Tag: Punjab Nahi Jaungi

کراچی : فلم جوانی پھر نہیں آنی کے فلم ساز سلمان اقبال، جرجیس سیجا، ندیم بیگ اور ہمایوں سعید کی فلم پنجاب نہیں جاؤں گی یکم ستمبر کو دھوم مچانے آرہی ہے، کراچی میں فلم کے رنگا رنگ پریمیئر شو اور ریڈ کارپٹ کا انعقاد کیا گیا۔

تفصیلات کے مطابق سال دوہزار پندرہ کی سب سے کامیاب فلم ‘جوانی پھر نہیں آنی’ بنانے والوں کی فخریہ پیشکش پنجاب نہیں جاﺅں گی’ عید الاضحیٰ پر دھوم مچانے آرہی ہے، شائقین کو فلم کا بے صبری انتظار ہے۔

سلمان اقبال فلمز، اے آروائی فلمز اور سکس سگما پلس کی مشترکہ پیشکش’پنجاب نہیں جاؤں پہلی ستمبر کودنیا بھر میں ریلیز ہوگی۔ فلم کے ہدایت کارندیم بیگ ہیں۔

کراچی میں فلم کا پریمیئر شو اور ریڈ کارپٹ منعقد کیا گیا، جس میں فلم کی کاسٹ اور شوبز کی نامورشخصیات نے شرکت کی۔

گاؤں کے لڑکے اور شہرکی لڑکی کی محبت پر مبنی فلم میں ہیروئن کو پنچاب نہ جانے کی ضد ہے۔ مذکورہ فلم کی کہانی ہمایوں سعید، مہوش حیات اور عروہ حسین کے درمیان تکونی محبت (ٹرائی اینگل) کے گرد گھومتی ہے، فلم کے دیگر کرداروں میں احمد علی بٹ اور صبا وسیم بھی شامل ہیں۔

---

 کلک کریں اورپنجاب نہیں جاؤں گی‘ کا ایک خوبصورت گانا دیکھیں

---

فلم میں پنجاب کی ثقافت اور رسم و رواج کو اجاگر کیا گیا ہے، پنجاب سے تعلق رکھنے والا ہیرو ہمایوں سعید کراچی کی رہائشی لڑکی مہوش حیات کو پسند کرنے لگتا ہے تاہم وہ شادی نہ کرنے اور کسی بھی صورت پنجاب نہ جانے کی ضد پر قائم رہتی ہے۔

---

مزید پڑھیں: بھارتی فلمساز نے ’پنجاب نہیں جاؤں گی‘ کو ونر قرار دے دیا

---

فلم کے گانے ریلیز ہوتے ہی سپر ہٹ ہوگئے۔ فلم میں رنگوں، ڈھول تاشوں، بھنگڑے باجوں، لہلہاتے کھیتوں کو منفرد انداز میں عکس بند کیا گیا ہے۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔