Tag: PTI chairman Imran khan

اسلام آباد: تحریکِ انصاف کے چیئرمین عمران خان نے دھرنے کے شرکاء سے خطاب میں کہا ہے کہ چیف جسٹس نے انصاف نہ دیا تو خونی انقلاب کا راستہ کھل جائے گا۔

عمران خان نے کہا ہے کہ گزشتہ چار روز سے پولیس دھرنے کے شرکاء کو پکڑ کر جیلوں میں بند کر رہی ہے، گزشتہ رات بھی تحریکِ انصاف کے جالیس کارکنوں کو حراست میں لیا گیا ہے۔

عمران خان نے چیف جسٹس ، ججز اور وکلاء سے اپیل کی کہ جہموریت بچائے، انھوں نے چیف جسٹس کو مخاطب کرتے ہوئے کہا کہ جہموریت کو بچانا آب کی ذمہ داری ہے۔

عمران خان نے جمہوریت بچانے کے لئے چیف جسٹس کی خدمات کا مطالبہ کر دیا ہے، انکا کہنا تھا کہ ملک خانہ جنگی کی طرف بڑھ رہا ہے ، میرے لئے لوگوں کا روکنا مشکل ہورہا ہے، میرے لوگ پولیس سے مقابلے کی تیاری کررہے ہیں۔

عمران خان کا کہنا ہے کہ حالات خون خرابے کی طرف جارہے ہیں، چیف جسٹس مداخلت کریں۔

 عمران خان نے خطاب میں کہا ہے کہ انتخابات میں تاریخ کی بد ترین دھاندلی ہوئی، جس کے ثبوت موجود ہیں لیکن ہمیں انصاف نہیں ملا اس لئے سڑکوں پر نکلے ہیں۔

انکا کہنا تھا کہ دھرنا ہمارا جہموری حق ہے، آئین کی خلاف ورزی نہیں کررہے ہیں، انھوں نے سوال کیا کہ کیا آئین یہ نہیں کہتا کہ بنیادی حقوق کا تحفظ کیا جائے۔

چیئرمین تحریکِ انصاف نے مزید کہا ہے کہ حکمرانوں نے ہر قسم کی چوری، منی لانڈرنگ اور ٹیکس چوری کی ہے، دولت بچانے کیلئے جہموریت تباہ کی جارہی ہے، اپنی کرپشن چھپانے کیلئے سب اسمبلی میں اکھٹے ہوجاتے ہیں۔

عمران خان نے کہا کہ یہ قوم جاگ چکی ہے اب کوئی برداشت نہیں کریں گا، حکومت عدالتوں کے احکامات تسلیم نہیں کرتی۔

انھوں نے کہا ہے کہ دولت بچانے کیلئے حکمرانوں کوجہموریت یاد آجاتی ہے۔

عمران خان نے آئی اسلام آباد طاہر عالم کو مخاطب کرتے ہوئے کہا ہے کہ تمہیں چھپنے کی جگہ نہیں ملے گی،انکا کہنا تھا کہ میرے گھر پولیس بھیج کر مجھے ڈرانے کی کوشش کی جارہی ہے۔

عمران خان کا کہنا ہے کہ حکمرانوں کے ہوتے شفاف تحقیقات نہیں ہوسکتی، جمعہ کوعوام کا سمندر ہوگا۔

تحریک انصاف کے سربراہ  عمران خان  نے آزادی مارچ کے شرکاء سے خطاب کرتے ہوئے کہا کہ پی ٹی وی عمارت میں داخل ہونے ہمار کارکن نہیں تھے، انھوں نے کہا کہ ظلم کے نظام میں کبھی قوم آگے نہیں بڑھتی ۔

عمران خان نے کہا کہ نواز شریف کو کسی کرپشن کی سزا نہیں ملی، ظلم کرنے والوں کو سزر نہیں ملی تو یہ دوبارہ ظلم کرتے رہیں گے۔ انھوں نے کہا کہ جہموریت کے اندر پر امن احتجاج ہمارا حق ہے، عمران خان نے کہا کہ آج گولی لگنے سے ایک کارکن شہید ہوا، کارکنوں کو کسی عمارت میں جانے کیلئے نہیں کہا۔

عمران خان نے کہا ہے کہ جس کسی نے بھی سرکاری ٹیلی ویژن پی ٹی وی یا کسی بھی سرکاری عمارت میں داخل ہونے کی کوشش کی وہ تحریک انصاف کا حصہ نہیں۔

انہوں نے کہا کہ نواز شریف کو 1999 میں سزا مل جاتی تو آج ملک میں امن ہوتا، ملک میں کبھی کمزور کو انصاف نہیں ملتا۔ انہوں نے کارکنوں کو ہدایت کی وہ پی ٹی وی سمیت کسی بھی سرکاری عمارت میں داخل ہونے کی کوشش نہ کریں۔

عمران خان نے کہا کہ تحریک انصاف کسی کوسرکاری عمارت کے اندرجانے کی اجازت نہیں دے سکتی۔۔۔۔امن تب آتا ہے جب سزا اور جزا کا قانون ہوتا ہے۔

انہوں نے کہا کہ اگر ماڈل ٹاؤن واقعے کی سزا مل جاتی تو ہفتے کی رات یہ ظلم نہیں ہوتا اور نوازشریف سے فوری طور پر استعفیٰ دینے کا مطالبہ کرتے ہوئے دوبارہ انتخابات کا مطالبہ کیا۔

اسلام آباد: پاکستان تحریک انصاف کے چیئرمین عمران خان نے آج شام چھ بجے ریڈ زون کی طرف بڑھنے کا اعلان کردیا، انکا کہنا ہےکہ پُرامن احتجاج کا راستہ روکا گیا تو پھر نہ کہنا عمران خان کی وجہ سے فوج آگئی۔

آزادی مارچ کے شرکاء سےاہم خطاب میں تحریک انصاف کے چیئرمین عمران خان کا کہنا تھا کہ وہ اپنے کارکنوں کے ساتھ ریڈ زون کی طرف نکلیں گے، عمران خان نے کارکنوں سے وعدہ لیا کہ وہ صرف پرامن احتجاج کرینگے۔

عمران خان کا کہنا تھا کہ وزیراعظم ہاؤس اور قومی اسمبلی کے سامنے پرامن احتجاج کریں گے، وزیراعظم نوازشریف اگر اسلام آباد سے رائے ونڈ چلے گئے، تب بھی تو سول نافرمانی کی تحریک حکومت چلنے نہیں دیگی۔

عمران خان نے خطاب میں خدشہ ظاہرکیا کہ اُنہیں گرفتار یا نظر بند کیا جا سکتاہے، تاہم اُنھوں نے وارننگ دی کہ پُرامن احتجاج کا راستہ روکا گیا تو پھرفوج ہی آئے گی، پھر نہ کہنا عمران خان کی وجہ سے فوج آگئی۔

عمران خان نے قومی ، پنجاب اور سندھ اسمبلی سے ارکان کے مستعفی ہونے کا اعلان بھی کیا ، ان کاکہنا تھا کہ خیبر پختون خوا میں حکومت چھوڑنے کے حوالے سے اتحادی جماعت سے مشاورت کی جائے گی۔