بعض جسمانی خرابیوں یا نیند کے بے ترتیب شیڈول سے آنکھیں بسا اوقات سوج جاتی ہیں، ایسی پفی آنکھوں کا گھر میں ہی نہایت آسانی سے علاج کیا جاسکتا ہے۔
اے آر وائی ڈیجیٹل کے مارننگ شو گڈ مارننگ پاکستان میں ڈاکٹر کاشف نے شرکت کی اور اس کا آسان حل بتایا۔
ڈاکٹر کاشف کا کہنا تھا نیند کی کمی، بے ترتیب شیڈول یا خون کی کمی آنکھوں کی تھکن اور اس کے نیچے حلقوں کا سبب بنتی ہیں۔ پہلے ان مسائل کو حل کرنے کی ضرورت ہے۔
انہوں نے اس کے لیے ایک ٹوٹکا بھی بتایا۔ چنے کی دال کا پیسٹ، ماش کی دال کا پیسٹ اور کھیرے کا پیسٹ ملا لیں اور اس کو روز رات کو سونے سے قبل آنکھوں کے نیچے لگائیں۔
ڈاکٹر کاشف کے مطابق اسے ایک گھنٹے تک لگا کر رکھیں، کوشش کریں کہ یہ آمیزہ آنکھوں میں نہ جائے۔ ایک گھنٹے بعد سادے پانی سے دھو لیں۔
روزانہ اس عمل کو انجام دینے سے آہستہ آہستہ آنکھوں کے نیچے حلقے اور سوجن ختم ہوجائے گی۔