ARYNews.tv | Urdu – Har Lamha Bakhabar

Tag: PTI

پاکستان تحریک انصاف یا پی ٹی آئی پاکستان کی ایک سیاسی جماعت ہے۔ اس کی بنیاد 1996 میں پاکستانی کرکٹ کھلاڑی سے سیاست دان بننے والے عمران خان نے رکھی تھی۔

پی ٹی آئی 2011 میں ایک سیاسی قوت بن کر ابھری، پاکستان پیپلز پارٹی (پی پی پی) سے شاہ محمود قریشی، پاکستان مسلم لیگ (ف) سے جہانگیر خان ترین اور دیگر اہم رہنماؤں نے اپنی اپنی سیاسی جماعتوں کو چھوڑ کر شمولیت اختیار کیی، اس کے علاوہ پی ٹی آئی میں شمولیت اختیار کرنے والوں میں ان کی بھی ایک بڑی تعداد تھی جنہیں سیاسی حلقوں میں کوئی نہیں جانتا تھا، ان میں سرِ فہرست نام اینگرو کے سابق سی ای او اسد عمر کا ہے
پی ٹی آئی
PTI News
  • نواز حکومت کا کے پی کے میں تحریک عدم اعتماد لانے کا فیصلہ

    نواز حکومت کا کے پی کے میں تحریک عدم اعتماد لانے کا فیصلہ

    پشاور :مسلم لیگ ن نے خیبر پختون خوا میں تحریک انصاف کی حکومت کیخلاف تحریک عدم اعتماد لانے کا فیصلہ کرلیا. تحریک انصاف نے انتخابی دھاندلیوں کے خلاف احتجاج کرکے وفاقی حکومت پر دباؤ بڑھایا تو ن لیگ نے بھی خیبر پختوں خوا میں سیاسی ہتھیار آزمانے کی دھمکی دے دی ۔

    خیبر پختون خوا اسمبلی میں مسلم لیگ ن کے پارلیمانی لیڈر سردار اورنگزیب نلوٹھہ کا کہنا ہے کہ وہ دیگر اپوزیشن جماعتوں کے ساتھ مل کر جلد تحریک انصاف کی حکومت کے خلاف قرارداد جمع کرائیں گے ۔ سردار اورنگزیب نلوٹھہ کا کہنا ہے اسمبلی اجلاس بلائے جانے کے بعد بھاری اکثریت سے تحریک انصاف حکومت کیخلاف تحریک عدم اعتماد منظور کرائی جائے گی

  • عمران خان کوعوام نے11مئی کومسترد کردیا، پرویزرشید

    عمران خان کوعوام نے11مئی کومسترد کردیا، پرویزرشید

    اسلام آباد: وفاقی وزیراطلاعات پرویز رشید کہتے ہیں عمران خان کو عوام نے گیارہ مئی کو مسترد کردیا تھا، عمران خان مؤقف بدلنے کے بادشاہ ہیں ،ہر ماہ نیا مطالبہ کرتے ہیں۔

    پرویز رشید کا کہنا ہے کہ چاروں صوبوں میں مختلف حکومتیں ہیں، اسے ہی جمہوریت کہتے ہیں، لیکن عمران خان ہر مہینے نیا ہدف اور نیا موقف اپناتے ہیں، عمران خان کے منہ سے جمہوریت دشمن طالبان کے خلاف ایک لفظ نہیں نکلا،عمران کو غم ہے کہ انکی مخالفت کے باوجود حکومت دہشت گردی ختم کررہی ہے۔

    عمران خان نہیں چاہتے تھے کہ دہشت گردی کے خاتمے کیلئے آپریشن ضرب شروع کیا جائے، انہوں نے کہا کہ عمران خان کو انتشار مارچ میں اتنی ہی کامیابی ملے گی جتنا انکا اٹھارہ سال کا ریکارڈ ہے، اگر مینڈیٹ جعلی تھا تو عمران خان نے کے پی کے میں حکومت کیوں لی؟ مینڈیٹ جعلی تھاتوعمران خان نےحلف کیوں اٹھایا؟

  • لانگ مارچ پرامن نہ ہوا توذمہ دارعمران خان ہوں گے،پرویزرشید

    لانگ مارچ پرامن نہ ہوا توذمہ دارعمران خان ہوں گے،پرویزرشید

    اسلام آبااد : وزیر اطلاعات پرویز رشید کاکہنا ہےکہ یوم آزادی پر کوئی تخریب کاری ہوئی تو ذمہ دار عمران خان ہوں گے، احتجاج کرنےوالے امن کی ضمانت دیں۔ وزیراطلاعات پرویزرشید نے تحریک انصاف مین بغاوت کا عندیہ دے دیا کہتے ہیں اگر عمران خان نےارکان سے استعفے طلب کئے توان کی جماعت میں بغاوت ہوجائے گی ،

    پرویز رشید نے کہا کہ جلسے جلوس کرنے والے امن کی ضمانت دیں، وزیراطلاعات و نشریات نے کہا کہ تخریب کی سیاست کرنے والوں کا ڈٹ کرمقابلہ کریں گے۔ ان کا کہنا تھا کہ ملک کی خوشحالی کو دنیا نے تسلیم کرلیا ہے ،انہوں نے کہا کہ پاکستان قانونی ،جمہوری اور آئینی طریقے سے حاصل ہوا۔اورہم اس کی بھرپور حفاظت کریں گے۔

  • طاہر القادری اور ہماری سوچ میں مماثلت ہے، شاہ محمود قریشی

    طاہر القادری اور ہماری سوچ میں مماثلت ہے، شاہ محمود قریشی

    اسلام آباد : شاہ محمود قریشی کا کہنا ہے کہ استعفوں کےحوالےسےآپشن موجودہے،فیصلہ چار اگست کوہوگا،طاہر القادری اور ہماری سوچ میں مماثلت ہے۔

    تحریک انصاف کے چیئرمین عمران خان کی جانب سے پنجاب کے صدر اعجاز چوہدری کو خط ارسال کیا گیا ہےاس موقع پر شاہ محمود قریشی نے اے آر وائی نیوز سے بات چیت کرتے ہوئے کہا کہ پاکستان کےعوام کوحقیقی جمہوریت ملے گی، پاکستان میں ایک ہی خاندان حکمرانی کررہاہے، چودہ اگست کوشفاف انتخابات کامیکنزم دیناچاہتےہیں، شاہ محمود قریشی نے مزید کہا کہ تمام جماعتوں کوتبدیلی کیلئے ایک جگہ بیٹھ کر کام کرنا ہوگا۔

  • چیئرمین تحریک انصاف کا پنجاب کے صدر اعجاز چوہدری کو خط

    چیئرمین تحریک انصاف کا پنجاب کے صدر اعجاز چوہدری کو خط

    اسلام آباد : پاکستان تحریک انصاف کے چئیرمین عمران خان نے لانگ مارچ کی تیاریوں کو حتمی شکل دینے کیلئے تحریک انصاف کے تمام صوبائی صدور کو خط لکھا ہے۔

    خط میں کہا گیا ہے کہ لانگ مارچ تبدیلی کیلئے انکی اٹھارہ سالہ سیاسی جدوجہد کا فیصلہ کن مرحلہ جس میں دس لاکھ عوام کو دیکھ کر انکے مخالفین کانپ اٹھیں گے انہوں نے صوبائی صدور کو ہدایت کی ہے کہ لانگ مارچ میں عوام کی شرکت کو یقینی بنانے کیلئے تحریک انصاف کے رجسڑیشن کیمپ چھ اگست سے لگادئیے جائیں اور قومی اسمبلی کے تمام حلقوں میں دو جبکہ صوبائی حلقوں میں ایک کیمپ لگایا جائے، عمران خا نے خط میں کہا ہے کہ آزادی مارچ تحریک انصاف ہی نہیں پاکستان کی تاریخ بھی بدل دے گا۔

  • پی ٹی آئی کے ممبران قومی اسمبلی 4 اگست تک اپنے استعفے جمع کرائیں گے

    پی ٹی آئی کے ممبران قومی اسمبلی 4 اگست تک اپنے استعفے جمع کرائیں گے

    اسلام آباد: پاکستان تحریک انصاف سے تعلق رکھنے والے تمام ممبر قومی اسمبلی چار اگست کوپارٹی چئیرمین عمران خان کو اپنے استعفے جمع کرائیں گے۔

    چودہ اگست کے آزادی مارچ کے حوالے سے تحریک انصاف نے اپنے کارڈ زشو کرنا شروع کردئے، ممبر قومی اسمبلی حامد الحق نے کہا ہے کہ تحریک انصاف کے وائس چئرمین شاہ محمود قریشی نے پارٹی ممبران کو آگاہ کیا ہے کہ پی ٹی آئی سے تعلق رکھنے والے تمام ممبر قومی اسمبلی اپنے استعفے چار اگست ، پیر کے روز پارلیمانی بورڈ کے اجلاس میں جمع کرائیں گے،اسکے بعد پارٹی کا فیصلہ ہوگا کہ وہ استفعے قومی اسمبلی میں کب پیش کرے ۔

    حامد الحق ممبر قومی اسمبلی حامد الحق نے اے آر وائی نیوز سے بات کرتے ہوئے کہا کہ استفی کا مقصد حکومت پر پریشر ڈالنا ہے، حامد الحق جبکہ ترجمان پی ٹی آئی شیریں مزاری نے اس بات کی تردید کرتے ہوئے کہا ہے کہ ممبران سے استعفے لینے کا فیصلہ ابھی نہیں ہوا، قومی اسمبلی میں پی ٹی آئی کے ممبران کی تعداد چونتیس ہے جن میں سے بیشتر کا تعلق خیبر پختوخواہ سے ہے، امکان ہے استعفے قومی اسمبلی کے اجلاس کے دوران ہی پیش کئے جائیں۔

  • حکمرانوں کی اپنی غلطیوں سے حکومت گرسکتی ہے، گیلانی

    حکمرانوں کی اپنی غلطیوں سے حکومت گرسکتی ہے، گیلانی

    اسلام آباد: وفاقی دارالحکومت میں فوج کی تعیناتی کے حکم پر سیاسی رہنماؤں میں شدید ردعمل پایا جاتا ہے یوسف رضا گیلانی کا کہنا ہے کہ حکمرانوں کی اپنی غلطیوں سے حکومت گرسکتی ہے۔

    لاہور میں میڈیاسے گفتگو کرتے ہوئے سابق وزیر اعظم یوسف رضا گیلانی کا کہناہے کہ حکومت لانگ مارچ سے نہیں جائے گی لیکن اپنی غلطیوں سے جاسکتی ہے۔

    پیپلزپارٹی کے رہنما قمر زمان کائرہ کا کہنا ہے کہ عمران خان کے لانگ مارچ کے اعلان کے بعد فوج کی تعیناتی کا حکم دیا گیا ہے

    ترجمان پاکستان عوامی تحریک قاضی فیض الاسلام کا کہنا تھا آئین کو معطل کرنے پر حکمرانوں کے خلاف آرٹیکل چھ لگنا چاہیئے۔ قاتلوں سے کیسے مذاکرات؟ اب انقلاب آئے گا۔ جماعت اسلامی کے رہنما لیاقت بلوچ نے کہا نواز شریف کو یہ حق نہیں کے فوجی قوت سے کسی پر ظلم کریں۔

  • نوازشریف فوج کے پیچھے چھپنا چاہتے ہیں، شیریں مزاری

    نوازشریف فوج کے پیچھے چھپنا چاہتے ہیں، شیریں مزاری

    اسلام آباد: پاکستان تحریک انصاف کی ترجمان کاکہنا ہے کہ نوازشریف فوج کے پیچھے چھپنا چاہتے ہیں۔

    ایک بیان میں پارٹی کی ترجمان ڈاکٹر شیریں مزاری کا کہنا تھا کہ چودہ مئی دو ہزار تیرہ سے انصاف مانگ رہے ہیں۔ انصاف کے لیے ہر دروازہ کھٹکھٹایا تاہم حکومت نے اس معاملے میں سنجیدگی نہیں دکھائی۔ اب فیصلہ اسلام آباد میں ہوگا۔

    ترجمان کا مزید کہنا تھا کہ فوج کسی بزدل کے لئے عوام کے خلاف کچھ نہیں کرے گی اور عوام چودہ اگست کو حکومت کی دھاندلی ثابت کریں گے۔

    پاکستان تحریکِ انصاف چودہ اگست کو 11 مئی 2014 کو ہونے والی مبینہ انتخابی دھاندلیوں کے خلاف اسلام آباد میں احتجاج کا اعلان کر رکھا ہے۔

  • آزادی مارچ:تحریک انصاف پنجاب بھرمیں کنونشن منعقد کریگی

    آزادی مارچ:تحریک انصاف پنجاب بھرمیں کنونشن منعقد کریگی

    لاہور: پاکستان تحریک انصاف نے آزادی مارچ کی تیاریوں کو حتمی شکل دینے کے لیے پنجاب بھر میں ورکرز کنونشن منعقد کرنے کا اعلان کردیا ہے ۔پنجاب کی صوبائی تنظیم کی جانب سے جاری کردہ شیڈول کے مطابق ورکز کنونشن تین اگست سے چھ اگست تک پنجاب کے مختلف اضلاع میں منعقد ہوں گے ۔

    شیڈول کے تحت ورکز کنونشن تین اگست کو لاہور، چکوال اور تلہ گنگ ، پانچ اگست کو ڈسکہ، اور نارووال جبکہ چھ اگست کو گجر خان، ٹیکسلا ، منڈی بہاؤالدین اور گجرات میں ہوں گے ۔

    تحریک انصاف کے چیئرمین عمران خان تین اگست کو لاہور میں ہونے والے ورکز کنوشن میں شریک ہوں گے جبکہ پی ٹی آئی کے وائس چیئرمین شاہ محمود قریشی ، صدر جاوید ہاشمی اور صدر پنجاب اعجاز چوہدری تمام ورکز کنوشن میں شریک ہوں گے۔

  • آپریشن ضربِ عضب پرمیاں برادران میں اختلاف تھا، فیصل رضا عابدی

    آپریشن ضربِ عضب پرمیاں برادران میں اختلاف تھا، فیصل رضا عابدی

    کراچی: اے آر وائی نیوز کے پروگرام ’’اب تک‘‘میں گفتگو کرتے ہوئے سابق سینیٹر سید فیصل رضا عابدی نےانکشاف کیا ہے کہ شدت پسندوں کے خلاف کاروائی کے معاملے میں نواز شریف اور شہباز شریف میں شدید اختلاف تھا۔

    ان کا کہنا تھا کہ نواز شریف کسی بھی صورت کاروائی کے حق میں نہین تھے جب کہ شہباز شریف چاہتے تھے کہ شدت پسندوں سے آہنی ہاتھوں سے نمٹا جائے، چوہدری نثار علی خان کی ناراضگی کی وجی بھی یہی تھی۔ انہوں نے بتا یا کہ آپریشن شروع ہونے تک میاں صاحبان کو خبر ہی نہیں تھی۔

    فیصل رضا عابدی نے الیکشن کے عمل پر شدید تنقید کرتے ہوئے کہا کہ نواز شریف کو مینڈیٹ طالبان نے دلوایا ہے لبرل پارٹیوں پر تو وہ حملے کر رہے تھے۔

    پی ٹی آئی کے طر ز ِ سیاست پر گفتگو کرتے ہوئے انہوں نے کہا کہ عمران خان کی سیاست کو ابھی گنتی کے چند دن ہوئے ہیں اور اس میں بھی وہ کسی ایک موقف پر قائم نہیں رہے۔

    عالمی صورتحال پر گفتگو کرتے ہوئے فیصل رضا عابدی کا کہنا تھا کہ اس وقت ورلڈ الیون کا مقابلہ مسلم امہ سےہے ، اقوام عالم تمام مسلمانوں کو دہشت گرد قرار دینا چاہتی ہیں اور پاکستان، عراق ، شام ، بحرین اورفلسطین میں ہونے والی شدت پسندوں کی کاروائیاں اسی سلسلے کی کڑی ہیں۔

    پروگرام ’اب تک‘ میں ہونے والے خصوصی انٹرویو کی مکمل ویڈیو