Tag: پنجاب

لاہور: پنجاب میں پہلا پبلک سیکٹر مونٹیسوری شروع کرنے کا فیصلہ کیا گیا ہے، مریم نوازنے پنجاب اسکول ری آرگنائزیشن پروگرام کی منظوری دیدی۔

وزیراعلیٰ پنجاب مریم نواز شریف کی زیرصدارت اجلاس ہوا، وزیراعلیٰ کی جانب سے سرکاری اسکولوں میں ہفتہ وار اور ماہانہ ’’مقابلے‘‘ شروع کرنے کا حکم دیا گیا ہے، مریم نواز نے 14 ہزار اے ای اوز اور ایس ایس ای کی ریگولرلائزیشن کا پلان بھی طلب کرلیا ہے۔

سرکاری اسکولوں کے ایک ہزار گراؤنڈز کی 6 ماہ میں تعمیر و بحالی کا ہدف مقرر کیا گیا ہے، پنجاب بھر میں ضروریات کا تعین کرنے کیلئے اسکولوں کی جامع میپنگ کرنے کی ہدایت کی گئی ہے۔

گرین اسکول پروگرام کے اجراکا فیصلہ بھی ہوا ہے جس کی وزیراعلیٰ مریم نواز نے منظوری دے دی ہے، اسکولوں کی مانیٹرنگ کیلئے ارکان صوبائی اسمبلی کو ڈیوٹیاں تفویض کرنے کا حکم دیا گیا ہے۔

سرکاری اسکولو ں میں ٹیچر میٹنگ، سہ ماہی اسٹوڈنٹ رپورٹ کارڈ کے اجرا پر اتفاق ہوا ہے، اسکول سسٹم کی ری ویمپنگ کیلئے جامع اسکول ایجوکیشن پالیسی تیار کرنے کی ہدایت کی گئی ہے۔

مریم نواز نے کہا کہ سزا اور جزا کے عمل کے بغیر سسٹم میں بہتری نہیں لائی جاسکتی، ایجوکیشن کیلئے فنڈز کی کمی نہیں آنے دی جائے گی، ہر ڈسٹرکٹ میں ارلی چائلڈ ہڈ ایجوکیشن سینٹر آف ایکسی لینس قائم کیا جائیگا۔

لاہور : پنجاب کی تاریخ کے سب سے بڑے ٹیکس فری سرپلس بجٹ کی منظوری دے دی گئی، بجٹ میں کوئی نیا ٹیکس نہیں۔

تفصیلات کے مطابق وزیر اعلیٰ پنجاب مریم نواز کی زیر صدارت صوبائی کابینہ کا 9 واں اجلاس ہوا، جس میں پنجاب کی تاریخ کے سب سے بڑے ٹیکس فری سرپلس بجٹ کی منظوری دے دی گئی۔

پنجاب کے نئے بجٹ میں کوئی نیا ٹیکس نہیں نہ ہی موجودہ ٹیکسز کی شرح میں اضافہ ہوا ، ٹیکس بڑھائے بغیر مالیاتی ذرائع سے ریونیومیں 53 فیصد کا اضافہ کیا گیا ہے۔

پنجاب کابینہ نے 5446ارب روپے کے بجٹ دستاویزکی منظوری دے دی ، 842 ارب روپے ڈیولپمنٹ اخراجات اور 630ارب کےسرپلس بجٹ کی منظوری دی، سالانہ ڈیویلپمنٹ پلان میں 77نئے میگا پراجیکٹ شامل ہوں گے۔

پنجاب کی تاریخ کے سب سے بڑے ترقیاتی پیکیج ، صوبائی کابینہ نے 842ارب روپے کے ریکارڈ ترقیاتی بجٹ کی منظوری دی۔

سابقہ ریونیو ہدف 625ارب روپےجبکہ موجودہ ہدف 960 ارب روپے مقرر کیے گئے ہیں ، 960 ارب ریونیو صوبہ اپنے ذرائع سے اکٹھا کرے گا۔

کم ازکم اجرت 32ہزار سے بڑھا کر 37ہزار روپے کرنے کی منظوری ، تنخواہوں میں 20سے 25 فیصد او رپنشن میں 15فیصد اضافے کی منظوری دی۔

مینارٹی ڈیولپمنٹ فنڈ میں پہلی بار ایک ارب روپے. سوشل پروٹیکشن کیلئے 130 ارب روپے مختص، 110ارب روپے کا ریکارڈ اضافہ کیا، گندم کا قرض 375 ارب روپے کی ادائیگی کی منظوری، سودکی مد میں 54 ارب سے زائد بچت ہوگی۔

لیپ ٹاپ اسکیم کیلئے 6ارب روپے،پی کےایل آئی انڈومنٹ فنڈ کیلئے 5ارب روپے ، سپلیمنٹری گرانٹ کیلئے 268 ارب روپے ، مالی سال2023-24کےسپلیمنٹری بجٹ اسٹیٹمنٹ اور زرعی آلات کیلئے 26 ارب، کسان کارڈ 10 ارب روپے کی منظوری دے دی۔

سی ایم گرین ٹریکٹرپروگرام کیلئے30 ارب، سی ایم ڈسٹرکٹ ایس جی ڈی پروگرام کیلئے 80 ارب ، ڈیولپمنٹ کیلئے35 ارب، مری کے لئے 5ارب روپے، لائیو اسٹاک کارڈ کیلئے 2 ارب، ہمت اور نگہبان کارڈ کیلئے 2ارب ، ری سٹرکچرنگ ایجوکیشن کیلئے 26ارب روپے کی منظوری دی۔

لاہور : پنجاب میں خسرہ کے کیسز اور اموات میں تیزی سے اضافہ ہورہا ہے، وبا سے اموات کی تعداد28 تک پہنچ گئی ہے۔

تفصیلات کے مطابق پنجاب میں خسرہ کی وبا بےقابو ہوگئی، کیسز اور اموات میں تیزی سے اضافہ ہورہا ہے۔ْ

مرض کا شکار مزید دو بچے دم توڑ گئے، جس کے بعد صوبےمیں خسرہ سے اموات کی تعداد اٹھائیس تک پہنچ گئی ہے۔

محکمہ صحت نے بتایا کہ گیارہ ہزار سے زائدمشتبہ کیسز،،جبکہ تین ہزار چارسوکنفرم مریض ہیں، مجموعی تعداد تین ہزارچارسوساٹھ تک پہنچ چکی ہے۔

گزشتہ روز خسرہ کے پونے300 مشتبہ کیسزرپورٹ ہوئے، لاہور سے انتالیس، گوجرانوالہ سےدس، وہاڑی سےچھبیس، شیخوپورہ سے ستائیس اور فیصل آباد سے تینتیس مشتبہ مریض سامنے آئے۔

عالمی ادارہ صحت کی ایک حالیہ رپورٹ میں کہا گیا ہےکہ پاکستان دنیا بھر میں خسرے کی وبا سے سب سے زیادہ متاثر ہونےوالےدس ممالک میں شامل ہوگیا ہے۔

ملک میں گزشتہ سال میں جولائی سےدسمبرکےدرمیان سات ہزار سے زیادہ افراد خسرےکاشکار ہوئے تھے۔

طبی ماہرین کے مطابق جسم پرسرخ دانوں، بخار، کھانسی، نزلے اور زکام خسرہ کی علامات ہیں، اکثر والدین جسم پر دانوں کو چکن پاکس سمجھ کربچوں کواسپتال نہیں لےجاتے ، اگرتین یا چاردن تک بخارنہ اُترے اورکھانسی ختم نہ تووالدین بچوں کوفوری ڈاکٹر کے پاس لے جائیں۔

لاہور : پنجاب مین طوفانی بارش نے تباہی مچادی ، مختلف حادثات میں آٹھ افرادجاں بحق اور چالیس سےزائد زخمی ہوگئے۔

تفصیلات کے مطابق پنجاب کےکئی شہروں میں طوفانی بارشوں میں مختلف حادثات میں آٹھ افراد جاں بحق اور چالیس سےزائد زخمی ہوگئے۔

شدید طوفانی ہواؤں کے باعث کئی سائن بورڈز ، دیواریں اور چھتیں گرگئیں ، جس کے نتیجے میں لوگ جاں بحق اور زخمی ہوئے۔

گوجرانوالہ میں دیواریں اورچھتیں گرنےسےدوبچوں سمیت چار افراد جاں بحق جبکہ سات زخمی ہوئے۔

نارووال میں تیز آندھی اور طوفان کے باعث دیواریں، درخت اور بجلی کے کھمبے گرنے سے خواتین سمیت 30 افراد زخمی ہوئے جبکہ ملتان میں چھت گرنے سے میاں بیوی اور تین بچے زخمی ہوئے۔

ساہیوال، بہاولنگر، چیچہ وطنی اوردیپالپور میں بھی بادل جم کر برسے۔

لاہور میں گرد و غبار کے طوفان کے ساتھ بارش ہوئی، جس سے درجہ حرارت میں کمی ہوگئی ہے۔

محکمہ موسمیات کا کہنا ہے کہ ملک کے بالائی اور وسطی علاقوں کو متاثر کرنے والی مغربی لہر کے اثرات کے تحت آئندہ تین روز کے دوران پنجاب کے کئی شہروں میں بارش کا سبب بنیں گے۔

لاہور : پنجاب بھر میں آج سے پلاسٹک بیگ پر پابندی لگا دی گئی ہے، صوبے میں کوئی انڈسٹری پلاسٹک بیگ نہیں بنائے گی۔

تفصیلات کے مطابق وزیراعلیٰ پنجاب مریم نواز کی ہدایت پر صوبے بھرمیں آج سے”سے نو ٹو پلاسٹک” مہم کا آغاز ہوگیا۔

مریم اورنگزیب کی جانب سے کہا گیا ہے کہ وزیراعلیٰ نےپالیسیز،کیسز،ریسرچ اسٹڈیزپرایکشن پلان بنایا، آج پورےپنجاب میں پلاسٹک بیگ پرپابندی لگادی گئی ہے ، اب آپ نے پلاسٹک کواستعمال نہیں کرناعادت کوتبدیل کرناہے، پلاسٹک جلتاہےتواس سےپیداہونےوالی گیس کینسرکاسبب بنتی ہے۔

غیر قانونی پلاسٹک بیگ کی تیاری،،پروڈیکشن، تریسل اورخریدوفروخت پر پابندی کے لیےمیکنزم پرسختی سے عملدرآمد کے لیے اقدامات کیے جائیں گے۔

ہوٹلوں، ریسٹورنٹس اوردیگرفوڈ پوائنٹس پرگاہکوں کوپلاسٹک بیگ میں کھانا دینے پر سخت پابندی ہوگی اور خلاف ورزی کرنےوالے ہوٹلوں کے خلاف مکمل کریک ڈاؤن کیا جائے گا ساتھ ہی مالکان کے خلاف قانونی کارروائی اوربھاری جرمانے ہوں گے۔

دکانداروں کا کہنا ہے کہ حکومت پلاسٹک بیگز کے متبادل فراہم کرے تاکہ انکی دکانداری متاثر نہ ہو۔

دوسری طرف وزیراعلیٰ پنجاب مریم نوازشریف نے ماحولیاتی تحفظ کےعالمی دن کےموقع پر پیغام دیتےہوئے کہا ماحولیاتی آلودگی پاکستان سمیت دنیا بھر کے لئے چیلنج ہے، اقوام عالم کو مل کر قدرتی ماحول پر اثرانداز ہونے والے عوامل پر قابو پانا ہوگا، عوام کرہ ارض کی حفاظت کے مشن میں ہمارا ساتھ دیں۔

مریم نوازشریف کا کہنا تھا کہ پنجاب حکومت نے آج سے پلاسٹک کےاستعمال، پروڈکشن، فروخت اور تجارت پر پابندی عائد کردی ہے۔ پلاسٹک کے استعمال سےماحول اور انسانی صحت پر مضر اثرات مرتب ہو رہے ہیں۔نو ٹو پلاسٹک مہم کا مقصد ماحولیاتی آلودگی کو کم کرنا اور ماحول دوست اقدامات کا فروغ ہے۔

انھوں نے کہا کہ پلاسٹک پر پابندی کی پالیسی کو سختی سے نافذ کیا جائے گا جبکہ ہوٹلوں، ریستورانوں اور کھانے پینے کی جگہوں پر پلاسٹک کے تھیلوں کے استعمال پر پابندی ہوگی ساتھ ہی پلاسٹک بیگ کی جگہ ماحول دوست متبادل جیسے کاٹن بیگ کو استعمال میں لایا جائے۔