واشنگٹن : پاکستان تحریکِ انصاف کی رہنماء فوزیہ قصوری نے پارٹی چئیرمین عمران خان کو خط میں قومی کمیٹی میں شامل نہ ہونے کا مطالبہ کیا ہے۔
عمران خان کو لکھے گئے خط میں فوزیہ قصوری نے کہا ہے کہ وزیرِاعظم کی جانب سے قائم کمیٹی ایک ہفتے میں مسائل کا حل نکالنے میں ناکام رہے گی جبکہ دہشت گرد سرعام اپنے جرائم قبول کر رہے ہیں۔
فوزیہ قصوری کا مزید کہنا تھا کہ پاکستان تحریکِ انصاف طالبان کے حوالے سے اپنی پالیسی تبدیل کرے اور تمام سیاسی جماعتیں دہشت گردوں کیخلاف اعلان جنگ کریں۔
واشنگٹن: پی ٹی آئی کی رہنماء فوزیہ قصوری نے واشنگٹن میں پاکستانی سفارت خانے کے باہر احتجاج کرنےکا اعلان کر دیا ہے، فوزیہ قصوری نے کہا ہے کہ سانحہ ماڈل ٹاؤن کے قاتل اب تک آزاد ہیں، ہمارے خلاف مقدمے کیوں درج کئے جا رہے ہیں۔
پی ٹی آئی کی رہنما فوزیہ قصوری نے بتایا کہ حکومت نے ان پر پولیس حملہ کا الزام لگایا ہے، جھوٹی ایف آئی آر کے اندراج کے خلاف احتجاج کیا جائے گا۔
فوزیہ قصوری نےکہا ہے کہ ماڈل ٹاؤن میں معصوم شہریوں کے قاتل آزاد ہیں اور پی ٹی آئی کے رہنماؤں کے خلاف جھوٹی ایف آئی آرکاٹی جارہی ہیں، تحریکِ انصاف کےدھرنے نے پاکستانی سیاست میں نئے رواج کوجنم دیا ہے۔
انھوں نے کہا ہے کہ جو لوگ کبھی ووٹ ڈالنے نہیں نکلے، آج آزادی اسکوائر میں عمران خان کے ساتھ ہیں، جیو گروپ کی عمران خان کے خلاف مہم ناکام ہوچکی ہے جبکہ اے آروائی نیوز سمیت دیگر چینل قومی مفاد پر کام کر رہے ہیں۔