لاہور: صوبہ پنجاب میں سرحدی اضلاع کی پولیس کو تھرمل کیمرے اور نائٹ وژن ماؤنٹڈ گنز دیے جائیں۔
تفصیلات کے مطابق آئی جی پنجاب ڈاکٹر عثمان انور نے ایک اہم اجلاس میں لا اینڈ آرڈر اور کرائم کنٹرول سے متعلق فیصلوں پر سختی سے عمل درآمد اور اسمگلنگ، بجلی چوری، اور منشیات فروشوں کے خلاف کارروائیاں تیز کرنے کی ہدایت کی۔
اجلاس میں کچے کے علاقوں سمیت پنجاب بھر میں گینگز کے خاتمے کے لیے لائحہ عمل پر تبادلہ خیال کیا گیا، آئی جی پنجاب نے کہا کہ بھکر، میانوالی، لیہ سمیت 8 سرحدی اضلاع کو مزید محفوظ بنایا جا رہا ہے۔
انھوں نے کہا شر پسندوں کے مذموم عزائم سیکیورٹی اداروں کے ساتھ مل کر ناکام بنائیں گے، اور سرحدی اضلاع کو تھرمل کیمرے، نائٹ وژن ماؤنٹڈ گنز فراہم کریں گے، اے پی سیز، لوکیٹر، کوارڈ کاپٹرز بھی فراہم کیے جائیں گے۔
ترجمان پنجاب پولیس کے مطابق مریم نواز کے ’’محفوظ پنجاب‘‘ وژن کے تحت افسران کو ٹاسک دیے گئے ہیں، ڈکیتی، اغوا و دیگر جرائم کے خاتمے کے لیے اہداف اور ٹائم لائن بھی مقرر کیا گیا ہے۔
