اسلام آباد : ٹڈی دل پوری دنیا کی زراعت کیلئے خطرہ بن چکاہے، ملک کا3لاکھ مربع کلومیٹر رقبہ ٹڈی دل سے متاثرہ ہونے کا خدشہ ہے، ٹڈی دل کی نشونما کو نہ روکا گیا تو پورا ملک متاثر ہوگا۔
یہ بات حکومت پنجاب نے سپریم کورٹ میں جمع کرائی گئی رپورٹ میں بتائی۔ تفصیلات کے مطابق پنجاب حکومت نے ٹڈی دل کے حملوں سے متعلق رپورٹ سپریم کورٹ میں جمع کرادی ہے، رپورٹ میں کہا گیا ہے کہ ملک کا3لاکھ مربع کلومیٹر رقبہ ٹڈی دل سے متاثرہ ہونے کا خدشہ ہے۔
رپورٹ کے مطابق بلوچستان کا60 ،سندھ کا25، پنجاب کا15 فیصد رقبہ ٹڈی دل سے متاثر ہوسکتا ہے، ٹڈی دل کی نشونما کو نہ روکا گیا تو پورا ملک متاثر ہوگا، پنجاب اور سندھ ٹڈی دل کے پیداواری زون میں آتے ہیں، سروے سے متعلق تفصیلات بھی رپورٹ میں شامل ہے۔
رپورٹ میں کہا گیا ہے کہ48ہزار 85 ہزار، 483 ہیکٹر ایکٹر پر سروے مکمل کیا گیا، ٹڈی دل کو تلف کرنے کے لیے771 مختلف ٹیمیں کام کررہی ہیں،771ٹیمیں دو ہزار 682 افراد پر مشتمل ہیں۔
حکومت پنجاب کی رپورٹ کے مطابق ایک لاکھ، 49 ہزار، 68 ہیکٹر ایکٹر رقبے پر اسپرے کیا جاچکا ہے، ٹدی دل پوری دنیا کی زراعت کیلئے خطرہ بن چکا ہے، پنجاب کا15 فیصد ایریا ٹڈی دل سے متاثر ہوا۔
ٹڈی دل کی افزئش کی وجہ سے اسے روکنا ممکن نہیں لگ رہا، این ڈی ایم اے اور مقامی حکومت ٹڈی دل سے نبردآزما ہیں،5طیارے،50 اسپرےمشینیں اور 50 اینٹرو مولو جسٹس کی ضرورت ہے، ٹڈی دل کے خاتمے کے لیے خصوصی ٹیمیں اور گروپس تشکیل دے دیے ہیں۔
