اور سے ہائے نامی ایپلی کیشنز شامل ہیں۔

    پی ٹی اے کا کہنا ہے کہ ایپلی کیشنز انتظامیہ کو ڈیٹنگ سروس ختم کرنے سے متعلق نوٹسز دئیے گئے تھے، انتظامیہ کو بارہا ایپلی کیشنز پر موجود مواز کو پاکستانی قوانین کے مطابق بنانے کو کہا گیا تھا، حکام کے مطابق ان ایپلی کیشنز کی انتظامیہ نے مقررہ وقت میں کوئی جواب جمع نہیں کروایا جس کے بعد ان ایپلی کیشنز کو بلاک کردیا گیا ہے۔

    واضح رہے کہ اس سے قبل پی ٹی اے کی جانب سے سماجی رابطے کی ویب سائٹ ٹویٹر پر بتایا گیا کہ ویڈیو شیئرنگ ایپلی کیشن ٹک ٹاک سے غیراخلاقی مواد ہٹانے کا مطالبہ کیا گیا ہے۔

    بیان میں بتایا گیا کہ ویڈیو شیئرنگ پلیٹ فارم کی جانب سے غیراخلاقی مواد کو ہٹانے سے متعلق حالیہ کوششوں کا اعتراف کرتے ہوئے چیئرمین پی ٹی اے نے ٹک ٹاک سے مطالبہ کیا کہ مواد کی نگرانی کے لیے مضبوط اور معتدل طریقہ کار اختیار کیا جائے تاکہ پاکستان میں غیر قانونی مواد تک رسائی نہ ہوسکے۔

    اس سے قبل گزشتہ ماہ پی ٹی نے ٹک ٹاک پر فحش اور غیراخلاقی مواد اور اس کے نوجوان نسل پر انتہائی منفی اثرات کے حوالے سے معاشرے کے مختلف طبقات کی جانب سے متعدد شکایات موصول ہونے کے بعد ویڈیو ایپ کو ‘ حتمی وارننگ’ جاری کی تھی۔

  • پی ٹی اے کا ٹک ٹاک سے بھی غیراخلاقی مواد ہٹانے کا مطالبہ

    پی ٹی اے کا ٹک ٹاک سے بھی غیراخلاقی مواد ہٹانے کا مطالبہ

    اسلام آباد: پاکستانی ٹیلی کمیونی کیشن اتھارٹی (پی ٹی اے) نے یوٹیوب کے بعد ٹک ٹاک سے بھی غیراخلاقی مواد ہٹانے کا مطالبہ کردیا۔

    تفصیلات کے مطابق پی ٹی اے کی جانب سے سماجی رابطے کی ویب سائٹ ٹویٹر پر بتایا گیا کہ ویڈیو شیئرنگ ایپلی کیشن ٹک ٹاک سے غیراخلاقی مواد ہٹانے کا مطالبہ کیا گیا ہے۔

    بیان میں بتایا گیا کہ ویڈیو شیئرنگ پلیٹ فارم کی جانب سے غیراخلاقی مواد کو ہٹانے سے متعلق حالیہ کوششوں کا اعتراف کرتے ہوئے چیئرمین پی ٹی اے نے ٹک ٹاک سے مطالبہ کیا کہ مواد کی نگرانی کے لیے مضبوط اور معتدل طریقہ کار اختیار کیا جائے تاکہ پاکستان میں غیر قانونی مواد تک رسائی نہ ہوسکے۔

    اس سے قبل گزشتہ ماہ پی ٹی نے ٹک ٹاک پر فحش اور غیراخلاقی مواد اور اس کے نوجوان نسل پر انتہائی منفی اثرات کے حوالے سے معاشرے کے مختلف طبقات کی جانب سے متعدد شکایات موصول ہونے کے بعد ویڈیو ایپ کو ‘ حتمی وارننگ’ جاری کی تھی۔

    جس کے بعد ٹک ٹاک کی جانب سے حتمی نوٹس کا جواب دیتے ہوئے جاری کیے گئے بیان میں کہا گیا تھا کہ ایپ انتظامیہ کی اولین ترجیح قانون کی پاسداری کے ذریعے ایپ کے اندرونی ماحول کو محفوظ اور مثبت رکھنا ہے۔

    بیان میں ٹک ٹاک کی جولائی تا دسمبر 2019 کی رپورٹ کا حوالہ دیتے ہوئے بتایا گیا تھا کہ گزشتہ سال ہٹائی گئی نامناسب ویڈیوز میں سے 84 فیصد ویڈیوز ایسی تھیں جنہیں کسی بھی شخص نے نہیں دیکھا تھا۔

  • پی ٹی اے کی یو ٹیوب کو غیراخلاقی اور فرقہ وارانہ مواد ہٹانے کی ہدایت

    پی ٹی اے کی یو ٹیوب کو غیراخلاقی اور فرقہ وارانہ مواد ہٹانے کی ہدایت

    اسلام آباد: پاکستان ٹیلی کمیونی کیششن اتھارٹی (پی ٹی اے) نے یوٹیوب کو پاکستان میں‌ غیراخلاقی اور فرقہ وارانہ مواد فوری طور پر ہٹانے کی ہدایت کردی.

    تفصیلات کے مطابق پی‌ ٹی اے نے سماجی رابطے کی ویب سائٹ ٹویٹر پر لکھا کہ پی ٹی اے نے ویڈیو شیئرنگ پلیٹ فارم یو ٹیوب سے کہا ہے کہ وہ پاکستان میں‌ غیراخلاقی، فحاشی اور عریانی پر مبنی مواد اور نفرت انگیزی پر مبنی تقاریر اور دیگر مواد کو فوری ہٹائے.

    پی ٹی اے کی جانب سے یوٹیوب پر موجود نامناسب غیراخلاقی، فحش مواد کے انتہائی منفی اثرات کے پیش نظر اور نفرت انگیز تقاریر کی موجودگی کی بدولت یہ ہدایات جاری کی گئی ہیں.

    پی ٹی اے نے قابل اعتراض مواد کو فوری طور پر ہٹانے اور اس طرح کا مواد اس پلیٹ فارم کے ذریعے پھیلانے سے روکنے کے لئے یوٹیوب سے رابطہ کیا ہے۔

    اس کے علاوہ یو ٹیوب کو یہ بھی ہدایت کی گئی ہے کہ وہ مواد کی نگرانی کے لئے ایک مؤثر اور معتدل حکمت عملی اختیار کرے تاکہ پاکستان میں انتشار پھیلانے والے مواد تک رسائی کو روکنے کے ساتھ ساتھ غیر قانونی مواد کا پتہ لگانے اور حذف کرنے کے حوالے سے بھی اقدامات کئے جا سکیں۔

  • آن لائن ویڈیو گیم پب جی پر پابندی، پی ٹی اے کا بڑا اعلان سامنے آگیا

    آن لائن ویڈیو گیم پب جی پر پابندی، پی ٹی اے کا بڑا اعلان سامنے آگیا

    اسلام آباد : ڈی جی ویب پی ٹی اے کا کہنا ہے کہ خود کشی کے واقعے کی انکوئری رپورٹ تک پب جی بند رہے گا، پب جی کھلنے کی اجازت نہ ملنے پر 2بچوں نے خود کشی کی۔

    تفصیلات کے مطابق قومی اسمبلی کی قائمہ کمیٹی آئی ٹی کا علی خان جدون کی زیرصدارت اجلاس ہوا، جس میں پی ٹی اے نے گیم پب جی کے حوالے سے کمیٹی کو بریفنگ دی۔

    ڈی جی ویب پی ٹی اے نے کہا خود کشی کے واقعے کی انکوئری رپورٹ تک پب جی بند رہےگا ، عدالت نے پب جی کھولنے کا حکم نہیں دیا، پب جی کھلنے کی اجازت نہ ملنے پر 2بچوں نے خود کشی کی۔

    ارکان کمیٹی کا کہنا تھا کہ پراکسیز لگا کر ابھی بھی گیم چل رہاہے ، جس پر ڈی جی ویب پی ٹی اے نے بتایا کہ 14ہزار پراکسیز بند کر چکے ،جو نئی بنتی ہے وہ بند کرتے ہیں۔

    ممبر پی ٹی اے نے کہا پب جی گیم انتظامیہ سے کچھ تفصیلات مانگی ہیں ،م پب جی کو ریگولیٹری فریم ورک میں لانا چاہتے ہیں۔

    یاد رہے اسلام آبادہائی کورٹ نے مقبول ترین آن لائن گیم پب جی کو مشروط طور پر بحال کرنے کا حکم دیتے ہوئے کہا تھا کہ پی ٹی اے پب جی گیم کے حوالے سے ایک ہفتے میں فیصلہ کرے۔

    خیال رہے پاکستان ٹیلی کمیونیکشن اتھارٹی کی جانب سے جاری ہونے والے اعلامیے میں کہا گیا تھا کہ آن لائن گیم ’پلیئرز ان نان بیٹل گراؤنڈ (پب جی) پر پابندی برقرار رہے گی، لاہور ہائی کورٹ کی ہدایت پر 9 جولائی کو پی ٹی اے میں ہونے والی تفصیلی سماعت میں گیم کی بندش کا فیصلہ کیا گیا۔

    اعلامیے کے مطابق پی ٹی اے نے پب جی انتظامیہ سے مطالبہ کیا کہ وہ گیم کے سیزنز، پاکستانی صارفین کا ڈیٹا اور کمپنی کے کنٹرولز کے حوالے سے معلومات فراہم کرے۔ پاکستان کی درخواست پر پب جی انتظامیہ نے تاحال کوئی جواب نہیں دیا۔

    واضح رہے تین نوجوانوں‌ کی خودکشی کے بعد پاکستان ٹیلی کمیونیکیشن اتھارٹی (پی ٹی اے) نے یکم جولائی کو ملک بھر میں موبائل پر کھیلے جانے والے گیم پب جی پر عارضی پابندی عائد کی تھی۔