Tag: Punjab Assembly

کراچی : ایم کیوایم رابطہ کمیٹی نے ایم کیوایم کے خلاف پنجاب اسمبلی میں قرار داد منظور کئے جانے کی سخت الفاظ میں مذمت کرتے ہوئے کہا ہے کہ یہ عمل کسی بھی طرح ملک کے مفاد میں نہیں۔

ایک بیان میں اراکین رابطہ کمیٹی نے کہا ہے کہ پنجاب اسمبلی میں منظور کی گئی قرار داد میں ایم کیوایم کے خلاف آرٹیکل چھ کے تحت مقدمہ چلانے کی بات کی گئی۔

ان کا کہنا تھا کہ ایم کیوایم یہ پوچھنے میں حق بجانب ہے کہ آرٹیکل چھ کے تحت ان کے خلاف کارروائی کیوں نہیں کی گئی جو پاکستان کو دولخت کرنے کے ذمہ دار ہیں ؟

رابطہ کمیٹی نے کہا ہے کہ غیر ملکی میڈیا کی ایک غلط رپورٹ کو جواز بنا کر اپنے ہی ملک کی محب وطن جماعت کے خلاف پنجاب اسمبلی میں قرار داد کا منظور ہوناایک المیہ ہے۔

پاکستان بنانے اور پاکستان بنانے والوں کی اولادوں کی نمائندہ جماعت ایم کیوایم کے خلاف نفرت وتعصب کی بنیاد پر اس کا میڈیا ٹرائل کیاجارہا ہے۔

رابطہ کمیٹی نے کہاکہ رابطہ کمیٹی کا کہنا ہے کہ ایم کیوایم کو اس بات کی سزا دی جارہی ہے ایم کیوایم غریب ومتوسط طبقے کی نمائندہ جماعت ہے اور ملک کی مظلوم قومیتوں کی نمائندگی کررہی ہے جبکہ ملک میں جاگیردارانہ ،وڈیرانہ سردارانہ نظام مسلط رکھنے والے اور عوام کو غلام بنانے والے آج بھی آئین و قانون سے ماورا ہیں۔