Tag: PUBG

گیم کی دنیا میں نئے ریکارڈز قائم کرنے والے PUBG گیم میں چکن ڈنر حاصل کرنے کے لیے آسان طریقے اور مفید مشورے مندرجہ ذیل ہیں جن پر عمل کیا جائے تو جیت(چکن ڈنر) یقینی ہوسکتی ہے۔

حاضر دماغی اور بہترین لینڈنگ کا انتخاب

اگر آپ اسکواڈ کے ساتھ کھیل رہے ہیں تو سب سے پہلے بہترین جگہ کا انتخاب کریں اور پیراشوٹ سے تمام کھلاڑی ایک ساتھ اتریں اس طرح اگر آپ پر مخالف ٹیم کی جانب سے حملہ ہوجائے تو اسکواڈ کے باقی کھلاڑی فوراً آپ کی مدد کے لیے پہنچ سکتے ہیں اور لوٹ آپس میں تقسیم بھی کرسکتے ہیں۔

گن ملتے ہی مخالفین پر حملہ کردیں

مقررہ جگہ پر لینڈنگ کے دوران اطراف میں بہ غور نظر رکھیں تاکہ جائزہ لیا جاسکے کہ انیمیز(دشمن) کہاں اترے ہیں، جیسے ہی آپ کو پستول یا پھر کوئی گن مل جائے تو انتظار کیے بغیر مخالفین پر رش(حملہ) کردیں، دیہان رہے کہ اس دوران اپنے ٹیم کے دیگر کھلاڑیوں کو آس پاس رہنے کا مشورہ دیا جائے۔

ایک جگہ ٹک کر نہ کھڑے رہیں

گیم کے دوران اپنے کھلاڑیوں کو مسلسل حرکت میں رکھیں ایک جگہ ٹک کر کھڑے رہنے سے کوئی ہیڈشاٹ(سر پر گولی) بھی لے سکتا ہے۔ خیال رہے کہ ہیڈشاٹ لگنے سے کھلاڑی فوراً نوک ہوجاتا ہے جس پر اسے ریوائیو کی ضرورت پڑتی ہے، لوٹ یا پھر کسی پر حملے کے دوران مسلسل حرکت میں رہیں تاکہ کوئی آپ کو نشانہ نہ بنا سکے۔

نقشے میں قائم گھر کے اندر خود کو محفوظ رکھیں

نامعلوم سمت سے آنے والی گولیوں یا پھر حملے سے بچنے کے لیے خود کو گھروں میں محفوظ رکھیں اور مسلسل کھڑکیوں سے تاکتے رہیں ممکن ہے کہ کسی دشمن کی گاڑی آپ کے گھر کے پاس سے گزرے اور اس پر حملہ کرنے میں آسانی ہو، اس طرح آپ کو گھر کی ڈھال میسر آئے گی جبکہ مخالفین کو کھلے میدان میں ٹف ٹائم ملے گا۔

دستی بم کا استعمال زیادہ ضروری ہے

اسی طرح اگر آپ کو لگے کہ کوئی دشمن گھر میں چھپا ہے تو اچانک داخل ہونے سے قبل گھر کی کھڑکیوں سے گرنیٹ(دستی بم) پھینکیں جو دشمن کی ہیلتھ کو شدید نقصان پہنچا سکتا ہے۔

کمپیوٹر یا پھر لپ ٹاک پر پب جی کھیلیں

دنیا بھر میں PUBG کے کھلاڑی زیادہ تر کمپیوٹر یا پھر لپ ٹاک کا استعمال کرتے ہیں کیوں کہ بڑی اسکین ہونے کے باعث کھیل میں مزا آتا ہے جبکہ مخالف ٹیم(دشمن) پر نظر رکھنے میں بھی آسانی ہوتی ہے۔

آخری زون میں لیٹ جائیں

آخر میں جس چیز کا سب سے زیادہ خیال رکھنا ہے وہ یہ ہے کہ آپ گھاس میں لیٹ جائیں، جیسے جیسے زون قریب آتا جاتا ہے ویسے ہی مخالف ٹیم سمٹ کر زون کے دائرے میں داخل ہونے لگتی ہے، ان سے بچنے کے لیے سب سے آسان طریقہ ہے کہ آپ گھاس پر لیٹ جائیں تاکہ کوئی آپ کو دیکھ نہ سکے اور آپ آسانی سے ان پر نظر رکھ کر ٹپکا سکیں۔

مذکورہ ہدایات اور مفید مشوروں پر عمل کیا جائے تو یقیناً PUBG گیم جیتنے(چکن ڈنر) میں آسانی ہوگی۔

اسمارٹ فون اور کمپیوٹر پر کھیلے جانے والے گیم PUBG کے سیزن 5 پر کام جاری ہے جس کے ٹریلر کی ویڈیو جاری کردی گئی۔

پب جی انتظامیہ کی جانب سے جاری ہونے والی ویڈیو میں دیکھا جاسکتا ہے کہ سیزن 5 میں جدید گنز، خریداری کے لیے وینڈنگ مشین اور نئی گاڑی سمیت دیگر چیزوں کو شامل کیا گیا۔

نئی اپ ڈیٹ آنے کے بعد زخمی پلیئر کا جلد علاج ممکن ہوگا جبکہ گنز تبدیل بھی جلدی تبدیل ہوسکیں گی۔ انتظامیہ کے مطابق زخمی کھلاڑی وینڈنگ مشین سے انٹریکٹ کا بٹن دبا کر درد کی دوا اور انرجی ڈرنکس حاصل کرسکے گا۔

مزید پڑھیں: معروف موبائل گیم PUBG کی اپ ڈیٹ لیک، کمپنی کی تصدیق

پب جی کے ترجمان کا کہنا تھا کہ مجموعی طور پر ہم نے سیزن 5 میں نیا میپ شامل کیا، علاوہ ازیں ریس ٹریک، جمپنگ، سائن بورڈ، سنہرے رنگ کی گولڈن مراڈو گاڑی اور دیگر جدید گنز مزید دلچسپی کا باعث بنیں گی۔

گیم جیتنے والے کھلاڑی کو بطور انعام چکن ڈنر کے ساتھ نیا مشن دیا جائے گا۔ اس کے علاوہ سیزن 5 میں انٹرفیس، فلٹر، شارٹ کیز، اسٹور اپ ڈیٹ اور فائرنگ ڈسپلے کو بھی شامل کیا گیا۔

انتظامیہ کے مطابق سیزن 5 فی الحال آزمائشی مراحل میں ہے، 23 اکتوبر کے بعد تمام صارفین کے لیے دستیاب ہوگا اور وہ کمپیوٹر پر بھی اسے کھیل سکیں گے۔

یاد رہے کہ موبائل فون کے معروف جنگی گیم ’PUBG‘ کے کھیلنے والوں کی تعداد میں دن بہ دن اضافہ ہوتا جارہا ہے جس کی تصدیق کمپنی نے گزشتہ دنوں کی۔

گیم کیسے کھیلا جاتا ہے؟

اس گیم میں دو ٹیموں کا آپس میں مقابلہ ہوتا ہے، ایک کھلاڑی سے لے کر 100 کھلاڑیوں تک کی ٹیم ہوتی ہے جو انٹرنیٹ کے ذریعے ایک دوسرے سے جڑتی ہے۔

دونوں ٹیموں کے کھلاڑی جہاز سے زمین پر اتر کر پہلے اسلحہ تلاش کرتے ہیں اور پھر سامنے والے کھلاڑی کو فائرنگ کر کے مارتے ہیں۔ فاتح کھلاڑی کو اعزاز میں ’چکن ڈنر‘ دیا جاتا ہے۔