Tag: پنجاب

بیجنگ: صوبہ پنجاب کی معیشت کے لیے اچھی خبر ہے کہ چینی کمپنی پنجاب میں روبوٹک زرعی آلات کا پلانٹ لگائے گی۔

تفصیلات کے مطابق وزیر اعلیٰ پنجاب مریم نواز کے دورہ چین کا آج پہلا روز ہے، ان کی موجودگی میں محکمہ زراعت پنجاب اور اے آئی فورس ٹیک کے درمیان ایم او یو پر دستخط ہوئے ہیں، جس کے تحت چینی کمپنی پنجاب میں روبوٹک زرعی آلات کا مینوفیکچرنگ پلانٹ لگائے گی۔

وزیر اعلیٰ پنجاب نے اے آئی فورس ٹیک کے بانی ڈاکٹر ہان اور سی ای او سے ملاقات کی، اور انھیں مینوفیکچرنگ پلانٹ لگانے کے سلسلے میں بھرپور تعاون کی یقین دہائی کرائی، مریم نواز نے انھیں پنجاب میں جدید زرعی اصلاحات کے بارے میں بھی آگاہ کیا۔

وزیر اعلیٰ نے روبوٹک ٹیکنالوجی سے مزین جدید ترین زرعی آلات کا معائنہ کیا، اور زراعت سیکٹر میں روبوٹک مشینری، اور ٹولز متعارف کرانے کے عزم کا اظہار کیا، ان کا کہنا تھا کہ پنجاب میں زراعت کی جدید ٹیکنالوجی اپنا کر کاشتکار کو خوش حال بنانا ہمارا عزم ہے۔

دریں اثنا، وزیر اعلیٰ پنجاب کی دعوت پر اے آئی فورس ٹیک کا وفد جلد پنجاب کا دورہ کرے گا۔

لاہور: وزیر اعلیٰ پنجاب مریم نواز نے ہیلتھ سسٹم میں بنیادی اصلاحات کا جامع پلان طلب کرتے ہوئے 10 روز کے اندر سمال ٹرم، میڈیم ٹرم اور لانگ ٹرم اصلاحات پیش کرنے کی ہدایت کر دی۔

مریم نواز کی زیرِ صدارت خصوصی اجلاس میں فری میڈیسن کی فراہمی، ویئر ہاؤس پراجیکٹ، پنجاب ہیلتھ انیشیٹو مینجمنٹ کمپنی اور یونیورسل ہیلتھ انشورنس اور دیگر امور سے متعلق تفصیلی جائزہ لیا گیا۔ ہیلتھ سسٹم میں بنیادی اصلاحات کیلیے اعلیٰ سطح وزراتی کمیٹی قائم کی گئی۔

وزیر اعلیٰ نے ہیلتھ کیلیے درکار فنڈز کی فوری ریلیز اور چلڈرن ہارٹ سرجری کیلیے بیرون ملک سے سرجنز بلوانے کیلیے اقدامات کی ہدایت کی جبکہ چلڈرن ہارٹ سرجری کیلیے پوسٹ گریجوایٹ کی ڈاکٹرز کی سیٹیں بڑھانے کیلیے اقدامات کا بھی حکم دیا۔

انہوں نے مریضوں کو ادویات ہر صورت گھر تک پہنچانے کی ہدایت کی، فری میڈیسن گھر گھر پہنچانے کیلیے کوریئر کمپنی کی کارکردگی پر عدم اعتماد کا اظہار کیا اور ہر بی ایچ یو میں ڈاکٹرز کی 100 فیصد حاضری یقینی بنانے کی ہدایت کی۔

اجلاس میں طے کیا گیا کہ مریم نواز ہیلتھ کلینک میں الٹراساؤنڈ، ای سی جی، سولرائزیشن، سی سی ٹی وی کیمرے بھی ہوں گے جبکہ ڈاکٹرز کو کلینک میں ایکسرے سمیت دیگر اضافی طبی ٹیسٹ کی سہولت دینے پر ادائیگی کی جائے گی۔ چلڈرن ہارٹ سرجری کیلیے مزید 7 پرائیویٹ اسپتال پینل میں شامل کرنے کی ہدایت کی۔

بے نظیراور مریم نواز میں بنیادی فرق

وزیر اعلیٰ پنجاب نے اس موقع پر کہا کہ بچوں کی ہارٹ سرجری کیلیے کسی بھی صورت میں کوالٹی آف سرجری پر سمجھوتا نہ کیا جائے، ہیلتھ سسٹم میں اصلاحات وقت کی اہم ضرورت ہے، بنیادی ہیلتھ اصلاحات پر عملدرآمد کا وقت آگیا ہے، ہیلتھ سسٹم میں بار بار درپیش مسائل کا تدارک بے حد ضروری امر ہے، ہر اسپتال کیلیے درکار ضروری ریفارمز بھی کی جانی چاہئیں۔

انہوں نے مزید کہا کہ سرکاری اسپتالوں سے ادویات کا چوری ہونا شرم ناک ہے ذمہ داروں کو عبرت کا نشان بنائیں گے، سرکاری اسپتالوں میں ادویات ختم ہونے سے پہلے پیشگی اطلاع کا سسٹم ہونا چاہیے، مریض کا بغیر علاج اور ادویات واپس جانا ناکامی کے مترادف ہے، نشتر اسپتال میں بری حالت دیکھ کر دنگ رہ گئی اور راہ داریوں میں بھی مریض بھرے تھے۔

لاہور: پنجاب بھر میں تمام گاڑیوں کے لیے فٹنس سرٹیفکیٹ لازمی قرار دے دیا گیا۔

وزیر اعلیٰ پنجاب مریم نواز نے اینٹی اسموگ پلان کے تحت سرکاری اور نجی تمام گاڑیوں کی پڑتال کا فیصلہ کیا ہے، اب گاڑیوں کو فٹنس سرٹیفکیٹ اتھارٹی سے تصدیق نامہ حاصل کرنا ہوگا۔

اس سلسلے میں صوبائی وزارتوں کے سیکریٹریز اور پنجاب بھر کے کمشنرز کو ایک حکم نامہ بھجوا دیا گیا ہے، جس میں تمام وزارتوں اور محکموں کو 30 جنوری تک گاڑیوں کا معائنہ کرانے کی ہدایت کی گئی ہے۔

نوٹیفکیشن میں کہا گیا ہے کہ وزارتوں اور ذیلی محکموں کے زیر استعمال گاڑیوں کے فٹنس سرٹیفکیٹ حاصل کیے جائیں۔

واضح رہے کہ پنجاب حکومت نے اسموگ کی صورت حال پر قابو پانے کے لیے خراب انجن اور زیادہ دھواں چھوڑتی گاڑیوں کے روٹ پرمٹ منسوخ کرنے کا بھی فیصلہ کیا ہے۔ جمعہ اور اتوار کو ٹرکوں، بسوں اور بھاری گاڑیوں کے لاہور میں داخلے پر پابندی بھی عائد کر دی گئی۔ گزشتہ روز خراب انجن اور زیادہ دھواں دینے والی ایک ہزار سے زائد گاڑیوں کی چیکنگ کی گئی، اور 144 گاڑیاں بند کر دی گئیں۔

خراب انجن اور زیادہ دھواں چھوڑتی گاڑیوں کے روٹ پرمٹ منسوخ کرنے کا فیصلہ

پنجاب کی سینیر وزیر مریم اورنگزیب نے کہا کہ ٹھوس پالیسی سے صوبے کا ماحولیاتی مستقبل بہتر ہوگا، آج کے اقدامات اسموگ کے خاتمے کی بنیاد بنیں گے، ان کا کہنا تھا کہ فضائی آلودگی کے خلاف جنگ شہریوں کی زندگی کے تحفظ کی جنگ ہے۔

لاہور : محکمہ انسدادِ دہشت گردی (سی ٹی ڈی) نے پنجاب کے مختلف شہروں سے 34 دہشت گردوں کو گرفتار کرلیا ، جن میں 11 انتہائی خطرناک دہشت گرد شامل ہیں۔

محکمہ انسدادِ دہشت گردی (سی ٹی ڈی) نے رواں ماہ میں پنجاب میں آپریشنز کے دوران 34 دہشت گردوں کو گرفتار کرلیا ، ترجمان نے بتایا کہ کارروائیاں لاہور، بہاولنگر، بہاولپور، فیصل آباد اور دیگر شہروں میں کی گئیں۔

ترجمان کا کہنا تھا کہ لاہور سے 11 انتہائی خطرناک دہشت گرد گرفتار ہوئے ، دہشت گردوں سے باروی مواد اور اہم عمارتوں کے نقشے برآمد کرلیے گئے۔

رواں ماہ کے آغاز میں پنجاب کے مختلف شہروں میں کاؤنٹر ٹیررازم ڈپارٹمنٹ نے چھاپہ مار کارروائیوں کے دوران 12 دہشت گردوں کو گرفتار کرلیا تھا۔

ترجمان  کا کہنا تھا گرفتار دہشت گردوں سے اسلحہ اور بارودی مواد برآمد کیا گیا، دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے۔

اس سے قبل لاہور کے علاقے میانوالی مکڑوال کے قریب انٹیلی جنس بیسڈ کارروائی میں فتنہ الخوارج کے سات دہشت گرد ہلاک اور آٹھ فرار ہوگئےتھے، سی ٹی ڈی نے میانوالی کو بڑی تباہی سے بچا لیا تھا۔