اسلام آباد : پاکستان تحریک انصاف کے سربراہ عمران خان کا کہنا ہے کہ عدالت نے گرفتاری کاحکم دیا تو گرفتاری دوں گا، شروع سےکہتا آرہا ہوں یہ جنگ ہماری جنگ نہیں تھی، قربانیاں ہم نے دیں اورآخری میں برابھلابھی ہم کو ہی کہا جارہا ہے، پاکستان تحریک انصاف قبل ازوقت انتخابات چاہتی ہے۔
تفصیلات کے مطابق چیئرمین پی ٹی آئی عمران خان نے انسداد دہشت گردی کی عدالت کے باہر میڈیا سے گفتگو کرتے ہوئے کہا کہ ڈھائی بجےعدالت نے فیصلے کیلئے واپس بلایا ہے،عدالت نے گرفتاری کاحکم دیا تو گرفتاری دوں گا۔
ٹرمپ کے بیان کے حوالے سے عمران خان کا کہنا تھا کہ ٹرمپ کو ماضی کے بارےمیں معلوم ہی نہیں ہے، ٹرمپ کو انہوں نے بریف کیا ہے، جو پاکستان کے دشمن ہیں،ٹرمپ کوپاکستان دشمن لابی کےذریعےبیانات دلوائےجارہےہیں۔
چیئرمین پی ٹی آئی نے کہا کہ افغانستان میں نیٹو کی لاکھوں فوج موجود تھی اور اب بھی ہے، یہ کوئی ماننےکو تیارنہیں کہ پاکستان افرادی قوت فراہم کررہا تھا،اس جنگ میں 70 ہزار افراد شہید ہوئے، جس کا پاکستان سے تعلق نہ تھا، شروع سےکہتا آرہا ہوں یہ جنگ ہماری جنگ نہیں تھی، پاکستان اس جنگ سے شدید متاثر ہوا اور آخر میں طعنے بھی مل رہےہیں۔
انکا کہنا تھا کہ قربانیاں ہم نےدیں اورآخری میں برابھلابھی ہم کوہی کہاجارہاہے، افغانستان میں شکست کاملبہ پاکستان پرڈالنےکی تیاری کی جارہی ہے، امریکی صدرکوافغان جنگ کے پس منظرسےمتعلق معلوم ہوناچاہیے، ٹرمپ سے تو امریکا کے اپنے عوام ہی تنگ آچکےہیں۔
عمران خان نے کہا کہ پاکستان نے امریکی جنگ میں قربانیاں دیں اور بدلے میں ہمیں کیا ملا، جب کہتاتھایہ جنگ ہماری نہیں تو مجھےطالبان خان کہا جاتا تھا، اللہ کاشکر ہے آج میری کہی ایک ایک بات سچ ثابت ہورہی ہے۔
شریف برادران پر تنقید کرتے ہوئے سربراہ تحریک انصاف کا کہنا تھا کہ دوبھائیوں کوچوری پکڑی گئی اوراب وہ ادھرادھرجارہےہیں، شریف برادران اپنی چوری چھپانے کیلئے دوسرے ملک جارہےہیں، کوشش کی جارہی ہےکسی طرح این آراوہوجائے، پاکستانی قوم اب کسی قسم کےاین آراوکوقبول نہیں کرےگی۔
انھوں نے مزید کہا کہ شریف برادران اصل جائیدادکوبچانےکی کوششوں میں لگےہوئےہیں، این آراو ہوا تو قوم باہر نکلےگی اور خاقان عباسی کی حکومت سنبھال نہیں سکتی، موجودہ حکومت چوروں کوبچانےمیں لگی ہوئی ہے، حکومت چوروں کوبچائےتوقبل ازوقت انتخابات ضروری ہیں۔
عمران نے ایک بار پھر قبل ازوقت انتخابات کا مطالبہ کرتے ہوئے کہا کہ پاکستان تحریک انصاف قبل ازوقت انتخابات چاہتی ہے، جمہوریت کو آگے بڑھانے کیلئے قبل ازوقت انتخابات کا مطالبہ کیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
