اسلام آباد : الیکشن کمیشن نے پی ٹی آئی کے رکن صوبائی اسمبلی عبدالمنعم کو نا اہل قرار دے دیا، عبدالمنعم پر یہ الزام تھا کہ وہ انتخابات سے ایک ماہ قبل تک سرکاری عہدے پر فائز رہے۔
تفصیلات کے مطابق الیکشن کمیشن نے پی ٹی آئی کے رکن صوبائی اسمبلی کو نااہل قرار دیدیا، عبدالمنعم پی کے 88 شانگلہ سے رکن صوبائی اسمبلی منتخب ہوئے تھے اور وزیر اعلی خیبرپختونخوا کے مشیر برائے ٹورازم کے عہدے پر بھی فائز تھے۔
تحریک انصاف کے رکن صوبائی اسمبلی عبد المنعم کے خلاف درخواست دائر
تحریک انصاف کے رکن صوبائی اسمبلی عبد المنعم کے خلاف شیر عالم خان نے الیکشن کمیشن میں نا اہلی کی درخواست دائر کی تھی، جس میں موقف اختیار کیا تھا کہ عبدالمنعم خان عام انتخابات سے ایک ماہ قبل تک سرکاری اسکول میں استاد کے عہدے پر فائز تھے، عبدالمنیم خان نے مارچ 2013 کی تنخواہ بھی بطور سرکاری استاد کے طور بھی وصول کی تھی۔
الیکشن کمیشن نے سرکاری محکموں سے تصدیق کے بعد عبدالمنعم کو نا اہل قرار دیا، قانون کے سرکاری ملازم ریٹائرمنٹ کے دو سال پورے ہونے تک الیکشن میں حصہ نہیں لے سکتا۔
عبد المنیم 2013کے انتخابات میں متحدہ قومی محاذسے منتخب ہوئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
