Tag: پنجاب

لاہور : پنجاب کی سینئر وزیر مریم اورنگزیب کی زیرصدارت اجلاس میں پنجاب کواسموگ فری بنانے اور پلاسٹک بیگز کے خاتمے کیلئے پلان کی تیاری کی ہدایت کردی۔

تفصیلات کے مطابق پنجاب کی سینئر وزیرمریم اورنگزیب کی زیرصدارت اجلاس ہوا ، جس میں پنجاب کواسموگ فری بنانے اور پلاسٹک بیگزکےخاتمےکیلئےپلان کی تیاری کی ہدایت کردی۔

اجلاس میں فضائی آلودگی کےخاتمےکیلئے نجی شعبے کے اشتراک سےپلان بنانےکی منظوری دیتے ہوئے ماحولیاتی تحفظ کے ادارےای پی اےکو فعال بنانے اور ڈیجیٹلائز کرنے کا فیصلہ کرلیا۔

کاربن کریڈٹس اور کاربن فنانسگ کا اسٹرکچر فاسٹ ٹریک پرتیار کرنےکی ہدایت کرتے ہوئے کہا پنجاب فارسٹ ایکٹ کوموجودہ تقاضوں کےمطابق بنانے کیلئےترمیم کرنے کا بھی فیصلہ کیا گیا۔

اجلاس میں پنجاب کی تاریخ کا پہلا زولوجیکل سروے کرانے کی بھی منظوری دیدی گئی اور کہا گیا کہ پنجاب میں جانوروں کی اقسام، تعداداورعلاقوں کامکمل ڈیٹاجمع کیاجائے گا۔

لاہور میں پہلی بین الاقوامی مچھلی منڈی بنانے کا بھی فیصلہ کرتے ہوئے کہا محکمہ وائلڈلائف کوجدیدمعیاراورٹیکنالوجی کے ساتھ اپ گریڈ کرنے کی منظوری دے دی گئی۔

پنجاب کی پہلی ڈیجیٹل وائلڈ لائف آرکائیوز بنانے کا فیصلہ کرتے ہوئے پہلی وائلڈلائف پروٹیکشن فورس بنانے اور وزیراعلی کے پلانٹ فار پاکستان وژن پر عمل درآمد کی بھی منظوری دی۔

اجلاس میں نصاب میں ماحولیاتی تبدیلی، جنگلات اورجنگلی حیات کےمضامین شامل کرنےکا فیصلہ کرتے ہوئے کہا گیا کہ ماحولیاتی تبدیلیوں سے متعلق پرائمری، سیکنڈی اور ڈگری پروگرام شروع کیے جائیں گے۔

لاہور : پنجاب میں سینئر بیوروکریٹس کے بڑے پیمانے پر تبادلے کردیئے گئے ، پرنسپل سیکرٹری ٹو گورنر پنجاب نبیل اعوان کو چیئرمین پلاننگ اینڈ ڈویلپمنٹ، فواد حسن ربانی کو ایڈیشنل چیف سیکریٹری جنوبی پنجاب تعینات کردیا گیا۔

تفصیلات کے مطابق پنجاب میں صوبائی سیکرٹریوں اور سینئر بیوروکریٹس کے تبادلے کردیئے گئے۔

پنجاب حکومت کی جانب سے جاری نوٹی فکیشنز مین بتایا کہ کیپٹن (ر) ثاقب ظفر پرنسپل سیکرٹری ٹو گورنر پنجاب، کیپٹن (ر) اسد اللہ خان صوبائی سیکرٹری ہائوسنگ اینڈ اربن ڈویلپمنٹ، فلائیٹ لیفٹینٹ (ر) افتخار علی ساہو کو صوبائی سیکرٹری ایگریکلچر، شکیل احمد میاں سیکرٹری بلدیات، نور الامین مینگل کو ایڈیشنل چیف سیکرٹری محکمہ داخلہ پنجاب تعینات کردیا گیا۔

نوٹی فکیشنز میں کہنا تھا کہ جاوید اختر محمود سیکرٹری اوقاف، ناصر اقبال ملک چیف اکانومسٹ محکمہ پی اینڈ ڈی، علی بہادر قاضی سیکرٹری انسانی حقوق، ڈاکٹر شعیب اکبر سیکرٹری ایم پی ڈی ڈی، ڈاکٹر طاہر رضا بخاری ڈی جی اوقاف، اقبال حسین سیکرٹری سوشل ورکز، محمد عثمان سی ای او پنجاب پبلک پرائیویٹ پارٹنر شپ، معظم اقبال سپرا سیکرٹری خوراک، ظہورحسین سیکرٹری آرکائیو، مظفر خان سیکرٹری سپورٹس، ڈاکٹر آصف طفیل سیکرٹری پی اینڈ ڈی، پرویز اقبال ڈی جی سپورٹس لگادیا گیا۔

نوٹی فکیشنز کے مطابق سیکرٹری ہائر ایجوکیشن خالد سلیم، سیکرٹری سکولز محمد احسن وحید کو او ایس ڈی کردیا گیا جبکہ ڈاکٹراحتشام انور سیکرٹری سکولز، ڈاکٹر فرخ نوید سیکرٹری ہائر ایجوکیشن، مدثر ریاض ملک ڈی جی وائلڈ لائف، دانش افضال سیکرٹری عملدرآمد وزیراعلیٰ سیکرٹریٹ تعینات کیا گیا۔

اس کے علاوہ آمنہ منیر ڈی جی سوشل ویلفیئر، شاہدہ فرخ نوید ڈی جی سپیشل ایجوکیشن، منیب الرحمن سپیشل سیکرٹری محکمہ ہائر ایجوکیشن، خالد نذیر سپیشل سیکرٹری محکمہ سکولز ایجوکیشن تعینات کردیا گیا ہے۔