اے آر وایٔ سے خصوصی گقتگوں میں ڈاکٹر طاہرالقادری نےکہا ہے کہ حکومت کے تشدد سےس ان کے چھ سے سات سو کارکن زخمی ہوئے، ہم پہلے بھی پرامن تھے اب بھی پر امن رہیں گے،واپس نہیں جائیں گے۔
Tag: PTI
پی ٹی آئی 2011 میں ایک سیاسی قوت بن کر ابھری، پاکستان پیپلز پارٹی (پی پی پی) سے شاہ محمود قریشی، پاکستان مسلم لیگ (ف) سے جہانگیر خان ترین اور دیگر اہم رہنماؤں نے اپنی اپنی سیاسی جماعتوں کو چھوڑ کر شمولیت اختیار کیی، اس کے علاوہ پی ٹی آئی میں شمولیت اختیار کرنے والوں میں ان کی بھی ایک بڑی تعداد تھی جنہیں سیاسی حلقوں میں کوئی نہیں جانتا تھا، ان میں سرِ فہرست نام اینگرو کے سابق سی ای او اسد عمر کا ہے
PTI News
-
لاہور:مظاہرین کے گو نواز گو کے نعرے، پولیس کی بھاری نفری طلب
لاہور:ملک بھرکی طرح لاہور میں بھی پاکستان تحریک انصاف اورسنی اتحاد کونسل کے کارکنان نےاسلام آباد میں جاری حکومتی ظلم وستم کے خلاف احتجاج کیاہے۔
اسلام آباد میں آزادی اورانقلاب مارچ پرپولیس کی یلغارکےخلاف لاہورکےعلاقے لالک چوک اور لبرٹی چوک میں پاکستان تحریک انصاف کے کارکنان جمع ہوگئےاورحکومت کےخلاف احتجاجی مظاہرہ کیا،مشتعل مظاہرین نےگلبرگ اورڈیفینس میں سڑکیں بلاک کردیں جس سے ٹریفک جام ہوگیا،کارکنان حکومتی مظالم کے خلاف نعرے لگارہے تھے۔
پولیس نےمظاہرین کو منتشرکرنےکےلئےآنسو گیس کے شیل فائر کئےاورشدیدلاٹھی چارج کیا جس کے بعد مظاہرین منتشر ہوگئے،صدر پی ٹی آئی پنجاب اعجاز چودھری نے کہا ہے کہ کل لاہور سمیت پورے پنجاب میں اسلام آباد واقعے کےخلاف احتجاج کیا جائے گا،اسلام آباد کی صورتحال پر پنجاب اسمبلی کےسامنے چئیرنگ کراس پرسنی اتحاد کونسل کی جانب سے بھی مظاہرہ کیاگیا۔
-
اسلام آباد میں شیلنگ کےخلاف کراچی کےتین مقامات پراحتجاج
کراچی:اسلام آباد میں پرامن مظاہرین پرپولیس کی شیلنگ کےخلاف کراچی میں تین مقامات پراحتجاجی مظاہرے کیےگئے۔
انقلاب اورآزادی مارچ کےشرکاپرشیلنگ کےخلاف کراچی کےمختلف علاقوں میں احتجاجی مظاہرےکیے گئے،نمائش چورنگی پرمجلس وحدت مسلمین کےکارکنوں نے دھرنادیااورمظاہرین پرشیلنگ کی مذمت کی،مظاہرین میں خواتین کی بڑی تعداد بھی شریک تھی،شاہراہ فیصل پرنرسری اسٹاپ پرپی ٹی آئی کے کارکن احتجاج کرتے ہوئے روڈ پرنکل آئےاورنعرےبازی کی۔
کلفٹن کےعلاقے بوٹ بیسن میں بھی تحریک انصاف کےمشتعل کارکنوں نےاحتجاجی مظاہرہ کیا اوردھرنادیا،مظاہرین نےعمران خان کےحق میں اورحکومت کے خلاف نعرے لگائے۔
-
پولیس کےوحشیانہ تشددکی شدید مذمت کرتےہیں،آصف زرداری
سابق صدرآصف علی زرداری نےاسلام آباد میں پاکستان عوامی تحریک اورپاکستان تحریک انصاف کےکارکنوں پرپولیس کے وحشیانہ تشدد کی شدید مذمت کی ہے۔
سابق صدرآصف علی زرداری کا ایک بیان میں کہنا ہےکہ بچوں، بوڑھوں اور خواتین پر تشدد ناقابل برداشت ہےاورحکومت ہوش کے ناخن لے،ان کا کہنا تھاکہ فریقین مذاکرات کی میزپر آئیں کیونکہ صرف بات چیت سے مسائل حل کیے جاسکتے ہیں۔
سابق صدر کا کہنا تھا کہ طاقت کےاستعمال سے کسی معاملے کو نہ تو حل کیا جاسکتا ہے اور نہ ہی دبایا جاسکتا ہے۔
-
متحدہ قومی مومنٹ کی جانب سے کل ملک بھر میں یومِ سوگ منانے کا اعلان
کراچی: متحدہ قومی موومنٹ نے پاکستان تحریک انصاف اور عوامی تحریک کے دھرنوں پر پولیس شیلنگ اور لاٹھی چارج کے خلاف کل یوم سوگ منانے کا اعلان کر دیا ہے۔
ایم کیو ایم نے اعلان کیا ہے کہ دھرنوں پر حکومت کی جانب سے طاقت کے استعمال کے خلاف کل ملک گیر یوم سوگ منایا جائے گا،اب سے کچھ دیر قبل اے آر وائی نیوز سے خصوصی گفتگو متحدہ قومی موومنٹ کے قائد الطاف حسین کا کہنا ہے کہ وزیراعظم اور وزیراعلیٰ پنجاب آج رات تک استعفیٰ دے دیں ورنہ کراچی سے کروڑوں لوگ کراچی سے نکلیں گے۔
انہوں نے کہا طاہرالقادری اور عمران خان پُرامن احتجاج کو یقینی بنائیں، انہوں نے دونوں جماعتوں کے قائدین سے اپیل کی کہ وہ صبر و تحمل کا مظاہرہ کریں، اقتدار آنی جانی چیز ہے لیکن انسانی جانوں کاتحفظ بے حد ضروری ہے۔
انہوں نے کہا کہ وزیراعظم اور وزیراعلیٰ پنجاب آج رات تک اس سیاسی بحران کو حل کریں، نوازشریف فوری طور پر اپنی پارٹی سے کسی اور کو وزیر اعظم نامزد کردیں ،پاکستان کی معیشت تباہ ہوچکی ہے احتجاج کے باعث ملک کو ایک ہزار اربسے زائد کا نقصان ہوچکا ہے، خدارا تمام اسٹیک ہولڈرزملک کے مفاد میں سوچیں۔
ایم کیو ایم کے قائد الطاف حسین نے کہا تھا کہ حکومت طاقت کے استعمال سے گریز کرے، اگر ایم کیو ایم نے ہڑتال کی کال دے دی تو کروڑوں لوگ باہر نکل آئیں گے تاہم اب ایم کیو ایم کی جانب سے یوم سوگ منانے کا اعلان کیا گیا ہے۔
-
پاکستان تحریک انصاف کا کل ملک گیر ہرتال کا اعلان
اسلام آباد : عمران خان کا کہنا ہے کہ اب پورے پاکستان میں تحریک انصاف کے کارکن نکلیں گے، بتائیں گے عوامی طاقت کیا ہوتی ہے سارا ملک بند کر دیں گے۔
وزیراعظم ہاؤس جانے والے دھرنے کے شرکا پر شیلنگ کی مذمت کرتے ہوئے عمران خان کا کہنا تھا کہ دنیا بھر میں وزیراعظم ہاؤس کے سامنے احتجاج ہوتے ہیں لیکن ہمارے پاس انتشار کے سوا کوئی راستہ نہیں چھوڑا گیا، ہم ملک بھر میں احتجاج کریں گے کارکنان پورے پاکستان میں باہر نکل آئیں۔ انہوں نے کہا کہ حکومت نے جو کیا قانون کے خلاف کیا، نوازشریف ہمارا راستہ نہیں روک سکتے، کارکنان کسی صورت پیچھے نہ ہٹیں اور ڈٹ کر مقابلہ کریں ہم اپنے مقصد میں کامیاب ہوکر ہی جائیں گے۔
عمران خان نے کہا کہ ہم پولیس، رینجرز اور فوج کو پیغام دیتے ہیں کہ مظاہرین ان کے اپنے لوگ ہیں، ہم پر امن آئے تھے اور پر امن ہی جائیں گے ان پر کسی قسم کا کوئی تشدد نہ کیا جائے، ہم جمہوریت کو کبھی نقصان نہیں پہنچائیں گے لیکن اس حسنی مبارک جمہوریت کو صرف عوام کی طاقت ہی ہٹاسکتی ہے،پارلیمنٹ اور عدالتیں ان کا کچھ نہیں کرسکتیں، کارکنان میرا ساتھ نہ چھوڑیں میں ہمیشہ ان کے ساتھ رہوں گا۔
-
وزیرِاعظم ہاوٗس کے سامنےدھرنےکے شرکاء پر شیلنگ اورہوائی فائرنگ، متعدد زخمی
اسلام آباد: وفاقی پولیس کی جانب سے انقلاب مارچ کے مظاہرین پر آنسو گیس کے شیلنگ اور ربر کی گولیوں کا آزادانہ استعمال کیا جارہا ہے جس سے متعدد مظاہرین ذخمی ہوگئے ہیں۔
اےآر وائی نیوز کے اینکر اقرارالحسن نے شاہراہ ِ دستور سے براہ راست کوریج کرتے ہوئے بتایا کہ مظاہرین پر امن طریقے سے وزیراعظم ہاؤس کی جانب بڑھ رہے تھے کہ پولیس نے ان پر دھاوا بول دیا۔
ذرائع کے مطابق شیلنگ اورربرکی گولیوں سے کئی مظاہرین زخمی ہوئے ہیں اور کئی خواتین بے ہوش ہوگئی ہیں اور گیس کی شدت کے باعث مظاہرین کی حالت تشویش ناک ہے جبکہ پولیس کی جانب سے ہوائی فائرنگ بھی کی جارہی ہے۔
اےآر وائی نیوز کے کیمرہ مین کو بھی اس وقت قانون نافذ کرنے والے اہلکاروں نے تشدد کا نشانہ بنایا جب وہ ایک شدید زخمی ہونے والے نوجوان کی کوریج کررہا تھا۔
پولیس نے مظاہرین کو پاک سیکریٹریٹ سے پیچھے دکھیل دیا ہے اور مقصد کے لئے پاک سیکریٹریٹ سے مظاہرین پر بے تحاشہ شیلنگ کی گئی ہے۔
دوسری جانب ذرائع کے مطابق آئی جی اسلام آباد نے مظاہرین کی گرفتاری حکم بھی دے دیا ہے۔
وفاقی وزیر دفاع خواجہ آصف نے کہا ہے کہ پوری طاقت کے ساتھ ریاست کا دفاع کیا جائے گا وزیراعظم نوازشریف ملک کے آئینی وزیراعظم ہیں، ریڈ زون کو خالی کروانے کے لئے فوج کو بھی طلب کیا جاسکتا ہے۔
-
ایم کیوایم کے قائد الطاف حسین کا وزیراعظم سے استعفے کا مطالبہ
کراچی: متحدہ قومی موومنٹ کے قائد الطاف حسین کا کہنا ہے کہ وزیراعظم اور وزیراعلیٰ پنجاب آج رات تک استعفیٰ دے دیں ورنہ کراچی سے کروڑوں لوگ کراچی سے نکلیں گے۔
الطاف حسین اے آر وائی نیوز سے خصوصی گفتگو کرہےتھے اور انہوں نے کہا طاہرالقادری اور عمران خان پُرامن احتجاج کو یقینی بنائیں۔
انہوں نے دونوں جماعتوں کے قائدین سے اپیل کی کہ وہ صبر و تحمل کا مظاہرہ کریں، اقتدار آنی جانی چیز ہے لیکن انسانی جانوں کاتحفظ بے حد ضروری ہے۔
انہوں نے کہا کہ وزیراعظم اور وزیراعلیٰ پنجاب آج رات تک اس سیاسی بحران کو حل کریں، نوازشریف فوری طور پر اپنی پارٹی سے کسی اور کو وزیر اعظم نامزد کردیں۔
پاکستان کی معیشت تباہ ہوچکی ہے احتجاج کے باعث ملک کو ایک ہزار اربسے زائد کا نقصان ہوچکا ہے، خدارا تمام اسٹیک ہولڈرزملک کے مفاد میں سوچیں۔
-
عمران خان کا بھی دھرنے کو وزیراعظم ہاوس کے سامنے منتقل کرنے کا اعلان
اسلام آباد : پاکستان تحریک انصاف کے سربراہ عمران خان نے بھی آزادی مارچ کووزیراعظم کے سامنے منتقل کرنے کا اعلان کردیا ہے۔
اس سے قبل پاکستان عوامی تحریک کے سربراہ ڈاکٹر طاہر القادری بھی انقلاب مارچ کے دھرنے کو وزیر ہاوٗس کے سامنے منتقل کرنے کا اعلان کرچکے ہیں۔
اسلام آباد میں انقلاب مارچ کے کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ جس طرح 17 دن سے پُرامن دھرناجاری ہے اسی طرح پُر امن دھرنا اب وزیر اعظم ہاوٗس کے سامنے منتقل کیا جارہا ہے۔
عمران خان کاکہنا تھا کہ نواز شریف تحقیقات تک ایک ماہ کے لئے استعفی دیدو لیکن نواز شریف ملک تباہ کرنے کیلئے تیار ہے کرسی چھوڑنے کیلئے نہیں، سانحہِ ماڈل ٹاؤن کی ایف آئی آر میں ابھی تک شہباز شریف کا نام نہیں دیا۔
ان کا مزید کہنا تھا امام خمینی کے انقلاب کے وقت پولیس ،فوج نے گولی نہیں چلائی تھی اور پولیس ، رینجرز سے کہنا چاہتا ہوں کہ پرامن مارچ پر تشدد نہیں کرنا۔
انہوں نے کہا پہلے میں اور تحریک انصاف کے ٹائیگر نکلے گے پھر خواتین اور بچے پہنچے گے۔ عمران خان نے تحریک انصاف کے رہنما جاوید ہاشمی کا نام لیتے ہوئے کہا ہاشمی صاحب آپ کو پتا ہونا چاہیے کہ عمران جہوریت کو کمزور نہیں بلکہ مضبوط کرے گا۔
-
دھرنا وزیراعظم ہاوٗس کے سامنے منتقل کیا جائے، ڈاکٹر طاہرالقادری
اسلام آباد : ڈاکٹر طاہرالقادری نے کہا ہے کہ پُرامن دھرنا اب وزیراعظم ہاوٗس کے سامنے منتقل کیا جارہا ہے۔
اسلام آباد میں انقلاب مارچ کے کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ جس طرح 17 دن سے پُرامن دھرناجاری ہے اسی طرح پُر امن دھرنا اب وزیر اعظم ہاوٗس کے سامنے منتقل کیا جارہا ہے۔
ان کا کہنا تھا کہ کوئی توڑ پھوڑ نہیں ہوگا ، کوئی تشدد ، کوئی ہنگامہ آرائی نہیں ہوگی، پُرامن دھرنا حقیقی جمہوریت کے لئے ہوگا،کسی سے دشمنی نہیں ، وہ اورچوہدری برادران سمیت تمام لوگ صرف غریبوں، مزدوروں اور کمزوروں کے لیے آئے ہیں جنہیں ملک کا قانون اور آئین بھی تحفظ نہ دے سکا، یہ حکمران اورجمہوریت بھی تحفظ نہ دے سکے اور اب تمام شرکاءپرامن طریقے سے اپنی تیسری منزل کی طرف جارہے ہیں۔
خطاب میں رقت آمیز مناظر بھی دیکھنے میں آئے ، طاہرالقادری کا کہنا تھا کہ اللہ مظلوموں کی مدد کرے گا ، انہوں تحریک انصاف کے کارکنان کو بھی ساتھ چلنے کی دعوت دی۔