اسلام آباد: ضلعی انتظامیہ نے پاکستان تحریک انصاف کو کل جلسے کی اجازت دے دی۔
تفصیلات کے مطابق اسلام آباد کی ضلعی انتظامیہ نے پاکستان تحریک انصاف کو کل پریڈ گراؤنڈ میں جلسے کی اجازت دیدی ، ڈپٹی کمشنر اسلام آ باد کا کہنا ہے کہ تحریک انصاف جلسہ رات 11 بجے تک جلسہ ختم کرنے کی پابند ہوگی۔
ڈپٹی کمشنر نے جلسے عام کے موقع پر ٹریفک کی روانی اور سیکورٹی کے لیے پولیس کو ہدایت کردی ہے۔
واضح رہے کہ گزشتہ روز پاناما کیس میں سپریم کورٹ کی جانب سے نواز شریف کی نااہلی کا فیصلہ آنے کے بعد پی ٹی آئی چیرمین عمران خان پریس کانفرنس کرتے ہوئے اتوار کو پریڈ گراؤنڈ میں یوم تشکر منانے کا اعلان کیا تھا۔
عمران خان کا کہنا تھا کہ ایک طویل جدوجہد کی جس کے بعد ہمیں کامیابی ملی ہے۔ اللہ کا شکر گزار ہوں میں نے صرف کوشش کی تھی، کامیابی اللہ نے دی، پاکستان کی عدلیہ کوخراج تحسین پیش کرتا ہوں۔ جے آئی ٹی کے ارکان قوم کے ہیرو ہیں۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
سیالکوٹ : چیئرمین پی ٹی آئی عمران خان نے کہا ہے کہ نواز شریف اگر کرپشن کیخلاف ایکشن لیں گے گے تو خود پکڑے جائیں گے ،ان کے رہتے کرپشن کاخاتمہ نہیں ہوسکتا۔
نواز شریف نے کہا تھا کہ ہم کرپشن کرنے والوں پر ہاتھ ڈالیں گے تو ترقی نہیں ہوگی، عمران خان نے کہا کہ سنگا پور کے لیڈر نے کرپشن ختم کرکے عدل وانصاف دیا،اداروں کومضبوط کیا۔
ان خیالات کا اظہارانہوں نے سیالکوٹ میں ایک بہت بڑے جلسہ عام سے خطاب کرتے ہوئے کیا، انہوں نے کہا کہ سیالکوٹ والوں کا جلسہ میں شرکت اور شانداراستقبال پرشکریہ ادا کرتاہوں۔
چیئرمین پی ٹی آئی کا کہنا تھا کہ جوملک کرپشن کوختم کرتےہیں وہ خوشحال ہوتےہیں جبکہ ہماراوزیراعظم کہتا ہے کہ کرپشن کرنے والوں پرہاتھ ڈالیں گےتو ملک میں ترقی نہیں ہوگی۔ عمران خان نے کہا کہ سنگاپورکو ایک لیڈرملا اور آج وہ پاکستان سے بہت آگے ہے، سنگاپور کے لیڈر نے عدل وانصاف دیا، اداروں کو مضبوط کیا، سنگاپور کے لیڈرنے کرپشن پرہاتھ ڈالا اور وہاں ترقی ہوئی۔
جو ملک اداروں کو مضبوط کرتے ہیں وہاں ترقی ہوتی ہے۔ عرب کے پاس عدل وانصاف تھا اسی لیے دنیا پر حکمرانی کرتے رہے، دوسری قوموں نے مسلمانوں کےانصاف کےنظام کواپنایا، مدینہ میں ایک وقت آیاجب زکواۃ کےلیےکوئی شخص نہیں ملتاتھا، پاکستان مثالی اسلامی فلاحی ریاست بننےکیلئےبنایا گیا تھا۔
جلسے سے خطاب کرتے ہوئے چیئرمین تحریک انصاف عمران خان کا کہنا تھا کہ حکمرانو ں کا ایک چھوٹا سا ٹولہ منی لانڈرنگ کرکے عوام کو غریب کررہاہے، کرپشن صرف نواز شریف کے ذاتی بینک اکاؤنٹس میں ہوتی ہے، فیکٹریاں اور فلیٹس بنتے ہیں لیکن غریب اور غریب ہوجاتا ہے۔
حکمران جن لوگوں سے قرضے لےرہے ہیں وہ ہم پر اپنا حکم بھی مسلط کررہے ہیں، قرضےحکمران وصول کرتےہیں اور اس کا سود عوام دے رہے ہوتےہیں.
آئی ایم ایف نےاسحاق ڈارکو کہاہے40ارب کے مزید ٹیکس لگائیں، قرضہ دینے والے ایران سے گیس لینے کی اجازت نہیں دیتےتھے، قوم فیصلہ کرے کہ کیا ہم نےایسے ہی قرضے لیتےرہنا ہے؟ کیا ہم نےایسے ہی مسلسل مقروض ہوتے رہنا ہے؟
اسلام آباد : عوامی مسلم لیگ کے سربراہ شیخ رشید نے کہا ہے کہ وزیراعظم ملک کے لئے سیکیورٹی رسک بن گئے ہیں، ساری قوم کا ایک ہی نعرہ ہے، گونواز گو، ریاض پیرزادہ نے چوروں کو بے نقاب کردیا۔
ان خیالات کا اظہار انہوں نے اسلام آباد میں تحریک انصاف کے زیر اہتمام جلسے سے خطاب کرتے ہوئے کیا، انہوں نے جلسے میں گو نواز گو کے نعرے لگائے، شیخ رشید کا کہنا تھا کہ میں عمران خان کا ساتھی ہوں اور یہ ہی آخری امید ہیں، گھی سیدھی انگلی سے نہ نکلا تو خان صاحب کی قیادت میں ٹیڑھی انگلی سے نکال کردکھاؤں گا۔
انہوں نے کہا کہ ریاض پیرزادہ نے چوروں کو بے نقاب کردیا ہے اور بھی لوگ بے نقاب ہوں گے، مرنا چاہتا ہوں یا مارنا چاہتا ہوں، نظام سے علم بغاوت بلند کردیا، میاں صاحب مجھے بتائیں کہ کہاں گیا نندی پور پاور پلانٹ، سولرپلانٹ، داسو اور باسوڈیم کی بجلی کہاں چلی گئی؟
ان کا کہنا تھا کہ دو پرچوں میں فیل اور 3 میں سپلی ملی ہے اور وہ کہتے ہیں کہ پپو پاس ہوگیا۔ پانچ کے پانچ ججز نے کہا کوئی منی ٹریل نہیں دی گئی،قطری خط اور دستاویزات کو بکواس قرار دیا، نوازشریف ڈان لیکس کی رپورٹ کو روک رہے ہیں۔
ان کہنا تھا کہ راحیل شریف کوبھیجنے کافیصلہ اسمبلی میں زیربحث آناچاہئے تھا،آج ملک میں وزیرخارجہ ہوتا تواسمبلی میں جنرل راحیل شریف کی تعیناتی پربحث ہوتی جبکہ طارق فاطمی، پرویز رشید اور راؤ تحسین کو بھی قربانی کی بھینٹ چڑھایا جا رہا ہے۔
انہوں نے کہا کہ میں پاکستانی وکلا کو دعوت دیتا ہوں کہ وہ 6 مئی کو سڑکوں پر نکلیں اورپورا پاکستان ان کا تاریخی استقبال کرے گا۔
اسلام آباد: پاکستان تحریک انصاف کے چیئرمین عمران خان نے کہا ہے کہ 10 ارب روپے کی پیشکش کے بیان پر قائم ہوں، حکمراں میرے خلاف عدالت جائیں، پیشکش دینے والے کا نام وہاں بتاؤں گا، یہاں اگر نام لیا تو حکمراں اس شخص کا جینا مشکل کردیں گے۔
یہ بات انہوں نے پی ٹی آئی کے اسلام آباد میں جلسہ عام سے خطاب کرتے ہوئے کہی۔ اسٹیج پر عوامی مسلم لیگ کے سربراہ شیخ رشید، پی ٹی آئی رہنما شاہ محمود قریشی، اسد عمر، جہانگیر ترین اور دیگر موجود تھے۔
امریکا گیا تو چھ گھنٹے ایئرپورٹ پر روکا گیا، حکومت نے کچھ نوٹس نہ لیا
انہوں نے کہا کہ چند برس قبل میں امریکا گیا تو مجھے 6 گھنٹے تک ایئرپورٹ پر روکا گیا لیکن حکومت نے کوئی نوٹس نہیں لیا، جب بھارتی اداکار شاہ رخ خان کو امریکا میں چند گھنٹے روکا گیا تو بھارتی حکومت نے احتجاج کیا، ہماری حکومت اپنے شہریوں کی عزت نہیں کرتی، جب حکومت خود ہی اپنے شہریوں کی عزت نہیں کرتی تو دنیا بھی ان کی عزت نہیں کرتی۔
دس ارب روپے کی پیشکش ملی، بیان پر قائم ہوں
عمران خان نے کہا کہ پاناما کے معاملے پر چپ رہنے کے لیے مجھے 10 ارب روپے کی آفر دی گئی اس بات پر قائم ہوں، ساتھ ہی اس شخص کو بھی دو ارب روپے دینے کی آفر کی گئی،میں اس شخص کا نام اس لیے نہیں لیتا کہ وہ کاروباری شخص ہے حکومت اس کا کاروبار تباہ کردے گی۔
حکمران عدالت چلیں، وہاں نام بتاؤں گا
انہوں نے کہا کہ حکمران میرے خلاف عدالت جائیں میں تیار ہوں یہاں نہیں لیکن عدالت میں اس شخص کا نام ضرور بتاؤں گا اور یہ بھی بتاؤں گا کہ دبئی میں بیٹھے کس شخص نے مجھے آفر دی ساتھ ہی عدالت سے درخواست کروں گا کہ وہ اسے تحفظ فراہم کرے ورنہ حکومت اس کا کاروبار بند کرادے گی کیوں کہ ایک بڑا تاجر پی ٹی آئی میں شامل ہوا تو اس کا اسٹور بند کرادیا گیا۔
نواز اور شہباز قرآن پر ہاتھ رکھ کر کہیں کہ رشوت نہیں لی
انہوں نے کہا کہ شہباز شریف مجھ پر مقدمہ دائر کرکے ہرجانے کا دعویٰ دائر کرنے کی بات کررہے ہیں، نواز اور شہباز شریف قرآن پر ہاتھ رکھ کر کہہ دیں کہ انہوں نے کبھی کسی سے رشوت نہیں لی۔
کون حکمران ہے جو اپنی فوج کو بدنام کرتا ہے
عمران خان نے ڈان لیکس کا حوالے دیتے ہوئے کہا کہ کون سے ملک کے حکمران ہیں جو اپنی فوج کو بدنام کرتے ہیں لیکن نواز شریف اپنی فوج کو بدنام کرنے میں لگے ہوئے ہیں۔
سجن جندال نواز شریف کو بچا نہیں سکتے
انہوں نے کہا کہ نواز شریف جھوٹے ثابت ہوگئے، وہ اب صادق اور امین نہیں رہے، سجن جندال انہیں بچا نہیں سکتے۔
کشمیری اگر مسلمان نہیں ہوتے تو ظلم پر دنیا بھارت کے پیچھے پڑجاتی
کشمیر پر انہوں نے کہا کہ کشمیری اگر مسلمان نہیں ہوتے تو پوری دنیا بھارت کے پیچھے پڑ جاتی،بھارت کی 7 لاکھ فوج کشمیریوں پر مظالم ڈھا رہی ہے، بھارتی ظلم کا مقابلہ کرنے پر کشمیری عوام کوخراج تحسین پیش کرتا ہوں۔
اس موقع پر انہوں نے پاناما کیس میں ججز کے فیصلے کے چند نکات کا اردو ترجمہ اسکرین پر دکھایا نواز شریف کی تقاریر کے چند آڈیو کلپس بھی سنائے۔
آنے والے کھلاڑی پھٹیچر نہیں پھٹیچر مائنس تھے
انہوں نے اپنی تقریر میں ایک بار پھر ریلو کٹو اور پھٹیچر کا تذکرہ کیا اور کہا کہ آنے والے کھلاڑی پھٹیچر نہیں بلکہ پھٹیچر مائنس تھے۔
عمران خان کا کہنا تھا کہ شریف فیملی نے ہر بات میں قطری شہزادے کا تذکرہ کیا لیکن اب پانچوں ججز نے قطری شہزادے کا خط بوگس قرار دے دیا اور نواز شریف کو جھوٹو قرار دے دیا تو کیا ایسا شخص حکمراں رہنے کے لائق ہے؟
نواز شریف کا سوشل بائیکاٹ کیا جائے
اس موقع پر انہوں نے عوام سے نواز شریف کے سوشل بائیکاٹ کا مطالبہ کیا اور کراچی، نوشہرہ اور سیالکوٹ سمیت دیگر شہروں میں جلسے کرنے کا اعلان کرتے ہوئے کہا کہ30 اپریل کو کراچی 5 مئی کو نوشہرہ اور 7 مئی کو سیالکوٹ میں جلسہ کروں گا۔
جلسہ گاہ میں 50 ہزار کرسیاں لگائی گئیں
دریں اثنا پریڈ گراؤنڈ کی اس جلسہ گاہ میں 50 ہزارسے زائد کرسیاں لگائی گئیں ہیں۔ جلسہ گاہ میں تین اسٹیج لگائے گئے مرکزی اسٹیج پر 70 قائدین کے بیٹھنے کی جگہ ہے، ڈے جے ولی سنز نے جلسے میں میوزک کا تڑکا بھی لگایا۔
جلسے کی حفاظت کے لیے 2400 سے زائد پولیس اور رینجرز اہلکار نے سیکیورٹی کے فرائض انجام دیے جن میں خواتین اہلکار بھی شامل ہیں جبکہ سیف سٹی کیمروں کے ذریعے جلسہ گاہ کی نگرانی کی گئی۔
ٹریفک کے لیے بھی خصوصی پلان جاری کر دیا گیا ہے،ایس پی ٹریفک،3 ڈی ایس پیز،15 انسپکٹرز اور 594 افسران و اہلکار ڈیوٹی دیں گے،جلسے کے باعث شہریوں کو متبادل راستے استعمال کرنے کی ہدایت کی گئی۔
اسلام آباد : وزیر مملکت برائے آئی ٹی انوشہ رحمان، رکن قومی اسمبلی مریم اورنگزیب اور مائزہ حمید نے اسلام آباد میں مشترکہ پریس کانفرنس کے دوران پاکستان تحریک انصاف کے جلسوں میں خواتین کے ساتھ ہونے والی بدسلوکی کی مذمت کرتے ہوئے کہا ہے کہ اگر خواتین کو تحفظ نہیں دیا جاسکتا تو انہیں جلسوں میں بلایا کیوں جاتا ہے۔
تفصیلات کے مطابق مسلم لیگ ن کی خواتین پارلیمنٹیرینز نے پاکستان تحریک انصاف کے جلسوں میں خواتین کے ساتھ ناروا سلوک اورپارٹی رہنماؤں کی خاموشی پرسوالات اٹھا دیئے ہیں۔
پریس کانفرنس میں ان کا کہنا تھا کہ عمران خان جلسہ کر کے وی آئی پی گیٹ سے نکل جاتے ہیں مگر کبھی یہ نہیں سوچا کہ خواتین کارکنوں پر کیا گزر رہی ہے۔
پاکستان کی ماں، بہن، بیٹی کو جلسے کی نمود ونمائش کے لئے استعمال نہ کیا جائے۔ انوشہ رحمان کا کہنا تھا کہ تمام جماعتوں میں خواتین بھرپور سیاسی کردار ادا کر رہی ہے لیکن عمران نے ناچ گانے کی سیاست کو فروغ دیا ہے۔
تحریک انصاف کے جلسوں میں عورتوں کی تذلیل ہو رہی ہے جو شخص پارٹی کو سنبھال نہیں سکتا وہ ملک کو کیا سنبھالے گا۔
ان کاکہنا تھا کہ لاہوریوں نے عمران خان کو مسترد کردیا ہے اور یہی وجہ ہے کہ کنسرٹ کے باوجود صرف چند ہزار لوگ ان کے جلسے میں آئے۔
مریم اورنگزیب کا کہنا تھا کہ عمران خان کی سیاسی قبر کُھد گئی ہے اور وہ اب جلسوں کیلئے تنگ گلیاں اور چوک تلاش کر رہے ہیں۔
انوشہ رحمان نے کہاکہ عمران خان اپنی سیاست پر نظر ثانی کرتے ہوئے کارکنان کی تربیت کریں ایسا نہ ہو کہ خواتین پر سیاست کے دروازے بند ہو جائیں۔
کراچی: تحریک انصاف کوانتظامیہ نے جناح گراؤنڈ میں جلسےکی اجازت نہیں دی، پی ٹی آئی نےشاہراہ پاکستان پرجلسےکااعلان کر دیا، عمران اسمعیل نےجماعت اسلامی کے انتخابی کیمپ کا بھی دورہ کیا۔
نائن زیروکےقریب جناح گراؤنڈ میں تحریک انصاف کوجلسےکی اجازت نہیں ملی، تحریک انصاف کے امیدوارعمران اسماعیل نے بتایا کہ انتظامیہ نے اجازت نہیں دی جس کےبعد انیس اپریل کاجلسہ اب شاہراہ پاکستان پرہوگا۔
این اے دوسوچھیالیس سےتحریک انصاف کےامیدوارعمران اسماعیل نےآج بھی انتخابی مہم چلائی۔
انہوں نے کریم آباد پرلوگوں میں اپنے پوسٹرزبانٹے اورانہیں پی ٹی آئی کوووٹ ڈالنےکی ترغیب دیتےرہے۔
عمران اسماعیل کا کہنا تھا سیاسی درجہ حرارت کم کرنےکاجواب الطاف حسین نے پرخلوص طریقے سےدیا،سیاسی مفاہمت کےعلاوہ کسی موقف سےپیچھےنہیں ہٹا۔
لاہور :اسلام آباد میں تحریک انصاف کے جلسے کے دوران اے آروائی نیوز اور دیگر چینل کی بندش کیخلاف لاہورمیں صحافی برادری نے احتجاج کیا۔
تفصیالت کے مطابق پی ایف یو جے کی کال پر پنجاب اسمبلی اور سی سی پی او آفس کے باہر ہونیوالے مظاہرے میں صحافی برادری نے پی ٹی آئی کے اسلام آباد جلسے کے دوران اے آروائی نیوز کی نشریات بند کیے جانے کے واقعہ کی شدیدمذمت کی اور اے آروائی نشریات کی بندش کا ذمہ دار وفاقی حکومت اور پیمرہ کو ٹھہراتے ہوئے کل سے ملک گیر مظاہروں کا آغاز کرنے کا اعلان کیا ہے ۔
انہوں نے کہا کہ یہ سلسلہ ملک میں صحافت کی مکمل آزادی تک جاری رہے گا لاہورمیں ہونیوالے مظاہرے کے دوران نجی ٹی وی کے ملازم کی تنخواہ نہ ملنے پر خودکشی کے واقعہ کی بھی بھرپور اندازمیں مذمت کی گئی۔
اسلام آباد: تحریک ِانصاف کے جلسے کی کوریج کی پاداش میں حکومت اورپیمرا نے کیبل آپریٹرز پردباوؑ ڈال کرپنجاب کے مرکزی شہروں میں اے آروائی نیوز کی نشریات بند کرادی ہے۔
تفصیلات کے مطابق لاہور راولپنڈی، فیصل آباد، گوجرخان سمیت سینٹرل پنجاب کے بیشتر شہروں میں نشریات بند کرادی گئیں جبکہ وفاقی دارالحکومت اسلام آباد میں بھی نشریات بند کرادی گئیں ہیں۔
نشریات بند ہونے کے خلاف عوام میں شدید غم و غصہ پایاجاتاہے اور لوگوں نے کیبل دفاتر کا رخ کیا اور اے آروا ئی نیوز کی نشریات بند کرنے کے خلاف احتجاج کیا۔
نشریات بند کرنے کے نتائج الٹا عمران خان کے حق میں گئے اور اسلام آباد اورراولپنڈی کے وہ رہائشی جو کہ گھروں میں اے آر وائی نیوز کی نشریات دیکھ رہے تھے اب جلسہ گاہ کا رخ کر رہے ہیں۔
سکھر: چیئرمین محکمہ اوقاف صد یق الفاروق نے کہا ہے کہ تحریک انصاف کے سربراہ عمران خان جلسہ کر کے اپنا شوق پورا کر لیں۔ آج کے جلسے سے کچھ برآمد نہیں ہو گا ۔
چیئر مین محکمہ اوقاف صدیق الفاروق نے سر کٹ ہا ﺅس سکھر میں میڈیا سے گفتگو کر تے ہو ئے کہا کہ ڈاکٹر خا لد محمود سومرو کا قتل سنگین واقعہ ہے جس پر افسوس ہے،ان کی ٹارگٹ کلنگ سندھ حکومت اور تمام ادروں کے لئے چیلنج ہے ۔
ایک سوال پر ان کا کہنا تھا کہ حکومت لوڈ شیڈنگ پر بہت حد تک قابو پالے گی لیکن گرڈ اسٹیشن اتنے پرا نے ہو گئے ہیں کہ لوڈ ہی نہیں اٹھا سکتے۔
اسلام آباد: حکومت تیار ہو گئی تحریک انصاف کو جلسے کی اجازت مل گئی ہے۔ جلسے کے لیئے قواعد و ضوابط طے پاگئے ہیں۔ عمران خان تیس نومبر کو جلسے میں کیا اہم اعلانات کر نے والے ہیں اور ان کے اشارے بھی دیدیئے گئے ہیں۔
تفصیلات کے مطابق تیس نومبر کے جلسے کے لیے حکومت اور تحریک انصاف کے درمیان معاہدہ طے پا گیا ہے، جس کے مطابق شرکا کے لیے 20 واک تھرو گیٹ لگائے جائیں گے اور جلسے کے شرکا شاہراہ دستور پر نہیں جائیں گے۔
جناح ایونیو پر جلسہ گاہ اور پریڈ گراونڈ پر اسٹیج بنانے کی اجازت دی گئی ہے اور یہ بھی طے پایا ہے کہ اسٹیج کا رخ اے ا کی بجائے اب جناح ایوینو کی جانب ہوگا۔
مزید طے پایا ہے کہ اسٹیج رات 12 بجے تک ختم کردیا جائے گا اور لوگ پرامن طریقے سے منتشر ہوں گے۔ کنٹینرز سے صرف حساس علاقوں کو بند کیا جائے گا۔ بچوں کی سیکیورٹی کی ذمہ داری تحریک انصاف کی ہوگی۔
جلسے میں ہونے والی کسی بھی بدامنی سے نمٹنے کے لیے غیرمسلح پولیس تعینات ہوگی۔ چوہدری نثار کا کہنا ہے واٹر کینن اور لاٹھیاں منگوائی گئی ہیں۔
دوسری جانب تیس نومبرکو کیا ہوگا، اس کیلئے کپتان نے نہ صرف منصوبہ بنا لیا بلکہ عوام کواس پلان میں شامل کرنے کیلئے اشارے بھی دینا شروع کردیئے ہیں۔ عمران خان نے اعلان کیا ہے کہ میاں صاحب کی جان اس وقت تک نہیں چھوٹے گی جب تک انتخابی دھاندلیوں شفاف تحقیقات نہیں نہیں ہو جاتیں ہے۔ عمران کان نے یہ بھی کہا ہے کہ تیس نومبر کو اسلام آباد میں میدان سجائیں گے اور نیاپلان بھی دیں گے۔
عمران خان نے مزید کہا ہے کہ وہ جو بھی کریں گے اس کے بعد نواز شریف کیلئے چلنا آسان نہ ہوگا۔
