Tag: PTI chairman

اسلام آباد: پاکستان تحریک انصاف کر سربراہ عمران خان نے دھرنے کے شرکاء سے خطاب کرتے ہوئے کہا ہے کہ نوازشریف فوری طور پر مستعفی ہوجائیں ، پورا پاکستان مخالف ہے، لوگوں پر گولیاں برسائی گئیں تو وہ پارلیمنٹ واپس میں جان بچانے کے لئے داخل ہوئے۔،

انہوں نے کہا کہ میں چودہ ماہ سے کہہ رہا تھا کہ انصاف نہ ملا تو سڑکوں پر آئیں گے، نوازشریف کے استعفے کے بغیر انصاف نہیں ملے گاانھوں نے میڈیا کے کردار کو سراہتے ہوئے کہا کہ نواز شریف کے گلو بٹوں نے جس طرح سے میڈیا اور صحافیوں پر تشدد کیا ہے، وہ قابل مذمت ہے۔

عمران خان نے اپنے کارکنوں کو پر امن رہنے کی تلقین کرتے ہوئے کہا کہ وہ ڈاکٹر طاہر القادری سے بات چیت کرکے اگلے لائحہ عمل طے کریں گے۔

پی ٹی آئی چیئرمین نےکہا کہ وزیراعطم نواز شریف کے پاس اب اخلاقی طور پر وزیراعظم رہنے کا کوئی جواز نہیں ہے۔

عمران خان کا کہنا تھا کہ مظاہرین اور پولیس میں لڑائی کی خبریں مل رہی ہیں، آگے جانے والے کارکن پر امن رہیں، اگر پولیس کچھ نہیں کر رہی تو آپ بھی پر امن رہیں، ایسی کوئی حرکت نہ کی جائے جس سے لڑائی ہو، ان کا کہنا تھا کہ  ہم پہلے بھی پر امن تھے اور آئندہ بھی پر امن رہیں گے، ڈاکٹر طاہرالقادری اپنے کارکنوں سے کہیں کہ پر امن رہیں۔

واضح رہے کہ آج صبح مظاہرین  کی جانب سے  ریڈ زون میں پولیس پر پتھراؤ کیا جس کے بعد ایک بار پھر ریڈ زون میدان جنگ بن گیا، مظاہرین وفاقی سیکرٹریٹ کا گیٹ توڑ کر اندر داخل ہو گئے اور منسٹرز ہاؤسز کی جانب پیش قدمی شروع کر دی، تاہم پاک فوج کے اہلکاروں نے مظاہرین کو واپس پیچھے بھیج دیا۔

اسلام آباد: عمران خان کا آزادی مارچ کے شرکاء سے خطاب کرتے ہوئے کہا کہ آج فائنل میچ ہے،عوام دھرنے میں پہنچیں، وزیراعظم کےاستعفےتک یہاں سے کہیں نہیں جاؤں گا۔

عمران خان کا کہا ہے کہ میں سمجھ رہا تھا آج میچ کا سیمی فائنل ہوگا، مگر مجھے تو آج میچ کا فائنل نظر آرہا ہے۔

عمران خان نے اسلام آباد میں دھرنے کے شرکاء سے خطاب کرتے ہوئے کہا کہ نوازشریف نے تاریخ کی سب سے بڑی دھاندلی کرائی اور تحقیقات ہونے تک ان کو استعفیٰ دے دینا چاہیے، دھاندلی کرنے والوں پر آرٹیکل 6 کا اطلاق ہوتا ہے۔

 انہوں نے اعلان کرتے ہوئے کہا کہ اگرآپ چلے بھی جائیں تو میں یہیں ہوں، پیچھے نہیں ہٹوں گا، قوم کو ظالموں سے آزاد کرانے تک یہاں سے نہیں جاؤں گا۔

عمران خان نے کہا کہ نواز شریف نے پہلے پرویز مشرف سے مک مکا کیا پھر آصف زرداری سے معاملات ٹھیک کئے، یہ لوگ آصف زرداری کے بارے میں بڑی بڑی بات کرتے تھے اور جب وقت آیا تو نوازشریف آصف زرداری کے ڈرائیور بن گئے، نواز شریف سن لیں انہیں آصف زرداری نہیں بچاسکتے کیونکہ عوام نے فیصلہ کرلیا ہے۔

عمران خان نے کہا کہ شام کو لائحہ عمل کا اعلان کرکے نواز شریف غلط فہمی دور کروں گا، عمران خان نے شہباز شریف پر تنقید کرتے  ہوئے کہا کہ ایسا صرف حسنی مبارک کی جمہوریت میں ہوسکتا ہے، شہباز شریف کو آج شام استعفیٰ دے دینا چاہیے۔

عمران خان نے  کہا کہ انتخابی دھاندلی میں نواز شریف، جسٹس رمدے اور نجم سیٹھی شامل تھے، شریف برادران استعفیٰ نہیں دیں گے کیونکہ ان کے پاس طاقت ہے، نواز شریف اور شہباز شریف قانون خرید سکتے ہیں، لوگوں کو خریدو یا انہیں ڈراؤ، یہ شریفوں کی جمہوریت ہے۔