کراچی : تحریکِ انصاف کی بہتر معاشی پالیسیوں کی نتیجے میں رواں مالی سال کے دس ماہ میں برآمدات چھبیس ارب پچیس کروڑ ڈالر ہوگئیں۔
ادارہ شماریات کے مطابق مالی سال میں ملکی برآمدات میں چھبیس فیصد اضافہ سامنے آیا ہے، گزشتہ مالی سال کے اسی عرصے میں برآمدات بیس ارب نوے کروڑ پچاس لاکھ ڈالر تھیں۔
تحریکِ انصاف حکومت کی معاشی پالیسی کے ثمرات سامنے آنے لگے کسانوں کو ریلیف سے کپاس سمیت بڑی فصلوں کی پیداوار میں نمایاں اضافہ ہوا ہے۔ صنعتوں کو ریلیف کا پھل زیادہ ایکسپورٹ کی صورت ملنے لگا۔
رپورٹ کے مطابق ٹیکسٹائل کی برآمدات ملکی تاریخ کی بلند ترین سطح پر پہنچ گئیں جبکہ مجموعی برآمدات تقریباً چھبیس فیصد زیادہ ہوئی ہے۔
رواں مالی سال کے دس ماہ میں برآمدات سوا چھبیس ارب ڈالر ہوگئیں۔ ادارہ شماریات کے مطابق گزشتہ مالی سال اسی عرصے میں برآمدات صرف بیس ارب نوے کروڑڈالر تھیں۔ اپریل دوہزاراکیس میں برآمدات دوارب بائیس کروڑ ڈالرتھیں۔
اس سال اپریل میں برآمدات دو ارب نوے کروڑ ڈالر رہیں۔ دس ماہ کے دوران ٹیکسٹائل برآمدات میں ریکارڈ چھبیس فیصد اضافہ ہوا۔۔ جولائی تا اپریل ٹیکسٹائل برآمدات پندرہ ارب اٹھانوے کروڑڈالر رہیں۔
گزشتہ مالی سال کے دس ماہ میں بارہ ارب اڑسٹھ کروڑ ڈالر کی ٹیکسٹائل برآمدات تھیں، اپریل میں پچھلے مالی سال کے مقابلے میں ٹیکسٹائل سیکٹر کی برآمدات میں ایک چوتھائی سے بھی زیادہ اضافہ ہوا۔
اسلام آباد : وزارت خزانہ نے ملکی قرضوں اور معیشت سے متعلق بیان جاری کیا ہے جس میں بتایا گیا ہے کہ عوامی قرضہ مالی سال2021میں کم ہوکرجی ڈی پی کا72فیصد ہوا۔
وزارت خزانہ کی رپورٹ کے مطابق مالی سال2020میں عوامی قرضہ جی ڈی پی کا76.6فیصد تھا، سال 2018سے2022کے دوران عوامی قرضہ3.3فیصد شرح سے بڑھا۔
سال2013سے2018کےدوران عوامی قرضہ8.2فیصد شرح سے بڑھا، کورونا وبا کے باوجود پاکستان اپنے قرض کا حجم کم کرنے میں کامیاب رہا۔
وزارت خزانہ کے مطابق جولائی2018تا فروری2022 کے دوران5ٹریلین نئے قرضے لئے گئے، ساڑھے3سال کے یہ قرضے اس مدت کے بنیادی خسارے کے برابر ہیں۔
گزشتہ10سال کے حاصل قرض پر ساڑھے 3سال میں9 کھرب سود ادائیگی ہوئی، زر مبادلہ کی شرح اور بیرونی قرضوں کا تخمینہ4.4ٹریلین روپے لگایا گیا ہے۔
رپورٹ میں بتایا گیا ہے کہ پی ٹی آئی حکومت نے ساڑھے 3سال میں5ٹریلین روپے کے نئے قرض لئے، یہ تمام قرضے غریب ترین گھرانوں اور عوام کی فلاح وبہبود پر خرچ کیلئے لئے گئے۔
کورونا بحران کے دوران حکومت نے2.5ٹریلین کا ریکارڈ مالیاتی پیکیج دیا، یہ پیکیج جی ڈی پی کے6فیصد یا16بلین ڈالر کے مساوی قرار دیا گیا، احساس پروگرام کے ذریعے15ملین خاندانوں کو نقد امداد دی گئی۔
وزارت خزانہ کی رپورٹ کے مطابق پروگرام میں آبادی کے تقریباً45فیصد حصے کو ریلیف دیا گیا، اس کے علاوہ حکومت نے12.7کروڑ سے زیادہ شہریوں کومفت ویکسی نیشن فراہم کی۔
صارفین کے ریلیف کے لیے تمام پیٹرولیم مصنوعات پر ٹیکس صفرکیا گیا، قیمتیں منجمد کرکے پیٹرول150روپے فی لیٹرپر فراہم کیا گیا۔
رپورٹ میں بتایا گیا ہے کہ بنگلادیش میں پیٹرول187روپے اوربھارت میں244روپے لیٹر ہے، کم اور متوسط گھرانوں کو ماہانہ بلوں میں5روپے فی یونٹ ریلیف دیا گیا۔
عوام کو توانائی شعبےمیں300ارب روپے کا ریلیف فراہم کیا گیا، احساس راشن اسکیم، صحت انصاف کارڈ فلاح وبہبود کے منصوبے شروع کئے۔
پشاور: خیبرپختونخواہ کے وزیربرائے سیاحت عاطف خان کی ہدایت پر صوبے کے خوبصورت اور دل کش مناظر سے بھرپور ویڈیو جاری کردی گئی۔
تفصیلات کے مطابق تحریک انصاف کے آفیشل ٹویٹر اکاؤنٹ سے خیبر پختونخوا کے دلکش مقامات پر مبنی ویڈیو جاری کی گئی جس میں بتایا گیا ہے کہ مذکورہ ویڈیو سینئر صوبائی وزیر عاطف خان کی ہدایت پر تیار کی گئی۔
سیاحت کے فروغ کے لئے عاطف خان کی ہدایت پر صوبہ بھر کے خوبصورت مقامات کی منظر کشی کی گئی جبکہ مستقبل میں اس طرز کی ویڈیوز سامنے لائی جائیں گی۔
تحریک انصاف کے مطابق ویڈیو کو سوشل میڈیا پلیٹ فارم کے ذریعے دنیا بھر میں پھیلایا جائے گا تاکہ غیر ملکی سیاح پاکستان کے سیاحتی مقامات کا دورہ کریں۔
خیبر پختونخوا کے دلکش مقامات پر مبنی ویڈیو جاری۔
سیاحت کے فروغ کے لئے عاطف خان کی ہدایت پر صوبہ بھر کے خوبصورت مقامات کی منظر کشی کی گئی ہے۔
حکومت کی جانب سے سیاحوں کے لیے نئی ویزا پالیسی کا اعلان بھی کیا گیا جس کے تحت 50 ممالک کے سیاحوں کو آن ارائیول اور 175 کو ای ویزا سہولت فراہم کی جائے گی۔
ایک روز قبل 6 فروری کو وزیراعظم عمران خان نے خیبرپختونخواہ کے ہزارہ ڈویژن سے منتخب ہونے والے اراکین سے خصوصی ملاقات کی تھی جس میں وزیر توانائی عمر ایوب، پرنس لواز الائے، صالح محمد، علی خان جدون، عظمیٰ ریاض، نعیم الحق، ندیم افضل گوندل، ملک عامر ڈوگر اور ارشد داد بھی موجود تھے۔
اس موقع پر وزیر اعظم کا کہنا تھا کہ گزشتہ 3 سالوں کے دوران سیاحت بڑھنے کی وجہ سے خیبرپختونخوا میں غربت کا تناسب کم ہوا اس ضمن میں حکومت سیاحت کو فروغ دینے کے لیے اقدامات کررہی ہے۔
یاد رہے کہ پاکستان کا شمار اُن ممالک میں ہوتا ہے جو قدرتی وسائل اورحُسن سے مالا مال ہے یہی وجہ ہے کہ یہاں کے تمام ہی علاقے اپنی علیحدہ جغرافیائی خصوصیت اور منفرد حسن رکھتے ہیں۔
پاکستان کے شمالی علاقوں اور بالخصوص خیبرپختونخواہ کے علاقے سوات کو یورپی ملک سوئٹزر لینڈ کے ہم پلہ قرار دیا جاتا ہے، یہاں کے قدرتی حسن کو دیکھنے کے لیے سیاح دور دراز علاقوں سے آتے ہیں۔
پاکستان میں دہشت گردی کے خلاف جاری آپریشن کی کامیابی کے بعد غیر ملکی سیاحوں کی ایک بار پھر آمد کا سلسلہ جاری ہوگیا۔
اسلام آباد: وفاقی حکومت کا یوتھ ٹریننگ اسکیم کے لیےوظیفہ جاری کرنے کا فیصلہ کرلیا گیا ہے ، خصوصی گرانٹ کی منظوری وفاقی کابینہ کے ایجنڈے میں شامل ہیں ، عثمان ڈار کا کہنا ہے کہ کابینہ سےمنظوری کی صورت میں ہرنوجوان کےبقایا جات ادا کریں گے۔
تفصیلات کے مطابق حکومت کی جانب سے ملک بھر کے 87 ہزار نوجوانوں کے لیے اچھی خبر سامنے آگئی ، وفاقی حکومت نے یوتھ ٹریننگ اسکیم کے لیے وظیفہ جاری کرنے کا فیصلہ کرلیا ہے۔
[bs-quote quote=”کابینہ سےمنظوری کی صورت میں ہر نوجوان کےبقایا جات ادا کریں گے” style=”style-7″ align=”left” author_name=”عثمان ڈار”][/bs-quote]
خصوصی گرانٹ کی منظوری وفاقی کابینہ کے ایجنڈے میں شامل ہیں۔
وزیراعظم کے معاون خصوصی عثمان ڈار نے کہا کہ سابق حکومت نے 87ہزار نوجوانوں کو وظیفہ کی ادائیگی روک رکھی تھی، وظیفے نہ ملنے سے ہزاروں نوجوان پریشان تھے۔
عثمان ڈار کا کہنا تھا کہ وزیراعظم اوروزیرخزانہ سےنوجوانوں کا مسئلہ حل کرنے کی درخواست کی، کابینہ سےمنظوری کی صورت میں ہر نوجوان کےبقایا جات ادا کریں گے، سابق حکومت نےسہولت دینے کی بجائے وظیفہ کی رقم روک دی تھی۔
یاد رہے 18 جنوری کو حکومت نے ملکی تاریخ میں پہلی بارنوجوانوں سےمتعلق قومی سروے کرانے کا فیصلہ کیا تھا اور عثمان ڈار نے”کامیاب نوجوان” کے نام سے منصوبے کی منظوری دے دی ہے، پروگرام کا باقاعدہ آغاز وزیراعظم عمران خان خود کریں گے۔
معاون خصوصی کا کہنا تھا کہ کس صوبےمیں نوجوانوں کوکون سے مسائل ہیں حکومت پتہ لگائےگی، حکومت سروے کے دوران ہر نوجوان کی ذاتی رائے لےگی، سروے رپورٹ آتے ہی نیشنل یوتھ ڈویلپمنٹ پروگرام شروع کردیاجائےگا۔،
اس سے قبل اقوام متحدہ کے کاؤنٹر ٹیررازم ڈیپارٹمنٹ نے وزیراعظم یوتھ پروگرام میں بھرپور معاونت کااعلان کیا تھا جبکہ فاٹاکےنوجوانوں کےلئےاسکل ڈویلپمنٹ پروگرام شروع کرنے کا فیصلہ کیا گیا، اسکل ڈیولپمنٹ پروگرام 3لاکھ ڈالر کی لاگت سے شروع کیا جائےگا۔
عثمان ڈار کا کہنا تھا کہ اقوام متحدہ کی جانب سےنوجوانوں کی معاونت وفاقی حکومت کی کامیابی ہے، نوجوانوں کےلئےمنصوبوں کی شروعات ہوچکی،مزیدخوشخبریاں سنائیں گے، چین نے بھی سرکاری سطح پر نوجوانوں کے لئے اقدامات کا آغاز کردیا۔
اسلام آباد : پی ٹی آئی حکومت کی حالیہ کارکردگی سے متعلق سروے میں پچاس فیصد سے زائد پاکستانیوں نے اطمینان کا اظہار کیا ہے، لوگوں نے موجودہ حکومت کی کارکردگی گزشتہ حکومت سے بہتر قرار دی۔
تفصیلات کے مطابق پاکستان تحریک انصاف کی حکومت نے عوام کی پذیرائی حاصل کرلی،51 فیصد پاکستانی عوام کا خیال ہے کہ حکومت کی کارکردگی اطمینان بخش ہے۔
پی ٹی آئی حکومت کارکردگی کےحوالے سے گیلپ سروے میں کہا گیا ہے کہ38فیصد پاکستانیوں نے عمران خان کی کارکردگی کو اچھا قرار دیا، جبکہ 13فیصد پاکستانیوں نے حکومت کی کارکردگی کو بہت ہی اچھا قرار دیا۔
گیلپ سروے کے مطابق26فیصد شہریوں کی رائے ہے کہ موجودہ حکومت کی کارکردگی اچھی نہیں رہی، اس کے علاوہ20فیصد عوام پی ٹی آئی حکومت کی کارکردگی سے غیر مطمئن نظر آئے۔
مذکورہ سروے عوامی رائے کا جائزہ لینے والے ادارے گیلپ اینڈ گیلانی کی جانب سے کیا گیا ہے، جس میں1141افراد نے حصہ لیا۔ ادارے کا کہنا ہے کہ سروے میں ملک بھر کے مختلف شعبہ جات سے تعلق رکھنے والے افراد سے گفتگو کرکے ان کی رائے کا جائزہ لیا گیا۔
گیلپ اینڈ گیلانی کے زیر اہتمام ملک کے چاروں صوبوں میں کیے جانے والے سروے میں عوام سے سوال پوچھا گیا تھا کہ اُن کی رائے میں وزیر اعظم عمران خان کی 2018 کے انتخابات جیتنے کے بعد اب تک کارکردگی کیسی رہی۔
کراچی : نئی حکومت نے اپنے پہلے سو دن میں عوام سے کیے گئے وعدے نبھانے میں کمال کر دکھایا، کرپشن کے خلاف محاذ گرم رکھا، پاکستان سفارتی سطح پر مضبوط اور وزیر اعظم کے غیرملکی دوروں نے معیشت کی ڈوبتی کشتی کو سہارا دیا۔
پی ٹی آئی کے پہلے سو دن کے بڑے اقدامات پر ایک رپورٹ کے مطابق پی ٹی آئی حکومت نے اقتدار سنبھالتے ہی پہلے سو دن کی سمت متعین کرنے کیلئے بڑے اقدامات کیے، ماضی کے حکمرانوں کی ساری شاہ خرچیاں بند کرکے سرکاری اخراجات میں نمایاں کمی کر دی۔
غریبوں کے لیے پچاس لاکھ گھر بنانے کے لیے بڑی پیش رفت کی اور وزیراعظم سے براہ راست رابطے کے لیے بڑا قدم اٹھایا، پہلے سو دنوں میں ہی تبدیلی کا نعرہ سچ کر دکھایا اور پی ٹی آئی حکومت نے عوام کے دل جیت لیے۔
وزیر اعظم بنتے ہی انتخابی نعرے بھلا دینے والے لیڈروں کے برعکس کپتان کرپشن کے خلاف ڈٹ گئے، پہلے دن کے موقف میں معمولی سی لچک بھی نہ دکھائی اور کرپشن کے تمام بڑے بت گرا دینے کا مشن اب بھی جاری ہے۔
وزیراعظم عمران خان نے عہدہ سنبھالا لیکن وزیر اعظم ہاؤس کی شاہ خرچیوں کے قریب نہیں گئے، سرکاری افسران بھی کم کیے، وزیراعظم ہاؤس کی قیمتی گاڑیاں، ہیلی کاپٹر اور بھینسیں تک نیلام کرائیں اور رقم قومی خزانے میں جمع کرائی، وزیراعظم ہاؤس کو یونیورسٹی بنانے کا اعلان کیا اور گورنر ہاؤس ملکی تاریخ میں پہلی بار عوام کے لیے کھول دئیے گئے۔
سرکاری اداروں کے اخراجات میں واضح کمی کر دی گئی، غریبوں کے لیے 50 لاکھ گھر بنانے کا عہد پورا کرنے کے لیے بڑے اقدامات کیے گئے،نہ صرف پالیسی بنالی بلکہ رجسٹریشن فارم جمع کرنے بھی شروع کر دئیے گئے، پہلی بار عوام کا براہ راست وزیراعظم سے رابطہ کرنے کیلئے سیٹیزن پورٹیل کا قیام عمل میں لایا گیا۔ کرپشن، انسانی حقوق اور قبضہ مافیا کیخلاف شکایات پر فوری نوٹس لیا جارہا ہے ۔
اس کے علاوہ وزیر مواصلات کا بڑا کارنامہ بھی عوام کے سامنے ہے، موٹروے اور ہائی ویز پر سفر آسان بنا دیا گیا،12ہزار کلومیٹر شاہراہ کی مکمل تفصیل صرف ایک موبائل ایپ پر دستیاب ہے، سڑک کہاں بند اور کہاں کھلی ہے؟ موسم کیسا ہے؟ مسافر سب جانیں اور شکایت کے لیے حکام سے رابطہ کریں۔
پاکستان کی تاریخ میں پہلی بار سرکاری افسران اور سیاسی شخصیات کے بلاجواز غیرملکی دوروں پر پابندی عائد کی گئی اور بیرون ملک علاج کی سہولت بھی ختم کرکے سرکاری خزانے کو محفوظ بنادیا گیا، اس کے علاوہ کھلے آسمان تلے موجود بے گھر افراد کو پہلی بار حکومت کی جانب سے خیمے اور کھانے کی فراہمی شروع کر دی گئی۔
پی ٹی آئی حکومت کے سو دن : پاکستان سفارتی سطح پرمضبوط ہوگیا
سو دن میں پاکستان سفارتی سطح پر مضبوط ہوا، وزیر اعظم کے غیرملکی دوروں نے معیشت کی ڈوبتی کشتی کو سہارا دے دیا، ڈو مور کرنے والے امریکا کو وزیر اعظم نے دوٹوک جواب دیا، کرتاپور بارڈر کھولنے کا اعلان کرکے پی ٹی آئی حکومت نے دنیا بھر کے سکھوں کے دل جیت لیے۔
پی ٹی آئی حکومت نے سو دن میں سفارتی سطح پر بھی کامیابی کے جھنڈے گاڑھ دیئے، حکومت نے مشکل وقت میں پاکستان کی معیشت کو سنبھالا دیا، عالمی دنیا سے تعلقات کو مضبوط بنایا۔
وزیر اعظم عمران خان نے اقتدار سنبھالنے کے بعد سب سے پہلے سعودی عرب کا دورہ کیا، سعودی حکومت نے پاکستان کے لئے چھ ارب ڈالر کا بڑا اعلان کیا، متحدہ عرب امارات کی زمین پر قدم رکھا تو ایک اور نئے دور کا آغاز ہوا، وزیر اعظم کے دورہ چین میں معیشت کو بڑا سہارا ملا، پندرہ معاہدوں اور مفاہمت کی یاد داشتوں پر دستخط ہوئے، ڈالر کے بجائے ادائیگیاں یوان میں کرنے پر بھی اتفاق ہوا۔
سی پیک کے جاری منصوبوں کی بروقت تکمیل کے عزم کا اعادہ کیا گیا، عمران خان کے دورہ ملائیشیا میں بھی بڑی کامیابی ملی، جس میں ویزوں کے جزوی خاتمے کا معاہدہ طے پا گیا۔
وزیراعظم عمران خان نے پاکستان مخالف بیان پر امریکی صدر کو بھی دو ٹوک پیغام دیا، جس کے خواجہ سعد رفیق بھی معترف ہیں، پاکستان نے کرتارپور بارڈر کھولنے کا اعلان کرکے ایک بار پھر بھارت کی طرف دوستی کا ہاتھ بڑھادیا ہے جس کی مودی جی کی طرف سے بھی تعریف کی گئی۔
لندن : سابق چیئرمین سینیٹ اور پی پی رہنما میاں رضا ربانی نے کہا ہے کہ موجودہ حکومت کے ابتدائی50دن مایوسی کی تصویر ہیں، ملک میں مہنگائی کا طوفان برپا ہوچکا ہے۔
ان خیالات کا اظہار انہوں نے لندن پہنچنے کے بعد ہیتھرو ایئرپورٹ پر میڈیاسے گفتگو کرتے ہوئے کیا، انہوں نے کہا کہ سیاسی انتقام ہردور میں ہوا ہے مگر ملک میں احتساب کا یکساں نظام ہونا چاہیے۔
ملک میں مہنگائی کا طوفان برپا ہوچکا ہے، پاکستان میں سی این جی پیٹرول سے بھی مہنگی ہوگئی ہے۔
رضاربانی کا مزید کہنا تھا کہ پاکستان میں جمہوریت کا تسلسل بہتری کی نوید ہے، موجودہ حکومت نے آئی ایم ایف کے پاس نہ جانے کا اعلان کیا تھا، این ایف سی ایوارڈ میں صوبوں کاحصہ کم کیا جانا ممکن نہیں۔
اسلام آباد: پاکستان تحریک انصاف کی حکومت کی جانب سے عوام کیلئے ایک اور تحفہ متوقع ہے، پٹرول کے بعد بجلی میں بھی ریلیف دیئے جانے کا امکان ہے۔
تفصیلات کے مطابق گزشتہ دو ماہ سے عوام کو پیٹرولیم مصنوعات کی قیمتوں میں ریلیف دینے کے بعد بجلی کی قیمت میں بھی ریلیف متوقع ہے، وزارت خزانہ ذرائع کے مطابق بجلی کی قیمتوں میں اضافے کی سمری ایک بار پھر روکی جاسکتی ہے۔
اقتصادی رابطہ کمیٹی کا اجلاس کل ہوگا، اجلاس میں صرف ایل این جی معاہدوں کی رپورٹ پر غور متوقع ہے۔
خیال رہے اقتصادی رابطہ کمیٹی کے پچھلے اجلاس میں بھی بجلی کی قیمتوں میں اضافے کی سمری پر فیصلہ موخر کیا گیا تھا اور ساتھ ہی بلز کی 100 فی صد وصولی یقینی بنانے اور ترسیل وتقسیم کے نقصانات کم سے کم کرنے کی ہدایت کی تھی۔
نیپرا نے 3 روپے75 پیسےفی یونٹ اضافے کی تجویزدی تھی۔
دوسری جانب گیس کی قیمتوں میں اضافے کا نوٹیفکیشن تاحال جاری نہیں ہوا ہے، جس کے باعث ابھی بھی گیس پر نئے نرخوں کا اطلاق نہیں ہوا ہے۔
یاد رہے 26 ستمبر کو نیپرا نے بجلی کی قیمت میں اضافے کی منظوری دی تھی، جس کے مطابق اگست کے کیلئے بجلی کی قیمت میں ایک روپیہ سولہ پیسے فی یونٹ کا اضافہ کیا گیا تھا، قیمت میں اضافہ ماہانہ فیول پرائس ایڈجسٹمنٹ کی مد میں ہوا تھا۔
لاہور : سینیٹر سراج الحق نے کہا ہے کہ ناتجربہ کار حکومت پہلے ایکشن کرتی ہے اور بعد میں سوچتی ہے، کھاد، گیس، بجلی اور پیٹرولیم کی قیمتیں بڑھنے سےعام آدمی متاثر ہوگا۔
ان خیالات کا اظہار انہوں نے لاہور میں صحافیوں سے گفتگو کرتے ہوئے کیا۔ سراج الحق نے حکومت پر تنقید کرتے ہوئے کہا کہ نظرثانی شدہ بجٹ بھی حکومت کی ناتجربہ کاری کا مظہر ہے۔
موجودہ حکمران سوچتے بعد میں ہیں اور ایکشن پہلے کردیتے ہیں، حکومت نے جو بھی اقدامات کیے، وہ بغیر ہوم ورک اور تیاری کے کیے، کھاد، گیس، بجلی، پٹرولیم کی قیمتوں بڑھنے سے عام آدمی متاثر ہوگا، اس اضافے سے مہنگائی کا ایک نہ رکنے والا طوفان اٹھے گا۔
سینیٹر سراج الحق کا مزید کہنا تھا کہ حکومت نے ترقیاتی بجٹ میں350ارب کم کردیے، اتنے بڑے کٹ سے ترقیاتی کام متاثرہوں گے، کٹوتی سے فوری مکمل کیے جانے والے کام ادھورےرہ جائیں گے۔
کراچی : پیپلز پارٹی کے ترجمان سنیٹر مولابخش چانڈیو نے کہا ہے کہ عمران خان کی ایک ماہ کی حکومت نے عوام چیخیں نکلوا دی ہیں، لوگوں کو سبز باغ دکھانے والوں نے آتے ہی ہاتھ کھڑے کر دیئے۔
تفصیلات کے مطابق ترجمان پیپلز پارٹی سینیٹر مولابخش چاںڈیو نے منی بجٹ پر ردعمل کا اظہار کرتے ہوئے کہا کہ ایک طرف مہنگائی کی جا رہی ہے تو دوسری طرف ترقیاتی بجٹ کم کر دیا گیا ہے، نواز شریف حکومت نے معیشت تباہ کی، عمران سرکار معیشت کا بیڑا غرق کر دے گی۔
مولابخش چاںڈیو کا کہنا تھا کہ سیلیکٹ سرکار کی کوئی معاشی پالیسی ہے نہ خارجی اور داخلہ پالیسی، ایک ماہ میں حکومت نے پورا زور سویلین مناصب کو بے توقیر کرنے پر لگایا۔
نواز شریف حکومت نے معیشت تباہ کی، عمران سرکار معیشت کا بیڑا غرق کر دے گی
انھوں نے کہا کہ بھینسوں اور گاڑیوں کی نیلامی کا ڈرامہ اور سادگی کی شوبازی سے ملک نہیں چلا کرتے، غریب عوام پر بوجھ ڈال کر کہتے ہیں کہ عوام پر بوجھ نہیں ڈالا جا رہا، بتایا جائے گھریلو ہو کہ صنعتی گیس کی قیمت بڑھنے کا بوجھ عوام پر کیسے نہیں پڑے گا۔
پی پی رہنما کا کہنا تھا کہ حکومت کی عوام دشمنی پہلے ماہ میں ہی کھل کر سامنے آچکی ہے، ایک طرف عوام دشمن اقدامات تو دوسری طرف وفاق کو کمزور کرنے کے اعلانات ہو رہے ہیں۔
انھوں نے مزید کہا وزیراعظم عمران خان کے اعلانات براہ راست وفاق پر وار ہیں، حکومت ہوش کے ناخن لے، عوام اور وفاق دشمن اقدامات پر مزاحمت کریں گے۔
یاد رہے وزیر خزانہ اسد عمر نے قومی اسمبلی میں منی بجٹ پیش کیا، غریب پر بوجھ کم، امراء پر ٹیکس زیادہ نیٹ نان فائلرز کیلئے بینک ٹرانزیکشنز پر ٹیکس میں اضافہ کردیا گیا جبکہ حکومت نے نان فائلرز کو پراپرٹی اور گاڑی خریدنے کی اجازت دے دی ہے جبکہ بڑی گاڑی مہنگی کردی گئی اور مہنگے فونز پر ٹیکس بڑھا دیا گیا۔
حکومت نے برآمدات میں اضافے کیلئے بھی مثبت اقدام اٹھایا، برآمدی سیکٹر کے فروغ کیلئے حکومت نےخام مال پر ریگیولیٹری ڈیوٹی ختم کردی، گیس کی مد میں چالیس ارب روپے کی سبسسڈی دی گئی ہے۔
وزیرخزانہ کاکہنا تھا کہ ٹیکسوں میں اضافہ نئی ٹیکنالوجی کے استعمال سے کیا جائےگا جبکہ سیگریٹ بھی مہنگے کئے گئے ہیں۔
