Tag: پنجاب

راولپنڈی : راولپنڈی کے علاقے دوسحرا گراؤنڈ کےقریب فائرنگ کرکے ایک شخص محمد آصف کوقتل کردیا گیا ہے،مقتول کی ایک ماہ ہی قبل شادی ہوئی تھی۔

تفصیلات کے مطابق سحرا گراؤنڈ میں نامعلوم افراد نے فائرنگ کر کے ایک شخص محمد عثمان کو شدید زخمی کردیا گیا،جائے وقوعہ پر موجود لوگوں نے زخمی کو قریبی اسپتال پہنچایا۔

اسپتال انتظامیہ کے مطابق فائرنگ کے نتیجے میں زخمی ہونے والے شخص کو طبی امداد دی جا رہی تھی کہ وہ جانبر نہ ہو سکا،جاں بحق شخص کی موت کی وجہ خون کا زیادہ بہہ جانا تھا،مقتول کی لاش کا پوسٹ مارٹم کر کے میت ورثاء کے حوالے کردیا گیا ہے۔

پولیس کا کہنا ہے کہ فائرنگ سے جاں بحق ہونے والے شخص محمد عثمان کی ایک ماہ قبل ہی شادی ہو ئی تھی ، اہل خانہ شدت غم سے نڈھال ہیں اس لیے کسی کا بیان نہیں ہے تا ہم جائے وقعہ سے ابتدائی شواہد جمع کر کے تحقیقات کا آغاز کردیا ہے۔

پولیس ذرائع نے خدشہ ظاہر کیا جا رہا ہے کہ مقتول کو خاندانی رنجش کی بناء پربھی قتل کیا جاسکتا ہے اس ذاویے سے بھی تحقیقات کر رہے ہیں تا ہم ابھی حتمی طور پر کچھ نہیں کہا جاسکتا۔

پاک پتن: چشتیہ سلسلے کے معروف بزرگ حضرت با با فرید الدین مسعود گنج شکرؒ کے 774 ویں عرس مبارک پر بعد نماز عشاء سجادہ نشین دیوان مودود مسعود چشتی فاروقی نے ولی عہد سجادہ نشین دیوان احمد مسعود چشتی کے ہمراہ بہشتی دروازہ کی قفل کشائی کی۔

آفتاب ولایت بابا فرید الدین مسعود گنج شکر کی زندگی پر ایک نظر

تفصیلات کے مطابق ہر سال کی طرح اس سال بھی چشتیہ سلسلے کے معروف بزرگ حضرت بابا فرید الدین مسعود گنج شکرؒ کے مزار مبارک کے جنتی دروازے کی قفل کشائی آج بعد نماز عشاء سجادہ نشین دیوان مودود مسعود چشتی فاروقی نے ولی عہد سجادہ نشین دیوان احمد مسعود چشتی کے ہمراہ کی۔

دروازہ کھولنے کے بعد سجادہ نشین اور ولی عہد نے مزار شریف پر دعا کی اور شکر، کوڑیاں سمیت منتی کلاوے اور دیگر تبرکات تقسیم کیے۔

دروزے سے پاکستان تحریک انصاف کے چیئرمین عمران خان بھی گزرے۔

اے آر وائی ڈیجیٹل نیٹ ورک کے تحت کیو ٹی وی پر دروازہ کھلنے کی براہ راست نشریات دی گئیں۔تقریب میں کیو ٹی وی کے میزبان صاحب زادہ تسلیم احمد صابری نےجنتی دروازے کی تاریخ بیان کی جب کہ کیو ٹی وی کے مفتی سہیل رضا امجدی نے جنتی دروازے کی اہمیت پر روشنی ڈالی۔

مزار شریف کی پُرنور فضا نعرہ تکبیر اللہ اکبر اور حق فرید ؒ یا فریدؒ کے نعروں سے معطر رہی اور زائرین مزار شریف میں اپنی حاجات کے حصول کے لیے دعائیں کیں ،کہیں فاتحہ خوانی ہوئی تو کہیں قبر نوار پر چادر چڑھائی گئیں۔

اس موقع پرسجادہ نشین کی جانب سے ملک کی ترقی اور خوشحالی کے لیے خصوصی دعائیں بھی مانگی گئیں، بہشتی دروازہ مسلسل 5 راتوں تک کھلا رہے گا جس سے عقیدت مند گزریں گے۔

اندازہ ہے کہ اس سال پہلی رات کو تقریباً دو لاکھ کے قریب زائرین بہشتی دروازے سے گزرنے کی سعادت حاصل کریں گے اس حوالے سے ڈی پی او پاکپتن نے بتایا ہے کہ عرس بابا فرید ؒ پر آنے والے زائرین کی سیکیورٹی کے فول پروف انتظامات کیے گئے ہیں۔

بہشتی دروازے کی قفل کشائی کی تقریب میں پیر سید طاہر نظامی، پیر سید ناظم علی نظامی آستانہ عالیہ خواجہ نظام الدین اولیاءؒ (بھارت)، پیر بلال احمد چشتی آستانہ عالیہ اجمیر شریف (بھارت)، پیر سید معین الحق، پیر احسام الدین آستانہ عالیہ گولڑہ شریف اور سید عبدالمصطفے حسن چشتی سجادہ نشین چشتیاں کامونکی سمیت ممتاز صاحبان طریقت اور شریعت اور دنیا بھر سے آئے ہوئے زائرین شرکت کے لیے پہنچ چکے ہیں۔