Tag: PTI chairman

چترال : پاکستان تحریک انصاف کے سربراہ عمران خان کا کہنا ہے کہ بادشاہت دیکھنی ہے تو شہزادی مریم کو آج دیکھ لیتے، کرمنل انکوائری کیلئے جے آئی ٹی نے سوال پوچھنے مریم شہزادی کو بلایا تھا، مغل اعظم، شہزادے اور شہزادیاں ایسے پیش ہو رہے ہیں، جیسے ظلم ہورہا ہے۔

چیئرمین پی ٹی آئی عمران خان نے چترال یونیورسٹی میں تقریب سے خطاب کرتے ہوئے کہا کہ جب کوئی حکمران قوم سے وعدہ کرے تو اسے پورا کرنا چاہیے،ہمارا دینی فرض ہے اپنے وعدوں پر قائم رہیں۔

عمران خان نے کہا کہ گلگت بلتستان کے لوگ اپنے گھروں میں تالے نہیں لگاتے، گلگت کے ایک تھانے گیا کبھی قتل کا کوئی مقدمہ درج نہیں ہوا، ایسا ہی ماحول چترال میں دیکھا، جس کی خوشی ہے۔

انھوں کا کہنا تھا کہ میرٹ ہی کی وجہ سے ملک ترقی کرتا ہے، یہاں میرٹ پر سلیکشن نہیں ہوتی، سفارشی بھرتیاں کی جاتی ہیں،خاندان کے لوگوں کو میرٹ کے بغیر بھر دیا جائے تو ادارہ تباہ ہوجاتا ہے۔

چیئرمین پی ٹی آئی نے کہا کہ چترال میں سیاحت کے فروغ کے کئی مواقع ہیں، غیر ملکی یہاں آرہے ہیں،مقامی سیاحت جیسی آج ہے ایسی کبھی نہیں تھی، چترال یونیورسٹی میں سیاحت کا مضمون ہونا چاہیے۔

عمران خان نے مزید کہا کہ بادشاہت دیکھنی ہے تو شہزادی مریم کو آج دیکھ لیتے، کرمنل انکوائری کیلئے جے آئی ٹی نے سوال پوچھنے مریم شہزادی کو بلایا تھا، جےآئی ٹی سے جو بھی باہرنکلتا ہے، عمران خان کی تعریفیں شروع کر دیتا ہے، عمران خان نے جے آئی ٹی نہیں بنائی سپریم کورٹ نے بنائی ہے۔

تحریک انصاف کے سربراہ کا کہنا تھا کہ مغل اعظم، شہزادے اور شہزادیاں ایسے پیش ہو رہے ہیں، جیسے ظلم ہورہا ہے، ہاتھ ایسے ہلایا جارہا ہے، جیسے پتہ نہیں کیا ہورہا ہے، مغل اعظم کے شہزادوں اور شہزادی کوسلیوٹ کیےجارہےہیں، میرٹ کی دھجیاں اڑائی جارہی ہے،کس حیثیت سے سلیوٹ کیے جارہےہیں۔

انھوں نے کہا کہ پہلے والد پھر ان کے بیٹے خود ساختہ شہزادے بنے ہوئےہیں، چوریاں یہ کر رہے ہیں، اربوں کی جائیدادیں بنائی ہوئی ہیں، اربوں پتی بنے ہوئے ہیں، سوال پوچھنا کہ پیسہ کہاں سے آیا ہمارا حق ہے ہم پیسوں کا سوال کرتے ہیں تو کہتے ہیں ظلم ہوگیا۔

عمران خان کا کہنا تھا کہ میرٹ کا مطلب انصاف ہوتا ہے، خیبرپختونخوا حکومت دیکھ لیں، نوازشریف کی بیٹی بھی ایک عام شہری ہی ہیں، کرمنل انویسٹی گیشن کے لیے مریم نواز کو آج بلایا گیا تھا، 5 میں سے 2ججز نے کہہ دیا نوازشریف صادق اور امین نہیں رہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اسلام آباد : پاکستان تحریک انصاف کے سربراہ عمران‌ خان کا کہنا ہے کہ بڑی شرم کی بات ہے نوازشریف کو بولنے کا موقع ہی نہیں دیا گیا، ڈونلڈٹرمپ کے بیان کے بعد نوازشریف کو جواب تو دینا چاہئے تھا۔

اسلام آباد میں پی ٹی آئی کے چیئرمین عمران خان نے میڈیا سے گفتگو کرتے ہوئے کہا کہ خوش آئند ہے عدالت نے کہا تحقیقات60 دن میں ہی ہوگی، سپریم کورٹ نے کہا ہے یہ کرمینل انوسٹی گیشن ہے، بڑی شرم کی بات ہے نوازشریف کو بولنے کا موقع ہی نہیں دیا گیا، ڈونلڈٹرمپ کے بیان کے بعد نوازشریف کو جواب تو دینا چاہئے تھا۔

عمران خان نے کہا کہ جس ملک نے امریکا کی جنگ لڑی ٹرمپ نے اس کانام ہی نہیں لیا، دہشت گردی کے خلاف جنگ میں پاکستان نے بڑی قربانیاں دیں، ڈونلڈٹرمپ نے اپنے خطاب میں صرف بھارت کا نام لیا ہے، ڈونلڈ ٹرمپ نے کشمیریوں کا ذکر تک نہیں کیا ہے، ٹرمپ نے فلسطین کے منتخب نمائندوں کو دہشت گرد کہہ دیا۔

تحریک انصاف کے سربراہ کا کہنا تھا کہ جس کے خلاف کرمینل انوسٹی گیشن ہورہی ہے وہ پاکستان کی نمائندگی کررہا ہے، پاکستانی قوم نوازشریف کے رویے سے بہت مایوس ہے، نوازشریف کو پاکستان، کشمیر، فلسطینیوں کی بات کرنی چاہئے تھی۔

چیئرمین پی ٹی آئی نے کہا کہ ہم نہیں چاہتے کہ مسلم دنیا تقسیم ہو، نوازشریف نے یہی کرنا تھا تو سعودی عرب گئے کیوں، نوازشریف نے تقریر تیار کرنے میں 6گھنٹے لگا دیئے، یہ نیٹ پریکٹس کرتے رہے انہوں نے میچ ہی نہیں کھلایا، نوازشریف کو 12واں کھلاڑی بناکر باہر بٹھا دیا گیا، پی آئی اے کے کروڑوں روپے لگے،اپنے وکیل کوبھی ساتھ لے گئے۔

انکا مزید کہنا تھا کہ سوشل میڈیا پر اپنی رائے کے اظہارسے کسی کوروکا نہیں جاسکتا، فوج کے خلاف تو حکومت نے ڈان لیکس میں بات کی ہے، سوشل میڈیا پربات کرنے والوں کو پکڑپکڑ کربند کیاجارہا ہے، سوشل میڈیا پر بات کرنا جمہوریت کا حصہ ہے، سوشل میڈیا پر بات کرنے والوں کو پکڑنا جمہوریت تباہ کرنا ہے۔

عمران خان نے کہا کہ جنرل باجوہ سے جنرل راحیل کے رول سے متعلق پوچھا تھا، جنرل باجوہ نے بتایا تھا کہ جنرل راحیل کارول ہوگا ، مسلمان ممالک آپس میں نہ لڑیں، ہم چاہتے تھے جے آئی ٹی کی کارروائی کا پوری قوم کو پتہ چلے، عدالت نے بتایا کہ کرمینل انوسٹی گیشن ہےعام نہیں کرسکتے۔

انھوں نے ایک بار دھمکی دی کہ  انصاف نہیں ملے گا تو میں سٹرکوں پر آؤں گا، زور لگائیں گے نیوٹرل امپائر کیساتھ میچ کھیلیں، کوشش کریں گے تمام جماعتوں کو ساتھ ملائیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اسلام آباد : پاکستان تحریک انصاف کے چیئرمین عمران خان کا کہنا ہے کہ خیبر پختونخواہ میں غیر حاضر اساتذہ کو سزا دی جا رہی ہے۔

تفصیلات کے مطابق پی ٹی آئی کے چیئرمین عمران خان نے سماجی رابطے کی ویب سائٹ ٹوئٹر اپنے پیغام میں کہا ہے کہ پہلی بارکے پی کے کے سرکاری اسکولوں میں غیرحاضراساتذہ کوسزا دی گئی،خیبر پختونخوا میں میرٹ پر انعام دیا جاتا ہے۔

blockquote class=”twitter-tweet” data-lang=”en”>

In KP merit is rewarded and absentee teachers punished for the first time in govt schools https://t.co/4ct7DUqc6h

— Imran Khan (@ImranKhanPTI) March 29, 2017

انہوں نے مزید کہا کہ تحریک انصاف نے عوام سے سب کا احتساب کرنے کا وعدہ کیا ہے۔

مزید پڑھیں : کے پی کے، تعلیم کے شعبے میں تین تاریخی فیصلے کیے ہیں، عمران خان

یاد رہے اس سے قبل گذشتہ ماہ تحریک انصاف کے سربراہ عمران خان کا کہنا تھا کہ خیبر پختونخواہ نے تعلیم کے شعبے میں تین اہم تاریخی فیصلے کیے ہیں، جس سے تعلیمی معیار بلند اور شرح خواندگی میں خاطر خواہ اضافہ ہوگا۔

جس میں قرآن مجید کی ترجمہ سمیت تعلیم، پرائمری اسکولوں میں صرف خواتین اساتذہ کی تعیناتی اور 5 سے 16 سال تک کی عمر بچوں کی تعلیم کو مفت اور لازمی قرار دے دیا گیا ہے۔