اسلام آباد: پاکستان سیٹیزن پورٹل پر ریلیف کے حوالے سے عوام کی شکایات کے ازالے سے متعلق وزیراعظم عمران خان نے ایکشن لے لیا ہے۔
وزیراعظم آفس کی جانب سے جاری بیان کے مطابق وزیراعظم عمران خان نے ایک لاکھ 55ہزار شکایات کو دوبارہ کھولنے کا حکم دیا ہے، یہ شکایات جولائی تا دسمبر دو ہزار بیس میں دائر کی گئیں۔
وزیراعظم آفس کے مطابق وزیراعظم کی ہدایات پر شکایات کو مرحلہ وار کھولا جائے گا، نظرثانی کیلئے دوبارہ کھولی گئی شکایات اعلیٰ افسران کو تفویض کردی گئیں ہیں، نظرثانی شکایات کیلئے متعلقہ شہری سےرابطہ اور مجازافسر کی رائے لازمی قرار دے دی گئی ہے۔
وزیراعظم آفس کے مطابق پہلے مرحلے میں جائیداد، امن وامان،انسانی حقوق کی شکایات کو دوبارہ کھولاجائیگا، وفاقی اداروں کی68ہزار،پنجاب کی53ہزار شکایات پر نظرثانی ہوگی اس کے علاوہ کےپی سے15ہزار، سندھ کی13ہزار شکایات شامل ہیں۔
وزیراعظم عمران خان کا کہنا تھا کہ عوام کے مسائل کا حل اولین ترجیح ہے، شکایات کے ازالے میں کسی قسم کی کوتاہی نہ برتی جائے
یہ بھی پڑھیں: سیٹیزن پورٹل پر موصول شکایات پر 1 ہزار 30 افسران کا آڈٹ
پاکستان سیٹیزن پورٹل پر ریلیف کے حوالے سے عوام کی شکایات کے ازالے سے متعلق وزیراعظم عمران خان نے ایکشن لے لیا ، وزیراعظم کا 1 لاکھ 55 ہزار شکایات کو دوبارہ کھولنے کا حکم دے دیا ، وزیراعظم نے ہدایت کر دی کہ جولائی 2020ء سے دسمبر 2020ء تک غیر مطمئن شہریوں کی شکایات کو دوبارہ کھولا جائے۔
خیال رہے کہ پاکستان سٹیزن پورٹل پر رجسٹرڈ شہریوں کی تعداد 28 لاکھ تک پہنچ گئی ہے، 15لاکھ شہریوں نے پاکستان سٹیزن پورٹل پراظہار خیال کیا اور لاکھوں شہریوں نے سٹیزن پورٹل کے ذریعے ریلیف ملنے کی تصدیق کی۔
