لاہور : معاون خصوصی برائے وزیراعلیٰ پنجاب فردوس عاشق اعوان کا کہنا ہے کہ پنجاب روزگار اسکیم کے تحت نوجوانوں کو قرض فراہمی کاآغاز کردیا ہے، اسکیم کے تحت نوجوانوں کو ایک لاکھ سےایک کروڑتک کےآسان قرض دیے جارہے ہیں۔
تفصیلات کے مطابق معاون خصوصی برائےوزیراعلیٰ پنجاب فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا کہ بزدارحکومت کا بے روزگار نوجوانوں کو کاروبار فراہمی کی جانب اہم قدم اٹھاتے ہوئے پنجاب روزگار اسکیم کے تحت نوجوانوں کو قرض فراہمی کاآغاز کردیا ہے ، ابتدائی طور پر 400 افراد کو 18 کروڑ مالیت کے چیک دیے جا چکے ، اسکیم کے تحت نوجوانوں کو ایک لاکھ سے ایک کروڑ تک کے آسان قرض دیے جارہے ہیں۔
بزدار حکومت کا بے روزگار نوجوانوں کو اپنا کاروبار فراہم کرنے کی جانب اہم قدم؛
> پنجاب روزگار سکیم کے تحت نوجوانوں کو قرض فراہمی کا آغاز۔
> ابتدائی طور پر 400 افراد کو 18 کروڑ مالیت کے چیک دئیے جاچکے۔
> سکیم کے تحت نوجوانوں کو 1 لاکھ سے 1 کروڑ روپے تک کے آسان قرض دیئے جارہے ہیں۔— Dr. Firdous Ashiq Awan (@Dr_FirdousPTI) March 15, 2021
فردوس عاشق اعوان کا کہنا تھا کہ مردوخواتین اورخواجہ سراؤں میں30ارب سےزائدقرضےتقسیم کیےجائیں گے، اسکیم سے وزیراعظم کے وژن روزگار کے مواقع پیدا کرنے میں مدد ملے گی۔
معاون خصوصی نے مزید کہا پنجاب روزگاراسکیم بے روزگاری پر قابو پانے میں مدد دے گی، پی ڈی ایم کے سیاسی بے روزگاروں کی بے روزگاری میں مزید اضافہ ہوگا۔
> پنجاب روزگار سکیم کے تحت مرد و خواتین اور خواجہ سراؤں میں 30ارب سے زائد قرضے تقسیم کئے جائیں گے۔
پنجاب روزگار سکیم سے وزیراعظم عمران خان کے ویژن روزگار کے مواقع پیدا کرنے اور بےروزگاری پر قابو پانے میں مدد ملےگی۔ لیکن PDM کے سیاسی بے روزگاروں کی بے روزگاری میں مزید اضافہ ہوگا۔
— Dr. Firdous Ashiq Awan (@Dr_FirdousPTI) March 15, 2021
