Tag: PTI chairman Imran khan

اسلام آباد: پاکستان تحریکِ انصاف کے چئیرمین عمران خان کا کہنا ہے کہ کراچی میں ضمنی انتخابات رینجزر کی نگرانی میں کرائے جائیں، ایم کیو ایم انتخابات پر امن طریقے سے ہونے دے۔

بنی گالہ میں میڈیا سے گفتگو میں پی ٹی آئی کے چئیرمین عمران خان کا کہنا ہے کہ یمن کے معاملے پر پاکستان فریق نہ بنے، ثالثی کردار ادا کرے۔

عمران خان نے کہا کہ ملک میں کہیں نو گو ایریاز نہیں ہونا چاہئے، کراچی پر ہمارا بھی حق ہے ،متحدہ قومی موومنٹ جمہوریت کو نقصان نہ پہنچائے، ضمنی انتخابات کے حوالے سے پولیس پر اعتماد نہیں ۔

عمران خان نے الطاف حسین نے دعوت دی کہ لاہور اور میانوالی سے الیکشن لڑیں، وہ اور ان کی پارٹی ایم کیو ایم کے ساتھ مکمل تعاون کرے گی۔

پی ٹی آئی کے چئیر مین  نے کہا کہ ایم کیو ایم سے درخواست کرتے ہیں کہ این اے 246 پر پر امن ضمنی انتخاب ہونے دیں اور کراچی کے لوگوں کو فیصلہ کرنے کا موقع دیں۔

ان کا کہنا تھا کہ دھاندلی ثابت ہوئی تو ملوث افسران کو پکڑیں گے، جوڈیشل کمیشن پر بیان بازی نہیں ہوگی، جوڈیشل کمیشن کے سامنے ثابت کریں گے کہ مسلم لیگ ن نے 2013 کے عام انتخابات میں 70 لاکھ جعلی ووٹ ڈالے۔

پی ٹی آئی چیرمین کا کہنا ہے کہ خبر ملی ہے کہ پاک فوج کا دستہ سعودی عرب بھجوایا جارہا ہے، 10 سال پہلے بھی اسی طرح جھوٹ بول کر ہمیں امریکا کی جنگ میں دھکیلا گیا تھا، دوسروں کی جنگ میں ہم 50 ہزار لوگ اور اربوں ڈالر گنوائے، اب تک ہم اس جنگ سے نہیں نکلے اور ہمیں دوسری جنگ میں جھونکا جارہا ہے۔

عمران خان نے پیڑولیم مصنوعات کی قمیتوں میں اضافے کی مزمت کی ا ور کہا کہ اس سے قبل دھرنے کی وجہ سے قیمتیں کم کی گئیں، پارلیمنٹ میں اس ناانصافی پر کوئی بولنے والا نہیں کیونکہ تمام جماعتوں نے مک مکا کررکھا ہے۔